ကလေးများတွင် အစားအသောက်ပျက်ခြင်း

ကလေးများတွင် အစားအသောက်ပျက်ခြင်း

ကလေးတွေကြီးထွားချိန်ရောက်ပြီဆိုရင် သူတို့ကောင်းမွန်စွာကြီးထွားခြင်းရှိမရှိ ဆုံးဖြတ်နိုင်တဲ့အဓိက အချက် ကတော့ အစာစားချင်စိတ်လို့ခေါ်တဲ့ Appetite ကို လေ့လာစောင့်ကြည့်ခြင်းပဲဖြစ်ပါတယ် ။ ကလေးတွေဟာ သူတို့ရောက်ရှိနေတဲ့ အသက်အရွယ်အလိုက် ပုံမှန်ကြီးထွားခြင်းရှိမရှိ ၊ ဒါမှမဟုတ် အသက်အရွယ်နဲ့ ပုံမှန်ကြီး ထွားမှုမှာ တစ်ခုခု မှားယွင်းနေပြီဆိုရင်တော့ သူတို့ရဲ့ appetite ကို လေ့လာဆန်းစစ်ဖို့လိုနေပါပြီ ။ ကလေးတွေဟာ လှုပ်လှုပ်ရှားရှားရှိနေတဲ့အချိန်မှာ သူတို့မှာ ပုံမှန်အစာစားချင်စိတ် good appetite ရှိနေပြီး အဲဒီအ ချိန်မှာ သူတို့ဟာ ပိုမိုစားဝင်ပြီး လိုအပ်တဲ့အာဟာရနဲ့ စွမ်းအင်တွေကို ရရှိပါတယ် ။ ဒါဟာ ကလေးငယ်တွေကို ရုပ်ပိုင်းဆိုင်ရာအရ ကူညီပေးယုံသာမကပဲ စိတ်ပိုင်းဆိုင်ရာဖွံ့ဖြိုးတိုးတက်မှု ( Psychological growth) ကိုပါ ကူညီထောက်ပံ့ပေးပါတယ် ။ ကလေးငယ်တွေမှာ အစားအသောက်ပျက်ခြင်းဟာ စိုးရိမ် ပူ ပန်စရာကောင်းတဲ့အချက်အဖြစ် ထည့်သွင်းစဉ်းစားရပါမယ် ။ ဒါဟာကလေးရဲ့ ခန္ဓာကိုယ်နဲ့ ပတ် သတ်ပြီး မူမမှန်ဘူးဆိုတာ အချက်ပေးနေတာဖြစ်ပြီး ဘာကြောင့်အစားအသောက်ပျက်ရသလဲ ဆိုတဲ့ အကြောင်း ပြ ချက်ရှိပါတယ် ။ ဒီအခြေအနေကို စောစော သိနိုင်ဖို့လည်းလိုအပ်ပြီး အစားအသောက်ပျက်ခြင်းဟာ ဘယ်လို အခြေအနေမျိုးတွေကို ဦးတည်သလဲဆိုတာကိုလည်း နားလည်ဖို့လိုပါတယ် ။

အစားအသောက်ပုံမှန်စားချင်စိတ်ရှိအအောင်လုပ်ဆောင်ပေးတဲ့စနစ်ဟာ ရှုပ်ထွေးတဲ့ဖြစ်စဉ်တစ်ခုဖြစ်ပြီး အဲဒီ မှာ အစာ အိမ်နှင့်အူလမ်းကြောင်း ၊ adipose တစ်ရှူးများ ၊ ဦးနှောက် ၊ ဟော်မုန်းတွေနဲ့ အာရုံကြော စနစ်တွေ ပါဝင်ပတ်သတ်မှုရှိပါတယ် ။ Appetite Control Systme ( ACS) ဟာ ဦးနှောက်ထဲမှာရှိပြီး အစာစားချင် စိတ် ၊ အစာစားတဲ့အလေ့အထနဲ့ ခန္ဓာကိုယ်အလေးချိန်ကို ထိမ်းချုပ်ပေးပါတယ် ။ ACS ဟာ ခန္ဓာကိုယ်အလေးချိန် ၊ အပူချိန် ၊ လှုပ်ရှားမှု ၊ ရာသီဥတု ၊ မိန်းမတွေမှာ မျိုးပွားစက်ဝန်း ၊ အစားအသောက်ရရှိနိုင်မှု ၊ သုံးစွဲမယ့် စွမ်းအင်ပ မာဏနဲ့ အစာဘယ်လောက်စားရမယ် ဘယ်အချိန်စားရမယ်စတဲ့ သတင်းအချက်အလက်တွေကို စုစည်း လုပ်ဆောင် ပါတယ် ။

ကလေးငယ်တွေ ဘာကြောင့်အစားအသောက်ပျက်သလဲ ?

ကလေးငယ်တွေမှာ အစားအသောက်ပျက်ခြင်းကို ဂရုတစိုက် screen လုပ်ဖို့လိုအပ်ပြီး အကယ်၍ ကလေးငယ် တစ်ယောက်ဟာ အစားအသောက်ပျက်ပြီဆိုရင် မူမမှန်တဲ့ လက္ခဏာအဖြစ် ထည့်သွင်း စဉ်းစားရ ပါမယ် ။

၁ ။ Influenza ( တုပ်ကွေး )

