HIV .. AIDS ကြောက်သင့် မကြောက်သင့်

HIV/ AIDS နဲ့ ပတ်သက်လို့ ခက်ခဲလှတဲ့ ကိစ္စတွေထဲက တစ်ခုက တစ်ဖက်က နောက်ထပ် ရောဂါပိုး ပြန့်ပွားမှုတွေ များမလာအောင် ထိန်းချုပ်နိုင်ဖို့ ကာကွယ်ရေး ဆိုင်ရာ အသိပညာတွေကို ပေးရသလို တစ်ဖက်ကလည်း ရောဂါပိုးနဲ့ နေထိုင်ရသူတွေ ခွဲခြား ဆက်ဆံ မခံရအောင် နာမည်ဆိုး သတ်မှတ် မခံရအောင် ကြိုးစားနေရခြင်းပါ။
ကုလို့ မပျောက်တဲ့ ရောဂါ၊ သေမှာပဲ လို့ ပြောခဲ့၊ ပညာပေးခဲ့မိလို့ ရောဂါပိုး ရှိသူတွေကို အန္တရာယ် ပြုခံခဲ့ရတဲ့ သာဓကတွေ ရှိခဲ့ပါတယ်။
တခြား နာတာရှည် ရောဂါလိုပဲ။ ရောဂါပိုးနဲ့ ရှင်သန် အသက်ရှည် နေလို့ ရပါတယ်လို့ ပြောပြန်တော့ အစွန်းရောက်သူတွေက “ ကာကွယ်ဖို့ မလိုတော့ဘူးလား ” လို့ ယူဆကြပြန်တယ်။
ရောဂါပိုးနဲ့ နေထိုင်ရသူတွေထဲမှာ အပြုအမူပိုင်းဆိုင်ရာမှာ အပြစ်ပြောစရာ လုံးဝ မရှိတဲ့ ကလေးငယ်တွေ၊ အိမ်ရှင်မတွေ၊ အမျိုးသား၊ အမျိုးသမီးတွေလဲ ပါနေတာမို့ အပြုအမူတွေကို အပြစ်ပြောဖို့လဲ ခက်ပါတယ်။
တကယ်ကတော့ ရောဂါပိုး ကူးစက်မှာကို ကြောက်ရွံ့ရင် ရောဂါပိုး ရှိသူတွေကို ရှောင်ရမှာ မဟုတ်ပါဘူး။
ရောဂါပိုး ကူးစက်စေနိုင်တဲ့ အပြုအမူတွေကို ရှောင်ကြဉ်ပြီး ကိုယ့်ကိုယ်ကို ထိန်းသိမ်းနေထိုင်ရမှာ။

အိတ်ခ်ျအိုင်ဗွီပိုး ကူးစက်ပုံ ကူးစက်နည်း အဓိက နည်းလမ်း သုံးခုကို အခါခါ ကြားဖူးပြီးသား ဖြစ်မှာ ဖြစ်ပေမယ့် သတိရအောင် ထပ်ပြောပါရစေ။
- အကာအကွယ်မဲ့ လိင်ဆက်ဆံတာ (စအို၊ ပါးစပ်၊ လိင်အင်္ဂါ စတဲ့ နည်း အားလုံး)
- သွေးကနေ တစ်ဆင့် ( သွေးပေနေတဲ့ ချွန်ထက်တဲ့ ပစ္စည်းတွေကို မျှသုံး ပေါင်းသုံး ရောသုံး ရာကနေလဲ ကူးနိုင်တယ် .. ဥပမာ - ဆေးထိုးအပ် မျှသုံးတာ)
- ကိုယ်ဝန်ဆောင် မိခင် ၊ နို့တိုက်မိခင်ကနေ ကလေးကို ကူးစက်တာ

ဆေးရှိနေပြီပဲ။
ရောဂါပိုးက အရေးကြီးသလား ?
တကယ် ဆေးသောက်နေရတဲ့ သူတွေကို မေးကြည့်ပါ။
လွယ်သလားလို့။
ဆေးရဖို့ ခက်သလို၊ ဆေးရပြီးတဲ့ အခါမှာလဲ ဘေးထွက် ဆိုးကျိုးတွေကို အလူးအလဲ ခံရတာ ဘယ်လောက်ခက်တယ် ဆိုတာ ပြောရင် ပိုးရှိပြီးသား သူတွေကို စိတ်ဓာတ်ချ သလို ဖြစ်မလား။
မကြာသေးခင်က UNAIDS က ထွက်လာခဲ့တဲ့ ကြေငြာချက်ကလေးမှာ အခုအချိန်မှာ အိတ်ခ်ျအိုင်ဗွီပိုးနဲ့ နေထိုင်သူ လူလေးသန်းကျော်က အိတ်ခ်ျအိုင်ဗွီပိုး ပွားမှုနှုန်းကို ရပ်တန့် စေနိုင်တဲ့ အေအာတီ ဆေးကို ရရှိပြီ ဖြစ်ပါသတဲ့။ ဒါက တစ်ကမ္ဘာလုံး အတိုင်းအတာနဲ့ ကြွယ်ဝမှု အလယ်အလတ် ရှိတဲ့ နိုင်ငံတွေနဲ့ ဆင်းရဲတဲ့ နိုင်ငံတွေကို ကြည့်ပြီး ပြောထားတာပါ။ အဲဒါက ပြီးခဲ့တဲ့ နှစ်ကထက် စာရင် ၃၆% တက်လာတာဖြစ်ပြီး ပြီးခဲ့တဲ့ ငါးနှစ်ကာလနဲ့ နှိုင်းယှဉ်ရင် ဆယ်ဆတောင် တက်လာတာ ဖြစ်ပါသတဲ့။
ဒါပေမယ့် ဒါက အေအာတီ ဆေးကို လိုအပ်နေသူတွေရဲ့ ၄၂% ပတ်ဝန်းကျင်ပဲ ရသေးတာ။
အဲဒီတော့ ဆေးမရသေးတဲ့သူ ၅၈% ပတ်ဝန်းကျင် ကျန်နေသေးတယ်။
ပြီးတော့ ယခု လက်ရှိ အခြေအနေ အရ အေအာတီဆေး နှစ်ယောက် ရတိုင်းမှာ အသစ် ထပ်ပြီး ပိုးကူးခံလိုက်ရတဲ့ သူက ငါးယောက်နှုန်းလောက် ဖြစ်နေတယ်လို့လဲ UNAIDS က ပြောပါတယ်။
ဒီနှုန်းအတိုင်း သွားနေရင် ဆေးက လုံလောက်မှု ရှိပါ့မလား။
ပုံမှန် ဆေးနဲ့ မနိုင်တဲ့ ပိုးအမျိုးအစားတွေ ရှိနေသေးတာကို မပြောဘဲ ထားမယ် ဆိုရင်တောင် အားတက်စရာ အများကြီး မရှိလှသေးဘူး။
ဒီလို ဆေးတွေ ရဖို့၊ ပေါ်လစီတွေ ပြောင်းဖို့ကို ကြိုးစားတဲ့ သူတွေက အသေအကြေ ကြိုးစားနေကြရချိန်မှာ လူတိုင်းလူတိုင်းကလဲ ကိုယ့်တာဝန် ကိုယ် ယူနိုင်သလောက် ယူသင့်တယ်လို့ ယူဆမိတယ်။
ကျွန်မ ပြောလေ့ရှိတာကတော့ ပိုးရှိသူ တစ်ဦးက နောက်တစ်ယောက်ကို ကူးစေခဲ့ရင် ကိုယ့်အတွက် ဆေးရနိုင်ခွင့် တစ်ယောက်စာ ပိုနည်းသွားအောင် လုပ်တာနဲ့ မတူဘူးလားလို့။

အိတ်ခ်ျအိုင်ဗွီပိုး ရှိသူနဲ့ မရှိသူတွေ အိမ်ထောင်ပြုထားကြတာတွေ ရှိပါတယ်။
တော်ရုံ မေတ္တာတွေနဲ့ ဟုတ်ကြမယ် မထင်ပါဘူး။
ကျွန်မ သိတဲ့ စုံတွဲကလေးကတော့ ကာယကံရှင် ပိုး ရှိသူ အမျိုးသားလေးက သူ့အမျိုးသမီးလေးအတွက် အမြဲတမ်း စိုးရိမ်သောက ရောက်နေရတယ်။
သွေးစစ်တိုင်း သူ့မှာ ကူးပြီလားလို့ ရင်တထိတ်ထိတ်နဲ့။
ဒါကို အားပေးတိုက်တွန်းမှာ မဟုတ်သလို၊ ကန့်ကွက် အပြစ်တင်မှာလဲ မဟုတ်ပါဘူး။
Comment မှာ ဖြေထားသလိုပဲ နှစ်ယောက် စလုံး ကိုယ့်အန္တရာယ်တွေကို သေသေချာချာ သိနားလည်ဖို့ လိုပါတယ်။
ပြီးတော့ အဲဒါတွေကို ဘယ်လို ကာကွယ် ရမယ် ဆိုတာကိုလဲ သေသေချာချာ သိနားလည်ထားဖို့ လိုပါတယ်။
အိတ်ခ်ျအိုင်ဗွီ၊ အေအိုင်ဒီအက်စ်နဲ့ ပတ်သက်တဲ့ ပို့စ်တွေ ဒီမှာ ရှိပြီးသားမို့ အများကြီး မပြောချင်တော့ပါဘူး။
ပိုနားလည်ချင်ရင် အဲဒီအကြောင်းအရာနဲ့ ပတ်သက်တဲ့ စာတွေကို များများ ဖတ်စေချင်ပါတယ်။
အသစ်တွေ့လာတဲ့ နည်းလမ်းတွေ၊ ကာကွယ်ဆေးတွေ၊ ပိုးသတ်ဆေးသုံးတာတွေကို သုတေသန ပြုလုပ်သူတွေက အကျိုးသက်ရောက်မှု အတိုင်းအတာ တစ်ခုအထိ ရှိတယ်လို့ပဲ ပြောနိုင်တာပါ။
ကာကွယ်နိုင်တဲ့ ရာခိုင်နှုန်းတွေက နည်းပါးနေပါသေးတယ်။

ယူဂန်ဒါ သမ္မတ ပြောဖူးတဲ့ စကားလေးကိုပဲ ပြန်ပြောရမယ် ထင်တယ်။
“ တကယ်လို့ သင့်လက်ကို ခြတောင်ပို့ထဲ သွားထည့်လို့ မြွေကိုက်ခံရတယ်ဆိုရင် ဘယ်သူ့ အပြစ်လဲ” တဲ့။
ပြောချင်တာက ခြတောင်ပို့ တိုင်းထဲမှာ မြွေရှိချင်မှ ရှိမှာပါ။
ဒါပေမယ့် မြွေရှိနိုင်တယ် ဆိုတာကိုတော့ သဘောပေါက် နားလည်ထားသင့်ပါတယ်။
ပြီးမှ မြွေကိုက်ခံရချင်လဲ ခံရပါစေ ဆိုရင်တော့လဲ မတတ်နိုင်ဘူးပေါ့လေ။

အိတ်ခ်ျအိုင်ဗွီ အေအိုင်ဒီအက်စ်နဲ့ ပတ်သက်လို့ မှန်ကန်တဲ့ သတင်းအချက်အလက်တွေ အားလုံး လူတိုင်း လူတိုင်း သိခွင့် နားလည်ထားခွင့် ရှိပါတယ်။
ဒါမှ ကိုယ့်ကိုယ်ကို ကာကွယ်နိုင်မှာ။

Ref: http://www.unaids.org/en/KnowledgeCentre/Resources/FeatureStories/archive/2009/20090930_access_treatment_4millions.asp
http://www.unaids.org/en/CountryResponses/UniversalAccess/default.asp
http://www.unaids.org/en/KnowledgeCentre/HIVData/GlobalReport/2008/2008_Global_report.asp
Reader's Digest Sept.2004, As Simple As ABC by John Dyson

Read More...

Collapse...

အယူအဆ အလွဲများ

ပြီးခဲ့တဲ့ ပို့စ်မှာ လာမေးထားတဲ့ မေးခွန်းကလေးကြောင့် ဒီ အဖြစ်အပျက်ကလေးကို ကျွန်မ ပြန်သတိရသွားမိတာပါ။
ကျွန်မတို့ လူတွေကို အသိပညာပေးဖို့ ဘယ်လောက် လိုအပ်နေသေးသလဲ၊
သူ့တို့ရဲ့ အစွဲအလမ်းတွေ၊ အယူမှားတွေကို နားလည်အောင် ဖော်ထုတ်ဖို့ ဘယ်လောက် လိုသေးသလဲ ဆိုတာ သိသာထင်ရှားပါတယ်။
အသိပညာပေးတဲ့ အခါ ကိုယ် ပြောချင်တာချည်းပဲ ပြောနေလို့ မရပါဘူး။
သူတို့ ဘာတွေ ယုံကြည်ထားတယ်ဆိုတာကို သိမှ လိုအပ်ချက်တွေကို ပြောပြပေးနိုင်မှာ။

ဒီအဖြစ်အပျက်ကလေးကို ဘာသာပြန်ပေးချင်ပေမယ့် အားထုတ်ပြီး မရေးနိုင်တဲ့ ကာလမို့ ဒါလေးကိုပဲ ကြိုးစားပြီး ဖတ်ကြပါလို့။
link ကို ၀င်လို့ မရတဲ့ သူတွေပါ ဖတ်လို့ ရအောင် ဒီမှာ ကူးပြီး တင်ပေးလိုက်ပါတယ်။

AIDS Myth Fuels South Africa's Child-Rape Scourge
November 6, 2001

South Africa is in shock over a surge in the rape of children and even babies -- fueled, activists say, by the myth that sex with a virgin will protect a man against AIDS. On Monday, 3,000 demonstrators outside the courthouse in Upington demanded the reinstatement of the death penalty for six men accused of raping a 9-month-old girl. "South Africa has reached a new low . . . it's one of many," said Kelly Hatfield, director of People Opposed to Women Abuse.
"A lot of it has to do with the myth that a man will be cured of AIDS by having sex with a virgin, and how much more virginal can you get than a baby?" Hatfield asked. Rather than decreasing with AIDS education, the myth has taken hold in South Africa, which already has the world's highest incidence of rape. Police statistics reveal that 21,000 cases of child rape or assault were reported last year. Most of the crimes were committed by male relatives of the victims.

Three days before the 9-month-old was attacked last week, a 3-year-old was raped, allegedly by her grandfather. In the same week, a 14-month-old was assaulted by two uncles. With one South African in nine living with HIV/AIDS, such attacks are often a death sentence for the victims, said Glenys van Halter of South Africa Stop Child Abuse. She said that while the AIDS myth is driving the rapes, unemployment, poverty and alcoholism are also factors.

Hatfield said that in South Africa, whose constitution is billed as one of the world's most liberal, progressive laws are often at odds with reality. "South Africa has a history of violence, we communicate through violence, and it will be a long time before we move away from that," she said.

Source: http://www.thebody.com/content/art18625.html

Read More...

Collapse...

ပုံပြင် မဟုတ်သော ...

