Saturday, July 24, 2010

Nosebleed နှာခေါင်းသွေးယိုရင် ဘာလုပ်မလဲ

ဆရာခင်များ နာခေါင်းသွေးလျှံတာဘာကြောင့် ဖြစ်တာပါသလဲ။ ကျွန်တော်တို့ အရမ်းပူတဲ့ UAE မှာ အလုပ် လုပ်နေရတာဆိုတော့ ဘယ်လို နေသင့်တယ်ဆိုတာ ပြောပြပေးပါလားဆရာ။ ဘာ့ကြောင့် ဖြစ်တယ်ဆိုတယ်ဆိုတာလဲ သိချင်ပါတယ်ဆရာ။

နာခေါင်းက သွေးယိုတာကို Epistaxis (Nosebleed) လို့ခေါ်တယ်။ Epistasis ဆိုတဲ့ မျိုးဗီဇရောဂါနဲ့ စာလုံးပေါင်း အတော် ဆင်တယ်။ နာခေါင်းက သွေးယိုတာက နှာခေါင်းရှေ့ယိုတာနဲ့၊ နောက်ကယိုတာ အမျိုးအစား ၂ ခုရှိတယ်။ ရှေ့ဖြစ်တာက အများဆုံးပါ။ နှာခေါင်း နောက်ကနေ ယိုတာက ကြာတတ်ပြီး ကုရခက်တယ်။ သိပ်ဆိုးရင် မျက်စိကနေယိုတာလဲ ဖြစ်တတ်တယ်။ ယိုတဲ့သွေးက အထဲဝင်သွားပြီး၊ အစာအိမ်ထဲရောက်၊ များရင် အန်ထွက်တာမျိုးလည်း ဖြစ်တတ်တယ်။ အမေရိကားမှာ မှတ်တမ်းတခုအရ လူပေါင် ၂ သန်းခွဲ ဖြစ်တာမှာ ၄ ယောက်က သေဆုံးတဲ့အထိ ဆိုးတယ်လို့ ဆိုပါတယ်။ ရှေးခေတ် (ဟွန်) လူမျိုးတွေရဲ့ ဧကရာဇ် (အတီလာ) ဆိုသူဟာ မင်္ဂလာဦးညမှာ အရက်တွေ အလွန်အကြွံသောက်တော့၊ အိပ်ရာထဲ နှာခေါင်းသွေးတွေ ယိုရာကနေ၊ အသက်ရှူလမ်းပိတ်ပြီး၊ နတ်ရွာစံခဲ့ဘူးပါတယ်။

ယောက်ျားတွေက ပိုဖြစ်တယ်။ အသက်ကြီးရင် ပိုဖြစ်တတ်တယ်။ နှာခေါင်းက သွေးယိုတာဟာ သွေးကြောမျှင်လေးတွေ ပေါက်လို့ပါ။ အကြောင်းရင်း နှစ်ရပ်ရှိတယ်။ ခန္ဓာကိုယ်စနစ်ကြောင့်နဲ့ နှာခေါင်းမှာ ပြဿနာ ရှိတာတို့ ဖြစ်တယ်။ တခါတလေလဲ ဘာ့လို့မှန်း မသိဘဲလည်း ယိုသေးတယ်။ Nasal packing နှာခါင်းကို ခဏခဏ ကိုင်တတ်သူများ အဖြစ် များတယ်။ နှာခေါင်းကို ထိခိုက်မိတာက အများဆုံးဖြစ်စေတယ်။ အသက်ရှူလမ်း ရောဂါပိုးဝင်ရာကနေလဲ ဖြစ်နိုင်သေးတယ်။ ရှားရှားပါးပါး မွေးရာပါ ရောဂါတခုကြောင့်လဲ ဖြစ်တယ်။ နှာခေါင်းထဲ တခုခုဝင်တာနဲ့ ရောဂါအကြိတ် တခုခု ဖြစ်တာတွေကလည်း အကြောင်းခံတွေ ဖြစ်တယ်။

ရှူရတဲ့လေဟာ ဆောင်းတွင်း ကာလတွေမှာလို Low relative humidity ရေငွေ့ဓါတ် နည်းလွန်းနေရင်လဲ၊ ယိုတတ်တယ်။ သိပ်အေးပြီး သိပ်ခြောက်သွေ့တဲ့အခါ အဖြစ်များတယ်။ နှာခါင်းကနေ ရှူရတဲ့ဆေးနဲ့ ဆေးသွင်း ပစ္စည်း ကရိယာတွေ ကြောင့်နဲ့ နှာခါင်းခွဲစိတ်တာလည်း ထည့်မပြောရင် ပြည့်စုံမှာ မဟုတ်ဘူး။

နှာခေါင်းကမဟုတ်တဲ့ အကြောင်းခံတွေကတော့ (အလာဂျီ)၊ အအေးမိရောဂါ၊ သွေးတိုး၊ သွေးအားနည်းရောဂါ၊ တွယ်ဆက်-တစ်ရှူး ရောဂါ၊ Blood dyscrasias ခေါ် သွေးရောဂါ၊ နှလုံးအလုပ်မလုပ်တော့တဲ့ ရောဂါ၊ တိုက်ဖွိုက်၊ နူမိုးနီးယား၊ ငှက်ဖျား၊ သွေးလွန်တုပ်ကွေး၊ ၀က်သက်၊ နှာခေါင်း ဆုံဆို့နာ၊ အအေးမိရောဂါ၊ ဆိုင်းနပ်စ်၊ သွေးကင်ဆာ၊ ဗီတာမင် စီ နဲ့ ကေ နည်းရောဂါ၊ နောက်ပြီး Aspirin, Ibuprofen, Ginseng စတဲ့ဆေးတွေ၊ Anticoagulant သွေးမခဲဆေး၊ အရက်သောက်သုံးတာ၊ ကိုယ်ဝန်ဆောင်ချိန်၊ သိပ်ပူတဲ့ အစား စားတာတွေ ပါဝင်တယ်။ (ကိုကိန်း) လို မူးယစ်ဆေး ကြောင့်လဲ ယိုတတ်တယ်။

သွေးဆိုတာ သွေးကြောထဲက ထွက်ရရင် ခဲတတ်တဲ့ သဘော ရှိလို့ သူထွက်လာတဲ့ သွေးကြောမှာ အပိတ်လိုဖြစ်ပြီး နောက်ထပ် သွေးထွက်မှာကို တားနိုင်တယ်။ ဒါ့ကြောင့် သွေးခဲဘို့ အားပေးတဲ့အနေနဲ့ရော သွေးကြောကို ဖိအားနဲ့ ပိတ်တဲ့ သဘောလည်းဖြစ်အောင် သွေးထွက်တဲ့ နေရာကို ဖိနှိပ် ပေးထားတာက အကောင်းဆုံး ရှေးဦးသူနာပြုနည်းဖြစ်တယ်။ နှာခေါင်းဆိုရင်တော့ အပြော့ပိုင်းကို လက်မနဲ့ လက်ညှိုး သုံးဖိပေးရမှာပါ။ ဒီလိုလုပ်ရင် အကျိုးများစေလို့ နှာခေါင်းရဲ့ ရှေ့ပိုင်း တရိဂံပုံနေရာကို Kiesselbach's area, Little's area လို့ခေါ်တယ်။ ဖိတယ်ဆိုတာက တင်းတင်း ဖိရမှာ၊ ၅ မိနစ်လောက် ကြာသင့်တယ်။ ခေါင်းကို နဲနဲ ရှေ့ငုံ့ထားရင် အသက်ရှူလမ်းထဲ သွေး-သွေးခဲ မ၀င်အောင်ကာကွယ်ရာ ရောက်စေတယ်။ Trotter နည်းခေါ်တယ်။ ထိုင်နေစေပါ၊ ပါးစပ်နဲ့အသက်ရှူစေပါ။ သွေးယိုတာ မြိုမချစေနဲ့။ နှာခေါင်းထဲက သွေးခဲကို အတင်းရှင်းထုတ်ဘို့ မကြိုးစားရ။

နှာခေါင်းနား၊ ဂုတ်ပိုး၊ နဖူးတ၀ှိုက်ကို ရေခဲ တင်ပေးသင့်တယ်။ ရေခဲကိုလဲ ပါးစပ်ထဲငုံတာမျိုး လူတွေ လုပ်နေကြဖြစ်ပေမဲ့ သုတေသန ကိန်းဂဏန်းနဲ့ ဘယ့်လောက် အကျိုးများတယ် ဆိုတာတော့ မပြောနိုင်ဘူး။

