Monday, June 30, 2008

Diabetes Management and Complications

Diabetes Management

ဆီးချိုကြောင့် ဖြစ်လာနိုင်သည့် နောက်ဆက်တွဲရောဂါများ ကာကွယ်ခြင်းဖြစ်ပြီး သွေးထဲရှိ သကြားဓါတ်ကို အမြဲတမ်း ပုံမှန်ဖြစ်နေစေရန် ထိန်းညှိ ပေးခြင်း ဖြစ်သည်။ ဆီးချို ရောဂါသည် သွေးထဲ သကြားဓါတ် အလွန်အမင်း များခြင်း အပေါ်တွင် အရင်းခံသော်လည်း Diabetes Complication သည် သွေးထဲသကြားဓါတ် အလွန်အမင်း နည်းသည့်အခါတွင်လည်း ဖြစ်သောကြောင့် နှစ်ခုစလုံးကြောင့် ဖြစ်လာနိုင်သည့် အန္တရာယ်များကို ရောဂါသည်များ ကောင်းစွာ နားလည်ထားရမည်။ သို့မှသာ ရုတ်တရက်နှင့် နာတာရှည် နောက်ဆက်တွဲ ပြဿနာများ (Acute & Chronic complications) များကို ကောင်းစွာ ကာကွယ်နိုင်မည် ဖြစ်ပြီး ဤသို့ ကာကွယ်ခြင်း သည်ပင် Diabetes Management ဖြစ်သည်။


Management

ဆီးချိုရောဂါအား ကောင်းစွာ နှိမ်နှင်းရန် ဝေဒနာရှင်သည် ဘ၀ နေထိုင်မှု ပုံစံကို မဖြစ်မနေ ပြောင်းလဲရမည် ဖြစ်ပြီး အာဟာရကို မှန်ကန်စွာ စားသုံခြင်း၊ ကာယ လေ့ကျင့်ခန်းကို ပုံမှန်လုပ်ခြင်းနှင့် ဆေးဝါး အသုံးပြုခြင်းဖြင့် သွေးထဲ သကြားဓါတ်ကို ပုံမှန် ဖြစ်အောင် ကောင်းစွာ ထိန်းချုပ်ရမည်။ သို့သော် Type 1 နှင့် Type 2 သည် ဆဲလ်များ၏ အင်ဆူလင် ဟော်မုန်းအပေါ် တုန့်ပြန်မှု မတူညီခြင်း၊ Type 1 သည် ကိုယ်အလေးချိန် လျှော့သည့် လက္ခဏာရှိပြီး Type 2 တွင် အ၀လွန်သူ အများစု ဖြစ်ခြင်းနှင့် တခြား သွေးတိုး၊ နှလုံး ရောဂါများနှင့်လည်း တွဲနေနိုင်ခြင်း စသည့် အမျိုးအစား နှစ်ခုအကြား မတူ ကွဲပြားသည့် အချက်များ ရှိသောကြောင့် ဆေးဝါးကုသမှု (Medical Treatment) တွင် အနည်းငယ် ကွာခြားပါသည်။

ကိုယ်အလေးချိန်

ပထမဦးစွာ ဆေးလိပ် သောက်သူဖြစ်ပါက ဆေးလိပ် ဖြတ်ရမည် ဖြစ်ပြီး အ၀လွန်သော Type 2 သမားများသည် ကိုယ်အလေးချိန်ကို လျှော့၍ ပိန်လွန်းသော Type 1 သမားများသည် ကိုယ်အလေးချိန် ပုံမှန် ဖြစ်အောင် လုပ်ရမည်။ လူတယောက်တွင် ရှိသင့်သည့် ကိုယ်အလေးချိန်ကို Body Mass Index (BMI) ဖြင့် တိုင်းတာပြီး BMI 20-25 အထိကို ပုံမှန် ရှိသင့်သော ကိုယ်အလေးချိန်အဖြစ် သတ်မှတ်ထားပါသည်။ တွက်နည်းမှာ ကိုယ်အလေးချိန် ကီလိုဂရမ်ကို အရပ် စတုရန်းမီတာဖြင့် စား၍ (kg/m2) ရရှိသော အဖြေဖြစ်သည်။ ဥပမာ ကိုယ်အလေးချိန် 51kg နှင့် အရပ် 155cm=1.55m ရှိသူအတွက် 51/(1.55)2 = 21.2 ဖြစ်ပါသည်။ ထို့ကြောင့် အဟာရနှင့် လေ့ကျင့်ခန်းဖြင့် ဆီးချိုရောဂါ သမားများသည် ကိုယ်အလေးအချိန်ကို BMI 20-25 အတွင်း ထိန်းနိုင်လျင် နောက်ဆက်တွဲ ပြဿနာ များကို တစိတ်တဒေသ အားဖြင့် ကာကွယ်ပြီးသား ဖြစ်ပါသည်။ Type 2 Diabetes ကို ပုံမှန် ကိုယ်အလေးချိန် ထိန်းပြီး ရာနှုန်းပြည့် နီးပါး ကာကွယ်နိုင်သည်။

အာဟာရ

ဆီးချိုရောဂါအတွက် အာဟာရ သီးသန့် သတ်မှတ်ထားခြင်း မရှိ်(Diabetes Australia, 2003) ပဲ ဆောင်ရန်၊ ရှောင်ရန် အချက်အနေဖြင့် အဆီလျှော့ စားခြင်း၊ သကြားကို လုံးဝရှောင်ခြင်း၊ တခြား အချိုပါသော အစား အသောက်များနှင့် အသီးနှံများ စားနိုင်သော်လည်း ချင့်ချိန်၍ စားခြင်းတို့ကို အဓိကလိုက်နာရမည် (Dr Carter, 2005)။ ထို့ကြောင့် ယေဘုယျအားခြင့် သာမန် Healthy Diet အဖြစ်သတ်မှတ်ထားသည့် စံအတိုင်း ကာဗွန်ဟိုက်ဒရိတ်ကို အများဆုံးစား၍ တခြား အဟာရများမှ ဟင်းသီးရွက်ကိုများများ၊ နို့ထွက်အစားအစာများနှင့် အသားငါးကိုအသင့်အတင့်၊ အဆီနှင့်ဆားကို နည်းငယ်သာစားခြင်း စသည်တို့ ပါဝင်သည့် Food Pyramid အတိုင်း လိုက်နာနိုင်ပါသည်။ ဆီးချိုရောဂါအတွက် အဟာရနှင့်ပတ်သက်၍ အသေးစိတ် သိရှိလိုပါက Dr Win Thein ရေးသည့် Diet for Diabetes ကို http://health.ngoinmyanmar.org/search/label/diabetes မှာလည်း ဖတ်ရှုနိုင်ပါသည်။

လေ့ကျင့်ခန်း

ဆီးချိုရောဂါ ဝေဒနာရှင်များအနေဖြင့် မပျော့လွန်း မပြင်းလွန်းသည့် ကာယလေ့ကျင့်ခန်းကို မိနှစ် ၂၀-၄၀ ခန့် တပတ်မှာ အနည်းဆုံး သုံးလေးကြိမ် ပြုလုပ်သင့်ပါသည်။ လေ့ကျင့်ခန်း လုပ်ခြင်းနှင့် အဟာရကို သင့်တင့်စွာ ပုံမှန် စားသောက်ခြင်းသည် အင်ဆူလင်ကို အလုပ်လုပ်အောင် နိုးဆော်ပေးခြင်းဖြစ်၍ Type 2 သမားများအတွက် ဆဲလ်၏ အင်ဆူလင် ခံနိုင်ရည်ရှိမှုကို လျှော့နည်းစေပါသည်။ ထို့အပြင် သွေးထဲသကြားဓါတ်၊ ကော်လက်စထရောလ် ပမာဏနှင့် သွေးဖိအားကို ပုံမှန်ဖြစ်အောင်လည်း ထိန်းညှိပေးသည်။ လေ့ကျင့်ခန်းသည် ရောဂါအမျိုးအစား နှစ်ခုစလုံး အတွက် နာ့ဗ်ကြောများနှင့် သွေးကြောများကို ပုံမှန်အလုပ်လုပ် စေသဖြင့် ၎င်းတို့ကို ပျက်စီးခြင်းမှ ကာကွယ်ပေးသည်။ ထို့ကြောင့် ဆီးချိုကို ဆေးဖြင့်အရင် မကုပဲ အာဟာရနှင့် လေ့ကျင့်ခန်းဖြင့် အရင်ကု၍ နောက်ပိုင်း သွေးထဲသကြားဓါတ်ကို ထိုနှစ်ခုဖြင့် မထိန်းချုပ်နိုင်မှသာ Combination therapy အဖြစ် ဆေးကို တွဲပေးပါသည်။

ဆေးဝါးများ

ဆီးချိုရောဂါဆေးများမှာ Oral Agent ဟုခေါ်သော သောက်ဆေးများနှင့် အရေပြားအောက် ထိုးပေးရသော အင်ဆူလင် ဟော်မုန်းဆေးများ ပါဝင်ပါသည်။

သောက်ဆေး

သောက်ဆေး အများစုသည် အင်ဆူလင် ခံနိုင်ရည်ရှိသည့် Type 2 Diabetes အတွက်ဖြစ်ပြီး ထင်ရှားသော သောက်ဆေးများမှာ အလုပ်မလုပ်နိုင်သော ဘီတာဆဲလ်ကို အလုပ်လုပ်အောင် အားပေးသည့် Sulfonylureas and Meglitinides, ဂလူးကို့စ်ကို ဆဲလ်ထဲသို့ ၀င်ရောက်အောင် အင်ဆူလင်၏ စွမ်းရည်အား မြှင့်တင်ပေးသည့် Biguanides, ဆဲလ်ကို အင်ဆူလင်နှင့် သဟဇာတဖြစ်စေရန် အကူအညီပေးသည့် Thiazolidinediones နှင့် ကစီဓါတ်ချေဖျက်မှုကို အားပေးသည့် အင်ဇိုင်းများအား အဟန့်အတားဖြစ်စေသည့် Alpha-glycosidase တို့ ဖြစ်ပါသည်။ အဟာရ၊ လေ့ကျင့်ခန်းနှင့် သောက်ဆေး သုံးမျိုးပေါင်းစပ်၍ ကုသပြီး သွေးထဲ သကြားဓါတ် များခြင်းကို မထိန်းချုပ်နိုင်သော လူနာများအတွက် အင်ဆူလင် ထိုးဆေးပါ တွဲပေးရသည်။

ထိုးဆေး

အင်ဆူလင်သည် ဆီးချိုရောဂါအတွက် တခုတည်းသော ထိုးဆေးဖြစ်သည်။ အစာအိမ်ထဲရှိ အစာချေရည် အက်ဆစ်ဓာတ်မှ အင်ဆူလင် အာနိသင်ကို ဖျက်ဆီးနိုင်သောကြောင့် အင်ဆူလင်ကို သောက်ဆေးအဖြစ် အသုံးမပြုနိုင်ပဲ ထိုးဆေးအဖြစ်သာ အသုံးပြုပါသည်။ Type 1 Diabetes တွင် ဘီတာဆဲလ်ကို အလုပ်လုပ်စေရန် အကူအညီပေးသည့် သောက်ဆေးများဖြင့် မထိရောက်နိုင်သောကြောင့် အင်ဆူလင် ထိုးဆေးကို စောစီးစွာ ပေးရလေ့ရှိပါသည်။ အင်ဆူလင် ထိုးဆေးအတွက် အင်ဆူလင် ဟော်မုန်းကို ယခင်က ၀က်နှင့် သိုးများမှ အများဆုံးထုတ်ယူ သုံးစွဲခဲ့သည်။

ယခု ခေတ်သစ် ဇီဝနည်းပညာ (Modern Biotechnology) ကျယ်ပြန့်စွာ ထွန်းကားလာပြီး နောက်ပိုင်းတွင် Human Insulin က တခြား အင်ဆူလင်များထက် ပိုမို အင်နိသင် ရှိသည်ကို စမ်းသပ်တွေ့ရှိရပြီး ယခုအချိန်တွင် Human Insulin ကို ပိုမို အသုံးပြု လာနေပါသည်။ Human Insulin ကို လူ့ခန္ဓာကိုယ်မှ တိုက်ရိုက် ထုတ်ယူခြင်းမဟုတ်ပဲ မျိုးရိုးဗီဇ ပြုပြင်ဖန်တီးသည့်ပညာ (Genetic engineering) ဖြင့် လူနှင့် ဘက်တီးရီးယား၏ DNA ကို ဖြတ်တောက် ပေါင်းစပ်ခြင်း ( Recombinant DNA) မှ ဘက်တီးရီးယား Plasmic ဆီမှတဆင့် ထုတ်လုပ်ပါသည်။ အင်ဆူလင်ထိုးဆေးကို လူနာအား အစာမစားမီ ၁၅-၄၅ မိနှစ်အတွင်း ထိုးပေးရပါသည်။ ထိုအခါ အင်ဆူလင် မှ သွေးကြောထဲရှိ ဂလူးကို့စ် မော်လီကျူးများအား ဆဲလ်ထဲရောက်အောင် ပို့ပေးနိုင်ခြင်းဖြင့် သွေးထဲ သကြားဓါတ် များခြင်းမှ ကာကွယ်ပေးသည်။

Complications

ဆီးချိုရောဂါ၏ နောက်ဆက်တွဲ ဆက်ပွား ရောဂါများကို ရုတ်တရက် (Acute Complication) နှင့် နာတာရှည် (chronic Complication) ဆက်ပွား ရောဂါ ဟူ၍နှစ်မျိုး တွေ့ရနိုင်ပါသည်။ Diabetes Management ကို ကောင်းစွာလိုက်နာခြင်းသည် နောက်ဆက်တွဲပြဿနာများကို ကာကွယ်ခြင်းဖြစ်၍ ဆရာဝန် ညွန်ကြားသည့်အတိုင်း မသွေမတိမ်း လိုက်နာခြင်းဖြင့် ကာကွယ်နိုင်ပါသည်။

Acute Complications

သွေးထဲ သကြားဓါတ် အလွန်အမင်းနည်းသွားခြင်းကြောင့် ဖြစ်သော (Severe Hypoglycaemia)၊ သွေးထဲ၌ သကြားဓါတ် အလွန်အမင်းများ၍ သွေးကြောထဲ အညစ်အကြေးများဖြင့် ပြည့်နေသောကြောင့်ဖြစ်သော Diabetic Ketoacidosis နှင့် သွေးထဲသကြားဓါတ် အလွန်အမင်း များနေသည့်အချိန် ကြာသွားသောကြောင့် ဖြစ်သော Hyperosmolar Coma ဟူ၍ ထင်ရှားသည့် Acute Complication ၃ မျိုးရှိပါသည်။

Hypoglycaemia ဖြစ်ပါက လူနာသည် ခေါင်းမူးခြင်း၊ ခေါင်းကိုက်ခြင်း၊ ဂနာမငြိမ်ဖြစ်ခြင်း၊ ငိုကြွေးခြင်း၊ အကြမ်းဖက်ခြင်း စသည့် လက္ခဏာများကိုတွေ့ရပြီး အားအင်ကုန်ခန်း၍ နောက်ဆုံး သတိလစ်သေဆုံးသည်အထိ ဖြစ်နိုင်ပါသည်။ သတိမလစ်ပါက အချိုရည်တခုခုကို အမြန်ဆုံးတိုက်ပြီး သွေးထဲသကြားဓါတ်ကို ပြန်ဖြည့်ပေးနိုင်သည်။ လေ့ကျင့်ခန်းမလုပ်မီ သို့မဟုတ် အင်ဆူလင်ထိုးပြီး အစာမစားထားခြင်းကြောင့် ဖြစ်နိုင်သည်။ ထို့ကြောင့် ၎င်းကို ကာကွယ်ရန် ကာဗွန်ဟိုက်ဒရိတ်ကို သတ်မှတ်ထားသည့်အချိန်တွင် မလစ်ဟင်းစေပဲ မှန်မှန်စားရပြီး လေ့ကျင့်ခန်းမလုပ်ခင်နှင့် ကြားကာလ နားချိန်များတွင် စားရန်လည်း ကာဗွန် ဟိုက်ဒရိတ် အစာတခုခုကို အမြဲဆောင်ထားရမည်။

Diabetes Ketoacidosis နှင့် Hyperosmolar Coma သည် ဆင်တူ၍ မူးဝေခြင်း၊ ပျို့အန်ခြင်း၊ အလွန်အမင်း ရေဓါတ်ခမ်းခြောက်ခြင်း၊ ခန္ဓာကိုယ်အတွင်း သတ္တုဓါတ် မညီမျှခြင်းနှင့် ကိုယ်အလေးချိန် ချက်ချင်း လျော့ကျသွားခြင်း စသည့် လက္ခဏာများ တွေ့ရနိုင်ပြီး သတိလစ်သေဆုံးသည်အထိ ဖြစ်တတ်သည်။ Acute Complications အားလုံးသည် အသက်အန္တရယ် အထူး စိုးရိမ်ရသည် ဖြစ်၍ အရေးပေါ် ဆေးဝါးကုသမှု ချက်ချင်း လိုအပ်ပြီး ဆေးရုံ ချက်ချင်း တင်ရမည်။

Chronic Complications

မျက်စိပျက်စီးခြင်း (Retinopathy)၊ ကျောက်ကပ် ပျက်စီးခြင်း (Nephropathy)၊ နာ့ဗ်ကြောများကြောင့် ခြေထောက်ပျက်စီးခြင်း (Neuropathy)၊ နှလုံးရောဂါနှင့် လိင်ပိုင်းဆိုင်ရာ အင်အားမရှိခြင်း (Sexual dysfunction) တို့ပါဝင်သည်။

Retinopathy သည် ဆံချည်မျှင် သွေးကြောများပျက်စီး၍ မျက်ကြည်လွှာကို ထိခိုက်ပြီး မျက်စိေ၀၀ါးလာသည်။ု မျက်စိထဲ၌ အတိုင်းအတာတခုထိ ပျက်စီး သွားပြီးမှသာ မျက်စိမှုန် လာသည်ကို သတိထား မိသောကြောင့် မျက်စိပုံမှန် စမ်းသပ်ခြင်း မရှိပါက အသိနောက်ကျပြီး မျက်စိ ကွယ်သည်အထိ ဖြစ်တတ်သည်။ ထို့ကြောင့် အသိ နောက်မကျစေရန် ပုံမှန် မျက်စိ စစ်ဆေးခြင်းကို နှစ်စဉ် ပြုလုပ်ရမည်။

Nephropathy သည် ကျေက်ကပ်မှ အသားဓါတ်နှင့် အဆီပါသောဆီးများကို မကြာခဏစစ် ထုတ်ရသောကြောင့် ကျောက်ကပ် ယိုစိမ့်လာပြီးပုံမှန် အလုပ်မလုပ်နိုင် ဖြစ်သွားသည်။ သွေးပေါင်ချိန်ကို ပုံမှန်ဖြစ်အောင် ထိန်းချုပ်ခြင်း ကျောက်ကပ်ကို တနှစ်တကြိမ်စမ်းသပ်ခြင်းဖြင့် ကာကွယ်နိုင်သည်။

Neuropathy သည် အာရုံခံနာ့ဗ် (Sensory) နှင့် အာရုံတုန့်ပြန်သည့် နာ့ဗ် (Motor) များ ပုံမှန် အလုပ်မလုပ် သောကြောင့် ဖြစ်ရသည်။ ခြေလက်များ ထုံကျင်၍ ထိခိုက်နာကျင်မှုနှင့် ရောဂါကူးစက်မှုကို သတိမထား မိခြင်းကြောင့် ခြေထောက် ဖြတ်ရသည် အထိ ဖြစ်ခြင်း၊ မော်တာနာ့ဗ် ပျက်စီး သောကြောင့် ကြွက်သားများ ပျက်စီး၍ ခြေထောက်၏ ပုံသဏ္ဍန်ပြောင်းပြီး သားရေဖုများနှင့် အနာများဖြစ်လာကာ ခြေတဖက်လုံး ကူးစက်ပြီး ဖြတ်ရနိုင်ပါသည်။ ခြေတောက်အား ခြစ်ရာနှင့် အနာများရှိမရှိ နေ့စဉ်ဂရုတစိုက် ကြည့်ရှုစစ်ဆေးခြင်းဖြင့် ကာကွယ်နိုင်သည်။ နှလုံးရောဂါသည် သွေးတိုးနှင့်တွဲဖြစ်၍ နှလုံးသို့သွားသော သွေးကြောထဲတွင် အဆီဖတ်များ ပိတ်ခြင်း၊ သွေထဲကော်လက်စထရောလ် များပြီး သွေးကျောနံရံများတွင် အနည်ထိုင်၍ သွေးကြောများ မာကျောတောင့်တင်းလာခြင်းကြောင့် ဖြစ်သည်။

Sexual Dysfunction သည် ဆီးချိုရောဂါကြောင့် လိင်အင်္ဂါများသို့ သွားသော နာ့ဗ်ကြောနှင့် သွေးကြောများကို ထိခိုက်သောကြောင့် ဖြစ်ပြီး အမျိုးသမီးများတွင် အရည်ထွက်နည်းခြင်းနှင့် အမျိုးသားများတွင် လိင်တံတောင့်တင်းမှု အားနည်း၍ လိင်ဆက်ဆံစဉ် သုတ်မထုတ်နိုင်ခင် လိင်တံပျော့ခွေခြင်း ဖြစ်တတ်ပါသည်။

Bibliography

Cater, W. (2005). Home doctor: Know your body & look after it, (pp 112-120). Australia: Hinkler Books Pty Ltd.

Diabetes Australea. (2003). Living with type 2 diabetes: A practical hand book about managing type 2 diabetes. Australia: Diabetes Australia.

McCane & Huether. (2006). Pathophysiology: The Biological Basis for Disease in Adults and Children, (5thed). (pp 700-720). USA: Mosby.

Read More...