၂၀၀၄ ခုနှစ်က ရေးခဲ့တဲ့ စာမူကလေးကို ဒီမှာ attachment နဲ့ ပြန်တင်ပေးလိုက်ပါတယ်။
၅ နှစ် နီးပါး ကြာမြင့်ခဲ့ပြီ ဖြစ်ပေမယ့် အခု အချိန်အထိ ဒီ အပြုအမူတွေက ရှိမြဲ ရှိဆဲပါ။
စိတ်မကောင်းစရာ ကောင်းလှပါတယ်။
တကယ်ကို ပုံပြင် မဟုတ်ပါဘူး။
တကယ့် အဖြစ်အပျက်တွေထဲက လာတာပါ။

(Attachment က ဖွင့်လို့ မရဘူးလို့ ပြောလို့ စာမူ တစ်ပုဒ်လုံးကို ဒီမှာ ကူးပြီး ပြန်ထည့်ပေးလိုက်ပါတယ်။)
ပုံပြင်မဟုတ်သော

လာပြန်ပြီ တစ်ခါလာလဲ ဒီ မျိုးပွားကျန်းမာရေး ပညာပေး .. တစ်ခါလာလဲ ဒီကွန်ဒုံး အကြောင်း ... ခင်ဗျားတို့ ဆရာဝန်တွေကြောင့် ကလေးတွေက မသိသင့်တာတွေ သိပြီး မဖြစ်သင့်တာတွေ ဖြစ်ကုန် ကြတာဗျ ... သိလား ... သူတို့ဖာသာနေရင် အကောင်း ... ခင်ဗျားတို့က သင်ပေးနေကြတာ ... ခင်ဗျားတို့က ဖျက်ဆီးနေကြတာ”
သူ့သူငယ်ချင်း ဆရာဝန်နဲ့ အတူတူ လက်ဖက်ရည်ဆိုင်မှာ စကားပြောနေရင်းမှ ရောက်သွားခဲ့တဲ့ စကားလမ်းကြောင်း ဦးတည်ချက်ကြောင့် သူ့သူငယ်ချင်းကို သူ ဒေါသတကြီး ပေါက်ကွဲစွာ ပြောလိုက်မိသည်။ သူ့သူငယ်ချင်း ပြန်ရှင်းနေသည့် စကားလုံးတွေကိုပင် သူ နားမထောင်တော့။ လက်ဖက်ရည်ဖိုးကို စားပွဲပေါ်ပစ် တင်ကာ ထိုင်ရာမှ ထထွက်လာခဲ့သည်။ သူငယ်ချင်း အချင်းချင်း ဒီလောက်ကြီး စိတ်ဆိုးသွားဖို့ မသင့်ဘူးလို့ဘဲ ဆိုဆို သူ ဒီကိစ္စတွေကို အလွန်မုန်းသည်။
သူတို့ကြောင့် အားလုံး သိကုန်သည်။
အဆိုးဆုံးက သူ သွားနေကျ ဟိုကောင်မလေးတွေ။ သူ တစ်သက်လုံး ဒီကိစ္စတွေနဲ့ ကင်းခဲ့တာ မဟုတ်။ သူက ကွန်ဒုံး သုံးရတာကို လုံးဝ မကြိုက်။ ထို့ကြောင့် ဘယ်တုန်းကမှ မသုံး။ သူတို့က အတူတူပါပဲလို့ ပြောပေမယ့် သူ့စိတ်ထဲမှာ လုံးဝဆို လုံးဝကို မတူ။ သူတို့ ခြောက်လှန့်နေလို့ ကြောက်လန့်ကာ တလောက အိတ်ခ်ျအိုင်ဗီပိုး စစ်လိုက်ရသေးသည်။ အဲဒီတစ်ကြိမ်မှာ နဂ္ဂတစ်ဆိုပေမယ့် စိတ်မချရသေးဘူးဆိုလို့ နောက် ခြောက်လအကြာမှာ သူ ထပ်စစ်ရသည်။ နောက်တစ်ကြိမ်လည်း နဂ္ဂတစ်။ ပိုက်ဆံအလကား အကုန်ခံမိသည့်အတွက် သူ နောင်တရသလိုပင် ဖြစ်သွားမိ သည်။ အဲဒီလို စစ်ဆေးပြီး နောက်ပိုင်းမှာ သူက ဈေးမြင့်မြင့်မားမားနဲ့ သန့်သန့်ကလေးတွေကိုသာ သေသေချာ ချာ ရွေးချယ်တော့သည်။ ဒါတွေအတွက်ဆိုရင်တော့ သူ မနှမြောပါ။ ဒီလို သတိထားလိုက်ရင် ဒီအိတ်ခ်ျ အိုင်ဗီတွေ၊ အေအိုင်ဒီအက်စ်တွေအတွက် ဘာပူနေစရာ လိုတော့မှာလဲ။ သူ နောက်ဆုံးတွေ့ထားသည် ဖူးညက်နေ အောင် လှပသော ကောင်မလေးက သူ့ကို ကွန်ဒုံးနဲ့မှ လက်ခံမည်ဟု ဆိုသည်။ သူ့ပုံစံ ကြည့်ရတာ ဒီလောကထဲ ကို ရောက်တာပင် ကြာပုံမရသေး။ ဒီ ကောင်မလေးမျိုးမှ မသန့်ရင် ဘယ်လို ကောင်မလေးတွေ သန့်မတဲ့လဲ။ သူမက အားလုံးကို ကွန်ဒုံးနဲ့မှ လက်ခံတယ်ဆိုတော့ ပိုတောင် စိတ်ချရသေး။ သူ သုံးစရာ လုံးဝကို မလိုတော့တာ သေချာသွားပြီပဲ။ သူ့အတွေးနဲ့သူ ပျော်ကာ သူတို့ ချိန်းဆိုထားရာ နေရာသို့ ထွက်လာခဲ့သည်။ သူ့ရဲ့ ဒေါသတွေ စိတ်ညစ်ညူးမှုတွေ အားလုံး ပျောက်ကွယ်သွားသည်။ သူ ကြိုတင်တွေးထားသည့် အတိုင်း ကောင်မလေး ရှေ့မှာ ကွန်ဒုံးကို ဟန်ပြသာ သုံးကာ တားဆီးလို့ မရနိုင်တော့တဲ့ကာလမှာ ပြန်ချွတ်ပစ်လိုက်လေတော့သည်။

*** *** *** *** *** *** *** *** *** *** *** *** *** *** *** *** ***

အောင်နိုင်သူ အပြုံးနဲ့ သူမရဲ့ ဖောက်သည်သစ်ကို လှမ်းကြည့်ကာ သူမ မသိမသာ သက်ပြင်းချ လိုက်မိသည်။ ယောကျာ်းတွေရဲ့ နိုင့်ထက်စီးနင်း ပြုမှုတွေက သူမ ဘဝအတွက် ဘာမှ ထူးဆန်းတဲ့ အရာတွေ မဟုတ်တော့။ ဒီ့အတွက်ကြောင့်သာ သူမ ဒီဘဝကို ရောက်ခဲ့ရတာလေ။ ပြီးတော့ ဒီ့အတွက်ကြောင့်လည်း သူမ ပိုဆိုးတဲ့ အခြေအနေတစ်ခုကို ရောက်ရှိခဲ့ရပြီးပြီပဲ။ ပထမအကြိမ်ရဲ့ စစ်ဆေးတွေ့ရှိချက်ကို မယုံကြည်သဖြင့် သေချာအောင် ဒုတိယအကြိမ် ထပ်မံစစ် ဆေးရာမှ ရရှိခဲ့သည့် အဖြေ စာရွက်ကလေးထဲက စာသားတွေပင် သူမ မျက်စိထဲက မပျောက်ကွယ်သေး။ သူမအတွက် ကာကွယ်ဖို့ ပြောစဉ်ကလဲ မရ။ သူတို့အတွက် ကာကွယ်ဖို့ ပြောစဉ်မှာလဲ မအောင်မြင်။ ဒီလူတွေရဲ့ ဦးနှောက်နဲ့ စဉ်းစားဥာဏ်ကို သူမ တအံ့တဩ ဖြစ်နေမိသည်။ ဒီအတိုင်းဆို သူမရဲ့ အလှအပတွေ မပျက်စီးသေး တဲ့ ကာလတစ်ခု အထိတော့ သူမ ဝမ်းစာ ရှာလို့ ရနေဦးမှာပဲလေ။ ဒီဘဝ ဒီအခြေအနေအထိ နွံနစ်ခဲ့ပြီးသူ တစ်ဦးအနေနဲ့ အဖြစ်မှန်ကို ဖွင့်ပြောပြကာ မိမိ ဘဝကို ဒီ့ထက် အနာခံမှာ မဟုတ်ဘူးဆိုတာ ဒီယောက်ျားတွေ ဘာလို့များ မရိပ်မိနိုင်ကြတာပါလိမ့်နော်။
ကျွန်း
(၁၃၊၁၂၊ဝ၄။အမှတ်(၃၃၃)။ အလင်းတန်းဂျာနယ်)

Read More...

Collapse...

အသက် ၁၈ နှစ်ပြည့်မှ ဖတ်ပါ (၁)

ဆေးသမား မရွံရ၊ လူနာဖြစ် မရှက်ရဘူးတဲ့။ စအိုနဲ့ရော လိင်နဲ့ပါ ပတ်သက်တာမို့ ရွံစရာ-ရှက်စရာဆိုတာလေးတခု ရေးပါရစေ။

ကြားဘူးတယ် မဟုတ်လား၊ မဏိပူ (ကသည်း) ပုဏ္ဏားတွေဟာ အင်မတန် အသန့်ကြိုက်တယ်ဆိုတာ။ ထမင်းချက်ရင် စည်းဝိုင်းဝိုင်း ချက်တယ်။ ၀ိုင်းထဲကို ဘယ်သူမှ မ၀င်ရဘူး။ ရေမိုးချိုးပြီး၊ ပါးစပ်နဲ့ နှာခေါင်းကို အ၀တ်စီးတယ်။ အင်္ကျံတော့ မ၀တ်ဘူး။ တချို့ထူးတာက ဘယ်ဘက်လက်ကို စည်းဝိုင်းအပြင် ထုတ်ထားရသတဲ့။ ဘယ်လက်က (ရိုင်းတယ် ပြောတော့ဗျာ)၊ ၀မ်းသွားပြီးတိုင်း ဖင်ဆေး-သန့်ရှင်းရေး လုပ်တဲ့လက်မို့ ရွံတယ်ပေါ့။ မေးချင်တာက ၀မ်းသွားတဲ့ (ဖင်)ကတော့ စည်းဝိုင်းထဲမှာ မဟုတ်ပါလားလို့။

စအိုကနေ၀င်တဲ့ ကူးစက်ရောဂါဆိုတာ ဆေးစာထဲမှာ မရေးကြသေးပါ။ Feco-oral route စအို-ပါးစပ် လမ်းကြောင်းကနေ ကူးစက်တဲ့ ရောဂါတွေဆိုတာတော့ ရှိတယ်။ ၀မ်းလျော၊ ၀မ်းပျက်၊ ၀မ်းကိုက်၊ ကာလ၀မ်း၊ အူရောင်ငန်းဖျား၊ အသဲရောင် အေ၊ ပိုလီယို၊ ဆာလ်မိုနယ်လိုဆစ်၊ ရိုတာ-ဗိုင်းရပ်စ်၊ စတာတွေပါတယ်။ စအိုကနေ”ထွက်”ပြီး၊ ပါးစပ်ထဲကို တနည်းနည်းနဲ့ ၀င်လို့ ဖြစ်ရတာတွေပေါ့။ အခုခေတ်မှာကြ စအိုကနေ”၀င်”တာတွေ ဖြစ်လာနေပါပြီ။ စအိုကို တလွဲသုံးလာကြလို့ပါ။

ခန္ဓာဗေဒဆိုတာ ဆရာဝန်၊ သူနာပြုတွေ စစချင်းသင်ယူရတဲ့ဘာသာရပ်တခုပါ။ ၁၉၁၈ ကတည်းက ရေးခဲ့ပေမဲ့ ကနေ့အထိ ခန္ဓာဗေဒကို အပြည့်စုံဆုံး ရေးထားတဲ့စာအုပ်က Gray's Anatomy ဖြစ်ပါတယ်။ သူ့နောက် ခန္ဓာဗေဒ ပညာရှင်တွေ ရေးသမျှ စာတွေ-ကျမ်းတွေမှာလဲ ဖင်(စအို)ရဲ့တာဝန်ဝတ္တရားကို An excretory organ or an eliminative channel အညစ်အကြေး စွန့်ထုတ်ပေးရသောအင်္ဂါလို့ သတ်မှတ်ပါတယ်။ ၀မ်းသွား-လေလည်တာပေါ့။ ခုတော့ တာဝန်ပိုတွေပါ ထမ်းဆောင်နေရပါတယ်။

ကျား-ကျား လိင်တူ ဆက်ဆံတယ်ဆိုတာ AIDS ရဲ့သမိုင်းနောက်ခံပါ။ နောက် ဘီပိုးကလဲ တစခန်းထလာတော့ ပြောဘို့-ရေးဘို့ လိုလာပါတော့တယ်။ (ဂေး)အကြောင်း မဟုတ်ပါ။ ကျား-ကျား ဖြစ်ဖြစ်၊ ကျား-မဖြစ်ဖြစ် စအိုလမ်း အသုံးပြုပြီး ဆက်ဆံတာ၊ တဲ့တဲ့ပြောပါရစေ၊ (အေနယ်လ်-ဆက်စ်)ပေါ့။ Dangers of anal sex စအိုကနေ လိင်ဆက်ဆံတာရဲ့ အန္တရာယ်တွေကို ရေးခွင့်ပြုပါခင်ဗျား။

စအိုရဲ့မွေးရာပါအလုပ်ကို ပဌမ နားလည်သင့်ပါတယ်။ သူ့အထက်က Rectum အစာဟောင်းအိမ်ထဲမှာ မစင်(၀မ်း)တွေ ပြည့်လာတာနဲ့ ၀မ်းသွားချင်စိတ် ဖြစ်လာပြီး၊ စအိုနံရံတွေက ကျယ်လာပါတယ်။ အစာဟောင်းအိမ်က အပေါ်ကနေ အောက်ဆီ ဦးတည်တဲ့လှုပ်ရှားမှု Peristaltic waves အရ မစင်(၀မ်း)တွေဟာ စအိုထဲဝင်လာချိန် အထိန်းကြွက်သား အ၀ိုင်းတွေက လျော့ဖွင့်လိုက်လို့ ၀မ်းသွားခြင်း ဖြစ်လာတာပါ။ “စအိုထဲကို အပြင်ကနေ ထိုးသွင်းတာကို လက်ခံရမဲ့ အစီအမံဆိုတာ လုံးဝမရှိပါ။”

နှစ်ပေါင်း ၄၀၀၀ လောက်က ထွန်းကားခဲ့တဲ့ (အိန္ဒု)ယဉ်ကျေးမှုခေတ်ကတည်းက ရှိခဲ့ဘူးတဲ့ အထောက်အထားတွေ၊ နောက်ပြီး ၂ ရာစုက ရှိခဲ့တဲ့ (အာဂျန်တာ) လှိုင်ဂူက ရုပ်တုတွေ၊ တခါ ဟိန္ဒူဘုရားတဆူဖြစ်တဲ့ သျှီဗား ရဲ့တံခါးမှူး မြင့်မြတ်သော နွားလား နန္ဒီကနေ သူ့သခင်(ဘုရား) နဲ့ ဒုတိယ မယား (ပါရ်ဗသီ)တို့ရဲ့ ချစ်ကြွမ်းဝင်ကြပုံ (နည်းအစုံစုံ) တွေကို ကြားသိပြီးသကာလ နောင်လာနောက်သား လူအများအကျိုးငှာ ဖေါက်သည်ပြန်ချခဲ့လို့ သက္ကတဘာသာနဲ့ ရေးမှတ်ခဲ့တဲ့ (ကာမသျှတ္တရ)ကျမ်း ဆိုတာတွေ ကြည့်ရင် လိင်ဆက်ဆံမှုပညာဆိုတာဟာ သမားရိုးကျထက် ဆန်းပြားပါလားလို့ ပြောနိုင်ပါတယ်။ ဆန်းတာတွေ ရှေးကတည်းကရှိလို့ ဆန်းတာ ဘာဆန်းတာမှတ်လို့၊ လုပ်သာလုပ်၊ စမ်းချင်စမ်းလို့ အားမပေးလိုပါ။ ဆက်ဖတ်ပါခင်ဗျား။

Anal sex ဟာ အများထင်သလို အန္တရာယ်မရှိ မဟုတ်ပါ။ စအိုထဲမှာ ဖုံးထားတဲ့ အပေါ်ဖုံးအလွှာဟာ သာမန် အရေပြားလို မဟုတ်ဘူး လူ့အရေပြားဆိုတာက Kerotinized လုပ်တားတာ။ (ကရတင်)ဆိုတဲ့ ပိုခိုင်မာတဲ့ (တစ်ရှူး)နဲ့ ဖုံးနေတာ၊ စအိုထဲမှာ အဲဒါ မရှိဘူး။ နောက်ပြီး စအိုမှာ (စဖင်တာ)ဆိုတဲ့ ကြွက်သားဝိုင်းရှိတယ်။ နှစ်ထပ်တောင် ရှိတာ၊ အပြင်ကောင်က စိတ်ကနေ ထိန်းနိုင်ပြီး၊ အထဲဝိုင်းကတော့ ထိန်းမရဘူး။ သူတို့က ၀မ်းသွား-လေလည် အ၀င် အထွက်ကို ထိန်းပေးတာ။ တကယ်လို့ တစုံတခုက စအိုကို လာထိတာနဲ့ လူ့ကိုယ်ခန္ဓာရဲ့ သဘောဝအရ (စဖင်တာ)က ပိုပြီး တင်းတောင့် ပိတ်ဆို့တဲ့ တုံ့ပြန်မှု လုပ်ပါမယ်။ Reflex ခေါ်တယ်။

ဒါ့ကြောင့် မာတာနဲ့ ထိုးမိရင် စုတ်ပြဲသွားနိုင်တယ်။ တကယ်လို့ အလိုမတူသူ ဖြစ်နေရင် ပိုဆိုးမှာပါ။ အရေပြားလွှာ ၃ ထပ်ရှိတဲ့ မိန်းမကိုယ်နဲ့ မတူတာက ၁ ထပ်တဲရှိတဲ့ စအိုဟာ ဆန့်နိုင်ကြုံ့နိုင်စွမ်း အတော်နည်းပါတယ်။ သဘာဝအရလည်း မဆက်ဆံမီ မိန်းမကိုယ်က ထွက်လာရတဲ့ အရည်ဟာ အဆင်ပြေအလွန်းလို့ Honorably discharge လို့တောင် ခေါ်သေးတယ်။

လိင်ဆက်ဆံတဲ့အခါ တခါတလေ လိင်တံရဲ့ အရေပြားကလည်း ပွန်းပဲ့သွားတတ်တယ်။ အဲဒီနည်းနဲ့လိင်ဆံဘို့ Lubrication ချောဆီ သုံးရတယ်။ KY Jelly (KY Sexual Lubricant) က ပေါ်ပြူလာ အဖြစ်ဆုံးပါ။ သူက တခါသုံး မလာပါ။ တခါသုံး မဟုတ်တာ မှန်သမျှ စိတ်မချရတာ သိမှာပါ။ Jelly သုံးပေမဲ့ နဲနေရင်၊ ဒါမှမဟုတ် အလျင်အမြန် ထိုးသွင်းရင် သေခြာပေါက် စအို စုတ်ပြဲ ပါလိမ့်မယ်။ စုတ်ပြဲတာက သွေးထွက်ချင်မှ ထွက်ပါမယ်။ သေးသေးလေး ဖြစ်အုံးတော့ အင်မတိ အင်မတန် သေးငယ်လွန်းလှတဲ့ ဗက်တီးရီးယား၊ ဗိုင်းရပ်စ်တွေအတွက်ကတော့ (ဆူပါ-ဟိုင်းဝေး) ဖြစ်နေမယ်။