အဖြစ်များတဲ့ တုပ်ကွေးဖျားနာခြင်းဟာ ကလေးငယ်တွေကို အစားအသောက်ပျက်စေတဲ့ အကြောင်းရင်း တစ်ရပ်ဖြစ်ပါတယ် ။ Flu လို့ခေါ်တဲ့ တုပ်ကွေးဗိုင်းရပ်စ် ၀င်ပြီဆိုရင်တောပ့ ကိုယ်ပူချိန်တက်ပြီး ဖျားနာခြင်း ၊ နှာရည် ယိုခြင်း ၊ ခေါင်းမူးခြင်းနဲ့ ပါးစပ်ထဲမှာ ခံတွင်းမတွေ့ခြင်းစတဲ့ လက္ခဏာတွေ ခံစားရပါမယ် ။ အဲဒီအချိန် အတောအတွင်းမှာ ခန္ဓာကိုယ်က ဘတ်တီးရီးယား ကြီးထွားမှုကို တန်ပြန်တိုက်ခိုက်ဖို့ ကြိုးစားနေပြီး ခန္ဓာကိုယ်ရဲ့ ပုံမှန်လုပ်ဆောင်ချက်ကို ပြန်ရဖို့ ကြိုးစားပါတယ် ။ အဲဒီအချိန်မှာပဲ ခန္ဓာကိုယ်ရဲ့ energy level ဟာနိမ့်ကျနေပြီး ခန္ဓာကိုယ်ရဲ့ လုပ်ဆောင်ချက်တွေဟာလည်း ကောင်းမွန်စွာ ပုံမှန်မလုပ်ဆောင်နိုင်သေးပါဘူး ။ အဲဒီအချိန်မှာပဲ အစာချေ စနစ် ဟာ ပုံမှန်မဟုတ်တဲ့အတွက် အစားအသောက်ပျက်လာခြင်း ( Loss of appetite) ကို ခံစား ရပါတယ် ။

“ ဒါကြောင့် ကလေးတစ်ယောက် ရုတ်တရက် အစားအသောက်ပျက်ပြီးဆိုရင် သူ့ရဲ့ကိုယ် အပူချိန်ကို စမ်းကြည့်ဖို့ မမေ့ပါနဲ့ ”



၂ ။ ၀မ်းချုပ်ခြင်း ( Constipation)

ကလေးငယ်တွေကို အစားအသောက်ပျက်စေတဲ့ နောက်အကြောင်းတစ်ခုကတော့ ၀မ်းချုပ်ခြင်းပဲဖြစ်ပါတယ် ။ ၀မ်းချုပ်တဲ့အခါ ပုံမှန် bowel movement တွေကို တားဆီးပေးထားပြီး ဗိုက်ထဲမှာ လေတွေနဲ့ ပြည့်နေသလို ခံစားနေ ရလေ့ရှိတယ် ။ ဒီလို bowel movement တွေမကောင်းတဲ့အခါ စနစ်တစ်ခုလုံးကို သက်ရောက်စေလေ့ ရှိပြီး အစားအသောက်ကို ပျက်စေပါတယ် ။

၃ ။ အစာ စားချိန်ကြားတွင် သရေစာများစားခြင်း

အထူးသဖြင့်ငယ်ရွယ်တဲ့ကလေးတွေဟာ သရေစာကို နှစ်ခြိုက်စွာ စားသုံးလေ့ရှိကြပါတယ် ။ ထမင်းစားပွဲပေါ်မှာ သူတို့ စိတ်ဝင်စားတဲ့အရာ ရှာမတွေ့ဘူးဆိုရင်တော့ ဒါဟာ အစားအသောက်ပျက်ခြင်းကို ဦးတည်နေပါပြီ ။ Junk Food လို့ခေါ်တဲ့ ဗိုက်ပြည့်စေတဲ့သရေစာတွေနဲ့ စိတ်ဝင်စားဖွယ်ကောင်းအောင်ထုပ်ပိုးထားတဲ့ snack တွေ ဟာ လည်း ထမင်းစားချိန်မတိုင်ခင်စားမိရင်လည်း ဗိုက်ပြည့်နေစေပြီး အကျိုးမရှိပါဘူး ။ ဒီလိုစားထားမိရင် ထမင်းစား ချိန်ရောက်တဲ့အခါ အစားအသောက်ပျက်ခြင်းကို ခံစားရလေ့ရှိပါတယ် ။ ဒါကြောင့်ကလေးတွေကို ထမင်းကျွေး တဲ့အခါ သူတို့စိတ်ဝင်စားတဲ့အရာလေးတွေ သူတို့ စားချင်မယ့်အရာလေးတွေကို ပုံစံတစ် မျိုးနဲ့ ကျွေး ဖို့လိုအပ်ပါသေးတယ် ။

၎ ။ ဖိအားနှင့် စိတ်ဖိစီးမှု

အရေးကြီးတဲံ့ အစည်းအဝေးတစ်ခု အရေးကြီးတဲ့ meeting တစ်ခုရှိနေပြီဆိုရင် စိတ်တွေတင်းကြပ်ပြီး သင်ရော အစားအသောက် ပျက်တယ်လို့ ခံစားမိပါသလား ။ အတူတူပါပဲ ။ ကလေးတွေမှာလည်း ဖိအားတွေ စိတ်ဖိစီး မှုတွေကြုံ လာရပြီဆိုရင် ခန္ဓာကိုယ်က အန္တရာယ်ရှိစေတဲ့ ဓါတုပစ္စည်းတွေကို ထုတ်လွှတ်ပေးပြီး အစာစားချင် စိတ်ကို ထိမ်းချုပ်လိုက်ပါတယ် ။ ကလေးတစ်ယောက်ဟာ ငြိမ်သက်နေပြီဒါမှမဟုတ် အထီးကျန်နေပြီဆိုရင် ၊ ကျောင်း သွားဖို့ ငြင်းဆန်နေပြီဆိုရင်တော့ ဒီအချက်တွေကို ထည့်သွင်းစဉ်းစားရမှာဖြစ်ပါတယ် ။ သူတို့ ကို နွေးထွေး စွာ ဆက်ဆံဖို့လိုအပ်ပြီး ကျောင်းမှာ ဒါမှမဟုတ် အိမ်မှာ ဘာပြဿနာတွေရှိလည်းဆိုတာကို ကူညီဖြေ ရှင်းပေးရမှာဖြစ်ပါတယ် ။

