just a few samples

(မရေးတော့ဘူး နေတာပါဘဲ။ zambizi က မင်းတို့ ကောင်တွေ နိုင်ငံတကာအဆင့်မီ ဘာတွေလုပ်ဘူးလဲ မေးတာနဲ့။ လုပ်ဘူးတာထဲက ထဲထဲဝင်ဝင် သိတာလေး ရေးပြတာပါ။)

(၁)

ပြောရရင်တော့ ဗမာပြည်မှာ trauma unit မရှိတာဘာကြောင့်လဲဆိုတဲ့ သမိုင်းကြောင်းလေး ပြောရမှာဘဲ။

တချိန်က ဆေးရုံကြီးမှာ တာဝန်ခံဆရာဝန်ကြီးတွေ တော်တော်လေး ညီညွတ်ပြီး လုပ်ချင်ကိုင်ချင်စိတ်ရှိတဲ့ အချိန်တချိန်မှာ trauma multidisciplinary team ဆိုပြီး ဖွဲ့  ဘူးတယ်လေ။ အထွေထွေ ခွဲစိတ်၊ ရင်ခေါင်းခွဲစိတ် နဲ့ အရိုးကုတို့ ပါပြီး မေ့ဆေးဆရာဝန်ကြီးက ဦးဆောင်ပါ။ သူတို့စုထိုင်တာက ဆေးရုံကြီး အရေးပေါ်ဘေးနားက အခန်းလေးမှာ။

အဲ တနေ့ကျတော့ လူကြီးသားတယောက် ကားတိုက်ပါရော။ ဒီတင် ခုနအဖွဲ့ အသစ်စက်စက်က ၀ိုင်းကြည့်ကြရော အဲနဲ့ အားမရလို့ အရေးပေါ်က medicine team က တယောက်ပါ လာကြည့်သေး ပွဲတော်ကြီးပေါ့။ လူနာက တယောက်။ ၀ိုင်းကြည့်တဲ့ ဆရာဝန်ကြီးက ၅ယောက်မက။ (အမှန်ကတော့ လူကြီးသားမှန်းသိလို့ ဟုတ်ဘူး။ အဖွဲ့ လေးက အသစ်ဆိုတော့ အသစ်ဆို စမ်းချင်တဲ့ လူ့ သဘာဝကိုး) အဲတင် ခုန လူကြီးက သူ့သား ဆေးရုံကြီးရောက်နေတယ်ဆိုလို့ ဖုန်းဆက်ရော။ 5 and 6 ကို။ ဟိုက မသိဘူးဖြစ်နေရော။ ဘယ်သိမလဲ ငနဲသားက အဲအချိန်မှာ ဆရာဝန်ကြီးတွေ ကြားထဲမှာ နားရွက်တောင်မခတ်နိုင်ဘူး အောက်ထပ်မှာလေ။

အဲတင် လူကြီးဒေါဖေါင်းရော ။ ငါ့ကဲ့သို့သော ဆင်ထက်ကြီးတဲ့ ဟာကြီးရဲ့သားကို ဆေးရုံကြီးက ပစ်ထားတယ်ပေါ့။ ဒီတင် တိုင်ရော။ တိုင်တော့ လူကြီးက တိုင်တာကလား DEPE ၀င်စေ စစ်ရော။ စစ်တော့ ငနဲသားရထားတဲ့ treatment က အဲအချိန် ဗမာပြည် ဘယ်သူမှ မကြားဘူးသေးတဲ့ ဂရုစိုက်မှုမျိုးလေး။ အပြစ်မရှိပါခင်ဗျားပေါ့။ ရဘူးတဲ့။ လူကြီးကတိုင်တာမို့ အပြစ်မရှိလို့ မရဘူးတဲ့ ရအောင်အပြစ်ရှာတဲ့ ဒါနဲ့ ပြန်စစ်ရော အဲတင် မဆိုင်ဘဲ ၀င်ကြည့်မိတဲ့ medicine team က MSc student က ရင်ဘတ်ကို နကြပ်နဲ့ မထောက်ဘူးဆိုတာ စစ်ဆေးပေါ်ပေါက်ရော ဟုတ်ပဟ အပြစ်တော့တွေ့ပြီပေါ့။ ကဲ အပြစ်ပေးစေ။ အဲ မရဘူးတဲ့ခညာ အဲဆရာလေးက ၀န်ကြီးသားတဲ့ ဘယ်ရမလဲ ဒါဆို သူ့အပြစ်ပေးမရ သူ့ဆရာ တာဝန်ခံ သမားတော်ကြီးကိုချ။ အဲ မရဘူးတဲ့ခညာ။ သူက သမ္မတ သမက်တဲ့။

ကဲ ဒါဖြင့် ကြားထဲက အဲနေ့မှာ တာဝန်တောင်မကျတဲ့ 1st assistant assistant lecturer ကို အပြစ်ပေးစေ။ အဲနဲ့ဘဲ အဲလူခေါ် အပြစ်ပေးမယ်ပေါ့။ increment နှစ်တိုးလစာ ၃နှစ်ဖြတ်စေ။ အဲ မရဘူးတဲ့ခညာ။ အဲဆရာက လုပ်သက်ကြီး ဆရာဝန်ဆိုတော့ increment က ဘားဆုံးနေပြီ။ အဲနဲ့ အို အပြစ်မရရအောင်ပေးဆိုတော့ နိုင်ငံခြားကို ပညာတော်သင်သွားခွင့် ပိတ်စေ။ အဲ မရဘူးတဲ့ခညာ အဲဆရာက ခုလို assistant lecturer မှာတစ်နေတာ ယူကေကို MRCP လွှတ်ရာမှာ စာမေးပွဲ ကျကျနေလို့(၆ခါထက်ပိုဖြေမရပါ)။ ပြန်လာတာ ၁၀နှစ်ကတော့ဘူးတဲ့။ အဲနဲ့ ကဲ တတ်နိုင်ပါဘူး ဆိုပြီး ကိုယ့်ဆရာကြီး ပြန်ခေါ်ရော။

ကဲ ဆရာသမား ခင်ဗျားကို အပြစ်ကတော့ ပေးကိုပေးရမယ်။ ဘယ်လိ်ု အပြစ်လိုချင်လဲ ပြောပါ ဆိုတော့။ ဆရာက ကျွန်တော်ပင်စင်လဲနီးပါပြီ အပြစ်နဲ့ နယ်ပြောင်းဆိုပြီး ကျွန်တော့ မွေးရပ်မြေဘဲ ပြန်ပို့ ကြပါဗျာဆိုပြီး လုပ်ရရော။ အဲနဲ့ဘဲ ဆရာကြီးတွေလဲ ဆယ်တကျပ်ကျပြီး အဲ trauma team ကြီးလဲ ပျက်ကရော ဟောဟော။

(၂)

အဲနဲ့ ၁၉၈၀လောက်က သတင်းစာတွေထဲ ခေါင်းစည်းစာလုံးမဲကြီးတွေနဲ့ လာပါပြီ ဗမာဆရာဝန်ကြီးများ အောင်မြင်မှု။ ခြေပြတ် လက်ပြတ်များကို အောင်မြင်စွာဆက်ပေး။ လေဒအိုကြီးကတောင် အော်လိုက်သေး။ အဲနဲ့ အဲနဲ့ အဲနဲ့ ဘယ်နှယ့် နောက်ထပ် ဘာသံမှမကြားရတော့ပါလား။ ဟုတ်ကဲ့ မကြားဆို အဖြစ်က မနှစ်ကနဲ့ မတူပါခညာ။ ဆရာကြီးတွေ ခမျာ လုပ်ချင်တာဘဲသိတော့ microsurgery အတွက် လိုတဲ့ ကရိယာလေးတွေ အိပ်စိုက်ဝယ်ပြီး စလုပ်တာပါဘဲ။ ဒါပေမဲ့ ကြာတော့လဲ စိုက်ရပါများတော့ အိမ်က မိန်းမက ခြေဆောင့်ရော။

"ဒီမှာ ကိုဟ၀ှာ ရှင့်ဟာကြီးက အချိန်မရှိလဲခေါ် ကျုပ်အချိန်လဲ ရှင်ထထပြေးရ ကျုပ်လဲ တန်းလန်းဖြစ် ခုတခါ အိပ်စိုက်ပြီး ဟိုဒင်းဒီဒင်းဝယ်ရဆို ကျုပ်မအေ့အိမ်ပြန်တော့မယ်" ဖြစ်ရော

အဲနဲ့ ကဲလေ လုပ်လဲ လုပ်ချင်ဆိုတော့ လူနာလာတော့ ညှိရော။

"ဒီမှာ ကိုဟ၀ှာ ခင်ဗျား အချောင်းကြီး (လက်ချောင်းပြောတာနော်)ကို ပြန်ဆက်ပေးမယ် ဒါပေမဲ့  6/0 prelene လေးတော့ ၀ယ်ပေး" ဆိုပြီး ညှိရော

အဲတင် ကိုရွှေလူနာက တိုင်ပါလေရော "ဆရာဝန်က ကျုပ်ကို ပိုက်ဆံတောင်းပါတယ်။ မရ ကျုပ်ဟာကြီး ဖြတ်မယ်ခြိမ်းချောက်ပါတယ်" နဲ့

ဆရာကြီးခမျာ ဟိုဖြေရှင်းရ ဒီဖြေရှင်းရနဲ့။ အိမ်က မိန်းမ အဲတော့ ဘီဒိုအာဏာရော ကြောင်အိမ်အာဏာပါ သုံးရော

"ရှင့်ဟာကြီးတွေ ဆက်မလား ကျုပ်ဖြတ်မလား" ဆိုတော့ အဲနဲ့ အဲနဲ့။

(၃)

မထူးတော့ဘူးနော် ဖေါ်လက်စနဲ့ ဆက်ဖေါ်တော့မယ်။

၁၉၈၅ လောက်မှာ ဗမာပြည်ကို အမေရိကက board certified thoracic surgeon တယောက် ပြန်ရောက်လာတယ်။ အမေရိကနဲ့ ယူရုတ်မှာတောင် ရှားပါလှတဲ့ ခွဲစိတ်ဆရာဝန်တယောက်ပါ။ သူခမျာ အားကိုးမာန်တက်နဲ့ unit ကြီး စထောင်ရော။

အဲမှာ အရှေ့တောင်အာရှမှာ မလုပ်နိုင်သေးတဲ့ decortication surgery အပါအ၀င် အစာမျိုပြွန်ကင်ဆာ၊ အဆုတ်ကင်ဆာ မျိုးစုံ ကုပေးနိုင်ခဲ့တယ်။

ကုရုံကုလားဆိုတော့ မဟုတ်ပါဘူး။ ကုသမျှကို card index system နဲ့ မှတ်တမ်းတွေ ထားခဲ့တယ်။ ဌာနမှာလဲ FRCS ၂ယောက်၊ M Med Sc တယောက် သွေးသစ်အနေနဲ့ မွေးခဲ့တယ်။

အဲလို ဌာနကြီး တိုးတက်နေတုန်းမှာ။ တနေ့သောအခါမှာပေါ့ဗျာ။

အလုပ်လုပ်ကောင်းနေတုန်း ဖုန်းထိုင်း အုန်းခွမ်းဆိုတဲ့ အသံတွေကြားလိုက်ရလို့  ထွက်ကြည့်တော့ ဘာမှမဟုတ်ပါဘူးတဲ့။
Nissan ၃တန်ကား ၂စီးဆေးရုံကြီးထဲ မောင်းဝင်လာပြီး ဗျောက်ဖေါက်တာပါတဲ့။

အဲနဲ့ အဲဆရာတွေ ဗျောက်ဖေါက်ပြီး ပြန်အထွက်မှာ ဘေးနားရပ်ကွက်က အပိုင်ကောင်စီ ၂ယောက်က ဗျောက်ဆရာတွေကို ဘာကူညီရမလဲလို့ ပြေးမေးကြဆိုကိုး။

အဲမှာ တိုက်ပုံးကိုယ်စီနဲ့ ကောင်စီဆရာတွေကို ဗျောက်ဆရာတွေက ကျည်စားလိုက်တာ တယောက်ကတော့ ပွဲချင်းပြီးသကိုး။
နောက်တယောက်ကိုတော့ လည်ပင်းကို မနာမကျင်လေးနင်းပြီး အချွန်လေး ၁၁လက်မနဲ့ ထောက်ပြီး မေးသတဲ့

"ဟေ့ကောင် မင်းဆရာဝန်မဟုတ်လား သေပေတော့" တဲ့

အဲတင် ခုန ဆရာလေးက "ဟုတ်ပါဘူးခညာ။ အနော်ကောင်စီပါ" ဆိုတော့

"သြော် ဆောရီးပါကွာ" တဲ့

"ငါက ဆရာဝန်မှတ်လို့  7.62 နဲ့  ကျည်စားလိုက်တာပါ" တဲ့။

အဲနဲ့ ကားပေါ်မတင် သူတို့ ကျည်စားလိုက်တဲ့ ရင်ဘတ်ပေါက်နေတာကြီးနဲ့  ဆေးရုံကြီးရှေ့ ကန်ချထားခဲ့ကိုး။
အဲနဲ့ ရင်ဘတ်ပေါက်ဆိုတော့ ခုန ဆရာကြီးနဲ့ သူ့ လက်ထောက် M Med Sc က ဆင်းလာရော။

မျက်စေ့ထဲ မြင်ကြည့်နော်

လူနာကြီးက ခုတင်ပေါ်မှာ
သူ့ဘေးမှာ ဆရာကြီး ပြတင်းပေါက် မျက်နှာမူလို့
ပြတင်းပေါက်ကျောပေးလျက်က သူ့လက်ထောက်
လူနာ ခေါင်းရင်းစားပွဲပေါ်မှာ ထိုင်နေတာက ခု professor လုပ်နေတဲ့ မင်းသားဝင်းဦးနဲ့ မျက်နှာနဲ့ အရပ်အမောင်းကလွဲ အကုန်တူတဲ့ ဆရာတယောက်
အဲနဲ့ ကြည့်နေတန်းရှိသေး
ဘေးနားက ပြတင်းပေါက်ပေါ်ကို အစိမ်းရောင် ပုတ်သင်ညိုလေးတကောင် တက်လာရော။
တက်လာပြီးတဲ့ နောက် ပြတင်းဘောင်ပေါ် ကျိုက်ထီးရိုးက ၀ါးသေနတ် တင်ပြီး ဒေါက်ကြီးပါထောက်ပြီး အော်ပါလေရော

"ဟေ့ကောင်တွေမှောက်" တဲ့

အဲနဲ့ ဆရာကြီးနဲ့ သူ့လက်ထောက်ခမျာ မျက်နှာချင်းဆိုင်လေးမှောက်လို့။ (သူ့လက်ထောက်က ခုန ကျိုက်ထီးရိုးကြီး အ၀နဲ့ ဖင်တည့်တည့်ပေးလို့)
ဆရာဝင်းဦးက စားပွဲခုံအောက်မှာ ပက်လက်။
အဲဆရာလေးက ပြတင်းပေါ်ကနေအော်ပါလေရော

"ဒီမှာဆရာဝန်တွေဗျ အများကြီးဘဲ" တဲ့

"အနော် ကုတ်လိုက်တော့မယ်နော်" တဲ့

အဲတင်အောက်ကနေ တသံက "အေးကွ ချသာချတဲ့"။ နောက်တသံက "ဟေ့ကောင်သောက်ရမ်းမလုပ်နဲ့တဲ့"

တော်တော်လေးကြာတော့ အပေါ်က ချိန်ထားရတဲ့လူလဲ ငြီးငွေ့လာ။
ဆရာကြီးက လေးဘက်လေးကုန်းပြီး အဲအခန်းထဲက လစ်လာရရော
ရုံးခန်းထဲလဲ ပြန်ရောက်ရော ဆရာကြီးလဲ ထွက်စာလေး ကမန်းကတန်းကောက်ရေးပြီး ပြန်လစ်သွားရော
အဲနဲ့ အဲနဲ့

Read More...

Collapse...

For better tomorrow

အခုဆရာဝန်လောက မှာ တဖြည်းဖြည်း မျိုးဆက်ပြတ်လာပြီ။ ၉၀ ပြည့်နှစ် မတိုင်မီက ဆရာဝန်ဖြစ်ခဲ့တဲ့ လူတွေနောက်ပိုင်းမှာ ထူးချွန်တဲ့ ဆရာဝန်တွေ ပေါ်ထွက်တာ အရမ်းနည်းသွားပြီ။ ဆရာဝန်အရေအတွက် များလာပေမယ့် အရေအချင်းပိုင်းက ရှေ့ပိုင်းက ဆရာဝန်တွေကို မမှီဘူးဖြစ်နေတယ်။ ဘာဖြစ်လို့ မမှီရတာလဲလို့တော့ မမေးနဲ့နော်။ ကျွန်တော် အပြင်မှာ နေချင်သေးတယ်။ ကျန်းမာရေး စနစ်တစ်ခုမှာ အထွေထွေရောဂါကု ဆရာဝန်က အများစုပါဝင်ရမှာ ဖြစ်ပြီး ပြည်သူတွေနဲ့ အရင်ဆုံးထိတွေ့ရမှာပါ။ ဒါပေမယ့် ရန်ကုန်မြို့နေလူအများစုက ရိုးရိုးဆရာဝန်နဲ့ ပြဖို့ကို မတင်းတိန်ကြဘူး။ ဒါကလည်း ရှင်းပါတယ်။ input ထည့်သလောက် output မထွက်လာလို့ပေါ့။ အဲဒီတော့ အထူးကု တွေဆီမှာ မလိုအပ်ဘဲ လူနာတွေပုံလာတယ်။ တစ်ချို့အထူးကုတွေကို ကျွန်တော်ကိုယ်တိုင်သိပါတယ်။ လူနာသိပ်မများခင်တုန်းက လူနာတွေကို အချိန်ပေးပြီး သေချာကြည့်တယ်။ အခုလူနာလည်း များလာကော ၁ မိနစ်ကလေးတောင် မကြည့်တော့ဘူး။ ပြောင်းလဲသွားတာပြောတာပါ။ demand များလာရင် ဈေးကိုင်တာ လူ့သဘာဝပါ။ မြန်မာတွေရဲ့ အကျင့်က ပြဿနာ တစ်စုံတစ်ရာမတက်မချင်း ကြိုက်သလိုလုပ်လို့ရတယ်။ စည်းကမ်းမကျလည်း ပြဿနာ မရှိဘူး။ ပြဿနာ လည်းတက်ရော အပြစ်ပြောလို့ မဆုံးတော့ဘူး။ ဒီကောင်မလေးကိစ္စမှာ ဆရာဝန်ကြီးက ဂရုမစိုက်ဘူးဆိုတာ အခုမှာ ဖြစ်လာတဲ့ကစ္စ မဟုတ်ဘူး။ အရင်တုန်းကတည်းက လျော့တည့်လျော့လုပ်လာတာ က ပြဿနာ မတက်သေးတော့ လူနာတွေက complaint မလုပ်ကြဘူး။ အခုလူနာလဲသေရော ပြဿနာတွေတက်ကြပြီ။ ကျွန်တော်ပြောချင်တာက လူတွေကလည်း ကောင်းဖို့လို့သလို စနစ်ကလည်းကောင်းဖို့လိုပါတယ်။ objective ကျကျမြင်တတ်ဖို့လိုပါတယ်။ လတ်တလော ဖြေရှင်းရမည့် ပြဿနာ တော့ရှင်းပါတယ်။ မပြောတော့ဘူး။ နောင်အရှေအတွက် ဖြေရှင်းရမည့် ပြဿနာတွေကတော့ အများသား။ အဲဒီ ကျင့်ဝတ်မညီပါဘူးဆိုတဲ့ ဆ၇ာဝန်ကြီးတွေ အနားယူသွားကြပြီး နောက်ထပ်ဆရာဝန်တွေက သူတို့ရဲ့ နေရာကို မဖြည့်နိုင်ရင် ဘယ်လိုလုပ်ကြမလဲ။ MPCR တို့ MRCS တို့ရဖို့ဆိုတာ အရင်ကထက် ဆယ်ဆလောက်ပိုခက်လာပါပြီ။ အဲဒီတော့ အရှည်ကိုတွေးပြီး ကောင်းစေချင်ရင် ဆရာဝန်အငယ်တွေကို ပျိုးထောင်ပေးဖို့လိုအပ်ပါတယ်။ ဘယ်လိုပျိုးထောင်ရမလဲဆိုတာကို မနေ့ကပဲ အကြီးအကျယ် ငြင်းခဲ့ခုန်ခဲ့ပြီးပြီဆိုတော့ ထပ်မပြောတော့ပါဘူး။ မနေ့က ကျွန်တော် point outလုပ်သွားတဲ့ comment လေးတွေကို ပြန်ကြည့်ပေးပါခင်ဗျာ။

၂၀၁၀ ပြီးရင် private ဆေးကျောင်းတွေပေါ်လာပါတော့မယ်။ ဆရာဝန် တွေကိုလည်း တရားဆွဲလို့ရတော့မယ်။ (အခုလည်းရပါတယ်) ဆေးကုသစရိတ်တွေ လူနေမှုစရိတ်တွေ ထပ်မံတက်လာမည်။ ကျန်းမာရေးစနစ်ဆိုတာ လူမှုရေးအဆင့်အတန်းနဲ့ တိုက်ရိုက်အချိုးကျပါတယ်။ ကျွန်တော်တို့တိုင်းပြည်ရဲ့ စီးပွားရေးအဆင့်အတန်းမတက်လာမချင်း ကျန်းမာရေးစနစ်သည် လုံးဝကောင်းလာစရာမရှိပါ။ အာမခံပါသည်။ မယုံက eco မှာ professor များကို သွားရောက်မေးနိုင်သည်။ ကျန်းမာရေးစနစ်မကောင်းပါက ဆရာဝန်တွေနဲ့ ဆေးရုံတွေလည်းကောင်းလာစရာ မရှိပါ။