Typhoid

အူယောင် ငန်းဖျား (တိုက်ဖွိုက်) ရောဂါ


တိုက်ဖွိုက်ရောဂါဟာ မြန်မာနိုင်ငံ ဒေသအချို့မှာ အဖြစ်များ ရောဂါတစ်ခု အဖြစ် ရှိနေဆဲပါပဲ .. ကျွန်တော် တာဝန်ကျ ခဲ့တဲ့ ရမ်းဗြဲကျွန်း ပေါ်က ကျောက်ဖြူနဲ့ ရမ်းဗြဲမြို့ တွေမှာ အခုထိ တိုက်ဖွိုက် ရောဂါအဖြစ်များ
တုန်းပါ ... ရက်ခြား ဆိုသလို တိုက်ဖွိုက် ရောဂါကြောင့် ဖျားတဲ့သူ ... အူပေါက်တဲ့သူ အမြဲတွေ့ နေရပါတယ် ... တိုက်ဖွိုက် ရောဂါဟာ Salmonella typhi နဲ့ Salmonella paratyphi A & B ပိုးတွေ ကြောင့်ဖြစ် ရတာပါ ... Salmonella typhi ပိုးဟာ ပိုမို ပြင်းထန်ပြီး paratyphi A & B ကတော့ ပြင်းထန်မှု လျော့ပါတယ် … ... ဒီပိုး တွေဟာ လူ့အညစ်အကြေး မစင် ကနေ တစ်ဆင့် ကူးစက်တာမို့ သန့် လေးသန့် ဆိုတာကို လိုက်နာမယ် ဆိုရင် ကူးစက်ခံရမှု ကင်းဝေး ပါမယ် … တိုက်ဖွိုက် ရောဂါပိုးဟာ လူ့ခန္ဓာကိုယ်ထဲ ၀င်ပြီး ၁၀-၁၄ ရက်လောက် ကြာမှ ရောဂါ လက္ခဏာ ပြပါတယ် ... ဆေးကုသမှု ပြီးပြည့်စုံအောင် မခံယူဘူးဆိုရင် ရောဂါ ခံစားရမှု သက်သာပေမယ့် တိုက်ဖွိုက် ရောဂါပိုး နာတာရှည် သယ်ဆောင်သူ အဖြစ် စာရင်းဝင် သွားပါလိမ့်မယ် … တိုက်ဖွိုက် ရောဂါပိုး ဟာ ခန္ဓာကိုယ် သည်းခြေ အိပ်ထဲမှာ လပေါင်း နှစ်ပေါင်း ချီပြီး ခိုအောင်း နေနိုင်ပါတယ် ... အချို့မှာတော့ သည်းခြေအိပ်ဖြတ်ထုတ် ပစ်ရတဲ့အထိ ဖြစ်ပွား တတ်ပါတယ်…




ရောဂါလက္ခဏာများ


1. ပထမပတ် အတွင်းတွင်

* အပူချိန်ဟာ တဖြည်းဖြည်း လှေကားထစ်ပုံစံ ၄-၅ ရက်အတွင်း မြင့်တက်လာခြင်း၊
* ခေါင်းကိုက်ခြင်း၊ ခြေလက်ကြွက်သားများ နာကျင်ကိုက်ခဲခြင်း၊ မအီမသာဖြစ်လာခြင်း၊
* ၀မ်းချုပ်ခြင်း၊ (အချို့ကလေးငယ်များတွင် ၀မ်းလျောပြီးအန်တတ်ပါတယ်..)
* အပူချိန်မြင့်သလောက် သွေးခုန်နှုန်းမြင့်တက်မလာခြင်း၊ (ဥပမာ - အပူချိန် ၁၀၃-၁၀၄ံF ဖြစ်နေတောင်မှ သွေးခုန်နှုန်း တစ်မိနစ် ၈၀-၉၀ ခန့်သာ ရှိနေခြင်း) (Relative Bradycardia)

2. ဒုတိယပတ် အတွင်းတွင်

* ခန္ဓာကိုယ်ပေါ်တွင် အနီအစက်ပြောက်များပေါ်လာခြင်း (Rose spots) (ပုံတွင်ကြည့်ရန်)
* ချောင်းဆိုး လာခြင်း၊ နှာခေါင်းသွေး ယိုလာခြင်း၊ ဘေလုံး ကြီးလာခြင်း၊ ဗိုက်ဖောင်း ဗိုက်ကယ် ဖြစ်လာခြင်း၊
* ဝမ်းချုပ် နေရာမှ ဝမ်းလျှော လာခြင်း၊ ဝမ်းဗိုက် ထိလျှင် နာကျင်လာခြင်း

3. ဒုတိယပတ်အကုန် တတိယပတ်အစထိ

မှန်ကန်သော ဆေးကုသမှု မခံယူရပါက လူနာ ကယောင်ကတမ်း ဖြစ်လာခြင်း၊ နောက်ဆက်တွဲ လက္ခဏာများ ပေါ်လာခြင်း၊ သတိမေ့မျော အသက်ဆုံးရှုံး သည်ထိ ဖြစ်တတ် ပါတယ် ...


ရောဂါ၏နောက်ဆက်တွဲဆိုးကျိုးလက္ခဏာများ


1. အူပေါက်ခြင်း၊ အူမှသွေးထွက်လွန်ခြင်း၊

2. ရောဂါပိုးပြန့်နှံ့မှုကြောင့် အရိုးနှင့်အဆစ်တွင် ရောဂါပိုးစွဲခြင်း၊ ဦးနှောက်အမြှေးရောင်ခြင်း၊ သည်းခြေအိတ်ရောင်ခြင်း၊

3. နှလုံးကြွက်သားရောင်ခြင်း၊ ကျောက်ကပ် ရောင်ခြင်းတို့ ဖြစ်လာနိုင်ပါတယ် ..

ရောဂါကုသမှု


* တိုက်ဖွိုက်ရောဂါပိုးကို နှိမ်နှင်းနိုင်သော ဆေးအမျိုးပေါင်း များစွာ ရှိပါတယ် ... အရင်ကတည်းက သုံးလာခဲ့တဲ့ chloramphenicol, ampicillin ဆေးများဟာ အချို့ဒေသတွေမှာ ဆေးမတိုး ဆေးယဉ်ပါး လာတာကြောင့် အားကိုးပြီး သုံးစွဲဖို့ မသင့်တော် တော့ပါဘူး..

* Fluoroquinolones အုပ်စုဝင် Ciprofloxacin 500 mg တစ်လုံး ၁၂ နာရီခြား (တစ်နေ့ ၂ ကြိမ်) ၁၄ ရက်သောက်ရန်အတွက် ပထမဆုံး ရွေးချယ်မှု အနေနဲ့ သတ်မှတ် ထားပါတယ် ... Fluoroquinolones ဆေးတွေနဲ့ မသင့်တော်သူ များအတွက် 3rd Generation Cephalosporins, Macrolides ဆေးများကို ရွေးချယ် ဖို့ဖြစ်ပါတယ်..

* အစားအသောက်အနေဖြင့် မာသောအစာ၊ အဖတ်များကို ရှောင်ပြီး အာဟာရဖြစ်စေသောအရည်များနှင့် ဆရာဝန်ညွှန်ကြားသည်များကိုသာ စားသုံးရပါမယ်..

တိုက်ဖွိုက်ရောဂါကာကွယ်ရေး


* တိုက်ဖွိုက် ရောဂါဟာ ရေနဲ့ အစားအစာ ကနေ တစ်ဆင့် ကူးစက် တာမို့ သန့်လေးသန့်ကို လိုက်နာ ကာကွယ်ဖို့ လိုပါတယ်…

1. လက်သန့်
2. ရေသန့်
3. အစားအစာသန့်
4. အိမ်သာသန့်


* နောက် ကာကွယ်ရေး နည်းလမ်းကတော့ တိုက်ဖွိုက် ကာကွယ်ဆေး ထိုးတဲ့နည်းဖြစ်ပါတယ် … မြန်မာနိုင်ငံမှာတော့ Sanofi Pasteur မှထုတ်လုပ်ပြီး Thet Paing Soe company မှ တင်သွင်းတဲ့ (Typhim Vi ) ကာကွယ်ဆေး ရရှိနိုင်ပြီ ဖြစ်ပါတယ် ... ကာကွယ်ဆေး တစ်ကြိမ် ထိုးလျှင် (၃)နှစ် ရောဂါ ကာကွယ်နိုင်ပါတယ် ... ယခုအခါ နာဂစ် လေမုန်တိုင်းခံ ဒေသများမှ ပြည်သူများအား NGO အဖွဲ့တစ်ခုမှ တိုက်ဖွိုက်ရောဂါ ကာကွယ်ဆေး(Typhim Vi) ကို ထိုးနှံပေးလျက် ရှိကြောင်း ကြားသိရပါတယ်..


အားလုံး ဗျဿနတရားငါးပါးမှ အမြန်ဆုံးကင်းဝေးနိုင်ပါစေ…

Read More...

Wednesday, June 25, 2008

Snoring

ဟောက်ခြင်းအကြောင်း


ဟောက်ခြင်းသည် အိပ်နေစဉ် ပါးစပ်နှင့် နှာခေါင်းတို့မှ ထွက်ပေါ်လာသော အသံဖြစ်ပါသည်တဲ့။ ဘာကြောင့်ဖြစ်ရသလဲဆိုတာကတော့ အိပ်နေတုန်း အသက်ရှူတဲ့ အခါ ရှူသွင်း ရှူထုတ်သော လေလမ်းကြောင်း ရှင်းရှင်းလင်းလင်း မရှိလို့ပါပဲ။ ရှင်းရှင်းလင်းလင်းမရှိတဲ့ လမ်းကြောင်းမှာသွားရတဲ့လေဟာ နှာခေါင်း၊ ပါးစပ်၊ လည်ချောင်း စတာတွေရဲ့ နံရံတွေကို တိုက်ခတ်တုန်လှုပ်စေခြင်းဖြင့် ဟောက်တဲ့ အသံတွေထွက်လာရတာပါ။ လေလမ်းကြောင်းပိတ်ဆို့ခြင်းဟာ နှာခေါင်း၊ ပါးစပ်၊ လည်ချောင်း တလျှောက် အသားပို အဆီပိုတွေများနေခြင်း နဲ့ သက်ဆိုင်သလို၊ လူရဲ့ အိပ်တဲ့ပုံစံအနေအထား၊ အခြားရောဂါရှိမရှိနဲ့လည်း ဆိုင်ပါတယ်။

အများသိကြတဲ့အတိုင်း ဟောက်တဲ့သူအတွက် ဟောက်ခြင်းဟာ တော်ရုံ ဒုက္ခပေးလေ့မရှိပါဘူး။ သူဟောက်တတ်တယ်ဆိုတာတောင် သူ့ကိုယ်သူ သိချင်မှသိမှာပါ။ အဲ.. ဒုက္ခရောက်တာကတော့ သူ့ရဲ့ အိမ်ထောင်ဖက်၊ မိသားစု၊ အိမ်နီးနားချင်းစတာတွေပေါ့ဗျာ။ ကိုယ်ကလည်း အိပ်မပျော်တဲ့ညမှာ ဟောက်တတ်တဲ့သူက ဘေးမှာဆိုရင်တော့ .. ခံစားရပြီပေါ့။

ဟောက်ခြင်းထက် တဆင့်ပိုလာရင်တော့ အိပ်နေစဉ်လေငတ်ခြင်း Sleep Apnoea ဖြစ်တတ်ပါတယ်။ ဒါကတော့ တော်တော်ဆိုးပါတယ်။ ကျဉ်းကျဉ်းကျပ်ကျပ် အသက်ရှူလေလမ်းကြောင်း နဲ့ အားပါးတရဟောက်ပြီး အသက်ရှူနေရတဲ့ အချိန်မှာ အခန့်မသင့်ရင် လေလမ်းကြောင်းလုံးဝ ပိတ်သွားတတ်ပါတယ်။ ဒီလိုအချိန်မှာဆိုရင် ဟောက်တဲ့သူဟာ အသက်ရှူ စက္ကန့်ပိုင်းလောက် ရပ်ရပ်သွားပါတယ်။ တခါတလေ အသက်ရှူရပ်ပြီးလန့်နိုးပါတယ်။ ခဏခဏ လန့်လန့်နိုးလို့ နောက်ဆို အဲသလို နိုးတာကိုတောင် သတိမထားမိနိုင်တော့ပါဘူး။ သူ့ဖာသာမသိပဲ တစ်ညလုံး ဟောက်လိုက်၊ အသက်ရှူရပ်လိုက်၊ လန့်နိုးလိုက်နဲ့ သံသရာလည်နေတတ်ပါတယ်။ ဒါကြောင့် ဟောက်တဲ့လူ တချို့ ဆို ဘယ်တေ့ာမဆို အိပ်ရေးမ၀ ဖြစ်နေပြီး နေ့ခင်းဖက်လည်း တချက်တချက် ငိုက်ငိုက်သွားတတ်ပါတယ်။

ဘယ်သူတွေဟောက်ကြလဲ။


သာမန်လူတွေရဲ့ ၅၀% လောက် ဟောက်တတ်ကြပါတယ်။ ၂၅% ကတော့ ပုံမှန် ဟောက်သူများဖြစ်ကြပါတယ်တဲ့။ ကဲ.. ဟောက်တဲ့သူများ အားမငယ်ကြပါနဲ့။

ဟောက်ခြင်းရဲ့အနုပညာ။


တစ်ယောက်နဲ့တစ်ယောက် ဟောက်တာခြင်းမတူကြပါဘူး။ ကျနော်ကတော့ Soundbox ဆိုက်ကွာလို့ထင်ပါတယ်။ အသံ အတိုးအကျယ်အပြင်၊ အနုအကြမ်းလည်း ကွာပါတယ်။ အတက် အဆင်းလဲရှိပါတယ်။ ဂီတလိုပြောရရင် Crescendo, Descendo ဖြစ်ပါတယ်။ Timing လည်းကွာပါတယ်။ ဟောက်တဲ့ အသံကိုသေသေချာချာ လိုက်နားထောင်ရင် Human Beatbox (Classical)ဖြစ်ပါတယ်။

ဟောက်ရာကနေ အပေါ်မှာပြောခဲ့သလို အသက်ရှူရပ်ရပ်သွားတဲ့ အဆင့်ကိုရောက်နေပြီဆိုရင်တော့ အရေးကြီးလာပါပြီ။ ဆရာဝန်နဲ့ပြသင့်ပါပြီ။

ဘာကြောင့်ဟောက်တာလဲ။


လူတစ်ယောက် အိပ်ပျော်သွားတဲ့ အချိန်မှာ ပုံမှန်တင်းနေတဲ့ ကြွက်သားတွေဟာ ယေဘူယျအားဖြင့် လျော့သွားပါတယ်။ အာခေါင်၊ လည်ပင်း၊ နှာခေါင်း စသည် အသက်ရှူလမ်းကြောင်းတစ်လျှောက် ကြွက်သားတွေ လျော့ရဲသွားခြင်းကြောင့် လေရှူသွင်း ရှူထုတ်တဲ့ အခါ ကြွက်သားနံရံတွေကို တုန်ခါမှုတွေဖြစ်စေပါတယ်။ ရူပဗေဒမှာ ပြောသလိုပါပဲ တုန်ခါမှု = အသံ။

ဝသောသူများမှာ အသက်ရှူလမ်းကြောင်း တလျှောက်အသားပိုအဆီပိုများ စုလာခြင်းကြောင့် လေလမ်းကြောင်းပိုကျဉ်းပါတယ်။ ဒါကြောင့်ပုံမှန်သူများထက် ပိုဟောက်နိုင်ပါတယ်။

အသက်ကြီးသူများကတော့ ကြွက်သားများပိုမို လျော့ရဲတဲ့ အတွက် ပိုဟောက်ကြပါတယ်။

အရက်သောက်ခြင်း၊ အိပ်ဆေးသောက်ခြင်းကြောင့်လည်း အိပ်ပျော်နေစဉ် ကြွက်သားများပိုမိုလျော့ရဲပါတယ်။

ပက်လက်အိပ်သူများကျတော့ လျှာက အနောက်ကို ပျော့ကျပြီး အသက်ရှူလမ်းကြောင်းကို သွားဖိထားသလိုဖြစ်လို့ အသက်ရှူလမ်းကြောင်း ကျဉ်းပြီးဟောက်ပါတယ်။

အအေးမိ၊ နှာစေး၊ နှာခေါင်းပိတ်နေသူများလည်း အသက်ရှူရခက်ခဲလို့ ဟောက်ပါတယ်။

ပုံမှန် ဆေးလိပ်သောက်ရင် အသက်ရှူလမ်းကြောင်းနံရံများ ယောင်နေတတ်ပါတယ်။ ဒီအခါမှာ လေလမ်းကြောင်းကျဉ်းသွားစေပြီး ဟောက်နိုင်ပါတယ်။

ရုပ်ခန္ဓာချို့ယွင်းချက်အရ အသက်ရှူလမ်းကြောင်းပုံမှန်မဟုတ်သူများ၊ အာသီးယောင်သူများ၊ အာသီးကြီးသူများ၊ အာခေါင်စောက် တိမ်သူများ လည်းဟောက်ကြပါတယ်။

ဘယ်လိုကုကြမလဲ။


ဟောက်ခြင်းအတွက် ဥုံဖွ ကုထုံးမရှိပါဘူး။ လူတွေကတော့ အမျိုးမျိုး စမ်းလုပ်ကြည့်နေကြတာပါပဲ။ အဒိကလုပ်ရမှာတွေကတော့ -

၁။ ၀နေရင် ၀ိတ်ချပါ။ ပုံမှန်ဆိုရင်တော့ ထိန်းထားပါ။
၂။ ကာယလေ့ကျင့်ခန်းများပုံမှန်လုပ်ပြီး တစ်ကိုယ်လုံးက ကြွက်သားများ တောင့်တင်းနေရန် လုပ်ပါ။
၃။ ပက်လက်အိပ်မယ့်အစား ဘေးစောင်းအိပ်ပါ။
၎။ အိပ်ခါနီး အရက်သောက်ခြင်းကိုရှေုာင်ပါ။
၅။ ဆေးလိပ် ဖြတ်ပါ၊ မဖြတ်နိုင်သေးရင် လျှော့ပါ။

နှာစေးပြီး နှာခေါင်းမပိတ်ပါစေနဲ့။ နှာခေါင်းပိတ်နေပြီး ပါးစပ်နဲ့ အသက်ရှူခြင်းမလုပ်ပါနဲ့။ နှာခေါင်းပွင့်အောင် ပရုတ်ဆီ၊ ယာပန်းဆီ ရှူခြင်းလုပ်ပါ။ ယာပန်းဆီ တစက် နှစ်စက် ခေါင်းအုံးတွင်ဆွတ်ထားပါ။ နှာခေါင်းပိတ်ခြင်းအတွက် နှာခေါင်းထဲ ပန်းဆေးများကို အသုံးပြုနိုင်ပါတယ်။ မြန်မာပြည်မှာ လွယ်လွယ်ကူကူ ၀ယ်လို့ရပါတယ်။

ဘယ်နည်းနဲ့မှ မရရင်တော့ ဆရာဝန်နဲ့ပြပါတော့။ တခါတလေ ဟောက်ခြင်းအတွက် ခွဲစိတ်မှု တောင်လုပ်ရင် လုပ်ရတတ်ပါတယ်။

နောက်ဆက်တွဲများ။


သာမန်ဟောက်ခြင်းကတော့ ညညကျ မိန်းမ ထထဆိတ်ခြင်း ခံရတာကလွဲလို့ ပြဿနာ အထူးအထွေမရှိပါ။ ဒါပေမယ့် အသက်ရှူရပ်ရပ်သွားတဲ့ Obstructive Sleep Apnoea ဆိုရင်တော့ အိပ်ရေးမ၀ခြင်း၊ နေ့ဖက်အိပ်ငိုက်ခြင်းတွေအပြင် မကုသပဲထားမယ်ဆိုလျှင် သွေးတိုး၊ နှလုံး၊ လေဖြတ် ရောဂါတွေ နောက်ဆက်တွဲ ဖြစ်တတ်ပါတယ်။ မပေါ့ပါနဲ့၊ အရေးကြီးပါတယ်။

Original content
http://cks.library.nhs.uk/patient_information_leaflet/snoring

Read More...