၅ ။ အခြားအကြောင်းအရာများ

ငယ်ရွယ်တဲ့ကလေးတွေသာမက အသက်အနည်းငယ်ကြီးတဲ့ လူငယ်တွေနဲ့ လူကြီးတွေမှာလည်း အစား အသောက် ပျက်ခြင်းတွေကို ဖြစ်စေတဲ့ အခြားအကြောင်းပြချက်များစွာ ရှိပါသေးတယ် ။ အဲဒါတွေကတော့

- အူထဲတွင် သံကောင်တုပ်ကောင်များ ရှိခြင်း
- Bulemia ရောဂါ
-စိတ်ကျရောဂါ
-ဆေးဝါးများ ( ပိုးသတ်ဆေးများ ၊ အကိုက်အခဲပျောက်ဆေးများ ၊ ကင်ဆာဆေးများ ၊ ဗိုင်းရပ်ကုသဆေးများ ၊ နှလုံးဆေးများ ၊ ကိုဒင်း ၊ မော်ဖင်း စသည်)
-ထမင်းစားချိန် မမှန်ခြင်း
-အလွန်အမင်းဂိမ်းဆော့ခြင်း
-အလွန်အမင်းတီဗီကြည့်ခြင်း စသည်တို့ဖြစ်ပါတယ် ။

ဘာကြောင့်ကလေးတွေ အစားအသောက်ပျက်ရသလဲဆိုတဲ့ အဓိက အကြောင်းပြချက်တွေရှိပါတယ် ။ ဒါကြောင့် ကလေးတွေကိ မိဘတွေအနေနဲ့ သေချာဂရုတစိုက်နဲ့ ရုပ်ကျန်းမာေ၇းသာမက စိတ်ကျန်းမာရေးကို အလေးထား ပြီး Care လုပ်ဖို့လိုအပ်ပါတယ် ။ အကယ်၍ လိုအပ်မယ်ဆိုရင်တော့ Appetite stimulant လို့ခေါ်တဲ့ အစာစား ချင်စိတ်ကို လှုံ့ဆော်ပေးတဲ့ ဆေးတွေ တိုက်ကျွေးနိုင်ပါတယ် ။

Ref : Internet ( Loss of appetite in children)

သက်တန့်ချို

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Read More...

Collapse...

၁၈ နှစ်ပြည့်ရင် လူရာဝင် Age determination

အသက်ကိုကြည့်ပြီး လူအမျိုးမျိုးက သတ်မှတ်မှု အမျိုးမျိုး ထားကြတယ်။ ဘယ်လောက်ရှိမှ ဘာလုပ်ရမယ် ဆိုတာမျိုး။ မဲပေး၊ ဈေးဝယ်။ ကားမောင်း၊ မိန်းမတောင်း။ စစ်ထဲဝင်၊ ပင်စင်ယူ၊ အသက်ဘယ်လောက်ရှိမှ ဒီ(ဆိုဒ်)၀င်၊ ဒီရုပ်ရှင်ကြည့် စသဖြင့်။ ပြဿနာ ရှိလာရင် ဆရာဝန် ပါရတတ်တယ်။

ဆေးပညာထဲမှာ Forensic Medicine ဆိုတဲ့ မှုခင်းဆေးပညာ သပ်သပ်ရှိတယ်။ အသက်ကို တိတိကျကျ ဘယ်၍၊ ဘယ်မျှ ရှိတယ်ဆိုတာ စစ်ပြီး၊ တရားရုံးမှာ ထွက်ရတာလဲပါတယ်။ တရားခံ-တရားလို အသက်ကို ဇာတာနဲ့ မရဘူး။ ဆရာဝန်ကနေ သွားပေါက်တာကြည့်၊ ဓါတ်မှန် ရိုက်ပြီး သိတာတွေနဲ့ ဆုံးဖြတ်ရတယ်။ ၉ တန်းစာမေးပွဲ အစိုးရစစ်ခေတ်တုံးက အသက် ၁၅ နှစ် မပြည့်လို့၊ ဗေဒင်ဆရာနဲ့ ဇာတာသစ်လုပ်၊ တရားရုံးသွား ကြမ်းကျိမ်၊ လိမ်ကြည့်လည်း မရပါ။ ဥပဒေဟာ ဥပဒေတဲ့။ မကျဘဲနဲ့ တတန်းကို ၂ နှစ် နေခဲ့ရတယ်။ ဥပဒေဆိုတာကို နည်းနည်းလေးမှ အတိမ်းအစောင်း မခံပါလားလို့ မှတ်သား နာခံခဲ့ရတယ်။ အဲဒီခေတ်က ကြာခဲ့ပါပြီ။ ကြာရင် သာသွားတတ်သလို၊ ခြာသွားတတ်တာလည်းရှိတယ်။

Bone age “အရိုးကြည့်-အသက်သိ” ဆိုတာနဲ့ ဆရာဝန်တွေက ဆုံးဖြတ်ချက်ပေးရတယ်။ Long bones ခေါ်တဲ့ ပေါင်ရိုး၊ ခြေသလုံးရိုး၊ လက်ဖျံရိုး၊ လက်ချောင်းရိုးတွေမှာ ထိပ်ဖျားပိုင်းတွေက အရိုးကို လာဆက်တာက သူ့အသက်နဲ့သူ။ X-ray ရိုက်ရတယ်။ တံတောင်ဆစ်ရိုးဆက်ရင် ၉-၁၃ နှစ်၊ Iliac crest တင်ပါးဆုံအပေါ်-ရှေ့ထိပ်ရိုးဆက်ရင် ၁၂-၁၆ နှစ်၊ ညှပ်ရိုး (ကော်လာ-ဘုန်း) ၁၂-၂၂ နှစ် စသဖြင့် သိနိုင်တယ်။