အဲဒီကနေ ပိုးဝင်လို့ ကူးစက်နိုင်တဲ့ ရောဂါတွေကတော့ အသဲရောင်ဘီ၊ လိင်ကတဆင့် ကူးစက်ရောဂါတွေ (ရှန်ကာ၊ ကြွက်နို့၊ ဖတ်းဂတ်စ်၊ ဂနိုးရီးယား) နဲ့ HIV တို့ ဖြစ်ကြပါတယ်။ စအိုဘေးက အရေပြားမှာ ပိုးရှိရင် ယားနာဆိုတာလဲ ကူးနိုင်ပြန်ပါသေးတယ်။ နောက်တချက် ယောက်ျားဆီးပြွန်ကပဲ Urine ဆီးရော Semen သုတ်အရင်ထွက်တဲ့ အရည်ချွဲရော၊ Sperm သုတ်ရည်ရော ထွက်ရတယ်။ ဒါ့ကြောင့် ဆီးလမ်းရောဂါပိုးကလဲ စအိုထဲ ၀င်နိုင်ပြန်ရော။ စအိုကင်ဆာ ကိုတော့ ဖြစ်နိုင်ခြေစာရင်းလောက်သာ ထည့်ပါမယ်။

Annal canal အရှည်က 2.5 to 4 cm သာ ရှိတာမို့ စအိုအထဲကို ဘယ်လောက်ပဲ ၀မ်း မရှိအောင် လုပ်ထားပါစေ ဘာထည့်ထည့် ပေကျံလာမှာပါ။ စအိုနဲ့ ထိပြီးသားအရာကို အမျိုးသမီးရဲ့ ဆီးလမ်းအ၀နဲ့ မထိပါမှ ဆီးလမ်းပိုး ၀င်တာ မဖြစ်မှာပါ။ မိန်းမကိုယ်အ၀ကို တဆက်တည်း ပြန်သုံးရင် ပိုးဝင်နိုင်တယ်။ ပါးစပ်ဆိုတာတော့ ပြောမနေနဲ့ပေါ့။ ဆိုတော့ မတိုင်ခင်ရော၊ ကြားထဲမှာရော၊ ကိစ္စပြီးချိန်မှာရော ဘယ်လောက် ကရိကထများလိုက်သလဲ။ သာယာမှုနဲ့ မျှပါသလား။ တပ်မက်မှုကြောင့်ဖြစ်လာတဲ့ လိင်ဆက်ဆံမှုက ရလိုတာဟာ သာယာမှု၊ ကျေနပ်မှု နဲ့ ပြည့်ဝမှု မဟုတ်ပါလော။

လိင်ဆက်ဆံတာဟာ နှစ်ဦးနှစ်ဖက်ကိစ္စပါ။ အသက်လည်းပြည့်ပါမှ နှစ်ဦးသဘောတူဆိုပါမှ Rape မဖြစ်မှာ။ နှစ်ဦး သဘောတူ ဆိုရာမှာ (နည်း)ပိုင်း၊ (အနေအထား)ပိုင်း၊ အချိန်ပိုင်းတွေမှာပါ နှစ်ဦးသဘောတူမှ ပြည့်စုံပါလိမ့်မယ်။ တဦးသဘောမတူတာကို တဦးက နည်းလည်မှုပေးဘို့ လိုမှာပါ။ မဟုတ်ရင် တချို့တိုင်းပြည်တွေမှာ ဥပဒေက ခွင့်မပြုပါ။ တကယ်လို့ ယောက်ျားနဲ့ မိန်းမ စအိုလိင်ဆက်ဆံနည်း သုံးမယ်ဆိုရင် ယောက်ျားဖြစ်သူဟာ Physiological and Psychological nature of the practice ဇီဝကမ္မဗေဒ အရရော စိတ်ပညာအရပါ နားလည်ဘို့ လိုမှာပါ။

စိတ်ပိုင်းဆိုင်ရာလဲ ထည့်ဆွေးနွေးရအောင်။ သဘာဝအားဖြင့် ကျား-မ လိင်ဆက်ဆံတယ်ဆိုတာ ဆက်ဆံချင်စိတ် ဖြစ်ပေါ်လာတာနဲ့ အမျိုးသမီးဟာ ယောက်ျားရဲ့ ကြီးစိုးလွှမ်းမိုးမှုကို Submission or Surrender စိတ်လိုလက်ရ နာခံလိုက်တာ ဖြစ်ပါတယ်။ မိန်းမရဲ့စအိုကို ဆက်ဆံချင်သူ ယောက်ျားမျိုးကတော့ ဒီလို လွှမ်းမိုးချင်စိတ် Domination ထက် ကဲပါတယ်။ စိတ်ပညာအလိုအရ အဲလို ယောက်ျားသားတွေဟာ Male domination complex ကျားလွှမ်းမိုးစိတ်ကဲမှု၊ Sexual deficiency complex လိင်ပိုင်းဆိုင်ရာ အားနည်းမှု၊ Low self-esteem မိမိကိုယ်ကိုယ် အထင်ရောက်မှု၊ Demeaning attitude towards women မိန်းမသားနဲ့ပတ်သက်ရင် အမြင်ကွဲလွဲမှု တခုခု ရှိနေတတ်ပြီး၊ မေတ္တာ-ချစ်တာ အားနည်းသူ ဖြစ်နေတတ်ပါသတဲ့။

နည်းအဆန်း စမ်းသူများ (ကွန်ဒွန်)သုတတော့ ရှိမယ်ထင်ပါတယ်။ ရှိအုံးတော့ (အေနယ်)နည်း သုံးရင် ပိုခိုင်မာတဲ့ (စပယ်ရှယ်-ကွန်ဒွန်) သုံးသင့်တယ်လို့ ဆိုပါတယ်။ အမေရိကမှာ အရေးပေါ်ဌာနတခုကိုလာတဲ့ စအိုထဲ ပစ္စည်းတခုခု (Foreign body) ၀င်လို့ လာသူတွေထဲမယ် ၇၈%ဟာ စအိုလိင်ကိစ္စကြောင့် ဖြစ်ရပါသတဲ့။

သိတဲ့အတိုင်း လိင်ဆက်ဆံက (အင်နာဂျီ) အတော် ကုန်တာပါ။ စအိုထဲ ထိုးသွင်း-ဆွဲထုတ်တာက ပိုပြီး (အင်နာဂျီ) သုံးပါတယ်။ နှစ်ယောက်လုံးက ကျန်းမာရေး ဒေါင်ဒေါင်မည်ရပါမယ်။

နောက်ဆက်တွဲက စအိုလိင်ဆက်ဆံတာ များလာတာနဲ့ ယောက်ျားဖြစ်ဖြစ်၊ မိန်းမဖြစ်ဖြစ် စအိုထိန်းကြွက်သားတွေ အားနည်းလာမယ်။ ၀မ်းထိန်းရတာ၊ လေထိန်းရတာ အားနည်းလာမယ်။ ၀မ်းသွားမမှန်ဖြစ်လာမယ်။ Kegel exercises လေ့ကျင့်ခန်း အလုပ်ခိုင်းယူရပါလိမ့်မယ်။ လူကြားသူကြား သွားတိုင်း (ဒိုင်ပါ)တမျိုးကို အမြဲအပိုဝတ်ထားရပါတော့တယ်။

သိပ္ပံအရ ပြောပြော၊ သဘာဝအရ ဆိုဆို၊ ဆင်ခြင်တုံတရားအရ တွေးတွေး၊ စအိုဟာ စွန့်ထုတ်စရာသာဖြစ်ပြီး မိန်းမကိုယ် (မွေးလမ်းကြောင်း)လို ထိုးသွင်းရမဲ့ဒွါရ မဟုတ်တာ သေခြာပါတယ်။ သဘာဝတရားနဲ့ ဆန့်ကျင်တာ နောက်တခုကတော့ အထက်ကနေ အောက်ကို ဆင်းသက်တဲ့ လားရာကို ပြောင်းပြန် လုပ်မိတာပါ။ ဒီခေတ်ကြီးမှာ သဘာဝဆိုတာကို Environment သဘာဝပတ်ဝန်းကျင်၊ ဂေဟစနစ် နဲ့ Organic မပြုမပြင် အစားအသောက်ကိုသာ ကျယ်ကျယ် လောင်လောင် ပြောနေကြပြီး၊ သဘာဝမကျတဲ့ လူတွေရဲ့ အကျင့်စရိုက်တွေကိုကြတော့ ပိုဆိုးဆိုး လာနေတာဟာ အဆီအငေါ် မတည့်ဘူး ထင်ပါတယ်။

စအိုလိင်ဆက်ဆံနည်း ဥရောပကစတယ် ဆိုပါတယ်။ ဂရိ၊ ရိုမန်၊ ဘေဘီလုံ၊ ပါရှားခေတ်ကတည်းကပါတဲ့။ အာဖရိက မှာတော့ ဒါကို Taboo လို့ ယူဆပါတယ်။ မလုပ်သင့်ဘူးလို့ မှတ်ယူတာမျိုးပေါ့။ ဒါပေမဲ့ ကနေ့ခေတ်မှာ အာဖရိက နွယ်ဖွါး အမေရိကန်များမှာ ခေတ်စားလှပါတယ်။ သိတဲ့အတိုင်း အမေရိကားမှာ သူတို့တတွေရဲ့ အဆင့်အတန်းဟာ ဘာလဲလို့။ ကြားချင် ကြားဘူးမယ် သီချင်းထဲ ထည့်စပ်ကြတာ။ သူတို့တတွေပါဘဲ။ "Lick it till your tongue turn doo doo brown" "Da Butt" "Baby Got Back" နောက် မှတ်သားဘို့ ကောင်းတာတခုက အကျဉ်းစခန်းတွေမှာ အသုံးချစရာ စအိုသာရှိလို့ ထောင်ကလာတဲ့ ဇာတ်လမ်းလို့လဲ ဆိုနိုင်ပါသေးတယ်။

ကမ္ဘာကျော် ရေမွှေးကို ဂျာမနီ Cologne ကနေ ထုတ်တာ မဟုတ်ပါလား။ Jovan Musk ဆိုတာ ၁၉၇၃ ကစ ထုတ်တယ်။ သမင် တမျိုးကရတဲ့ ယောက်ျားသားတွေရဲ့ အနံ့ရှိတယ်ဆိုပြီး၊ လိင်ဆွဲဆောင်မှုအတွက် ရေမွှေးလုပ် ထုတ်တာဖြစ်ပါတယ်။ ရောင်းကောင်းလို့ ကျားသုံး-မသုံး နှစ်မျိုးလုံး ထုတ်ပါတယ်။ ဆိုချင်တာက လိင်ဆက်ဆံရေးမှာ အနံ့ရဲ့ အရေးပါတာကိုပါ။ အမျိုးသမီးများရဲ ယောနိကနေ Pheromones ဆိုတာ အလိုလို ထုတ်ပါတယ်။ ဆန့်ကျင်ဖက်လိင်ကို ဆွဲဆောင်နိုင်တဲ့ အနံ့ပါ။ စအိုမှာ အဲဒီအစွမ်းက ဗလာနတ္ထိ မရှိပါ။ မစင်နံ့သာ ရှိပါတယ်။

လူကြီးတွေက ဆုံးမတယ် အိမ်ပြင်ကအမှိုက် အိမ်ထဲမသွင်းနဲ့တဲ့။ ဆရာဝန်က အကြံပေးချင်တယ် အညစ်အကြေးကို အသစ်ကလေး မထင်နဲ့လို့။

Dr. တင့်ဆွေ

Read More...

Collapse...

Let’s Talk About Sex!

လောလောဆယ်မှာ အချိန် စီမံခန့်ခွဲမှု အလွန်ကို ညံ့ဖျင်းနေတဲ့အတွက် ဒီနေရာက ခဏ ရှောင်ပြေးဖို့ ကြိုးစားနေတာပါ။
ဒါပေမယ့် ပါးစပ်နဲ့ လိင်ဆက်ဆံခြင်းနဲ့ ပတ်သက်တဲ့ မေးခွန်းလေး လာမေးထားတာတွေ့တာနဲ့ တတ်တဲ့ ပညာ မနေသာ ဆိုသလို (၀ါသနာကလဲ ပါလေတော့) ရေးချင်လာမိ ပြန်တယ်။
အိတ်ခ်ျအိုင်ဗွီ၊ အေအိုင်ဒီအက်စ်ကြောင့် ကျွန်မတို့ အရင်က မပြောဆို မဆွေးနွေးခဲ့ကြတဲ့ အရာတွေကို ပြောဆို၊ ဆွေးနွေး လာကြရပါတယ်။
အဲဒီလို ပြောဆို ဆွေးနွေးပြီး အိတ်ခ်ျအိုင်ဗွီ၊ အေအိုင်ဒီအက်စ် တားဆီး ကာကွယ်ရေး လုပ်ငန်းတွေမှာ ပါဝင်လာကြသူတွေထဲ လိင်မှု လုပ်ငန်းနဲ့ နေ့စဉ် အသက်မွေးနေရတဲ့ လိင်အလုပ်သမလေးတွေ ပါသလို၊ လိင်မှု ကိစ္စဆို ဝေးဝေးက ရှောင်တယ်၊ လုံးဝ အပူ မရှာဘူးဆိုတဲ့ အပျိုကြီး စစ်စစ်တွေလဲ ပါပါတယ်။
ရည်းစားတောင် တစ်ခါမှ မထားဘူးသေးတဲ့ ညီမလေးတွေ ဆိုလဲ “သမီးတို့တော့ ပညာပေးရင်းနဲ့ ကျိန်းတွေ ကျေနေပါပြီ အစ်မရယ်“ လို့ ညည်းကြ ရှာပေမယ့် သူများတွေ အန္တရာယ်ကင်းဖို့ ရှက်တဲ့ ကြောက်တဲ့ စိတ်တွေကို ဘေးချိတ်ပြီး ပြောပြနေကြရပါတယ်။

အိတ်ခ်ျအိုင်ဗွီ၊ အေအိုင်ဒီအက်စ် တားဆီး ကာကွယ်ရေး အတွက်က လူတိုင်း လူတိုင်းမှာ တာဝန်ရှိတော့ လူတိုင်း လူတိုင်းက ဒီသတင်းအချက်အလက်တွေကို သိထားသင့်တယ်၊ သိထားခွင့် ရှိတယ်လို့ ကျွန်မ ယုံကြည်ပါတယ်။
လိင်မှု ကိစ္စမှာ လုံးဝ ရှောင်ကြဉ်မှုကပဲ ၁၀၀ ရာခိုင်နှုန်း စ်ိတ်ချရတယ်လို့ ပြောနိုင်တဲ့ အနေအထားမှာ ရှိတာပါ။ (မှားတယ် ထင်ရင် ပြန်ငြင်းကြပါ။)
အဲဒီတော့ အဲဒီလို မရှောင်ကြဉ်နိုင်တိုင်းမှာ အန္တရာယ်ကို အနည်းနဲ့ အများ ဆိုသလို ယူမိတတ်ကြပါတယ်။
ဒီတော့ ကိုယ် ယူမယ့် အန္တရာယ်က ဘယ်လောက်အထိ မြင့်မားသလဲ ဆိုတာကို လူတိုင်း လူတိုင်း သိခွင့် ရှိတယ်လို့ ထင်ပါတယ်။
အဲဒီ လိင်ဆက်ဆံမှုရဲ့ အန္တရာယ် အနည်းအများ အနေအထားထဲမှာ ပါးစပ်နဲ့ လိင်ဆက်ဆံတာကတော့ အိတ်ခ်ျအိုင်ဗွီပိုး ကူးစက် ခံရနိုင်မှုမှာ တော်တော်လေး နည်းပါးတဲ့ အနေအထားမှာ ရှိပါတယ်။
ဒါပေမယ့် အခြား ကာလသားရောဂါတွေ ကူးစက် ခံရနိုင်မှု များပါတယ်။
ဖြစ်နိုင်ရင် ကွန်ဒုံးကို သုံးတာ ကောင်းပါတယ်။
စအိုက လိင်ဆက်ဆံခြင်းနဲ့ ပတ်သက်လို့ ဆရာတစ်ယောက်က ရေးပေးမယ်လို့ ပြောထားပါတယ်။ရေးနိုင်တဲ့ သူတွေ ဆက်ရေးပေးကြဖို့ ကျွန်မ ဒီမှာပဲ ရပ်ထားပါတော့မယ်။

Read More...

Collapse...