Diabetes Mellitus

ဆီးချိုရောဂါ ဖြစ်စဉ် နှင့် အင်ဆူလင် ဟော်မုန်း ဆက်နွယ်မှု


ဆီးချိုရောဂါသည် ကမ္ဘာတွင် အဖြစ်များဆုံး နာတာရှည်ရောဂါများအနက် တခု အပါအ၀င် ဖြစ်ပါသည်။ ဆီးချိုရောဂါ ရှိသည်ဟု စစ်ဆေး တွေ့ရှိပြီး ရောဂါ သတ်မှတ် ခံထားရ သူများသည် ဆီးချိုနှင့် ပတ်သက်သည့် ရောဂါဖြစ်စဉ်ကို အတိအကျ နားလည်ရန် အထူးလိုအပ် သောကြောင့် ကျန်းမာရေး ပညာပေးသူများ အနေဖြင့် လူနာအား နားလည်အောင် ပညာပေး အစီစဉ်များ လုပ်ဆောင်ရန် တာဝန်ရှိ ပေသည်။ လူနာများ မှလည်း ထိုပုဂ္ဂိုလ်များ၏ လမ်းညွှန်မှုကို မသွေမတိမ်း လိုက်နာရန် လိုအပ်ပါသည်။ ဆီးချို ရောဂါသည် ပျောက်ကင်း အောင် ကုသ၍ မရသော ရောဂါ ဖြစ်သောကြောင့် ရောဂါလက္ခဏာကို ထိန်းချုပ်ပြီး ဆက်ပွား ရောဂါများ မဖြစ်ပွားအောင် ကာကွယ်ခြင်း သည်သာ ၎င်း၏ အဓိက ကုသမှု ဖြစ်ပါသည်။ သို့သော် ရောဂါအား နိုင်နိုင်နင်းနင်း ထိန်းချုပ် နိုင်ပါက ဝေဒနာရှင်သည် ပုံမှန်အတိုင်း သက်တမ်းစေ့အောင် အသက်ရှင် နိုင်ပါသည်။ ထို့ကြောင့် ဆီးချို ရောဂါ ဝေဒနာ ရှင် များသည် ပုံမှန် ကျန်းမာသူ နီးပါး စိတ်ချ ယုံကြည်စွာ ဆက်လက် အသက်ရှင် နေနိုင်ရန် အတွက် ဆီးချိုကြောင့် ဖြစ်လာနိုင်သော ဆက်ပွား ရောဂါများ ကိုလည်း နားလည် ထားရန် အထူး လိုအပ် ပေသည်။ ဤသို့ နားလည်ထား မှသာလျင် မိမိရောဂါကို ထိရောက်စွာ ထိန်းချုပ်နိုင်မည် ဖြစ်ပြီး ကျရောက် လာနိုင်မည့် ဆက်ပွားရောဂါ အန္တရယ်ကိုလည်း အလေးအနက် ထားပြီး ကာကွယ်နိုင်မည် ဖြစ်ပေသည်။



ဆီးချိုရောဂါ ဖြစ်ရခြင်း အကြောင်းအရင်းကို အတိအကျ ရှာဖွေ ဖေါ်ထုတ်နိုင်ခြင်း မရှိသေး သော်လည်း လက်ရှိ လေ့လာချက် များအရ မျိုးရိုးဗီဇ၊ လူမျိုးနွယ်စုနှင့် ဘ၀လူနေမှုပုံစံ စသည်တို့ အပေါ်တွင် များစွာ အခြေခံသည်ဟု သိရှိထားပါသည်။ ဆီးချိုရောဂါသည် ပန်ကရိယမှ အင်ဆူလင်ဟော်မုန်းကို ပုံမှန် မထုတ်လုပ်ခြင်း သို့မဟုတ် အင်ဆူလင် ဟော်မုန်းကို ဆဲလ်များမှ ပုံမှန်အတိုင်း အသုံးမချနိုင်ခြင်း ကြောင့် ဖြစ်ပေါ်သော ရောဂါ ဖြစ်ပါသည်။ ဤသို့ ဖြစ်ရခြင်းမှာ သွေးထဲ၌ အချိုဓါတ် (Glucose) လွန်ကဲခြင်းနှင့် အခြားသော ခန္ဓာကိုယ် အတွင်း အစာဓါတ် ဖြစ်ပေါ်ပြောင်းလဲမှု (food Metabolism) ချွတ်ယွင်းခြင်း ကြောင့် ဖြစ်ပါသည်။ ဆီးချိုရောဂါတွင် အင်ဆူလင်ဟော်မုန်း မထုတ်လုပ်နိုင်ခြင်း သို့မဟုတ် လုံလောက်စွာ မထုတ်လုပ်ခြင်းကြောင့် ဖြစ်သော Insulin Dependence ခေါ် Type 1 Diabetes နှင့် အင်ဆူလင်ဟော်မုန်း အလုံလောက် ထုတ်လုပ်နိုင်သော်လည်း ဆဲလ်များမှ အင်ဆူလင်ကို ကောင်းစွာ အသုံးမပြု နိုင်သောကြောင့် ဖြစ်ရသော Insulin Resistance ခေါ် Type 2 Diabetes Mellitus ဟူ၍ အဓိက အမျိုးအစား နှစ်မျိုး ရှိ်ပါသည်။ Type 1 Diabetes သည် ၁၀% ဖြစ်၍ ကလေးများနှင့် လူငယ်လူရွယ် များတွင် စတင်ဖြစ်ပွားလေ့ရှိသည်။ Type 2 Diabetes သည် ၉၀% ဖြစ်၍ အသက် ၄၀ ပတ်ဝန်းကျင် အရွယ်မှစ၍ အ၀လွန်ခြင်းနှင့် တွဲလျက် စတင် ဖြစ်လေ့ရှိပါသည်။ အမျိုးအစား နှစ်မျိုး စလုံးသည် အသက်အရွယ် မရွေးတွင် စတင် ဖြစ်ပွား နိုင်သောကြောင့် ၎င်းအား ရာနှုန်းပြည့် ပုံသေ ယူ၍ မရပဲ အမျိုးအစား နှစ်ခုကို အသေအချာ ခွဲခြား သတ်မှတ်ပြီးမှ မည်သည့် အမျိုးအစား ဖြစ်သည်ကို အတည်ပြု ရမည် ဖြစ်သည်။ ဆီးချိုရောဂါကို စစ်ဆေး သတ်မှတ်သည့် နည်းတချို့ရှိသော်လည်း အရိုးရှင်းဆုံး ရောဂါ သတ်မှတ်သော နည်းမှာ အနည်းဆုံး ရှစ်နာရီခန့် အစာ မစားထားသည့် အချိန်၌ သွေးထဲတွင် ဂလူးကို့စ် ပမာဏကို စမ်းသပ် ကြည့်၍ တလီတာတွင် ၈ မီလီမိုးလ် (8mmol/L) ကျော်ပါက ဆီးချိုရောဂါ အဖြစ် သတ်မှတ် နိုင်ပါသည်။

ဆီးချိုရောဂါတွင် အင်ဆူလင် ဟော်မုန်းသည် အဓိက အခန်း ကဏ္ဍမှ ပါဝင် နေသောကြောင့် အင်ဆူလင် ဟော်မုန်း အကြောင်းကိုလည်း သိထား သင့်ပေသည်။ အင်ဆူလင်သည် ပန်ကရိယထဲရှိ ဘီတာဆဲလ်မှ ထုတ်လုပ်သော ကာဗွန်ဟိုက်ဒရိတ် ဓါတ်ပြောင်းလဲမှုနှင့် သွေးထဲ ဂလူးကို့စ် ပမာဏကို ထိန်းညှိရန်အတွက် မရှိမဖြစ် လိုအပ်သော ဟောမုန်း တခုဖြစ်သည်။ ထမင်း၊ ပေါင်မုန့် ခေါက်ဆွဲ စသည့် ကာဗွန် ဟိုက်ဒရိတ်သည် ခန္ဓာကိုယ် ပုံမှန် အလုပ်လုပ် နိုင်ရန်အတွက် အဓိက လောင်စာဆီ ဖြစ်သည်။ စားသုံး လိုက်သော ကာဗွန်ဟိုက်ဒရိတ် များအား အစာခြေညက်မှု လုပ်ငန်းစဉ် အရ အစာခြေ အင်္ဂါအဖွဲ့အစည်းမှ ဂလူးကို့စ် (သကြားဓါတ်) အဖြစ်သို့ ပြောင်းလဲ ပေးလိုက် သောအခါ သွေးကြောထဲ၌ ဂလူးကို့စ် ပမာဏကို များပြား လာစေပါသည်။


အင်ဆူလင်ကို ထုတ်လုပ်သည့် နေရာနှင့် သွားသည့်လမ်းကြောင်း (dev.nsta.org/evwebs)


အင်ဆူလင် ဟော်မုန်း မမျှတခြင်းကြောင့် ဂလူးကို့စ်ကို ဆဲလ်မှ မစုပ်ယူနိုင်သောကြောင့် သွေးကြောထဲ၌ စုပြုံနေခြင်း (http://z.about.com/f/p/)

ထိုသို့ များပြား လာသောအခါ ပုံမှန် အခြေအနေ တွင် သွေးထဲရှိ ဂလူးကို့စ် ပမာဏကို 3-8mmol/L အတွင်း အမြဲတမ်း ရှိနေအောင် ပန်ကရိယမှ အင်ဆူလင်ကို လိုအပ်လျင် လိုအပ်သလို ထုတ်လုပ်ပြီး ထိန်းညှိ ပေးပါသည်။ ထို့နောက် သွေးထဲမှ ဂလူးကို့စ်များကို အရိုးတွယ် ကြွက်သားနှင့် အဆီကြွက်သားများထဲရှိ အင်ဆူလင် မီခိုသည့် ဆဲလ်များထဲသို့ ရောက်အောင် အင်ဆူလင်က ပို့ဆောင်ပေးသည်။ အင်ဆူလင်မပါပဲ ဂလူးကို့စ်သည် ဆဲလ်ထဲသို့ မ၀င်ရောက် နိုင်သောကြောင့် ဤနေရာ၌ အင်ဆူလင်သည် ဂလူးကို့စ်ကို ဆဲလ်ထဲသို့ ပို့ဆောင်ရာ၌ ဆဲလ်တခါးကို ဖွင့်ပေးသည့် သော့ တစ်ခုဖြစ်သည်။ ထို့အပြင် အင်ဆူလင်သည် ဂလူးကို့စ် ချေဖျက်ခြင်းနှင့် အဆီတစ်ရှူးထဲရှိ အဆီများကို ချေဖျက်ခြင်းမှ ကာကွယ်ရန်နှင့် အသားဓါတ်များကို ထုတ်လုပ်နိုင်ရန် (Protein synthesis) ဆဲလ်များမှ စားသုံး၍ ပိုသျှံသော ဂလူးကို့စ်များအား အသည်းထဲ၌ သိမ်းထား ပေးသည်။

သို့သော် ဆီးချိုရောဂါတွင် အင်ဆူလင်ကို ပုံမှန်အတိုင်း အသုံးမပြု နိုင်ခြင်းကြောင့် သွေးထဲ ဂလူးကို့စ် ပမာဏကို ပုံမှန်အတိုင်း ထိန်းချုပ်ရန် မဖြစ်နိုင်ပါ။ Type 1 diabetes တွင် အင်ဆူလင်မပါပဲ သို့မဟုတ် အင်ဆူလင် မလုံလောက်ပဲ ဆဲမှ ဂလူးကို့စ်ကို မရနိုင်သကဲ့သို့ Type 2 Diabetes တွင် အင်ဆူလင်ကို ဆဲလ်က အသုံးပြုနိုင်စွမ်း မရှိသောကြောင့် ဆဲလ်မှာ အစာ ပြတ်လပ်မှုကို ဖြစ်စေသည်။ ထိုအခါ ဂလူးကို့စ်သည် သွေးကြောထဲ၌ လှည့်လည်နေပြီး သွေးထဲ သကြားဓါတ် လွန်ကဲခြင်း (Hyperglycaemia) ကို ဖြစ်စေပါသည်။ ဤသည်ပင် ဆီးချိုရောဂါ၏ အဓိကမူလ ပြဿနာ ဖြစ်ပေသည်။

သွေးထဲ ဂလူးကို့စ် လွန်ကဲနေမှုကို အချိန်မီ မထိန်းညှိ ပေးနိုင်ပါက ဆဲလ်များ ရေဓါတ် ခန်းခြောက်ခြင်းကြောင့် ရေငတ်ခြင်း၊ သွေးထဲရှိ ဂလူးကို့များကို ကျောက်ကပ်မှတဆင့် ဆီးအဖြစ် စွန့်ပစ်ရသောကြောင့် ဆီးထဲ သကြားဓါတ် များပြားပြီး ဆီး မကြာခဏ သွားခြင်း၊ ညဘက် အိပ်ရေးပျက် လောက်အောင် ဆီးခဏခဏ သွားခြင်း၊ ခန္ဓာကိုယ်ထဲရှိ တခြား သတ္တုဓါတ်များ မညီမျှဖြစ်ခြင်း (Electrolyte imbalance) နှင့် ဆဲလ်များ အစာမရခြင်း ကြောင့် ဆာလောင်ခြင်း၊ အားအင်ကုန်ခန်းခြင်း စသည့် လက္ခဏာများကို ဖြစ်ပေါ်စေပါသည်။ ဆီးချိုရောဂါအား အချိန်မီ ကုသခြင်း မပြုလုပ်ပါက ရေတိုနှင့် နာတာရှည် ဆက်ပွားရောဂါ အန္တရာယ်များအား မလွဲမသွေ ကြုံတွေ့ ရမည် ဖြစ်သည်။

ကုသမှုနှင့် ဆက်ပွား ရောဂါများအား ဆက်လက် ဖေါ်ပြပါမည်။


Bibliography

http://dev.nsta.org/evwebs/1150/images/type1diabetes.jpg

http://z.about.com/f/p/440/graphics/images/en/19204.jpg

McCane, K.L. & Huether, S.E. (2006). Pathophysiology: The Biological Basis for Disease in Adults and Children, (5thed). (pp 700-720). USA: -Mosby.

Semb, S. (2005). Nursing management: Diabetes mellitus. In Brown, D., & Edwards, H. (Eds.). Lewis’s medical-surgical nursing: Assessment and management of clinical problems (2nd ed.). (pp 1272-1299). Marrickville, NSW: Elsever.




(Nge Naing)

Read More...

Sunday, June 22, 2008

Time for bed

... နှစ်နှစ်ခြိုက်ခြိုက် ပြည့်ပြည့်၀၀ အိပ်မောကျ နိုင်ကြပါစေ ...


( ပြည်ပ ရောက်နေတဲ့ မြန်မာတွေအနေနဲ့  Sleeping disorders တွေကို ကိုယ်တိုင်ပဲဖြစ်ဖြစ်၊ မိတ်ဆွေ ထဲမှာပဲ ဖြစ်ဖြစ် ကြုံဖူးကြမှာပါ။ ဒီပို့စ်လေး ကတော့ Newsweek ရဲ့  Time for bed ကို ဆီလျော်အောင် ဘာသာပြန် ပေးလိုက်တာပါ။ ဒီရက်ပိုင်း ကိုယ်တိုင် ပို့ စ်ရေးဖို့  သိပ်စိတ်မပါလို့  စာလိုက်ဖတ်ရင်း သဘောကျတာနဲ့ ဘာသာပြန် လိုက်တာပါ။ အားလုံး နှစ်နှစ်ခြိုက်ခြိုက် ပြည့်ပြည့် ၀၀ အိပ်မောကျ နိုင်ကြပါစေ။ )

Joel Friedman ပြောတာ ကတော့ သူ့ မှာ ဆိုးဆိုးရွားရွား ဟောက်တတ်တဲ့ ပြဿနာ ရှိတယ်။ သူ့ သူငယ်ချင်း တွေ ဆိုရင် ခရီးထွက်တဲ့ အခါ သူနဲ့ အခန်းတွဲ နေဖို့ အမြဲငြင်း ကြတယ်တဲ့။ သူ့ ရဲ့ ဟောက်သံကြောင့် မိန်းမ ခမျာလည်း ညညဆို မကြာခဏ နိုးရ ပါတယ်တဲ့။ တစ်ရက်မှာ ဒီလို ဟောက်နေရင်းကနေ အဟောက်ရပ် သွားတာကို သတိပြု မိလိုက်တဲ့ မိန်းမ လုပ်သူက သူ အသက်ရှု ပါ ရပ်နေတယ် ဆိုတာကို သတိထားမိ သွားတယ်။ တော်တော်လေး စိတ်ပူသွားပြီး ဆရာဝန်ဆီ ခေါ်သွား ပြခဲ့ပါတယ်တဲ့။

ဆရာဝန် ကောက်ချက်ကတော့ အိပ်ပျော်စဉ် အသက်ရှုရပ်ခြင်း (Sleep apnea) ပါတဲ့။

ဒါကတော့ လွန်ခဲ့တဲ့ သုံးနှစ်လောက်က အသက် ၅၃ နှစ်အရွယ် Chicago က copywriter တစ်ယောက်ရဲ့  ဖြစ်ရပ်လေးပါ။ သူကတော့ သူဆရာဝန် မပြခင် နှစ်ပေါင်းများစွာ ဒီရောဂါ ဝေဒနာကို ခံစားခဲ့တာ ဖြစ်မယ်လို့  သုံးသပ်ပါတယ်။ ကျွန်တော်ဟာ နေ့ ဆို အမြဲ ပင်ပန်း နေတတ်ပြီး ညဆို နှစ်နှစ်ခြိုက်ခြိုက်ကို အိပ်ပျော်တော့ တာပဲလို့ ဆိုပါတယ်။ ကျွန်တော်လဲ အမြဲတမ်း ရှစ်နာရီလောက်တော့ ပုံမှန် အိပ်လေ့ရှိတော့ ဘာလို့ ပင်ပန်း နေတယ် ဆိုတာကို မသိခဲ့ဘူး၊ ကျွန်တော်ကတော့ ကျွန်တော့်ရဲ့  ဆီးချို ရောဂါကြောင့် လို့ ပဲ အမြဲ ထင်ခဲ့ တာပါတဲ့။




တကယ်တော့ လည်း ဆီးချို ရောဂါဟာ Sleep apnea ကို ဖြစ်စေနိုင်တဲ့ အကြောင်းရင်း တစ်ခုပါ။ Sleep apnea ဟာ ညအိပ်စဉ် ၁၀ စက္ကန့် ၊ ဒါမှမဟုတ် ဒီထက်ပိုပြီး အသက်ရှု ရပ်ရပ်သွား တတ်တဲ့ အခြေအနေ တစ်မျိုးပါ။ Freidman ကတော့ သူဒီလို ဖြစ်နေတာကို လုံးဝ မသိခဲ့ပါဘူး။ ယောက်ျား အားလုံးရဲ့  ၅% နဲ့ အမျိုးသမီး တော်တော် များများမှာ ဖြစ်တတ်တဲ့ Sleep apnea ဟာ အဖြစ် များတယ်လို့ ပြောနိုင် ပေမယ့် ဝေဒနာရှင် အများစု ကတော့ ကိုယ့်ကိုယ်ကို သတိ မထားမိ ကြပါဘူး။ အသက်ရှူ ရပ်နေပေမယ့် သူတို့ မနိုး ကြလို့ ပါ။ ဒါပေမယ့် နေ့ ဘက်မှာတော့ သူတို့ ပင်ပန်း နေကြ ပါလေရော။ ဒါကြောင့် အိပ်မပျော်တဲ့ လူ့ အသိုင်းအ၀န်းကြီး တစ်နေ့ တစ်ခြား များပြားလာပေမယ့် ရောဂါ မရှာဖွေ နိုင်တာတို့ ၊ ရောဂါ အမည်မှား တပ်တာတို့  ရှိနေရတာပါ။

သန်းပေါင်း ၅၀-၆၀ သော အမေရိကန်တွေကတော့ Sleeping disorders တွေထဲက တစ်ခုဖြစ်တဲ့ အိပ်မပျော်ခြင်း ဝေဒနာ (insomnia) ကို နှစ်စဉ် ခံစား နေရ ပါတယ်။ University of Toronto က သုသေတန ပညာရှင် တွေကတော့ ၂၀၅၀ မှာ ဒီ အရေအတွက် ဟာ နှစ်ဆ တိုးလာမယ်လို့  ဆိုနေပါတယ်။ ဒီ အရေအတွက် ထဲက ၂၈သန်း လောက်ဟာ insomnia နဲ့ တွဲပြီး ခြေထောက် အလိုလို လှုပ်နေတတ်တဲ့ အာရုံကြော ဆိုင်ရာ ဝေဒနာ တစ်ခုဖြစ်တဲ့ Restless legs syndrome ကိုပါ ခံစား နေရတယ် (Restless legs syndrome ကြောင့် လည်း အအိပ်ပျက် နေရတာပါ)။ ၁၂သန်းကနေ ၁၅သန်းလောက်ထိကတော့ Sleep apnea နဲ့  တွဲနေတာပါ။ တစ်သိန်း လေးသောင်းသော ဝေဒနာရှင် တွေကတော့ နေ့ ဘက်မှာ ရုတ်တရက် အိပ်ချင် လာတတ်တဲ့ အာရုံကြော ပြဿနာ တစ်ခုဖြစ်တဲ့ Narcolepsy ကိုပါ ခံစား နေရပါတယ်။ တစ်ခြားသော Parasomnia disorders တွေဖြစ်တဲ့ ညအိပ်စဉ် လမ်းလျှောက်ခြင်း (Sleepwalking)၊ အိပ်မက်ဆိုးများ မက်ခြင်း (Night terrors)၊ အိပ်နေစဉ် အစာထစားခြင်း (Sleep-eating syndrome)၊ အိပ်နေစဉ် ၀ုန်းဒိုင်း ထကြဲခြင်း (Sleep violence) စတာတွေကို ကိုယ်တိုင် သတိ မထားမိဘဲ ခံစားနေကြရပါတယ်။

“ Sleeping disorders တွေနဲ့  ပက်သက်လာရင် လျှော့လျှော့ပေါ့ပေါ့ ကောက်ချက်ချ နေကြတာဟာ အဓိက ပြဿနာကြီး တစ်ရပ်ပါပဲ။”

National Center on Sleep Disorders Research ရဲ့  ဒါရိုက်တာဖြစ်တဲ့ Carl Hunt ရဲ့ မှတ်ချက်ပါ။ သူ့ အဆိုအရ ဒီ ဝေဒနာရှင်တွေရဲ့  ၆၀-၇၀% လောက်ကို ရောဂါ အမည် အမှန် မတပ်နိုင်ခဲ့ ပါတဲ့။ ပြဿနာရဲ့  အစိတ်အပိုင်း တစ်ခုက လူတွေကိုယ်တိုင်က အိပ်ခြင်းကို အလေးမထား ကြတာပါတဲ့။ Sleep specialists တွေကတော့ ဆေးလောက အသိုင်း အ၀ိုင်းရဲ့ Sleeping disorders တွေအပေါ် Awareness နည်းတာကို ဝေဖန် နေကြပါတယ်။ သူတို့ က ဆေးကုသမှု ပါရဂူတွေ အနေနဲ့ Sleeping disorders တွေအပေါ် Awareness ပိုထား ကြရလိမ့်မယ်လို့  ဆိုပါတယ်။ The Stanford University Center for Human Sleep Research ရဲ့ ဒါရိုက်တာနဲ့  တွဲဘက် ပါမောက္ခဖြစ်တဲ့ Carl Hunt က ဒီေ ၀ဒနာရှင်တွေ ဟာ ဆရာဝန်တွေဆီ ရောက်လာ ကြမယ့် ရောဂါ အမှန်ကို မရှာဖွေ နိုင်ခဲ့ကြဘူးလို့ ဆိုပါတယ်။

ဝေဒနာရှင်တွေ အနေနဲ့ ကလည်း အအိပ်ပျက် နေတာကို ရောဂါတစ်ခု ဆိုတာမျိုး အဖြစ် သဘော မပေါက်ကြ ပါဘူး။ ဒီတော့ ဒါကို ပေါ်လွင်လာအောင် မေးတဲ့အခါမှာ

“ခင်ဗျား ညဘက်အိပ်ဖို့ ကြိုးစား တဲ့အခါမှာ အိပ်လို့ မရ တာမျိုး၊ အိပ်ဖို့ ခက်နေတာမျိုးရှိလား..

နေ့ ဘက် မှာကော နိုးနိုးကြားကြား နေနိုင်ဖို့  တော်တော် ကြိုးစား နေရလား ..