ကလေးတွေ အသက်ကြတော့ ငယ်သွားပေါက်တာကို ကြည့်ရတယ်။ အထက်-အောက် အလည်ရှေ့သွား ၄ ချောင်းက ၆-၁၂ လ၊ အထက်-အောက် ဘေးရှေ့သွား ၄ ချောင်းက ၉-၁၆ လ၊ ပဌမအန်ရှေ့သွား ၄ ချောင်းက ၁၃-၁၉ လ၊ အထက်-အောက် စွယ်သွား ၄ ချောင်းက ၁၆-၂၃ လ၊ အထက်-အောက် ဒုတိယအံသွား ၄ ချောင်းက ၂၂-၃၃ လမှာ ပေါက်တယ်။ ကြီးသွား ၃၂ ချောင်းမှာ ၆ နှစ်က စပေါက်တယ်။ ၁၃ နှစ်မှာ ၂၈ ချောင်းရှိပြီး၊ အံဆုံးတွေက ၁၇-၂၁ နှစ်ရောက်မှ ပေါက်တယ်။ အံဆုံးမပေါက်သ၍ အသက် ၁၈ နှစ် မပြည့်သေးဘူးပေါ့။ တရားတပေါင် ဖြစ်လေ့ရှိကြတဲ့ အသက်ကတော့ ၁၆-၁၈ နှစ် ဖြစ်ပါတယ်။

Voting age ဆိုတဲ့ မဲပေးပိုင်ခွင့်ကိုလည်း တကမ္ဘာလုံးမှာ အများဆုံး သတ်မှတ်တာက ၁၈ နှစ်ပါ။ ၁၆ နှစ်နဲ့ မဲပေးလို့ရတာ ၇ နိုင်ငံ ရှိသွားပါပြီ။ ၁၇ နှစ် ရှိရင် မဲပေးလို့ရတာ ၆ နိုင်ငံ၊ ၂၀ နှစ်က ၄ နိုင်ငံ၊ ၂၁ နှစ်က ၁၆ နိုင်ငံ၊ အသက်အကြီးဆုံးက ဥဇဗက်ကစ္စတန် ၂၅ နှစ်ရှိမှ ပေးရတယ်။ ဆလိုဗေးနီးယားမှာ ၁၆ နှစ်တော့ ဟုတ်ပါရဲ့ အလုပ်ရှိမှ မဲပေးရတယ်။ အလုပ်လက်မဲ့တွေက ပေးတဲ့မဲနဲ့ တက်လာတဲ့ အစိုးရကမှ အလုပ်အကိုင်တွေ ဖန်တီးပေးမယ် ထင်ရတယ်။ လက်တွေ့မှာ အဲလိုလည်း ဟုတ်ချင်မှ ဟုတ်တာပါ။ မဲဆွယ်တုံးမှာ သည်းခြေကြိုက်တွေ ပြောပြီး၊ အာဏာရတော့ ဘာမှမလုပ်တဲ့ အစိုးရက အများကြီး။ ဘာမဲဖြစ်ဖြစ် ငါ့ပုံးထဲ ရောက်အောင်လုပ်ပြီး၊ တက်အုပ်ချုပ်တာတွေလည်း ရှိတာဘဲ။

မဲပေးသူတွေကို အသက်နဲ့သာ ကန့်သတ်ပြီး၊ အရွေးခံမဲ့သူတွေကိုတော့ သွေးစစ်သလို လုပ်တာတွေလည်း ရှိတယ်။ Blood group matching သွေးအုပ်စု စမ်းတယ်-စစ်တယ်ဆိုတာ သွေးလှူသူနဲ့၊ လူနာတည့်-မတည့် စမ်းရတာပါ။ “သွေးစစ်ပေးတဲ့ ဆရာနဲ့ တည့်-မတည့် စမ်းတာမဟုတ်ပါ။”

မဲပေးရာမှာ ခွဲခြားသလို မင်္ဂလာဆောင်နိုင်တဲ့ အသက်ကိုလည်း သတ်မှတ်ထားကြတယ်။ အများအားဖြင့် ၁၈-၁၆ နှစ် ဖြစ်တယ်။ ယောက်ျားလေး-မိန်းကလေး မတူဘူး။ သတို့သမီးအသက်က ပိုငယ်လေ့ရှိတယ်။ ဆူဒန်မှာ အပျိုဘော်ဝင်ရင် ရပြီတဲ့။ မဒါဂါးစကား၊ တန်ဇန်နီးယား၊ တူနီးရှား၊ ဗင်နီဇွဲလား၊ ပါရာဂွေး၊ မိန်းကလေး ၁၄ နှစ်၊ အပျိုဖြစ်တဲ့ အရွယ်ပါဘဲ။ ဘရူနိုင်းနဲ့ ကူဝိတ်မှာ ကန့်သတ်ချက်မရှိလို့ အပျိုမဖြစ်သေးလဲ ရပုံကြတယ်။ အယ်လ်ဂျီးရီးယား၊ အင်ဒိုနီးရှား၊ စင်္ကာပူ၊ ဟောင်ကောင်၊ ဘင်္ဂလားဒေ့ရှ်၊ အိန္ဒိယမှာ ၂၁-၁၈ နှစ်။ တရုပ်မှာတော့ ၂၂-၂၀ နှစ်ရှိမှ လက်ထပ်လို့ရတယ်။ အသက် ငယ်ငယ်နဲ့ အိမ်ထောင်ပြုပေးတဲ့ ထုံးစံဟာ ရှေးကျပါတယ်။ ဗုဒ္ဓလက်ထက် ရှင်သာရိပုတ္တရာရဲ့ညီ အငယ်ဆုံး (ရေ၀တ) ကို ၇ နှစ်သားမှာ မိဘတွေက မင်္ဂလာဆောင်ပေးခဲ့ကြတယ်။