ကျန်းမာရေးစနစ်မတိုးတက်ရင်လည်း စီးပွားရေးက မတိုးတက်နိုင်။ ကျန်းမာရေးစနစ်တိုးတက်ဖို့သည် အခြေခံကျန်းမာရေးဝန်ထမ်းတွေ့ရဲ့ ၀င်ငွေကောင်းဖို့လိုပါသည်။ ကျွန်တော်၏ ဆွေးနွေးချက်သည် ဆေးကုသောဆ၇ာဝန်တစ်ယောက်၏ ရှုထောင့်မှာ မဟုတ်ပါ။ ကျွန်တော့်ကိုယ်တိုင်လည်း ဆေးကုပြီး ငွေရှာ သောဆရာဝန်တစ်ယောက်မဟုတ်ပါ။ health economics ရှုထောင့်မှ ဆွေးနွေးခြင်းဖြစ်ပါသည်။ စာဖတ်ပရိသတ်တွေက ဆရာဝန်တွေကို အခုထက်ပိုပြီး လူနာတွေအပေါ်မှာ ကောင်းစေချင်ကြသည်။ ဒါကလည်း သဘာဝကျပါသည်။ သို့သော် ထိုသို့ဖြစ်စေရန်အတွက် အပြစ်ပြောနေရုံနဲ့တော့ မပြီးပါ။ ပြည်သူတွေလည်း ပိုက်ပိုက်ရှိလာမည်။ ဆရာဝန်ကလည်း ဒီအလုပ်ထဲမှာ ပဲ စောက်ချပြီးလုပ်နိုင်လောက်အောင် ထိုက်သင့်သော ၀င်ငွေရှိလာမည် ဆိုပါက ပြည်သူတွေ ဖြစ်စေချင်တဲ့အခြေအနေကို ပိုရောက် လာနိုင်မယ်ထင်ပါတယ်။ ရောဂါအများစုကို အခြေခံဆရာဝန်တွေက ကြည့်ပြီး ခက်ခဲသော ရောဂါအနည်းစုကိုသာ အထူးကုတွေက ကြည့်သင့်သည်။

ဆရာဝန်ဆိုတာ ၀င်ငွေနည်းလည်း စေတနာရှေ့ထားပြီး အလုပ်လုပ်ရမည်ဆိုသော ဆိုရှယ်လစ်ခောတ်က အယူအဆများကို ကျွန်တော်လက်မခံပါ။ အပြင်မှာလည်း တကယ်သုံးလို့မရပါ။ တိုင်းပြည်တိုးတက်ရေးတွင် လည်း အကျိုး မပြုနိုင်ပါ။ အဘယ့်ကြောင့်ဆိုသော် ဆရာဝန်ဆိုတာ လူသာမန်ပါ။ လူသာမန်လို လောဘရှိပါတယ်။ Abraham Maslow ရဲ့ Hierarchy of needs မှာ ပါဝင်တဲ့ self actualization ဆိုတဲ့ အချက်ကိုပဲ လုပ်ပြီး ဘ၀ကို ရပ်တည်နေကြသူတွေလည်းရှိပါတယ်။ ဒါပေမယ့် အရမ်းရှားတယ်။

ဥပမာ။ ။ Mother Teresa။ ထိုသို့လူများသည် အရေအတွက် နည်းသောကြောင့် တိုင်းပြည်တည်ဆောက်ရေးမှာ အသုံးပြုလို့မရပါ။ အဲဒီတော့ လူသာမန်တွေကို professional doctor ဖြစ်အောင်ပဲ မွေးထုတ်ပေးလို့ရပါမယ်။ democracy စနစ်တွင် လူတိုင်းလူတိုင်းသည် ကြိုးစားအားထုတ်သလောက် ၀င်ငွေရှိရမည်။ အဲဒါမှလည်း တရားမှပေါ့။

private နဲ့ public ဆရာဝန်တွေကို သက်သက်ဆီခွဲမှ သာ အဆင်ပြောတော့မည်။ ပညာရေးစနစ်လိုပေါ့။ ၀င်ငွေကောင်းလိုသူသည် private တွင်ကုမည်။ research ဒါမှမဟုတ် teaching ကို စိတ်ဝင်စားသူက public ဆေးရုံတွေမှာ ကုမည်။ public ဆေးရုံတွေဟာ လိုရှိထက်ကို fund တွေအများကြီးရှိဖို့ ပိုလိုအပ်လာပါလိမ့်မည်။ အဲဒီလိုသာ မခွဲပါက ဆရာဝန်များ work life balance မမျှနိုင်ပါ။
ထိုသို့မမျှပါက ကုသရေးတွင် လစ်ဟင်းမှုများဖြစ်လာနိုင်ပါသည်။ ကျွန်တော့်ဆွေးနွေးချက်များကို သဘောမတူပါက ကျေးဇူးပြုပြီး လုံလောက်သော အကြောင်းအရာ အချက်အလက်များနဲ့ ငြင်းပေးပါခင်ဗျာ။ personal တိုက်ခိုက်မှုတွေမလုပ်ကြပါနဲ့။ မြန်မာတို့သည် အကျိုးသင့်အကြောင်းသင့် ပြော၍ရသော လူမျိုး ဟု ကျွန်တော် ယုံကြည်ပါသည်။ နောက်တစ်ပတ်မှာ legal system ရှုထောင့်မှ ထပ်မံရေးပါမည်။

Read More...

Collapse...

ကျန်းမာရေးနှင့်လုံခြုံရေး

နိဒါန်း
ကျန်းမာရေး၊ လုံခြုံရေး။
ဒီစကားလုံးလေးနှစ်ခုကို အပေါ်ယံအနေနဲ့ ကြည့်လိုက်ရင် ဆက်စပ်တယ်လို့ သိပ်မထင်ရပါဘူး။ ကျန်းမာရေးဆိုတဲ့ စကားလုံးကို ကြားရသူတွေက ဆေးရုံ၊ ဆေးခန်း၊ ဆရာဝန်၊ သူနာပြု၊ “ဆေးလိပ်သောက်ခြင်းသည် ကျန်းမာရေးကို ထိခိုက်စေနိုင်သည်“ ဆိုတဲ့ စာသား၊ အေအိုင်ဒီအက်စ်၊ ကင်ဆာစတဲ့ ရောဂါဆိုးတွေ၊ ဒဗလျူအိတ်ဂ်ျအို၊ ယင်လုံအိမ်သာ ဆောက်လုပ်ရေး စတဲ့ အကြောင်းအရာ တွေကိုပဲ မြင်ယောင်မိကြမှာ ဖြစ်ပါတယ်။ လုံခြုံရေးဆိုတဲ့ စကားလုံးကို ကြားရသူတွေကလဲ စစ်တပ်၊ ရဲ၊ လုံခြုံရေးဝန်ထမ်း၊ အကြမ်းဖက်မှု၊ ဗုံးပေါက်ကွဲမှု၊ ဒုစရိုက်မှုပပျောက်ရေး၊ နေတိုးအဖွဲ့၊ ကုလသမဂ္ဂလုံခြုံရေး ကောင်စီ စတာတွေကိုပဲ စဉ်းစားမိကြမှာ ဖြစ်ပါတယ်။ ကျန်းမာရေးလုပ်သားတွေကလဲ နိုင်ငံရေး၊ နိုင်ငံတော်လုံခြုံရေး၊ အပြည်ပြည်ဆိုင်ရာလုံခြုံရေးကိစ္စတွေဟာ ကိုယ်နဲ့ မပတ်သက်သလိုပဲ ယူဆမိကြပါလိမ့်မယ်။ လုံခြုံရေးလုပ်သားတွေကလဲ မိသားစုကျန်းမာရေးကိစ္စရပ်ကလွဲရင် ပြည်သူလူထု ကျန်းမာရေးဆိုတာ မိမိနဲ့ သိပ်မပတ်သက်တဲ့ ရေးရာတခုလို့ပဲ သတ်မှတ်ပါလိမ့်မယ်။ ဒါပေမယ့် ၂၁ရာစု ခေတ်မှီတိုးတက်တဲ့ ကမ္ဘာကြီးမှာကျတော့ နိုင်ငံရေး၊ စီးပွားရေး၊ လူမှုရေး၊ ကျန်းမာရေး၊ လုံခြုံရေးကဏ္ဍတွေဟာ တခုနဲ့တခု အပြန်အလှန်ဆက်စပ်တဲ့ ကဏ္ဍတွေဆိုတာကို လူအများက လက်ခံနားလည်လာခဲ့ကြရပါတော့တယ်။ တိုးတက်တဲ့ နိုင်ငံများရဲ့ နိုင်ငံခြားရေးမူဝါဒ၊ နိုင်ငံတော်လုံခြုံရေး မူဝါဒတွေမှာ ကျန်းမာရေးကဏ္ဍကို ထည့်သွင်းလာကြရသလို၊ ကျန်းမာရေးမူဝါဒမှာလဲ အရေးပေါ်လုံခြုံရေး အခြေအနေတွေ၊ အကြမ်းဖက်တိုက်ခိုက်ခံရမှုအခြေအနေတွေမှာ ပြည်သူ့ကျန်းမာရေးနဲ့ ပတ်သက်တဲ့ လုပ်ငန်းဆောင်တာတွေကို မရှိမဖြစ် ထည့်သွင်းလာကြရပါတော့တယ်။ နိုင်ငံတော်လုံခြုံရေးကို ခြိမ်းချောက်တဲ့ အန္တရာယ်တွေရဲ့ သဘောသဘာဝ (Nature of Threats) ကို လေ့လာဆန်းစစ်မှုတွေမှာလဲ နယ်စပ်ဖြတ်ကျော်ရာဇ၀တ်မှု၊အကြမ်းဖက်မှု၊ ဆင်းရဲနွမ်းပါးမှု၊ အုပ်ချုပ်ရေးညံ့ဖျင်းမှု စတာတွေနဲ့အတူ ပြည်သူ့ကျန်းမာရေးကိုပါ ထည့်သွင်းဆန်းစစ်ချက်တွေ ပြုလုပ်လာကြရပါတော့တယ်။

ပြည်သူ့ကျန်းမာရေးကဏ္ဍနှင့် နိုင်ငံတကာအဆင့် ပူးပေါင်းဆောင်ရွက်မှု
၁၉ရာစုမှာ ဥရောပနဲ့ တခြားဒေသတွေအကြားက ကုန်သွယ်မှုတွေ တိုးတက်လာခဲ့ပါတယ်။ ကုန်သွယ်မှုတိုးတက်လာမှုနဲ့အတူ တပြိုင်တည်းတိုးတက်လာခဲ့တာကတော့ ကူးစက်ရောဂါပိုးမွှားတွေပဲ ဖြစ်ပါတယ်။ ဒီအခါမှာ ရောဂါဘယဆိုတာ နိုင်ငံတော်တိုးတက်ဖွံ့ဖြိုးရေးကို ထိခိုက်စေနိုင်တဲ့ အန္တရာယ်တခုအနေနဲ့ သတ်မှတ်လာခဲ့ကြပြီး နိုင်ငံတကာအဆင့် ပူးပေါင်းဆောင်ရွက်မှုနဲ့ ဖြေရှင်းရမယ့် ပြဿနာ တရပ်အနေနဲ့ နိုင်ငံခေါင်းဆောင်များ အသိအမှတ်ပြုလာကြပြီး၊ နိုင်ငံတကာက လက်ခံသဘောတူတဲ့ ကျန်းမာရေးဆိုင်ရာ နည်းဥပဒေတွေ ပြဌာန်းလာခဲ့ကြပါတယ်။ ဒါကြောင့် ပြည်သူ့ကျန်းမာရေးကဏ္ဍကို နိုင်ငံတကာအဆင့် ပူးပေါင်းဆောင်ရွက်မှုရဲ့ သမိုင်းအစဟာ ၁၉ရာစု ဥရောပတိုက်ရဲ့ လုံခြုံရေးရာ တွက်ချက်အကဲဖြတ်မှုကနေ ဆင်းသက်လာတာလို့ ဆိုနိုင်ပါတယ်။

၂၀ရာစုအစောပိုင်းကာလများမှာကျတော့ ပြည်သူ့ကျန်းမာရေးနဲ့ လုံခြုံရေးအကြားက ဆက်နွယ်မှုတွေက ပိုမိုသိသာထင်ရှားလာခဲ့ပါတယ်။ ဘာလို့လဲဆိုတော့ ဒီကာလတွေမှာ ကမ္ဘာနဲ့အ၀ှမ်းစစ်ပွဲကြီး၊ စစ်ပွဲငယ်လေးတွေ ဖြစ်ပွားခဲ့လို့ပါပဲ။ နိုင်ငံတခုမှာ စစ်ပွဲတွေ ရှိနေရင်၊ နိုင်ငံတော် အကြမ်းဖက်မှု အပါအ၀င် အကြမ်းဖက်မှုသဏ္ဍာန်အမျိုးမျိုးရှိနေရင် ပြည်သူ့ကျန်းမာရေးကို မြှင့်တင်ဆောင်ရွက်ပေးရာမှာ ထိရောက်မှု အားနည်းပါတယ်။ အဓိက အချက်ကတော့ နိုင်ငံတော်ရဲ့ ကျန်းမာရေးကဏ္ဍမှာ ဘဏ္ဍာငွေ ခွဲဝေသုံးစွဲမှု လျော့နည်းလို့ပါပဲ။ ဒါကြောင့်လဲ စစ်အသုံးစရိတ်ကြီးမားပြီး၊ ခေတ်မီတပ်မတော်တည်ဆောက်ရေးကိုပဲ အာရုံစိုက်နေတဲ့ အာဏာရှင်နိုင်ငံတွေမှာ ပြည်သူလူထုကို ကျန်းမာရေးစောင့်ရှောက်မှု အားနည်းချက်ရှိတာပဲ ဖြစ်ပါတယ်။ စစ်ပွဲနဲ့ ပဋ္ဋိပက္ခတွေကြောင့် ပြည်သူ့ကျန်းမာရေးအပေါ်မှာ တိုက်ရိုက်အကျိုး သက်ရောက်မှု ဖြစ်တဲ့ သေဆုံးမှုများပြားခြင်းဆိုတာ ဖြစ်နိုင်သလို သွယ်ဝိုက်အကျိုးသက်ရောက်မှုဖြစ်တဲ့ ဆေးရုံ၊ ဆေးခန်း ပုံမှန်လည်ပတ်မှု ပြတ်တောက်ခြင်း၊ ဆရာဝန်၊ သူနာပြုစတဲ့ ကျန်းမာရေးလုပ်သားတွေ နည်းပါးခြင်း၊ သောက်သုံးရေရှားပါးမှုနဲ့ စစ်ဘေးဒုက္ခသည်များပြားမှု စတာတွေကြောင့် ကူးစက်ရောဂါများ ဖြစ်ပွားခြင်း စတာတွေလဲ ဖြစ်စေနိုင်ပါတယ်။

ဒါကြောင့် ဒီကာလတွေမှာ ကျန်းမာရေးနဲ့ လုံခြုံရေးကိစ္စရပ်တွေကို ကမ္ဘာ့ခေါင်းဆောင်များက အာရုံထားခဲ့ကြပြီး၊ ဒုတိယကမ္ဘာစစ်ပြီးကာလတွေကျတော့ ပြည်သူ့ကျန်းမာရေးကဏ္ဍ တိုးမြှင့် ဆောင်ရွက်ရေး လုပ်ငန်းစဉ်တွေကို အလေးပေးဆောင်ရွက်ခဲ့ကြပါတယ်။ ၁၉၄၈မှာ ပေါ်ပေါက်လာခဲ့တဲ့ ကမ္ဘာ့ကျန်းမာရေးအဖွဲ့ကြီးရဲ့ လုပ်ငန်းဆောင်တာတွေဟာ ၁၉၇၀ ကာလတွေမှာကျတော့ “အားလုံးအတွက် ကျန်းမာရေး“ ဆိုတဲ့ ဆောင်ပုဒ်နဲ့အတူ အရှိန်အဟုန်နဲ့ တိုးတက်လာခဲ့ပါတယ်။ အနောက်နိုင်ငံတွေမှာ ကူးစက်ရောဂါ ပြန့်ပွားနှုန်း တဟုန်ထိုးလျော့ကျသွားပါတယ်။ ဒီလိုအောင်မြင်မှုတွေ ကြီးမားလာ ခဲ့တာကြောင့် ကျန်းမာရေးဆိုင်ရာ ပြဿနာရပ်တွေဟာ ဖွံ့ဖြိုးတိုးတက်ရေးဆိုင်ရာ ပြဿနာတွေအဖြစ်ပဲ သတ်မှတ်ပြီး၊ လုံခြုံရေးရာကိစ္စတွေမှာ ထည့်သွင်းအာရုံစိုက်ခြင်း မရှိကြတော့ပါဘူး။

ဒီအခြေအနေတွေဟာ ၁၉၉၀ ဆယ်စုနှစ်နှောင်းပိုင်းကာလတွေမှာ ပြောင်းလဲလာပါတော့တယ်။ ၁၉၉၉ခုနှစ်၊ အမေရိကန်ပြည်ထောင်စု ဗဟိုထောက်လှမ်းရေးအေဂျင်စီ (စီအိုင်အေ)ရဲ့ အစီရင်ခံစာမှာ ကူးစက်ရောဂါတွေကနေတဆင့် အမေရိကန်ပြည်ထောင်စုရဲ့ လုံခြုံရေးကို ထိခိုက်စေနိုင်မယ့် အန္တရာယ်တွေကို မီးမောင်းထိုးပြခဲ့ပါတယ်။ ကူးစက်ရောဂါဆိုးတွေဟာ အမေရိကန်ပြည်ထောင်စုကိုသာမက စီးပွားရေးဖွံ့ဖြိုးတိုးတက်မှု၊ နယ်မြေဒေသလုံခြုံရေး၊ နိုင်ငံတကာ တိုးတက်ဖွံ့ဖြိုးရေးနဲ့ တည်ငြိမ်ရေးကိုပါ ထိခိုက်နိုင်ကြောင်း ရေးသားဖော်ပြခဲ့ပါတယ်။ ဇန်န၀ါရီ၊ ၂၀၀၀ ပြည့်နှစ်ရောက်တော့ ကုလသမဂ္ဂလုံခြုံရေးကောင်စီ အစည်းအဝေးမှာ အာဖရိကတိုက်လုံခြုံရေးနဲ့ ဖွံ့ဖြိုးတိုးတက်ရေးကို ခြိမ်းချောက်နေတဲ့ အိတ်ခ်ျအိုင်ဗွီ၊ အေအိုင်ဒီအက်စ်ပြဿနာကို ဆွေးနွေးကြပြီး၊ လုံခြုံရေးကောင်စီရဲ့ Resolution 1308 မှာ အိတ်ခ်ျအိုင်ဗွီ၊ အေအိုင်ဒီအက်စ် ကူးစက်ပြန့်ပွားမှုကို မထိန်းချုပ်နိုင်ရင် ဒါဟာ လုံခြုံရေးနဲ့ တည်ငြိမ်အေးချမ်းရေးကို ထိခိုက်စေနိုင်မယ်ဆိုတဲ့ အချက်ကို အတိအလင်း ဖော်ပြခဲ့ပါတယ်။

လုံခြုံရေးကောင်စီအစည်းအဝေးတုန်းက ဆွေးနွေးခဲ့တဲ့ အချက်တွေက အိတ်ခ်ျအိုင်ဗွီ၊ အေအိုင်ဒီအက်စ်ရဲ့ လူမှုတည်ငြိမ်အေးချမ်းမှုနဲ့ ငြိမ်းချမ်းရေး ထိန်းသိမ်းမှု မစ်ရှင်တွေအပေါ် အကျိုးသက်ရောက်မှုတွေကိုပဲ ဦးတည်ဆွေးနွေးခဲ့ကြတာဖြစ်ပါတယ်။ ဒါပေမယ့် ဒီဆွေးနွေးမှုတွေဟာ ဒီကိစ္စရေးရာတွေမှာတင် မရပ်တန့်ခဲ့ပါဘူး။ ကမ္ဘာ့နိုင်ငံရေး ဆွေးနွေးပွဲတွေမှာ နေရာယူလာခဲ့ပြီး၊ များမကြာခင် နှစ်ပိုင်းအတွင်းမှာပဲ နိုင်ငံခြားရေး၊ ပြည်ထဲရေးဝန်ကြီးတွေရဲ့ ကြေညာစာတမ်းတွေ၊ ဂျီ8 ဆွေးနွေးပွဲတွေဆီ ရောက်သွားခဲ့ပါတော့တယ်။ ၂၁ရာစုရဲ့ ပထမဆယ်စုနှစ် အလယ်ပိုင်းရောက်တော့ နိုင်ငံတော် လုံခြုံရေး agenda တွေ၊ နိုင်ငံခြားရေးမူဝါဒတွေမှာ ကျန်းမာရေးဆိုင်ရာ ကိစ္စရေးရာတွေကိုပါ ထည့်သွင်း လာကြရပါတော့တယ်။