လိုအပ် သလောက် အိပ်နေ လျက်နဲ့  နေ့ တိုင်း နေ့ တိုင်း ပင်ပန်း နေတာမျိုးရှိလား..” စသဖြင့် မေးယူ နိုင်ပါတယ်။ ခက်တာက တစ်ချို့ သော ဖြစ်ရပ်တွေမှာ လူနာ ကိုယ်တိုင်က သူတို့ လုံလုံ လောက်လောက် မအိပ်ဘူး ဆိုတာကို သဘော မပေါက် နိုင်ကြဘူး။ အရေးကြီး တာတွေ ပေါ်နေရင် လိုအပ်ချက် အရ သော်လည်းကောင်း၊ ကိုယ်တိုင် ရွေးချယ်မှု အရ သော် လည်း ကောင်း အိပ်ချိန် တွေကို အရင် မောင်းထုတ် ပစ်လိုက် ကြတာပဲ လို့  ဒေါက်တာ ဟန့် ထ်က ဆက်ပြော ပါတယ်။ လူနာတွေက “သေချာ တာပေါ့၊ ကျွန်တော် ပင်ပန်း နေတတ်တယ်၊ အိပ်ရေး၀၀ မအိပ်ရဘူး ဆိုတာလဲ ဖြစ်နိုင်ပါတယ်၊ ဒါပေမယ့် ဒါဟာ ဘ၀ပဲလေ” လို့ ပြောလေ့ ရှိပါတယ်တဲ့။

Sleep Disorder Center of St.Boniface Hospital ရဲ့ ဒါရိုက်တာ ဖြစ်ပြီး Principles and Practice of Sleep Medicine ရဲ့ coauthor တစ်ဦးဖြစ်တဲ့ Dr. Meir Kryger ကလည်း မကြာခင်က လူနာ တစ်ယောက်ကို တွေ့ ခဲ့ရတယ်တဲ့။ နှစ်ပေါင်း များစွာမှာ ပျမ်းမျှ အိပ်ချိန် တစ်ညကို ၅ နာရီတောင်မရှိဘူး။ အနှစ် ၂၀ ကျော် သူနာပြုလုပ်လာတဲ့ ဒီအမျိုးသမီးဟာ သူနဲ့ တွေ့ တဲ့အချိန်မှာ လူနာတွေ အနားမှာ နိုးနိုးကြားကြား မနေနိုင်တော့တဲ့ အခြေအနေမျိုး ဖြစ်နေပါပြီ။ ဒီအမျိုးသမီး အနေနဲ့  နှစ်ပေါင်းများစွာ လေးငါး နာရီစီ လောက်ပဲ အိပ်ပြီး နောက်နေ့ မှာ အလုပ် မလုပ်နိုင် ဖြစ်ဖြစ် နေတဲ့ အခြေအနေ မျိုးကို ဆိုးရွား သထက် ဆိုးရွားစွာ ခံစား လာရ သော်လည်း ဆရာဝန်ကို မပြဘဲ နေလာတာ သူ တော်တော် အံသြ ရတယ်လို့  ဆိုပါတယ်။

သုသေတန ပညာရှင်များ အဆိုအရ အရွယ်ရောက်ပြီး သူတိုင်းဟာ တစ်ညကို အနည်းဆုံး (၇) နာရီကနေ (၈) နာရီတော့ အိပ်သင့်တယ် လို့  ဆိုပါတယ်။ ကလေးတွေမှာ ပိုတောင် လိုအပ်ပါတယ်။ 2002 poll by the National Sleep Foundation ကတော့ အမေရိကန် အရွယ်ရောက်ပြီးသူတွေရဲ့  (၇၀%) ရဲ့ ညအိပ်ချိန် ဟာ (၈) နာရီအောက် နည်းပြီး (၄၀%) က (၇) နာရီအောက်နည်းတယ် ဆိုတာ တွေ့ ရှိခဲ့ရပါတယ်။ Responders တွေရဲ့ သုံးပုံတစ်ပုံမှာ ရဲ့ လက္ခဏာ တွေကို တွေ့ ရတယ်လို့ ဆိုပါတယ်။ National Center on Sleep Disorders Research ကလည်း ယူအက်စ်မှာ လူဦးရေသန်းပေါင်း (၇၀) လောက်ဟာ Sleep problems တွေကို ခံစား နေရပြီး သန်းပေါင်း (၃၀) လောက်ကတော့ ညအိပ်ချိန် မလုံလောက်မှု ကြောင့် နေ့ ဘက် အလွန်အမင်း အိပ်ချင်မှုတွေကို ခံစား နေရတယ်လို့  ဆိုပါတယ်။

ဒေါက်တာဟန့် ထ်နဲ့  သုတေသန ပညာရှင်တွေ ကတော့ နေ့ ညမရွေး အွန်လိုင်းမှာ ဈေးဝယ်နိုင်၊ ထွေရာလေးပါး လျှောက်ကြည့်နိုင်၊ မေးလ်တွေ ပို့ နိုင်အောင် ဖန်းတီး ပေးထားတဲ့ အင်တာနက် ဟာလည်း ဒါတွေရဲ့  အကြောင်းရင်း တစ်ခုလို့  ဆိုပါတယ်။ New York University က Medical director တစ်ဦးဖြစ်တဲ့ Dr. David M. Rapoport ကလည်း ကျွန်တော်တို့ ဟာ အိပ်ရေး အင်မတန်ပျက်တဲ့ လူ့ အသိုင်းအ၀ိုင်းတစ်ခု ဖြစ်လာပြီ လို့ ဆိုပါတယ်။

ဒါဟာ ပုဂ္ဂိုလ် တစ်ဦးချင်းကိစ္စ မဟုတ်တော့ဘဲ လူထု ကျန်းမာရေး ကိစ္စတစ်ခု ဖြစ်လာပါပြီ။ Columbia University’s Mailman School of Public Health and Obesity Research Center က သုတေသန ပညာရှင်တွေ ကလည်း အအိပ်နည်းလေ၊ ၀လာနိုင်လေလို့  ဆိုပါတယ်။ အသက် (၃၂)နှင့် (၅၉)ကြားပုဂ္ဂိုလ်များကို သုသေတနပြုရာမှာ တစ်ညကို (၄)အောက် နည်းပြီး အိပ်တဲ့သူတွေဟာ တစ်ည (၇-၉) နာရီလောက် အိပ်တဲ့သူ တွေထက် (၇၅%) ပိုဝ နိုင်တယ်ဆိုတာ တွေ့ ရှိခဲ့ပါတယ်။ အိပ်ချိန်နည်း တာဟာ အစာစားလိုမှုကို လျှော့ချပေးတဲ့ ဟော်မုန်းတွေကို လျော့ထွက် စေတယ်လို့  ယုံကြည် လာကြပါတယ်။ ဒါကြောင့် အအိပ်ပျက် သူတွေဟာ တစ်နေ့ ကို ကယ်လိုရီ ၁၀၀၀ ကျော်လောက် စားလာကြတယ်။ အအိပ်နည်းခြင်းဟာ သွေးထဲက သကြားဓါတ်ကို ထိန်းညှိပေးတဲ့ အင်ဆူလင်ကိုပါ အထွက်နည်း စေတယ်လို့ ဆိုပါတယ်။

အအိပ်ပျက် လာတာကို ကျန်းမာရေး ချို့ ယွင်းမှု တစ်ခုအနေနဲ့  အသိစိတ် နည်းနေသေးတယ်လို့  University of Illinois Medical Center in Chicago ရဲ့ Medical Director တစ်ဦးဖြစ်တဲ့ Dr. James Herdegen က ဆိုပါတယ်။ လွန်ခဲ့တဲ့ ငါးနှစ်လောက်က ဆိုရင် အိပ်တဲ့ အကြောင်းကို ဘယ်သူမှ ပြော မနေကြ ဘူး၊ ဒါဟာ အခုမှ ဖွံ့ ဖြိုးလာတဲ့ နယ်ပယ် တစ်ခုပါ လို့ လဲ ဆိုပါတယ်။

ညအထိ အိမ်အပြင်မှာ နေကြရ သူတွေ အနေနဲ့  အိပ်ရေး ပျက်ခြင်းဟာ နောက်နေ့ လုပ်ငန်းတွေမှာ အာရုံ စူးစိုက်နိုင်စွမ်း၊ လုပ်ကိုင် နိုင်စွမ်းတွေ ကျဆင်းစေတာ သိရပါမယ်။ အိပ်ရေး ပျက်ခြင်း ကြောင့် မှတ်ဥာဏ်တွေ၊ စိတ်အာရုံတည်ငြိမ်မှုတွေ၊ သင်ယူမှုတွေ၊ ကိုယ်ခံစွမ်းအားတွေပါ ထိခိုက်စေတယ်လို့  သုတေသန တွေက ဖော်ထုတ် ထားပါတယ်။ သွေးတိုး၊ နှလုံး၊ ဆီးချို၊ စိတ်ကျရောဂါတွေနဲ့ လည်း ဆက်စပ်နေပါတယ်။ ဒေါက်တာဟန့်ထ်က ကောင်းကောင်း မွန်မွန် အိပ်ပျော်တဲ့ ညတစ်ညဟာ ဘာနဲ့ မှ အစား မထိုးနိုင်ဘူး၊ အိပ်ခြင်းဟာ တို့ တို့ လိုပဲ အထွေထွေ ကျန်းမာရေး အတွက် အရေးကြီး တယ် လို့  ဆိုပါတယ်။

အအိပ်ပျက်ခြင်းရဲ့ တစ်ခြားသော အန္တရာယ်တွေလဲ ရှိပါ သေးတယ်။ တစ်နှစ်မှာ ယာဉ်တိုက်မှုပေါင်း တစ်သိန်းခန့် ဟာ အအိပ်ပျက် ပြဿနာနဲ့  ပက်သက် နေပါတယ်။ Sleep-related problems တွေ (ဆေးကုသမှုနဲ့ ကျန်းမာရေး စောင့်ရှောက်မှု အပါအ၀င်) အတွက် အစိုးရဟာ ဒေါ်လာ (၁၆) ဘီလီယံလောက် ကုန်ကျနေရသလို ပြည်သူဘက် ကလည်း ဒေါ်လာ (၈၄) သန်းလောက် နှစ်စဉ် သုံးစွဲနေရတယ်လို့ သုသေတန တစ်ခုက ဆိုပါတယ်။ ဒါပေမယ့် တစ်နေ့ တစ်ခြားဝလာ၊ အသက်ကြီးလာတဲ့ လူထု အတွက်တော့ Sleeping disorders တွေကို ကြုံနေရ ဆဲပါ။

ဒေါက်တာ ဟန့်ထ် ကတော့ ပိုမို အလေးထားမှု၊ ပိုမို ကောင်းမွန်တဲ့ ကုသမှု နည်းလမ်း တွေနဲ့ ကျော်လွှား နိုင်မယ်လို့  ယုံကြည် နေပါတယ်။ ဝေဒနာရှင်တွေ အတွက် သတင်းကောင်း ကတော့ ထိရောက်တဲ့ ကုထုံးတွေ ပေါ်ထွက်နေပြီ ဆိုတာပါပဲ။ Sonata, Ambien အစရှိတဲ့ ရေတို သုံးအိပ်ဆေး တွေဟာ ယခင်ဆေးများလို addictive မဖြစ်ဘဲ side effects တွေလဲ နည်းလာပါတယ်။ ရေရှည် ကုသမှုတွေ အတွက်လည်း Lunesta ဆိုတဲ့ ဆေးတစ်မျိုးကို FDA က မကြာသေးခင်က အသိအမှတ်ပြု ပေးလိုက်ပါပြီ။ စမ်းသပ်ဆဲ ဆေးဝါးတွေလည်း အများကြီးပါ။ Sanofi-Aventis , Merck, Pfizer စတဲ့ကုမ္မဏီတွေက ပိုမို ကောင်းမွန်တဲ့ ဆေးအတွက် စမ်းသပ် နေပါတယ်။ ဆေးဝါး ကုထုံးတွေသာ မကပါဘူး။ Bilevel Positive Air Pressure (Bi-PAP), Continuous Positive Air Pressure (CPAP) စတဲ့ စက်တွေနဲ့ ကိုကုသပါတယ်။ ပိုမို အခြေအနေ ဆိုးတဲ့ မျိုးဆိုရင် ခွဲစိတ်မှုတောင် လုပ်ရတယ်။ CPAP ကြောင့် ကနဦးမှာ ဖေါ်ပြခဲ့တဲ့ Friedman ကို ကြီးမား မြန်ဆန်တဲ့ ပြောင်းလဲမှုကြီး ဖြစ်စေ ခဲ့တာပေါ့။ သူဘ၀ ပြောင်းလဲ သွားရ ပါတယ်လို့ သူကပြောပါတယ်။ ခရီးသွားရင်တောင် ဒီစက်မပါဘဲ သူမအိပ်တော့ဘူး လို့ ပြော ပါတယ်။ သူ့ သွေးထဲက သကြား ဓါတ်ကိုလည်း ထိန်းချုပ် နိုင်ပြီလို့  ဆိုပါတယ်။

နာတာရှည် အိပ်မပျော်ခြင်း အတွက် ဆိုတဲ့ လူနာရဲ့ အိပ်ခြင်းနဲ့ ပတ်သက်တဲ့ အတွေးတွေ၊ အပြုအမူ တွေကို ပြောင်းလဲ ပေးတဲ့ Cognitive Behavior Therapy (CBT) နည်းလမ်းကို သုံးလာကြပါတယ်။ ဟားဘတ်က ဦးဆောင်တဲ့ လေ့လာမှု တစ်ခုကလည်း CBT ဟာ Sleeping pills တွေထက် လူနာများကို သိသိသာသာ ရလဒ်ကောင်းများ ပေးကြောင်း ကောက်ချက်ချ ထားပါတယ်။

သာမာန် အိပ်မပျော် သူတွေ အတွက်တော့ အိပ်ရာ ပုံမှန်ဝင်ခြင်း၊ အိပ်ရာ မ၀င်ခင် တရားထိုင်ခြင်း၊ ရေနွေးပူစိမ်ခြင်း၊ ညပိုင်းမှာ လေ့ကျင့်ခန်းတွေ၊ ပြင်းထန်တဲ့ လှုပ်ရှားမှုတွေကို ရှောင်ကြဉ်ခြင်း စတဲ့ အလေ့အကျင့် ကောင်းလေးတွေ ကနေ သိသိသာသာ အကျိုးရှိ နိုင်ပါတယ်။ အရေးကြီးဆုံးက အိပ်ခြင်းကို ပထမ ဦးစားပေးကြဖို့ ပါပဲ။

Read More...

Friday, June 20, 2008

Anaemia

သွေးအားနည်းခြင်း အကြောင်း သိကောင်းစရာ


“ဆရာ.. ကျမ လုံးဝအမောမခံနိုင်ဘူးရှင့်၊ ဟိုနားဒီနားသွားလည်း မောတာပဲ၊ လှုပ်လှုပ်ရှားရှားလုပ်ရင် လည်းမောတာပဲ၊ ရင်ကလဲ အမြဲလှပ်လှပ် လှပ်လှပ်နဲ့”
“ခင်ဗျားမှာ သွေးအားနည်းရောဂါ ရှိတယ်ဗျ”
“ဟုတ်တယ်ဆရာရယ်.. ကျမ သွေးပေါင်ချိန်ဟာ ဘယ်တော့မှ ၁၀၀ မကျော်ပါဘူး”

ဒီပြဿနာဟာ မြန်မာပြည်က လူနာနဲ့ ဆရာဝန်တွေကြားမှာ ခဏခဏ တွေ့ရလေ့ရှိပါတယ်။ ဆရာဝန်ပြောချင်တာက လူနာမှာ အနီးမီးယား (Anaemia) လို့ခေါ်တဲ့ သွေးအားနည်းခြင်း၊ တနည်းဆိုရရင် သွေးအနီရောင်ဖျော့တော့ခြင်း ရှိနေတယ်လို့ဆိုလိုတာပါ။ ဒါကို လူနာက သွေးပေါင်ချိန်လျော့နည်းခြင်း (Hypotension) နဲ့မှားတာပါ။ ဒီလိုအခြေအနေမျိုးရောက်ပြီဆိုရင် တချို့သောဆရာဝန်များက လူနာကို အချိန်ကုန်ခံ လေအကုန်ခံပြီး မရှင်းပြတော့ပါဘူး။ ကိုယ့်ဝတ္တရားကိုယ်သိတဲ့ ဆရာဝန်တချို့သာ သွေးအားနည်းခြင်းနဲ့ သွေးပေါင်ကျခြင်းမတူကြောင်း ယေဘူယျအားဖြင့် ရှင်းပြပါတယ်။ ဘာဆက်ဖြစ်သလဲကြည့်ရအောင်။ နှစ်လ၊ သုံးလလောက် အကြာမှာ ခုနကလူနာအမျိုးသမီး ဆရာဝန်ဆီ ပြန်ရောက်လာပါတယ်။

“ ဆရာ.. ကျမရဲ့ မောတာက မသက်သာလို့ပါ”
“ ကျနော်ညွှန်ပေးလိုက်တဲ့ သွေးအားဖြည့်ဆေး သောက်ရဲ့လား”
“ အဲဒီဆေး အနီအတောင့်ကြီးတွေပေါ့ ဆရာရယ်.. ကျမတစ်ခါ၊ နှစ်ခါလောက်သောက်လိုက်တာ ခေါင်းထဲကမူးသလိုလို ဖြစ်တယ်.. လမ်းထိပ်ဆေးဆိုင်ကတော့ အဲဒီသွေးအားတိုးဆေးတွေဟာ သောက်နေကျမဟုတ်ပဲ သောက်ရင် အခန့်မသင့်ရင် သွေးပေါင်ချိန်တွေ အရမ်းတက်တယ်ပြောတာပဲ။ ကျမလဲ သွေးတိုးရောဂါရမှာစိုးလို့ မသောက်ဖြစ်တော့ဘူး”

ဆရာဝန်က သွေးအားပြန်ပြည့်လာရန်၊ သွေးအနီရောင်ပြန်ရင့်လာရန် သွေးအားဖြည့်ဆေး/သွေးအားတိုးဆေး (Hematinic) ညွှန်ပေးလိုက်ပါတယ်။ သို့သော်ငြားလည်း အရပ်ပြောအရ သွေးအားဖြည့်ဆေးသောက်လျှင် သွေးပေါင်ချိန်တိုးမည်စိုးသဖြင့် မသောက်ပါချေ။ ဒီတော့လည်း ဆရာဝန်ခမျာ သွေးအားနည်းခြင်းနဲ့ သွေးပေါင်ကျခြင်းမတူကြောင်း၊ သွေးအားဖြည့်ဆေးသည် သွေးပေါင်မတက်စေနိုင်ကြောင်း စသည်ဓါတ်ပြားဟောင်းကြီးကိုပဲ ပြန်ဖွင့်ရပြန်သည်။ ဆရာဝန်တန်မဲ့ လျှာရှည်လှသော ထိုဆရာဝန်ထံသို့ လူနာသည် နောက်တစ်ကြိမ် ပြန်မလာတော့ချေ။

ဘာဆက်ဖြစ်ကြသနည်း။ လျှာရှည်သောအမှုကြောင့် လူနာမရတော့သော ထိုဆရာဝန်သည် အင်တာနက်ပေါ်တက်လာပြီး အောက်တွင်ဖေါ်ပြလတ္တံသော စာကိုရေးလေတော့သည်။



သွေးအားနည်းခြင်း (Anaemia) အကြောင်းသိကောင်းစရာ

သွေးအားနည်းခြင်း အမျိုးမျိုးရှိသည့် အနက် ယခုဖေါ်ပြမည့် အကြောင်းအရာများမှာ သွေးအားနည်းခြင်းများ အကြောင်း ယေဘူယျခြုံပြီး ရေးထားခြင်းဖြစ်ပါသည်။ သံဓါတ်ချို့တဲ့ခြင်းကြောင့်သွေးအားနည်းခြင်း၊ ဗိုက်တာမင် ဘီ၁၂ ချို့တဲ့ခြင်းကြောင့်သွေးအားနည်းခြင်း၊ ဖေါလစ်ဓါတ်ချို့တဲ့ခြင်းကြောင့်သွေးအားနည်းခြင်း စသည့် သီးသန့် အကြောင်းအရာများကိုတော့ နောင်အလျှင်းသင့် သလို ရေးပြပါ့မယ်။


သွေးအကြောင်း တစေ့တစောင်း။


သွေးအရည်နီရဲရဲမှာ ဘာတွေပါသလဲဆိုတော့ -
၁။ သွေးနီဥ (Red Blood Cells) - ခန္ဓာကိုယ်အတွင်း အောက်စီဂျင်ကို သယ်ဆောင်ပေးသူ
၂။ သွေးဖြူဥ (White Blood Cells) - ကိုယ်ခန္ဓာရဲ့ ခုခံအားစနစ်/တပ်မတော်
၃။ သွေးဥမွှာ(Platelets) - ထိခိုက်ရှနာများတွင် သွေးခဲ/သွေးတိတ်စေသူများ
၎။ အသားဓါတ်များ (Proteins) - အလုပ်တာဝန်များ အမျိုးမျိုးကွဲပြားကြသည်

သွေးနီဥများကို ရိုးတွင်းချင်ဆီထဲမှာ ပြုလုပ်ကြသည်။ နေ့စဉ် ပျက်စီးသွားသော သန်းပေါင်းများစွာသော သွေးနီဥများကို အစားထိုးရန် ရိုးတွင်းချင်ဆီမှ သွေးနီဥအသစ်များသည် သွေးကြောများအတွင်းသို့ စဉ်ဆက်မပြတ် ၀င်ရောက်နေပါသည်။ သွေးနီဥများတွင် ဟေမိုဂလိုဘင် (Haemoglobin) ဟုခေါ်သည် အနီရောင် ဓါတ်တမျိုးပါရှိသည်။ ထို ဟေမိုဂလိုဘင်သည် ခန္ဓာကိုယ် အတွက်မရှိမဖြစ်သော အောက်စီဂျင်ကို အဆုတ်မှတဆင့် တကိုယ်လုံးသို့ ပို့ဆောင်ပေးသည်။

နေ့စဉ် သန်းပေါင်းများစွာသော ဟေမိုဂလိုဘင်ပါသည့် သွေးနီဥအသစ်များကို တည်ဆောက်နိုင်ရန် သံဓါတ်၊ ဗိုက်တာမင်ဓါတ်နှင့် အခြားအာဟာရဓါတ်များကို စားသုံးလိုက်သော အစားအသောက်များမှ ရယူပါသည်။


သွေးအားနည်းခြင်း ဆိုတာဘာလဲ။

နှစ်မျိုးကြောင့်ဖြစ်နိုင်ပါတယ်။
၁။ ပုံမှန်ထက် သွေးနီဥ အရေအတွက်နည်းနေခြင်း (ခန္ဓာကိုယ်ထဲ သွေးနီဥ စုစုပေါင်း နည်းမှတော့ သွေးနီဥထဲပါတဲ့ ဟေမိုဂလိုဘင် စုစုပေါင်းလည်း နည်းပြီပေါ့။)
၂။ သွေးနီဥအရေအတွက် ပုံမှန်ဖြစ်သော်လည်း သွေးနီဥထဲတွင်ပါဝင်သော ဟေမိုဂလိုဘင်(အနီရောင်)ဓါတ် ချို့တဲ့နေခြင်း