သွေးကြောတွေကို ကြုံ့စေတဲ့ဆေး Oxymetazoline, Phenylephrine တွေကိုလည်းသုံး နိုင်ပါတယ်။ ဒီဆေးမျိုးတွေက အအေးမိ နှာစေးအတွက်ပေးတဲ့ ရှူဆေးတွေထဲမှာ ပါတယ်။ သွေးခဲစေတဲ့ ဆေးတွေကတော့ Coalgan (France), Stop Hemo (Sweden, Italy, Switzerland) and NasalCEASE (US and Australia) တွေဖြစ်တယ်။ ဒီနည်းတွေနဲ့ မရရင် ဆရာဝန်ဆီ ရောက်ရတော့မယ်။

နား-နှာခေါင်း-လည်ချောင်း ဆရာဝန်ကနေ မီးရှို့ပြီး သွေးကြောပိတ်တာ လုပ်ချင်လုပ်မယ်။ နှာခေါင်းထဲ ပတ္တီးရှည် ထည့်ပေးချင် ပေးမယ်။ Gauze ပိတ်ကျဲစကို Vaseline or liquid paraffin ဆီတခုခုထဲစိမ်၊ Betadine Solution (10% povidone-iodine) ပိုးသန့်ဆေးရည် နည်းနည်းရောပြီး နှာခေါင်းထဲကို တင်းကြပ်နေအောင် ထိုးသွင်းထားရင် အတော် များများ ကောင်းသွားပါတယ်။ နှာခေါင်းရောဂါ ခွဲစိတ်ပြီးသူများကိုလည်း ဒီနည်းနဲ့ သွေးမထွက်အောင် လုပ်တယ်။ ၂၄ နာရီ နေရင် ပြန်ထုတ်ကြည့်၊ လိုအပ်ရင် တခါ ထပ်ထည့်တယ်။ Silver nitrate ဆေးထည့်ပေးချင်ပေးမယ်။ နာမယ်ထင်ရင် ထုံဆေးသုံးပြီး လုပ်ပါတယ်။ ထုံဆေးထဲကို Injection Adrenaline ပါထည့်တယ်။ သိပ်ဆိုးရင် မေ့ဆေးနဲ့ ကရိယာထည့် စစ်ဆေးပြီး သွေးကြောကို ပိတ်ပေးတယ်။

နှာခေါင်းဖုံးအလွှာ Nasal mucosa ခြောက်နေလို့ ခဏခဏဖြစ်တတ်သူများ Saline spraying ဆားရည်ဖြန်းတာ တနေ့ ၃ ခါ လုပ်ရတယ်။ နှာခါင်းကိုလည်း Vaseline လိုမျိုးနဲ့ ချောမွေ့စေအာင်လုပ်ရတယ်။ အိမ်မှာလဲ ရေငွေ့ဓါတ်ပေးတဲ့ Humidifier တပ်ဆင်ထားရမယ်။ မကြာမကြာ ပြန်ဖြစ်သူများကို ပဋိဇီဝလိမ်းဆေးပေးတာ အကျိုးရှိစေတာ တွေ့ရတယ်။ နှာခေါင်သွေးယိုတာ များသူ၊ ခဏခဏ ဖြစ်သူတွေမှာ သွေးအားနည်းရောဂါ ၀င်လာတတ်တယ်။

သူများနိုင်ငံတွေမှာ Juice of flower of pomegranate သလဲသီးပန်းကို အရည်လုပ်ပြီး၊ ခပ်ပြင်းပြင်း ရှူစေတယ်။ Juice of fresh green grass မြက်ပင်သန့်သန့်ကို အရည်လုပ်ပြီး၊ နှာခါင်းတဖက်စီထဲကို ၅-၁၀ စက် ထည့်ခိုင်းတယ်။

မေးခွန်းမေးတဲ့သူအတွက် အဲလို တိုင်းပြည်ဒေသတွေမှာ နေရရင် ဆားရည်ကို နှာခေါင်းထဲ ဖြန်းဖြန်းပေးသင့်တယ်။ ကောင်းတာကတော့ Normal saline ခေါ်တဲ့ သွေးကြောထဲ သွင်းပေးရတဲ့ ပုလင်းထဲက ဆားရည်ဖြစ်တယ်။ ၀ယ်ရတာ ခက်ရင် ရေသန့်သန့်ထဲမှာ အိမ်သုံးဆား ၀့၉% ရအောင် ဖျော်ပြီး၊ သုံးနိုင်ပါတယ်။ ဗီတာမင် စီ ဆေးရှာမရရင် သုံပရာသီး၊ ရှောက်သီး၊ ဆီးဖြူသီး စားပါလေ။

Dr. တင့်ဆွေ

Read More...

Monday, July 12, 2010

Dyspareunia ဆက်ဆံချိန်မှာ နာကျင်တာ

အသက် ၁၈ နှစ်ပြည့်မှ ဖတ်ပါ (၂၂)

ဒေါက်တာရှင့်
မိန်းကလေးကိစ္စနဲ့ ပတ်သက်ပြီး မေးချင်တာလေးတွေရှိလို့  မေးလ် နဲ့ ဆက်သွယ်ခြင်း ဖြစ်ပါတယ်။ ဆေးခန်းသွားပြဖို့လဲ ဘယ်လိုပြောပြီး သွားရမှန်းမသိလို့ ဆရာနဲ့ တိုင်ပင်ပါရစေ။ မိန်းကလေး တယောက်မှာ အဖြူဆင်းတာနဲ့ အနီဆင်းတယ်လို့  ရှိတာ သိပါတယ်ဆရာ။ ကျမမှာ ဖြစ်နေတာက အဖြူဆင်းတဲ့အခါ ညိုညစ်ညစ်အရောင်တွေ ဆင်းပါတယ်။ အဲဒါ ပုံမှန် ဟုတ်ပါသလား ဆရာ။ ပြီးကျမမှာ အိမ်ထောင်ရှိပါတယ်။ ယောကျားနဲ့ နေတဲ့ အချိန်တော်တော်များများမှာ သားအိမ် နာတတ်ပါတယ်။ သားအိမ် တခုခု ပုံမှန် မဟုတ်လို့  နာတာများလားလို့ သံသယ ဖြစ်နေပါတယ်။ သားအိမ် သန့် အောင် လုပ်ဖို့  ဆရာဝန်နဲ့ ပြဖို့  လိုပါသလား။ အန္တရာယ်ရှိလာမှာ စိုးလို့ ပါ။ ကျေးဇူပြုပြီး ညွန်ကြားပေးပါဆရာ။

မေးခွန်းမှာ နှစ်ပိုင်းပါပေမဲ့ နှစ်ခုက ဆက်စပ်နေပါတယ်။ အမျိုးသမီးများ ဆက်ဆံချိန်မှာ ထူးပြီး နာကျင်တာကို Dyspareunia ခေါ်တယ်။ ထူးပြီး နာတယ်လို့ ပြောရတာက ပဌမဆုံး အကြိမ် ဆက်ဆံရင် နာကျင်မှုခံစားရတာမျိုးက ရောဂါမဟုတ်ပါ။ ကိုယ်ခန္ဓာ အရွယ်အစား မတူသူတွေ ဆက်ဆံတဲ့အခါ၊ အထူး သတိမပြုရင် နာတတ်တယ်။ အရင်က မနာဘူးပေမဲ့ အခုမှ နာလာတာက ထူးလာတာမျိုး ဖြစ်တယ်။

မေးခွန်းမှာ ပါသလိုမျိုးဖြစ်တာကတော့ အခြေခံ ရောဂါတခုခုကြောင့် ဖြစ်လာရတဲ့ လက္ခဏာတခုသာ ဖြစ်ပါတယ်။ အဖြစ်နိုင်ဆုံးကတော့ မွေးလမ်းကြောင်းတနေရာမှာ ပိုးတမျိုးမျိုးဝင်နေတာကြောင့် အဖြူ (ညိုညစ်ညစ်) ဆင်းတာဖြစ်ပြီး၊ နာကျင်တာကပါ ဆက်ဖြစ်လာစေတယ်။

ပိုးဝင်တာကို Infection ခေါ်တယ်။ ပိုးတွေက အမျိုးမျိုး။ Candidiasis, Chlamydia, Trichomonous တွေဖြစ်တယ်။ အဖြူဆင်းတာလို့ သာမန်ခေါ်ကြပေမဲ့ အရောင်က အမျိုးမျိုးရှိတယ်။ အဖြူ၊ မီးခိုးရောင်၊ အ၀ါ၊ အစိမ်း၊ အနီ၊ ညိုတယ်ဆိုရင် သွေးနဲ့ရောနေလို့ ဖြစ်တတ်တယ်။ ဆင်းတာသာမက ယားတာနဲ့ပါ တွဲတတ်တယ်။ နံတာလည်း ရှိတတ်တယ်။ ဖြစ်စေတဲ့ ပိုးအမျိုးအစားအပေါ် မူတည်တယ်။ အပြစ်-အကျဲလည်း မတူဘူး။ နောက်ဆက်တွဲ Pelvic inflammatory disease တင်ပါးဆုံတွင်း အင်္ဂါတွေ ရောင်တာ ဖြစ်လာစေတတ်တယ်။ ဒီအဆင့်မှာလည်း နာတယ်။