ကျန်းမာရေးဆိုင်ရာ ပြဿနာရပ်များသည် လုံခြုံရေးဆိုင်ရာ ပြဿနာရပ်များပင်ဖြစ်သည်

ကျန်းမာရေးနဲ့ လုံခြုံရေးရာ ဆက်နွယ်မှုတွေ ၁၉၉၀ နှောင်းပိုင်းကာလတွေမှာ ကျယ်ကျယ်ပြန့်ပြန့်ဖြစ်လာရခြင်းရဲ့ အခြေခံ အချက်နှစ်ချက် ရှိပါတယ်။ ပထမတချက်ကတော့ စစ်အေးတိုက်ပွဲလွန်ကာလတွေရဲ့ နိုင်ငံတော်လုံခြုံရေးဆိုတဲ့ သဘောတရားကို ကျယ်ကျယ်ပြန့်ပြန့် ရှုမြင်လာကြလို့ပဲ ဖြစ်ပါတယ်။ ရှေးယခင်ကာလတွေတုန်းက နိုင်ငံတော်လုံခြုံရေးဆိုတာကို စစ်တပ်၊ရဲ၊ ထောက်လှမ်းရေး စတဲ့ လုံခြုံရေးအဖွဲ့အစည်းတွေကို အသုံးပြုပြီး လူ့အဖွဲ့အစည်းကို ခြိ်မ်းချောက်လာနိုင်တဲ့ ပြည်တွင်းပြည်ပအန္တရာယ်တွေကို ကာကွယ်ပေးရေး၊ ငြိမ်းချမ်းရေးနှင့် တရားဥပဒေစိုးမိုးရေး စတဲ့ ကျဉ်းမြောင်းတဲ့ ရှုထောင့်တွေကနေ ရှုမြင်တတ်ကြပါတယ်။ ဒါပေမယ့် စစ်အေးတိုက်ပွဲလွန် ကာလတွေမှာကျတော့ ဖွံ့ဖြိုးတိုးတက်တဲ့ နိုင်ငံတွေမှာ ကျယ်ပြန့်တဲ့ အတွေးအမြင်တွေ ထွက်ပေါ်လာခဲ့ကြပါတယ်။ စားဝတ်နေရေး မပြေလည်တဲ့ တိုင်းပြည်မှာ ရာဇ၀တ်မှုထူပြောတတ်တာ၊ ကျန်းမာရေး၊ ပညာရေး လူမှုအခွင့်အလမ်းတွေ မရှိတဲ့ တိုင်းပြည်မှာ လူသားတွေရဲ့ လုံခြုံရေးကို စောင့်ရှောက်ပေးဖို့ ခက်ခဲတယ်ဆိုတာကို သိမြင်လာခဲ့ကြပါတယ်။ ဒါကြောင့်လဲ နိုင်ငံတော်လုံခြုံရေးဆိုင်ရာ security agendas တွေမှာ စစ်ရေး၊ ပြည်ထဲရေး ကိစ္စရပ်တွေကိုသာမက ဖွံ့ဖြိုးတိုးတက်ရေးဆိုင်ရာ ကိစ္စရပ်တွေကိုပါ ကျယ်ကျယ်ပြန့်ပြန့် ထည့်သွင်းလာကြတာ ဖြစ်ပါတယ်။ ဒါကြောင့်လဲ နိုင်ငံတကာလုံခြုံရေး၊ နိုင်ငံတော်လုံခြုံရေး ဆိုင်ရာ Risk assessment ပြုလုပ်မှုမှာ “shift from threat to risk allowed security's focus” ဆိုတဲ့ နည်းလမ်းကနေ 'shift from the idea of a clear and present danger to more probabilistic assessment of potential hazards' ကို ပြောင်းလဲသွားခဲ့ပါတယ်။ ဒီလိုပြောင်းလဲမှုတွေဟာ ပြည်သူ့ကျန်းမာရေးကိစ္စရပ်တွေကို လုံခြုံရေးဆိုင်ရာ ကိစ္စရပ်တွေထဲမှာ ထည့်သွင်းနိုင်ဖို့ လမ်းဖွင့်ပေးလိုက်တာပဲဖြစ်ပါတယ်။

နောက်တချက်ကတော့ human agenda ပဲ ဖြစ်ပါတယ်။ ထင်ရှားကျော်ကြားတဲ့ ပုဂ္ဂိုလ်ကြီးများဟာ သူတို့ရဲ့ ပါဝါနဲ့ လွှမ်းမိုးနိုင်မှုတွေကို အသုံးပြုပြီး ပြည်သူ့ကျန်းမာရေးကိစ္စရေးရာတွေကို နိုင်ငံခြားရေးနဲ့ လုံခြုံရေး မူဝါဒတွေထဲမှာ ပါဝင်လာအောင် စွမ်းဆောင်ပေးခဲ့ကြပါတယ်။ ဥပမာပေးရရင် ကမ္ဘာ့ကျန်းမာရေးအဖွဲ့ကြီးရဲ့ ဒါရိုက်တာဖြစ်ခဲ့တဲ့ (Gro Harlem Brundtland) နဲ့ အမေရိကန်သမ္မတ ကလင်တန်ရဲ့ ကုလသမဂ္ဂရေးရာ သံအမတ် ဖြစ်တဲ့ Richard Holbrooke) တို့ပဲ ဖြစ်ပါတယ်။ ၁၉၉၉ ခုနှစ်မှာ အမေရိကန်ပြည်ထောင်စု နိုင်ငံခြားဆက်ဆံရေးကောင်စီကို ပေးတဲ့ မိန့်ခွန်းမှာ ကမ္ဘာ့ကျန်းမာရေးအဖွဲ့ကြီးရဲ့ ဒါရိုက်တာဖြစ်တဲ့ Gro Harlem Brundtland က ကမ္ဘာ့လူဦးရေ သန်းပေါင်းများစွာကို ကိုယ်စားပြုနေတဲ့ နိုင်ငံတွေဆီက နိုင်ငံသူ၊ နိုင်ငံသားများရဲ့ ကျန်းမာရေးအခြေအနေ နိမ့်ကျမှုဟာ သက်ဆိုင်ရာနိုင်ငံရဲ့ စီးပွားရေးတိုးတက်မှု၊ နိုင်ငံရေးတည်ငြိမ်မှုတွေကို တိုက်ရိုက်ထိခိုက်စေရုံသာမက အမေရိကန်ပြည်ထောင်စုအပါအ၀င် နိုင်ငံများစွာရဲ့ စီးပွားရေးနဲ့ နိုင်ငံရေး အကျိုးစီးပွားကိုပါ ထိခိုက်စေနိုင်တာကြောင့် ကမ္ဘာ့ကျန်းမာရေးမှာ ရင်းနှီးမြှုပ်နှံမှုဟာ နိုင်ငံတော်လုံခြုံရေးမှာ ရင်းနှီးမြှုပ်နှံမှုဖြစ်ကြောင်း ပြောကြားခဲ့ပါတယ်။

တချိန်တည်းမှာပဲ ၁၉၉၉ ခုနှစ်မှာ အမေရိကန် သမ္မတ ကလင်တန်ရဲ့ ကုလသမဂ္ဂ ရေးရာ သံအမတ်ဖြစ်တဲ့ Richard Holbrooke ဟာ အာဖရိကတိုက်ကို ရောက်ရှိခဲ့ပါတယ်။ အဲဒီမှာတင် အိတ်ခ်ျအိုင်ဗွီ၊ အေအိုင်ဒီအက်စ်ကူးစက်ရောဂါ ပျံ့ပွားမှုနှုန်း ကြောက်ခမန်းလိလိ ဖြစ်နေတာကို သူတွေ့မြင်ခဲ့ရပါတယ်။ အဲဒီအချိန်မှာ ကျင့်သုံးနေခဲ့တဲ့ aid-based approaches တွေ၊ အန်ဂျီအို အခြေခံနည်းလမ်းတွေရဲ့ ထိရောက်မှု အားနည်းချက်တွေကိုလဲ သူတွေ့မြင်လာခဲ့ပါတယ်။ ဒီလိုကူးစက်ရောဂါ ပျံ့ပွားမှုတွေဟာ နိုင်ငံတော် မတည်မငြိမ်ဖြစ်မှုတွေကိုပါ ဦးတည်နေတာကို သိမြင်လာခဲ့ပါတယ်။ နယူးယောက်ကို သူပြန်ရောက်ပြီးတဲ့အခါမှာတော့ ကုလသမဂ္ဂ လုံခြုံရေးကောင်စီရဲ့ agenda မှာ အိတ်ခ်ျအိုင်ဗွီ၊ အေအိုင်ဒီအက်စ် ပြဿနာ ပါဝင်လာရေးအတွက် အဓိကနေရာကနေ ကြိုးပမ်းဆောင်ရွက်ခဲ့ပါတော့တယ်။ အခု ဆက်လက်ပြီး security agenda တွေမှာ ကျန်းမာရေးဆိုင်ရာ ကိစ္စရပ်တွေ ထည့်သွင်းတဲ့အခါ အဓိက ထားထည့်သွင်းတဲ့ အကြောင်းအရာ သုံးခုကို ဆက်လက်ဖော်ပြပါမယ်။

ကူးစက်ရောဂါပျံ့ပွားမှု

ကူးစက်ရောဂါ အသစ်တွေဟာ ကမ္ဘာနဲ့အ၀ှမ်းမှာ တစတစ ပေါ်ထွက်လာနေပါတယ်။ အိတ်ခ်ျအိုင်ဗွီ၊ အေအိုင်ဒီအက်စ်၊ ဆားစ် ဗိုင်းရပ်စ်၊ အိတ်ခ်ျဖိုက်အန်ဝမ်း စတာတွေရဲ့ ဆိုးကျိုးဟာ ကမ္ဘာတ၀ှမ်းလုံးကို ပျံ့နှံ့ ရောက်ရှိနေပါတော့တယ်။ ရောဂါသစ်တွေ ထွက်ပေါ်များပြားလာမှုဟာ ကုန်ပစ္စည်းတွေနဲ့ လူတွေရဲ့ ရွေ့လျားမှုနှုန်း မြန်ဆန်လာသလို လူတွေသွားလာလှုပ်ရှားနေတဲ့ နေရာဒေသတွေကလဲ တစတစ ပိုမိုများပြားလာတာတွေ၊ ဒီနေရာဒေသတွေရဲ့ microbial world မှာလဲ ပြောင်းလဲမှုတွေ ဖြစ်ပေါ်လာတာတွေကြောင့်လို ပညာရှင်တွေက သုံးသပ်ကြပါတယ်။

ဒီလို ကူးစက်ရောဂါသစ်တွေ ပေါ်ထွက်လာမှုဟာ လုံခြုံရေးအသိုင်းအ၀ိုင်းရဲ့ စိုးရိမ်ကြောင့်ကြမှုတွေကို ဘာလို့ဖြစ်စေပါသလဲ။ နိုင်ငံတကာနိုင်ငံရေးဆိုင်ရာ ပါမောက္ခတဦးဖြစ်တဲ့ Colin McInnes က စိုးရိမ်ကြောင့်ကြမှုတွေ ဖြစ်စေနိုင်တဲ့ အကြောင်းရင်း သုံးချက်ကို ရေးသားတင်ပြခဲ့ပါတယ်။ ပထမအကြောင်းရင်းကတော့ ဒီကူးစက်ရောဂါတွေဟာ သက်ဆိုင်ရာနိုင်ငံတွေမှာ မှီတင်းနေထိုင်ကြတဲ့ နိုင်ငံသူ၊ နိုင်ငံသားတွေရဲ့ ကျန်းမာရေးကို တိုက်ရိုက်ခြိမ်းချောက်နေလို့ဖြစ်ပါတယ်။ ဒုတိယတချက်ကတော့ ကူးစက်ရောဂါတွေဟာ လှုမှုရေးအခက်အခဲတွေကို ဖြစ်စေပြီး၊ နိုင်ငံရဲ့ တည်ငြိမ်အေးချမ်းရေးကို ထိခိုက်စေနိုင်ပါတယ်။ အခြေခံ ရောဂါကာကွယ်ရေးစီမံချက်ကို လူထုအတွက် ချမှတ်အကောင်အထည်ဖော်ခြင်း မလုပ်ပေးနိုင်တဲ့ အစိုးရကို လူထုက ယုံကြည်မှု လျော့နည်းလာမှာ မလွဲမသွေပါပဲ။ လူမှု အခြေအနေအဆင့်အတန်း ကွာဟမှုကြောင့် ချမ်းသာသူတွေကပဲ ကျန်းမာရေးစောင့်ရှောက်မှုနဲ့ ဆေးဝါးကောင်းတွေ သုံးစွဲခွင့်ရနေတဲ့ အခြေအနေမျိုး ဖြစ်လာခဲ့ရင် အခြေခံလူထုလူတန်းစားတွေရဲ့ နာကျည်းပေါက်ကွဲမှုတွေ ဖြစ်လာစေပြီး လူထုလှုပ်ရှားမှုတွေ ထွက်ပေါ်လာနိုင်ပါတယ်။ လူအများသေဆုံးရင် (သို့မဟုတ်) အလုပ်ပျက်ကွက်ရင် ပြည်သူ့ဝန်ဆောင်မှု လုပ်ငန်းဆောင်တာတွေ ပျက်ယွင်းပြီး နိုင်ငံတော်ရဲ့ အစိုးရအုပ်ချုပ်ရေးယန္တရား ပျက်ယွင်းစေနိုင်ပါတယ်။ လူထုလူတန်းစားတွေက ဘာမှ ထပ်ဆုံးရှုံးစရာ မရှိတော့ဘူးလို့ ယူဆလာတဲ့အခါ တရားဥပဒေစိုးမိုးရေးရှိဖို့ အလွန်ခဲယဉ်းလာတတ်ပါတယ်။ ဒါကြောင့်လဲ အမေရိကန်ပြည်ထောင်စုရဲ့ နိုင်ငံတော်လုံခြုံရေး မဟာဗျူဟာထဲမှာ အမေရိကန်နဲ့ အနောက်နိုင်ငံများကို သိမ်းပိုက်နယ်ချဲ့မယ့်နိုင်ငံများရဲ့ အန္တရာယ်ထက် failed states တွေရဲ့ အန္တရာယ်တွေက ပိုမိုခြိမ်းချောက်နေတယ်လို့ ထည့်သွင်းဖော်ပြထားတာဖြစ်ပါတယ်။ failed state ဆိုတာက ကောင်းမွန်တဲ့ good governance မရှိပဲ လာဘ်ပေးလာဘ်ယူမှုတွေ၊ ဗိုလ်ကျစိုးမိုး အနိုင်ကျင့်မှုတွေ၊ ပြည်တွင်းစစ် ပဋ္ဋိပက္ခတွေ၊ မူးယစ်ဆေးဝါး ထုတ်လုပ်ရောင်းဝယ်မှုတွေ၊ လူကုန်ကူးမှုတွေ၊ အေအိုင်ဒီအက်စ်ရောဂါပျံ့ပွားနှုန်းမြင့်မားမှုတွေ၊ မှန်ကန်သင့်လျော်တဲ့ စီးပွားရေးစီမံခန့်ခွဲမှု မရှိတာတွေ၊ လူမှုရေးစောင့်ရှောက်မှု ယုတ်လျော့တာတွေ၊ ပညာရေး၊ ကျန်းမာရေးအခွင့်အလမ်းနည်းပါးမှုတွေ၊ စာနယ်ဇင်းလွတ်လပ်ခွင့် နည်းပါးမှုတွေ၊ နိုင်ငံရေး မတည်ငြိမ်မှုတွေ စတဲ့ အခြေအနေပေါင်း မြောက်မြားစွာ ဖြစ်ပွားနေတဲ့ နိုင်ငံတွေကို ဆိုလိုတာပါ။ ဥပမာ- လက်ရှိမြန်မာနိုင်ငံနဲ့ အာဖရိကတိုက်က နိုင်ငံငယ်လေးများစွာဟာ failed state တွေ ဖြစ်ပါတယ်။

တတိယအကြောင်းရင်းကတော့ ကူးစက်ရောဂါပြန့်ပွားမှုဟာ နိုင်ငံတော်က ပြည်သူလူထုရဲ့ ကျန်းမာရေးကို လူသားဆန်ဆန် စောင့်ရှောက်လေ့ရှိတဲ့ အာဏာရှင်နိုင်ငံမဟုတ်တဲ့ နိုင်ငံများမှာဆိုရင် ကျန်းမာရေးအသုံးစရိတ် မြင့်တက်မှု ဖြစ်စေနိုင်ပါတယ်။ အလုပ်သမားတွေရဲ့ ပျက်ကွက်မှု မြင့်မားတာကြောင့် ထုတ်လုပ်မှုကဏ္ဍကို ထိခိုက်စေနိုင်ပါတယ်။ စီးပွားရေးယုံကြည်မှု လျော့နည်း လာစေတာကြောင့် ပြည်တွင်းပြည်ပ ရင်းနှီးမြှုပ်နှံမှုတွေကို လျော့နည်းစေနိုင်ပါတယ်။ ဒီအခါမှာ စီးပွားရေး ဖွံ့ဖြိုးတိုးတက်မှုကို ထိခိုက်စေနိုင်ပါတယ်။ ဒါကြောင့်လဲ နိုင်ငံအများစုဟာ ကူုးစက်ရောဂါပျံ့ပွားမှုကို နိုင်ငံတော်လုံခြုံရေးအန္တရာယ်တရပ်အနေနဲ့ သိမြင်ပြီး တားဆီးတိုက်ဖျက်ရေးတွေ ပြုလုပ်ကြတာ ဖြစ်ပါတယ်။ အာဏာရှင်တိုင်းပြည်များမှာကျတော့ ကျန်းမာရေးအသုံးစရိတ်ကို လူထုအတွက် မြှင့်တင်ပေးမှု ပြုလုပ်ခြင်း မရှိတာကြောင့် အသုံးစရိတ်ဆိုင်ရာ အကျိုးသက်ရောက်မှုမရှိပေမယ့် ရင်းနှီးမြှုပ်နှံမှုနဲ့ ထုတ်လုပ်မှုကဏ္ဍတွေကို ထိခိုက်တာ မလွဲမသွေပါပဲ။ နိုင်ငံရေး မတည်ငြိမ်မှုကို ဖြစ်စေနိုင်တဲ့ အချက်တချက်ဖြစ်တဲ့ ပြည်သူ့ကျန်းမာရေးစောင့်ရှောက်မှု အားနည်းတာကြောင့် အုပ်ချုပ်ရေးယန္တရား ဘယ်လိုမှ တည်မြဲနိုင်မှာ မဟုတ်ပါ။

အိတ်ခ်ျအိုင်ဗွီ၊ အေအိုင်ဒီအက်စ်

၂၀၀၀ ပြည့်နှစ်မှာတုန်းက ကမ္ဘာ့ဘဏ်ဥက္ကဌ ဖြစ်တဲ့ James Wolfensohan က
“အေအိုင်ဒီအက်စ်ဆိုတာကို တို့တွေအားလုံးက ကျန်းမာရေးဆိုင်ရာ ပြဿနာလို့ ယူဆခဲ့ကြတယ်။ အားလုံးမှားခဲ့တယ်။ လက်ရှိအာဖရိက လူ့အဖွဲ့အစည်းတွေရဲ့ ငြိမ်းချမ်းရေးနဲ့ တည်ငြိမ်အေးချမ်းရေးကို အေအိုင်ဒီအက်စ်ပြဿနာလောက် ခြိမ်းချောက်နေတဲ့ ပြဿနာ မရှိဘူး။ ဒါဟာ ကြီးမားတဲ့ ဖွံ့ဖြိုးတိုးတက်ရေးဆိုင်ရာ ပြဿနာဖြစ်တယ်။ ဒီထက်ပိုပြီး ကျယ်ကျယ်ပြန့်ပြန့် ပြောရရင်တော့ ဒါဟာ လုံခြုံရေး ပြဿနာ ဖြစ်တယ်“လို့ မိန့်ခွန်းခြွေခဲ့ပါတယ်။

အိတ်ခ်ျအိုင်ဗွီ၊ အေအိုင်ဒီအက်စ်ဟာ နိုင်ငံတော်ရဲ့ စီးပွားရေး တိုးတက်ရေးနဲ့ လူနေမှုအဆင့်အတန်း မြင့်မားရေးကို ထိခိုက်စေနိုင်ပါတယ်။ အိတ်ခ်ျအိုင်ဗွီ၊ အေအိုင်ဒီအက်စ် ဖြစ်ပွားမှုနှုန်း မြင့်မားနေတဲ့ နိုင်ငံတနိုင်ငံမှာ ရင်းနှီးမြှုပ်နှံတဲ့အခါ အလုပ်ရှင်တွေအတွက် ပျက်ကွက်မှု၊ ဆေးကုသမှုစရ်ိတ် စတဲ့ တိုက်ရိုက်ဖြစ်စေ၊ သွယ်ဝိုက်ဖြစ်စေ ကုန်ကျမှုတွေ ဖြစ်စေပါတယ်။ ဒါတွေဟာ ကိုယ်ပိုင်ရင်းနှီးမြှုပ်နှံမှုကို ထိခိုက်စေနိုင်သလို နိုင်ငံခြားတိုက်ရိုက်ရင်းနှီးမြှုပ်နှံမှု ကိုလဲ လျော့ပါးစေပါတယ်။ နိုင်ငံခြားရင်းနှီး မြှုပ်နှံသူတွေရဲ့ စီးပွားရေး အဆောက်အအုံ ရေရှည်တည်တံ့ ခိုင်မြဲမှုအပေါ်မှာ ယုံကြည်မှု လျော့နည်းစေပါတယ်။ နိုင်ငံခြားတိုက်ရိုက်ရင်းနှီးမြှုပ်နှံမှုဆိုတာ ရင်းနှီးမြှုပ်နှံသူတွေဘက်က လူအား၊ ငွေအား တန်ဖိုးကြီးကြီး ပေးဆပ်ရင်းနှီးထားရတာဖြစ်ပါတယ်။ ဒါကြောင့်လဲ နိုင်ငံတကာ စီးပွားရေး လုပ်ငန်းတွေအနေနဲ့ ရင်းနှီးမြှုပ်နှံမှု မလုပ်ခင်မှာ သက်ဆိုင်ရာနိုင်ငံနဲ့ ပတ်သက်ပြီး risk analysis လုပ်ကြပါတယ်။ ဒီလိုလုပ်ရာမှာ Political risks, Social risks, foreign exchange exposure management စတာတွေ ပြုလုပ်ရပါတယ်။ ဒါကြောင့်လဲ နိုင်ငံရေးတည်ငြိမ်မှုမရှိတဲ့ နိုင်ငံတွေ၊ စီးပွားရေး စီမံခန့်ခွဲမှု စနစ်တကျ မရှိတဲ့ နိုင်ငံတွေ၊ ငွေကြေးဖောင်းပွမှုနှုန်းမြင့်မားတဲ့နိုင်ငံတွေ၊ ကျန်းမာရေးစောင့်ရှောက်မှု အားနည်းချက်ကြောင့် ကူးစက်ရောဂါပျံ့ပွားမှုနှုန်း မြင့်မားနေတဲ့ နိုင်ငံတွေ၊ ပညာရေး အဆင့်အတန်း နိမ့်ပါးမှုကြောင့် လိုအပ်တဲ့ လူ့စွမ်းအား အရင်းအမြစ် နည်းပါးတဲ့ နိုင်ငံတွေမှာ နိုင်ငံခြားရင်းနှီးမြှုပ်နှံမှု မြင့်မားလာဖို့ ဆိုတာ အလွန်ပဲ ခဲယဉ်းပါတယ်။ များသောအားဖြင့် အစိုးရတွေက ဒီလိုအားနည်းချက်တွေကို နိုင်ငံတကာစီးပွားရေး ပိတ်ဆို့မှုကြောင့်လို့ ဆိုပြီး လူထုကို အာရုံလွှဲတတ်လေ့ရှိပါတယ်။ တကယ်ပြန်ဖွင့်လာတဲ့အခါမှာ တကယ်မျှော်မှန်းသလောက် နိုင်ငံခြားရင်းနှီးမြှုပ်နှံမှု မ၀င်လာတော့မှ အမှန်တရားကို သိမြင်လာကြပြီး၊ အဲဒီအချိန်ကျမှ လူထုလှုပ်ရှားမှုတွေ ထွက်ပေါ်လာပြီး အာဏာရှင် အစိုးရကို ဖြုတ်ချမှုတွေလဲ ပေါ်ထွက်လာတတ်ပါတယ်။ ကားမတော်တဆဖြစ်မှုတိုင်းဟာ မီးပွိုင့်အချက်ပြမှုမှားတာကြောင့် မဖြစ်နိုင်ပါဘူး။ မဆင်မခြင် မောင်းနှင်တာလဲ ဖြစ်ချင် ဖြစ်နေနိုင်ပါတယ်။