အထက်ပါနှစ်မျိုးမှာ ဘာကြောင့်ပဲ သွေးအားနည်းနည်း (ဟေမိုဂလိုဘင်နည်းသွားတဲ့အတွက်ကြောင့်) အောက်စီဂျင်သယ်ယူပို့ဆောင်ရေးကတော့ ကျသွားပါတယ်။


သွေးအားနည်းခြင်း၏ ရောဂါလက္ခဏာများ။

အဓိကလက္ခဏာတွေကတော့ သွေးအားနည်းရောဂါမှာ အောက်စီဂျင်လျော့နည်းစွာရခြင်းကြောင့် “လေငတ်” တဲ့ လက္ခဏာတွေပဲဖြစ်ပါတယ်။ မောတယ်၊ ပန်းတယ်၊ တရိပ်ရိပ်ဖြစ်တယ်၊ လှုပ်လှုပ်ရှားရှားလုပ်တာနဲ့မောတယ်၊ အမောမစေ့ဘူး စတာတွေပေါ့။

တခါတလေတော့လည်း ခေါင်းကိုက်တယ်၊ ရင်တုန်တယ်၊ ပါးစပ်ကအရသာတစ်မျိုးကြီးဖြစ်နေတာတို့၊ နားထဲ တ၀ီဝီဖြစ်နေတာတို့ စတာတွေလည်းဖြစ်တတ်ပါတယ်။

သေသေချာချာကြည့်ရင်တော့ အသားအရောင်၊ နှုတ်ခမ်း၊ လက်ဖ၀ါး ခြေဖ၀ါး ဖျော့တော့တော့ ဖြစ်နေမယ်ပေါ့။ (မီးနေသည်နှုတ်ခမ်းကို မြင်ဘူးပါသလား။)

သွေးအားနည်းခြင်းဖြစ်ရတဲ့ အခြေခံရောဂါတွေကြောင့်လည်း အခြားရောဂါလက္ခဏာများ တွေ့ရနိုင်ပါတယ်။


သွေးအားနည်းရောဂါဖြစ်စေတဲ့ အကြောင်းများ

က။ သံဓါတ်ချို့တဲ့ခြင်း
သွေးအားနည်းခြင်းဖြစ်ရတဲ့ အကြောင်းတွေထဲမှာ အဖြစ်အများဆုံးပါပဲ။ သာမန်အားဖြင့်တော့ နေ့စဉ် အစားအသောက်ကို ပုံမှန်စားမယ်ဆိုရင် လိုအပ်တဲ့ သံဓါတ်ကို အစားအသောက်ထဲကရနေလို့ သံဓါတ်ချို့တဲ့ခြင်းဖြစ်လေ့မရှိပါဘူး။ ဒါပေမယ့် အောက်ပါအခြေအနေတွေမှာတော့ သံဓါတ်ချို့တဲ့သွားနိုင်ပါတယ်။

၁။ ကိုယ်ဝန်ဆောင်များနဲ့ ဖွံ့ဖြိုးကြီးထွားဆဲကလေးသူငယ်များ
- ဒီလိုအချိန်တွေမှာ ပုံမှန်အစားအသောက်ကရတဲ့ သံဓါတ်ဟာ မလုံလောက်ဖြစ်တတ်ပါတယ်။
၂။ ရာသီသွေးပေါ်များခြင်း
- တစ်လတစ်ကြိမ် ရာသီသွေးကြောင့်ဆုံးရှုံးသွားတဲ့ သွေးနီဥများနေရာကို သွေးနီဥအသစ်များ လုံလောက်စွာ အစားမထိုးနိုင်ခြင်း
၃။ သံဓါတ်စုပ်ယူမှုမကောင်းခြင်း
- အစားအသောက်ထဲတွင် သံဓါတ်လုံလောက်စွာပါသော်လည်း အစာအိမ်နဲ့ အူလမ်းကြောင်းမှ စုပ်ယူမှုမကောင်းသဖြင့် သံဓါတ်ချို့တဲ့နိုင်ပါတယ်။
၎။ အစာအိမ်/အူလမ်းကြောင်းသွေးစိမ့်ခြင်း
- ခန္ဓာကိုယ်အခြားနေရာမှာသွေးစိမ့်နေရင် သိသာပေမယ့် အစာအိမ်နဲ့ အူလမ်းကြောင်းမှာသွေးစိမ့်နေရင် တတိတိနဲ့ မသိမသာ အချိန်ကြာလာတဲ့အခါ သွေးတော်တော်ဆုံးရှုံးသွားနိုင်ပါတယ်။
၅။ အာဟာရဓါတ်မျှတသော အစာမစားခြင်း
- အစားအသောက်တွင် သံဓါတ်လုံလောက်စွာမပါခြင်း။
၆။ သန်ကောင်၊ တုတ်ကောင်များရှိခြင်း။

ခ။ တစ်ခြားသော အကြောင်းများ

၁။ ဗိုက်တာမင်ဓါတ်ချို့တဲ့ခြင်း
- ဘီ၁၂ B12၊ ဖေါလစ် Folic acid စသည်
၂။ သွေးနီဥ ပြဿနာများ
- သွေးနီဥ ပုံသဏ္ထန် Abnormal RBC, Fragile RBC ပုံမှန်မဟုတ်လျှင် သွေးနီဥများပျက်စီးလွယ်သည့် အတွက်ကြောင့် ဖြစ်ရပါသည်။ ဥပမာ - ငှက်ဖျားပိုးဝင်နေသော သွေးနီဥ Malaria၊ သာလစမီးယား Thalassaemia ၊ တံစဉ်ကွေးသွေးနီဥ Sickle Cell Anaemia၊ စက်လုံးပုံသွေးနီဥ
၃။ ရိုးတွင်းချင်ဆီပြဿနာများ
- သွေးကင်ဆာ Leukaemia ကြောင့်ဖြစ်ရခြင်း (ရှားပါးသော်လည်း ဖြစ်နိုင်ပါတယ်)
၎။ အခြားနာတာရှည်ရောဂါများ
- သွေးလေးဖက်နာ Rheumatoid Arthritis ၊ ကျောက်ကပ်မကောင်းခြင်း Kidney failure၊ စသည် နာတာရှည်ရောဂါများကြောင့်လည်း သွေးအားနည်းခြင်းဖြစ်စေပါသည်။

မြန်မာနိုင်ငံမှာ အများဆုံးတွေ့ရတာကတော့ အစားအသောက်ရှောင်ခြင်း၊ ကိုယ်ဝန်ဆောင်၊ ငှက်ဖျားရောဂါ နဲ့ သန်ကောင် တုတ်ကောင် တွေကြောင့်ပါပဲ။


တရားခံကိုရှာခြင်း နဲ့ ကုသခြင်း

သွေးအားနည်းကြောင်းကို စမ်းသပ်ရတာလွယ်ပါတယ်။ သွေး အနည်းငယ်ယူလိုက်ပြီး သွေးနီဥအရေအတွက်ပုံမှန်ရှိမရှိစစ်ဆေးခြင်း နဲ့ ဟေမိုဂလိုဘင်ဓါတ်ပြည့်မပြည့် စစ်လိုက်ရင် ပြောလို့ရပါပြီ။ သို့သော်လည်း ဒီလိုသွေးစစ်ကြည့်ရုံလောက်နဲ့တော့ ဘာကြောင့်သွေးအားနည်းရလည်းဆိုတဲ့ အဓိကလက်သည်ကို မသိနိုင်ပါဘူး။

တခါတလေတော့လည်း သွေးအားနည်းရခြင်းရဲ့ အကြောင်းဟာ ကွင်းကွင်းကြီးပေါ်နေတတ်ပါတယ်။ ဥပမာ ကိုယ်ဝန်ဆောင်၊ ဒါမှမဟုတ် ရာသီသွေးပေါ်များခြင်း စတာတွေပေါ့။ ဒီလိုဆိုရင်တော့ သွေးအားနည်းရခြင်း အကြောင်းအရင်းကို တခြားထူးထူးထွေထွေရှာမနေတော့ပဲ သံဓါတ်ပါဝင်သော သွေးအားဖြည့်ဆေး ကလေးတွေ ပေးကြည့်ပါတယ်။ အကယ်လို့ သွေးအားနည်းရခြင်း အကြောင်းကို တိတိပပမသိဘူးဆိုရင်တော့ သေသေချာချာ စမ်းသပ်စစ်ဆေးမှုတွေလုပ်သင့်ပါတယ်။ တချို့သော သွေးအားနည်းရခြင်းတွေရဲ့ အခြေခံအကြောင်းဟာ မထင်မှတ်ပဲ ဆိုးဝါးနေနိုင်ပါတယ်။ ဥပမာ သွေးကင်ဆာလိုဟာမျိုးပေါ့။

သွေးအားနည်းခြင်းကို ကုသခြင်းတွေမှာလည်း လူနာပေါ်မူတည်ပြီး အမျိုးမျိုးကွဲပြားနိုင်ပါတယ်။ များသောအားဖြင့်ကတော့ သံဓါတ်ပါသော သွေးအားဖြည့်ဆေး (သွေးအားတိုးဆေး ဆိုတဲ့ အခေါ်အဝေါ်ကို မသုံးပါနှင့်) များဖြင့်ကုခြင်းဖြစ်ပါတယ်။ တစ်ခု သတိထားရမှာက သွေးအားဖြည့်ဆေး သောက်ရင် စသောက်ပြီး ရက်ပေါင်း ၃၀ လောက် အကြာမှာမှ စတင်သိသာလာမှာပါ။ ဘာဖြစ်လို့လည်းဆိုတော့ ပုံမှန် သွေးနီဥ ပြုလုပ်ချိန်ဟာ အနည်းဆုံး ရက် ၃၀ ကြာလို့ပါပဲ။ သွေးအားအရမ်းနည်းနေတဲ့သူ ဆိုရင်တော့ သွေးသွင်းကုသခြင်းမျိုးနဲ့ စရပါတယ်။

သံဓါတ်ချို့တဲ့ခြင်းကြောင့်မဟုတ်တဲ့လူတွေဆိုရင်တော့ သက်ဆိုင်ရာ ဗိုက်တာမင်ဆေးများပေးခြင်း ဖြစ်ပါတယ်။ ရံဖန်ရံခါလည်း အခြားရှုပ်ထွေးသော ကုထုံးများဖြင့်လည်း လိုအပ်ရင် ကုကြပါတယ်။


Ref: http://www.patient.co.uk/showdoc/23068888/

Read More...

Friday, June 13, 2008

Arthritis

အဆစ်အမြစ် ယောင်ခြင်း နာခြင်း


အင်္ဂလိပ်လို Arthritis ဆိုတဲ့စကားဟာ အဆစ်အမြစ် နာကျင်ကိုက်ခဲခြင်း၊ တောင့်တင်းခြင်း နဲ့ ယောင်ကိုင်းလာခြင်း စတာတွေ အားလုံးကို ယေဘူယျခြုံပြောလိုက်တာပါ။ တဆစ်ပဲနာနာ နှစ်ဆစ်ပဲနာနာ အဆစ်နာရောဂါပါပဲ။ ဆရာဝန်များ ယခုအချိန်ထိ ရှာဖွေတွေ့ရှိထားသလောက်ဆိုရင်တော့ အဆစ်နာရောဂါပေါင်းဟာ ၁၀၀ ကျော်ကျော်ရှိပါသတဲ့။ အဆစ်နာရောဂါဟာ ဘယ်လောက် အဖြစ်များ သလဲဆိုရင် ကမ္ဘာပေါ်က လူ ၅ ယောက်မှာ ၁ ယောက် နှုန်းဖြစ်နေပါတယ်။ အဆစ်နာအမျိုးပေါင်း ၁၀၀ ကျော်ထဲက အဓိက ဖြစ်လေ့ရှိတာကတော့ Osteoarthritis လို့ခေါ်တဲ့ပွန်းစားအဆစ်နာဖြစ်ပြီး နောက်တစ်ခုကတော့ မြန်မာပြည်မှာ သိပ်တွေ့ရလေ့မရှိသော်လည်း အနောက်တိုင်းအဖြစ်များတဲ့ Rheumatiod arthritis ခေါ် သွေးလေးဖက်နာပဲဖြစ်ပါတယ်။

ဝမ်းနည်းစရာကောင်းတာကတော့ အဆစ်နာရောဂါကို လုံးဝပျောက်ကင်းအောင်ကုလို့ရတဲ့ ဆေးမရှိသေးပါဘူး။ ဆေးဝါးလေးနဲ့ နဲနဲထိန်း၊ တဖက်ကလည်း လေ့ကျင့်ခန်းလေး ဘာလေးလုပ် စသည်ဖြင့်တော့ အဆစ်နာခြင်းကို သက်သာအောင် ကြံဖန်လုပ်နေကြရတာပါပဲ။ အဲဒီအထဲမှာမှ ကျန်းမာရေးအသိရှိခြင်း နဲ့ ကိုယ့်ကိုယ်ကို စောင့်ရှောက်ခြင်းတို့ကလည်း အင်မတန်အရေးကြီးပါတယ်။

အဆစ်နာခြင်းရဲ့လက္ခဏာများ

အဆစ်နာခြင်းဟာ ကျားမ မရွေး အသက်အရွယ်မရွေး ဖြစ်နိုင်ပါတယ်။ သို့သော် တချို့သော အဆစ်နာရောဂါတွေကတော့ ဒုတိယအရွယ်နဲ့ တတိယအရွယ်တွေမှာ ပိုအဖြစ်များကြပါတယ်။ အဖြစ်များတဲ့ ရောဂါလက္ခဏာတွေကတော့ -

- အချိန်ပြည့် အဆစ်ထဲမှ ကိုက်ခဲနေခြင်း နှင့် လှုပ်ရှားမှုပြုသည့် အခါ ပိုဆိုးဝါးစွာနာခြင်း
- အဆစ်နှင့် အနီးတ၀ိုက်တွင် ယောင်ခြင်း၊ တောင့်ခြင်း၊ နီခြင်း၊ ပူခြင်း
- အဆစ်ကို ပုံမှန်အတိုင်း ကွေး ဆန့် မရတော့ခြင်း
- အဆစ် ၏ ပုံသဏ္ထာန် ပျက်ယွင်းသွားခြင်း
- ပင်ပန်းနွမ်းနယ်ခြင်း
- အဖျားတက်ခြင်း
- အကွေးအဆန့်ပြုလုပ်ရာတွင် အဆစ်အတွင်းမှ ပုံမှန်မဟုတ်သော အသံများထွက်ခြင်း စသည်တို့ပဲဖြစ်ကြပါတယ်။ ဒီရောဂါလက္ခဏာတွေကို တချို့က လေးဖက်နာလက္ခဏာတွေလို့ သတ်မှတ်ပြီး ရောဂါကိုလည်း လေးဖက်နာရောဂါလို့ နာမည်တပ်ကြပါတယ်။ တကယ်ကတော့ လေးဖက်နာရောဂါဆိုတာ အဆစ်နာရောဂါတွေထဲက အချို့ပါပဲ။

အဆစ်ဆိုတာဘာလဲ

အရိုးနှစ်ခုဆက်တဲ့နေရာဟာ အဆစ် ပေါ့လို့ လွယ်လွယ်ပြောရင်ရပါတယ်။ အဆစ်တစ်ခု လှုပ်ရှားနိုင်ဖို့ ဘာတွေပါရသလဲ ဆိုတာတော့ သိထားရင် ပိုကောင်းပါတယ်။

- Muscles ကြွက်သားများ - အဆစ်ဖြစ်ပေါ်စေသည့် အရိုးများနှင့် ဆက်နွယ်နေသည့် ကြွက်သားများသည် လှုပ်ရှားမှု အတွက် အရေးကြီးပါသည်။
- Tendons အရွတ်များ - ကြွက်သားများ နှင့် အရိုးများကို ဆက် ထားသော အရာကို အရွတ် ဟုခေါ်သည်။
- Ligaments အကြောများ - သည် အရိုးတစ်ခုနှင့် တစ်ခု အလွယ်တကူ ပြုတ်မထွက်သွားရန် တွဲဆက်ထားပေးသည်။
- Cartilage အရိုးနု - များသည် အရိုး တစ်ခုနှင့်တစ်ခု တိုက်ရိုက်ထိတွေရာတွင် ပွန်းစားမှုသက်သာစေသည်။
- Synovial membrane - အဆစ်အတွက် သဘာဝချောဆီ ကိုထုတ်ပေးသည်။
- Bursa - ကြွက်သားအချင်းချင်း အကြား၊ ကြွက်သားနဲ့ အရိုးကြား အကြားလှုပ်ရှားမှုကောင်းစေသည်။

အဆစ်နာရခြင်း အကြောင်း

အပေါ်မှာပြောခဲတဲ့ အဆစ်တစ်ခုမှာပါတဲ့ ပစ္စည်းတွေ တစ်ခုခုဖြစ်ရင် အဆစ်နာတော့တာပါပဲ။ သွေးလေးဖက်နာရောဂါ Rheuamtiod arthritis မှာဆိုရင် အဆစ်အမြှေးပါးယောင်လို့ဖြစ်တာပါ။ Ankylosing spondylosis ဆိုရင်တော့ ခြေဖနောင့်နဲ့ ခါးဆစ်တွေမှာရှိတဲ့ အရိုးနဲ့ ဆက်နေတဲ့ အရွတ်တွေ ယောင်လို့ဖြစ်တာပါ။ အဆစ်အတွင်း ပုံဆောင်ခဲ အနယ်ကျခြင်းကြောင့်ဖြစ်တဲ့ရောဂါကိုတော့ ဂေါက်ရောဂါလို့ အသိများကြပါတယ်။ အဆစ်တစ်ခုခုထဲကို အခန့်မသင့်ပဲ ရောဂါပိုးဝင်သွားခြင်းကြောင့်လည်း အဆစ်နာနိုင်ပါတယ်။ အရိုးနှစ်ခု တိုက်ရိုက်မထိတွေ့ရအောင် ကြားခံထားပေးတဲ့ အရိုးနုတွေ ကာလကြာမြင့်သည်နှင့်အမျှ ပွန်းစားသွားသောကြောင့် ဖြစ်ရတဲ့ ပွန်းစားအဆစ်နာရောဂါကတော့ အဖြစ်အများဆုံးပါပဲ။ ထိခိုက်မိခြင်းကြောင့် သော်လည်းကောင်း၊ အခြားသော အကြောင်းများကြောင့် သော်လည်းကောင်း အဆစ်နာခြင်းများဖြစ်တတ်ပါသေးတယ်။

အဆစ်နာကုထုံးများ

တစ်ယောက်နဲ့တစ်ယောက် ခံစားရတာခြင်းမတူသလို ကုထုံးများလည်း ကွဲပြားကြပါတယ်။ တစ်ယောက်ထဲတောင် တစ်ရက်နဲ့ တစ်ရက် ရောဂါလက္ခဏာ အပြင်းအပျော့ခြင်း တူချင်မှတူမှာပါ။ ကုထုံးတွေလည်း အမျိုးမျိုး အဖုံဖုံ ရှိပါတယ်။

- လေ့ကျင့်ခန်းကုထုံး - အလေးမခြင်း၊ ရေပူနှင့် လေ့ကျင့်ခန်းလုပ်ခြင်း၊ ထိုက်ချိ
- အပ်စိုက်ကုခြင်း
- အထောက်အကူပစ္စည်းများ သုံးပြီးကုခြင်း
- တရားထိုင်ခြင်း
- ဆေးဝါးများ အကူအညီယူခြင်း - အကိုက်အခဲပျောက်ဆေး၊ လေးဖက်နာဆေး စသည်တို့ဖြစ်ပါတယ်။
(ဆေးဝါး အမည်များကိုတော့ မဖေါ်ပြတော့ပါ။)

အဆစ်နာအတွက်ဆေးဝါးများသောက်မည်ဆိုပါက နီးစပ်ရာဆရာဝန်၏ ညွန်ကြားချက်ဖြင့်သာ သောက်ရန်ဖြစ်ပါတယ်။

နိဂုံးချုပ်

အဆစ်နာအကြောင်း အရှည်ကြီးပြောခဲ့ပြီးပြီ။ မမေ့ရမယ့် အချက်ကလေး ၃ချက်ပဲရှိပါတယ်။

- အဆစ်နာ ဆိုတာ အဆစ်နာတဲ့ ရောဂါအကုန်လုံးကို ယေဘူယျခြုံခေါ်ထားတာပါ။ (လေးဖက်နာဆိုတာက အဆစ်နာရောဂါရဲ့ အစိတ်အပိုင်းလေး တစ်ခုပါ။ ကျနော်တုိ့မြန်မာ အများစုက အရိုးအဆစ်နာပြီဆိုရင် လေးဖက်နာလို့ လွယ်လွယ်ခေါ်ချင်ကြပါတယ်။ လေးဖက်နာကို ဆရာဦးချစ်စိုးက ပိုးလေးဖက်နာ၊ သွေးလေးဖက်နာ၊ အရေပြားလေးဖက်နာ စသည်ဖြင့် ခွဲပြဘူးပါတယ်။)
- အဆစ်နာအမျိုးပေါင်း ၁၀၀ကျော်ရှိပါတယ်။
- အဆစ်နာအများစုမှာ နာကျင်ကိုက်ခဲတဲ့ အဆစ်ကို ငြိမ်ငြိမ်လေးထားမယ့် အစား လှုပ်လှုပ်ရှားရှားလုပ်ဖို့ အရေးကြီးပါတယ်။ ဒါမှသာ နောင်တစ်ချိန် အဆစ်တောင့်ခဲသွားခြင်းနဲ့ ကြွက်သားသိမ်သွားခြင်းတို့ကို ကာကွယ်နိုင်မှာဖြစ်ပါတယ်။

Read More...