ဆေးကုတာလည်း မခက်လှပါ။ Leucorrhoea, Vaginal Discharge မွေးလမ်းကြောင်းမှ အဖြူဆင်းခြင်း၊ အသက် ၁၈ နှစ် ပြည့်မှဖတ်ပါ (၁၅) မှာပါတယ်။ တိုက်တိုက်ဆိုင်ဆိုင် ဒီစာရေးတဲ့နေ့မှာဘဲ လူနာတယောက် လာပြတယ်။ ဗမာပြည်က ထွက်လာတာ မကြာသေးဘူး။ အိမ်ထောင်ကျတာ ၅ နှစ်၊ ကလေးမရှိ၊ အဖြူဆင်း၊ သားအိမ်နာ။ မေးကြည့်တော့မှ အိမ်ထောင်နဲ့ နေရင်လည်း နာတယ်။ မွေးလမ်းကို စမ်းတော့ ဆီးစပ်နေရာ နှစ်ဖက်မှာ နာတယ်။ သူ့မှာ မွေးလမ်းအင်္ဂါတွေ ရောင်တာ ကြာနေလို့ သားအိမ်ပြွန် ကျဉ်း-ပိတ်တာကြောင့် ကလေးမရနိုင်တာပါ ဖြစ်လာစေတယ်။

ပိုးဝင်တာလို ရုပ်ပိုင်း အခြေအနေကြောင့် သာမက စိတ်ပိုင်းကြောင့်ပါ ဖြစ်နိုင်တယ်။ အဓမ္မပြုကျင့် ခံရတာ၊ ခံရဘူးတာ၊ အဖေါ်ကို စိတ်ဆိုးနေတာ၊ ဒီလို ဆက်ဆံလိုက်ရင် နောက်ဆက်တွဲ ဖြစ်လာမှာကို သောကရောက်နေတာ။

Vaginismus ဆိုတဲ့ (ဗဂျိုင်းနား) ဘေးက ကြွက်သားတွေ စိတ်အလိုမပါဘဲ၊ လှုတ်ရှားလို့ကြောင့် နာတာမျိုးလဲ ရှိသေးတယ်။ ပုံမှန်ထွက်လာရမဲ့ စိုစွပ်စေတဲ့အရည် Vaginal lubrication နည်းရင်လည်း နာစေတယ်။ ဒါမျိုးက သွေးဆုံးသူတွေမှာ ဖြစ်တယ်။ ငယ်သူတွေမှာတော့ စိတ်မပါဘဲ ဆက်ဆံလို့ အရည်ထွက်နည်းပြီး နာတာ။ စုံအောင် ပြောရရင် ဆိုင်ရာနေရာမှာ ထိခိုက် ဒဏ်ရာ ရနေလို့လည်း နာနိုင်တာဘဲ။ ဆိုပါစို့ Episiotomy မွေးလမ်းကြောင်းချဲ့ မွေးဖွါးအပြီး။

မွေးလမ်း မဟုတ်ဘဲ ဆီးလမ်းကြောင်း ပိုးဝင်တာ၊ STD လိင်ကနေ ကူးစက်တဲ့ရောဂါတွေကြောင့်ပါ နာတတ်သေးတယ်။ ပဋိဇီဝဆေးနဲ့ ကုရတယ်။ တခြား အဖြစ်နည်းတာတွေက Ovarian Cyst မျိုးဥအိမ်အလုံး၊ Endometriosis ဆိုတဲ့ သားအိမ် အတွင်းလွှာက (ဆဲလ်) မျိုးတွေက တခြား နေရာတွေမှာ ရောက်နေတဲ့ရောဂါ။ Cancer ကင်ဆာ၊ Xerosis သွေးဆုံးပြီး မွေးလမ်းကျဉ်း ရောဂါ၊ သားအိမ်ထဲ မဟုတ်ဘဲ ကိုယ်ဝန်ဆောင်တာ၊ တင်ပါးဆုံတွင်း သွေးပြန်ကြောထုံးတာ။ နောက်ပြီး Condom (ကွန်ဒွန်)၊ အမျိုးသမီးသုံး Diaphragm (ဒိုင်ယာဖရမ်)၊ Spermicide သုတ်ပိုးသေဆေးကို မတည့်တာ ကြောင့်လည်း ဖြစ်နိုင်သေးတယ်။

မွေးရာပါ (ဗဂျိုင်းနာ) မှာ ထူးနေသူတွေလည်း ရှိတတ်တယ်။ Vaginal septum ခေါ်တဲ့ မွေးလမ်းက အကန့် ပါနေလို့ Double vagina နှစ်ခန်း ဖြစ်နေတာ။ အပျိုမြှေးမှာပါ ပြဿနာ ရှိနေတတ်တယ်။ Imperforate hymen လုံးဝ ပိတ်နေတာ၊ Microperforate hymen ပိတ်သလောက် ဖြစ်နေတာ၊ Rigid hymen တင်းတောင့်နေတဲ့ အပျိုမြှေး၊ Septate hymen တနေရာမှာ ထူနေလို့ နှစ်ခွလို ဖြစ်နေတာ။ ဒီလိုအမျိုးသမီးများမှာ ဆက်ဆံတဲ့အခါ နာမယ်။ ခွဲစိတ်ပြုပြင်ရင် ကောင်းသွားတယ်။

Vulvar vestibulitis ဆိုတဲ့ ရှားရှားပါပါးရောဂါတခု ရှိသေးတယ်။ အင်္ဂါအ၀ နေရာမှာရှိတဲ့ အာရုံကြောတွေက ထူပြီး နာတာကို မခံနိုင်ဖြစ်နေတာ။ နဲနဲထိတာနဲ့ နာတယ်။ ဒီလိုအမျိုးသမီးတွေမှာ တခြားနေရာတွေ နာနေတာ ရှိတတ်တယ်။ ဒီလိုလူနာကို ကုသရတာလည်း လက်ဝင်တယ်။ အနာ-အရောင် သက်သာစေတဲ့ လိမ်းဆေး၊ စားဆေးတွေနဲ့ မရရင် စိတ်ကိုပြုပြင်ဆေး Antidepressants နဲ့ Anticonvulsants တက်တာ သက်သာဆေးတွေကိုပါ နည်းနည်းစီ ပေးရတယ်။

နာတာက အ၀င်ဝ၊ အထဲနဲ့ ဟိုထိပ်မှာ ဆိုတဲ့နေရာ နာတာ မတူတတ်ဘူး။ အတွင်းပိုင်းထိပ်မှာ နာတာမျိုးက သားအိမ်၊ သားအိမ်ဝ၊ သားအိမ်ပြွန် ရောင်တာကြောင့် ဖြစ်တတ်တယ်။ နာတာကလည်း နဲနဲ နဲ့ များများ မတူကြဘူး။ နာလာလို့ ဆက်ဆံနေရင်း စိတ်အာရုံ ပြောင်းသွားစေတယ်။ မေးလာသူလိုဘဲ စိုးရိမ်စိတ် ၀င်လာမယ်။ မစိုးရိမ်ပါနဲ့။

အပေါ်ယံနေရာ နာတာမျိုးနဲ့ သွေးဆုံးသူတွေအတွက် Water-based lubricants (KY Jelley) ချောဆီ သုံးနိုင်တယ်။ ထုံဆေးကိုလည်း သုံးနိုင်တယ်။ Xylocaine, Lignocaine ထိုးဆေး၊ ညှစ်ဘူး၊ ပန်းဆေးဆိုပြီး လာတယ်။ အသင့်ဆုံးက Xylocaine 2%, 5% (ဂျယ်လီ) ဖြစ်ပါတယ်။ ၅ မိနစ်နေရင် ထုံလာပါမယ်။ မိနစ် ၃ဝ လောက်ခံတယ်။

အတွင်းဘက်နေရာက နာတာဆိုရင် ဆက်ဆံတဲ့ အနေအထားပြောင်းတာက ယေဘူယျသဘော အထောက်အကူပြုမယ်။ ဖြစ်စေတဲ့ အကြောင်းရင်းကိုလည်း ကုသရမှာပါ။ ဥပမာ Infections ရှိရင် Antibiotics, Antifungal drugs ပဋိဇီဝဆေးတွေ ပေးရမယ်။ သွေးဆုံးချိန်ဖြစ်သူတွေကို Estrogen cream ထည့်စေရတယ်။ Cysts or abscesses အနာ၊ အလုံးရှိရင်၊ Congenital abnormality မွေးရာပါချို့ယွင်းချက် ရှိနေရင်၊ ခွဲစိတ်ပြုပြင် ပေးရမယ်။ Prolapse of the uterus သားအိမ်ကျ နေရင် Pessary ထည့်တာနဲ့ ခွဲစိတ်တာလုပ်ရမယ်။

လေ့ကျင့်ခန်းတွေ Pelvic muscle relaxation exercises, yoga, general relaxation exercises တွေနဲ့ပါ ကူပေးနိုင်တယ်။ တချို့အမျိုးသမီးများက Psychotherapy and sex therapy စိတ်ပိုင်းကုသတာ လိုချင်လိုမယ်။ ဆက်စပ်နေတဲ့ ခေါင်းစဉ်ပါ စာတွေကိုလည်း ဖတ်စေချင်တယ်။

Leucorrhoea, Vaginal Discharge မွေးလမ်းကြောင်းမှ အဖြူဆင်းခြင်း
Q and A White discharge PV မွေးလမ်းကြောင်းမှ အဖြူဆင်းခြင်း အမေး-အဖြေ
Dryness of Vagina ဟိုနေရာမှာ ခြောက်နေတာ
Sexually Transmitted Diseases (STDs) လိင်မှတဆင့် ကူးစက်သော ရောဂါများ

Dr. တင့်ဆွေ
၁၁-၇-၂၀၁၀

Read More...