ဒီသုံးရပ်အပြင် အိတ်ခ်ျအိုင်ဗွီ၊ အေအိုင်ဒီအက်စ် ရဲ့ နိုင်ငံတော်လုံခြုံရေးကို အကြီးမားဆုံး ခြိမ်းချေုာက်မှုကတော့ ဒီကူးစက်ရောဂါပိုးဟာ နိုင်ငံတော် ပြိုလဲမှု ဖြစ်စဉ်ကြီး သုံးခုဖြစ်တဲ့ စီးပွားရေးအဆောက်အအုံ ပြောင်းလဲမှု၊ ပျက်ယွင်းမှု ဖြစ်စဉ်၊ ဒေသဆိုင်ရာနဲ့ နိုင်ငံတော်အဆင့်မှာရှိနေတဲ့ political institutions တွေ ရဲ့ အုပ်ချုပ်ရေးယန္တရား ပျက်ယွင်းမှုဖြစ်စဉ်နဲ့ social institutions တွေ ဖြစ်တဲ့ မိသားစု၊ ပညာရေးစနစ်၊ ကျန်းမာရေးစနစ် ပျက်ယွင်းမှုဖြစ်စဉ်တွေကို ဖြစ်စေနိုင်လို့ပဲ ဖြစ်ပါတယ်။

ဇီဝအကြမ်းဖက်မှု
ဇီဝလက်နက်ပစ္စည်းတွေနဲ့ ပတ်သက်တဲ့ စိုးရိမ်ပူပန်မှုတွေဟာ ဆိုဗီယက်ယူနီယံကြီး ပြိုကွဲသွားတဲ့ နောက်ပိုင်းမှာ ထွက်ပေါ်လာခဲ့တဲ့ ဇီဝလက်နက်ပစ္စည်းထုတ်လုပ်မှုနည်းပညာများ ပျံ့နှံ့သွားမှုဆိုင်ရာ ထောက်လှမ်းရေး မှတ်တမ်းတွေက စတင်ခဲ့တာ ဖြစ်ပါတယ်။ အဲဒီအခြေအနေက ဖြစ်ခဲ့တဲ့ နိုင်ငံရေး၊ စီးပွားရေး မတည်ငြိမ်မှုတွေ၊ ရာဇ၀တ်မှုဂိုဏ်းအများအပြား ထွက်ပေါ်လာမှုတွေကြောင့် ဇီဝလက်နက်ပစ္စည်းတွေကို အကြမ်းဖက်အဖွဲ့အစည်းတွေနဲ့ rogue states တွေဖြစ်တဲ့ အီရန်၊ အီရတ်၊ မြောက်ကိုးရီးယား၊ ဆီးရီးယား၊ လစ်ဗျားနိုင်ငံတွေဆီ ရောင်းချမှုတွေ ရှိခဲ့လိမ့်မယ်လို့ နိုင်ငံတကာလုံခြုံရေး အသိုင်းအ၀ိုင်းက ယူဆထားခဲ့ကြပါတယ်။ သံသယဖြစ်ဖွယ်တွေ့ရှိချက်တွေကတော့ ၁၉၉၀၊ ၁၉၉၁ ပင်လယ်ကွေ့စစ်ပွဲ မတိုင်မီကာလမှာ အီရတ်နိုင်ငံဟာ ဇီဝပစ္စည်းတွေဖြစ်တဲ့ anthrax, botulinum toxin, small pox နဲ့ တခြား ဇီဝပိုးမွှားတွေကို စုဆောင်းခဲ့တာပဲ ဖြစ်ပါတယ်။ ဇီဝလက်နက်အသုံးချတိုက်ခိုက်မှုတွေ ဖြစ်တဲ့ Kurdish လူမျိုးတွေအပေါ် အီရတ်အစိုးရရဲ့ ဇီဝလက်နက် အသုံးပြုတိုက်ခိုက်တဲ့ ၁၉၈၈ နိုင်ငံတော်အကြမ်းဖက်မှု၊ Rajneesh Bhagwan နောက်လိုက်တွေရဲ့ အမေရိကန်ပြည်ထောင်စုမှာ salmonella ဇီဝပိုးမွှား ပျံ့နှံ့အောင် ကြိုးပမ်းမှု၊ ၁၉၉၅ ခု တိုကျို မြေအောက်ရထားကို sarin ဆိုတဲ့ ဇီဝပိုးမွှားအသုံးပြုပြီး တိုက်ခိုက်ခံရမှု စတာတွေကလဲ ဇီဝအကြမ်းဖက်မှုနဲ့ ပတ်သက်တဲ့ စိုးရိမ်မှုတွေကို မြင့်မားစေခဲ့ပါတယ်။

စက်တင်ဘာ ၁၁ ကိစ္စရပ် အမေရိကန်ပြည်ထောင်စုမှာ မပေါ်ပေါက်လာခင်ကတည်းက နိုင်ငံတကာ ပြည်သူ့ကျန်းမာရေး အသိုင်းအ၀ိုင်းနဲ့ လုံခြုံရေး အသိုင်းအ၀ိုင်းတွေအတွင်းမှာ ဇီဝအကြမ်းဖက်တိုက်ခိုက်မှု ကာကွယ်ရေးနဲ့ တုန့်ပြန်ဆောင်ရွက်ရေး နည်းလမ်းတွေကို စုပေါင်း အဖြေရှာနေခဲ့ကြပါတယ်။ ၁၉၇၂ ခု၊ ဇီဝနဲ့ အဆိပ်ဖြစ်စေတတ်သော လက်နက်ပစ္စည်းဆိုင်ရာ သဘောတူစာချုပ်ကို အားကောင်းလာစေရန် ဆောင်ရွက်ရေး၊ ထောက်လှမ်းရေးသတင်း အချက်အလက်များ အချိန်မှီရရှိရေး၊ ဇီဝလက်နက် ပစ္စည်းပံ့ပိုးသူများနဲ့ ၀ယ်ယူသူများကို ဖော်ထုတ်ရေး စတဲ့ လုပ်ငန်းဆောင်တာတွေကို အာရုံစိုက် လုပ်ကိုင်နေခဲ့ကြပြီ ဖြစ်ပါတယ်။ လူထုကာကွယ်ရေးနဲ့ တိုက်ခိုက်မှုဖြစ်ပွားလာပါက အရေးပေါ်တုန့်ပြန်ရေး ဆိုင်ရာတွေကိုလဲ ထောက်လှမ်းရေးအဖွဲ့အစည်းများနဲ့ ပြည်သူ့ကျန်းမာရေး ပညာရှင်များ ပူးပေါင်းပြီး စီမံချက်တွေ ရေးဆွဲချမှတ်လာခဲ့ကြပါတယ်။

9/11 အပြီးမှာ ဖြစ်ပွားခဲ့တဲ့ သတင်းနဲ့ မီဒီယာတွေ၊ ကွန်ဂရက်ရုံးဌာနေတွေဆီကို anthrax spores များပါတဲ့ စာများ ပေးပို့ခံရမှုနောက်ပိုင်းမှာကျတော့ ဇီဝအကြမ်းဖက်မှုပြဿနာက နိုင်ငံတော်လုံခြုံရေး ဆိုင်ရာ ထိပ်တန်းပြဿနာတွေထဲမှာ ပါဝင်လာပါတော့တယ်။ အမေရိကန်ပြည်ထောင်စုမှာဆိုရင် ၂၀၀၂ ခုနှစ်မှာ ပြည်သူ့ကျန်းမာရေးလုံခြုံရေးနှင့် ဇီဝအကြမ်းဖက်မှုဆိုင်ရာ ဥပဒေမူကြမ်းကို လက်မှတ်ရေးထိုးခဲ့ပြီး၊ ပြည်သူ့ကျန်းမာရေးကို နိုင်ငံတော်လုံခြုံရေးဆိုင်ရာ ကိစ္စရပ်တခုအနေနဲ့ တရားဝင် ထည့်သွင်းလာခဲ့ပါတယ်။ ယူကေ၊ ကနေဒါနဲ့ သြစတြေးလျ နိုင်ငံများမှာလဲ ဆိပ်ကမ်းမှ ၀င်လာတဲ့ အစားအစာများကို စစ်ဆေးခြင်း၊ ဇီဝပစ္စည်းများကို ရှာဖွေဖော်ထုတ်ခြင်း၊ ဆက်သွယ်ရေးကွန်ယက်များ ဖြန့်ကျက်ခြင်း၊ ကာကွယ်ဆေးများ စုဆောင်းထားရှိခြင်း၊ ဆေးဝါးသစ်များ ဖော်ထုတ်ခြင်း စတဲ့ ဇီဝပိုးမွှားဆိုင်ရာ ပြည်ထဲရေး မဟာဗျူဟာများကို ချမှတ်လာခဲ့ကြပါတယ်။

နိုင်ငံတကာအဆင့်မှာလဲ တုန့်ပြန်ဆောင်ရွက်ရေးနဲ့ ပြင်ဆင်ရေးဆိုင်ရာ အစည်းအဝေးများစွာ ထွက်ပေါ်လာခဲ့သလို၊ ကမ္ဘာ့ကျန်းမာရေးအဖွဲ့ကြီးကလဲ Global Outbreak Alert and Response Network ကို အသုံးပြုပြီး စောင့်ကြည့်လေ့လာရေးနဲ့ တုန့်ပြန်ဆောင်ရွက်ရေး နည်းလမ်းများကို အကောင် အထည်ဖော်ဖို့ နိုင်ငံအားလုံးကို တိုက်တွန်းခဲ့ပါတယ်။ နိုင်ငံများစွာက အစိုးရတွေ၊ နိုင်ငံတကာ အဖွဲ့အစည်းတွေကလဲ ဇီဝအကြမ်းဖက်တိုက်ခိုက်မှုကာကွယ်ရေးနဲ့ တုန့်ပြန်ဆောင်ရွက်ရေးဆိုင်ရာ လေ့လာမှုများစွာကို ပြည်သူ့ကျန်းမာရေးပညာရှင်တွေ၊ စစ်ရေးနဲ့ အကြမ်းဖက်မှု လေ့လာရေးပညာရှင်တွေ အကူအညီနဲ့ ပြုလုပ်နေကြပါတယ်။

နိဂုံး

ယနေ့ခေတ် ၂၁ ရာစုကမ္ဘာကြီးဟာ ပြောင်းလဲမှုပေါင်းများစွာ ဖြစ်ပွားနေတဲ့ ကမ္ဘာကြီးဖြစ်ပါတယ်။ ၂၀ ရာစု ကမ္ဘာကြီးဆီက အတွေးအခေါ်ဟောင်းတွေဖြစ်တဲ့ လုံခြုံရေးဆိုတာ စစ်ရေး၊ နိုင်ငံရေးနဲ့ပဲ ဆိုင်တယ်ဆိုတဲ့ အတွေးအခေါ်တွေ၊ သိပ္ပံပညာနဲ့ ၀ိဇ္ဇာပညာကို သီးခြားခွဲမှုတွေ၊ ကျန်းမာရေးဆိုတာ လူတွေရဲ့ ရောဂါတွေကို ကုသတာဖြစ်တယ်။ ဒါကြောင့် ကျန်းမာရေးလုပ်သားတွေဟာ နိုင်ငံရေး၊ စစ်ရေး၊ လုံခြုံရေး နဲ့ မသက်ဆိုင်ဘူးဆိုတဲ့ အတွေးအခေါ်တွေဟာ ရာစုဟောင်းထဲမှာ ကျန်ရစ်ခဲ့ပြီဖြစ်ပါတယ်။ စစ်ရေး၊ နိုင်ငံရေး၊ စီးပွားရေး၊ လူမှုရေး၊ ကျန်းမာရေး၊ ပညာရေး၊ ကုန်သွယ်ရေး၊ လုံခြုံရေးတွေဟာ လူသားတွေနဲ့ နေ့စဉ်လူမှုဘ၀ကို တိုက်ရိုက်သက်ရောက်မှုတွေ ရှိနေပြီ ဖြစ်ပါကြောင်း ရေးသားတင်ပြလိုက်ရပါတယ်ရှင်။

ခင်မမမျိုး (၂၅၊ ၉၊ ၂၀၀၉)

ရည်ညွှန်းကိုးကား-

Central Intelligence Agency (CIA) (2000) The Global Infectious Disease Threat and its implications for the United States, National Intelligence Estimate (NIE99-17D)

Elbe, S. (2003) The Strategic Implications of HIV/ AIDS, Adelphi paper 357, International Institute of Strategic Studies, Oxford University Press, Oxford

Garrett, L. (2005) HIV and National Security: Where are the Links?, Council on Foreign Relations, New York

McInnes, C. & Lee, K. (2006) 'Health security and Foreign Policy', Review of International Studies, 32 (1), 5-23

McInnes, C. (2008) 'Health' in Williams, P. (ed.) Security Studies, Routledge, London & New York

Ostergard, R. (ed.) (2006) HIV, AIDS and the Threat to National and International security, Palgrave, London

Price-Smith, A. (2001) The Health of Nations: Infectious diseases, Environmental change, and their effects on National security and Development, MIT Press, Cambridge, MA.

Turner & Hulme (1997) Governance, Administration and Development: Making the State work, Macmillan Press, Basingstoke

Read More...

Collapse...

Legal protection of patients with mental illness

စိတ်ရောဂါ ဝေဒနာရှင်များကို ဥပဒေဖြင့် ကာကွယ်ခြင်း

ဆေးပညာလောကမှာ ကျင့်သုံးတဲ့ သမားကျင့်ဝတ်ဝိနည်း (Medical Ethics) တွေဟာ အနောက်တိုင်း တွေးခေါ် ဒဿနပညာကို အခြေခံပြီး၊ လူနာဖက်က ရပ်တည်ပါတယ်။

အဓိက သမားကျင့်ဝတ်ဝိနည်း လေးသွယ် (Four Principles of Medical Ethics) ကတော့

၁။ လူနာ၏ ကောင်းကျိုးကို ရှေးရှုခြင်း (Beneficence/ Do good)
၂။ လူနာ၏ ဆိုးကျိုးကို ရှောင်ကြဉ်ခြင်း (Non-maleficence/ Do no harm)
၃။ လူနာရဲ့ အချုပ်အချာပိုင်မှု တစ်နည်းအားဖြင့် သူ့ဘ၀အတွက် သူဆုံးဖြတ်နိုင်မှုကို လေးစားရခြင်း
(Respect for autonomy)
၎။ လူနာတွေအပေါ် မျှတရခြင်း (Justice) တို့ ဖြစ်ပါတယ်။

တစ်ခါတရံ ဒီလေးခု အချင်းချင်း ထိပ်တိုက်တွေ့တဲ့အခါမျိုးမှာတော့ လူနာရဲ့ အချုပ်အချာပိုင်မှုကို လေးစားရခြင်း (Respect for autonomy) က ရှေ့တန်းတင်ခံရတာ များပါတယ်။ ဆရာဝန်က ဘယ်လောက် ကောင်းတယ်ထင်ထင် လူနာမှာ စဉ်းစားဆုံးဖြတ်နိုင်စွမ်း ရှိလို့ကတော့ လူနာရဲ့ ရွေးချယ်မှုကသာ အတည်ဖြစ်ပါတယ်။ ရောဂါ ရှည်ညောင်းစေမယ့် ဆေးမျိုး၊ ကုထုံးမျိုးကို ဆရာဝန်က လူနာရဲ့ ကောင်းကျိုးကို ရှေးရှုပြီး ညွှန်းပေမယ့် လူနာက အကြောင်းကြောင်းကြောင့် (ဥပမာ ကင်ဆာဆေး chemotherapy ဆိုရင် ဆေးကြောင့်ရတဲ့ ဘေးထွက်ဆိုးကျိုးတွေကို မခံစားနိုင် မခံစားချင်လို့) ငြင်းဆန်တာမျိုးပေါ့။ သေသေချာချာ (အကျိုးအပြစ် စေ့ငအောင်) ရှင်းပြဆွေးနွေးပြီးသားတော့ ဖြစ်ရပါမယ်။

လူနာရဲ့ ရွေးချယ်မှုနဲ့ ဆန့်ကျင်ပြီး ကုသခွင့် ရှိတာ စိတ်ရောဂါ ဝေဒနာသည်တွေကို ကုသတဲ့နေရာမှာပါ။ သဘောကတော့ စိတ်ရောဂါကြောင့် ချင့်ချိန်ဆုံးဖြတ်နိုင်စွမ်း မရှိတဲ့ အချိန်ကာလ တစ်ခုအတွင်း (တစ်နည်းအားဖြင့် ရောဂါဖောက်နေခိုက်) ဆရာဝန်က လူနာကိုယ်စား ဆုံးဖြတ်ပြီး ကုသင့်တာကို ကုပေးတဲ့သဘောပါ။ ဒါပေမယ့် လုပ်ချင်တိုင်း အရမ်းကာရော လုပ်လို့ မရပါဘူး။ ဖြစ်ရိုးဖြစ်စဉ်နဲ့ မူကွဲနေတဲ့ လုပ်ရပ်မှာ လူနာရော၊ ဆရာဝန်ပါ vulnerable (အကာအကွယ်မဲ့၊ မလုံမခြုံ) ဖြစ်တတ်ပါတယ်။

စိတ်ရောဂါဝေဒနာရှင်တွေဟာ ယေဘုယျအားဖြင့် လူ့အသိုင်းအ၀ိုင်းရဲ့ ပယ်ခြင်း ကြဉ်ခြင်းကို ခံရပြီးသား ဖြစ်ပါတယ်။ မြေနိမ့်ရာ လှံစိုက်တာမျိုး မဖြစ်ရအောင် စိတ်ရောဂါ ဝေဒနာရှင်များကို ကာကွယ်တဲ့ ဥပဒေတွေ ရှိပါတယ်။ နိုင်ငံတိုင်းမှာတော့ မဟုတ်ပါဘူး။ ယူကေမှာဆိုရင် စကော့တလန်မှာ တစ်မျိုး၊ အင်္ဂလန်နဲ့ ဝေလနယ်မှာ တစ်မျိုး၊ မြောက်ပိုင်း အိုင်ယာလန်မှာ တစ်မျိုး နည်းနည်းစီ ကွဲပါတယ်။ ကျွန်မသိတဲ့ အင်္ဂလန်နဲ့ ဝေလနယ်က လုပ်ထုံးလုပ်နည်းကို နည်းနည်း ပြောပြချင်ပါတယ်။

Mental Health Act ရှိတဲ့အတွက် စိတ်ရောဂါ ခံစားနေရတဲ့ လူတစ်ယောက်ကို သူ့ဆန္ဒကို ဆန့်ကျင်ပြီး ဥပဒေအရ ဆေးရုံတင် ဆေးကုနိုင်တဲ့ အခွင့်အရေး ဆရာဝန်မှာ ရှိသလို၊ လူနာမှာလည်း ဒီကိစ္စအပေါ် စိန်ခေါ်အယူခံနိုင်ခွင့်ကို သူ့အခွင့်အရေးအနေနဲ့ အလိုအလျောက် ရပါတယ်။ ဥပဒေသာ မရှိခဲ့ရင် ဒီလို လုပ်ပိုင်ခွင့် ရှိတာကို လူနာတွေ သိချင်မှ သိ၊ ရချင်မှ ရမှာပေါ့။ တခြားလမ်းကြောင်းကနေ အယူခံတော့လည်း အချိန် ပိုကြာရင် ကြာမယ်။ ဒါမှမဟုတ် ဆေးရုံပေါ် မူတည်လို့၊ လူနာ မျက်နှာ ရှိ၊မရှိပေါ် မူတည်လို့ တုံ့ပြန်ရလဒ်ချင်း မတူတာမျိုးလည်း ဖြစ်ရင်ဖြစ်မယ်ပေါ့။

လူတစ်ယောက်ဟာ စိတ်ပူရလောက်အောင် စိတ်ဖောက်ပြန်လာရင် အများအားဖြင့် အဲဒီလူရဲ့ မိသားစုက မိသားစု ဆရာဝန် (General Practitioner-GP) ကို အကြောင်းကြားတတ်ပါတယ်။ မိသားစုဆရာဝန်က ပဏာမ သွားကြည့်ပြီး ဒီလူဟာ တခြားရောဂါ မဟုတ်ပဲ စိတ်ရောဂါကြောင့် ဒီလို ဖြစ်နေတယ်၊ တကယ်လည်း နောက်တစ်ဆင့် စစ်ဆေးဖို့ လိုအပ်နေပြီလို့ ထင်ရင် Mental Health Act assessment လို့ခေါ်တဲ့ အထူးစစ်ဆေးမှုအတွက် တာဝန်ကျ လူမှုဝန်ထမ်း အရာရှိ (Approved Social Worker - ASW) ကို အကြောင်းကြားပါတယ်။ များသောအားဖြင့် ဒီလိုစစ်ဆေးမှုဟာ ဒီလူ(လူနာ)ရဲ့ အိမ်မှာ ဖြစ်တတ်ပါတယ်။ လူနာက အရမ်းကြီး သောင်းကျန်းမနေဘူး၊ သူ့မိသားစုကလည်း စစ်ဆေးမယ့်အဖွဲ့ မလာမချင်း လူနာကို စောင့်ရှောက်ပေးဖို့ လိုလားစိတ်ချတယ် ဆိုရင်ပေါ့။