၂၁ ရာစုထဲရောက်ပေမဲ့ အီရန် မှာ ယောက်ျားလေး ၁၄ နှစ်၊ မိန်းကလေး ၉ နှစ်၊ လင်မယားဖြစ်လို့ရတယ်။ ကျွန်တော်တို့ လူမျိုးတွေအတွက်တော့ ဆေးပညာအရ ငယ်လွန်းတယ်။ တလောက ဆေးခန်းမှာ ကလေးလာမွေးတဲ့ မိန်းကလေးကို အသက်မေးတော့ တိတိကျကျ ပြောပါတယ်။ ၁၅ နှစ်နဲ့ ၁၀ လ။ ဆရာဝန်က အားနာလို့ သူ့စာအုပ်မှာ ၁၆ နှစ် လုပ်လိုက်ရတယ်။ အကောင်းတော့ မွေးပါရဲ့ ကလေးက လသားနဲ့ ဆုံးသွားရှာတယ်။ (ယူနီဆက်ဖ်) ရဲ့ ၁၈ နှစ်မပြည့်ဘဲ လက်ထပ်ထိမ်းမြားသူ အမျိုးသမီးဦးရေ သန်း ၆၀၀ ကျော်ထဲမှာ ဒီကလေးမ ပါချင်မှပါမယ်။ ဒုက္ခသည်မို့ ဟိုမှာလည်း စာရင်းပျောက်၊ ဒီမှာလည်း စာရင်းမပေါက်။

ပင်စင်ပေးတဲ့ အသက်ကိုလည်း သတ်မှတ်ကြတာ နိုင်ငံတိုင်းမှာပါ။ ဒါပေမဲ့ ပင်စင်ယူရမဲ့ အသက်၊ ပင်စင်ခံစားခွင့်၊ (ပင်စင်-ဖန်းဒ်)၊ စသဖြင့် ပင်စင်ယူရမဲ့လူတွေ မနစ်နာရအောင်၊ ပိုကောင်းအောင် ကြိုးပမ်းမှုတွေသာ ရှိပြီး၊ ပင်စင်သွားရမှာကို မသွားဘဲ ပေကပ်နေတာမျိုးကိုတော့ (၀ီကီ-ပီးဒီးယား) (၀ီကီ-မြန်မာ) တွေမှာ ရှာလို့မရဘူး။ ဆရာဝန်ကိုလည်း အသက်ကျော် နေ-မနေ လာမမေးပါ။

အသက် သတ်မှတ်ချက်ကြောင့် စာမေးပွဲ ၀င်မဖြေရတဲ့ ပြဿနာလေးက အသေးအဖွဲပါ။ အသက် ၁၆ နှစ်က ၁၈ နှစ် အကြားကို လူငယ်လို့ သတ်မှတ်တဲ့ တိုင်းပြည်တွေမှာ သူတို့လေးတွေကို လူကြီးတွေနည်းတူ တရားစီရင် ပြစ်ဒဏ် ပေးနေတာတွေကတော့ မျိုးဆက်ကို ဆိုးသထက်ဆိုးအောင် လုပ်ရာကျတယ်။ ကျန်းမာရေးအရဘဲ ပြောရရင်၊ (ဘီ)ပိုး ကာကွယ်ဆေးကို မွေးစကနေ အသက် ၁၈ နှစ် အောက်၊ သေချာပေါက် ထိုးပေးရပါတယ်။

ဥပဒေသုံးနဲ့ အရပ်သုံး ဝေါဟာရတွေ ရှိတယ်။ Age of majority ဆိုတာ လူလားမြောက်တဲ့ အရွယ်၊ လူကြီးပိုင်းဝင်တဲ့ အသက်ကို ခေါ်တယ်။ Age of license ဆိုတာကတော့ ဒါကိုလုပ်ခွင့်ရှိတယ်လို့ သတ်မှတ်တဲ့ အသက်ဖြစ်တယ်။ Age of consent ဆိုတာကတော့ လိင်ဆက်ဆံတာမှာ စိတ်အလိုတူ-မတူ ပြောပြနိုင်တယ်လို့ သတ်မှတ်တဲ့ အသက်ဖြစ်တယ်။ Age of criminal responsibility ဆိုတာက ရာဇ၀တ်မှု ကျူးလွန်တာ လုပ်ပေမဲ့ အသက်ငယ်သေးလို့ အပြစ်ပေး အရေးယူဘို့ မသင့်သေးဘူးလို့ သတ်မှတ်သက်ဖြစ်တယ်။

Age of majority မှာ အသက် ၁၄ နှစ်ကနေ ၂၁ နှစ်အထိ ရှိတဲ့ ၁၄၈ နိုင်ငံစာရင်းကို ပြုစုထားတယ်။ ၁၈ နှစ် လို့ သတ်မှတ်တာတဲ့ ၁၁၆ နိုင်ငံက အများဆုံးဖြစ်တယ်။ မြန်မာပြည်က စာရင်းမပေါက်သေးဘူး။ တိုင်းပြည်က လူလား မမြောက်သေးလို့တော့ မဟုတ်ပါ။ ၁၈ နှစ်ဖြစ်နိုင်ပါတယ်။ ဖြစ်သင့်ပါတယ်။ ၁၈ နှစ်ပြည့်သူတွေကနေ ကျွန်တော်တို့ တိုင်းပြည် ရှေ့ရေးကို ပြဋ္ဌာန်းပါလိမ့်မယ်။ သူတို့ကို သင်ပေး၊ တင်ပေးကြရပါမယ်။

၁၈ နှစ် ပြည့်ပြီးလို့ လိုင်စင်ရှိပေမဲ့ လမ်းမှားမှန်းသိရင် ကားမောင်းချင်ကြမည် မထင်။ “ခွဲစိတ်ဆရာဝန် ဆိုတာ ဘယ်လို ခွဲရမယ်ကိုသာ သိတဲ့သူ မဟုတ်။ မခွဲဘဲ နေသင့်တာကိုပါ သိတဲ့သူ ဖြစ်ပါတယ်။”

Dr. တင့်ဆွေ

Read More...

Collapse...

ပြုစားခံရနေရခြင်းမဟုတ်သော Down's Syndrome

ပြုစားခံရနေရခြင်းမဟုတ်သော Down's Syndrome

Down's Syndrome ဆိုတာဘာလဲ ?