ဝယ်လိုအား

ဒီစာမူလေးကို ရေးထားခဲ့တာ ကြာပါပြီ။ အခုမှ စာမူ အဟောင်းတွေကို ပြန်ရှာရင်း ပြန်တွေ့တာပါ။
အိတ်ခ်ျအိုင်ဗွီ၊ အေအိုင်ဒီအက်စ် တားဆီးကာကွယ်ရေး ရှုထောင့် ဘက်က ကြည့်မယ်ဆိုရင်လဲ သက်ဆိုင်မယ်လို့ ယူဆမိလို့ ဒီမှာ တင်လိုက်တာပါ။
မဂ္ဂဇင်း၊ ဂျာနယ် တစ်ခုခုမှာ ပုံနှိပ် ဖော်ပြခဲ့ဖူးသလား၊ မဖော်ပြခဲ့ဖူးဘူးလား ဆိုတာကိုတော့ မမှတ်မိတော့ပါဘူး။

" ရှားပါး တိရိစ္ဆာန်တွေကို ကာကွယ် စောင့်ရှောက်ပေးကြဖို့အတွက် ကမ္ဘာကျော်မင်းသား မင်းသမီးတွေက သူတို့ရဲ့ ပရိတ်သတ်တွေကို ရှားပါး တိရိစ္ဆာန်တွေကနေ ရရှိတဲ့ ပစ္စည်း အသုံးအဆောင်တွေကို မဝယ်ကြဖို့ တားမြစ်တဲ့ ကြော်ငြာကို ကြည့်ဖူးပါတယ်။ သူတို့က ပြောတယ်။
'ဝယ်ယူမှုတွေ ရပ်ဆိုင်း သွားမယ်ဆိုရင် သတ်ဖြတ်တာလည်း ရပ်ဆိုင်းသွားနိုင်ပါတယ်'တဲ့။

*** **** *** *** *** *** *** *** *** **** *** *** *** *** *** ***

သူက ကာရာအိုကေ စားသောက်ဆိုင်တွေ၊ ကာရာအိုကေ သီချင်းဆိုခန်းတွေနဲ့ အနှိပ်ခန်းတွေကို အမြဲတမ်း သွားနေတတ်သူ တစ်ဦးပါ။ အဲဒီမှာ အလုပ်လုပ်နေတဲ့ ကောင်မလေးတွေက အဲဒီဘဝကနေ မတက်တော့တဲ့သူတွေ၊ အဲဒီကနေ ပျက်စီးသွားတဲ့သူတွေကို တွေ့တော့ သူ စိတ်မကောင်း။ ဒါကြောင့် အဲဒီလို သွားရင်းနဲ့ အဲဒီမှာ လုပ်စားနေကြတဲ့ ကောင်မလေးတွေနဲ့ ခင်မင်လာတဲ့အခါ သူတို့ကို ဘဝအတွက် တိုးတက်ရာ တိုးတက်ကြောင်းတွေ ကြိုးစားဖို့ တိုက်တွန်းမိပါတယ်။ ဒါပေမယ့် ကောင်မလေးအများစုက သူ့ကို မုန့်ဖိုးသာ ပိုတောင်းကြပါတယ်။ တခြားအလုပ်လုပ်စားဖို့ အရင်းအနှီးတို့၊ ပညာထပ်သင်ဖို့ စရိတ်တို့ကို မလိုချင်ကြပါဘူးတဲ့။ အလွန်နည်းတဲ့ အရေအတွက်ကလေးကတော့ ပညာထပ်သင်ဖို့ လိုလားကြပါတယ်။ အဲဒီလူတွေကို လိုအပ်တဲ့ ပညာတွေ ထပ်သင်ဖို့ သူ ထောက်ပံ့ ကူညီခဲ့ပါတယ်။ ဒါပေမယ့် အဲဒီထဲက လက်ချိုးရေတွက်လို့ လက်တစ်ဖက်တောင် မပြည့်တဲ့သူတွေကဘဲ ကိုယ့်ကိုကိုယ် ပြုပြင်ပြောင်းလဲပြီး ပိုကောင်းရာ ဘဝကို ရောက် ရှိသွားကြပါတယ်။ ကျန်တဲ့သူတွေကတော့ သင်တန်းတွေ တက်အပြီးမှာ ဒီနေရာတွေမှာပဲ ပြန်တွေ့နေရပါတယ်။ သူ ဒီလို လူတွေကို တွေ့ရတော့ အလွန်စိတ်ပျက်လှပါတယ်။ ဘာလို့များ ကူညီ ဆယ်တင်လို့ မရနိုင် ရတာပါလိမ့်။ ဒီမိန်းကလေးတွေကို သူ နားမလည်နိုင်ပါဘူး။
ဒါပေမယ့် သူကတော့ အဲဒီနေရာတွေကို အမြဲ မပြတ်သွားမြဲ။ အနှိပ်ခံမြဲ။ မုန့်ဖိုးပေးမြဲ။ ပန်းကုံးစွပ်မြဲလေ။"

Read More...

Collapse...

8th ICAAP Song

အိတ်ခ်ျအိုင်ဗွီ သီချင်းနဲ့ ပတ်သက်လို့ မေးတဲ့သူ ရှိလာလို့ တင်လိုက်တာပါ။

၈ကြိမ်မြောက် အာရှနှင့် ပစိဖိတ်ဒေသတို့တွင် ဖြစ်ပွားနေသော အေအိုင်ဒီအက်စ် ရောဂါအတွက် အပြည်ပြည်ဆိုင်ရာ အစည်းအဝေး (8th international congress on AIDS in Asia and Pacific ) မှာ အသုံးပြုခဲ့တဲ့ သီချင်းလေးပါ။

အမည်က waves of change; waves of hope ဖြစ်ပြီး သီဆိုသူ နာမည်ကို ပြန်ရှာလို့ မတွေ့တော့ပါဘူး။

အပြင်မှာ ရှိပြီးသား သီချင်းကို ယူသုံးထားတာလို့ မှတ်ထားမိခဲ့ပေမယ့် အခု ပြန်ရှာတော့ သူတို့ အစည်း
အဝေးမှာ သုံးခဲ့တဲ့ ခေါင်းစဉ်နဲ့ တူနေတာကြောင့် ဒီ အစည်းအဝေးအတွက် သီးခြားရေးခဲ့တဲ့ သီချင်းလဲ ဖြစ်နိုင်ပါတယ်။

သီချင်းစာသားတွေက အားလုံးကို ခွန်အား ဖြစ်စေမယ်လို့ ယူဆမိပါတယ်။

Read More...

Collapse...

Introduction to IEC

IEC မိတ်ဆက်

IEC အကြောင်း ပြောပေးပါလို့ တောင်းဆိုထားတဲ့ သူငယ်ချင်းကို သတိရလို့ ဒီ powerpoint လေး တင်လိုက်တာပါ။
ပုံကလေးတွေကို ကြည့်လိုက်ရင် သူ ဘာကို ပြောချင်တယ်ဆိုတာ ရှင်းပြနေစရာ လိုမယ် မထင်ပါဘူး။

အလွန်ကို ထိရောက်တဲ့ IEC နည်းလမ်းကလေးကို သုံးထားတာပါ။

IEC ဆိုတဲ့ စကားလုံးနဲ့ စိမ်းနေသူတွေ ရှိပါလိမ့်မယ်။

IEC ဆိုတာ information, education and communication ကို အတိုကောက် ခေါ်တာပါ။
အဲဒါအတွက် အသုံးပြုတဲ့ အထောက်အကူပြု ပစ္စည်းတွေက IEC material တွေပေါ့။
ဒီ powerpoint က ပုံလေး နှစ်ပုံကို ဆေးလိပ်သောက်ခြင်းကို တားဆီး ကာကွယ်ရေးအတွက် IEC material တွေလို့ ပြောလို့ရပါတယ်။

IEC material တွေ၊ IEC နည်းလမ်းတွေက ပြည်သူ့ ကျန်းမာရေး လုပ်ငန်းတွေအတွက် အလွန်ကို အထောက်အကူ ပြုနိုင်တာမို့ ယနေ့ခေတ်မှာ IEC က ပြည်သူ့ ကျန်းမာရေး လုပ်ငန်းတွေအတွက် အရေးပါတဲ့ အစိတ်အပိုင်း တစ်ခု အနေနဲ့ တည်ရှိနေပါတယ်။

စကားလုံးက စိမ်းချင် စိမ်းမှာ ဖြစ်ပေမယ့် ပစ္စည်းတွေ၊ နည်းလမ်းတွေကတော့ အားလုံးနဲ့ ရင်းနှီးနေပြီးသား ဖြစ်မယ်လို့ ထင်ပါတယ်။

လက်ကမ်းစာစောင်၊ ပိုစတာ၊ ကြော်ငြာ စတဲ့ လူတွေကို ကျန်းမာရေးဆိုင်ရာ အသိပညာ သတင်း အချက်အလက် ပေးတဲ့ နည်းလမ်းတွေ၊ ပညာပေးပွဲ၊ အလုပ်ရုံဆွေးနွေးပွဲလို ကျန်းမာရေးဆိုင်ရာ အပြုအမူတွေ ပြောင်းလဲလာအောင် ကြိုးစားအားထုတ်တဲ့ နည်းလမ်းတွေ အားလုံးက IEC ဆိုတဲ့ ခေါင်းစဉ် အောက်ကို ၀င် ပါတယ်။

ကျွန်မတို့ ဒီလို ဘလော့ဂ်တွေ ရေးပြီး အသိပညာတွေ မျှဝေနေတာ၊ ဆွေးနွေးနေ၊ ငြင်းခုံနေကြတာကလဲ IEC နည်းလမ်းတွေထဲက တစ်ခုပါပဲ။

အခုက မိတ်ဆက်ရုံလေးမို့ ဒီလောက်နဲ့ပဲ ရပ်ထားပါရစေ။

(မှတ်ချက် - ဒီ powerpoint က prize-winning ad ဆိုတဲ့ forwarded mail ထဲက ဖြတ်ယူထားတာပါ။ မူရင်း ဖန်တီးသူကို မသိပါဘူး။)

Read More...

Collapse...

Reaching People

လက်လှမ်းမီ ရောက်ရှိမှုအကြောင်း တစ်စေ့တစ်စောင်း

အ်ိတ်ခ်ျအိုင်ဗွီ ရောဂါပိုး ရှိသူတွေကို လက်လှမ်းမီ ရောက်ရှိဖို့ ခက်ခဲနေတဲ့ အကြောင်း လာမေးထားတဲ့ မေးခွန်းကလေးကြောင့် ဒီပို့စ်ကို ရေးဖြစ်တာပါ။
ဖတ်ထားတာတွေ၊ ရထားတာတွေထဲက ပြန်ဆွဲထုတ်ပြီး ကိုယ်နားလည်သလို ပြန်ပြောမှာမို့ စာကိုးတွေကို အတိအကျ ပေးနိုင်မှာ မဟုတ်ပါဘူး။ အဲဒီအတွက် ကြိုတင် တောင်းပန်ချင်ပါတယ်။ စာကိုးတွေ ရှာတွေ့မှ ရေးမယ်ဆိုရင် တော်တော်နဲ့ ရေးဖြစ်မှာ မဟုတ်လို့ ဒီအတိုင်းပဲ ရေးလိုက်တာပါ။
Empathy ဆိုတဲ့ စကားလုံးလေးကို အရင် ပြောပြချင်ပါတယ်။
Sympathy နဲ့ ကွာခြားပြီး ကိုယ် လက်လှမ်းမီ ရောက်ရှိချင်သူတွေ အပေါ်မှာ လက်လှမ်းမီ ရောက်ရှိချင်သူက အမှန်တကယ် ရှိသင့်တဲ့ သဘောထားလေးပါ။
မြန်မာလို ပြန်ရင်၊ စကားလုံး နှစ်ခု စလုံးကို ကိုယ်ချင်းစာစိတ်၊ စာနာစိတ်လို့ ပြန်ယူရမယ် ထင်ပါတယ်။

ဒါပေမယ့် ကွာခြားချက်က sympathy က သူများ ငိုရင် လိုက်ငိုချင်တဲ့ စိတ်မျိုး၊ သူများနေရာမှာ ၀င်ပြီး ခံစားပေးချင်တဲ့ စိတ်မျိုးလို့ ပြောရမယ် ထင်ပါတယ်။ Sympathy က ကူညီသူကိုရော၊ ကူညီခံရသူကိုပါ ပျော့ညံ့သွားစေပါတယ်။
Empathy က ဘေးကနေ အားပေးတာ။ သူ ငို သလို လိုက်မငိုပါဘူး။ သူ့နေရာမှာ ၀င်ပြီး မခံစားပါဘူး။ သူ့အနေအထားကို နားလည်ပြီး သူနဲ့ အတူတူ ဘေးက လိုက်လျှောက်ပေးတာလို့ ပြောပြရင် အနည်းငယ် သဘောပေါက်မယ်လို့ ထင်ပါတယ်။ Empathy က ကူညီခံရသူကို အားတက်လာစေသလို၊ ကူညီတဲ့ သူကိုလဲ ထိခိုက်စေမှု နည်းပါးပါတယ်။
ကျွန်မတို့ တစ်တွေ ကိုယ့်မှာ ရှိလာအောင် ဆောင်ရွက် ယူရမှာက empathy ပါ။ sympathy မဟုတ်ပါဘူး။
လူတွေကို လက်လှမ်းမီ ရောက်ရှိချင်ရင် အဲဒီ empathy နဲ့ သူတို့ရဲ့ အနေအထားကို သေသေချာချာ နားလည်အောင် ဆောင်ရွက်ရပါတယ်။
လူနာကို ဆရာဝန် တစ်ယောက်က ဆေးကုတဲ့အခါ ရောဂါ ရှာဖွေမှု (diagnosis) ကို အရင် လုပ်ရသလို လူထုကို လက်လှမ်းမီ ရောက်ရှိချင်တဲ့ ကျန်းမာရေး လုပ်သားတွေကလဲ ကိုယ် ကူညီဖို့ ဦးတည်ထားတဲ့ လူထုရဲ့ အနေအထားကို ရောဂါရှာဖွေသလို အခြေအနေ အရပ်ရပ်ကို သိအောင်၊ သဘောပေါက်အောင် ကြိုးစားအားထုတ်ဖို့ လိုပါတယ်။
ရောဂါကို သိမှ အမှန်တကယ် လိုအပ်တဲ့ ဆေးကို ပေးနိုင်သလို ကိုယ် ဦးတည် အုပ်စု ၀င်တွေရဲ့ အနေအထားနဲ့ လိုအပ်ချက်ကို သေသေချာချာ သိမှ အမှန်တကယ် ထိရောက်တဲ့ ကူညီဆောင်ရွက်မှုတွေ၊ ပညာပေးမှုတွေကို ဆောင်ရွက်နိုင်မှာပါ။
အဲဒါကြောင့် စီမံချက် တစ်စုံတစ်ခု မစတင်ခင်မှာ မေးခွန်းလွှာတွေ မေးရတာ၊ စစ်တမ်းကောက်ရတာ စတာတွေနဲ့ အဲဒီလူထုရဲ့ အနေအထားကို ရောဂါရှာဖွေသလို ရှာဖွေရတာပါ။
အဲဒါက စီမံချက် ဆောင်ရွက်နေစဉ်မှာနဲ့ စီမံချက် ပြီးဆုံးတဲ့ကာလတွေမှာ ပြန်လည် သုံးသပ်ဖို့ကိုလဲ အထောက်အကူ ဖြစ်စေပါတယ်။
အကယ်၍ ကိုယ်တိုင် မလုပ်နိုင်ဖူးဆိုရင် ကိုယ်ဦးတည်ထားတဲ့ အုပ်စုဝင်တွေနဲ့ အလားသဏ္ဍာန်တူတဲ့ ဦးတည်အုပ်စုနဲ့ ပတ်သက်လို့ သူများတွေ လုပ်ထားတဲ့ ဆန်းစစ်ချက်တွေကို ရှာဖွေပြီး အသုံးပြုနိုင်ပါတယ်။
ဒါပေမယ့် နေရာဒေသ၊ လူမျိုး၊ လူနေမှု အဆင့်အတန်း စတာတွေ အပေါ်မှာ မူတည်ပြီး လိုအပ်ချက်တွေ ကွဲပြားသွားနိုင်တာမို့ တစ်နေရာမှာ တွေ့ထားတာကို တစ်နေရာမှာ အတိအကျ ပုံတူ ကူးပြီး ပြန်သုံးဖို့ ဖြစ်နိုင်ချင်မှ ဖြစ်နိုင်ပါလိမ့်မယ်။
ဘာမှ မရှိတာထက် စာရင်တော့ အများကြီး ကောင်းတယ်လို့ ပြောလို့ ရပါတယ်။
ဥပမာ - အိတ်ခ်ျအိုင်ဗွီပိုးနဲ့ နေရသူ အများစုက နာမည်ဆိုး သတ်မှတ်ခံရမှု၊ ခွဲခြားဆက်ဆံခံရမှု (stigma and discrimination) ကို ခံစားနေကြရကြောင်း တွေ့ရှိထားပြီးသားပါ။
ဒါကို အကူအညီ ပေးချင်သူတွေက သိထားပြီး အဲဒီအတွက် ဘယ်လို ပြင်ဆင်မှုတွေ လုပ်ကြမလဲဆိုတာကို ကြိုတင် စဉ်းစားကြရမှာပါ။
ကိုယ့်ကြောင့် သူတို့မှာ ပိုပြီး နစ်နာမသွားဖို့ သတိပြုရပါမယ်။
ကိုယ့်ကြောင့် ပိုပြီး နစ်နာမယ် ဆိုရင် သူတို့ကို လက်လှမ်းမီ ရောက်ရှိရမယ့် အစား သူတို့နဲ့ ပိုပြီးတော့ ဝေးကွာသွားပါလိမ့်မယ်။
နောက်တစ်ခုက ကိုယ် ပြောတာကို နားထောင် စေချင်ရင်၊ ကိုယ် ပြောတာတွေကို ယုံကြည်သက်ရောက်စေချင်ရင် ယုံကြည်မှု တည်ဆောက်ရပါတယ်။
ယုံကြည်မှု တည်ဆောက်တဲ့ နေရာမှာ အသုံးဝင်တဲ့ နည်းလမ်းလေးတစ်ခုက empathic listening ပါ။
လူအများစုက သူများပြောတာကို နားထောင်တဲ့အခါ ကိုယ် ဘာပြန်ပြောရမလဲဆိုတာကို တွေးပြီး နားထောင်လေ့ ရှိကြပါတယ်။
နားထောင်ကြတဲ့ အခါမှာ အများစုက အောက်ပါ အဆင့်လေးဆင့်နဲ့ နားထောင်ကြတယ်လို့ Stephen R. Convey ရဲ့ seven habits of highly effective people မှာ ဆိုထားပါတယ်။
- လျစ်လျူရှုတာ
- နားထောင်ချင်ယောင်ဆောင်တာ
- တစ်ချို့တစ်ဝက်ကိုပဲ ရွေးပြီး နားထောင်တာ
- အမှန်တကယ် အာရုံစိုက်ပြီး နားထောင်တာ
အဲဒီလေးခုထက် ပိုမြင့်တာက စာနာစိတ်နဲ့ နားထောင်တာလို့ ဘာသာပြန်လို့ ရမယ့် empathic listening ပါ။
ကျွန်မတို့ ပြောတဲ့ စကားတွေရဲ့ ၁၀ ရာခိုင်နှုန်းကပဲ ကျွန်မတို့ ဘာပြောနေတယ်ဆိုတာကို ကိုယ်စားပြုပါတယ်။ ကျွန်မတို့ အသုံးပြုတဲ့ အသံအနေအထားရဲ့ ၃၀ ရာခိုင်နှုန်းက ပြောနေတဲ့ အကြောင်းအရာကို ကိုယ်စားပြုပြီး ကျွန်မတို့ရဲ့ ကိုယ် အမူအရာ ကျန်တဲ့ ၆၀ ရာခိုင်နှုန်းကို ကိုယ်စားပြုပါတယ်။
အဲဒီတော့ အမှန်တကယ် နားထောင်သလား နားမထောင်ဘူးလားဆိုတာ ကိုယ့်ရဲ့ အမူအရာတွေမှာ ဖော်ပြ နေလေ့ ရှိပါတယ်။ စကားလုံးတွေနဲ့ ဆုံးဖြတ်လို့ မရပါဘူး။
အမှန်တကယ် နားထောင်ခြင်းက သူတို့ ဘာလိုအပ်သလဲဆိုတဲ့ ရောဂါရှာဖွေမှုကို ပြုလုပ်နိုင်ဖို့ အတွက်လဲ အများကြီး အထောက်အကူ ပြုပါတယ်။
စစ်တမ်းတွေ၊ အထောက်အထားတွေ မရှိဘဲနဲ့ အဲဒီလူထုထဲက အမှန်တကယ် လိုအပ်ချက်တွေကို သိနိုင်တဲ့ အခြား နည်းလမ်းတစ်ခုလို့ ပြောလို့ရမယ် ထင်ပါတယ်။
အဲဒီ ဦးတည်အုပ်စုဝင် လူထုကို သြဇာသက်ရောက်နိုင်တဲ့သူ၊ ပြောရင် သူတို့ နားထောင်မယ့်သူကို ရှာဖွေလေ့လာပြီး အဲဒီသူတွေကနေ တစ်ဆင့် ချည်းကပ်ဖို့ကိုလဲ shoutbox က အဖြေမှာ ပြောခဲ့ပါတယ်။
အဲဒါက တစ်ခါတစ်လေမှာ ဘာသာရေး ခေါင်းဆောင်၊ တစ်ခါတစ်လေမှာ ရပ်ရွာလူကြီး ဖြစ်နိုင်သလို၊ တစ်ခါတစ်လေမှာ နတ်ဆရာလို၊ ရမ်းကုဆရာလို မျိုးတွေလဲ ဖြစ်နေတတ်ပါတယ်။
အဲဒီအခါမှာ သူတို့ကို ကိုယ့်ဘက်ပါအောင်၊ သူတို့ သြဇာ သက်ရောက်တဲ့ လူထုထံကို မှန်ကန်တဲ့ သတင်းအချက်အလက်တွေ ပေးဖြစ်လာအောင် ဘယ်လို စည်းရုံးမလဲဆိုတာ စည်းရုံးတဲ့သူရဲ့ အစွမ်းအစ၊ ထိုးထွင်းဥာဏ်၊ တီထွင်ဖန်တီးနိုင်စွမ်းတွေနဲ့ အများကြီး သက်ဆိုင်သွားပါတယ်။
အဲဒါက အနုပညာ တစ်ရပ်လို့တောင် တင်စားယူလို့ ရမယ့် ပညာရပ်ပါ။
နောက်တစ်ခု သတိထားဖို့ ပြောချင်တာက ကိုယ် တွေ့လာတဲ့ လိုအပ်ချက်တွေကို ထည့်တွက်ပြီး ကူညီဆောင်ရွက်ပေးဖို့ပါ။
ဥပမာ - လူတွေရဲ့ လက်ဆေးမှု အပြုအမူကို ပြောင်းလဲအောင် ပညာပေးမယ်ဆိုရင် နှစ်ဆယ့်လေးနာရီ ဘုံဘိုင်က ရေရနေတဲ့ သူတွေအပေါ် သက်ရောက်မှုနဲ့ အလွန် ရေရှားတဲ့ အရပ်ဒေသက လူတွေအပေါ်မှာ သက်ရောက်မှုက အလွန်အမင်း ကွာခြားပါလိမ့်မယ်။
အဲဒီတော့ အဲဒီလို ရေရှားတဲ့ ဒေသက လူတွေကို လက်ဆေးတဲ့ အပြုအမူ ပြောင်းလဲစေချင်ရင် ရေ ဘယ်လို ရနိုင်မလဲဆိုတာကိုပါ ထည့်သွင်းစဉ်းစားပြီး လမ်းညွှန်ပေးဖို့ လိုပါတယ်။
တကယ့် လိုအပ်ချက်ကို မဖြည့်ပေးနိုင်ဘဲ အပြုအမူ ပြောင်းလဲအောင် လုပ်ဖို့ဆိုတာ အလွန်ကို ခဲယဉ်းတဲ့ ကိစ္စပါ။
ဒါက လက်ရှိအချိန်မှာ တွေးမိသလောက် အစကလေးတွေကိုပဲ ဆွဲထုတ်ပြီး ပြန်ပြောပြတာပါ။
စာကိုးတွေကို ရှာတွေ့တဲ့အခါ ထပ်ပြီး ဖြည့်စွက်ပြောပေး၊ ညွှန်းပေးပါမယ်။
ဒီဘက်ပိုင်းမှာ ကျွမ်းကျင်တဲ့ ဆရာ၊ ဆရာမတွေလဲ ၀င်ရောက် ဖြည့်စွက် ဆွေးနွေး ပေးစေလိုပါတယ်။