Monday, July 5, 2010

Organ transplantation အစားထိုးလဲလှယ်ခြင်း

ဆေးကျောင်းရောက်အောင် လိုအပ်တဲ့ အရည်အချင်းတွေ ငယ်ငယ်ကတည်းက ရှိခဲ့တယ်လို့ ပြောရမလား မသိပါ။ တစ်အချက်ကတော့ အမြင့်ခုန် ၀ါသနာပါခဲ့တာပါ။ ၀ါးလုံးထောက်ခုန် (ပိုးလ်-ဂျမ့်) ပေါ့။ တနေ့တော့ ထောက်ကျင်း မထောက်မိဘဲ ခုန်လိုက်တာ ချော်ကျလို့၊ ခုနစ်တန်း ဖြေပြီး၊ ကျောက်ပတ္တီး စီးရပါရောလား။ အဲဒီတုံးက ကုလားလူမျိုး ဆရာဝန်ကို စမ်းသပ်ခဆိုလား ၁၆ ကျပ် ပေးရတဲ့ခေတ်။

နေခဲ့ရတဲ့ မုံရွာ၊ စတိတ်-တူး ကျောင်းက ဆေးပညာနဲ့ ပိုနီးတယ်။ စတိတ်-၀မ်းတွေ၊ သရီးတွေက ကြိုက်ချင်မှ ကြိုက်မှာ။ အဟုတ်ပြောတာပါ။ ၀မ်းက ဈေးနဲ့ နီးပြီး၊ စတိတ်-သရီးက လမ်းမ ဘေးမှာ။ တူးကျောင်းက ဆေးရုံကြီးနဲ့ ကပ်လျက်။ ၆ တန်း၊ ၇ တန်းတုံးက နေရတဲ့ အခန်းတွေဟာ ဆေးရုံရဲ့ Morgue (Mortuary) ရင်ခွဲရုံနဲ့ အနီးဆုံး။ လူသေတွေ သွင်းတာ၊ ထုတ်တာ ကြည့်ရဲ့တဲ့ ကျောင်းသား ကြည့်။ ရေခဲတိုက် လို့တော့ ခေါ်မရဘူး။ အနံ့တွေက ထောင်းကနည်း၊ ထောင်းကနည်း။ ဆေးကျောင်း မရောက်ခင် ပွဲမ၀င် ပြင်ကျင့်ခွင့် ရခဲ့တာပေါ့။

ကျောင်းကနေ အလုံလမ်းဖက် ထွက်ရင် ဆေးရုံဘေးက သွားရတာ။ ဆေးရုံက ပြစ်ထားတဲ့ အမှိုက်တွေထဲ ပုလင်းခွံတွေ အတိုင်းသားပေါ့။ အဲဒီခေတ်မှာ ဆေးရုံးစွန့်ပြစ်ပစ္စည်း ဘယ်လိုစွန့်ရမလဲလို့ (၀က်ဘ်ဆိုက်) တွေမှာ မရေးသေးဘူးမို့လား။ Medical waste disposal systems ဆိုတာတောင် တင်တာ မကြာလှသေးဘူး။ ကျွန်တော့်အဖို့ နှာခေါင်းယဉ်စေတဲ့ အတွက် ကျေးဇူးရှိပါတယ်။

ပုလင်းခွံတွေထဲမှာ (ပနယ်စလင်) တွေက အများဆုံး။ ဒီဆေးကို အခု မဖြစ်မှ သုံးကြတော့တယ်။ (အိုင်းယင်း-ဖလေးမင်း) စတွေ့တာ အခုဆို နှစ် ၈၀ ရှိသွားပြီပေါ့။ စပေါ်တော့ ဘာရောဂါအတွက် စွမ်းသလဲဆိုရင် “(ဂနိုးရီးယား) ကို လေး နာရီ အတွင်း အပျောက်ကုမည်” ဆိုပြီး ကြော်ငြာနိုင်ခဲ့ပါတယ်။ တကယ် အစွမ်းထက်တာကလား။ အခုတော့ Penicillin နောက် မျိုးဆက်တွေက နေရာယူနေပါပြီ။ (အင်ပစလင်)၊ (အမောက်ဆာစလင်) ဆိုတာတွေက (ပနယ်စလင်) ကနေ ဆက်တွေ့ လာတာတွေပေါ့။ အခုဆို Cef စာလုံးတွေနဲ့စတဲ့ ပဋိဇီဝဆေးဆိုတာ ပဉ္စမမျိုးဆက် အထိရောက်နေပြီ။ အတော်လည်း စွမ်းကြတယ်။

ဆေးမျိုးဆက်သစ်တွေ ပေါ်သလို ရောဂါ မျိုးဆက်သစ်တွေလည်း ပေါ်လာတယ်။ အရင်ကခေါ်ခဲ့တဲ့ (ဂနိုရီးယား) ဟာ ကာလသားရောဂါ VD ဆိုတာတွေထဲက နာမည်ကြီးပေါ့။ သူ့အပြင် (ရှန်ကာ)၊ (ဆစ်ဖလစ်)။ နောက်ပေါ်ဖြစ်လေ ဆိုးလေ။ အဲလိုဘဲ ရောဂါတွေကလည်း ခေတ်ဟောင်း၊ ကာလပေါ်တွေ၊ နောက် (ဟစ်ပ်-ဟော့ခ်)တွေ ရောက်လာနေပြီ။ လူငယ်-လူရွယ်တွေက အသစ်ဆိုရင် ချက်ချင်း ကြိုက်ချင်ကြတာကိုး။

ကျား-မ၊ ကျား-ကျား အတူနေတာကနေ ကူးတဲ့ရောဂါ STD/STI တွေမှာ အသဲရောင် B ဆိုတာက ခေတ်မီသူတိုင်း သိကြတဲ့ (HIV) ထက် အဆတရာ အကူးမြန်တယ်။ D နဲ့ E က၊ B လိုဘဲ၊ အတူနေကြတာရော၊ ဆေးထိုးအပ်ကရော၊ အမေကနေ သူ့ကလေးရော ကူးတတ်တယ်။ C ပိုးကတော့ နောက် လမ်းနှစ်သွယ်က ကူးပြီး၊ အသဲကို ပိုပြီး ပျက်စီးတတ်တယ်။ E က အသဲကင်ဆာကို ပြောင်းသွားစေတာက ထူးတယ်။ ဘာဖြစ်ဖြစ် မသက်သာပါ။ မသိလို့လဲ မဖြစ်ပြန်။ ဖြစ်ပြီဆိုရင် Liver transplantation အသဲ အစားထိုးရတဲ့ကိန်း ဆိုက်ရော့။

တဆင့်စကား၊ တဆင့်နား ပြောလိုက်ကြပါ။ အိန္ဒိယမှာ အသဲလာလဲကြတဲ့ ဗမာပြည်က လူတွေ ပြတ်တယ် မရှိဘူး။ ဒေလီက Sir Ganga Ram Hospital ဆေးရုံကို လာကြတယ်။ ကျောက်ကပ် လဲသူတွေဆို (ကိုလ်ကတ္တား) ကို လာတတ်ကြရတယ်။ အသဲ-ကျောက်ကပ် လှူတာက “ရွှေဝါရောင်” တွေ များတယ်။ ဖုန်းဖုန်းတွေပေါ့။ ကူမဲ့ ညီမဲ့ ဒေသခံ “ရွှေ” တွေလည်း ရှိပါတယ်။ အလိမ်ခံရသူတွေလည်း မရှားဘူး။ လိမ်တာက “ကုလားရွှေ” တွေ။ သတိထားပါလေ။