Thursday, June 12, 2008

Disaster Management

ကပ်ဘေးမှ ကယ်ဆယ်ရေးကို စီမံခန့်ခွဲရေး ဆိုပြီး ရေးထားတာက Disaster Management ကို မြန်မာမှု ပြုလိုက်တာပါ။ မုန်တိုင်း သတင်းကြားပြီးပြီးခြင်း ရေးဖြစ်သွားတဲ့ ပို့စ်လေးပါ။ ရေးတာကတော့ Park’s Text Book of Preventive and social Medicine ကနေ ယူပြီးတော့ မြန်မာပြန်လိုက်တာ။ သူတို့ရေးထားတာက အိနိ်္ဒယနိုင်ငံရဲ့ အခြေအနေကို မူတည်ပြီး ရေးတဲ့ အတွက် မြန်မာနိုင်ငံ အနေနဲ့ လည်း ယူပြီး အသုံးပြု နိုင်ပါတယ်။


ကပ်ဘေးမှ ကယ်ဆယ်ရေးကို စီမံခန့်ခွဲခြင်း

Management Sequence of a sudden onset Disaster


အခု ပြထားတဲ့ပုံက ကပ်ဘေး တစ်ခုခု ကျရောက်လာရင် ဘယ်လို ရင်ဆိုင်တုန့်ပြန်ထိန်းချုပ် ရမယ်ဆိုတာ ပြထားတာပါ။ ပထမ တစ်ပိုင်း ကတော့ ကပ်ဘေး မကျရောက်ခင် ထိခိုက်မှုတွေ လျှော့နည်းအောင် ကြိုတင်ပြင်ဆင်တဲ့ အပိုင်းဖြစ်ပြီး ဒုတိယ အပိုင်းကတော့ ကပ်ဘေး ကနေ နံလန်ထူ လာအောင် ကူညီတဲ့ အပိုင်းဖြစ်ပါတယ်။

အခုတော့ ဒုတိယပိုင်းကို အဓိက ရေးသွားမှာပါ။ ပထမပိုင်း ကတော့ နောက်မှ အေးအေးဆေးဆေး ဘာသာပြန်ပြီး တင်ပါ့မယ်။

I) ကပ်ဘေး ကြုံတွေ့ခြင်းနှင့် တုန့်ပြန်ခြင်း ( Disaster impact and response)

ကပ်ဘေး တစ်ခု ကြုံလာပြီဆိုတာနဲ့ လူပေါင်းမြောက်မြားစွာကို ဆေးကုသမှုတွေ ပေးဖို့လိုမယ်လို့ ကြိုတင်ခန့်မှန်းထားရပါတယ်။ ထိခိုက်ဒဏ်ရာ ရမှုတွေဟာ ကပ်ဘေး အတွင်းမှာ ရတာဖြစ်လို့ ဒီ အရေးပေါ်ဆေးကုသမှုတွေဟာ ကပ်ဘေးဖြစ်ပြီး နာရီ အနည်းငယ် အတွင်းမှာ အလိုအပ်ဆုံး ဖြစ်ပါတယ်။ ဒီ အပိုင်းကို ရှာဖွေခြင်း၊ ကယ်တင်ခြင်းနှင့် အရေးပေါ် ကုသခြင်း ၊ ပြင်းထန်မှု အဆင့် ခွဲခြား သတ်မှတ်ခြင်း နှင့် လူနာများကို တည်ငြိမ်သော အခြေအနေရောက်စေခြင့် ၊ ဆေးရုံကုသမှုနှင့် လိုအပ်ပါက သင့်တော်ရာ ဆေးရုံများသို့ လွဲပို့ပေးခြင်း ဆိုပြီး ထပ်မံ ပိုင်းခြားလို့ ရပါတယ်။

I.a) ရှာဖွေခြင်း၊ ကယ်တင်ခြင်းနှင့် အရေးပေါ် ကုသခြင်း (Search , rescue and First Aid)

ကြီးမားတဲ့ ကပ်ဘေး တစ်ခုအပြီးမှာ ရှာဖွေခြင်း၊ ကယ်တင်ခြင်းနှင့် အရေးပေါ် ကုသခြင်းတွေအစရှိတဲ့ လုပ်ငန်း လိုအပ်ချက်တွေက ကြီးမားလွန်းလို့ တည်တည်ငြိမ်ငြိမ် စုစည်းပြီး လုပ်ဆောင်ပေးနိုင်မှုတွေဟာ အစိတ်အပိုင်း အနည်းငယ်သာ ဖြစ်နေ ပါလိမ့်မယ်။ အများဆုံး အကူအညီ ပေးနိုင်တဲ့ လူတွေကတော့ ကပ်ဘေးအတွင်းမှာ မထိခိုက်ပဲ ကျန်ခဲ့တဲ့ သူတွေပါပဲ။

I.b) ကွင်းဆင်းကုသပေးခြင်း ( Field Care)

ကပ်ဘေးဆိုက်တဲ့ နေရာမှာ ရှိနေတဲ့ ဆေးရုံ၊ ဆေးခန်းတွေကို ( ဘယ်လောက်ပဲ မပြည့်စုံ နေပါစေ) လူတွေ အကုန် စုပြုံပြီး ရောက်လာ ပါလိမ့်မယ်။ ထိရောက်မှု အရှိဆုံး ကုသမှု ပေးနိုင်ဖို့ အရေး အကြီးဆုံးပါပဲ။ ကုတင် တွေတတ်နိုင်သလောက် ထပ်တိုးဖို့နဲ့ ခွဲစိတ်ကုသမှု တွေ လုပ်ပေးနိုင်မှုကို အများဆုံးလုပ်ပေးနိုင်ဖို့ ကြိုးစားရပါမယ်။ အစားအသောက်နဲ့ နေရာ ထိုင်ခင်း တွေကိုလည်း စီစဉ် ပေးထား ရပါမယ်။ ပြီးတော့ လူနာတွေရဲ့ အသိဆွေမျိုးတွေ လာရောက်စုံစမ်းနိုင်တဲ့ နေရာ လေးတစ်ခု လုပ်ထားပေးရပါမယ်။ အရေးကြီးတာက လူနာတွေကို သေချာ ဘယ်သူဘယ်ဝါ စိစစ် မှတ်တမ်းယူဖို့နဲ့ ရင်ခွဲရုံ နေရာကို လုံလုံလောက်လောက် ထားရှိဖို့ပါ။

I.c) လူနာများကို ပြင်းထန်မှု အလိုက် ခွဲခြားသတ်မှတ်ခြင်း ( Triage)

ဒီလို မျိုး အစုလိုက် အပြုံလိုက် ထိခိုက် ဒဏ်ရာရတဲ့ အချိန်မျိုးမှာ အရင်ကလို `အရင်လာရင် အရင် ကုမယ်´ဆိုတာမျိုး လုပ်လို့ မရ တော့ပါဘူး။ လူနာတွေကို အမြန် စမ်းသပ် စစ်ဆေးပြီးရင် သူတို့ရဲ့ ဒဏ်ရာ အခြေအနေနဲ့ ဆေးကုသမှု ပေးရင် အသက်ရှင်နိုင်တဲ့ နှုန်းထား တွေကို ကြည့်ပြီး အဆင့်ခွဲခြားတာပါ။ ဦးစားပေး ကုသရမဲ့ လူနာတွေကတော့ အရိုးရှင်းဆုံး ကုသမှု ပေးလိုက်ရုံနဲ့ အသက်ရှင် သွားမယ့် ဒါမှ မဟုတ် ရေတာရှည် ကုသရမယ့် နေရာမှာ ထိရောက်မှု ကြီးကြီးမားမား သက်ရောက်စေမယ့် လူနာမျိူးတွေပါ။ အသေးစိတ် ဂရုတစိုက် ပြုစု ကုသမှု လိုအပ်ပြီး ကြီးမားတဲ့ အကျိုးသက်ရောက်မှု မရှိနိုင်တဲ့ လူနာမျိုးကိုတော့ နောက်ဆုံးဦးစားပေးပေါ့။ လူနာများကို ပြင်းထန်မှု အလိုက် ခွဲခြားသတ်မှတ်ခြင်း ဟာ ကြီးမားတဲ့ ကပ်ဘေးဆိုက်ရောက်မှုများမှာ အထိရောက်ဆုံးနဲ့ လူပေါင်းများစွာကို ကုသမှု ပေးနိုင်တဲ့ နည်းလမ်း တစ်ခုဖြစ်ပါတယ်။

ဒီလို လူနာများကို ပြင်းထန်မှု အလိုက် ခွဲခြားသတ်မှတ်ခြင်း ကို ကပ်ဘေးဖြစ်ပွါးတဲ့ နေရာမှာ လုပ်ဆောင်သင့်ပါတယ်။ အဲဒါမှ လိုအပ်တဲ့ သယ်ယူပို့ဆောင်မှုတွေ ပြုလုပ်ရာမှာ လိုအပ်တဲ့ လူတွေကို သင့်တော်သလို ပို့ဆောင်ပေးနိုင်မှာ ဖြစ်ပါတယ်။

လူနာများကို ပြင်းထန်မှု အလိုက် ခွဲခြားသတ်မှတ်ခြင်း ကို နိုင်ငံ အမျိုးမျိုးမှာ ပုံစံ အမျိုးမျိုး လုပ်ကြပေမယ့် အသုံးအများဆုံးကတော့ အရောင်နဲ့ ခွဲခြား သတ်မှတ်တာပါပဲ။

အနီရောင် က အရေးတကြီး ကုသဖို့ သို့မဟုတ် အရေးတကြီး လွဲပို့ရန်လိုအပ်တဲ့ လူနာ

အ၀ါ က အလယ်အလတ် ဦးစားပေး

အစိမ်း က လှုပ်ရှား သွားလာနိုင်တဲ့လူတွေ ဖြစ်ပြီး

အနက် ကျတော့ သေဆုံးတဲ့ လူတွေ ဖြစ်ပါတယ်။


ဒဏ်ရာ အနည်း ငယ်ရတဲ့ သူတွေနဲ့ အလယ်အလတ် ရတဲ့ လူတွေကတော့ ကိုယ့်အိမ်မှာပဲ ကိုယ်နေပြီး ကုသ သင့်ပါတယ်။ ဒါမှ သူတို့လည်း တစ်သီးတစ်ခြား မဖြစ်တဲ့ အပြင် သူတို့ကို ဆေးရုံဆေးခန်းပို့ဖို့ အရင်းအမြစ်တွေလည်း မကုန်တော့ပါဘူး။ ပြင်းထန်တဲ့ ဒဏ်ရာ ရရှိသူတွေကိုတော့ ဆေးရုံကို ပို့ပြီးကုသ သင့်ပါတယ်။

I.d) အမည်ကပ်ပြားများ တပ်ဆင်ပေးခြင်း

လူနာအားလုံးကို သူတို့ရဲ့ နာမည်၊ အသက်၊ လာတဲ့နေရာ၊ ပြင်းထန်မှု အဆင့်လိုက် ခွဲခြားခြင်း ၊ ရောဂါ အမည်နဲ့ ပထမဦးဆုံး ပေးထားတဲ့ ကုသမှုတွေကို ရေးသားထားတဲ့ ကပ်ပြားလေးတွေ တပ်ဆင်ထားပေးရပါတယ်။

I.e) သေဆုံးသူများကို ခွဲခြားစိစစ်ခြင်း

သေဆုံးသူများကို သေချာစွာ စီမံခန့်ခွဲခြင်းဟာလည်း ကပ်ဘေး စီမံခန့်ခွဲမှုမှာ အရေးပါတဲ့ အပိုင်း ဖြစ်ပါတယ်။ သေဆုံးသူအရေအတွက် များပြားခြင်းဟာ ကယ်ဆယ်ရေး လုပ်ငန်းစဉ်ကို နှောင့်နှေးစေပါတယ်။ သေဆုံးသူကို စီမံခန့်ခွဲတဲ့ နေရာမှာ

၁) အခင်းဖြစ်ပွါးရာ နေရာမှ အလောင်းများကို သယ်ထုတ်ခြင်း
၂)ရင်ခွဲရုံသို့ ပို့ဆောင်ခြင်း
၃)မည်သူမည်ဝါ ဖြစ်သည်ကို ခွဲခြားစိစစ်ခြင်း
၎)၀မ်းနည်း ကြေကွဲနေသော ဆွေမျိုး မိတ်သင်္ဂဟများကို တွေ့ဆုံ လက်ခံခြင်း တို့ပါဝင်ပါတယ်။

ဒီလို လုပ်တဲ့ အချိန်မှာ သေဆုံးသူတွေကို လည်း ထိုက်သင့်တဲ့ လေးစားသမှုနဲ့ ကိုင်တွယ်ဆက်ဆံဖို့ က အရေးကြီး ပါတယ်။

ကပ်ဘေးတစ်ခုမှာ ဆိုရင် ထိခိုက်ဒဏ်ရာကြောင့် သေဆုံးသွားသူတွေကနေ ကပ်ရောဂါတွေ- အူရောင်ငန်းဖျား (Typhoid) ၊ ကာလ ၀မ်းရောဂါ (Cholera) ဒါမှ မဟုတ်ရင် ပုလိပ် (Pleague) စတဲ့ ရောဂါတွေ ဖြစ်ဖို့ အခွင့်အလမ်း နည်းပါးပါတယ်။ ဒါပေမယ့် ဒီအလောင်း တွေဟာ ချောင်း၊ ရေတွင်း၊ ဒါမှမဟုတ် ရေအရင်းအမြစ်နေရာ တစ်ခုခုမှာ သွားပြီး ညစ်ညမ်း နေစေရင် (ဥပမာ- ရေလွှမ်းတဲ့ ကပ်ဘေး မျိုးပေါ့) အထက်လှန် အောက်လျော ( Gastroenteritis) တို့၊ အစာ အဆိပ်သင့်တာ(food Poisoning) တို့ ဖြစ်စေ တတ်ပါတယ်။

II) ကူညီကယ်တင်ခြင်း အဆင့်

ဒီအဆင့်ကတော့ ပြင်ပအကူအညီတွေ ကပ်ဘေးဆိုက်ရောက်ရာ နေရာကို ရောက်ရှိချိန်ကနေ စတင်ပါတယ်။ ကပ်ဘေး တစ်ခု ဆိုက်ရောက်ပြီဆိုတာနဲ့ လိုအပ်တဲ့ ဆေးကုသမှုတွေ ပြုလုပ်ပေးဖို့နဲ့ ကူးစက်နိုင်တဲ့ ရောဂါကာကွယ်ဖို့ ဆေးဝါး အထောက် အကူ ပစ္စည်းတွေ အဓိက လိုအပ်ပါတယ်။ အရေးပေါ် အခြေအနေကို လွန်မြောက်ပြီးတဲ့ အခါမှာတော့ အစားအစာ၊ စောင်၊ အ၀တ်အထည်၊ ခိုနားစရာ နေရာ၊ သန့်ရှင်းရေးအတွက် လိုအပ်တဲ့ အင်ဂျင်နီယာသုံး စက်မှု ပစ္စည်းတွေ၊ ဆောက်လုပ်ရေး ပစ္စည်းတွေ စသဖြင့် လိုအပ် လာပါလိမ့်မယ်။ လိုအပ်ချက်တွေနဲ့ ရရှိနိုင်တဲ့ အရင်းအမြစ်တွေကို သေချာ သိရှိနိုင်ဖို့ ပျက်စီးဆုံးရှုံးမှု စာရင်းကို မြန်မြန်ဆန်ဆန် ကောက်ယူဖို့ လိုအပ်ပါတယ်။

ကပ်ဘေး စီမံခန့်ခွဲရေးမှူး (Managers) တွေဟာ အလျှူပစ္စည်း အမြောက်အမြားကို လက်ခံရယူဖို့ အသင့်ပြင် ထားရပါမယ်။ လူသားချင်း စာနာ ထောက်ထားမှုနဲ့ အကူအညီပေးတဲ့ ပစ္စည်းတွေကို လက်ခံရာမှာ ...

၁) ပစ္စည်းများကို လက်ခံရယူခြင်း
၂) သယ်ယူပို့ဆောင်ခြင်း
၃) သိုလှောင်ခြင်း နှင့်
၎) ဖြန့်ဝေခြင်းဆိုပြီး ပိုင်းခြားနိုင်ပါတယ်။

ရောဂါနှင့် ပါတ်သတ်သော အချက်အလက်များ ကောက်ယူ၊ စစ်ဆေးသုံးသပ်ခြင်းနှင့် ရောဂါများကို ထိန်းချုပ်ခြင်း

ကပ်ဘေးများဟာ ကူးစက်ရောဂါ ဖြစ်ပွါးစေမှုများကို အောက်ပါနည်းလမ်းများ နဲ့ ပိုမိုများပြားစေပါတယ် ...

၁) ယာယီ လူနေထိုင်ဖို့ ပြုလုပ်ထားပေးတဲ့ နေရာတွေမှာ လူနေမှု သိပ်သည်းဆ မြင့်မားခြင်း (OverCrowding) နှင့် သန့်ရှင်းမှု နည်းပါးခြင်း (Poor Sanitation) တွေကြောင့် အသက်ရှုလမ်းကြောင်းမှာ ဖြစ်ပွါးတဲ့ ရောဂါ အစရှိတဲ့ ရောဂါတွေ တိုးပွါးလာတာ တွေ တွေ့ရှိရပါတယ်။

၂)လူတွေ ပြောင်းရွေ့နေထိုင်ခြင်းကြောင့် ကူးစက်ရောဂါဖြစ်ပွါးနိုင်ခြေရှိပြီးသား ရွေ့ပြောင်းနေထိုင်သူ ပဲ ဖြစ်ဖြစ် အဲဒီနေရာမှာ နေထိုင် နေသူပဲ ဖြစ်ဖြစ် ကူးစက်ရောဂါ စတင် ဖြစ်ပွါးတာ ဖြစ်နိုင်ပါတယ်။

၃)ရေပေးဝေမှု အခက်အခဲနဲ့ သန့်ရှင်းတဲ့ သောက်သုံးရေ မရရှိနိုင်ခြင်း ၊ မိလ္လာစနစ် ပျက်စီးခြင်းနှင့် လျှပ်စစ်မီး မရရှိခြင်းတို့ဟာ သဘာဝ ကြောင့် ဖြစ်တဲ့ ကပ်ဘေးတွေမှာ အများဆုံး တွေ့ရှိရပါတယ်။

၎) အလျှူငွေတို့ လုပ်အားတို့ စတဲ့ အရင်းအမြစ်တွေဟာ မိမိတို့ လုပ်နေကြ အလုပ်ကနေ ဖယ်ခွါပြီးတော့ ကယ်ဆယ်ရေး လုပ်ငန်းတွေ ဆီကို ရောက်သွားလေ့ ရှိပါတယ်။

၅) သဘာဝ ပတ်ဝန်းကျင် ပြောင်းလဲမှုကြောင့် ရောဂါ ဖြန့်ဝေတဲ့ ကြားခံ သတ္တ၀ါတွေ ပိုမို ပေါက်ဖွား စေနိုင်ပါတယ်။ (ကြွက်၊ ခြင်၊ ယင်၊ ဖြုတ် ...)

၆) အိမ်မွေး နဲ့ တောရိုင်း တိရစ္ဆာန်တွေ ရွေ့ပြောင်းမှုကြောင့် တိရစ္ဆာန်တွေမှ တဆင့် ကူးစက်တတ်တဲ့ ရောဂါတွေ ဟာ တိရစ္ဆာန်အချင်းချင်းကို ဖြစ်စေ လူတွေကို ဖြစ်စေ ကူးစက်စေနိုင်ပါတယ်။ (Orissa , India မှာ ၁၉၉၉ တုန်းက ဆိုင်ကလုန်းတိုက်ပြီး နောက် Leptospirosis လို့ခေါ်တဲ့ ကြွက်က တဆင့်ကူးစက်တတ်တဲ့ အသားဝါ ရောဂါ ဖြစ်ခဲ့ဖူးပါတယ်။)



၇) အစားအစာဖြန့်ဝေခြင်း၊ သောက်သုံးရေ အရင်းအမြစ် အသစ်ဖော်ထုတ်ပေးခြင်း၊ နေစရာ နေရာ အသစ်ချထားပေးခြင်း စသည်တို့တွေကြောင့်လည်း ကူးစက်ရောဂါတွေ ဖြစ်စေနိုင် ပါသေးတယ်။


ကပ်ဘေးပြီးတဲ့နောက် အဖြစ်အများဆုံးကတော့ အစာအိမ်နဲ့ အူယောင်ပြီး ဖြစ်တဲ့ အထက်လှန် အောက်လျှော (Gastroentritis) ရောဂါ ပါ။ အဲဒီရောဂါဟာ အထက်က ဖော်ပြခဲ့တဲ့ အမှတ်စဉ် ၁၊ ၂၊ ၃ နဲ့ အများဆုံး ဆက်စပ်နေပါတယ်။ အသက်ရှုလမ်းကြောင်း တစ်လျှောက်ဖြစ်တဲ့ ရောဂါတွေကိုလည်း တွေ့ရှိရပါတယ်။ ပိုးမွှား၊ တိရစ္ဆာန်တို့ကနေ တဆင့် ကူးစက်တဲ့ ရောဂါတွေကတော့ ကပ်ဘေးပြီး ချက်ချင်း ဖြစ်ပွါးလေ့မရှိပဲ ရက်သတ္တပါတ် တော်တော်ကြာမှပဲ ပေါ်လာလေ့ရှိပါတယ်။


အိမ်မွေးနဲ့ တောရိုင်းတိရစ္ဆာန်တွေ နဲ့ လူတွေ နီးနီးကပ်ကပ် ရှိနေခြင်းကလည်း တိရစ္ဆာန်ကနေ တဆင့် ကူးစက်တဲ့ ရောဂါတွေ ဖြစ်စေပါတယ်။ အိမ်မွေး တိရစ္ဆာန်တွေကို ပိုင်ရှင်တွေက သူတို့နဲ့ အတူ ခေါ်ဆောင်လာတဲ့ အတွက် သူတို့ကနေ အသားဝါရောဂါ (leptospirsosis) နဲ့ တိုက်ဖွိုက်ရောဂါ ( Rickettsiosis) တို့ကူးစက်နိုင်ပါတယ်။ တောရိုင်း တိရစ္ဆာန် တွေကနေတော့ လူကို သေစေနိုင်တဲ့ ဦးနှောက် အမြှေးပါးယောင် ရောဂါ ( Equine encephalitis) ၊ ခွေးရူးပြန်ရောဂါ (Rabies) အစရှိတဲ့ ရောဂါတွေကို ပြန့်ပွါးစေနိုင်ပါတယ်။

လူထုကျန်းမာရေးအတွက် အဓိက ထားလုပ်ဆောင်ရမယ့် အချက်တွေကတော့ ...