Read More...

Collapse...

Some Health Behavior Theories - II

Social Cognitive Theory

လူတွေရဲ့ အပြုအမူတွေကို သူတို့နဲ့ ဆက်စပ်နေတဲ့ ပတ်ဝန်းကျင်နဲ့ ယှဉ်တွဲ နားလည်ထားတဲ့ Interpersonal Theoryတွေထဲက Social Cognitive Theory အကြောင်းကို ပြောချင်ပါတယ်။ သူ့ကို အရင်ကတော့ Social Learning Theory လို့ ခေါ်ပါတယ်။ ဒီသီအိုရီက လူတစ်ဦးတစ်ယောက်ရဲ့ အပြုအမူဟာ သူ့ကိုယ်သူ ယုံကြည်လက်ခံ သိမြင်ထားတဲ့ ပုံစံအနေအထား၊ သူ့ရဲ့ စိတ်ခံစားမှု အခြေအနေကို ထိန်းသိမ်းနိုင်စွမ်းတွေ အပေါ်မှာ မူတည်နေတဲ့အပြင် သူနဲ့ ဆက်စပ်နေတဲ့ လူမှုရေးရာနဲ့ ရုပ်ပိုင်းဆိုင်ရာ ပတ်ဝန်းကျင်ရဲ့ သက်ရောက်မှု အပေါ်မှာလဲ အများကြီး မူတည်နေပါတယ်တဲ့။

ဥပမာ ပြောရရင် ကလေးတွေကို စက်ဘီးစီး စသင်တဲ့အခါ သူတို့ကိုယ် သူတို့ ချက်ခြင်း ယုံကြည်မှု ရှိမလာကြပါဘူး။ ဒါပေမယ့် self-efficacy ( ကိုယ့်ကိုယ်ကို သင်ယူ တတ်မြောက်နိုင်စွမ်း ရှိတယ်လို့ ယုံကြည်မှု ) မြင့်မားတဲ့ ကလေးက သူများတွေ စက်ဘီးစီး သင်တဲ့အခါ ပထမပိုင်းမှာ လဲကျကြတယ်။ နောက်ပိုင်းမှာ စီးတတ်သွားတယ် ဆိုတာကို သူ မြင်ထားတော့ သူလည်း ဒီလိုပဲ ဖြစ်မှာပဲလို့ ယုံကြည်ထားတဲ့အတွက် စက်ဘီး စီးတတ်တာက မြန်ပါတယ်။

self-efficacy နိမ့်တဲ့ ကလေးကတော့ ကြိုးစားဖို့ ပိုပြီး နောက်တွန့်နေပါလိမ့်မယ်။ စက်ဘီးစီးရာမှာက နောက်တွန့်လေ ပိုလဲကျ လွယ်လေ ဖြစ်တတ်တာက သဘာဝမို့ သူက သင်ရတာ ပို ခက်ခဲ နေမှာပါ။ ဒီလို ကလေးမျိုးက စက်ဘီး စီးတတ်ဖို့ အတွက် ပိုပြီး ကြာကြာ ကြိုးစားဖို့လိုသလို၊ ဘေးက ထောက်ပံ့ ကူညီ ပေးမှုတွေလဲ ပိုလိုအပ်လေ့ ရှိပါတယ်။ ဒါပေမယ့် သူလဲ မကျအောင် စက်ဘီးကို မြန်မြန် နင်းနိုင် သွားတဲ့အခါ သူ့ရဲ့ self-efficacy တွေ တက်လာပါတယ်။ အဲဒီ self-efficacy က နောက်ပိုင်း သူ အခြားကိစ္စရပ်တွေကို ဆောင်ရွက်ရာမှာလဲ အကူအညီ ပေးနိုင်စွမ်း ရှိပါတယ်။ စိတ်ပညာရှင်ကြီး Albert Bandura ကတော့ ဒီ self-efficacy ကို ဘယ် အပြုအမူမျိုးကို ပြောင်းလဲရာမှာ မဆို အဓိက လိုအပ်ချက်တွေထဲက တစ်ချက် အနေနဲ့ အသုံးပြု ပါတယ်။

အပြုအမူပြောင်းလဲမှု ပေါ်မှာ သက်ရောက်နေတဲ့ လူတစ်ဦးချင်းစီရဲ့ ၀ိသေသ လက္ခဏာတွေက
- တစ်စုံတစ်ခုကို လုပ်နိုင်လိမ့်မယ်လို့ ကိုယ့်ကိုယ်ကို ယုံကြည်တဲ့ self-efficacy
- အဲဒီအပြုအမူကို နားလည်မှုနဲ့ ကျွမ်းကျင်မှု
- အပြုအမူ ပြောင်းလဲမှုက မိမိအပေါ် ဘယ်လို သက်ရောက်မှုမျိုး ရှိမယ်ဆိုတဲ့ ယုံကြည်မှု
- ရလာမယ့် ရလဒ်တွေကို ကောင်းမယ်လို့ မျှော်လင့်မှု
- မိမိကိုယ်ကို ထိန်းသိမ်းနိုင်စွမ်း
- အပြုအမူတွေ ပြောင်းလဲဖို့ ကြိုးစားရာမှာ ကြုံတွေ့ရတဲ့ စိတ်ခံစားမှုတွေကို ထိန်းသိမ်းနိုင်စွမ်း စတာတွေ ဖြစ်ပါတယ်။

အပြုအမူတွေ ပြောင်းလဲမှု ပေါ်မှာ သက်ရောက်နေတဲ့ ပတ်ဝန်းကျင်ဆိုင်ရာ အချက်အလက်တွေက
- အခြားသူတွေရဲ့ ပြုမူလုပ်ဆောင်ပုံတွေနဲ့ အဲဒီပြုမူ လုပ်ဆောင်မှုတွေက ရလာတဲ့ သက်ရောက်မှုတွေကို ကြည့်ရှုလေ့လာခြင်း
- မိမိရဲ့ အပြုအမူတွေ ဆောင်ရွက်မယ့် လူမှုရေးဆိုင်ရာ၊ ရုပ်ပိုင်းဆိုရာ ပတ်ဝန်းကျင်နဲ့ အဲဒီ ပတ်ဝန်းကျင် အပေါ်မှာ မိမိရဲ့ အမြင်
- ပတ်ဝန်းကျင်ကနေ မိမိရဲ့ အပြုအမူတွေကို အပြုသဘော သက်ရောက်မှု ဒါမှမဟုတ် အဖျက်သဘော သက်ရောက်မှု
- မိမိရဲ့ ၀ိသေသ လက္ခဏာ အနေအထားပေါ်မှာ မူတည်ပြီး ပြုပြင်ပြောင်းလဲမှု လုပ်ဆောင်ရာမှာ ရလာတဲ့ ပတ်ဝန်းကျင်ရဲ့ တုံ့ပြန်မှုတွေ အပေါ်မှာ မူတည်ပြီး မိမိရဲ့ အပြုအမူတွေကို ချိန်ဆ ဆောင်ရွက်ခြင်းတို့ ဖြစ်ပါတယ်။

ဒီသီအိုရီနဲ့ ပတ်သက်တဲ့ ထောက်ပြဝေဘန်ချက်ထဲက တစ်ခုကတော့ ရှုပ်ထွေးလွန်းတယ်တဲ့။ “အကယ်၍ ................. အခြေအနေမျိုး ဖြစ်ပါက ဤကဲ့သို့သော အပြုအမူမျိုးကို ပြုမူကောင်း ပြုမူနိုင်လိမ့်မည်” ဆိုတာမျိုးတွေ ဖြစ်နေပါတယ်။ ဘာကိုမှ တိတိကျကျ ပြောနိုင်စွမ်း မရှိပါဘူးတဲ့။ နောက်တစ်ခုက self-efficacyကို တည်ဆောက် ပြီးတဲ့အခါ ဒီသီအိုရီရဲ့ အခြား အစိတ်အပိုင်းတွေက ဒီလိုပဲ ဆက်ရှိနေဦးမှာပါပဲ။ ဒါပေမယ့် ဒါတွေက ဘီရိုထဲမှာ ရှိနေတဲ့ အ၀တ်ဟောင်းတွေလိုပဲ။ ကိုယ့်အပေါ်ကို ဘာမှ မသက်ရောက် စေနိုင်တော့ပါဘူး။ အဲဒါဆို ဒီသီအိုရီက မှန်ပါ့ဦးမလားလို့ ဝေဘန်ထားပါတယ်။

အချိန်များများလေး ရတဲ့ အခါကျမှ ကျန်တဲ့ သီအိုလေးတွေကို ဆက်ရေးပါရစေ။
အခုတော့ ဒီလောက်ကိုပဲ မိတ်ဆက်အနေနဲ့ တင်ပေးလိုက်ပါတယ်။
ဒီပို့စ်တွေကို ရေးရတာ အချိန်တော်တော်လေး ပေးရတာမို့ပါ။

Read More...

Collapse...

Some Health Behavior Theories - I

ကျန်းမာရေးနှင့် သက်ဆိုင်သော အပြုအမူ ပြောင်းလဲခြင်း ဆိုင်ရာ သီအိုရီအချို့


(ဒီအကြောင်းအရာကလဲ NGO in Myanmar ရဲ့ Forum မှာ တင်ပြီးသားပါ။ အနည်းငယ် ပြုပြင်ဖြည့်စွက်ပြီး နှစ်ပုဒ်ခွဲ တင်လိုက်တာပါ။)

ကျန်းမာရေးနဲ့ သက်ဆိုင်တဲ့ အပြုအမူ ပြောင်းလဲခြင်း ဆိုင်ရာ သီအိုရီတွေကို

Intrapersonal အဆင့်
Interpersonal အဆင့်
Community အဆင့် ဆိုပြီး အဓိက အဆင့် သုံးမျိုးခွဲ ထားပါတယ်။

အခု ပြောမှာက Essentials of Health Behavior ဆိုတဲ့ စာအုပ်ထဲမှာ ပါတဲ့ ကျန်းမာရေးနဲ့ သက်ဆိုင်တဲ့ အပြုအမူ ပြောင်းလဲခြင်း ဆိုင်ရာ သီအိုရီတွေအထဲက လူတစ်ယောက်ချင်းစီရဲ့ အပြုအမူတွေကို ပြောင်းလဲဖို့ စဉ်းစားတဲ့ Intrapersonal အဆင့် အပြုအမူ ပြောင်းလဲခြင်းဆိုင်ရာ သီအိုရီတွေရဲ့ အကြောင်းကို အနည်းအကျဉ်း ပြန်ပြောပြပေးမှာပါ။ ဒုတိယ ဘလော့ဂ်မှာ Interpersonal အဆင့် အပြုအမူ ပြောင်းလဲခြင်း ဆိုင်ရာ သီအိုရီ ခေါင်းစဉ်တွေထဲက Social Cognitive သီအိုရီ အကြောင်းကို ဆက်ရေးပါမယ်။

ပထမဆုံးအနေနဲ့ စာအုပ်ထဲမှာ ပါတဲ့ မှတ်သားစရာ ကောင်းတဲ့ ကောက်နုတ်ချက်ကလေးတွေကို ပြန်မျှချင်ပါတယ်။

No theory is good except on a condition that one uses it to go beyond.
~ Andre Gide
သီအိုရီ တစ်ခုကို သုံးတဲ့အခါ သူ့ကို အခြေခံပဲ ယူလို့ ရတာပါ။ ကိုယ်က အခြေအနေတွေ ပေါ်မှာ မူတည်ပြီး လိုအပ်သလို ပြောင်းလဲ ပြုပြင်ပြီး အသုံးပြုနိုင်ဖို့ လိုကြောင်းကို ဒီကောက်နုတ်ချက်ကလေးက သတိရစေမယ် လို့ ထင်ပါတယ်။