ဒီရောဂါကို တစ်ချို့က ပြုစားခံနေရတယ်လို့ဆိုပါတယ် ။ တောရွာတွေဖက်မှာဆို လူပြုစားသလိုလို စုန်းနဲ့ပဲလုပ် သလိုလိုနဲ့ ပြောလေ့ရှိပါတယ် ။ Down's Syndrome အကြောင်းမပြောခင် အရင်ဆုံး Karyotyping ဆိုတာဘာလဲ ရှင်းပြပါမယ် ။ Chromosone အရေအတွက်နဲ့ ပုံသဏ္ဍာန် တစ်စုံပါဝင်တဲ့ Cellular chromosone profile တစ်ခုကို Karyotype လို့ခေါ်ပါတယ် ။ လူတွေမှာ Chromosone အပြည့်အစုံ 46 ခုရှိပါတယ် ။ တူညီတဲ့ Gene တွေပါဝင်တဲ့ Homologous autosomes ၂၂စုံပါဝင်ပြီး မျိုးပွားအင်္ဂါ ခရိုမိုစုန်း တစ်စုံပါဝင်ပါတယ် ။ မိန်းမကလေးမှာ 46XX ဖြစ်ပြီး ယောက်ျားလေးမှာ 48XY ဖြစ်ပါတယ် ။ အဲဒီလို Chromosone အရေအတွက် သို့မဟုတ် ပုံသဏ္ဍာန်မှာ ချို့ ယွင်းချက်ရှိနေတာကို Abnormal Karyotype လို့ခေါ်ပါတယ် ။ Down ရောဂါဟာ Abnormal Karyptype ပါဝင်နေခြင်းဖြစ်ပါတယ် ။ သူက 47XY(+21) ဖြစ်နေပါတယ် ။ +21 ကတော့

ပဲဖြစ်ပါတယ် ။ Down's Syndrome ရဲ့ ၉၅%ဟာ အမေဖက်က နေပြီး

ကြောင့်ဖြစ်ပါတယ် ။ ၂ - ၃ % မှာတော့ Trisomy 21 ဟာ Genetic ပစ္စည်းတွေကို Chromosone တစ်ခုကနေ တစ်ခုကိုလွှဲပြောင်းပေးတဲ့နေရာ Translocations မှာဖြစ်ပါတယ် ။

Down's Syndrome ရဲ့ ဖြစ်ပွားနိုင်မှုက အသက်အရွယ်မျိုးစုံမှာ ၆၅၀ မှာ ၁ ယောက်ဖြစ်နိုင်ချေရှိပါတယ် ။

Down's Syndrome ရဲ့ ရောဂါ လက္ခဏာတွေက ဘာတွေလဲ ?

ဦးခေါင်းပိုင်းနှင့် မျက်နှာပိုင်းတွင်
နောက်စေ့ပြား၍ ဦးခေါင်းသေးခြင်း
မျက်နှာပြားခြင်း
အပေါ်မျက်ခွံပြားခြင်း ၊ လန်ခြင်း ၊ မြောင်းပါရှိခြင်း (Palpebral fissures)
နှာခေါင်းသေး၍ နှာတံပြားခြင်း
နားရွက်တစ်စုံမှာ သေးငယ်၍ အောက်သို့အနည်းငယ်နိမ့်ခြင်း
လျှာတစ်လစ် တစ်လစ်ဖြစ်ခြင်း


မျက်ကြည်လွှာတွင် Brushfield အစက်ပါရှိခြင်း



ခြေများလက်များတွင်
လက်များတို၍ ကျယ်ပြန့်ခြင်း


လက်သန်းလေးမှ အတွင်းဖက်သို့ ကွေးနေခြင်း(Clinodactly)


ခြေမနှင့်ခြေညှိုးကြားတွင်နေရာကျယ်ခြင်း(Sandal gap)
အရိုးအဆစ်များ လွန်စွာပျော့ပြောင်း၍ ကွေးရခြင်း

စိတ်ပိုင်းဆိုင်ရာတွင်
ချို့ယွင်းချက်များရှိခြင်း (ပြန်လည်လေ့ကျင့်ပေးလို့ရပါတယ် )

ကြွက်သားများတွင်
ပုံမှန်ထက်အားနည်း၍ tone လျော့နေခြင်း ( Hypotonia)

အရေပြားတွင်


လက်ဝါးပြင်ပေါ်တွင် အကြောင်းတစ်ကြောင်းသာပါရှိခြင်း ( Single Palmar Crease)
လက်ထိပ်လေးများတွင် သာမန်ထက် အရစ်များပိုပါရှိခြင်း
လက်တွေက တိုပြီးကျယ်တဲ့အတွက် လက်မနဲ့ လက်ညှိုးကြားက ထောင့်ဟာ ၆၀%ထက်ကျော်နေခြင်း (ပုံမှန်ဆို ၆၀% လောက်ပဲရှိပါတယ် )

အရွယ်အစား ဖွံ့ဖြိုးမှု အားနည်းခြင်းတို့ပဲ ဖြစ်ပါတယ် ။

Down တွေနဲ့တွဲနေတဲ့ ရောဂါတွေက ဘာတွေလဲ ?

၁ ။ မွေးရာပါ နှလုံးရောဂါများ (၄၀%)
၂ ။ မွေးရားပါ အစာအိမ်နှင့် အူလမ်းကြောင်းမှုမမှန်မှုများ
၃ ။ အဆုပ်ရောင်ရောဂါ အပါအ၀င် အသက်ရှုလမ်းကြောင်းပိုးဝင်ခြင်းများ ခဏခဏ ခံရခြင်း
၎ ။ သိုင်းရွက် ဟော်မုန်းနည်းခြင်း ( Hypothyrodism)
၅ ။ သွေးကင်ဆာဖြစ်နိုင်ရန် အခွင့်အလမ်းများခြင်းတို့ပဲ ဖြစ်ပါတယ် ။

Down's Syndrome ကို ဘယ်လိုကုသမလဲ ?