၁) မြန်နိုင်သမျှ အမြန်ဆုံး လူထုကျန်းမာရေး လုပ်ဆောင်ချက်များ လုပ်ဆောင်ပေးခြင်း၊
၂) အစုလိုက် အပြုံလိုက် ရောဂါ ဖြစ်ပွါးခြင်းကို အမြန်ဆုံးသိရှိနိုင် စေမည့် သတင်းပို့ရန် နည်းလမ်းများ ရေးဆွဲခြင်းနှင့် ရောဂါ ပြန့်ပွါးမှု ထိန်းချုပ်ခြင်းကို လျင်မြန်စွာ ဆောင်ရွက်ခြင်း
၃) အစုလိုက် အပြုံလိုက် ရောဂါ ဖြစ်ပွါးခြင်း သတင်းပို့ချက်များရရှိပါက အမြန်ဆုံး စုံစမ်း စစ်ဆေးခြင်း ... တို့ ဖြစ်ပါတယ်။

ကာကွယ်ဆေး ထိုးခြင်း

ကပ်ဘေး ဆိုက်ရောက်တဲ့ နေရာတွေမှာ ကာကွယ်ဆေးထိုးဖို့ လူထုကနေ တောင်းဆိုလေ့ရှိပါတယ်။ အထူးသဖြင့် တိုက်ဖွိုက် (Typhoid) ၊ ကာလ၀မ်း (Cholera)၊ နဲ့ မေးခိုင် (Tetanus) ကာကွယ်ဆေးတွေပါ။

ကမ္ဘာကျန်းမာရေး အဖွဲ့အစည်း (WHO) ကတော့ ဒီလိုကပ်ဘေး ဆိုက်ရောက်တဲ့ နေရာတွေမှာ တိုက်ဖွိုက်နဲ့ ကာလ၀မ်းရောဂါ ကာကွယ်ဆေးထိုးဖို့ အကြံမပြုပါဘူး။ ဒီဆေးတွေဟာ အကြိမ်ရေအများ နဲ့ ထိုးရတဲ့ ( တစ်ခါ ထိုးလိုက်ရုံနဲ့ အကျိုးမရှိ) ကာကွယ်ဆေး တွေ ဖြစ်နေလို့ပါ။ ဒီလို အကြိမ်ရေအများ နဲ့ ထိုးတဲ့ အခါမှာ နောက်တစ်ကြိမ် ထပ်လာထိုးမယ့်လူတွေ နည်းသွားနိုင်ပါတယ်။ ပြီးတော့ ကာကွယ်ဆေး ထိုးဖို့ လူအင်အား အများကြီးလိုအပ်တဲ့ အတွက် ဒီလူတွေကို တခြားကယ်ဆယ်ရေးလုပ်ငန်းမှာ သုံးရင် ပို အကျိုးများ နိုင်ပါတယ်။ ဆေးထိုးမှု နည်းလမ်းနဲ့ သန့်စင်မှု (Sterilization) နည်းလမ်းတွေ ကိုလည်း စနစ်တကျ စောင့်ကြပ်ကြည်ရှုမှု မလုပ်နိုင်လို့ ကောင်းကျိုး ထက် ဆိုးကျိုး ပိုများစေနိုင်ပါတယ်။ အဆိုးဆုံးကတော့ ကာကွယ်ဆေးထိုးထားတယ်ဆိုပြီး လိုအပ်တဲ့ ကာကွယ်မှု လုပ်ငန်း တွေကို မလုပ်ကြတော့တာပါပဲ။ ဒါပေမယ့် သွားရောက်ကူညီမယ့် ကျန်းမာရေး လုပ်သားတွေကိုတော့ ကာကွယ်ဆေး ထိုးပေး သင့်ပါတယ်။

ကပ်ဘေး အတွင်း မှာကော ကပ်ဘေး ပြီးတဲ့နောက်မှာပါ မေးခိုင်ရောဂါ ဖြစ်ပွါးမှု သိသိသာသာ တက်လာတာကို မတွေ့ရှိရတဲ့ အတွက် မေးခိုင်ကာကွယ်ဆေးထိုးနှံခြင်းဟာလည်း မလိုအပ်ပါဘူး။ ကပ်ဘေး မဆိုက်ခင် ဒေသခံလူတွေကို မေးခိုင် ကိုယ်ခံအား အပြည့်အ၀ ရစေဖို့ ပုံမှန် ဆေးထိုး ပေးထားခြင်းသာ ပြုလုပ်သင့်ပါတယ်။

တကယ်တမ်းမှာတော့ သန့်ရှင်းတဲ့ သောက်သုံးရေ ဖြန့်ဝေပေးခြင်းနဲ့ အညစ်အကြေးများကို စနစ်တကျ စွန့်ပစ်ခြင်းကသာ လက်တွေ့ အကျဆုံးနဲ့ အထိရောက်ဆုံး ကာကွယ်မှု နည်းလမ်းဖြစ်ပါတယ်။

အာဟာရ

ကပ်ဘေးတွေဟာ ဖြစ်ပွါးမှုကာလအချိန်၊ ပြင်းထန်မှု အရှိန် ၊ ဖြစ်ပွါးတဲ့ ကပ်အမျိုးအစားတွေအပေါ်မူတည်ပြီး ဖြစ်ပွါးတဲ့ နေရာရှိ လူတွေရဲ့ အာဟာရ အခြေအနေအပေါ် သက်ရောက်မှု ရှိနိုင်ပါတယ်။ နောက်ပြီးတော့ ကပ်ဘေး မဖြစ်ပွါးခင် ဒေသမှာ ရှိနေတဲ့ လူတွေရဲ့ အာဟာရ အခြေအနေပေါ်လည်း မူတည်ပါတယ်။ကောက်ပဲ သီးနှံများ ပျက်စီးခြင်း၊ သိုလှောင်ရုံများ ပျက်စီးခြင်းနှင့် အစားအစာ ဖြန့်ဝေမှု စနစ် ပျက်စီးခြင်း တွေကြောင့် လူတွေ အာဟာရ ချို့တဲ့နိုင်ပြီး ကလေးသူငယ်တွေ၊ သက်ကြီးရွယ်အိုတွေ ၊ ကိုယ်ဝန်ဆောင် မိခင်တွေ ဟာ အာဟာရ ချို့တဲ့မှု ဖြစ်နိုင်ချေ ပိုများပါတယ်။

အကျိုးရှိပြီး ထိရောက်တဲ့ အစားအစာ ကူညီမှု လုပ်ငန်းတစ်ခုဖြစ်အောင် လုပ်ရမယ့် အချက်တွေကတော့ ...

၁) ကပ်ဘေး တစ်ခုဆိုက်ရောက်ပြီဆိုတာနဲ့ အစားအစာ ဖြန့်ဝေမှု (Food Supplies) ကို တွက်ချက်ခန့်မှန်းပါ
၂) ကပ်ဘေးဒဏ် ခံရတဲ့ လူတွေရဲ့ အဟာရ အခြေအနေကို တွက်ချက်ပါ
၃) လူတစ်ဦးကို နေ့စဉ်လိုအပ်မယ့် အစားအစာ အချိုးအစား နဲ့ လူအများအတွက် လိုအပ်မယ့် အရေအတွက်ကို တွက်ချက်ပါ။
၎) ကပ်ဘေးဒဏ် ခံရတဲ့ လူတွေရဲ့ အဟာရ အခြေအနေကို စောင့်ကြပ် ကြည့်ရှုပါ။

III) ပြန်လည်ထူထောင်ပေးခြင်း

ကပ်ဘေး ကယ်ဆယ်ရေး စီမံခန့်ခွဲရေး ရဲ့ နောက်ဆုံး အဆင့်ကတော့ နဂို အခြေနေကို ပြန်လည်ရရှိအောင် ပြန်လည် ထူထောင် ပေးခြင်းပါပဲ။ ပြန်လည် ထူထောင်ရေး လုပ်ငန်းတွေဟာ ကပ်ဘေး စဖြစ်ပြီဆိုကတည်းက စလုပ်နေရတာပါပဲ။ များသောအားဖြင့် ပြန်လည် ထူထောင်ရေးလုပ်ငန်းတွေကို အလောသုံးဆယ် လုပ်ရတဲ့ အတွက် နဂိုအတိုင်း ပြန်ဖြစ်ဖို့ မှာ အနှောက်အယှက်တွေ လည်း ဖြစ်ပေါ်စေပါတယ်။ ဥပမာ ပြင်ပက လာရောက်ကူညီတဲ့ အဖွဲ့အစည်းတွေရဲ့ အဆင့်မြင့် ဆေးကုသမှု ကို ယာယီ ပေးခြင်းဟာ ဆိုးကျိုး တွေကို ဖြစ်စေပါတယ်။ ဒီလို ဆေးကုသမှုတွေကို ရုတ်သိမ်းလိုက်တဲ့ အချိန်မှာ ဒေသခံလူတွေခမျာမှာ အလွယ်တကူ ပြန်လည် ဖြည့်ဆည်း ပေးလို့ မရတဲ့ မျှော်လင့်ချက်တွေနဲ့ ကျန်ခဲ့တာမျိုးပေါ့ …


ကပ်ဘေးတစ်ခု ဆိုက်ရောက်ပြီးလို့ ရက်သတ္တပါတ် အနည်းငယ်အတွင်းမှာပဲ ကျန်းမာရေးလိုအပ်ချက်တွေဟာ အရေးပေါ် ဆေးကုသမှု ကနေ ပုံမှန် အခြေခံကျန်းမာရေး စောင့်ရှောက်မှု ဆီကို မြန်မြန်ဆန်ဆန် ကူးပြောင်းလာတာ တွေ့ရပါတယ်။ အဲဒီအတွက် လုပ်ငန်း ဆောင်တာတွေကို ပြန်လည် ဆန်းစစ် ပြီး ပြောင်းလဲသင့်တာတွေကို ပြောင်းလဲရပါမယ်။ ဦးစားပေးမှုတွေကလည်း ဆေးကုသမှု ကနေပြီးတော့ ပတ်ဝန်းကျင် ကျန်းမာရေး စောင့် ရှောက်မှုတွေဆီကို ပြောင်းလဲ လာပါလိမ့်မယ်။ အောက်ကတော့ တစ်ချို့ ဥပမာ လေးတွေပါ။

III.a) ရေပေးဝေမှု

လူထု ရေပေးဝေမှု စနစ်ကို လေလာ့ ဆန်းစစ် စစ်တမ်းကောက်သင့်ပါတယ်။ ဘာတွေ အဓိကပါမလဲဆိုတော့ ရေထွက်ရာ အရင်းအမြစ်နဲ့ ရေဖြန့်ဝေမှု စနစ်ပေါ့။ ပြီးတော့ ပိုက်လိုင်းတွေရဲ့ ရုပ်ပိုင်းဆိုင်ရာ အခြေအနေ၊ ကျန်ရှိနေသေးတဲ့ ထုတ်လုပ်နိုင်မှုစွမ်းအား၊ ဖြန့်ဝေပေးတဲ့ ရေအတွင်းမှာ ဇီဝပိုးမွှားနဲ့ ဓါတုပစ္စည်း ပါဝင်မှု တွေကို သိရှိဖို့ အရေးကြီးပါတယ်။

လူထုကျန်းမာရေး ဖက်ကနေကြည့်ရင် ရေအရည်အသွေးအတွက် အဓိက အရေးအကြီးဆုံးက ဇီဝပိုးကောင်တွေ ပါဝင် ညစ်ညမ်းမှု ပါပဲ။အရေးပေါ် အခြေအနေတွေမှာ အရည်အသွေး ကောင်းတဲ့ ရေ ရရှိဖို့ အတွက် အကောင်းဆုံးနည်းလမ်းကတော့ ရေထဲကို ကလိုရင်း ခပ်တာပါပဲ။ (ရေကို ကြိုသောက်ဖို့ဆိုတာက လောင်စာတွေ အမြောက်အမြားလိုအပ်ပါလိမ့်မယ်) ။ ရေ တစ်လီတာမှာ ကလိုရင်းပါဝင်မှု ၀.၇ mg ပါဝင်တဲ့ အထိ ခပ်သင့်ပါတယ်။ ရေဖိအားတွေ နည်းသွားတဲ့ အတွက်ကြောင့် ညစ်ညမ်းပစ္စည်းတွေ ရေသိုလှောင်ကန်များ၊ မြစ်များ၊ ထဲသို့ စီးဝင်နှုန်းမြင့်မားလာနိုင်ပါတယ်။ ရေဖြန့်ဝေရာနေရာများ၊ သိုလှောင်ကန်များ ကို သန့်ရှင်းပေးဖို့နဲ့ ပိုးသတ်ပေးဖို့ လိုအပ်ပါတယ်။

ဓါတုပစ္စည်းများမှ ညစ်ညမ်းစေခြင်းနှင့် အဆိပ်အတောက် ဖြစ်စေခြင်းဟာ ရေအရည်အသွေး အတွက် ဒုတိယ ဂရုစိုက်ရမယ့် အချက်ပါ။ ဖြစ်နိုင်ချေရှိတဲ့ ဓါတုညစ်ညမ်းပစ္စည်း တွေကို ရှာဖွေ ဖော်ထုတ် သုံးသပ်ရပါမယ်။

ရှိနေပြီးသား နဲ့ အသစ်လုပ်ထားတဲ့ ရေအရင်းအမြစ်တွေကို အောက်ပါ ကာကွယ်မှုတွေ လုပ်ထားပေးဖို့ လိုပါလိမ့်မယ်။

၁) လူနှင့် တိရစ္ဆာန်များ ၀င်ရောက်ခွင့်ကို ကန့်သတ်ထားခြင်း
၂)မစင် အညစ်အကြေးများ စွန့်ပစ်မှုကို စိတ်ချရလောက်သည့် အကွာအဝေးတွင်သာ ပြုလုပ်စေခြင်း
၃) အကယ်၍ မြစ်ရေ ၊ ချောင်းရေများကို သုံးစွဲပါက ထိုမြစ်ချောင်းများ၏ အထက်ပိုင်းတွင် ရေချိုးခြင်း၊ အ၀တ်လျှော်ခြင်း၊ တိရစ္ဆာန်များကို ကျောင်းခြင်း များ မပြုလုပ်ရန် တားမြစ်ထားခြင်း
၎)ရေတွင်းများအား ညစ်ညမ်းစေမည့် အရာဝတ္ထုများ မ၀င်ရောက်နိုင်စေရန် ပြုပြင်မွမ်းမံခြင်း
၅) ရေတွင်းများ၏ ရေထွက်နှုန်းများကို ခန့်မှန်းပြီး လိုအပ်ပါက ရေကို အချိုးကျသာ ခွဲဝေပေးခြင်း တို့ ဖြစ်ပါတယ်။

အရေးပေါ် အခြေအနေ တော်တော်များများမှာ ရေတွေကို ရေကားတွေနဲ့ တင်ဆောင်ပြီး ကပ်ဘေးဖြစ်ရာနေရာများ၊ ဒုက္ခသည် စခန်း များ သို့ ပို့ပေးလေ့ရှိပါတယ်။ အဲဒီ အခါမျိုးမှာ ရေကားရဲ့ ကြံ့ခိုင်မှု ကို စစ်ဆေးသင့်သလို ရေမသယ်ယူခင်မှာလဲ သန့်ရှင်းခြင်းနဲ့ ပိုးသတ်ခြင်း များ ပြုလုပ်သင့်ပါတယ်။

III.b) အစားအစာ

အစားအစာများ သန့်ရှင်းမှု မရှိခြင်းဟာ ကပ်ဘေး ဆိုက်ရောက်တဲ့ နေရများမှာ အစာကြောင့် ဖြစ်ပွါးတဲ့ ရောဂါတွေ ဖြစ်ပွါးရခြင်းရဲ့ အဓိက အကြောင်းရင်းဖြစ်ပါတယ်။ ဒုက္ခသည် စခန်းတွေမှာ ချက်ပြုတ်ကျွေးမွေးတယ် ဆိုလို့ရှိရင် မီးဖိုချောင် သန့်ရှင်းရေးဟာ အရမ်း အရေးကြီးပါတယ်။ အစားအစာပြင်ဆင် ပြုလုပ်ပေးတဲ့ လူတွေရဲ့ တကိုယ်ရည် သန့်ရှင်းရေးကို အမြဲတမ်း စောင့်ကြပ် ကြည့်ရှု ပေးဖို့ လည်း လိုပါတယ်။

III.c) အခြေခံ သန့်ရှင်းစင်ကြယ်မှုနှင့် တကိုယ်ရည် သန့်ရှင်းရေး

ကူးစက်ရောဂါ တော်တော်များများဟာ မစင်အညစ်အကြေးတွေနဲ့ သောက်သုံးရေတို့ အစားအစားတို့နဲ့ ထိတွေ့မှုကနေ တဆင့် ကူးစက် ပြန့်ပွါးတာပါ။ အဲဒီအတွက်ကြောင့် မစင်အညစ်အကြေးတွေကို သန့်ရှင်းစွာ စွန့်ပစ်နိုင်အောင် အစွမ်းကုန် ကြိုးစားရပါမယ်။ အိမ်သာတွေ ပျက်စီးသွားတဲ့ နေရာတွေမှာ အရေးပေါ် အိမ်သာတွေနဲ့ အမြန်ဆုံး အစားထိုးပေးရပါမယ်။ ရွေ့ပြောင်းနေထိုင်နေကြရတဲ့ ဒုက္ခသည်တွေ အတွက် လျှော်ဖွပ် ဆေးကြောဖို့နဲ့ ရေချိုးဖို့ နေရာတွေလည်း ပြုလုပ်ပေးသင့်ပါတယ်။

III.d) ရောဂါသယ်ဆောင်နိုင်သည့် ပိုးမွှားအကောင်များကို ထိန်းချုပ်ခြင်း

အရေးပေါ်အခြေအနေနှင့် ပြန်လည်ထူထောင်ရေး လုပ်ငန်းများ လုပ်နေချိန်တွင် ရောဂါသယ်ဆောင်နိုင်သည့် ပိုးမွှားများ ထိန်းချုပ်ခြင်း ကို အရေးထား လုပ်ဆောင်သင့်ပါတယ်။ အထူးသဖြင့် ထိုကဲ့သို့သော ရောဂါများ အဖြစ်များရာ ဒေသများတွင် လုပ်ဆောင်သင့်ပါတယ်။ အထူး ဂရုပြု ကာကွယ်ရမည့် ရောဂါများမှာ သွေးလွန်တုတ်ကွေး ( Dengue Haemorrhagic Fever) နှင့် ဌက်ဖျား ( ခြင်) ၊ အသားဝါ ရောဂါ( Leptospirsosis ) နှင့် Rat Bite fever ( ကြွက်) ၊ Typhus ( သန်း၊ ဖြုတ်) စသည်တို့ ဖြစ်ပါတယ်။ ရေလွှမ်းမိုးခြင်းခံရတဲ့ နေရာ တွေဟာ ခြင်တွေ အမြောက်အမြား မွေးဖွားဖို့ အကောင်းဆုံး အခြေအနေတွေ ဖန်တီး ပေးပါတယ်။

III.e) လူ

အသေအပျောက်များ တဲ့ ကပ်ဘေးတွေမှာ ဆိုရင် လူတွေအိုးအိမ်မဲ့ ဖြစ်တာတွေလည်း အမြောက်အမြားရှိပါတယ်။ အဲဒီလူတွေအထဲမှာ ဆေးကုသဖို့ လိုအပ်တဲ့ လူတွေနဲ့ မိဘမဲ့ ကလေးတွေလည်း ပါဝင်ပါတယ်။ အကယ်၍ ဒီမိဘမဲ့ ကလေးတွေကို စောင့်ရှောက်ပေးနိုင်တဲ့ ဆွေမျိုးတွေကိုသာ ရှာမတွေ့ခဲ့ရင် ဒီကလေးတွေကို ကျန်းမာရေး လုပ်သားတွေနဲ့ လူမှုရေး လုပ်သားတွေကပဲ တာဝန်ယူရမှာပါ။ ဒီမုန်တိုင်းဒဏ်ကနေ လွတ်မြောက် အသက်ရှင်ကျန်ခဲ့တဲ့ လူတွေ အားလုံးကို လူမှုအသိုင်းအ၀ိုင်းထဲ ပြန်လည်ပို့ဆောင်ပေးဖို့ အတွက် ကျန်းမာရေး ၀န်ကြီး ဌာန၊ လူမှု ဖူလုံရေး အဖွဲ့အစည်းတွေ၊ ပညာရေး ဌာန အပိုင်းက လူတွေနဲ့ အစိုးရမဟုတ်တဲ့ အဖွဲ့အစည်းတွေ အားလုံး ပူးပေါင်းပြီး အစီအစဉ် ရေးဆွဲ ကူညီပေး ရမှာဖြစ်ပါတယ်။

Read More...

Wednesday, June 11, 2008

Is Executive Function the New IQ?

Why the ability to resist distraction, a skill scientists call "executive function," may be more important to academic success than traditional measures of intelligence.