It is dificult, if not impossible, for most people to think otherwise than in the fashion of their own period.
~ George Bernard Shaw

ကြိုမြင်နိုင်ဖို့ ခက်ခဲပေမယ့် မြင်သင့်မြင်ထိုက်တာတွေကို ကြိုမြင်၊ ကြိုတွက်ဆ နိုင်သင့်ကြောင်း သတိပေး ထားတဲ့ ကောက်နုတ်ချက်လေးလို့ ယူဆမိပါတယ်။

ပြဿနာတွေက အချိန်နဲ့ အမျှ ပြောင်းလဲပြီး လိုအပ်ချက်တွေကလဲ အချိန်နဲ့ အမျှ ပြောင်းလဲနေတာမို့ ကျန်းမာရေး ဆိုင်ရာ ပြဿနာတွေကို ကြိုတင်ကာကွယ်ဖို့နဲ့ ကိုင်တွယ် ဖြေရှင်းဖို့ နည်းလမ်းတွေ ချမှတ်ရာမှာ လက်ရှိ အနေအထားထက် ကျော်ပြီး စဉ်းစား ပြင်ဆင်နိုင်ဖို့ လိုပါတယ်။

Health Belief Model

ပထမဆုံး Health Belief Model အကြောင်းကို အတိုချုပ် ပြောပြချင်ပါတယ်။ အဲဒီ သီအိုရီမှာ ပြောထားတာက လူတစ်ယောက်က သူ့ကျန်းမာရေးအတွက် သူ့ရဲ့ အပြုအမူ ပြောင်းလဲမှုတွေက အကျိုးသက်ရောက်မှု ရှိတယ် လို့ ယုံကြည်ရင် သူ့ရဲ့ အပြုအမူတွေကို ပြောင်းလဲပါလိမ့်မယ်တဲ့။ အဲဒီတော့ ဒီသီအိုရီအရဆိုရင် လူတွေကို ကျန်းမာရေး ပြဿနာတွေ အကြောင်း သတိပြုမိလာအောင် လုပ်ရပါမယ်။ ပြီးတော့ အပြုအမူတွေကို ဘယ်လို ပြောင်းလဲလိုက်ရင် အဲဒီ ပြဿနာတွေကို ကာကွယ်နိုင်မယ်၊ တကယ်လို့ မပြောင်းလဲခဲ့ရင် ဘယ်လို အန္တရာယ် တွေ ကြုံလာနိုင်တယ် စတဲ့ အကြောင်းအရာတွေကို နားလည်လာအောင် ဆောင်ရွက်ပေးရပါမယ်။ ကျန်းမာရေး ပြဿနာ တစ်ခုခု အကြောင်းကို သတင်းအချက် အလက်ပေးပြီး ကာကွယ်ဖို့ နည်းလမ်းတွေ ပေးတာ ဥပမာ - လက်ကမ်းစာစောင် ဝေတာ၊ ပိုစတာ ကပ်တာ စတာတွေက ဒီသီိအိုရီအရ လူတွေကို ပြောင်းလဲလာအောင် ပြုလုပ်တဲ့ နည်းလမ်းတွေထဲမှာ ပါဝင်ပါတယ်။

ဒီသီအိုရီကို ထောက်ပြကြတာကတော့ လူတစ်ယောက်ချင်းစီကို အာရုံစိုက်ပြီး သူ့ရဲ့ ပတ်ဝန်းကျင် အခြေအနေ၊ လူမှုရေး အခြေအနေတွေကို ထည့်သွင်း မစဉ်းစားတဲ့ အတွက် မပြည့်စုံနိုင်ပါဘူးတဲ့။ ပြီးတော့ ဒီသီအိုရီက လူတိုင်းလူတိုင်းကို ကျန်းမာရေးနဲ့ ပတ်သက်တဲ့ တပြေးညီ သတင်းအချက်အလက်တွေ ပေးတာနဲ့ အဲဒီလူတွေ အားလုံးက ကိုယ့်အတွက်ကိုယ် တပြေးညီ ဆုံးဖြတ်နိုင်စွမ်း ရှိလိမ့်မယ်လို့ ယူဆထားပါတယ်။ တကယ်တမ်းမှာ ကျန်းမာရေးနဲ့ ပတ်သက်တဲ့ အသိပညာတွေ၊ အနေအထားတွေက မတူညီကြတဲ့အတွက် လိုအပ်ချက်တွေက မတူညီကြပါဘူး။ ဒါကြောင့် တပြေးညီ သတင်းအချက်အလက်တွေက လုံလောက်မှု မရှိပါဘူး။ လူတွေရဲ့ သီးခြား လိုအပ်ချက်တွေပေါ်မှာ မူတည်ပြီး ဖြည့်ဆည်း အသိပေးမှုတွေ ဆောင်ရွက်ဖို့ လိုပါတယ်။

Theory of Planned Behavior

နောက် သီအိုရီတစ်ခုက Theory of Planned Behaviorပါ (အရင်က Theory of Reasoned Action လို့ ခေါ်ပါတယ်)။ ဒီသီအိုရီမှာတော့ လူတစ်ယောက်ရဲ့ အပြုအမူဟာ သူ နေထိုင်ရာ ပတ်ဝန်းကျင်ရဲ့ စံနှုန်းကို ယုံကြည် နားလည်မှု အပေါ်မှာ မူတည်နေတယ်လို့ ဆိုထားပါတယ်။ သူ အပြုအမူ တစ်ခု လုပ်လိုက်ရင် သူ့ အသိုင်းအ၀ိုင်း ပတ်ဝန်းကျင်က သူ့ကို ဘယ်လို သဘောထားမယ် ဆိုတဲ့ အချက်ပေါ်မှာ မူတည်ပြီး သူ့ကို အသိုင်းအ၀ိုင်း ပတ်ဝန်းကျင်က အကောင်း ထင်စေမယ့် အပြုအမူမျိုးကို လုပ်လိမ့်မယ်လို့ ယူဆထားပါတယ်။ အဲဒီတော့ လူအုပ်စု တစ်စုရဲ့ စံနှုန်းတွေကို ပြောင်းလဲစေခြင်းအားဖြင့် လူတစ်ဦးတစ်ယောက်ချင်းစီရဲ့ အပြုအမူတွေ ပြောင်းလဲလာမယ်လို့ ဒီသီအိုရီက ဆိုပါတယ်။

ဒီသီအိုရီကို ဘယ်လို ထောက်ပြကြသလဲဆိုတော့ သူကလဲ ပထမ သီအိုရီလိုပဲ၊ လူတစ်ယောက်က သူ့ အပြု အမူတွေကို သူ ဘာလုပ်မယ်လို့ ဆုံးဖြတ်လိုက်ရင် အဲဒီလို ဆုံးဖြတ်ချက်ချတဲ့အတိုင်း ပြောင်းလဲနိုင်စွမ်း ရှိတဲ့ အနေအထားမှာ ရှိတယ်လို့ ယူဆထားပါတယ်။ အဲဒီလူရဲ့ ပတ်ဝန်းကျင် အခြေအနေတွေကို ထည့်မတွက် ထားပါဘူး။ နောက်တစ်ခုက ပတ်ဝန်းကျင်ရဲ့ စံနှုန်းပုံစံကို လက်ခံနားလည်ထားရာမှာ လူတစ်ယောက်ချင်းစီရဲ့ အနေအထားအရ ကွာခြားမှု ရှိနိုင်တာကို ထည့်မတွက်ထားပါဘူး။ ဥပမာ - အကြောင်းအရာ တစ်ခုကို ယောက်ျားလေးတွေ လက်ခံနားလည်ပုံနဲ့၊ မိန်းကလေးတွေ လက်ခံနားလည်ပုံချင်း မတူညီနိုင်ပါဘူး။ ဒါ့အပြင် အသက်အရွယ် အနေအထားချင်း မတူတဲ့ သူတွေရဲ့ ခံယူပုံချင်းတွေကလဲ မတူညီကြပါဘူး။ အဆင့်အတန်း၊ နေရာဒေသ၊ လူမျိုး စတာတွေပေါ်မှာ မူတည်ပြီးတော့လဲ ကွဲပြား ခြားနားနိုင်ပါသေးတယ်။ နောက်တစ်ခုက သူ ယုံကြည်လက်ခံထားတဲ့ အပြုအမူကို လုပ်ဆောင်ရာမှာ အချိန်ကာလ အနေအထားပေါ်မှာ မူတည်ပြီးတော့လဲ ဆုံးဖြတ်ချက် ပြောင်းသွားနိုင်ပါတယ်။ ဥပမာ - ကျန်းမာရေးဆိုင်ရာ စမ်းသပ်စစ်ဆေးမှု တစ်ခုကို ပြုလုပ်မယ်လို့ ဆုံးဖြတ်ချက်ချပြီး ရောက်လာသူကို နောက်တစ်ပတ် ထပ်ချိန်းလိုက်တဲ့အခါ အဲဒီလူက ဆုံးဖြတ်ချက် ပြောင်းသွားပြီး ပြန်မလာတော့တာမျိုး ဖြစ်တတ်ပါတယ်။

Transtheoretical Model

နောက်သီအိုရီတစ်ခုက အပြုအမူတွေက အဆင့်တွေနဲ့ ပြောင်းလဲတယ်လို့ ပြောထားတဲ့ သီအိုရီ နှစ်ခုထဲက တစ်ခုပါ။ အဲဒါကို Transtheoretical Model လို့ ခေါ်ပါတယ်။ အဲဒီမှာ ပြောထားတာက လူတစ်ယောက်က သူ့ရဲ့ အပြုအမူတစ်ခုကို ပြောင်းလဲဖို့အတွက် အဆင့်တွေကို ဖြတ်သန်းရပါတယ်။

ပထမဆုံး အဆင့်က မစဉ်းစားမီ အဆင့်ပါ။ အဲဒီအဆင့်မှာ လူတစ်ယောက်က သူ့ အပြုအမူတွေကို ပြောင်းဖို့ မစဉ်းစားသေးပါဘူး။

ဒုတိယအဆင့်က စဉ်းစားတဲ့ အဆင့်။ တစ်ချိန်ချိန်မှာတော့ ဒီအပြုအမူကို ငါပြောင်းမယ်လို့ သူ စစဉ်းစားနေပြီ။ အခု ထလုပ်ဖို့တော့ မဟုတ်သေးဘူး။ ပြောင်းရင် ဘာဖြစ်မလဲ၊ မပြောင်းရင် ဘာဖြစ်မလဲ ဆိုတာမျိုးတွေကို စဉ်းစား ချင့်ချိန်နေတာမျိုးတွေလဲ ဒီအဆင့်မှာ စနေပါပြီ။ သူက ပြောင်းလဲတဲ့ အဆင့် နောက်တစ်ဆင့်ကို ဆက်သွားမှာလား၊ မသွားဘူးလားဆိုတာ အဲဒီက ရလာတဲ့ ဆုံးဖြတ်ချက်တွေပေါ်မှာ မူတည်နေပါတယ်။

နောက်တစ်ဆင့်ကို ဆက်သွားမယ်လို့ ဆုံးဖြတ်လိုက်ပြီ ဆိုရင် ရောက်သွားတဲ့ အဆင့်က ပြင်ဆင်မှု အဆင့်ပါ။ ပြောင်းလဲမှုတွေ ပြုလုပ်ဖို့ အဆင်သင့် ဖြစ်ပြီပေါ့။ ကိုယ် ဘယ်လိုပုံစံနဲ့ ပြောင်းမယ်၊ ဘာတွေ လုပ်မယ် ဆိုတဲ့ စိတ်ကူးတွေလဲ အဲဒီအချိန်မှာ ရှိနေပါပြီ။

နောက်တစ်ဆင့်ကို ဆက်တက်မယ်ဆိုရင် တကယ်လုပ်တဲ့ အဆင့်ကို ရောက်ပါပြီ။ ကိုယ်အလေးချိန်ချမယ်လို့ ဆုံးဖြတ်တယ် ဆိုရင်၊ ကိုယ်လက်လှုပ်ရှားမှု တွေကို စလုပ်ပြီဆိုတဲ့ အနေအထားနဲ့ ဥပမာပေးရင် မြင်သာမယ်လို့ ထင်ပါတယ်။

နောက်အဆင့်က အဲဒီ စ လုပ်တာလေးကို ဆက်ပြီး စွဲစွဲမြဲမြဲလုပ်နေတဲ့ အဆင့်ပါ။ စကြည့်ပြီး နောက်ပြန်ဆုတ် သွားနိုင်ပါတယ်။ အဲဒီလို နောက်ပြန်မဆုတ်ဘူးဆိုမှသာ ဒီအဆင့်ကို တက်လာတာပါ။

နောက်ဆုံးတစ်ဆင့်က လိုချင်တဲ့ ပြောင်းလဲမှုကို ရသွားတဲ့ အဆင့်ပါ။ ဥပမာ ဆေးလိပ်ဖြတ်မယ်လို့ ဆုံးဖြတ်ရင် လုံးဝ ပြတ်သွားပြီဆိုတဲ့ အဆင့်မျိုးပါ။ ဒီအဆင့် တွေကို သိနားလည် ထားခြင်းအားဖြင့် လူတွေ အပြုအမူ ပြောင်းလဲအောင် ဆောင်ရွက်တဲ့ နည်းလမ်းတွေ ချမှတ်ရာမှာ ဒါတွေကို လမ်းညွှန် အဖြစ် အသုံးချလို့ ရပါတယ်တဲ့။

Precaution Adoption Process Model
နောက်ထပ် ပြောင်းလဲမှု အဆင့်ဆင့်ကို ပြောတဲ့ အလားတူ သီအိုရီတစ်ခုက Precaution Adoption Process Model ဖြစ်ပါတယ်။ သူ ပြောတာကတော့ -ပထမအဆင့်က အခြေအနေတွေကို သတိမထားမိသေးတဲ့ အဆင့်ပါ။ ဥပမာ ပြောရရင် လူထုထဲမှာ အိတ်ခ်ျအိုင်ဗွီပိုး ပြန့်နှံ့ကူးစက်နေတယ် ဆိုတာသိပေမယ့် ကိုယ့်ကိုယ်ကို ကာကွယ်ဖို့ လိုတယ်ဆိုတာကို မသိတာမျိုး။ဒုတိယအဆင့်က အခြေအနေကို သိသွားပြီ၊ ဒါပေမယ့် အဲဒီအခြေအနေနဲ့ ပတ်သက်လို့ ဘာမှ စမလုပ် သေးဘူး။နောက်တစ်ဆင့်က ပြောင်းလဲမှုတွေ စလုပ်ဖို့ ဆုံးဖြတ်ချက်ချတာ။နောက်ထပ်ကြုံရမှာက မလုပ်ဖို့ ဆုံးဖြတ်တာနဲ့၊ လုပ်ဖို့ ဆုံးဖြတ်တာဆိုတဲ့ အဆင့်နှစ်ဆင့်။နောက်အဆင့်ဖြစ်တဲ့ အဆင့် (၆) က ပြောင်းလဲဖို့ စတင်ဆောင်ရွက်တာ။နောက်ဆုံးအဆင့်က အဲဒီ ပြောင်းလဲတဲ့ အပြုအမူကို စွဲစွဲမြဲမြဲ ဆက်လက် ဆောင်ရွက်တာ။

ပြောတဲ့ပုံစံချင်း ကွာပေမယ့် စောစောက သီအိုရီနဲ့ ပြောသွားတဲ့ အခြေခံ သဘောတရားချင်း တူနေတာကို တွေ့ ရပါလိမ့်မယ်။

ဒီသီအိုရီနှစ်ခုနဲ့ ပတ်သက်လို့ ထောက်ပြကြတာကတော့ တကယ်တမ်း လူတွေ အပြုအမူ ပြောင်းလဲကြတဲ့ အခါမှာ အဲဒီလို တစ်ဆင့်ပြီး တစ်ဆင့် အစဉ်အတိုင်း မျဉ်းဖြောင့်လို မသွားပါဘူးတဲ့။ များသောအားဖြင့် အဆင့်တွေကြားထဲမှာ ပတ်ခြာလည်နေတတ်ပါတယ်။ တစ်ခါတစ်ရံမှာ အဆင့်တွေက နောက်ဘက် ပြန်ဆုတ် သွားပြီး အစကနေ ပြန်စရတာမျိုးတွေလဲ ရှိတတ်ပါတယ်တဲ့။ ဥပမာ ပြောရရင် ကောင်လေးတစ်ယောက် သူ့ရည်းစားနဲ့ ပြတ်သွားလို့ ဆေးလိပ် စသောက်ဖြစ်သွားတယ် ဆိုပါစို့။ နောက်တော့ သူက ဆေးလိပ်နဲ့ ကျန်းမာရေး ပြဿနာတွေ အကြောင်း ပညာပေးတွေကို ကြားသိလာရင်း ဆေးလိပ်ဖြတ်ဖို့ စ စဉ်းစားမိလာပါတယ်။ အဲဒီကနေ အပြုအမူ ပြောင်းလဲတဲ့ အဆင့် တစ်ဆင့်ချင်းကို ဖြတ်ကျော်ပြီး ဖြတ်တဲ့ အဆင့်ကနေ ပြတ်တဲ့ အဆင့်အထိ ရောက်သွားခဲ့ပါတယ်။ ဒါပေမယ့် တစ်နေ့မှာ မမျှော်လင့်ဘဲ လမ်းမှာ သူ့ ရည်းစားဟောင်းကို တခြားတစ်ယောက်နဲ့ တွဲလာတာ တွေ့လိုက်ရတော့ သူ ဆေးလိပ်တစ်ဗူး ၀ယ်ပြီး ပြန်သောက်ဖြစ်သွားပါတယ်။ ဒါပေမယ့် ရက်နည်းနည်း ကြာလာတဲ့အခါ အသိစိတ်ပြန်ဝင်လာပြီး နှစ်ပတ် အကြာမှာ ဆေးလိပ်ကို ပြန်ဖြတ်လိုက်ပါတယ်တဲ့။ အဲဒီမှာ သူက နောက်ဆုံးနားက အဆင့်ကို ရောက်ပြီးမှ အရှေ့ဖက်က အဆင့်တွေဆီကို ပြန်ဆုတ်သွားတာပါ။ ပြီးမှ နောက်ဆုံး အဆင့်ကို ပြန်ရောက်ပါတယ်။ အဲဒီတော့ ပြောင်းလဲမှု အဆင့်တွေက မျဉ်းဖြောင့်လို မဟုတ်ဘဲ စက်ဝိုင်းလို လည်နေတယ်ဆိုတာ မြင်သာမယ် ထင်ပါတယ်။

နောက်ဝေဘန် ထောက်ပြမှု တစ်ခုက အဲဒီပြောင်းလဲတဲ့ အဆင့်တွေကို ဘယ်လို တိုင်းတာမှာလဲတဲ့။ ပထမဆုံး အဆင့်ဖြစ်တဲ့ သတိမပြုမိတာက သတိပြုမိလာတာမျိုးက ကျန်းမာရေးဆိုင်ရာ အသိပညာကို ကြားဖူးလား၊ မကြားဖူးဘူးလား စတာတွေနဲ့ တိုင်းနိုင်ပေမယ့် နောက်ပိုင်းအဆင့်တွေ ဖြစ်တဲ့ ပြောင်းဖို့ စဉ်းစားတဲ့အဆင့်နဲ့ ပြောင်းလဲဖို့ စတင် ပြင်ဆင်တဲ့ အဆင့်ကို ဘယ်လို ခွဲမှာလဲ၊ စွဲစွဲမြဲမြဲလုပ်နေတာနဲ့ လုံးဝ အမူအကျင့်ပြောင်းတဲ့ အဆင့်ကို ဘယ်လိုခွဲမှာလဲလို့ မေးစရာတွေ ဖြစ်လာပါတယ်။

လူတစ်ယောက်က ဘယ်အဆင့်ကို ရောက်နေတယ်လို့ တိတိကျကျ ပြောလို့မရတဲ့အခါမှာ အဆင့်လိုက် လိုအပ်ချက်တွေအရ ကြားဝင် ကူညီဆောင်ရွက်မှုတွေ လုပ်ပေးဖို့ကလဲ ခက်ပါလိမ့်မယ်လို့ ဆိုထားပါတယ်။

Read More...