အဲဒီလို မဟုတ်ပဲ လူနာက ရောဂါကြောင့် အနားက မိသားစုဝင်တွေကို ရန်ပြုခြိမ်းခြောက်နေမယ် ဆိုရင်တော့ မိသားစုဆရာဝန် သို့မဟုတ် မိသားစုကိုယ်တိုင်က ရဲကို အကြောင်းကြားပါတယ်။ ရဲက “လုံခြုံစိတ်ချရရာ နေရာ” (ဥပမာ ဆေးရုံ အရေးပေါ်ဌာန သို့မဟုတ် များသောအားဖြင့် ရဲစခန်း) ကို ခေါ်သွားရပါတယ်။ ရဲစခန်းရောက်ပြီးတဲ့အခါ တာဝန်ကျ လူမှုဝန်ထမ်း အရာရှိ (ASW) ကို ခေါ်ပါတယ်။ ဒီလို မဟုတ်ပဲ လမ်းပေါ်မှာ လျှောက်ရမ်း သို့မဟုတ် အန္တရာယ် မရှောင် လျှောက်သွားနေလို့ ရဲကဖမ်းလာတဲ့လူ ဆိုရင်လည်း မှုခင်းဆရာဝန်က အရင် စစ်ဆေးပြီး စိတ်ရောဂါကြောင့် ဖြစ်နိုင်တယ်-လို့ ထင်ရင် အထက်ကလိုပဲ ASW ကို ချက်ချင်း ခေါ်ရပါတယ်။ လူနာက တစ်ယောက်တည်း နေပြီး ဘယ်သူ့ကိုမှ အတွေ့မခံ (ဥပမာ လူတွေက သူ့ကို လုပ်ကြံဖို့ နောက်ယောင်ခံနေတယ်-လို့ ရောဂါကြောင့် ယုံကြည်နေ)တာမျိုးဆိုရင် လူနာရဲ့အိမ်ကို ခွင့်ပြုချက် မပါပဲ ၀င်ဖို့ ၀ရမ်း လိုပါတယ်။ ဒီဝရမ်းရဖို့ကို ASW က တာဝန်ကျ တရားသူကြီး (Magistrate) ကို ဆက်သွယ်ပါတယ်။

ASW က Mental Health Act assessment လို့ခေါ်တဲ့ အထူးစစ်ဆေးမှုကို စီစဉ်တဲ့အခါ တစ်ဆေးရုံစီက လာတဲ့ လွတ်လပ်သော ဆရာဝန်နှစ်ဦး (two independent doctors) ကို ရှာရပါတယ်။ အကြောင်းကတော့ ပင်းထားတာ မဟုတ်တဲ့၊ မျှတတဲ့ သဘောထားအမြင်ကို လိုချင်လို့ပါပဲ။ ဒီဆရာဝန်နှစ်ယောက်မှာ အနည်းဆုံးတစ်ယောက်က အတွေ့အကြုံရှိ စိတ်ရောဂါကု ဆရာဝန် ဖြစ်ပါတယ်။ ကျန်တစ်ယောက်ကတော့ ဒီလို အထူးစစ်ဆေးမှုတွေအတွက် လေ့ကျင့်ပေးထားတဲ့ အတွေ့အကြုံရှိ (General Practitioner-GP) ဖြစ်တာ များပါတယ်။ တစ်ခါတလေတော့ အတွေ့အကြုံရှိ စိတ်ရောဂါကု ဆရာဝန် နှစ်ယောက် ဖြစ်တတ်ပါတယ်။ တစ်ဆေးရုံတည်းက မဖြစ်ရပါဘူး။

သုံးယောက်ဆုံရင် လူနာနဲ့ တွေ့ဆုံစစ်ဆေးမှု လုပ်ပါတယ်။ ရဲစခန်းမှာ ဆိုရင်တောင် လူနာကို ချုပ်နှောင်မထားပါဘူး။ Interview အခန်းထဲ ခေါ်၊ မိတ်ဆက်၊ လက်ဆွဲနှုတ်ဆက်ပြီး အေးအေးဆေးဆေး မေးမြန်းတာပါပဲ။ လူနာကလည်း များသောအားဖြင့် ကောင်းကောင်းမွန်မွန် တုံ့ပြန်တတ်ပါတယ်။ လူနာက သောင်းကျန်းနိုင်တဲ့ သာဓက ရှိရင်တော့ ရဲသားများ အခန်းဝမှာ လိုရမယ်ရ ခေါ်ထားရပါတယ်။ သိပ်သောင်းကျန်းနေရင်တော့ cell အပြင်နဲ့အတွင်း တိုတိုနဲ့ လိုရင်း အမေးအဖြေပေါ့။ ဒီလို စစ်ဆေးမှုမှာ တာဝန်ရှိသူအားလုံး ယဉ်ကျေးကြပါတယ်။

ယေဘုယျအားဖြင့် ASW ဟာ လူနာကို ကိုယ်စားပြုပြီး သူ့ရဲ့တာဝန်တစ်ခုက လူနာအတွက် အကောင်းဆုံး ဖြစ်ဖို့၊ လူနာရဲ့ အခွင့်အရေးကို ကာကွယ်ပေးဖို့ ဖြစ်ပါတယ်။ လူနာမိသားစုနဲ့ ဆက်သွယ်ပြီး သူတို့ သဘော၊ သောကတွေကို တိုက်ရိုက် နားထောင်တဲ့သူလည်း ဖြစ်ပါတယ်။ လူနာရဲ့ဆန္ဒကို ဆန့်ကျင်ပြီး ဆေးရုံတင်ရတဲ့ကိစ္စ မလိုအပ်ပဲ မဖြစ်ရလေအောင် ကြိုးစားတတ်ပါတယ်။ လူနာကို နားဝင်အောင် အရှင်းအပြော ကျွမ်းကျင်ညက်ညောကြပါတယ်။ စစ်ဆေးမေးမြန်းပြီးလို့ လူနာက စိတ်ရောဂါကြောင့် မဟုတ်ပဲ အရက် သို့မဟုတ် မူးယစ်ဆေးဝါးကြောင့် ခဏ ကြောင်နေတတ်တာမျိုးဆိုရင် စိတ်ရောဂါဆေးရုံကို မတင်ပါဘူး။

စိတ်ရောဂါ ရှိတယ်လို့ သိပြီးသား လူနာဟောင်း သို့မဟုတ် စိတ်ရောဂါရှိတယ်လို့ တော်တော်လေး သေချာနေတဲ့ လူနာသစ် ဆိုရင်တော့ ဆေးရုံမှာ ကုသင့်သလား၊ နေအိမ်ထိ အရောက် လာကြည့်ပံ့ပိုးမယ့် Home Treatment/ Crisis Resolution Teams တွေနဲ့ ကုသင့်သလား ဆုံးဖြတ်ရပါတယ်။ မလိုအပ်ပဲ ဆေးရုံမတင်ပါဘူး။ ရှေးပုံစံ နှစ်ရှည်လများ လှောင်ထားတဲ့ Mental Asylums/ Institutions (မြန်မာပြည်မှာတော့ အရူးထောင်လို့ ခေါ်ကြတယ် ထင်ပါရဲ့) တွေ မရှိတော့တာ ကြာလှပါပြီ။ ရောဂါဖောက်တုံး ဆေးရုံတက်ကု၊ ပြီးရင် ကိုယ့်အိမ်ကိုယ်ပြန် မိသားစုနဲ့ နေနိုင်ပါတယ်။ အဲဒီလို နေနိုင်အောင် ထိထိရောက်ရောက် ပံ့ပိုးနိုင်တဲ့ ဆေးရုံပြင်ပ ကုသရေးအဖွဲ့တွေ (Home Treatment/ Crisis Resolution Teams) လည်း ရှိတာကိုး။

ဆေးရုံတက်ကုမှ ဖြစ်မယ် ဆိုရင်တော့ လူနာကို အသိပေးရပါတယ်။ သူက သဘောတူရင် ဒါဟာ “မိမိဆန္ဒအလျောက် ဆေးရုံတက်ခြင်း (voluntary admission)” ဖြစ်ပါတယ်။ လူနာက သူ့မှာ ဘာရောဂါမှ မရှိဘူး၊ ဆေးရုံတက်စရာ ဆေးသောက်စရာလည်း မလိုဘူးလို့ ယုံကြည်ပြီး ငြင်းဆန်ရင်တော့ ဥပဒေ သုံးရမလား စဉ်းစားရတော့တယ်။

လူနာဟာ သူ့ရဲ့ ခုလက်ရှိ စိတ်ရောဂါ တစ်မျိုးမျိုး ခံစားနေရတဲ့ လက္ခဏာ ရှိပြီး၊ အဲဒီ လက္ခဏာတွေက

(၁) သူကိုယ်တိုင်ရဲ့ လုံခြုံမှု
(၂) သူကိုယ်တိုင်ရဲ့ ကျန်းမာရေး
(၃) အများသူငါ လူတကာရဲ့ ကောင်းကျိုး လုံခြုံမှု- ထဲက တစ်ခုခု သို့မဟုတ် တစ်ခုထက် ပိုတဲ့ အချက်တွေကို ခြိမ်းခြောက်နေသလား ဆန်းစစ်ရပါတယ်။

ဥပမာ
(၁) စိတ်ဓာတ်ကျရောဂါ အလွန်အမင်း ဆိုးနေသူတစ်ဦးက သတ်သေဖို့ ကြိုးစားတာမျိုး
(၂) စိတ်ကစဉ့်ကလျားရောဂါသည်တစ်ယောက်က သူ သောက်နေကျ စိတ်ရောဂါဆေးတွေကို သူများက အဆိပ်ခတ်ပါတယ်လို့ ယုံပြီး ဆေးမသောက်တော့လို့ ရောဂါဆိုးလာပြီး လုံးဝ မစားမသောက် မအိပ်ပဲ စိုးရိမ်စရာ ဖြစ်လာတာမျိုး
(၃) စိတ်ကြွရောဂါ ဖောက်နေသူတစ်ယောက်ဟာ သူ့ကိုယ်သူ ဂျိမ်းစဘွန်းကဲ့သို့ အထူးသူလျှိုလို့ ယုံကြည်တဲ့အပြင် နောက်က ရန်သူ လိုက်လာတယ် ဆိုပြီး ကားကို ရမ်းကားစွာ မောင်းတာမျိုးပေါ့။

အထက်မှာ ဖော်ပြခဲ့တဲ့ သုံးချက်ထဲက အနည်းဆုံး တစ်ချက်နဲ့ ညီရင် ဥပဒေကို သုံး၊ လူနာရဲ့ဆန္ဒကို ဆန့်ကျင်ပြီး စိတ်ရောဂါကုဆေးရုံကို တင်လို့ ရပါတယ်။ ဒါကို compulsory/ formal admission လို့ ခေါ်ပါတယ်။ ဒါကလည်း အချိန်ကာလ အကန့်အသတ်နဲ့ပါ။ ပုဒ်မပေါ် မူတည်လို့ စစ်ဆေးဖို့ပဲဆိုရင် အကြာဆုံး (၂၈)ရက်၊ ဆေးပါကုဖို့ဆိုရင် အကြာဆုံး (၆)လ အထိပါပဲ။ လိုအပ်ရင်တော့ ထပ်တိုးနိုင်ပါတယ်။ အဲဒီ ဆုံးဖြတ်ချက်ကို ထောက်ခံမယ့် အကြောင်းအရာ ခိုင်ခိုင်လုံလုံ (အထက်က သုံးချက်ထဲက အနည်းဆုံး တစ်ခု) တော့ ရှိရတာပေါ့။ လူနာကို ဒီလို ဆုံးဖြတ်တဲ့အကြောင်း သိအောင် ချက်ချင်း ရှင်းပြရပါတယ်။

ဥပဒေ သုံးပြီး ဆေးရုံတင်တဲ့ ကိစ္စကို ဒီစစ်ဆေးမှုမှာ ပါဝင်သူ သုံးယောက်စလုံး သဘောတူရပါတယ်။ ကျိုးကြောင်းခိုင်လုံရင် ဆရာဝန်နှစ်ယောက်ကြား သဘောထား ကွဲလွဲနိုင်ပါတယ်။ (ဒါက ဖြစ်တော့ ဖြစ်ခဲပါတယ်) အဲဒီလို ကွဲလွဲပြီဆိုတာနဲ့ compulsory/ formal admission လုပ်လို့ မရတော့ပါဘူး။ ဒါဆို risk management ကို ထိရောက်အောင် ဘယ်လို လုပ်မလဲ ဆိုတဲ့ မဟာပြဿနာကို ဆက်ဖြေရှင်းရပါတယ်။ ဒါဟာ ဒီခေါင်းစဉ်ရဲ့ ပြင်ပကို ရောက်သွားပြီမို့ ဆက်မရေးတော့ပါဘူး။

Compulsory/ formal admission ဟာ လူနာအတွက် လမ်းဆုံး မဟုတ်ပါဘူး။ မကျေနပ်ရင် အယူခံ ၀င်နိုင်တဲ့ အခွင့်အရေး ရှိပါတယ်။ ဒါကိုလည်း ASW က တစ်ခါတည်း အသိပေးပါတယ်။ အဲဒီအတွက် ရှေ့နေလည်း ငှားပေးပါတယ်။ ဒီအမှုတွေကို သူ့အချိန် ကန့်သတ်ချက်အတွင်းမှာ ကြားနာရပါတယ်။ နာကြားတဲ့ ခုံအဖွဲ့(Mental Health Review Tribunal) မှာ ဥပဒေ ကျွမ်းကျင်သူ တစ်ဦး၊ စိတ်ရောဂါ အထူးကု တစ်ဦး နဲ့ အရပ်သား တစ်ဦး ပေါင်းသုံးဦး ပါဝင်ပါတယ်။ ဒီအဖွဲ့ကို အယူခံချက်ဆိုင်ရာ ဗဟိုဌာနက စီစဉ်စေလွှတ်တာ ဖြစ်ပြီး၊ တခြားအရပ်ဒေသက လာတာ ဖြစ်ပါတယ်။ လွတ်လပ်မျှတစေတဲ့ သဘောပါပဲ။

ဒီအဖွဲ့က လူနာကို လက်ရှိကုနေတဲ့ စိတ်ရောဂါပါရဂူ၊ လူနာရဲ့ လက်ရှိ သူနာပြုထဲက တစ်ဦး နဲ့ လူမှုဝန်ထမ်းအရာရှိ စုစုပေါင်း သုံးဦးရဲ့ အစီရင်ခံစာ သုံးစောင်ကို ဖတ်ပါတယ်။ လူနာနဲ့လည်း တွေ့ဆုံ စကားပြောပါတယ်။ ပြီးမှ အစီရင်ခံစာတင်တဲ့ အထက်ပါ သုံးဦး၊ လူနာ၊ သူ့ရဲ့ ရှေ့နေတို့နဲ့ မျက်နှာစုံညီ ခုံရုံးထိုင်ပါတယ်။ ဆေးရုံမှာ လာလုပ်တဲ့ ခုံရုံးပေမယ့် ဥပဒေအရ လိုအပ်ချက်တွေအတိုင်း စစ်မေးတာပါ။ ဒီခုံအဖွဲ့က လူနာကို သူ့ဆန္ဒ ဆန့်ကျင်ပြီး ဆေးရုံတင်ထားတာဟာ ဥပဒေနဲ့ မညီဘူးလို့ တွေ့ရှိရင် နဂိုပုဒ်မ ပျက်ပျယ်ပြီး လူနာလည်း သူ့သဘော သူဆောင်ခွင့် ရပါတယ်။ ဆေးရုံက ဆင်းနိုင်တယ်ပေါ့။ ကိုက်ညီရင်တော့ ဆေးကုဖို့ လိုသလောက် ဆေးရုံမှာ ဆက်နေရပါတယ်။

ဆေးရုံပေါ်မှာ ဆေးကုလိုက်လို့ လူနာက သက်သာလာပြီး ဆရာဝန်နဲ့ ပြောဆိုဆွေးနွေးနိုင်တဲ့ အခြေအနေကို ပြန်ရောက်ပြီ ဆိုရင်တော့ လူနာနဲ့ ဆရာဝန် ပွင့်ပွင့်လင်းလင်း ရှေ့ကုထုံးကို ဆွေးနွေးနိုင်ပါပြီ။ လူနာရဲ့ အချုပ်အချာပိုင်မှုကို လေးစားရခြင်း (Respect for autonomy) ပြန်တည်သွားပြီပေါ့။ လူနာကလည်း သူ့ကောင်းကျိုးအတွက်မှန်း လက်ခံလာလို့ အသာတကြည်ပဲ ဆေးရုံမှာ ဆက်နေဖို့ သဘောတူတတ်ပါတယ်။ ဒါဆို ဥပဒေ သုံးပြီး ဆေးရုံတင်ထားတဲ့ ကိစ္စကို သူ့ကို ကုနေတဲ့ စိတ်ရောဂါပါရဂူကြီးက ပယ်ဖျက်ပေးနိုင်ပါတယ်။ “မိမိဆန္ဒအလျောက် ဆေးရုံတက်ခြင်း (voluntary admission)” ပြန်ဖြစ်သွားတာပေါ့။

ဒီလောက်ဆို သာမန်လူထုရဲ့ ကြဉ်ခြင်း၊ ပယ်ခြင်းကို မသိမသာရော၊ သိသိသာသာပါ ခံရတဲ့ စိတ်ရောဂါ ဝေဒနာရှင်တွေကို ဥပဒေကပေးတဲ့ အကာအကွယ်အကြောင်း တစ်စေ့တစ်စောင်းလေး စုံသလောက် ဖြစ်သွားပါပြီ။ အရမ်းကြီး ရှုပ်ထွေးမသွားဘူးလို့တော့ မျှော်လင့်ပါတယ်။ တခြားနိုင်ငံတွေက အတွေ့အကြုံတွေ ရှိရင်လည်း ကြားသိလိုပါတယ်။ ကျေးဇူးတင်ပါတယ်။

(ကိုယ်ပိုင်ဘလော့ဂ်မှာ တင်ပြီးသား ပို့စ် ဖြစ်ပါတယ်။ စိတ်ဝင်စားလောက်မယ် ထင်လို့ရော၊ တုံ့ပြန်မှုကို သိလိုတာကြောင့်ရော၊ မရေးနိုင်တာ ကြာနေလို့ အားနာတာကြောင့်ရော ဒီမှာ ပြန်တင်လိုက်တာပါ။ လွတ်လပ်စွာ ဝေဖန်နိုင်ပါတယ်)

Read More...

Collapse...

Light Bulb & Candle

လျှပ်စီးမီးလုံးနှင့် ဖယောင်းတိုင်

(၁)

အိမ်ပြန်ရောက်တော့ အတော်ပင် မှောင်နေပြီ။ ယူကေ ဆောင်းတွင်းမှာ ညနေ လေးနာရီကျော် ကတည်းက အမှောင်ထု လွှမ်းနေတာမို့ သူမ အိမ်ပြန်ရောက်ချိန်မှာ အမှောင်ထု သိပ်သည်း နေတတ် စမြဲ။ ဧည့်ခန်းထဲ ရောက်လာတော့ မီးခလုတ်ကို သူမ ဖွင့်လိုက်သည်။ သားလေးက တွန်းလှည်းလေးထဲမှာ အိပ်ပျော်နေတုန်း စာအမြန် ဖတ်ဦးမှ။ ညနေ အလုပ် ဆင်းသည်နှင့် ဆိုင်တစ်ဆိုင်ဆိုင်မှာ ကပျာကယာ မုန့်ဝင်စားပြီး၊ ညသန်းခေါင်ထိ ဖွင့်တဲ့ ကျောင်းစာကြည့်တိုက်မှာ သန်းခေါင်ချိန်ထိ စာထိုင်ဖတ် ပြီးမှ အိမ်ပြန်လာလေ့ရှိတဲ့ အတိတ်ဘ၀လေးကို သတိရမိသွားသည်။ အိမ်ပြန်ရောက်သည့် အခါတိုင်း သက်မဲ့စာအုပ်တွေ မဟုတ်တော့ဘဲ သက်ရှိ စာအုပ်လေးကို ဖတ်နေဖြစ်ခဲ့တာ နှစ်နှစ်တောင် ကြာလာခဲ့ပြီပဲ။ ဘာပဲပြောပြော ဒီညတော့ သက်မဲ့ စာလေး ထိုင်ဖတ်ဦးမှပါလေ။

သို့ပေမယ့် သူမ စိတ်ကူးတို့က ချက်ချင်း အကောင်အထည် ပေါ်မလာ။ မီးခလုတ် နှိပ်ပေမယ့် မီးက လင်းမလာခဲ့။ ဖွင့်လိုက်ပိတ်လိုက် ပြန်လုပ်ကြည့်သည်။ အိပ်ခန်းထဲက မီးခလုတ်ဖွင့်ကြည့်သည်။ ဒီတော့မှ အဖြေက ပေါ်လာသည်။ ဧည့်ခန်းထဲက မီးလုံးလေး ကျွမ်းသွားသည်ပဲ။ ညကြီးမင်းကြီး စတိုခန်း ဖွင့်ပြီးလဲ မီးလုံးသစ်နဲ့ လှေကားလဲ သွားမယူချင်။ သားပစ္စည်းတွေနဲ့ ပြည့်နေတဲ့ အိပ်ခန်းထဲမှာလဲ မထိုင်ချင်။ ဒီတော့ အကြံထုတ်ရသည်။ ထမင်းစား စားပွဲပေါ်မှာ တစ်ခါတစ်ရံ ထွန်းလေ့ရှိသည့် ဖယောင်းတိုင်လေး ရှိနေတာမို့ အဆင်ပြေသွားသည်။ လူပင်ပန်း၊ စိတ်ပင်ပန်းနှင့် သိပ်ပင်ပန်းသည့် ညများမှာ မီးညှိပြီး အနားယူဖို့ ထားထားသည့် အနံမွှေးသော ဖယောင်းတိုင်လေးများကလဲ ရှိသေးသည်။ အားလုံး ထွန်းညှိလိုက်တော့ စာဖတ်လို့ ရလောက်သည့် အလင်းရောင်လေး ရလာသည်။