တိကျတဲ့ သီးခြားကုသမှု ရယ်လို့မရှိပါဘူး ။ အထောက်အကူဖြစ်စေမယ့် နည်းလမ်းတွေကတော့ အများကြီး ရှိပါတယ် ။ Down ဟုတ်မဟုတ်ကိုတော့ Chromosonal analysis (Karyotyping ) လုပ်ခြင်း အားဖြင့်သိနိုင်ပါတယ် ။

ထောက်ပံ့ပေးတဲ့ နည်းလမ်းတွေက ဘာတွေလဲ ?

၁ ။ လုပ်ဆောင်ချက်တွေ အစီအစဉ်တွေကို စောစောစီးစီးစတင်ရပါမယ် ။
၂ ။ အသက်နဲနဲကြီးတဲ့ ကလေးတွေကို စကားပြောရာတွင်လေ့ကျင့်ပေးခြင်း ။
၃ ။ အထူးသီးသန့်ပညာရေးနှင့် အလုပ်အကိုင်ဆိုင်ရာ သင်တန်းပေးခြင်း ။
၎ ။ ဆက်နွယ်နိုင်တဲ့ရောဂါတွေကို ပုံမှန်စစ်ဆေးပေးခြင်း ။ (နား နှာခေါင်း လည်ချောင်း ၊ မျက်စိ ၊ နှလုံး စစ် ဆေး ခြင်းများ ၊ သိုင်းရွက် ဟော်မုန်းစစ်ဆေးခြင်း )
၅ ။ ဆက်နွယ်လျက်ရှိတဲ့ ရောဂါများကို ကုသပေးခြင်း ။ (မွေးရာပါ နှလုံးရောဂါ ၊ အစာအိမ်အူလမ်း ကြောင်းရော ဂါများကို ခွဲစိတ်ကုသပေးခြင်း ၊ ရောဂါပိုးမ၀င်အောင် ကာကွယ်ခြင်း ၊ သွေးကင်ဆာကုသခြင်း )
၆ ။ မိဘများပါ ပါဝင်လုပ်ဆောင်၍ ဆွေးနွေးခြင်း ။
ရ ။ ရေရှည်ဖြစ်ပွားနိုင်သော အခြေအနေများကို သိရှိနားလည်ခြင်း ။
၈ ။ စိတ်ပိုင်းဆိုင်ရာတွင် ကူညီထောက်ပံ့ပေးခြင်း ။
၉ ။ Genetic နှင့်ပါတ်သတ်၍ ဆွေးနွေးခြင်း (ဘယ်လို ဘာကြောင့်ဖြစ်ပေါ်လာသလဲ ၊ ပြန်လည်ဖြစ်ပွားနိုင်နှုန်း ၊ ကိုယ်ဝန်ဆောင်ဘ၀ထဲက မိမိကလေးဟာDown ဟုတ်မဟုတ် သိရှိနိုင်ခြင်း ) စတဲ့နည်းလမ်းတွေပဲ ဖြစ်ပါတယ် ။

စာရေးသူ.....သက်တန့်ချို (၁၁း၃၀ ည ၂၂.၁၁.၀၉)

Ref: Handbook for Undergraduate Medicine (Child Health , IM II)
: Wikipedia
: http://thettantcho.blogspot.com

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

Read More...

Collapse...

နို့ စို့ ပြီး ပါးစပ်နဲ့ နှာခေါင်းက နို့ တွေ ပြန်လျှံထွက်ပြီး ရုတ်တရက် အသက်ရှုရပ်၊ မျက်နှာနီရဲလာရင်။

C-Box ထဲကနေဖြေရထက် ပိုအဆင်ပြေမလားလို့ ဒီမှာရေးလိုက်ပါတယ်။

ဝတ်မှုန်အမေး။ မွေးပြီးခါစ ခလေးတွေ နို့ စို့ ပြီး ပါးစပ်နဲ့  နှာခေါင်းက နို့ တွေ ပြန်လျှံထွက်ပြီး ရုတ်တရက် အသက်ရှုရပ်ပြီးမျက်နှာနီရဲ လာရင် အရေးပေါ် ဘယ်လို လုပ်ပေးရ မလဲဆိုတာသိပါရစေရှင် အရေးတကြီး တောင်းဆိုပါတယ်ရှင်။

အဖြေ။
ကလေးတွေ မိခင်နို့ဖြစ်ဖြစ်၊ နို့ဗူးဖြစ်ဖြစ်စို့တာ။ လူကြီးတွေထမင်း (ခေါက်ဆွဲရော ဘာဂါရော ပါတယ်)စားတဲ့အခါ စားသောက်တာနဲ့အတူ လေကိုပါ မြိုချကြတယ်။ ဒါ့ကြောင့် အစာအိမ်ထဲကို လေတွေပါ ၀င်သွားတယ်။ လေက များရင်ဖြစ်ဖြစ်၊ စားနေရင်းနဲ့ စားပြီးစ ကိုယ်ခန္ဓာ အနေအထား အဆင်မသင့်ရင် လေထွက်ချင်တာနဲ့ အန်တတ်ပါတယ်။

မေးထားသလို ရုတ်တရက် အသက်ရှုရပ်ပြီး၊ မျက်နှာနီရဲလာရင်
အန်ဖတ်တွေ အသက်ရှူလမ်းထဲ မ၀င်အောင် ဂရူစိုက်ပါ။ ၀င်နေမယ် ထင်ရင် ရှင်းထုတ်ပြစ်ပါ။ ပြုစုသူက မပျာပါနဲ့။ စိတ်အေးအေးထားပြီး အသက်ပြန်ရှူနိုင်အောင် အနေအထား ပြုပြင်ပေးပါ။ လည်ပင်း ဆန့်နေပါစေ။ လိုအပ်ရင် အောက်ခံမာမာပေါ် သိပ်ထားလိုက်ပါ။ လိုအပ်သေးရင် လည်ပင်းအောက်က အနှီးတခုခု ခေါက်ပြီး ခံထားပေးပါ။ နောက်ထပ်လိုသေးရင် ကြမ်းမာမာပေါ်သိပ်ထားပြီး၊ ကလေးရဲ့မေးစေ့ကို အထက်ပင့်ထားပေးပါ။ အထက်ဆိုတာ ကလေးကို ပက်လက် သိပ်ထားတဲ့အနေအထားကနေ ပြောတာပါ။ အန်ချင်နေသေးရင် ခေါင်းကို တဖက်ဖက် စောင်းပေးရပါမယ်။