Collapse...

Risk Communication

ကျန်းမာရေး အသိပညာ ပေးရာတွင် သတိပြုသင့်သော အချက်များ

အမေရိကန် နိုင်ငံမှာ စက်တင်ဘာ (၁၁)၊ ၂၀၀၁ ခုနှစ်က ဖြစ်သွားခဲ့တဲ့ လေယာဉ် အနုကြမ်းစီးပြီး အကြမ်းဖက် တိုက်ခိုက်မှုကြောင့် အဲဒီအချိန်တစ်ဝိုက်မှာ အမေရိကန် နိုင်ငံက လူအများစုဟာ လေယာဉ် စီးရမှာကို ကြောက်ရွံ့ သွားခဲ့ကြပါတယ်။ အဲဒီလို ဖြစ်ပြီး သိပ်မကြာခင်လေးမှာလေယာဉ်စီးပြီး ခရီးသွားနေကျ အမျိုးသမီး တစ်ဦးက လေယာဉ် မစီးတော့ဘဲ သူ သွားရမယ့် ခရီးကို ကားနဲ့ သွားဖို့ ရွေးချယ်ခဲ့ပါတယ်။ အဲဒီ ခရီးလမ်းမှာပဲ ကားတိုက်မှု ဖြစ်ပြီး သူမ သေဆုံးသွားခဲ့ပါတယ်။

ကောက်ယူထားတဲ့ ကိန်းဂဏန်း စာရင်း ဇယားတွေ အရ ကြည့်မယ်ဆိုရင် အမေရိကန် နိုင်ငံမှာ လေယာဉ် ကြောင့် သေဆုံးရမှုက ကားကြောင့် သေဆုံးရမှုထက် ပိုပြီး အန္တရာယ် နည်းပါးတယ်လို့ တွေ့ရပါတယ်။
အဲဒီတော့ ကိုယ့်အသက်အန္တရာယ်ကို စိုးရိမ်တယ်ဆိုရင် အဲဒီအမျိုးသမီး ဘယ်နည်းလမ်းကို ရွေးချယ် သင့်ပါသလဲ။
ဒါပေမယ့် လတ်တလော ဖြစ်ထားတဲ့ ကြောက်စရာ ဖြစ်ရပ်ကြီးကို စိတ်ထဲမှာ မထားဘဲ နည်းလမ်းတကျ ရွေးချယ်နိုင်ဖို့ဆိုတာ ပြောလို့ လွယ်သလောက် လုပ်ရတာ ဘယ်လောက် ခက်မယ်ဆိုတာ သိသာပါတယ်။
အဲဒီ ကြောက်စိတ်ရဲ့ အခြေအမြစ်တွေကို ကျန်းမာရေး သတင်းအချက်အလက် မျှဝေတဲ့သူတွေ နားလည်ထားမှ အများ ပြည်သူကို ကျန်းမာရေးဆိုင်ရာ သတင်းအချက်အလက်တွေ ပေးတဲ့အခါ အကြောက်လွန်ပြီး အန္တရာယ် ပိုများတဲ့ နည်းလမ်းတွေကို မရွေးချယ်မိကြအောင် ကူညီနိုင်ကြမယ်လို့ ထင်ပါတယ်။

ကျန်းမာရေး အသိပညာပေးရာမှာ စကားလုံး အသုံးအနှုန်းကြောင့် ထိခိုက်ခဲ့ဖူးတာလေးတွေ ရှိပါတယ်။
“အေအိုင်ဒီအက်စ်သည် ကုရာနတ္ထိ ဆေးမရှိ”၊ “အေအိုင်ဒီအက်စ် ဖြစ်လျှင် သင် မုချ သေမည်” စတဲ့ စကားလုံးတွေ သုံးခဲ့ကြတဲ့အတွက် ကြောက်သင့်တာကို မကြောက်ဘဲ၊ မကြောက်သင့်တာတွေကို အကြောက်လွန် ခဲ့တာမျိုးတွေ ဖြစ်ခဲ့ဖူးပါတယ်။
ကြောက်သင့်တာက အေအိုင်ဒီအက်စ် ရောဂါပိုး ကိုယ့်ထံကို ၀င်ရောက်လာနိုင်မယ့် အပြုအမူတွေ။
မကြောက်သင့်တာက အိတ်ခ်ျအိုင်ဗွီပိုးနဲ့ နေထိုင်ကြတဲ့သူတွေ၊ အေအိုင်ဒီအက်စ် ဝေဒနာရှင်တွေ။
သူတို့က ကိုယ့်ကို အန္တရာယ် ပေးနိုင်တာမှ မဟုတ်တာ။
ကိုယ့် အပြုအမူတွေကသာ ကိုယ့်ကို အန္တရာယ် ပေးနိုင်တာ။
ဒါပေမယ့် “သေကို သေမှာ၊ ကုလို့ မရဘူး”ဆိုတဲ့ စကားက လူတွေရဲ့ တွေးခေါ် စဉ်းစားနိုင်စွမ်းကို ကြောက်စိတ်နဲ့ ဖုံးပစ်လိုက်တဲ့ အတွက် ရောဂါ ရှိသူတွေ၊ ရောဂါပိုးနဲ့ နေထိုင်နေရသူတွေကို အသက်အန္တရာယ် ပြုတဲ့အထိ အဖြစ်ဆိုးတွေ ကြုံခဲ့ရဖူးပါတယ်။

အမေရိကန် နိုင်ငံရဲ့ ၃၂ ယောက်မြောက် သမ္မတဖြစ်တဲ့ ဖရန်ကလင်ရုစဗဲ့က “ကျွန်ုပ်တို့ရဲ့ တစ်ခုတည်းသော ကြောက်စရာက ကြောက်စိတ်ပါပဲ “လို့ ပြောခဲ့ဖူးပါတယ်။

လူတွေရဲ့ အန္တရာယ်နဲ့ ပတ်သက်လို့ ကြားသိရချက်တွေ အပေါ်မှာ စိတ်ပိုင်းဆိုင်ရာ တုံ့ပြန်မှုတွေကို သုတေသန လုပ်ရာက ရလာတဲ့ တွေ့ရှိချက် အချို့ကို ပြောပြချင်ပါတယ်။

(၁) ဘာတွေ ဖြစ်နိုင်တယ် ဆိုတာကို ပို သိရင် ပို ကြောက်တယ်။
(၂) အန္တရာယ်က ဘာတွေ ဖြစ်မယ်ဆိုတာကို မသေချာရင် ပိုကြောက်တယ်။
(၃) အဲဒီ အန္တရာယ်က ကိုယ့်ဆီမှာ ဖြစ်နိုင်တယ်လို့ ခံစားရရင် ပိုကြောက်တယ်။
(၄) အများစုက အန္တရာယ် တစ်ခု အကြောင်း ကြားရင် အဲဒါက တခြားသူတွေမှာပဲ ဖြစ်မှာပါ၊ ငါ့မှာတော့ မဖြစ်နိုင်ပါဘူးလို့ တွေးလေ့ရှိကြတယ်။
(၅) အန္တရာယ်က အရင်က မဖြစ်ဖူး၊ မကြားဖူတဲ့ အန္တရာယ် အသစ် ဆိုရင် ပိုကြောက်တယ်။
(၆) တစ်နေရာတည်းမှာ အကြီးအကျယ် ဖြစ်တာမျိုးဆိုရင် ပိုကြောက်တယ်။ ဥပမာ - တစ်နိုင်ငံလုံးမှာ နှလုံးရောဂါနဲ့ သေဆုံးသူ အရေအတွက်က တစ်နေ့ အယောက်(၂၀၀၀) ရှိတယ်၊ ဒါပေမယ့် ဗုံးပေါက်ကွဲမှုကြောင့် သေဆုံးသူ အရေအတွက်က အယောက်(၅၀) ဖြစ်နေမယ်ဆိုရင် လူတွေက ဗုံးပေါက်ကွဲမှုကို ပိုကြောက်ကြပါတယ်။ နှလုံးရောဂါနဲ့ သေဆုံးတာက တစ်နေရာတည်းမှာ စုပြုံပြီး ဖြစ်ကြတာ မဟုတ်တဲ့ အတွက်ကြောင့်ပါ။
(၇) အန္တရာယ်က ကိုယ်က လုပ်ယူတာမျိုး ဆိုရင် သိပ်မကြောက်ကြဘူး။ ဥပမာ - လိင်မှုကိစ္စ အပျော်အပါးလိုက်စားရာမှာ ကွန်ဒုံး မသုံးတာမျိုးလို့ ပြောရမယ် ထင်ပါရဲ့။
(၈) အန္တရာယ်ကို ကိုယ်က ချုပ်ထိန်းနိုင်စွမ်း ရှိတယ်လို့ ယူဆရင် သိပ်မကြောက်ကြဘူး။ ဥပမာ - မော်တော်ဆိုင်ကယ်ကို ခေါင်းဆောင်း မပါဘဲ စီးတာမျိုးပေါ့။
(၉) ကိုယ့်ကို အန္တရာယ်ကနေ ကာကွယ် ပေးနိုင်မယ်၊ လိုအပ်တဲ့ သတင်းအချက်အလက်တွေ ပေးနိုင်မယ်လို့ ယူဆထားတဲ့ သူတွေကို ယုံကြည်ရင် သိပ်မကြောက်ကြဘူး။ မယုံကြည်ရင် ပိုကြောက်ကြတယ်။ ဥပမာ- အုပ်ချုပ်သူ အစိုးရကို ယုံကြည်ရင် ပြည်သူတွေရဲ့ ကြောက်ရွံ့ ထိတ်လန့်မှုက အလွန်အကျွံ မဖြစ်ဘူး။ ၂၀၀၀ခုနှစ်မှာ နွားရူးရောဂါ ဖြစ်ခဲ့တုန်းက ဂျာမဏီနိုင်ငံက ကိုင်တွယ် ဖြေရှင်းခဲ့ပုံက မှန်ခဲ့တဲ့ အတွက် လအနည်းငယ် အတွင်းမှာပဲ ပြည်သူတွေ ကြောက်စိတ် လျော့ပါးသွားပြီး အမဲသား ဈေးကွက်က ပုံမှန် ပြန်ဖြစ် သွားခဲ့တယ်။ ဒါပေမယ့် အလားတူ ဖြစ်ရပ်ကို ဂျပန်နိုင်ငံက ကိုယ်တွယ် ဖြေရှင်းပုံ မှားခဲ့တဲ့အတွက် ဂျပန်နိုင်ငံရဲ့ အမဲသား ဈေးကွက်က တော်တော်နဲ့ ပုံမှန် ပြန်ဖြစ် မလာခဲ့ဘူး။

ကျန်းမာရေးဆိုင်ရာ အန္တရာယ်တွေ အကြောင်း ပညာပေး မျှဝေတဲ့ အခါမှာ တစ်စုံတစ်ခုကို အလွန်အမင်း ကြောက်ရွံ့ထိတ်လန့် သွားအောင် ပြောမယ့်အစား သတင်းအချက်အလက်တွေကို ပြည့်ပြည့်စုံစုံ ပေးပြီး လူတွေကို မှန်မှန်ကန်ကန် ရွေးချယ်နိုင်အောင် အကူအညီ ပေးရမှာ ဖြစ်ပါတယ်။

အဖြစ်အပျက်တစ်ခုဟာ
- ဖြစ်နိုင်ခြေ ဘယ်လောက်များသလဲ
- ဘယ်လို ကာကွယ်နည်းတွေ ရှိသလဲ
- ဘယ်လို ရွေးချယ်စရာတွေ ရှိသလဲ
- အန္တရာယ်ဘယ်လောက် အထိ ကြီးနိုင်သလဲ
စတာတွေကို သေသေချာချာ နားလည်အောင် အကူအညီ ပေးနိုင်မယ် ဆိုရင် အများပြည်သူမှာ မိမိဘ၀အတွက် မိမိကိုယ်တိုင် မှန်ကန်စွာ ရွေးချယ်နိုင်စွမ်းတွေ ပိုမို တိုးမြင့်လာပြီး ကျန်းမာရေးနဲ့ ညီညွတ်တဲ့ အပြုအမူတွေကို ပိုမို ဆောင်ရွက်ဖြစ်ဖို့ အခွင့်အလမ်းတွေ ပိုများလာနိုင်ပါတယ်။
 

(စာကိုး - Dealing with the dangers of fear: The role of risk communication by George M. Gray and David P. Ropeik. Health Affairs. Volume 21, No.6)

Read More...

Collapse...

Cultural Relativism

အရေးပါတဲ့ cultural relativism

(NGO in Myanmar ရဲ့ Forum မှာ တင်ပြီးသား အကြောင်းအရာလေးပါ။ ဒီမှာ ပြန်တင်ပေးပါလို့ ဆရာတစ်ယောက်က ပြောလို့ ပြန်တင်ပေးတာပါ။ စာသား အနည်းငယ် ပြုပြင်ထားပါတယ်။ Female circumcision က ကျွန်မတို့ နိုင်ငံနဲ့ မဆိုင်ပေမယ့် cultural relativism ကတော့ သက်ဆိုင်မယ်လို့ ထင်ပါတယ်။)

လူထုကျန်းမာရေးဆိုင်ရာ အပြုအမူတွေ ပြောင်းလဲဖို့ ဆောင်ရွက်ရာမှာ မနုဿဗေဒက အရေးပါတဲ့ အခန်းကဏ္ဍတစ်ခုမှာ ရှိနေကြောင်း ယနေ့ခေတ်မှာ အတော်လေး နားလည်သဘောပေါက်လာကြပြီလို့ ထင်ပါတယ်။
လူတွေရဲ့ ယဉ်ကျေးမှုနဲ့ ယုံကြည်သက်ဝင်မှုတွေက သူတို့ရဲ့ အပြုအမူတွေကို ထိန်းချုပ်ထားလေ့ ရှိပါတယ်။
လူတွေက သူတို့ မွေးဖွားရာ ပတ်ဝန်းကျင်က ယုံကြည်သတ်မှတ်ထားတဲ့ အရာတွေကို စွဲမြဲသက်ဝင် လိုက်နာလေ့ ရှိကြပါတယ်။
ဥပမာ- နတ်ကိုးကွယ်တာမျိုးပါ။

ဒါကို မကောင်းဘူးလို့ ဘေးကလူက ဘယ်လောက်ပဲပြောပြော၊ ကိုးကွယ်နေသူတွေကတော့ သူတို့ အဲဒီလို မကိုး ကွယ်တော့ဘူးဆိုရင် သူတို့မှာ မကောင်းတာ တစ်ခုခု ဖြစ်လိမ့်မယ်လို့ ယုံကြည်နေမှာပါပဲ။
အဲဒီလို ယုံကြည်သက်ဝင်မှုတွေကြောင့် အဲဒီလူတွေရဲ့ စိတ်ပိုင်းဆိုင်ရာ၊ ရုပ်ပိုင်းဆိုင်ရာ၊ လူမှုရေးပိုင်းဆိုင်ရာ၊ ကျန်းမာရေးတွေကို မထိခိုက်အောင် ဘယ်လို အကူအညီ ပေးရမယ်ဆိုတာက လူထုကျန်းမာရေး လုပ်ငန်းရဲ့ တာဝန် ဖြစ်လာပါတယ်။