သူမ ဖတ်ဖြစ်သည့် စာအုပ်က Raymond Lamont-Brown ရေးသားသည့် Kamikaze ဆိုတဲ့ စာအုပ်။ ဒုတိယကမ္ဘာစစ်တုန်းက မဟာမိတ်စစ်သင်္ဘောများပေါ်သို့ လေယာဉ်များ ထိုးစိုက်ချပြီး အသေခံ တိုက်ပွဲဝင်သွားသည့် ဂျပန် အသေခံ ဆာမူရိုင်းများ အကြောင်း ရေးထားသည့် စာအုပ်။ ဒီလို စာအုပ်လေးတွေကို သူမ စိတ်ဝင်စားသည်။ အထူးသဖြင့် သူတို့ရဲ့ စိတ်ပိုင်းဆိုင်ရာနဲ့ အိုင်ဒီရော်လော်ဂျီများ။ တိုင်းပြည်နဲ့ လူမျိုးအတွက် ဆိုပြီး ရန်သူကို အသေခံ ချေမှုန်းသွားသည့် အဆိုပါ ဆာမူရိုင်းများ၊ တိုင်းပြည် ကံကြမ္မာအတွက် ရန်သူ သေနတ် ပြောင်းဝရှေ့ကို လက်နက် တစ်စုံတစ်ရာ မပါဘဲ တိုးဝင်သွားရဲခဲ့ကြသည့် ကမ္ဘာအရပ်ရပ်မှ အကြမ်းမဖက် ဆန္ဒပြသူများ၊ ယုံကြည်ချက် တစ်စုံတစ်ရာကြောင့် ကြိုးစင်ထက်ကို ရဲရဲဝံ့ဝံ့ လှမ်းတက်သွား ခဲ့ဖူးသည့် တော်လှန်ရေးသမားများ၊ ကမ္ဘာတစ်ဝှမ်းမှာ ဖြစ်ပွားနေသော အသေခံ ဗုံးဖောက်ခွဲမှု လုပ်နေသည့် အစွန်းရောက်များ။ သူတို့အားလုံး၏ ကလေးသူငယ် ဘ၀ ဖြတ်သန်းမှု စိတ်နေစိတ်ထား၊ ကြီးပြင်းခဲ့ရာ ပတ်ဝန်းကျင်၊ သူတို့ ဘ၀မှာ သက်ရောက်မှု ရှိခဲ့သည့် အတွေးအခေါ်တွေ၊ တွန်းအားတွေ၊ ဒါလေးတွေကို လေ့လာပြီး တစ်နေ့ကျရင်တော့ သုတေသန လေ့လာ ဆန်းစစ်ချက်လေး တစ်ခု လုပ်ဦးမယ်လို့ စိတ်ကူးထားမိသည်။ ဒါကြောင့်လဲ ပတ်သက်သမျှ စာအုပ်စာတမ်းလေးတွေကို သီအိုရီ ရှုထောင့်မှ မဟုတ်ဘဲ၊ တစ်ဦးချင်းစီရဲ့ အတိတ်ဘ၀လေးတွေ အထိ စိတ်ဝင်တစား လေ့လာနေမိသည်။

ကလော့စ်ဝစ် ဆိုခဲ့ဖူးသည့် friction ဆိုတဲ့ လွဲချော်မှုလေးတွေဟာ စစ်ပွဲများတင် မကဘဲ နေရာတိုင်းမှာ ရှိသည် ထင်ပ။ စာအုပ်လေးကို ကိုင်ပြီး ဖတ်မယ် လုပ်ခါမှ အစီအရီ ထွန်းထားသည့် ဖယောင်းတိုင်လေးတွေကို ကြည့်မိရင်း သူမ အတွေးထဲသို့ တစ်စုံတစ်ရာက ချဉ်းနင်း ၀င်ရောက်လာသည်။ ပထမ အစကျတော့ တန်ဆောင်တိုင် ပွဲတော်လေး။ နောက်တော့ မွေးရပ်မြေ။ နောက်တော့ မြန်မာနိုင်ငံ၊ ဒီလိုနဲ့ အတွေးတွေက တစ်စတစ်စ ကျယ်ပြန့်သွားရင်း လတ်တလော ဖြစ်နေကြသည့် ဖွံ့ဖြိုးတိုးတက်ရေးဆိုင်ရာ၊ ဆင်းရဲနွမ်းပါးမှု ဆိုင်ရာ ငြင်းခုံ ဆွေးနွေးနေကြမှုများဆီ အတွေးက ရောက်သွားသည်။

(၂)

ဖွံ့ဖြိုး တိုးတက်ရေး။

ဒီစကားလုံးလေး သူမ အတွေးထဲသို့ ခိုဝင်လာခဲ့သည်မှာ သူမ ငါးနှစ်ခန့်က ဖြစ်မည် ထင်သည်။ ဒီတုန်းက တီဗွီမှာ မြန်မာသတင်းကလဲ မိနစ်နှစ်ဆယ်ခန့်သာ ပြသည်။ နိုင်ငံတကာ သတင်းကလဲ ခဏတာမျှသာ။ သို့ပေမယ့် အဖိုးနဲ့အတူ နိုင်ငံတကာ သတင်း ကြည့်ဖို့ ထိုင်စောင့်ရတာက ထိုစဉ်က အလုပ်တစ်ခု။ ဒီအချိန်ကာလက ကမ္ဘာတစ်ဝှမ်း သတင်းများမှာ အီသီးယိုပီးယား ငတ်မွတ် ခေါင်းပါးမှု ပြဿနာက နေရာယူ လွှမ်းမိုး ထားသည့် ကာလ။ ရွက်ဖျင်တဲလေးတွေ။ ကလေးငယ်လေးတွေ။ ပုံရိပ်များက သူမ နှလုံးသားထဲ တိုးဝင် လာခဲ့ကြသည်။ ဘာမှန်းတွေ သေချာ မသိပေမယ့် အဖိုး ပြောပြနေသည့် ငတ်မွတ် ခေါင်းပါးမှု ပြဿနာ၊ ဖွံ့ဖြိုး တိုးတက်ရေးဆိုသော စကားလုံးလေးတွေကိုတော့ မှတ်မှတ်ရရ သတိရနေ ဖြစ်ခဲ့သည်။ နောက်ပိုင်းကျတော့ ကျောင်းသူ ဘ၀တစ်လျှောက်မှာ မေမေ ခေါ်သွားဖူးသည့် အေအိုင်ဒီအက်စ် ပညာပေးပြပွဲများ၊ သဘာဝ ပတ်ဝန်းကျင်ဆိုင်ရာ ပညာပေး ပြပွဲများကို ရောက်ခဲ့ရ ပြန်သည်။

သူမသာ ဆေးကျောင်းပြီးအောင် တက်ဖြစ်ခဲ့လျှင် နောက်ပိုင်းမှာ ပြည်သူ့ ကျန်းမာရေး ဘာသာရပ်ကို အထူးပြု ဖြစ်ခဲ့လိမ့်မည် ဖြစ်သည်။ ဘယ်လိုပဲ ပြောပြော အခြေအနေ အရ နောက်ပိုင်းကာလ ပြည်ပမှာ ကျောင်းပြန်တက် ဖြစ်တော့ ငယ်စဉ်က စိတ်ဝင်စားမှုလေးများကို သေချာ လေ့လာခွင့် ရလာခဲ့တော့သည်။ စီးပွားရေး ဆိုင်ရာ မဟာဘွဲ့ တက်ဖြစ်တော့ အဓိက သင်ရမည့် သုံးဘာသာအပြင် နောက်ထပ် ငါးဘာသာကို ကြိုက်ရာ ရွေးချယ်ခွင့်ရခဲ့သည်။ မဆိုင်းမတွပင် political economy အထူးပြု ကဏ္ဍမှ ကျန်းမာရေးဆိုင်ရာ (Health Economics), ပညာရေးဆိုင်ရာ (Economics of Education), ဖွံ့ဖြိုးတိုးတက်ရေးဆိုင်ရာ (Development Economics), ကာကွယ်ရေးဆိုင်ရာ (Defence Economics) နှင့် ဒေသဆိုင်ရာ၊ မြို့ပြဆိုင်ရာ (Regional & Urban Economics) တို့ကို ရွေးချယ်လေ့လာဖြစ်ခဲ့သည်။ နောက်ပိုင်းမှာ နိုင်ငံရေးဆိုင်ရာ သုတေသနဘွဲ့များ ဆက်တက် ဖြစ်သွားတာမို့ နိုင်ငံရေး၊ စစ်မဟာဗျူဟာ လေ့လာရေးနှင့် အပြည်ပြည်ဆိုင်ရာ လုံခြုံရေးဆိုင်ရာတွေမှာ သုတေသီ ဖြစ်လာခဲ့ပေမယ့် ဖွံ့ဖြိုး တိုးတက်ရေး ဆိုင်ရာ ဘာသာရပ်များကတော့ သူမရဲ့ research interests အနေနဲ့ ရှိနေခဲ့ဆဲ။ Public Health and Civil Wars in Burma ဆိုတဲ့ စာတမ်းလေး တစ်ခု သုတေသနလုပ်ဖို့ စပြီးမှ လိုချင်တဲ့ data တွေ အစုံအလင် မရနိုင်တာမို့ ရပ်ထားရ ပြန်သည်။ data မစုံလျှင် Information Bias ရှိနေလိမ့်မည်။ သုတေသီ တစ်ယောက်နဲ့ ၀ါဒ ဖြန့်ချီရေးသမား တစ်ယောက် ထမ်းဆောင်ရမယ့် တာဝန်ချင်းက သဘောသဘာဝ မတူညီတာမို့ အချက်အလက် မစုံဘဲနဲ့တော့ သူမ မလုပ်ချင်ပါ။

ဖွံ့ဖြိုးတိုးတက်ရေးအကြောင်း စဉ်းစားရင်း ဖွံ့ဖြိုး တိုးတက်ရေး ကဏ္ဍရဲ့ အရေးကြီးဆုံး လုပ်ငန်းဆောင်တာ တစ်ခုဖြစ်သော ဆင်းရဲနွမ်းပါးမှု လျှော့ချရေးသို့ သူမ အတွေးများက ရောက်သွားသည်။ နိုင်ငံတစ်နိုင်ငံမှာ ချမ်းသာ၊ ဆင်းရဲ ကွာဟမှု ကြီးထွားနေသရွေ့၊ အခြေခံ ကျန်းမာရေးနှင့် ပညာရေးကို နိုင်ငံသူ၊ နိုင်ငံသား အားလုံး ခံစားခွင့် မရှိနေသရွေ့၊ လူတစ်ဦးအတွက် နေ့စဉ် လိုအပ်သော အာဟာရဓာတ်ကို ဖြည့်ဆည်း ပေးနိုင်သည့် အစာအာဟာရကို လူသားတိုင်း စားသောက်ခွင့် မရှိ နေသရွေ့ အဆိုပါ နိုင်ငံကို ဖွံ့ဖြိုး တိုးတက် နေပြီဟု ပြော၍ မရနိုင်ပါ။ ကမ္ဘာ့ဘဏ်မှ ၁၉၉၀ ခုနှစ်တွင် ထုတ်ဝေသည့် ကမ္ဘာ့ ဖွံ့ဖြိုး တိုးတက်ရေး အစီရင်ခံစာ အရ ဆင်းရဲနွမ်းပါးမှု ပပျောက်ရေးသည် စီးပွားရေး ဖွံ့ဖြိုး တိုးတက်မှု၏ အခြေခံ အကျဆုံးသော ရည်မှန်းချက် တစ်ရပ် ဖြစ်ပါသည်။

ဆင်းရဲနွမ်းပါးမှု ပပျောက်ရေးအတွက် လိုအပ်သော ချဉ်းကပ် နည်းလမ်းများနှင့် ပေါ်လစီများ၊ ပါဝင်ရမည့် လုပ်ငန်းဆောင်တာ အဖွဲ့များကို ပညာရှင်များက macro level, meso level, micro level ဟူ၍ အဆင့် ၃ ဆင့်ခွဲ၍ ဆန်းစစ် သတ်မှတ် ကြပါသည်။

1. macro level

ထိုအဆင့် အနေဖြင့် အဓိက ကြိုးပမ်း ဆောင်ရွက်ရမည့် ချဉ်းကပ် နည်းလမ်းနှစ်ခုမှာ စီးပွားရေး အရ တည်ငြိမ်မှု(economic stabilization) ရှိလာစေရန် ဖြစ်ပါသည်။ ထိုသို့ ဖြစ်ရန် အတွက် စီးပွားရေး ပေါ်လစီတွင် exchange-rate depreciation ပေါ်လစီဖြင့် ညှိယူရပါမည်။ သွယ်ဝိုက် အခွန်များ မြှင့်တင်ခြင်းကို မပြုလုပ်ရပါ။ ဤနည်းလမ်းကို ယူဂန်ဒါတွင် (၁၉၉၀)တွင်လည်းကောင်း၊ မော်ရေးရှတွင် (၁၉၈၀)မှ (၁၉၈၂)အထိ လည်းကောင်း၊ အင်ဒိုနီးရှားတွင် (၁၉၈၀)မှ (၁၉၉၇)အထိ လည်းကောင်း ပြုလုပ်ခဲ့ကြပါသည်။ နောက်တစ်နည်းမှာ social capital တည်ဆောက်ခြင်း ဖြစ်ပါသည်။ ထိုသို့ ပြုလုပ်ရန် နိုင်ငံ အုပ်ချုပ်သူ အစိုးရမှ reputation for trust ကို တည်ဆောက် ရပါမည်။

2. Meso level

ဒီအဆင့်တွင် ချဉ်းကပ် လုပ်ကိုင်နည်း သုံးနည်း ရှိပါသည်။ ပထမတစ်နည်းမှာ လုပ်အား အသုံးပြု ကဏ္ဍများသို့ အရင်းအမြစ်များကို လွှဲပြောင်း အသုံးပြု ရပါမည်။ ထိုသို့ လုပ်ကိုင်ရန် လုပ်ငန်းငယ်များ အများအပြား ပေါ်ပေါက် လာစေရန် အားပေး ဆောင်ရွက်ရမည်။ အစိုးရမှ အခြေခံ ပညာရေး၊ ကျန်းမာရေး စောင့်ရှောက်မှုများ ထိရောက်စွာ ဆောင်ရွက်ရမည်။ တောင်ကိုးရီးယား၊ အင်ဒိုနီးရှားနှင့် ထိုင်းနိုင်ငံများတွင် ဤနည်းလမ်း အသုံးပြု၍ အောင်မြင်မှုများ ရှိခဲ့ပါသည်။

ဒုတိယ နည်းလမ်းမှာ ပြည်သူ့ဘဏ္ဍာ ခွဲဝေ သုံးစွဲမှုများကို ပြန်လည် ပြုပြင်ရေး ပြုလုပ်ရပါမည်။ ထိုသို့ ပြုလုပ်ရာတွင် ဆင်းရဲနွမ်းပမှု ပပျောက်ရေးကို ဦးတည် ဆောင်ရွက်ရပါမည်။ စီးပွားရေး ကဏ္ဍများတွင် လုပ်အား အခြေပြု သီးနှံများ ထုတ်လုပ်ရေး၊ ဆောက်လုပ်ရေး၊ စက်မှုနှင့် စွမ်းအင် နည်းပညာများ (ဥပမာ - မိုက်ခရို ဟိုက်ဒရို) စသည်တို့ ဖွံ့ဖြိုးတိုးတက်လာရေးကို ဆောင်ရွက် ရပါမည်။ Informal sector များကိုလည်း ထောက်ခံ အားပေး ရပါမည်။

တတိယ နည်းလမ်းမှာ ကဏ္ဍမျိုးစုံအတွက် လူမှုရေး ရံပုံငွေများ ဖြစ်ပါသည်။ ထိုရံပုံငွေများမှာ ပြုပြင် ပြောင်းလဲရေးနှင့် ကျောင်း၊ ဆေးရုံ၊ ဆေးခန်း၊ ရေ အရင်းအမြစ် စသည်တို့ အတွက် နိုင်ငံတကာမှ လှူဒါန်းသော ရံပုံငွေများ ဖြစ်ပါသည်။ ထိုရံပုံငွေများကို စနစ်တကျ စီမံခန့်ခွဲနိုင်ရန် institution autonomy တော့ လိုအပ်ပါလိမ့်မည်။ လက်တွေ့ အကောင်အထည် ဖော်ရန်အတွက် သက်ဆိုင်ရာ ၀န်ကြီးဌာနများနှင့် ပူးပေါင်း ဆောင်ရွက်မှု လိုအပ်ပါသည်။

3. Micro level

ဒီအဆင့်တွင် ချဉ်းကပ်ရမည့် နည်းများကို ပညာရှင်များက ခြောက်နည်းခန့် ခွဲခြား ဖော်ပြထားပါသည်။ ပထမတစ်နည်းမှာ social safety nets များ ဖြစ်ပါသည်။ အန်ဂျီအိုများမှ ဖြစ်စေ၊ ပုဂ္ဂလိကများမှ ဖြစ်စေ အခြေခံ အစားအသောက်များ ပြည့်ဝစွာ ရရှိစေရေး၊ သဘာဝ ဘေးအန္တရာယ် ကယ်ဆယ်ရေး၊ ကြိုတင် ကာကွယ်ရေး စသည်များကို ကူညီ ဆောင်ရွက်ပေးမှုများ ဖြစ်ပါသည်။ ဒုတိယတစ်နည်းမှာ Public employment ပရောဂျက်များဖြစ်ပါသည်။ လုပ်အားခြေပြု လုပ်ငန်းဆောင်တာများ ဖြစ်စေရပါမည်။ တတိယနည်းလမ်းမှာ ထွက်ကုန်နှုန်း မြင့်မားသော သီးနှံများအား ဆင်းရဲနွမ်းပါးသော ဒေသမှ တောင်သူများကို စိုက်ပျိုး ထုတ်လုပ်စေခြင်း ဖြစ်ပါသည်။ အရေးအလွန်ကြီးသော နောက်ထပ် နည်းလမ်း တစ်ခုမှာ ပိုင်ဆိုင်မှု ခွဲဝေမျှတခြင်း (Asset Redistribution) ဖြစ်ပါသည်။ ထို့အတွက် ဆင်းရဲနွမ်းပါးသူများဘက်မှ ဘက်လိုက်သော လယ်ယာမြေ ပြုပြင်ပြောင်းလဲရေး မလွဲမသွေ ပြုလုပ် ရပါမည်။ ကျေးလက်ဒေသ ပြုပြင်ပြောင်းလဲရေး ပြုလုပ်ရပါမည်။ ထုတ်လုပ်မှုအတွက် အရေးကြီးသော water rights ကို ဆင်းရဲနွမ်းပါးသူများ ထံသို့ ချေးငှားမှု ပုံသဏ္ဍာန်ဖြင့် လွှဲပြောင်း ပေးထား ရပါမည်။

ထိုမျှ မကသေး။ ကျေးလက်ဒေသများတွင် အဖြစ်များသော financial exclusion ကို ဖယ်ရှားနိုင်မည့် နည်းလမ်းများ (ဥပမာ - ကြွေးမြီ ဈေးကွက်ကို အောက်ခြေသို့ တိုးချဲ့ခြင်း) စသည်များကို ပြုလုပ် ပေးရပါမည်။ အုပ်စုလိုက် ချေးငှားခြင်းများ ပြုလုပ်ပေးပြီး၊ အာမခံထားခြင်း၊ စုဆောင်းခြင်း စသည့် risk management devices များကိုလည်း ဆောင်ရွက် ထားရပါမည်။ ထို့အပြင် ကျန်းမာရေးနှင့် ပညာရေး ပရိုဂရမ်များကိုလည်း တိုးချဲ့ ဆောင်ရွက် ရပါမည်။

(၃)

အဆိုပါ အချက်များမှာ ဆင်းရဲနွမ်းပါးမှု လျှော့ချရေး၊ ပပျောက်ရေး ဆောင်ရွက်ရန် နည်းလမ်းများနှင့် ပေါ်လစီများ ဖြစ်ပါသည်။ ဖွံ့ဖြိုး တိုးတက်ရေး ဆိုင်ရာ ကျမ်းတစ်စောင် မဟုတ်၍ အသေးစိတ်ချဲ့ကာ မပြောချင်တော့ပါ။ ထိုအချက်များအား ပြန်လှန် စဉ်းစားနေမိရင်း အတွေးများက လက်ရှိ အငြင်းပွား နေကြသော ကိစ္စရပ်များဆီသို့ ရောက်သွားခဲ့ ပြန်သည်။ ဒီလူတွေ ဘာအတွက်ကြောင့်များ ကိုယ့်အလုပ်ကိုယ် မလုပ်ဘဲ ငြင်းခုန် နေကြပါလိမ့်လို့ သူမ တွေးနေမိ ပြန်သည်။ အဖြစ်က ဒီလိုပါ။

မြန်မာပြည် အရေးမှာ စစ်အုပ်စုကို တိုက်ခိုက်ရန် မလို။ လက်တွေ့ကျသော လုပ်ဆောင်ချက်များ ဖြစ်သည့် ဖွံ့ဖြိုး တိုးတက်ရေး၊ ပညာရေး၊ ကျန်းမာရေး၊ ဆင်းရဲနွမ်းပမှု ပပျောက်ရေးတို့ကိုပဲ လုပ်ဆောင်ရမည်ဟု အချို့က ဆိုနေကြပါသည်။ နအဖ အတိုက်အခံထဲမှ တချို့ကလဲ စစ်အုပ်စုကို တိုက်ခိုက်ရန် လိုသည့် အဆိုကို ပြောကြရင်း စစ်အုပ်စု ပြုတ်ကျမှ ဖွံ့ဖြိုးရေး လုပ်ရမည်လိုလို အဆင့်ထိ ရောက်ကုန်ကြသည်။ နှစ်ဖက်လုံးက သူ လုပ်တာ ထိရောက်တယ်၊ ကိုယ် လုပ်တာ ထိရောက်တယ် ဟူ၍ ငြင်းနေကြ ပြန်သည်။