လူနာတွေက အမျိုးမျိုး။ ရူးပီး ၄-၅ သိန်း လွယ်သူ၊ ရှိသူ၊ ရှာနိုင်သူတွေပါ။ ဆေးရုံအနီးအနား အိမ်တွေမှာ ခေတ္တခဏ တည်းခိုပြီး၊ ဆေးကုကြရတယ်။ ကျောက်ခေတ် နံရံဆေးရေးပန်းချီတွေဟာ အဲဒီခေတ်က လူသားတွေ ဘယ်လိုဟာတွေလဲလို့ သိစေနိုင်တယ်။ ဆေးရုံဝန်းကျင်က အိမ်နံရံတွေကလည်း တည်းခိုသွားတဲ့ လူတွေအကြောင်း ကောင်းကောင်း ပြောပြနေတယ်။ တိုင်းပြည်ဖခင် နာမည် ရေးသွားသူလည်း ရှိတယ်။ နောက်ရောက်လူက အတင်း ဖျက်ခိုင်းတဲ့သူမျိုးလည်း လာတည်းတယ်။

ရောဂါ ဝေဒနာတွေကတော့ ဘယ်သူ့ကိုမှ မညှာဘူး။ လေးစားရမဲ့ ပုဂ္ဂိုလ်မျိုးကို အောက်မေ့သူရဲ့ စိတ်သန္တာန်မှာ လေးစာမှု၊ ကြည်ညိုစိတ်တွေ ရှိနေပါလိမ့်မယ်။ နောက်တယောက်မှာ မနာလိုမှု၊ မုန်းတီးစိတ်တွေ ဖြစ်နေနိုင်တယ်။ ဆရာဝန်တွေ မတတ်နိုင်တဲ့ ရောဂါမျိုးဖြစ်လာရင် ကံကောင်းနေဘို့ လိုတယ်။ ကံတရား ကောင်းအောင် စိတ်ထား ကောင်းရပါလိမ့်မယ်။ “အားလုံး ကံကောင်းကြပါစေ။”

Dr. တင့်ဆွေ
၅-၇-၂၀၁၀

Read More...

Friday, July 2, 2010

Sterilization add-on ပိုးသန့်ခြင်း (နောက်ဆက်တွဲ)

Q: ခါတိုင်း အနာတွေကို အရက်ပျံဆွတ်ဂွမ်းနဲ့  သုတ်လိမ်းပေးတာ မလုပ်သင့်ဘူးဆိုတဲ့ သဘောလား ဒေါက်တာ။ ဒါဆိုရင် အနာဝတွေကိုပဲ အရက်ပျံ သုတ်လိမ်းပြီး၊ အနာကို (အန်တီဆက်တစ်-ကရင်မ်) ပဲ ထည့်ပေးသင့်တဲ့ သဘောပေါ့နော်။ အရက်ပျံကို သက်မဲ့မျက်နှာပြင်ထဲ မသုံးရဆိုတာ သိပ်နားမလည်လို့  ထပ်ရှင်းပြပေးပါဦးဗျာ။

A: မှန်ပါတယ်။ အရက်ပြန်ရော အိုင်အိုဒင်းကိုပါ အနာထဲ မထည့်ရပါ။ “both help and hurt” လို့ ပြောနိုင်တယ်။ “ကောင်းတော့ ကောင်းတယ်၊ မျက်စိ စပ်တယ်။” ဆိုသလိုမျိုး။ အနာရဲ့ ဘေးက အရေပြားကိုသာ ပိုးသန့်ပေးဘို့ သုံးရပါတယ်။ ဒဏ်ရာတခုရလို့ အရက်ပြန် ထည့်ပေးရင် အင်မတန် စပ်တယ် မဟုတ်လား။ စပ်တာကို ခံနိုင်အုံးတော့ (တစ်ရှူး)တွေကို ထိခိုက်စေတယ်။ အရေပြားအောက်က အဆီ၊ သူ့အောက်က ကြွက်သား၊ ပါနေတဲ့ အာရုံကြော-သွေးကြောလေးတွေက ဆေးအပြင်းကို ခံနိုင်ရည် နည်းတယ်။

တကယ်တန်း ပြောကြကြေးဆိုရင် သန့်တဲ့ရေတောင်မှ (ဆဲလ်) ထဲဝင်ရင် မကောင်းဘူး။ ဆေးထိုးတာမှာ Distilled water, Water for injection မိုးရေဆိုတာက မကောင်းသေးဘူး။ ဆေးမှုံ့ဖျော်တာ၊ ဆေးသွင်းတာ၊ အနာဆေးတာတွေအတွက် Normal saline (0.91% w/v NaCl) ခေါ်တဲ့ ပုံမှန်ဆားရည်နဲ့မှ (ဆဲလ်) တွေနဲ့ ဖိအားတူကြလို့ အကောင်းဆုံး ဖြစ်တယ်။

အနာထဲကို Acriflavine ဆေးဝါရည်၊ Hydrogen peroxide ဟိုက်ဒရိုဂျင်-ပါအောက်ဆိုဒ်၊ Eusol ယူဇော ဆေးရည်တွေ ထည့်နိုင်ပါတယ်။ မသန့်တဲ့အနာကို ရေနွေးထဲစိမ်ထားတဲ့ ဂွမ်းနဲ့ သန့်ပေးနိုင်တယ်။ ညစ်ပေတာတွေ၊ အမှုံအမှိုက်တွေကို ဖယ်ထုတ်ပါ။ နောက်ပြီး သွေးထွက်နေရင် ရေနွေး ခပ်ပူပူမှာ စိမ်ထားတဲ့ Handkerchief အ၀တ်သန့်၊ Gauze ပိတ်ကျဲစ Cottin wool ဂွမ်းကို ရေပြန်ညှစ်ပြီး၊ ဖိပေးထားရင် သွေးတိတ်စေမယ်။ အနာသန့်ပြီးရင် ဘေးက အရေပြားကို အရက်ပြန်နဲ့ ပတ်ပတ်လည်မှာ သုတ်ပေးပါ။ အနာ နှုတ်ခမ်းသားကနေ ၀ိုင်းပတ်ပြီး လုပ်ရတယ်။ ဒါတောင် အနာထဲ ပြန့်ဝင်လာလို့ စပ်လာစေတယ်။ နောက်ပြီး (အိုင်အိုဒင်း) နဲ့ အဲဒီအတိုင်း လုပ်ပေးပါ။

ဒဏ်ရာက ချုပ်ဘို့လိုရင် ချုပ်နိုင်ပါပြီ။ ညစ်ပေနေတဲ့ အနာ၊ တိရစ္ဆာန်ကိုက်-လူကိုက် ခံရတာဆိုရင် မချုပ်ရသေးဘူး။ ချုပ်ပြီးရင်တော့ အပေါ်ကနေ အရက်ပြန်-(အိုင်အိုဒင်း) လိမ်းလို့ရပြီ။ (အိုင်အိုဒင်း) ပါတာဖြစ်ပေမဲ့ (Povidone Iodine Ointment) ကို အနာထဲထည့်ရင် ရတယ်။ သူက ရေနဲ့ စပ်ထားတာ။ (တင်ချာ-အိုင်အိုဒင်း) ခေါ်တဲ့ အရက်ပြန်နဲ့ စပ်တာကိုသာ အနာထဲ မထည့်သင့်တာပါ။ Povidone Iodine ကို ချုပ်ဘို့ မလိုတဲ့ အနာသေးသေးတွေ၊ ချုပ်ပြီးအနာ ပေါ်မှာပါ ထည့်ပေးနိုင်တယ်။

ဒဏ်ရာ ရလိုက်တာနဲ့ ပိုးဝင်နိုင်တယ်။ ပိုးတွေက ၀င်တဲ့နေရာမှာသာ နေတာ မဟုတ်ဘဲ ပြန့်တယ်။ ဒါ့ကြောင့် အနာကိုသာ အာရုံစိုက်တာနဲ့ မလုံလောက်ဘူး။ လိမ်းဆေးသာမက သောက်ဆေး-ထိုးဆေး ကူရတယ်။ Antiseptic Ointments တွေ အများကြီး ၀ယ်လို့ရတယ်။ ဆေးထဲမှာ ဘာပါသလဲသိရင် ကောင်းတယ်။ ဥပမာတချို့ ရေးပါရစေ။