Wray Herbert

Editor-in-chief of Psychology Today
Newsweek Web Exclusive

အတော်များများ တွေ့ ဖူးကြမှာပါ။ စာသင်ခုံကိုမြဲအောင်မထိုင်နိုင်၊ကိုယ့်အလှည့်မဟုတ်ဘဲ ၀င်ဝင်ပြောတတ်တဲ့၊ အမြဲဂနာမငြိမ်ဖြစ်နေတတ်တဲ့ ကလေးတစ်ယောက်တစ်လေကိုပေါ့။ သူတို့ ရဲ့  ကျောပိုးအိတ်တွေမှာတော့ ကျောင်းကစာရွက်စာတမ်းတွေကို လုံးထွေးထည့်ထားလေ့ရှိပြီးတော့ အိမ်စာဘာပေးလိုက်လဲဆိုတာ တစ်ခြားကလေးတွေကို ပြန်ပြန်မေးရလေ့ရှိတဲ့ ကလေးမျိုးတွေပေါ့။ ဒီကလေးတိုင်းဟာ ကလေးဆိုးတွေ မဟုတ်ကြပေမယ့် သူတို့ ဟာ မိမိကိုယ်ကိုထိန်းကျောင်းနိုင်မှု၊ လျှပ်တပြက်ခံစားမှုတွေကို ထိန်းချူပ်နိုင်မှု၊ မိမိအလုပ်အပေါ် အာရုံစိုက်နိုင်မှု အားနည်းကြပုံပါပဲ။ ဒီတော့ ဒီလိုကလေးအများစုဟာ ကျောင်းသားဆိုးလေးတွေ ဖြစ်လာကြတာမဆန်းပါဘူး။

ဒီကလေးမျိုးတွေဟာ စာသင်နှစ်တွေတစ်လျှောက် ခေါင်းစဉ်အမျိုးမျိုးအတပ်ခံရတော့တာပါပဲ။

ပုန်ကန်တတ်သူ၊ အပြုအမူ မူမမှန်သူ၊ ညံ့ဖျင်းသူ စသဖြင့်ပေါ့။ စိတ်ပညာနဲ့  ဦးနှောက်ပိုင်းဆိုင်ရာ ပညာရပ်တွေမှာ နောက်ဆုံးတွေ့ ရှိချက်တွေကတော့ ကလေးတစ်ယောက်ရဲ့  အာရုံစူးစိုက်နိုင်စွမ်းနဲ့  ပတ်ဝန်းကျင် ဆွဲဆောင်မှုတွေကို တွန်းလှန်နိုင်စွမ်းတွေဟာ မူကြိုကျောင်းမှစပြီး ပညာသင်ကြားမှု တစ်လျှောက်မှာ အရေးပါတဲ့ သင်ယူမှတ်မိနိုင်စွမ်းရဲ့ အခြေခံ (Fundamental cognitive skills) တွေပဲလို့  ဆိုပါတယ်။ တကယ်တော့ ဒီစွမ်းရည်တွေဟာ ကလေးတစ်ယောက်ရဲ့  ကျောင်းတွင်းစွမ်းဆောင်မှုကို တိုင်းတာခန့် မှန်းရာမှာ သမားရိုးကျအိုင်ကျူ (Traditional IQ) ထက် ပိုပြီးအရေးကြီးပါတယ်။



ပညာရပ်ဆိုင်ရာဝေါဟာရအရတော့ ဒီစွမ်းရည်တွေကို Executive function (EF) လို့ ခေါ်ပါတယ်။ ကျောင်းသားရဲ့  အရည်အချင်းကို ဆန်းစစ်ရာမှာ သမားရိုးကျနည်းလမ်းတွေကို တဖြည်းဖြည်းချင်း အစားထိုးလာနိုင်မယ့် အယူအဆတစ်ရပ်ပါ။ အီးအက်ဖ် (EF) ဟာ ထိန်းချုပ်နိုင်စွမ်း၊ အာရုံစူးစိုက်နိုင်စွမ်းတွေတင် မကပါဘူး။ လိုအပ်တဲ့ အချက်အလက်တွေကို မှတ်မိနိုင်စွမ်း (Working memory) နဲ့  လက်တွေ့ ကျကျ တွေးခေါ်နိုင်စွမ်းတွေ (Mental flexibility) ပါ အကျုံးဝင်နေပါတယ်။ နောက်ဆုံးသုသေတနတစ်ခုကတော့ သဒ္ဒါ၊ သချာင်္ စတဲ့အခြေခံဘာသာရပ်တွေမှာ အီးအက်ဖ်ဟာ အိုင်ကျူထက် ပိုပြီး အရေးပါတာ တွေ့ လာပါတယ်။ ကြွက်သားလှုပ်ရှားရတဲ့ ပုံမှန်လေ့ကျင့်ခန်းတွေကနေ အီးအက်ဖ်စွမ်းရည်တွေကို တိုးပွားလာစေတယ်လို့ လည်း ဆိုပါတယ်။

ဗြိတိန်ကိုလံဘီယာတက္ကသိုလ်မှ စိတ္တဗေဒပညာရှင် အက်ဒီလ်ဒိုင်းမန်းကတော့ စာသင်ခန်းထဲမှာ ဒီအီးအက်ဖ်အယူအဆကို စမ်းသပ်ကြည့်ရာမှာ ဆွေးနွေးစရာရလဒ်တွေ ရလာခဲ့ပါတယ်။ ပြီးခဲ့တဲ့သုတေသနတစ်ခုမှာ ဒိုင်းမန်းဟာ အမေရိကန်အရှေ့ မြောက်ဘက်က ခရိုင်ကျောင်းတစ်ခုမှာ မူကြိုကလေးတွေနဲ့  စတင်စမ်းသပ်သုတေသန ပြုပါတယ်။ တစ်ဝက်တိတိသော အတန်းတွေကို သမားရိုးကျသင်ရိုးနဲ့  သင်ပြီးတော့ တစ်ဝက်ကိုတော့ အာရုံစူးစိုက်ဆောင်ရွက်နိုင်စွမ်းဖြစ်တဲ့ အီးအက်ဖ်ကို လှုံ့  ဆော်မယ့် သီးသန့် ဒီဇိုင်းထုတ်ထားတဲ့ သင်ရိုးနဲ့ ပါ။

အီးအက်ဖ်သင်ရိုးမှာ သင်ခန်းစာပုံစံအမျိုးမျိုးပါပါတယ်။ ဒါတွေကတော့ အမြည်းအနေနဲ့  တစ်ချို့  သင်ခန်းစာလေးတွေပေါ့။ စာသင်ခန်းကို ငြိမ်အောင်ထားမယ့်အစား ကလေးတွေကို ကိုယ့်ဘာသာကိုယ် စကားပြောနေလေ့ရှိအောင် သင်ပေး၊ အားပေးထားတယ်။ လေ့ကျင့်ချင်းတစ်ခုမှာတော့ ဆရာမက စက်ဝိုင်းပုံလေးကို မြှောက်လိုက်ရင် ကလေးတွေက လက်ခုပ်တီးကြရတယ်။ တြိဂံဆိုရင် ခုန်ကြရတယ်။ ဒီလိုနည်းနဲ့ ကလေးတွေဟာ ဆရာမကို ကြည့်ရင်း စိတ်ထဲက (ကဲ..အခုလက်ခုပ်တီးမယ်..အခုခုန်မယ်.. စသဖြင့် ) ဂီယာတွေ လိုက်ချိန်းနေကြရတယ်။ နှုတ်ကလဲ လိုက်ရွတ်နေကြတယ်။ လှုပ်ရှားမှုအသစ်တစ်ခုအတွက် ပထမတစ်ခုကို ချိုးနှိမ်ရတယ်။ တဖြည်းဖြည်းချင်းနှုတ်က ရွတ်နေစရာမလိုတော့ဘဲ စိတ်ထဲမှပင် ထိန်းချုပ်လှုပ်ရှားလာနိုင်တယ်။

နောက်သင်ခန်းစာတစ်ခုကတော့ ကလေးတွေကို တစ်ယောက်တစ်လှည့် ပုံပြောခိုင်းတာပါ။ ကလေးဟာ ကလေးပဲ ဖြစ်တဲ့အတွက် သူတို့ အချင်းချင်းထဲမှာ သူတို့ ဟာ ပုံပြောသူပဲ ဖြစ်ချင်ကြပါတယ်။ ဘယ်သူမှထိုင်ပြီး နားထောင်နေရုံ မနေချင်ကြပါဘူး။ တကယ်တော့ တစ်ကြိမ်မှာ တစ်ယောက်ပဲ ပုံပြောနိုင်မှာဖြစ်လို့  နောက်ပြောရမယ့် သူတွေက နားရွက်ပုံလေးကို ကိုင်ရင်း သူတို့ ဟာ ကိုယ်ပြောဖို့  အလှည့်ကို စောင့်ရင်း နားထောင်နေရတာပါလား ဆိုတာကို သဘောပေါက်စေတယ်။ ဒီလိုနည်းနဲ့ သူတို့  ဟာ ကလေးသဘာဝစိတ်ရင်းဖြစ်တဲ့ အလှည့်မရောက်သေးဘဲ ပြောချင်စိတ်ကို ထိန်းချုပ်နိုင်ကြတယ်။ တဖြည်းဖြည်းချင်း နားရွက်ပုံကို ပြနေစရာမလိုတော့ဘဲ သူတို့ ကိုယ်တိုင် သဘောပေါက်လာကြတယ်။

သရုပ်ဆောင်ကစားနည်းလေးတွေကလည်း ကလေးတွေရဲ အာရုံစူးစိုက်ဆောင်ရွက်နိုင်စွမ်းအီးအက်ဖ် တိုးတက်ဖို့  တစ်ထောင့်တစ်နေရာကနေ ပါဝင်နေပါတယ်။ ၄၊၅ နှစ်အရွယ်လောက်ပဲ ရှိကြသေးတဲ့ မူကြိုကလေးတွေဟာ သူတို့ ကစားမယ့် ဇာတ်လမ်းကို သူတို့ ကိုယ်တိုင် ဖန်တီးကြတာပါ။ ကဲ..ကစားကြမယ်..မင်းကငါ့မာမီလုပ်.. ငါကမင်းရဲ့ ကလေးပေါ့.. ငါကဖျားမယ်.. မင်းကအမေဆိုတော့ ငါ့ကိုဆရာဝန်ဆီ ခေါ်သွား.. စသဖြင့် စီမံပြီး သူတို့ ကစားကြတယ်။ ဒီလိုသရုပ်ဆောင်ကြရင်း ကြုံလာတဲ့ ပြဿနာလေးတွေကိုလည်း ဖြေရှင်းသွားကြတယ်။ ဒါမျိုးလေးတွေကို ကစားစေတဲ့ ရည်ရွယ်ချက်ကတော့ ဒီကစားနည်းလေးတွေဟာ ကလေးတွေရဲ့ စိတ်ထဲကို လိုက်နာရမယ့်စည်းမျဉ်းလေးတွေ၊ မျှော်လင့်ချက်လေးတွေကို သွတ်သွင်းပေးတဲ့အပြင် မိမိအခန်းကဏ္ဍအတွက် စိတ်နှစ်ဆောင်ရွက်တတ်တဲ့ အလေ့အထတွေရရှိဖို့ ပါ။ အရေးကြီးတာက ဒါမျိုးလေ့ကျင့်ခန်းတွေကို သီးသန့် သင်ကြားမှုအနေနဲ့  မဟုတ်ဘဲ ကလေးတွေရဲ့ တနေ့ တာ လုပ်ဆောင်မှုတွေတိုင်းမှာ ပါဝင်နေအောင် လုပ်ပေးထားဖို့ ပါပဲ။

ဒါဟာ ရှင်းလင်းလွယ်ကူအောင်လုပ်ထားတဲ့ သင်ရိုးတစ်ခုဖြစ်ပြီးတော့ ကလေးတွေရဲ့  ဦးနှောက်ဖွံဖြိုးမှုဆိုင်ရာ စနစ်တကျ သုတေသနပြုချက်များအပေါ် အခြေခံထားတာ ဖြစ်ပါတယ်။ အများလက်ခံဖို့  နှစ်အတော်များများတော့ အချိန်ယူလိုက်ရတယ်။ ဒီသင်ရိုးထဲကလေ့ကျင့်ခန်းတွေဟာ သိပ်ပြီးလေးလေးနက်နက် မရှိလှဘူး.. ကလေးတွေကို ခက်ခဲတဲ့သင်ခန်းစာတွေမသင်ချင်အောင် ဆွဲဆောင်နေတယ်..လို့ လဲတချို့ က ယူဆကြတယ်။ ဒါပေမယ့် ဒိုင်းမန်းရဲ့ ရလဒ်တွေကတော့ အဲဒီလို မပြနေပါဘူး။ ချီကာဂိုစိတ္တဗေဒအဖွဲ့ အစည်း (The Association for Psychological Science in Chicargo) ကို သူမ တင်ပြခဲ့ တာကတော့ သမားရိုးကျစာသင်ခန်းတွေရော၊ သုသေတနပြုစာသင်ခန်းမှာပါ နှစ်နှစ်ကြာပြီးနောက်မှာ အာရုံစူးစိုက်ဆောင်ရွက်နိုင်စွမ်းအီးအက်ဖ်စစ်ဆေးမှု (EF Tests) များစစ်ခဲ့တယ်လို့ ဆိုပါတယ်။ စစ်ဆေးမှုတွေမှာ အင်မတန်ခက်ခဲတဲ့ သင်ကြားမှတ်ယူနိုင်စွမ်းစစ်ဆေးမှုတွေ ပါပါတယ်။ စစ်ဆေးမှုတစ်ခုစီတိုင်းမှာ သုသေတနပြုစာသင်ခန်းများမှ ကလေးများက သာလွန်ကောင်းမွန်စွာ ဖြေဆိုသွားနိုင်တယ်လို့  ဆိုပါတယ်။ တကယ်တော့ ပထမတစ်နှစ်အတွင်းမှာတင် သုတေသနပြုအတန်းတွေနဲ့  သမားရိုးကျအတန်းတွေ ကြားမှာ သိပ်ကိုကွာခြားနေတဲ့အတွက် အချို့  သောကျောင်းအာဏာပိုင်များက သုသေတနတန်းတွေကို ဖြုတ်ပြီး ကလေးအားလုံးကို ဒီလေ့ကျင့်မှုတွေရဲ့  ရလဒ်ကောင်းတွေကို ခံစားနိုင်စေဖို့ တောင် ကြိုးစားခဲ့ကြပါတယ်။

ဒါတင်မကပါဘူး။ ပန်စူဗေးနီးယားပြည်နယ်တက္ကသိုလ်မှ စိတ္တဗေဒပညာရှင် ကလန်စီဘလဲကည်း အာရုံစူးစိုက်ဆောင်ရွက်နိုင်စွမ်း (အီးအက်ဖ်)ကောင်းတဲ့ မူကြိုကလေးတွေဟာ သာမာန်ကလေးတွေထက် သချာင်္ လို ဘာသာရပ်တွေမှာ ပိုတော်ကြောင်း သက်သေပြခဲ့ပါတယ်။ တနည်းအားဖြင့် ဒီလိုလူကြီးလုပ်တမ်းကစားနည်းလေးတွေ၊ မှတ်ဥာဏ်အသုံးချကစားနည်းလေးတွေကို စောစောစီးစီး ထိတွေ့ ရတဲ့ ကလေးတွေဟာ နောင်ကျောင်းတွင်းပညာသင်ကြားမှုတွေမှာ အောင်အောင်မြင်မြင်ဖြစ်လာကြတယ်လို့  ဆိုပါတယ်။

ကလေးတွေတော်တော်များများဟာ အခြေခံပညာကျောင်းတွေမှာတင် အထုတ်ခံနေကြရပါတယ်။ ဒီအာရုံစိုက်ဆောင်ရွက်နိုင်စွမ်း (အီးအက်ဖ်)ဟာ စီပွားရေးကျပ်တည်းတဲ့ ပတ်ဝန်းကျင်က ကလေးတွေမှာ ဆိုးဆိုးရွားရွားကို အားနည်းကြတာတွေ့ ရပါတယ်။ အမေရိကန်မှာ လူဖြူကလေးတွေနဲ့  အမေရိကန်-အာဖ၇ိကန်ကလေးတွေကြားမှာ အခြေခံပညာသင်ယူရန် အရည်အသွေး (School readiness) ကွာခြားနေတာတွေရဲ့ တ၀က်လောက်ဟာ အီးအက်ဖ်ကွာခြားမှုတွေကြောင့်ဆိုတာ ပေါ်လွင်လာခဲ့ပါတယ်။

စာရေးသူရေးဟားဘားဒ်က ဒီလိုကလေးတွေကို ကူညီမယ်ဆိုတဲ့ ၂၀၀၁ မည်သည့်ကလေးမှချန်မထားရေး (No Child Left Behind Act) ဖက်ဒရယ်အက်ရဲ့  အရည်အချင်းစစ်ဆေးမှုဆိုင်ရာကိုတော့ ဝေဖန်လိုပုံရပါတယ်။ ကလေးတွေရဲ့  အခြေခံဦးနှောက်ပိုင်းရာ စွမ်းဆောင်နိုင်စွမ်းတွေကို မျက်ကွယ်ပြုရင် ကလေးတွေကို ပိုမိုပျက်စီးစေတဲ့လမ်းကြောင်းပေါ်မှာ ချန်ထားတာ၊ သူတို့ ရဲ့ ပူးပေါင်းပါဝင်ဆောင်ရွက်လိုစိတ်တွေကို မောင်းထုတ်လိုက်တာမျိုး ဖြစ်သွားနိုင်တယ်လို့ ဆိုထားပါတယ်။

( Wrey Herbert ရဲ့  Is executive function the new IQ? ကို ဆီလျော်အောင် ဘာသာပြန်ထားတာပါ။ )

Read More...

Tuesday, June 3, 2008

Volunteer Management 101

မြန်မာနိုင်ငံတွင် လေမုန်တိုင်းဒဏ် ခံရပြီးနောက် မိမိအသိစိတ်ဓါတ်ဖြင့် လုပ်အားပေးကူညီကြသော အဖွဲ့အစည်းများစွာ ပေါ်ပေါက်လာခဲ့သည်။ စာရေးသူလည်း ထိုအဖွဲ့တစ်ဖွဲ့တွင် ပါဝင်လုပ်အားပေးလျက်ရှိသည်။ ထိုသို့ လုပ်အားပေးစဉ် ကြားသိလာရသော လုပ်အားပေးများနှင့် ပတ်သက်သည့် အခက်အခဲများကို ဖြေရှင်းရန်အတွက် လက်လှမ်းမီသလောက် ဖတ်ရှုလေ့လာထားသည်များကို ပြန်လည် ဝေငှလိုက်ပါသည်။

လုပ်အားပေး ရွေးချယ်ခြင်း (Recruitment)

  • လုပ်အားပေး ရွေးချယ်ရာတွင် အသင်းအဖွဲ့နှင့် တွဲ၍ လုပ်ဆောင်တတ်မှုက ၄င်းမည်သည့် ပညာ တတ်ကျွမ်းသည် ဆိုသည်ထက် ပိုအရေးကြီးသည်။ မလုပ်တတ်သည်များကို သင်ပေး၍ ရနိုင်သော်လည်း အသင်းအဖွဲ့ စိတ်ဓါတ်ရှိလာရန် ကိုမူ လွယ်လွယ်ကူကူ သင်ကြားပေးနိုင်မည် မဟုတ်ပေ။
  • လုပ်အားပေးရာတွင် အဆင်ပြေနိုင်မှု ရှိမရှိကို ၄င်း ယခင် လုပ်အားပေးခဲ့ဖူးသည့် ကိစ္စများမှ၎င်း၊ အစမ်း လုပ်အားပေးစေခြင်းဖြင့်၎င်း သိရှိနိုင်သည်။
  • လူတွေ့မေးရာတွင် ကြိုတင်ပြင်ဆင်ထားသော မေးခွန်းများကိုသာ မေးသင့်သည်။ သို့မှသာ လျှောက်ထားသူ တစ်ဦး နှင့် တစ်ဦး ကွာခြားမှုကို သိရှိနိုင်မည်။

လုပ်အားပေးများကို တာဝန်ပေးခြင်း (Placement)

  • လုပ်အားပေးရန် အချိန် အတိအကျ သတ်မှတ်ပေးရန်လိုသည်။ လုပ်အားပေးသူများသည် မိမိတို့စီမံချက်အတွက် အဆုံးမရှိ အစမရှိ၊ နေ့ရော ညပါ အချိန် ပေးရမည်ဟု ယူဆထားလျှင် လက်တွေ့မကျပေ။
  • လုပ်အားပေးများ၏ နဂို လုပ်ငန်းအတွေ့အကြုံ ပညာရပ် အတွေ့အကြုံများကို တတ်နိုင်သလောက် အသုံးချစေရန်။
  • လုပ်အားပေးများ အားလုံး တန်းတူညီမျှမှုရှိစေရန်။ တစ်ဦးဦးကို ပစား ပေးခြင်းမျိုး ရှောင်ကြဉ်ရန်။
  • ပွင့်လင်းမှုရှိရန်။ လျှို့ဝှက်ချက်များ ထားရှိခြင်းဖြင့် လုပ်အားပေးများအကြား မယုံကြည်မှုကိုသာ တိုးပွားစေမည်။ စီမံချက်နှင့် ပတ်သက်၍ တတ်နိုင်သရွေ့ ပွင့်လင်းစွာ ဆက်ဆံ အသိပေးသင့်သည်။
  • လုပ်အားပေးများအား တာဝန်ပေးရာတွင် ၄င်းတို့ကိုယ်တိုင် ရွေးချယ်ခွင့်ကိုလည်း ထည့်သွင်းစဉ်းစားပေးရန်။
  • လုပ်အားပေးများ အနေဖြင့် ဆက်လက်လုပ်အားပေးလိုသော ဆန္ဒ မရှိပါက ၄င်းတို့ သဘောအတိုင်း ဆောင်ရွက်ခွင့် ရှိကြောင်း မိမိတို့အဖွဲ့က နားလည် သဘောပေါက်ထားရန်။
  • လုပ်အားပေးများ လုပ်ဆောင်ရမည့် တာဝန်များ၊ နှင့် လိုက်နာရမည့် စည်းကမ်းများကို တိကျ ရှင်းလင်းစွာ ပြောပြထားရန်။

လုပ်အားပေးများ ဆက်လက်ပါဝင်မှု ရှိရန် ဆောင်ရွက်ခြင်း (Retention)

အထောက်အကူဖြစ်စေမည့် အချက်များ
  • လုပ်ဆောင်ချက်များကို အသိအမှတ်ပြုခြင်း။
  • လိုအပ်သော သင်တန်းများ ပေးခြင်း။
  • မူလကပင် သေချာစွာ စိစစ်ရွေးချယ်ခြင်း နှင့် လူမှန် နေရာမှန် တာဝန်ပေးခြင်း။
  • လုပ်အားပေးတစ်ဦးက အခြား တစ်ဦးကို ခေါ်ဆောင်လာခြင်း။
ခက်ခဲစေမည့် အကြောင်းများ
  • အများအားဖြင့် အသက် ၂၄ နှစ်ထက်ငယ်သော လုပ်အားပေးများသာ အဓိက ပါဝင်နေခြင်း။
  • လုပ်အားပေးများကို ကြီးကြပ် လမ်းညွှန်မှု မပေးခြင်း။
  • လုပ်အားပေးများနှင့် ဆက်ဆံရေး မပြေပြစ်ခြင်း။
  • လုပ်အားပေးများ အကြောင်းမဲ့ ပျက်ကွက်ခြင်း၊ အချိန်မှန် မလာရောက်ခြင်း။
  • လုပ်အားပေးများအတွက် ငွေအကုန်အကျ မခံခြင်း။

အာရောဂျံ ပရမံ လာဘံ
တက္ကသိုလ် လှမွန်

စာကိုး။

Managing the placement of volunteers: A VSO guide.
Volunteer Management: Practices and Retention of Volunteers. Mark Hager, Jeffrey Brundney. The Urban Institute. June 2004.

Read More...