အဲဒီမှာ cultural relativism ဆိုတာလေးကို သတိထားမိဖို့ လိုလာပါတယ်။
Cultural relativism ရဲ့ အဓိပ္ပာယ်က လူတစ်ယောက်ရဲ့ သက်ဝင်ယုံကြည်မှုနဲ့ လုပ်ဆောင်မှုတွေကို သူ နေထိုင်ကြီးပြင်းရာ အရပ်ဒေသရဲ့ ယဉ်ကျေးမှု အပေါ်မှာ မူတည်ပြီး နားလည်ပေးရပါမယ်တဲ့။
ကိုယ့်ယုံကြည်မှု၊ ကိုယ့်အနေအထားနဲ့ နှိုင်းယှဉ်ပြီး "ဒါကတော့ မှားနေတယ်၊ ဒါကတော့ မဖြစ်သင့်ဘူး"လို့ တစ်ဖက်သတ် မယူဆသင့်ဘူးဆိုတဲ့ အဓိပ္ပာယ်ပါ။
အဖြစ်အပျက်ကလေးတစ်ခုကို ပြောပြရမယ်ဆိုရင် Bettina Shell-Duncan ဆိုတဲ့ မနုဿဗေဒပညာရှင် အမျိုးသမီးက ကင်ညာနိုင်ငံ မြောက်ပိုင်းဒေသမှာ ရှိတဲ့ Rendille ဆိုတဲ့ လူမျိုးစုမှာ ဗိုက်တာမင်ဓာတ်တွေ ချို့တဲ့နေကြောင်း သိရှိရတဲ့အတွက် အဲဒါကို သုတေသန လုပ်ဖို့ အဲဒီဒေသကို သွားရောက်ခဲ့ပါတယ်။
ဒါပေမယ့် သူ အဲဒီကို ရောက်သွားတော့ အဲဒီမှာ အမှန်တကယ် ကြီးမားနေတဲ့ ပြဿနာက သူမ ကြိုတင် မျှော်လင့် မထားခဲ့တဲ့ အမျိုးသမီး လိင်အင်္ဂါကို ဖြတ်တောက်ခြင်း (female circumcision) ပြဿနာ ဖြစ်နေ ပါတယ်။
သူတို့ရဲ့လုပ်ရပ်တွေကို အပြင်ဘက်က လူတွေ အနေနဲ့ ကြည့်ရင် အမျိုးသမီးလေးတွေကို နှိပ်စက် ညှဉ်းပမ်း နေတယ်လို့ ထင်မြင်ယူဆလို့ ရပေမယ့် သူတို့ကလဲ အပြင်က လူတွေကို ကြည့်ပြီး ဒီလူတွေ အမျိုးသမီး လိင်အင်္ဂါကို မဖြတ်တောက်ဘဲ ဘယ်လို များနေကြပါလိမ့်လို့ တွေးပြီး ပြန်လည် ရွံရှာနေကြကြောင်း သူမ နားလည် သဘောပေါက်ခဲ့ရပါတယ်။
ကင်ညာနိုင်ငံမှာ အဲဒီလို အမျိုသမီး လိင်အင်္ဂါ ဖြတ်တောက်မှုကို တားဆီးဖို့ ကြိုးစားနေပေမယ့် သူတို့ရဲ့ ယုံကြည်မှုက စွဲမြဲနေတော့ သူတို့နည်း၊ သူတို့ဟန်နဲ့ မဖြစ်ဖြစ်အောင် ဆက်ပြီး လုပ်နေကြတာပါပဲ။
ဒါကို ကျန်းမာရေးအတွက် အန္တရာယ် နည်းနိုင်သမျှ နည်းအောင် လုပ်ပေးဖို့က လိင်အင်္ဂါ ဖြတ်တောက်ရာမှာ ပိုးမ၀င်အောင် စနစ်ကျဖို့၊ သန့်ရှင်းမှု ရှိဖို့နဲ့ အင်တီဘိုင်ရောတစ်(Antibiotics)တို့၊ ဂွမ်းတို့လို လိုအပ်တဲ့ ဆေးဝါး ပစ္စည်းတွေကို ထောက်ပံ့ ကူညီပေးဖို့ပဲ ဖြစ်ပါတယ်။
အဲဒီအကြောင်းနဲ့ ပတ်သက်တဲ့ ဆောင်းပါးလေးကို
http://www.artsci.washington.edu/news/WinterSpring01/ShellDuncan.htm
မှာ ဖတ်ကြည့်လို့ ရပါတယ်။

အလားတူ ဆောင်းပါလေးတစ်ပုဒ်ကိုလဲ
http://www.research.utoronto.ca/edge/fall2002/leaders/boddy.html မှာ ဖတ်ကြည့်လို့ ရပါတယ်။

Read More...

Collapse...

Habit vs Health

ကောင်းသော အလေ့အကျင့် အလေ့အထသည် ကျန်းမာရေးကို အထောက်အကူဖြစ်စေပေမယ့် ပုံမှန်မဟုတ်တဲ့ အလေ့အထတွေ ကျန်းမာရေးနဲ့ မလျော်ညီစွာ နေထိုင်ခြင်းတွေဟာ ရောဂါဖြစ်စေပါတယ်။

New England Journal of Medicine မှာ ဒီအပတ်အတွက် တင်လာတဲ့ Picture Story တစ်ခု အကြောင်း ပြောပြချင်ပါတယ်။ ကောင်မလေးတစ်ယောက် ၁၈ နှစ်တဲ့။ ဗိုက်အောင့်လို့တဲ့ ။ ဗိုက်အပေါ်ဘက် ဗယ်ဘက်အခြမ်းမှာ အောင့်နေတာ ၅လကြာလောက်ရှိပါပြီ ဆိုပြီး ရောက်လာတယ်။ အစာစားပြီး အန်ချင်တယ်။ ဗိုက်အောင့်ရုံမကဘူး။ ဗိုက်ကတင်းနေတယ်။ ၅လအတွင်း ပေါင်၄၀လောက်လျော့သွားတယ် ဆိုတာ နည်းနည်းနောနောမှ မဟုတ်တာ။ စမ်းကြည့်တော့ ဗိုက်ဟာ တကယ်တင်းနေတာပါပဲတဲ့။ ရင်ညွန့်မှာ မာမာအလုံးတွေ့ရတယ်။ ကွန်ပျူတာ ဓာတ်မှန်နဲ့ ပိုသေချာသွားတယ်။ အစာအိမ်မှာ အလုံးတစ်လုံးဖြစ်နေတာပဲ။ တော်သေးတာက အစာအိမ်ထဲမှာ နေရာယူထားပေမယ့် အစာအိမ်တစ်ခုလုံးကို အပြည့်နေရာယူထားတာ မဟုတ်သေးဘူး။ အစာအိမ်ကနေ အူကို သွားမယ့် အစာတွေကို ထွက်ပေါက်မပိတ်သေးဘူး။ အစာရေမျိုပြွန်ကနေ အစာအိမ်ကို မှန်ပြောင်းကြည့်တော့ .... အစာအိမ်မှာ ဖြစ်နေတဲ့ အလုံးက ဆံပင်ထုံးအလုံးကြီးပဲ။ ပြုစားခံထားရသလားပဲ။ :)

တကယ်သေချာမေးတော့မှ ကောင်မလေးက ဆံပင်ကြိုက်တာကိုး။ စား စားပစ်တာ။ အခုလို ရောဂါမဖြစ်လာဘူး။ ဘာလက္ခဏာမှ မပြလာဘူးဆိုရင် ဆံပင်ထုံးအလုံးကြီးက ပိုကြီးလာမယ့် အလားအလာရှိတယ်။ အခု ခွဲထုတ်ပစ်လိုက်တာ 37.5 X 17.5 X 17.5 စင်တီမီတာ ကြီးတယ်။
အခုတော့ ကောင်မလေးမှာ ဘာဝေဒနာမှ မရှိတော့ပါဘူး။ ခွဲပြီးစိတ်ပြီး တစ်နှစ်တောင်ကြာခဲ့ပြီပဲ။ ဆံပင် စားတဲ့ အလေ့အကျင့်ကိုလည်း ဖျောက်လိုက်ပါပြီဆိုပါတယ်။
Source : http://content.nejm.org/cgi/content/full/357/21/e23#F1

Read More...

Collapse...

Health and Misbeliefs ...

ကျန်းမာရေးနှင့်သက်ဆိုင်သောအယူလွဲများ

ကျွန်မတို့ မြန်မာ လူမျိုးများတွင် ရှေးယခင် အဆက်ဆက် ကပင် လိုက်နာ ကျင့်သုံးခဲ့ကြသော မိရိုးဖလာ အယူအဆပေါင်း များစွာ ရှိနေပါသည်။ အခြားသော အယူအဆများကို မဆွေးနွေး လိုသော်လည်း ကျန်းမာရေး ဆိုင်ရာ အယူအဆ အလွဲများကိုတော့ အနည်းငယ် တင်ပြ ဆွေးနွေး လိုပါသည်။ ..................................

ဖွံ့ဖြိုးဆဲနိုင်ငံ ဖြစ်သော မြန်မာနိုင်ငံတွင် နေရာဒေသမရွေး ကျန်းမာရေး စောင့်ရှောက်မှုများ ရရှိစေရန် ကျန်းမာရေး ၀န်ကြီးဌာနမှ ကြိုးပမ်း နေသကဲ့သို့ အစိုးရမဟုတ်သော အဖွဲ့အစည်းများမှလည်း မြန်မာနိုင်ငံ အစွန်အဖျား ဒေသများထိတိုင် ကျန်းမာရေး စောင့်ရှောက်မှု လုပ်ငန်းများကို အရှိန်အဟုန်မြှင့် ကြိုးပမ်း ဆောင်ရွက်လျက် ရှိနေပါသည်။ ..............................................................

ထိုသို့ ကြိုးပမ်း ဆောင်ရွက်ရာတွင် ပြည်သူလူထု တစ်ရပ်လုံးကပါ ပါဝင်ပေးပါမှ လုပ်ငန်းများ၊ ကြိုးပမ်းမှုများ ပိုမို လျင်မြန် အထမြောက်နိုင်မည် ဖြစ်သည်။ ထိုသို့ ၀ိုင်းဝန်း ကြိုးပမ်း ပေးကြရာတွင် မိမိတို့၏ ယုံကြည် ယူဆချက်များကို ကျန်းမာရေးဆိုင်ရာ အသိနှင့် ယှဉ်ပြီး လက်ခံသင့်သည်ကို လက်ခံခြင်း၊ အယူအဆ အလွဲများအား နားလည် တတ်ကျွမ်းသော ကျန်းမာရေးဆိုင်ရာ ၀န်ထမ်းများမှ ပြောပြ ဆွေးနွေး ပါက နားလည် သဘောပေါက်ကာ လွဲမှားနေသော အယူအဆများကို ပြုပြင်သင့်သည်ကို ပြုပြင်ခြင်း၊ စွန့်လွှတ်သင့်သည်ကို စွန့်လွှတ်ခြင်းဖြင့် ၀ိုင်းဝန်း ကူညီကြနိုင်ရန် ရည်ရွယ်ပြီး ဒီပို့စ်လေးကို ရေးသား လိုက်ပါတယ်။

ကျွန်မတို့ ဆေးရုံများတွင် အများဆုံး ကြုံတွေ့နေရသော အယူအဆလွဲများထဲမှ အချို့ကို တင်ပြလိုက်ပါတယ်။

1. မွေးကင်းစ ကလေးငယ်များ၏ ချက်အတွင်းသို့ ဆေးတို့ဖတ်ဟု ခေါ်ဝေါ်ကြသော နနွင်းများ ထဲ့သိပ်ခြင်းမှာ လုံးဝ မှားယွင်းနေသော အယူအဆ တမျိုးပင် ဖြစ်သည်။ မွေးကင်းစ ကလေးငယ်များသည် အလွန် နူးညံ့ကြပြီး ရောဂါပိုးများ အလွယ်တကူ ၀င်ရောက်နိုင်ကြသော အချိန်ဖြစ်သည်။ ထိုအချိန်တွင် ချက်အတွင်းသို့ သန့်ရှင်းသော ဂွမ်းစဖြင့် အရက်ပြန် ဆွတ်ပေးခြင်းမှာ အမှန်အကန်ဆုံးသော နည်းလမ်းပင် ဖြစ်သည်။ နနွင်းထဲ့သိပ် ပေးခြင်းကြောင့် မည်သည့်အကျိုးမှ မရရှိနိုင်သော်လည်း မွေးကင်းစကလေးငယ်၏ ကိုယ်တွင်းသို့ ချက်မှတဆင့် မသန့်ရှင်းသော နနွင်းများ ၀င်သွားခြင်းကြောင့် မွေးကင်းစ ကလေးငယ်သည် မေးခိုင်ရောဂါပိုး ၀င်ရောက်ခြင်း သွေးဆိပ်ပျံ့နှံ့ခြင်းဖြင့် သေဆုံးနိုင်ပါသည်။
2. ကလေးငယ်များကို မွေးဖွားချိန်မှ စပြီး အသက် အပိုင်းအခြားအလိုက် ကာကွယ်ဆေးများကို သတ်မှတ်ထားသော အချိန်အတိအကျအတိုင်း ထိုးပေးရန် အလွန် အရေးကြီးလှပါသည်။ သို့ပေမယ့်လည်း အချို့အရပ်ဒေသ များတွင် ကာကွယ်ဆေးထိုးခြင်းကြောင့် အကြောသေသည်ဟု ယူဆကာ ကာကွယ်ဆေးထိုးရန် ငြင်းဆိုကြပါသည်။ ကာကွယ်ဆေးထိုးခြင်းနှင့် အကြောသေခြင်းသည် မသက်ဆိုင်ပါ။ အခြား အကြောင်းအရာ တခုခုကြောင့် အကြောသေခြင်းသာ ဖြစ်နိုင်ပါသည်။ ကာကွယ်ဆေးထိုးခြင်း ဆိုသည်မှာ ရောဂါပိုးများ ၀င်ရောက်မလာနိုင်စေရန် ကာကွယ်ပေးခြင်း ဖြစ်သောကြောင့် အကြော သေခြင်းနှင့် မသက်ဆိုင်ပါ။
3. ကလေးမီးဖွားထားသော နို့တိုက်မိခင်များသည် ကလေးနှင့် မတည့်မည်ကို စိုးရိမ်လွန်ကဲကာ အစား ရှောင်သော အလေ့အထကိုလည်း ပြုလုပ်ကြပါသည်။ အပူအစပ်များ ရှောင်ခြင်းမှာ သင့်သော်လည်း အာဟာရ ဓါတ် ပြည့်ဝစေသော အစားအသောက်များကို ရှောင်ခြင်းမှာ လွဲမှားနေပါသည်။ ဗီတာမင်ဘီ အုပ်စု ကြွယ်ဝစွာ ပါဝင်သော အစားအစာများကို ပိုမိုစားသုံးပေးရန် လိုအပ်လှသည်။ ၄င်းတို့မှာ ပဲ၊ ၀က်သား၊ အမဲသား၊ နွားနို့၊ ဆန်လုံးညိုနှင့် အသည်း တို့ဖြစ်သည်။ မိခင်နို့တွင် အာဟာရဓါတ် လုံလောက်စွာ ပါဝင်မှ ကလေးငယ် သည် အာဟာရဓါတ် လုံလောက်စွာ ရရှိနိုင်မည် ဖြစ်သည်။ ဗီတာမင်ဘီ ချို့တဲ့ခြင်းသည် နို့စို့ကလေးငယ်များတွင် အသက်အန္တရာယ် ပေးနိုင်သည်ထိ အရေးကြီးလှပါသည်။
4. ကျေးလက်နေ ပြည်သူများသည် ဆေးပေးခန်းများနှင့်ဝေးကွာခြင်း၊ အသိပညာ လုံလောက်စွာ မရှိခြင်းတို့ကြောင့် ပွန်းပဲ့ဒဏ်ရာများ ရရှိပါက အနာအတွင်းသို့ ဖုန်မှုန့်များ ထဲ့သိပ်ခြင်းကို ကျေးလက် ကွင်းဆင်းချိန်တွင် ကိုယ်တိုင်ကိုယ်ကျ ကြုံခဲ့ဖူးပါသည်။ ဖုန်မှုန့်များ ထဲ့သိပ်ခြင်းကြောင့် မေးခိုင်ရောဂါပိုး ၀င်ရောက်ကာ အသက် ဆုံးရှုံးနိုင်ပါသည်။ အနာကို သန့်ရှင်းသောရေဖြင့် ဆေးကြောပြီး အရက်ပြန် ထဲ့ပေးခြင်းမှာ မှန်ကန်သော နည်းလမ်းဖြစ်သည်။
   

အထက်ဖော်ပြပါ အယူအဆအလွဲများ သည်အများဆုံး ကြုံတွေ့ရသော အလွဲများ ဖြစ်သည်။ ကျွန်မတို့ လက်လှမ်းမမီနိုင် သော ပြည်သူလူထု အတွင်းတွင် အခြားသော အယူလွဲများလည်း ရှိနေဦးမည် ဖြစ်သည်။ ....................................

ယခု ရေးသားလိုက်သော ပို့စ်လေးကို ဖတ်မိသော စာဖတ်သူအပေါင်းမှလည်း မိမိတို့ လက်လှမ်းမီသော သူများသို့ ကျန်းမာရေးအသိများ ဆက်လက် ဖြန့်ဝေပေးကြပါရန် မေတ္တာ ရပ်ခံအပ်ပါသည်။

Read More...

Collapse...