• Acriflavine ဆေးဝါရည်။ အနာထဲ ထည့်လို့ရတယ်။ အ၀တ်အစားတွေကို ၀ါစေတယ်။ မျက်စိထဲ မ၀င်စေရဘူး။
• Betadine (Povidone Iodine Ointment 5 %) (အိုင်အိုဒင်း) ပါတဲ့ဆေး။ အရေပြားမှာ ပိုးဝင်တာ၊ အနာပေါက်တာ၊ ဒဏ်ရာရတာ၊ မီးလောင်နာ၊ ခွဲစိတ်ပြီးအနာ၊ အနာထဲကိုပါ ထည့်ပေးနိုင်တယ်။
• Betamethasone (ကော်တီဇုံး) ပါတဲ့ဆေး။ နာတာရှည် ပျောက်နိုင်ခဲတဲ့ နှင်းကူနာ Eczema လို အနာတွေ အတွက်ဆေး။ ရိုးရိုး အနာ-ဒဏ်ရာတွေကို မထည့်ရပါ။
• Burnol Plus Antiseptic Cream (Aminacrine, Cetrimide, Thymol, Emulsion Base) မီးလောင်နာ၊ အနာဒဏ်ရာ၊ ပွန်းပဲ့တာတွေအတွက် သုံးနိုင်တယ်။
• Chloramphenicol Eye Ointment 1%w/w ပဋိဇီဝဆေး Antibiotics မျက်စဉ်း။ မီးလောင်နာကို ပတ္တီး စည်းတဲ့အခါ ကပ်မနေစေတာမို့ သုံးလို့ ကောင်းတယ်။
• Chlorocresol (ဖီနော) ပါတဲ့ Antiseptic ဖြစ်တယ်။
• Clobetasol Propionate Cream (ကော်တီဇုံး) ပါတဲ့ဆေး။ နာတာရှည် ပျောက်နိုင်ခဲတဲ့ နှင်းကူနာ Eczema လို အနာတွေ အတွက်ဆေး။ ရိုးရိုး အနာ-ဒဏ်ရာတွေကို မထည့်ရပါ။
• Clotrimazole Cream မှို Fungus ကို နိုင်တဲ့ဆေး။
• Diclofenac နာတာကို သက်သာဆေး။ စားဆေး။၊ ထိုးဆေးလဲ ဒီနာမည်နဲ့ ရှိတယ်။ ပိုးသန့်ဆေးတွေနဲ့ ရောထား တတ်တယ်။
• Gentamicin Sulfate Cream 0.1%w/w Folliculitis, Furunculosis အနာ၊ Paronychia ခြေစွယ်ငုတ်၊ အရေပြားနာတွေအတွက် လိမ်းဆေး။
• Gentamicin Sulphate Ophthalmic Ointment 0.03% မျက်စဉ်း။
• Hansaplast, Handyplast ဆိုတဲ့ တခါသုံး အနာကပ်ပလာစတာတွေက ဆေးမပါဘူး။ သူတို့ဟာသူတို့ သန့်နေတာ သက်သက်ဖြစ်တယ်။ အနာကို ဖုံးပေးထားနိုင်တယ်။ အနောပ်ါဖုံးရတဲ့ ပတ္တီး-ပိတ်ကျုစ နဲ့ တိပ်-ပလာစတာ နှစ်မျိုးကို တခါတည်း ပါနေတဲ့သဘောသာ ဖြစ်တယ်။ ထိ-ရှတဲ့အခါ ချက်ချင်းသူ့ကိုသုံးနိုင်တယ်။ ခဏဆိုသလို ကြာမယ်၊ ထိခိုက်ရာမှာ မသန့်တာ ၀င်မယ်ဆိုရင် ဒဏ်ရာကို ပိုးသန့်ပေးဘို့ပါ လိုသေးတယ်။
• Iodochlorhydroxyquinoline မှို Fungus ကို နိုင်တဲ့ဆေး။
• Lignocaine Gel 2% ထုံဆေး၊ တခြားဆေးတွေထဲမှာ နာတာသက်သာအောင် ရောထည့်ပေးတတ်တယ်။
• Methyl Salicylate ဆေးက wintergreen အပင်ကထုတ်ထားတဲ့ အဆီ။ Aspirin နဲ့ဆင်တဲ့ နာတာ သက်သာဆေး။ များသွားရင် မကောင်းဘူး။
• Miconazole Cream မှို Fungus အားကစားသမားခြေထောက်၊ ပွေး Ringworm အတွက်ဆေး။
• Neomycin Sulphate Ointment 2 mg/gm ပဋိဇီဝဆေး Antibiotics ဆေး။ သာမန် အနာ-ဒဏ်ရာတွေအတွက် သုံးနိုင်တယ်။
• Penicillin Ointment ကို မွေးစကလေး၊ ကလေးငယ်လေးတွေမှာ ပေါက်တဲ့ Impetigo Neonatorum အနာကို လိမ်းပေးတာ ကောင်းတယ်။
• Povidone-iodine ဆေးက (အိုင်အိုဒင်း) ပါတဲ့ နောက်ပေါ်ဆေးဖြစ်တယ်။ (အိုင်အိုဒင်း) က ၁၈၁၁ ကတည်းက အလွန်အသုံးဝင်တာကို သိလာခဲ့တယ်။ Bacteria, Yeasts, Molds, Fungi, Viruses, Protozoans တွေကို နိုင်တယ်။ ဆိုးကျိုးတွေရှိတယ်။ Povidone (9.0% to 12.0% iodine) ပေါ်လာမှ တကယ် အသုံးဝင်လာခဲ့တယ်။ အနာထဲဝင်လည်း ရတယ်။
• Silver Sulfadiazine Cream 1% W/W ဆေးကို (ဆာလ်ဖါ) ပါတဲ့ မီးလောင်နာဆေး၊ (ဗက်တီးရီးယား) နဲ့ (ရိစ်) တွေကို သတ်နိုင်တယ်။ အနာကျက်တာ ကြာလို့ သိပ်မသုံးချင်ကြတော့ဘူး။
• Silver Sulphadiazine (ဆာလဖါ) ပါတဲ့ မီးလောင်နာလိမ်းဆေး။
• Sulphacetamide Sodium Ophthalmic Ointment 10% w/w ပဋိဇီဝဆေး Antibiotics မျက်စဉ်း။
• Tetracycline Hydrochloride Ointment 3% ပဋိဇီဝဆေး Antibiotics လိမ်းဆေး။ ၀က်ခြံ-အနာ-ဒဏ်ရာ လိမ်းဆေး။
• Tetracycline Hydrochloride Ophthalmic Ointment 1%w/w ပဋိဇီဝဆေး မျက်စဉ်း။ မျက်ခမ်းစပ်။
• Tolnaftate က မှို Fungus ကို နိုင်တဲ့ဆေး။

သက်မဲ့မျက်နှာပြင်တွေ၊ ဆေးထည့်သုံး-မွေးခန်းသုံး-ခွဲခမ်းသုံး ကရိယာတွေကိုလည်း အရက်ပြန်-အိုင်အိုဒင်း တို့နဲ့ သန့်တာ မလုံလောက်ပါ။ ရေပါတဲ့အတွက် Instrument တွေက Stainless ပစ္စည်းဆိုပေမဲ့ သံချေးတက်တယ်။ ဒါးတွေ-အပ်တွေ အသွားတုံးစေတယ်။ စားပွဲ၊ ကုတင်စတာတွေကို disinfectant solution နဲ့ သန့်ပေးရမယ်။ ဈေးချိုတဲ့နည်း ရေးပါစေ။

• ကြမ်းပြင်သန့်ဘို့ 1/4 cup household bleach to 1 gallon of cool water ကိုသုံးပါ။
• စားပွဲ-ကောင်တာ-လက်ဆေးခွက်-တွိုင်းလက် မျက်နှာပြင်တွေသန့်ဘို့ 1 tablespoon bleach to 1 quart of cool water နဲ့ disinfectant spray သုံးပါ။
• မီးဖိုအသုံးအဆောင်တွေ သန့်ဘို့ 1 tablespoon bleach to 1 gallon cool water မှာ ၁ မိနစ်စိမ်ပြီး၊ ရေပြန်ဆေးပါ။

Lysol (Benzalkpnium chloride) ဆေးက အလွန့်အလွန်အပြင်စား Disinfectant ဖြစ်တယ်။ အပြင်းစားကို ဆေရုံသုံး ဒါး-ကပ်ကြေး-အပ်တွေ စိမ်ထားဘို့ သုံးတယ်။ ပုံမှန်သုံးဘို့ One teaspoon of Lysol + one gallon of water ဆိုရင် ရပြီ။ ဆိုင်တွေမှာ တင်ရောင်းတာတွေက အချိုးအဆ မတူကြဘူး။ ကြမ်းပြင်တွေ မျက်နှာပြင်တွေ ဆေးလို့ ရတယ်။ ပိုးအမျိုးမျိုး ၉၉့၉% သေတယ်။ အနံ့ဆိုးလည်း ပျောက်စေတယ်။

Dr. တင့်ဆွေ
၂-၇-၂၀၁၀

Read More...