အမှန်တော့ ပေါ်လစီ ရေးရာများ၊ ချဉ်းကပ် နည်းလမ်းများကိုသာ လေ့လာထားလျှင် ငြင်းစရာ လုံးဝ မလိုတော့သည့် အချက်ပင် ဖြစ်သည်။ micro level မှာ တစ်ဦးချင်း၊ တစ်ဖွဲ့ချင်း တစ်နိုင်တစ်ပိုင် လုပ်လို့ ရသည့် ကိစ္စများ ရှိပါသည်။ ထို့အတူ macro level, meso level များမှာ အုပ်ချုပ်သူ အစိုးရ ကိုယ်တိုင်က စေတနာ ရှေ့ထားပြီး တစ်တပ်တစ်အား ဦးဆောင် အကောင်အထည် ဖော်ပါမှ လုပ်လို့ ရသည့် ကိစ္စများလည်း ရှိပါသည်။ စစ်အုပ်စု အုပ်ချုပ်ရာ ကာလ တစ်လျှောက်တွင် စစ်အသုံးစရိတ် ကြီးမားမှု၊ စစ်မျိုးစစ်နွယ် များမှသာ စီးပွားရေး လုပ်ငန်းများကို လက်ဝါးကြီးအုပ်မှု၊ စီးပွားရေး ပေါ်လစီများ၊ ဘဏ္ဍာရေး ပေါ်လစီများ ထိရောက်စွာ မချမှတ်နိုင်မှု ဆိုသည့် အားနည်းချက်များကို ပြည်သူတို့ ခါးစည်း ခံနေကြရပါသည်။ ထို့ကြောင့် စီးပွားရေး ပြုပြင် ပြောင်းလဲမှု ပြုလုပ်ရန် စစ်အုပ်စုအား မဖယ်ရှားဘဲ မရပါ။ (စကား အသုံးအနှုန်းကို ရှင်းစွာ ပြောထားပါသည်။ စစ်အုပ်စုဟု သုံးထားပါသည်။ တပ်မတော်ဟု မသုံးထားပါ။ တပ်မတော်ဟူသည် နိုင်ငံတစ်ရပ်၏ ပြည်သူ၊ အစိုးရ၊ စစ်တပ် ဆိုသော ဖြစ်တည်မှုသဏ္ဍာန် သုံးရပ်တွင် ပါဝင်ပြီးသား ဖြစ်၍ တပ်မတော်ကို မည်သူကမှ ဖယ်ရှား၍ မရပါ။ တပ်မတော်ကို တိုင်းပြည်အတွက် လိုအပ်သည့် ပုံသဏ္ဍာန် အနေဖြင့် မဟုတ်ဘဲ ပြည်သူ့ ချဉ်ဖတ် အနေဖြင့် သွတ်သွင်းနေသည့် စစ်အုပ်စုနှင့် စစ်အာဏာရှင် စနစ်ကို ဖယ်ရှားရန် လိုအပ်ခြင်းကိုသာ ဆိုလိုပါသည်)

သို့ဖြစ်ရာ စစ်အာဏာရှင်စနစ် (ရာနှုန်းပြည့်ဖြစ်ဖြစ်၊ ၂၅ ရာခိုင်နှုန်းပဲဖြစ်ဖြစ်) ရှိနေသရွေ့ macro level ပေါ်လစီများကို ထိရောက်အောင် ဆောင်ရွက်၍ ရမည် မဟုတ်ပါ။ meso level အချို့နှင့် micro level အပိုင်းတွင် လုပ်လျှင် အတိုင်းအတာ တစ်ခုအထိ ထိရောက်မည်များလည်း ရှိပါသည်။ မြန်မာများ အနေနှင့်က မြန်မာပြည်ကို စေတနာ ရှိသည်ဆိုလျှင် အဆိုပါ အဆင့်များနှင့် ပတ်သက်၍ အငြင်းပွား မနေသင့်ကြပါ။ micro level နှင့် meso level လုပ်ငန်းဆောင်တာများကို စိတ်ဝင်စားသူများ တကယ် လုပ်ကိုင်ကြပါ။ (တစ်ခုတော့ ရှိပါသည်။ ဘာမှ မလုပ်ဘဲနှင့် macro level ကို အကောင်အထည် ဖော်ရန် အတွက် စစ်အုပ်စုကို တိုက်ဖျက်နေသည့် အတိုက်အခံများကိုတော့ အကြောင်းမဲ့ လိုက်လံ တိုက်ခိုက် မနေပါနှင့်။ နှစ်ဦးနှစ်ဘက် အချိန်ကုန်ပါသည်။ လုပ်စရာ ရှိတာကို ကိုယ့်ဘာသာကိုယ် လုပ်ရန်သာ ဖြစ်သည်)

ထို့အတူ တိုင်းပြည် ခြွင်းချက် မရှိ ဖွံ့ဖြိုး တိုးတက်ရေး အတွက် လိုအပ်သည့် macro level ပေါ်လစီများ ချမှတ်နိုင်ရေး အတွက် စစ်အုပ်စုကို တိုက်ရမည့် သူများကလည်း အာဏာရှင် စနစ် ချုပ်ငြိမ်းရေး အတွက် အားစိုက် ကြိုးပမ်း တွေးဆရင်း လက်တွေ့ အကောင်အထည်ဖော် ဆောင်ရွက် ကြရမည်။ သူ့ဘာသာသူ လူမှု ထောက်ကူ ကိစ္စ လုပ်သူများကို နိုင်ငံရေးထဲ မပါလို့ ဟူ၍ သွားရောက် တိုက်ခိုက် ပြောဆိုခြင်း မပြုလုပ်မိစေရန် သတိထား ကြရမည်။

နှစ်ဦးနှစ်ဘက် တိုက်နေကြလို့ကတော့ ဘယ်တော့မှ မပြီးပါ။ ဆေးရုံ ဆရာဝန်က ဆေးကုပါသည်။ ကျန်းမာရေးဝန်ကြီးဌာနမှ ပေါ်လစီ ရေးဆွဲသူများက ကျန်းမာရေး စီမံကိန်းများ ချမှတ်ပါသည်။ အားလုံး ကိုယ့်နည်းကိုယ်ဟန်ဖြင့် အကျိုးပြု နေသူများ ဖြစ်ပါသည်။ အခြေအနေ တစ်ခုကို တွေးကြည့်ပါ။ ဆရာဝန် ရှိပြီး ဆေးရုံနှင့် ဆေးဝါးများ မရှိပါက ပြည်သူ့ကျန်းမာရေးကို မည်သို့ စောင့်ရှောက်မည်နည်း။ ထို့အတူပဲ ပေါ်လစီသမားများမှ ပေါ်လစီချမှတ်ပြီး အကောင်အထည် ဖော်မည့် ကျန်းမာရေး ၀န်ထမ်းများ မရှိပါက မည်သို့မည်ပုံ ဆောင်ရွက်ကြမည်နည်း။ ထိုနည်းလည်းကောင်းပင်။ ကျောင်းဆရာများရှိပြီး သင်ရိုးနှင့် ပညာရေး စီမံကိန်းများ မရှိပါက မည်သို့ ဖြစ်နေမည်နည်း။ စီမံကိန်းများ ရှိပြီး ဆရာမရှိပါက မည်သို့မည်ပုံ စာသင်ကြ မည်နည်း။

ယခုကိစ္စများမှာလဲ ထိုနည်းလည်းကောင်းပင် ဖြစ်ပါသည်။ “ပညာရေး၊ ဖွံ့ဖြိုးတိုးတက်ရေးလုပ်ရမည်။ အတိုက်အခံများ လုပ်နေသည်မှာ အကျိုးမရှိ” ဟု ပြည်ပတွင် ငုတ်တုတ် ထိုင်ရင်း ဝေဖန် လေကန် နေသူများသည် မြန်မာပြည်တွင်းတွင် ဖွံ့ဖြိုးရေး လုပ်ငန်းများ၌ ပါဝင် ဆောင်ရွက်ခဲ့ဖူးသေးခြင်း မရှိကြောင်း သေချာလှ ပေသည်။ စစ်အုပ်စုနှင့် ဆက်စပ်လုပ်ကိုင်ခြင်း မရှိသည့် အဖွဲ့အစည်းများ၊ စေတနာရှင်များ ကြုံတွေ့နေတတ်သည့် အခက်အခဲများ၊ လူမှုကယ်ဆယ်ရေးကိုတောင် လာဘ်ပေးလာဘ်ယူ ပြုလုပ်၍ ခွင့်ပြုချက်ယူရမှုများကို မသိနားမလည်၍ “ငါ့စကားနွားရ” ပြောနေကြခြင်းသာ ဖြစ်သည်။ သားဆက်ခြားရေးအတွက် တစ်အိမ်တက်ဆင်း ပညာပေး ဟောပြောမှုများကိုပင် နိုင်ငံရေး အရောင်ပါမှာစိုးလို့ ဆိုပြီး၊ ရ၀တ၊ ကြံ့ဖွံ့တစ်ယောက်မှ တစ်ကောက်ကောက် လိုက်နေသည့် အခက်အခဲမျိုးကို ကြုံတွေ့ဖူး ပါရဲ့လား။ နွမ်းပါးသည့် ရွာငယ်လေးမှာ ညနေပိုင်း အခမဲ့ ကျုရှင်လေး ဖွင့်ဖို့ကိုတောင် အဆင့်ဆင့် လပေါင်းများစွာ ခွင့်ပြုချက်တင် နေရပြီး၊ ပညာသင်နှစ် ကုန်သွားသည် မျိုးကိုကော ကြုံဖူးပါရဲ့လား။ စီးပွားရေး ပြုပြင် ပြောင်းလဲမှု ကိစ္စများ မဟုတ်သေး။ လူမှုရေး၊ ပညာရေးတွင်တောင် ဤမျှအထိ ကန့်သတ် တားမြစ်ချင်များနေသော စစ်အုပ်စုအား ဖယ်ရှားရန် ကြိုးစားနေခြင်းကို လိုက်လံ တိုက်ခိုက်ပြောဆိုနေသည့် ထိုလူများ၏ ဖွံ့ဖြိုးတိုးတက်ရေးပဲ လုပ်ဖို့ လိုတယ် ပြောနေသော စကားသံများရဲ့ စေတနာမှာကော တကယ် မှန်ကန်ပါရဲ့လား။

ထိုနည်းတူပင်။ အတိုက်အခံများ၏ နိုင်ငံရေးရာ ကိစ္စများတွင် တစ်ခွန်းတစ်ပါဒမှ လာရောက် ပါဝင် ပြောဆို တိုက်ခိုက်ခြင်း မရှိဘဲ သူ့ဘာသာသူ လူမှု ထောက်ကူ ကိစ္စများ၊ လုပ်လို့ ရနိုင်သလောက် ပညာရေး၊ ကျန်းမာရေးများတွင် လုပ်ကိုင် ဆောင်ရွက်နေသူ များအား အချို့သော အတိုက်အခံများမှ တိုက်ခိုက် ပြောဆိုခြင်းမှာကော မှန်ကန် နည်းလမ်း ကျပါရဲ့လား။

အရေးကြီးသည်ကတော့ ကိုယ့်အလုပ် ကိုယ်လုပ်ကြဖို့ပင် ဖြစ်သည်။ ကိုယ်က ကျွမ်းလောင်ပြီး ပျက်နေသည့် မီးလုံးကို လှေကားထောင် တက်လဲပြီး မီးလုံးသစ် အစားထိုးမည်လား။ (သို့မဟုတ်) အလင်းရောင် ခဏတာ ပေးဖို့ ဖယောင်းတိုင်လေး သွားထွန်း ပေးမည်လား။ နှစ်မျိုး စလုံး သူ့နည်း သူဟန်နှင့်တော့ လောက အလှဆင် နေသူများသာ ဖြစ်သည်။ တစ်ခုတော့ ရှိပါသည်။ ဖယောင်းတိုင် ထွန်းမည့်သူကလဲ ထွန်းပေးနိုင်သည်မှာ ခဏတာပဲ ဆိုသည့် သဘောကို နားလည် ရပေမည်။ မီးလုံးလောက်တော့ လင်းလာမှာ မဟုတ်တာကို သဘောပေါက် ရပေမည်။ ထို့အတူ မီးလုံးတက်လဲမည့် သူကလဲ အချို့သော နေရာများမှာ ဖယောင်းတိုင် အလင်းလေးတွေ ယာယီ လိုအပ်သည်ကို နားလည် ရပေမည်။ ကိုယ် မှန်တယ်၊ သူ မှန်တယ် ငြင်းစရာ မလိုပါ။ ကိုယ့်အလုပ်ကိုယ် ထိရောက်စွာ လုပ်ဖို့သာ လိုအပ်သည်။

မီးလုံးလဲမည် ဆိုပြီး တက်ရမည့် လှေကားကို ဟိုအမှတ်တံဆိပ်ပါ လှေကား၊ ဒီအမှတ်တံဆိပ်ပါ လှေကား ရွေးနေခြင်း၊ လှေကား ပေါ်တက်မည့်သူကို ဟိုတီရှပ် တံဆိပ်၊ ဒီတီရှပ် တံဆိပ် ၀တ်တက်ပါ လုပြော နေခြင်း၊ တစ်ယောက်က တက်မည် လုပ်သည်ကို နောက်တစ်ယောက်က ဆွဲချခြင်း၊ မီးလုံးပျက်အား လက်ညှိုးထိုးပြပြီး လုပ်စားနေခြင်းများ မရှိလျှင်တော့ မီးလုံးလဲမည့် သူများမှ ကိုယ့်အလုပ်ကိုယ် လုပ်နေသည် ဆိုနိုင်ပါသည်။

ထိုနည်း လည်းကောင်းပင်။ ဖယောင်းတိုင် ၀ယ်ရန် အကြောင်းပြပြီး ပိုက်ဆံ တောင်းစား နေခြင်း၊ ပြည်ပ စေတနာရှင်များ၏ ထောက်ပံ့ကြေးများကို အာဏာပိုင်နှင့် ပေါင်း၍ ဝေစားမျှစား လုပ်ခြင်း၊ မီးလုံးသာ လဲနိုင်သွားလျှင် ကိုယ့်နေရာ ပျောက်မည် စိုး၍ လိုက်လံ ပိတ်ဆို့ တားဆီး နေခြင်း၊ ဖယောင်းတိုင် မီးညှိရန် စေတနာတရား အမှန်တကယ်လဲ မရှိပါဘဲနှင့်၊ တကယ်လဲ မီးညှိရန် ကြိုးစားနေခြင်း မရှိပါဘဲနှင့် မိမိ နာမည်ရရေး အတွက် မီဒီယာများ ပေါ်တက်ပြီး အသံကောင်း ဟစ်နေခြင်း စသည်များ မရှိလျှင်တော့ ဖယောင်းတိုင် ထွန်းသူများမှ ကိုယ့်အလုပ်ကိုယ် လုပ်နေသည် ဆိုနိုင်ပါသည်။

ထိုအချက်များကို တွေးနေမိရင်း သူမ ထိုင်နေရာမှ အသာ ထလိုက်ပါသည်။ ပျက်ယွင်းနေသော လျှပ်စီးမီးလုံးလေးကို လဲရပါဦးမည်။ ဘယ်လိုပဲဖြစ်ဖြစ် ခဏတာ အလင်းရောင်ပေးသည့် ဖယောင်းတိုင်လေး များကိုလဲ သူမ ကျေးဇူးတင် နေမိပါသည်။

ခင်မမမျိုး (၂၁၊ ၂၊ ၂၀၀၉)

Read More...

Collapse...

Pro-Choice vs. Pro-Life

မက္ကဆီကိုစီးတီး ပေါ်လစီပို့စ် ကို မရေးခင် ဒီပို့စ်ကို ရေးသင့်ပါတယ်။ ဒါပေမယ့် အချိန်ကာလ အခြေအနေ အရ အခုမှ အကြွေးဆပ်လိုက်ပါတယ်။ ဟိုဟာ မဖတ်ခင် ဒီဟာကို ဖတ်ပါ ပေါ့ဗျာ။ ဘလောက်က ပြောင်းပြန် စီတာနဲ့တော့ ဟန်ကျနေတာပေါ့။

Pro-Choice အမျိုးသမီးတစ်ဦးသည် မိမိ ကိုယ်ခန္ဓာကို မိမိပိုင်သည်။ ထို့ကြောင့် မိမိ ကိုယ်ခန္ဓာအတွင်း ဖြစ်တည်လာသော ကိုယ်ဝန်ကို ၄င်း အမျိုးသမီး၏ သဘော ဆန္ဒအရ (ဖျက်ချလိုက) ဖျက်ချပိုင်ခွင့်ရှိသည် ဟု ယုံကြည်ယူဆချက်။ စကားချပ်။ ။ ယခင်က Anti-life ဟုလည်း ခေါ်သည်။ သို့ရာတွင် Anti ဆိုသည်မှာ အနုတ်သဘောလက္ခဏာ ဆောင်သဖြင့် နောက်ပိုင်း အသုံးနည်းလာသည်။

Pro-Life သန္ဓေသား ဆိုသည်မှာ လူသားတစ်ဦးပင် ဖြစ်သည်။ ထို့ကြောင့် လူသားတစ်ဦး၏ ရပိုင်ခွင့်ဖြစ်သော အသက်ရှင်သန်ခွင့်ကို သန္ဓေသားတိုင်း ရပိုင်ခွင့် ရှိသည် ဟု ယုံကြည်ယူဆချက်။ ဆင့်ပွား ယူဆချက်မှာ ကိုယ့်ကိုယ်ကို သတ်သေခြင်း၊ သေဒဏ်ပေးခြင်း၊ သေလုမျောပါး ဝေဒနာ ခံစားနေရသူ လူနာအား အဆုံးစီရင်ပေးခြင်း (Euthanasia)၊ လူကို တုပပြုလုပ်ခြင်း (cloning)၊ သန္ဓေသား ဆဲလ်များကို အသုံးချ သုတေသနပြုခြင်း (Human embryonic stem cell research) စသည်တို့ကိုလည်း ဆန့်ကျင်သည်။ စကားချပ်။ ။ ဤယုံကြည်ချက် ရှိသူသည် ကိုယ်ဝန်ဖျက်ချခြင်းကို မည်သည့် အကြောင်းပြချက်နှင့်မျှ လက်မခံပါ။

ဒီလိုဆိုရင် Pro-Choice နဲ့ Pro-Life တို့ဟာ ခေါင်းနဲ့ပန်း၊ မီးနဲ့ရေ၊ အဖြူနဲ့အမည်းလို ဖြောင့်ဖြောင့်ကြီး ဆန့်ကျင်နေပါသလား။ Are they dichotomous?

တကယ့် လက်တွေ့ လောကတွင်မူ Pro-Choice နှင့် Pro-Life အယူအဆတို့သည် သက်တံတစ်ခု၏ အစွန်းနှစ်ဖက်ကဲ့သို့ ဆက်စပ်လျက် ရှိနေသည်။ လူတို့သည် ဤယုံကြည်ချက် နှစ်ခု၏ ကြား တစ်နေရာရာတွင် ရှိနေတတ်သည်။ ပုဂ္ဂိုလ် တစ်ဦး၏ အယူအဆကို Pro-Choice လား Pro-Life လားဟု အတိအကျ သတ်မှတ်ရန် ခက်ခဲပြီး ထိုပုဂ္ဂိုလ်သည် မည်သည့်ဘက်နှင့် ပို၍ နီးသည်ဟုသာ ဆိုနိုင်ပေမည်။ “အခြေအနေ” တစ်ခုခုပေါ်တွင် မူတည်ပြီး ရပ်တည်ချက် ပြောင်းလဲနိုင်သည်ဟု ပြောလျှင် ရနိုင်မည် ထင်သည်။

သာဓကများနှင့် ရှင်းပြလျှင် ပိုမို သင့်လျော်မည်။

ဥပမာ (၁)

အမျိုးသမီး တစ်ဦးသည် သားဆက်ခြားနည်းများကို သုံးစွဲရကောင်းမှန်း သိသည်၊ တတ်လည်း တတ်နိုင်သည်၊ ၀ယ်ယူရန်လည်း လွယ်ကူသည့် အနေအထားမှာ ရှိသည်၊ ဆေးမတည့်ခြင်း စသည့် ဘေးထွက်ဆိုးကျိုးများလည်း မရှိပါလျှက် သားဆက်ခြားခြင်း နည်းလမ်းများကို မသုံးစွဲ။ ကိုယ်ဝန်ရလာမှသာ သွားရောက် ဖျက်ချလေသည်။

ထိုကိစ္စမျိုး တစ်ကြိမ်မက ဖြစ်လာသောအခါ … မိမိကိုယ်ကို Pro-Choice ဟု သတ်မှတ်ထားသူကပင်လျှင် ထိုသို့ မဖြစ်သင့်ကြောင်း၊ သားဆက်ခြားနည်း မှန်မှန်သုံးပြီး ကိုယ်ဝန်ဖျက်ခြင်းကို ရှောင်သင့်ကြောင်း ၀င်ရောက် ပြောဆိုသည်။

ထိုအခါ Pro-Choice ကို ယုံကြည်သူသည် အမှန်တကယ် ယုံကြည်သူ ဖြစ်ပါသေးသလော။

ဥပမာ (၂)

အမျိုးသမီး တစ်ဦးတွင် နှလုံးရောဂါ ကြီးကြီးမားမားရှိသဖြင့် ဆရာဝန်များက ကလေးမယူရန် တားမြစ်ထားသည်။ ပဋိသန္ဓေ တားနည်းလည်း သုံးနေပါလျက် မတော်တဆ ကိုယ်ဝန် ရရှိသွားလေသည်။ ထိုအမျိုးသမီး၏ နှလုံးအခြေအနေသည် မိခင်နှင့် ၀မ်းတွင်းက သန္ဓေသား နှစ်ဦးလုံး အတွက် လုံလောက်အောင် အလုပ် မလုပ်ပေးနိုင်ချေ။ ထိုအခါ အမျိုးသမီးမှာ အသက် အန္ဓရာယ် ရှိလာလေသည်။ အမျိုးသမီး အသက် သေဆုံးသွားပါက ၀မ်းတွင်းမှ သန္ဓေသားမှာလည်း အသက် သေဆုံးပေမည်။

ထိုအချိန်တွင် Pro-Life ဟု မိမိကိုယ်ကို သတ်မှတ်ထား သူကပင်လျှင် ထိုကိုယ်ဝန်ကို ဖျက်ချပေးသင့်ပါကြောင်း ပြောလာလေသည်။ မိခင်သေလျှင် သန္ဓေသားလည်း သေမည်။ အသက် နှစ်သက်နှင့် တစ်သက် လဲရန်ဟု အကြောင်းပြလေသည်။

ထိုအခါ Pro-Life ကို ယုံကြည်သူသည် အမှန်တကယ် ယုံကြည်သူ ဖြစ်ပါသေးသလော။

တစ်ဦးချင်း အယူအဆမှ အဖွဲ့လိုက် အယူအဆသို့

ဤအယူအဆတို့သည် လူတစ်ဦးချင်းစီတွင် ရှိနေနိုင်သလို အသင်းအဖွဲ့ တစ်ခု နိုင်ငံ တစ်နိုင်ငံတွင်လည်း ရှိနေနိုင်သည်။ အသင်းအဖွဲ့ တစ်ခု၏ ဖွဲ့စည်းပုံ၊ ပေါ်လစီ၊ ခေါင်းဆောင်များ၏ ပြောဆိုချက်များပေါ် မူတည်၍ ထိုအဖွဲ့သည် Pro-Choice နှင့် နီးသလား Pro-Life နှင့် နီးသလား ဆိုသည်ကို ခန့်မှန်းနိုင်သည်။ ထို့အတူ နိုင်ငံတစ်နိုင်ငံ၏ Pro-Choice/Pro-Life အယူအဆကို ထိုနိုင်ငံတွင်ရှိ အမျိုးသမီး ကျန်းမာရေး၊ မျိုးဆက်ပွား ကျန်းမာရေး ဆိုင်ရာ ဥပဒေများ၊ လုပ်ထုံး လုပ်နည်းများကို လေ့လာခြင်းဖြင့် သိရှိနိုင်သည်။

စာရှုသူများ တွေး၍ မှတ်ချက်ရေးပေးပါရန်

• အထက်ပါ ဥပမာ (၁) နှင့် (၂) ကဲ့သို့ အလားတူ သာဓက တစ်ခုစီလောက် စဉ်းစားကြည့်ပါ။
• မြန်မာနိုင်ငံတွင် လူအများစုသည် မည်သည့် နေရာတွင် ရှိနေမည် ထင်ပါသနည်း။
• စာရှုသူ ကိုယ်တိုင်ကရော မည်သည့် နေရာတွင် ရှိပါသနည်း။ (ဖြေလိုမှ ဖြေပါရန်။)

အာရောဂျံ ပရမံ လာဘံ
တက္ကသိုလ် လှမွန်

စာကိုး

http://en.wikipedia.org/wiki/Pro-choice
http://en.wikipedia.org/wiki/Pro-life

Read More...