Thursday, July 1, 2010

Sterilization ပိုးသန့်ခြင်း

Sterilization ဆိုတဲ့ ဆေးစကားလုံးကို နှစ်နေရာမှာ သုံးတာ၊ အဓိပ္ပါယ်တွေ မတူပါ။ ကလေး မလိုချင်တော့လို့ သားကြော ဖြတ်တာကိုလည်း ဒီလိုခေါ်သလို ပိုးမွှားသန့်အောင် လုပ်ပေးရတာကိုလည်း ခေါ်တယ်။

လူတယောက်ကို ချီးမွမ်းတဲ့အခါ “သန့်ပြန့်လို့ပါလား” လို့ ပြောကြတယ်။ ကိုယ်ခန္ဓာသာမက ပတ်ဝန်းကျင်လည်း သန့်ရှင်းဘို့ လိုတယ်။ ဆေးကုသရာမှာတော့ “အထူးသန့်ရှင်းရေး" လုပ်ဘို့ လိုပါတယ်။ လူသန့်ရှင်းရေး နဲ့ အိမ်သန့်ရှင်းရေးကိစ္စတွေမှာ သာမန်အားဖြင့် အမျိုးသမီးတွေက ပိုကြွမ်းကျင်ကြတယ်။ မိန်းကလေးတိုင်းလည်း မဟုတ်သလို၊ ယောက်ျားလေးထဲမှာ “ဖိုးသန့်ရှင်း” တွေရှိတယ်။ တာဝန်အရသာမက စိတ်ပါမှ အရာရာ သေခြာတယ်၊ ခိုင်မာတယ်။ အမိန့်ထုတ်နိုင်သူတွေကနေ ကြေညာပြီး လိမ်တာမျိုးက တခြားနယ်ပယ်မှာ ရချင်ရပါမယ်။ ဆေးလောကမှာတော့ အသက်နဲ့ ကစားတာဘဲ။

HIV တို့ B ပိုး၊ C ပိုးတို့၊ နောက်ပြီး ၀က်တုပ်ကွေးတို့ရန်ကြောင့် လက်အိပ်နဲ့ နှာခေါင်းစီးတွေ ဖက်ရှင်လို ဖြစ်လာစေခဲ့တယ်။ ဒီဖက်ရှင်ကို တွင်ကျယ်စေချင်ပါတယ်။ လက်အိတ်စွပ်တာက သွေးကတဆင့် ကူးစက်လာမဲ့ ရောဂါပိုးရန်က ကိုယ့်ကိုယ်ကို ကာကွယ်ဘို့နဲ့ သူများတွေကိုပါ မကူးစေဘို့အတွက် ဖြစ်တယ်။ နှာခေါင်းစည်း တပ်တာဟာ အသက်ရှူလမ်းကနေ ၀င်မဲ့၊ ထွက်မဲ့ ပိုးတွေ မကူးအောင်ပါ။

ရောဂါပိုးတွေအတွက် သုံးတဲ့ဆေးက အမျိုးမျိုးရှိပါတယ်။ ကိုယ်ထဲဝင်ပြီးသားနဲ့ ၀င်လာမဲ့ပိုးတွေအတွက် ပါးစပ်ကနေ သောက်ရ၊ အသားထဲ-သွေးကြောထဲ ထိုးရတဲ့ ဆေးတွေကို Antibiotics ပဋိဇီဝဆေး လို့ ခေါ်တယ်။ အခုရေးမှာက အပြင်ကနေသာ သုံးရမဲ့ ဆေးတွေဖြစ်တယ်။ Antiseptic ဆိုတာတွေက သက်ရှိ (တစ်ရှူး) နဲ့ အရေပြားတွေကို Infection ရောဂါပိုးဝင်မှာ၊ Sepsis အနာရင်းမှာ၊ Putrefaction ပုတ်သွားမှာတို့ မဖြစ်စေအောင် လုပ်ပေးတဲ့ ဆေးတွေပါ။ တချို့ Antiseptic တွေက ပိုးတွေကို သတ်ပြစ်နိုင်ပြီး၊ အချို့က မျိုးပွါးမှာကို တားဆီးနိုင်တယ်။ Disinfectants ကတော့ သက်မဲ့ မျက်နှာပြင်ပေါ်ရှိတဲ့ ပိုးမွှားတွေကို နိုင်တယ်။ ပိုးမွှားနိုင်တဲ့ ဆေးတွေကို ခြုံပြီး Antimicrobial ခေါ်တယ်။ Antibacterials တွေက (ဗက်တီးရီးယား) တွေကို နိုင်တဲ့ဆေးတွေ ဖြစ်ကြပြီး၊ Microbicides တွေကတော့ (ဗိုင်းရပ်စ်) ကိုပါ နိုင်တယ်။

ပိုးသန့်ဆေးတွေကို လွယ်လွယ်မှတ်မိအောင် Antiseptic 1-2-3 လို့ သင်ပေးတယ်။ (၁) ဆပ်ပြာနဲ့ ရေ၊ (၂) အရက်ပြန် နဲ့ (၃) အိုင်အိုဒင်းတို့ ဖြစ်တယ်။ ခွဲခန်း၊ မွေးခန်း၊ ဆေးထည့်ခန်းတွေအတွက် ဥပဒေသတခုပေါ့။

ဆပ်ပြာပေါ်လာတာ အင်မတန် ကျေးဇူးကြီးပါတယ်။ ခွဲစိတ်ခန်းမ၀င်ခင်၊ အနာဒဏ်ရာ မကိုင်ခင် လက်အရင်ဆေးရတယ်။ ဆပ်ပြာနဲ့အတူ Brush နဲ့ တံတောင်ဆစ်အထိ အပြန်အလှန် တိုက်ပါ။ Brush အမွှေးက မကြမ်းရဘူး။ မနုစေရဘူး။ ဆေးရုံသုံး လက်ဆေး (ဘရပ်ခ်ျ) ရှာမရရင် အမျိုးသမီးတွေအတွက် အလှအပပစ္စည်းတွေ ရောင်းတဲ့ဆိုင်က အနေတော် Brush ကို သုံးနိုင်တယ်။ အထက်က အောက်ကို ကျနေတဲ့ Tap ကလာတဲ့ရေနဲ့ ဆေးမှ ကောင်းတယ်။ ရေပိုက်ခေါင်းကို တံတောင်ဆစ်နဲ့သာ ပြန်ပိတ်လုပ်နိုင်ဘို့ စီမံထားရတယ်။ လက်အိပ်စွပ်ပြီးသား၊ ဆေးပြီးသားလက်ရဲ့ အဖျားပိုင်းက ဘယ်တော့မှ တံတောင်ဆစ်အောက်မှာ မရှိစေရဘူး။ ဆရာကောင်းတပည့် ဟုတ်-မဟုတ် ကြည့်တာနဲ့ သိတယ်။

Dettol က ဆေးခန်းရော အိမ်တွေမှာပါ အသုံးအများဆုံး Antiseptic ဖြစ်တယ်။ ဒီထဲမှာ Chloroxylenol ဆိုတာပါတယ်။ ဥပဒေသ (၁) အစား သုံးနိုင်တယ်။

ဥပဒေသ (၂) Alcohol အရက်၊ Ethanol အရက်ပြန်၊ Isopropanol (70% Ethanol) ကို ဆေးရုံ-ဆေးခန်းသုံး Surgical alcohol လို့ ခေါ်တယ်။ ဆေးမထိုးခင်၊ မခွဲစိတ်ခင် အရေပြားကို ပိုးသန့်ပေးဘို့ ဖြစ်တယ်။ “အနာထဲ သွားမထည့်ရပါ။” “သက်မဲ့ မျက်နှာပြင်တွေအတွက် မသုံးရပါ။” HIV, Hepatitis B, Hepatitis C ပိုးတွေအတွက် ပိုပြင်းတဲ့ (80% Ethanol + 5% Isopropanol) ကို သုံးရတယ်။ Fungal မှို၊ Bacterial spores နဲ့ Hepatitis A ပိုးတွေအတွက် အရက်ပြန်က အသုံးမကျပါ။

မြန်မာ့ဆိုရှယ်လစ်ခေတ်မယ် ပစ္စည်းဆိုတာ ရှားလွန်းလို့၊ ဆေးရုံတွေမှာ အခြေခံအကျဆုံး အရက်ပြန်၊ ဂွမ်း၊ ပတ္တီးတွေ မလုံလောက်တဲ့ပြင် အပြင်မှာတောင် ၀ယ်မရဘူး။ မှောင်ခို အရက်ဖိုတွေကိုဘဲ အားကိုးကြရတယ်။ နံသလား မမေးနဲ့။ မရှိတော့လည်း သုံးရတာဘဲ။ (ဟောလီဝုဒ်) ရုပ်ရှင်တွေမှာတော့ ဇာတ်လိုက် ဒဏ်ရာရရင် (၀ီစကီ) ကို အနာပေါ် လောင်းချပြီး၊ မျက်နှာကို ရှုံ့မဲ့ပြရတယ်။ အမှန်က ချက်အရက်ဖြစ်ဖြစ် (စကော့ခ်ျ) ဖြစ်ဖြစ် ဆေးခန်းသုံး အရက်ပြန်လောက် မကောင်းဘူး။ (မီသိုင်း) ထည့်ထားတဲ့ အရက်ကမှ စိတ်ချရတယ်။ သွားတော့ မသောက်နဲ့။ ပါးနပ်သူတွေက အရက်ပြန်ကို ဆားခပ်သောက်တယ်။ အသက်တော့ မရှည်ပါ။

ဥပဒေသ (၃) အိုင်အိုဒင်းကို Betadine, Povidone-Iodine နာမည်တွေနဲ့ လာတယ်။ ဆေးရုံ-ဆေးခန်းတွေမှာတော့ Iodine ကို Alcohol နဲ့ရောပြီး၊ 2% ကို သုံးရတယ်။ ဒိထက် ပြင်းရင် လောင်စေတတ်တယ်။ အရက်ပြန်လိုဘဲ အနာထဲ မထည့်ရဘူး။ အနာဘေးက အရေပြားကိုသာ သန့်ပေးဘို့ သုံးရတယ်။ Tincture of Iodine (2-7% Sodium iodide or Potassium iodide) ခေါ်တာက (အိုင်အိုဒင်း) ကို Ethanol နဲ့ ရောထားတာ ဖြစ်တယ်။ Tincture of benzoin ဆိုတာက (အိုင်အိုဒင်း) မပါဘူး။ အနာသေးသေးတွေကို ထည့်တဲ့ဆေး။ နောက်ပြီး (တိပ်)၊ (ပလာစတာ) တွေ ပိုကပ်စေအောင်လည်း သုံးနိုင်တယ်။ Povidine ဟာ ရေနဲ့ စပ်ထားတဲ့ Iodine 10% ဖြစ်ပြီး ပိုကောင်းတယ်။ “Abscess ပြည်တည်နာ တခုကို ဘယ်လောက် သေးသေး (အိုင်အိုဒင်း) မရှိရင်၊ မခွဲပါနဲ့။”

တခြားအမျိုးအစာတွေပါ စုံအောင်ရေးပါရစေ။ Lugol's solution (Lugol's iodine) က Antiseptic and Disinfectant ပိုးသန့်ဆေးဖြစ်တယ်။ Iodine 5% နဲ့ Potassium iodide 10% ကို ရေ 85 % မှာ ဖျော်ထားပြီး၊ သောက်ရေ သန့်အောင် သုံးနိုင်တယ်။ (အိုင်အိုဒင်း) နည်းလို့ လည်ပင်းကြီး နေသူတွေကိုလည်း ပေးတယ်။ ပြင်သစ်ဆရာဝန်တဦး နာမည်ကို ဂုဏ်ပြုထားတာပါ။

Boric acid Antiseptic ပိုးသန့်ဆေးကို မွေးလမ်းကြောင်းမှာ Yeast ပိုးဝင်တာကို သန့်ပေးနိုင်တယ်။ Chlorhexidine 0.2-4.0% ဆေးမထိုးခင်၊ မခွဲစိတ်ခင် အရေပြားကို သန့်ပေး၊ ဆီးအိမ်သန့်ပေး၊ အနာကို ဆေးပေးရာတွေမှာ သုံးရတယ်။ Gentian violet (Methylrosanilinium chloride) ခရမ်းရောင်ဆေးကို ပါးစပ်နာ၊ မှက်ခရုနာ၊ မီးလောင်နာ၊ နို့နာ၊ အားကစားသမား ခြေထောက်၊ ပွေး၊ မှိုရောဂါတွေမှာ သုံးနိုင်တယ်။ Hydrogen peroxide 3-6% အနာသန့်ရှင်းဘို့၊ ပါးစပ်ဆေးဘို့၊ ဆီးအိမ်သန့်ပေးဘို့အတွက် သုံးရတယ်။ နားပြည်ယိုတာ၊ အနာတွေ ညစ်ပတ်ပေရေနေတာမှာ ဒီဆေး ထည့်ရင် အမြှုတ်ထပြီး သန့်ရှင်းလာမယ်။ Hydroxyquinoline sulphate အနာဆေးဘို့၊ ပါးစပ်ငုံဘို့၊ အရေပြား သန့်ဘို့ သုံးရတယ်။

Carbolic (ကာဘောလစ်) ဆပ်ပြာက အသင့်အတင့်သာပြင်းတဲ့ Disinfectant ဖြစ်တယ်။ Phenol (carbolic acid) ဟာ Germicidal ဖြစ်တယ်။ ကြမ်းပြင်၊ ဆေးခန်းသုံး ပစ္စည်းတွေသန့်ဘို့ သုံးတယ်။ (ဂျိုးဇက်-လစ်စတာ) ကနေ စသုံးခဲ့တဲ့ သမိုင်းဝင် ပိုးသန့်ဆေးပါ။ Phenolics ဆိုတာတွေက ပါးစပ်ဆေး-လက်ဆေးတဲ့ ဆေးရည်တွေထဲမှာ ထည့်သုံးတယ်။ Potassium permanganate (KMnO4) ကို ရေကူးကန် သန့်ပေးဘို့ သုံးတယ်။ ရေကူးကန်ထဲ မဆင်းခင် ခြေထောက် ကိုလည်း ဒါနဲ့ဆေးရတယ်။ ပါးစပ်ဆေးဘို့လဲ သွားဆေးခန်းတွေမှာ သုံးတယ်။ အမှိုက်ပုံတွေ သန့်အောင် သုံးနိုင်တယ်။

ဘာဆေးမှမရှိလဲ ဟင်းခပ်တဲ့ဆားကို ရေနဲ့ဖျော်ပြီး Sodium chloride ဆားရည်ကို ပါးစပ်ဆေးဘို့ သုံးနိုင်တယ်။ ဟင်းသီးဟင်းရွက်၊ အသီးတွေကို ဆားရည်ထဲမှာ ခဏစိမ်ထားရင် ပိုးသန့်စင်တယ်။ အစိမ်းတို့မြှုပ်စားနိုင်တယ်။

“ချွတ်ဆေး” လို့ခေါ်တဲ့ အ၀တ်၊ ခြည်ခင်တွေကို အရောင်ချွတ်ပေးတဲ့ဆေးကို အရပ်ထဲက လူတွေပါ သိကြတယ်။ Bleaching powder ခေါ်တယ်။ Chlorinated Lime လို့လဲ ခေါ်တယ်။ သောက်ရေ သန့်အောင် ရေတွင်း၊ ရေကန်တွေထဲ ဒီဆေး ခပ်တယ်။ (ကလိုရင်း) နံ့လေးရနေတာဟာ ရေမွှေးထက် သာတယ်။ ပြည်သူ့ဆေးရုံခေတ်က ဆေးရုံတွေမှာ ဈေးချိုတာ ရှာသုံးကြရတယ်။ ဒီဆေးမှုံ့နဲ့ Boric acid ကို ရောပြီး Eusol (Calcium hypochlorite + 0.25% w/v of Chlorine + Boric acid) အနာတွေကို ဆေးထည့်ဘို့ သုံးရတယ်။ (ကွန်ပေါင်ဒါ) ကနေဖျော်ပြီး၊ စဥ့်အိုးထဲမှာ ထားရတယ်။ ကြာကြာ အထားမခံဘူး။ အသစ်ပြန်ဖျော်ရမယ်။ ကြမ်းပြင်လိုနေရာတွေကို သန့်စေချင်ရင် မျက်နှာပြင်ကို သန့်ပေးပြီးမှ Bleach နဲ့ ပိုးသန့်စေရတယ်။ တိရစ္ဆာန်တွေရဲ့ ဆီးအပါအ၀င် အညစ်အကြေးတွေကို အရင်ဖယ်ပြီးမှ Bleach နဲ့ ဆေးပါ။

အိမ်မှာ TB, Hepatitis B, Hepatitis C လူနာရှိရင် Chlorine Bleach 5.25% Sodium hypochlorite ကို ရေ ၁၀ ဆ၊ ဆေး ၁ ဆ ရောတာကို ဆောင်ထားရတယ်။ သွေး၊ အန်ဖတ်၊ ကိုယ်ကထွက်တဲ့ အရည်မှန်သမျှကို သန့်ရှင်းရေးလုပ်ဘို့ သုံးနိုင်တယ်။ ရောပြီးသားကို အကြာကြီး ထားလို့မရဘူး။ ချက်ချင်း ထိရောက်တာ များပေမဲ့ မိနစ် ၂၀ အထိ ဆိုမှ စိတ်ချရတယ်။ Fungus မှို၊ တော်တော့ ဆေးမတိုးတဲ့ Bacteria (Staphylococcus, Enterococcus) ပိုးတွေအတွက်ပါ သုံးနိုင်တယ်။ Spores ဖြစ်နေရင်တော့ မရဘူး။ TB ပိုးကို သေစေဘို့ ၅ ဆ ၁ ဆ ဒါမှမဟုတ် ၂ ဆခွဲ ၁ ဆ ရောရတယ်။

ကိုယ်တွင်း-ကိုယ်ပ ပိုးကင်းစင်ကြပါစေ။

Dr. တင့်ဆွေ

Read More...