Collapse...

Mexico City Policy

မက္ကဆီကိုစီးတီး ပေါ်လစီ

ရီဘတ်ပလင်ကင် သမ္မတ တက်လာရင် ဒီမိုကရက်တစ် သမ္မတ ချခဲ့တဲ့ ပေါ်လစီတွေကိုပြောင်း၊ ဒီမိုကရက်တစ် သမ္မတ တက်လာရင် ရီဘတ်ပလင်ကင် သမ္မတ ချခဲ့တဲ့ ပေါ်လစီတွေကိုပြောင်း စသဖြင့် ဖြစ်နေကျ အမေရိကန် နိုင်ငံရေး လောကထဲမှာ ပြည်သူ့ကျန်းမာရေးနဲ့ သက်ဆိုင်တဲ့ ကိစ္စလေးတစ်ခုမို့ မီးမောင်းထိုးပြချင်ပါတယ်။ မက္ကဆီကိုစီးတီး ပေါ်လစီ (သို့) Global Gag Rule လို့ လူသိများတဲ့ ပေါ်လစီတစ်ခုပါ။ ဒီအကြောင်း မပြောမီ နောက်ခံသမိုင်းကို ပြောမှ ဇာတ်ရည်လည်မယ် ထင်ပါတယ်။

၁၉၇၀ ခုလွန် နှစ်များတုန်းက ကမ္ဘာ့ လူဦးရေတိုးနှုန်း မြန်နေမှုဟာ စိုးရိမ်ဖွယ်ရာ ကိစ္စတစ်ရပ်ဖြစ်ခဲ့ပါတယ်။ ကမ္ဘာ့ လူဦးရေတိုးနှုန်း မြန်သလောက် အစားအစာထုတ်လုပ်နိုင်မှု (အဓိကအားဖြင့် စိုက်ပျိုး၊ မွေးမြူရေး လုပ်ငန်းများ တိုးချဲ့နိုင်မှု) နှုန်းက အလျင်မီအောင် မလိုက်နိုင်ဖြစ်နေပါတယ်။ ဒီလိုသာ ရှေ့ဆက်သွားရင် ကမ္ဘာပေါ်မှာ အငတ်ဘေး ဆိုက်ရချေရဲ့လို့ ပညာရှင်တွေက တွေးကြပါတယ်။

အမေရိကန် အစိုးရရဲ့ နိုင်ငံတကာ ဖွံ့ဖြိုးမှုဆိုင်ရာ အကူအညီပေးရေး ဌာန (USAID - the US Agency for International Development) ကလည်း ကမ္ဘာ့လူဦးရေတိုးနှုန်း လျော့ချရေးကို အဓိကရည်ရွယ်ပြီး ဖွံ့ဖြိုးဆဲ နိုင်ငံတွေက သားဆက်ခြား စီမံကိန်းတွေကို ပံ့ပိုးလာပါတယ်။ အဲဒီ အချိန်တုန်းက ခေတ်ပေါ် သားဆက်ခြားနည်းတွေကလည်း တီထွင်ပြီးခါစဖြစ်ပြီး USAID ရဲ့ အထောက်အပံ့ဟာ ဖွံ့ဖြိုးဆဲ နိုင်ငံတွေအတွက် စီမံကိန်းအသစ်တွေစဖို့ တကယ့်ကို လောက်လောက်လားလား အထောက်အကူ ဖြစ်ခဲ့ပါတယ်။

အစပိုင်းမှာတော့ ဖွံ့ဖြိုးဆဲ နိုင်ငံတွေက အမေရိကန် ပြောတာကို မယုံမရဲနဲ့ စမ်းသပ် ကြည့်ရုံ အဆင့်လောက်သာ ရှိပြီး နောက်ပိုင်း တကယ် အကျိုးရှိမှန်း သိလာတဲ့အခါ (ဥပမာ - အိန္ဒိယ၊ ဘင်္ဂလားဒေ့ရှ် နိုင်ငံများမှာ) သားဆက်ခြား စီမံကိန်းတွေကို အစိုးရတွေက အတော်အားပေးလာပါတယ်။ ဒီလို အရှိန်ရလာပြီးမှ သိပ်မကြာသေးဘူး ၁၉၈၄ မှာ သမ္မတာ ရော်နယ်ရေဂင်က မက္ကဆီကိုမြို့ ပေါ်လစီကို ပြဋ္ဌာန်းပါတယ်။ ပေါ်လစီ အနှစ်ချုပ်ကတော့

အမေရိကန် နိုင်ငံက ဖွံ့ဖြိုးဆဲ နိုင်ငံများရဲ့ သားဆက်ခြား စီမံကိန်းများကို ထောက်ပံ့ကူညီခဲ့ခြင်းသည် အောက်ပါအချက် ၃ချက်ပေါ်တွင် အခြေခံပါသည်။

• လူ့အသက်ရှင်သန်မှုကို လေးစားခြင်း၊
• လူ့ဂုဏ်သိက္ခာနဲ့အညီ ရှင်သန်ကြစေဖို့လိုလားခြင်း နှင့်
• မိသားစုဝင်များ အချင်းချင်း စည်းစည်းလုံးလုံး နေထိုင်နိုင်ကြစေခြင်း

သို့ရာတွင် ကိုယ်ဝန်ဖျက်ခြင်းကို သားဆက်ခြားနည်း တစ်ရပ်အနေဖြင့် ဆောင်ရွက်ခြင်း၊ အတင်းအဓမ္မ သားဆက်ခြားစေခြင်းတို့သည် မလုပ်သင့် မလုပ်အပ်တဲ့ကိစ္စများ ဖြစ်ပါသည်။ ထို့ကြောင့် အမေရိကန် အစိုးရ၏ သားဆက်ခြား စီမံကိန်း အထောက်အပံ့ကို ရယူတဲ့ အစိုးရများဟာ ထိုထောက်ပံ့ငွေနဲ့ ကိုယ်ဝန်ဖျက်ချပေးခြင်း ကိစ္စများ မဆောင်ရွက်ရပါ။ နိုင်ငံတကာ အန်ဂျီအို (အမေရိကန် နိုင်ငံ၏ အန်ဂျီအိုများ အကျုံးမ၀င်ပါ။) များအနေဖြင့် ကိုယ်ဝန်ဖျက်ချခြင်း အကြောင်းကို အသိပညာပေးခြင်း၊ ဆောင်ရွက်ပေးခြင်း ပြုလုပ်ပါက အမေရိကန်အစိုးရ၏ သားဆက်ခြား စီမံကိန်း ထောက်ပံ့ငွေကို လုံးဝ ရယူခွင့်မရှိပါ။

စာရေးသူမှ ရှင်းလင်းချက်။

• ဤနေရာတွင် သားဆက်ခြားနည်းများ အကြောင်းကို အနည်းငယ် ရှင်းလင်းရန်လိုအပ်ပါသည်။ တားဆေး၊ ထိုးဆေး၊ ကွန်ဒုံး၊ သားအိမ်တွင်းထည့်ပစ္စည်း၊ သားကြောဖြတ်ခြင်း စသည့် လူသုံးများသော သားဆက်ခြားနည်းများသည် ကိုယ်ဝန်ဖျက်ချခြင်း မဟုတ်ပါ။ သို့ရာတွင် အချို့သော နိုင်ငံများတွင် ဖော်ပြပါ သားဆက်ခြားနည်းများကို လွယ်လင့်တကူ ရရှိနိုင်ပါလျက် အသုံးမပြုပဲ ကိုယ်ဝန်ရရှိလာမှသာ ဖျက်ချခြင်းပြုလုပ်တတ်ကြပါသည်။
• ကိုယ်ဝန်ဖျက်ချခြင်းကို မကျွမ်းကျင်သူများက ဆောင်ရွက်သောကြောင့် ရောဂါပိုးဝင်ပြီး အသက်အန္တရာယ် ထိခိုက်သည့် ဖြစ်ရပ်များမှာ ဖွံ့ဖြိုးဆဲ နိုင်ငံများတွင် အဖြစ်များပါသည်။
• အန်ဂျီအိုများတွင် ရန်ပုံငွေ ရရှိပုံ နည်းလမ်း တစ်ခု မကရှိတတ်ကြသည်။ အမေရိကန် အစိုးရပေးသည့် ရန်ပုံငွေဖြင့် မဟုတ်ပဲ အခြားရန်ပုံငွေဖြင့် တရားဝင် ကိုယ်ဝန်ဖျက်ချပေးခြင်း ကိစ္စရပ်ကို ဆောင်ရွက်ပင် ဆောင်ရွက်ငြားဖြစ်သော်လည်း၊ အမေရိကန် အစိုးရ၏ ရန်ပုံငွေကို မရရှိနိုင်ပါ။

ဒီပေါ်လစီကို ရော်နယ်ရေဂင့် ကိုယ်စားလှယ်က ၁၉၈၄ ခုနှစ် အပြည်ပြည်ဆိုင်ရာ လူဦးရေညီလာခံ ကျင်းပရာ မက္ကဆီကိုမြို့မှာ တရားဝင် ကြေညာလိုက်တာကို အစွဲပြုပြီး မက္ကဆီကိုစီးတီး ပေါ်လစီ လို့ နာမည်ပေးခံရပါတယ်။

ရော်နယ်ရေဂင် အစိုးရကို ဆက်ခံတဲ့ ဂျော့အိပ်ခ်ျဒပ်ဗလျူဘွတ်ရှ် အစိုးရ သက်တန်းကုန်လို့ ဘီလ်ကလင်တန် အစိုးရ ဖြစ်လာချိန် ၁၉၉၃ ဇန္န၀ါရီလ မှာ ပထမဦးဆုံး ပယ်ဖျက်ပေးလိုက်တဲ့ ပေါ်လစီကတော့ မက္ကဆီကိုစီတီး ပေါ်လစီ ပါ။

ကြမ္မာရဟတ် တစ်ပတ်လည်ပြီး ရီဘတ်ပလင်ကင် သမ္မတ ဂျော့ခ်ျဒပ်ဗလျူဘွတ်ရှ် အလုပ်စ၀င်တဲ့နေ့ ဇန္န၀ါရီ ၂၀၊ ၂၀၀၁ ခုနှစ်မှာ ပထမဆုံး ပြန်လည် အသက်သွင်းတဲ့ ပေါ်လစီကလည်း ဒီ မက္ကဆီကိုစီးတီး ပေါ်လစီ ပါပဲ။

အခု နောက်ဆုံး ဒီမိုကရက် ဘရက်ခ်အိုဘားမား သမ္မတ ဖြစ်လာတဲ့ ပထမ ရက်သတ္တပတ် အတွင်းမှာပဲ မက္ကဆီကိုစီးတီး ပေါ်လစီကို ပယ်ဖျက်လိုက်ပြန်ပါတယ်။ အနည်းဆုံး နောက်ထပ် ၄ နှစ်လောက်တော့ ဒီပေါ်လစီ အသက်မ၀င်ပဲ ရှိနေဦးမှာ သေချာပါတယ်။

အာရောဂျံ ပရမံ လာဘံ
တက္ကသိုလ် လှမွန်

စာကိုး။
http://en.wikipedia.org/wiki/Mexico_City_Policy
http://www.whitehouse.gov/statement-released-after-the-president-rescinds/
The White House Office of Policy Development. Population and Development Review, Vol. 10, No. 3 (Sep., 1984), pp. 574-579. US Policy Statement for the International Conference on Population.

Read More...

Collapse...

NGOs and their Participation and Involvement in PHC Activities of Myanmar !

ဤစာစုတွင်း၌ အစိုးရမဟုတ်သော လူမှုရေးအဖွဲ့အစည်းများ (အန်ဂျီအို) ဆိုရာတွင် ကျန်းမာရေးဝန်ကြီးဌာန နှင့်ပူးပေါင်း ဆောင်ရွက်လျှက်ရှိကြသော နိုင်ငံတကာ နှင့် ပြည်တွင်း၊ပြည်ပ လူမှုရေး အဖွဲ့အစည်းများ အားလုံးကို ဆိုလိုပါသည်။ တတ်နိုင်သမျှ စာရင်းအင်းများ မဖေါ်ပြထားပါ။

မူဝါဒအခြေခံ

မြန်မာနိုင်ငံရဲ့ အမျိုးသား ကျန်းမာရေး မူဝါဒများမှာ ပဏာမကျန်းမာရေး စောင့်ရှောက်မှု နှင့် အစိုးရမဟုတ်သော လူမှုရေးအဖွဲ့အစည်းများ၏ အခန်းကဏ္ဍကို တိုက်ရိုက် ထည့်သွင်းဖေါ်ပြထားပါတယ်။

• နိုင်ငံသားအားလုံး ကာယသုခ၊ စိတ္တသုခ ပြည့်ဝစေမည့် အားလုံးအတွက် ကျန်းမာရေး ရည်မှန်းချက်ကို ရရှိစေရန် အမျိုးသား ကျန်းမာရေး စီမံကိန်းများ ရေးဆွဲပြီး ကျန်းမာရေးလုပ်ငန်များကို ပဏာမ ကျန်းမာရေး စောင့်ရှောက်မှုကို အခြေခံ၍ အကောင်အထည်ဖေါ်ရန်၊
  
• သမ၀ါယမ၊ ဖက်စပ်၊ ပုဂ္ဂလိကများ နှင့် အစိုးရမဟုတ်သော လူမှုရေးအဖွဲ့အစည်းများမှ ဆောင်ရွက်လျှက်ရှိသော ကျန်းမာရေး ကဏ္ဍများကို ပြောင်းလဲနေသော စီပွားရေးမူဝါဒနှင့် လိုက်လျောညီထွေ ဖြစ်စေရေးအတွက် တွန်းအားပေးရန်၊
  

အမျိုးသားကျန်းမာရေးစီမံကိန်းနှင့် ဆက်နွယ်မှု

အမျိုးသားကျန်းမာရေးစီမံကိန်း (၂၀၀၆ - ၂၀၁၁)ရဲ့ ကဏ္ဍစုံ ပူးပေါင်းဆောင်ရွက်မှု အခန်းမှာ အစိုးရမဟုတ်သော လူမှုရေးအဖွဲ့အစည်းများနှင့် ပေါင်းစပ်ညှိနှိုင်း ဆောင်ရွက်ရေးကို အောက်ပါ ရည်ရွယ်ချက်များနဲ့ ထည့်သွင်း ရေးဆွဲထားပါတယ်။

(က) အမျိုးသားကျန်းမာရေးစီမံကိန်း အကောင်အထည်ဖေါ်ရေးတွင် အစိုးရမဟုတ်သော လူမှုရေး အဖွဲ့အစည်းများ၏ ပူးပေါင်း ပါဝင်ဆောင်ရွက်မှုဖြင့် နိုင်ငံ၏ ကျန်းမာရေး စောင့်ရှောက်မှု ဖွံ့ဖြိုး တိုးတက်ရေးအတွက် အထောက်အကူပြုစေရန်၊

(ခ) အမျိုးသားကျန်းမာရေးစီမံကိန်း၏ စီမံချက်များ ဆောင်ရွက်ရာတွင် အစိုးရမဟုတ်သော လူမှုရေး အဖွဲ့အစည်းများမှ တစ်ဖွဲ့ခြင်းသော်လည်းကောင်း၊ စုပေါင်း၍သော်လည်းကောင်း တက်ကြွစွာပူးပေါင်း ပါဝင်ဆောင်ရွက်နိုင်ရန်၊

(ဂ) အမျိုးသားကျန်းမာရေးစီမံကိန်းကို အရှိန်မပျက် ပူးပေါင်းအကောင်အထည်ဖေါ်ရာတွင် သက်ဆိုင်ရာ အဖွဲ့အစည်းများ၏ မူဝါဒ နှင့် ရည်ရွယ်ချက်များ အလိုက် တစ်သားတည်း ဆောင်ရွက်ရန်၊

ကျန်းမာရေးစောင့်ရှောက်မှုဖွဲ့စည်းပုံ နှင့် အစိုးရမဟုတ်သော လူမှုရေးအဖွဲ့အစည်းများ၏ အခန်းကဏ္ဍ

အချို့ အစိုးရမဟုတ်သော လူမှုရေးအဖွဲ့အစည်းများမှ ကိုယ်စားလှယ်အသီးသီးဟာ အဆင့်ဆင့်သော (ပြည်နယ်၊တိုင်း၊ ခရိုင်၊ မြို့နယ်၊ ရပ်ကွက်၊ ကျေးရွာ) ကျန်းမာရေးကော်မတီတွေမှာ အဖွဲ့ဝင်အဖြစ် အလိုအလျောက် ပါဝင်နေပါတယ်။

ဥပမာ -

• ပြည်ထောင်စုကြံ့ခိုင်ရေးနှင့်ဖွံ့ဖြိုးရေးအသင်း
  
• မြန်မာနိုင်ငံမိခင်နှင့်ကလေးစောင့်ရှောက်ရေးအသင်း
  
• မြန်မာနိုင်ငံကြက်ခြေနီအသင်း
  

အစိုးရမဟုတ်သော လူမှုရေးအဖွဲ့အစည်းများ၏ အခန်းကဏ္ဍနှင့် လုပ်ငန်းဆောင်ရွက်ချက်များ

• ကျန်းမာရေးစီမံကိန်းရေးဆွဲအကောင်အထည်ဖေါ်မှု အဆင့်ဆင့်တွင် ပါဝင်ခြင်း
  
• အသိပေးဆွေးနွေးတင်ပြခြင်း
  
• အဖွဲ့အစည်းများ အလိုက်စည်းရုံးဆောင်ရွက်ခြင်း
  
• ကျန်းမာရေးပညာပေးခြင်း
  
• ၀န်ဆောင်မှုပေးခြင်း
  
• ဘဏ္ဍာငွေရှာဖွေဖြည့်ဆည်းခြင်း
  
• သုတေသနပြုခြင်း
  
• လေ့ကျင့်သင်ကြားပေးခြင်း
  

ပူးပေါင်းဆောင်ရွက်အောင်မြင်မှုများ

• အမျိုးသားကာကွယ်ဆေးတိုက်နေ့များ
  
• အမျိုးသားပတ်ဝန်းကျင်ရက်သတ္တပတ်လှုပ်ရှားမှု
  
• အမျိုးသားငှက်ဖျားကာကွယ်ရေးသတ္တပတ်လှုပ်ရှားမှု
  
• အနာကြီးရောဂါ ကင်းစင်ရေး လှုပ်ရှားမှု
  
• ဆေးလိပ်နှင့်ဆေးရွက်ကြီး ဆန့်ကျင်ရေးလှုပ်ရှားမှု
  
• တီဘီရောဂါ ပပျောက်ရေး (တိုက်ရိုက်ကြည့်ရှုအချိန်တိုနှင့်ကုသခြင်း)
  

မည်သို့ပင်ဆိုစေ မြန်မာနိုင်ငံ ပြည်သူ့ကျန်းမာရေး အတွက် လူမှုရေးအဖွဲ့အစည်းများ အားလုံးမှ ပဏာမ ကျန်းမာရေး စောင့်ရှောက်မှုကို အခြေခံ၍ ပူးပေါင်း ပါဝင်ဆောင်ရွက်လျှက်ရှိသည့် အနေအထားကို ဝေမျှလိုက် ခြင်းသာ ဖြစ်ပါတယ်။

Read More...

Collapse...