အဆိုးဆုံးဖြစ်သွားရင် CPR လုပ်နည်းကို သုံးရပါတော့မယ်။ ရင်ပတ်ကိုဖိပေးတာနဲ့ ပါးစပ်ကနေ လေမှုတ်သွင်းပေးတာကို ဆိုလိုတာပါ။ http://dts-medicaleducation.blogspot.com/search?q=CPR မှာ တင်ထားတာရှိပါတယ်။

ကာကွယ်ဘို့ကတော့
နို့တိုက်ပြီးတိုင်း လေထုတ်ပေးရပါမယ်။ ကလေးကို ပခုံးပေါ်မှာ ထောင်လျက်ကလေး အသာအယာထိန်းပေးထားပြီး၊ ကျောကလေးကို သပ်ပေးရတာပါ။ လေထွက်သွားရင် စိတ်ချရပါပြီ။

နို့ဗူးတိုက်သူများ နို့ဗူးထဲက နို့ကိုဘဲ ကလေးပါးစပ်ထဲ ၀င်ပါစေ။ လေမ၀င်ပါစေနဲ့။ နို့သီးခေါင်းထဲမှာ နို့သက်သက်သာ ရှိနေရမယ်။ လေမပါစေရပါ။ နို့ဗူးကို အောက်စိုက်ဘို့ပြောတာပါ။

တင့်ဆွေ

Read More...

Collapse...

Role of Parents in the Childhood Mental Development

ကလေးတွေရဲ့ စိတ်ပိုင်းဆိုင်ရာ တိုးတက်ဖွံ့ဖြိုးမှုနဲ့ မိဘများရဲ့ကဏ္ဍ

ကျွန်တော်တို့ ကျောင်းသားဘ၀က ကလေးသွားကျန်းမာရေးပညာမှာ စသင်ရတာက psychological development of children ကလေးတွေရဲ့ စိတ်ပိုင်းဆိုင်ရာ ဖွံ့ဖြိုးတိုးတက်မှုအကြောင်း ဖြစ်ပါတယ်။ ဘာကြောင့် ဒီအကြောင်းအရာကို အရေးတကြီးသင်ရလဲဆိုတော့၊ ကျွန်တော်တို့ သွားဆေးခန်းကို နေ့စဉ် လာပြလေ့ရှိသူတွေထဲမှာ ကလေးတွေလည်း ပါပါတယ်။ ကလေးတွေရဲ့ ဖြတ်သန်းလာရတဲ့ ပတ်ဝန်းကျင်နဲ့ မိဘဖြစ်သူရဲ့ ပြုစုစောင့်ရှောက်တတ်မှု ရှိမရှိပေါ် မူတည်ပြီး၊ ကလေးတွေလည်း အမူအကျင့် အမျိုးမျိုး ကွဲသွားပါတယ်။ သူတို့ကို သွားဘက်ဆိုင်ရာ ကုသမှုတွေ မစနိုင်ခင်မှာ ဘယ်လို psychological background နဲ့အမူအကျင့် behaviour ရှိသလဲ။ ကောင်းတဲ့ behaviour ရှိလား၊ အားနည်းချက်ရှိတဲ့ behaviour လား၊ ကောင်းတာကို ဘယ်လိုဆက်အားပေးပြီး မကောင်းတာကို ဘယ်လို အပြုသဘောဆောင်လာအောင် ပဲ့ကိုင်မလဲ ဆိုတာတွေ အရင်လုပ်ရပါတယ်။

မွေးခါစကနေ တစ်နှစ်သားအရွယ်

ကလေးတွေဟာ မွေးခါစကနေ တစ်နှစ်သားအရွယ်ကစပြီး ကိုယ်ခန္ဓာ ဖွံ့ဖြိုးလာတာနဲ့အတူ psychological development လည်း စနေပါပြီ။ အဲလိုအချိန်မှာ ကလေးဟာ ယုယုယယ ထွေးပွေ့မှုရမယ်၊ ချော့မြူမှုရမယ်၊ ဆာတိုင်း ချိုချိုသောက်ခွင့် ရမယ်ဆိုရင် သူ့ရဲ့စိတ်ပိုင်းဆိုင်ရာမှာ လုံခြုံနွေးထွေးမှုနဲ့ ယုံကြည်မှု စပြီးရရှိသွားပါတယ်။

ဒီအရွယ်မှာ ဒီလိုပြုစုယုယမှုတွေ သေချာမရခဲ့တဲ့ ကလေးတွေဟာ ကြီးတဲ့အထိ၊ လောကကြီးနဲ့ ကိုယ့်ကိုကိုယ် မယုံကြည်မှု၊ ဘယ်သူက ငါ့ကို တိုက်ခိုက်မလဲ ဆိုပြီး သံသယဖြစ်မှုတွေနဲ့ ကြီးပြင်းရပါတော့တယ်။ Erik Erickson ကတော့ဒီအဆင့်ကို stage of developing trust or mistrust လို့သုံးပါတယ်။

နောက်တဆင့်ကတော့ (၂)နှစ်က(၃)နှစ်သား .... development of autonomy ကိုယ့်ကိုကိုယ် အားကိုးစိတ် စတင်ဖြစ်ပေါ်တဲ့အရွယ်..

ဘာမဆို.. ကိုယ့်ဟာကိုယ်လုပ်မယ်.. ဆိုပြီးဖြစ်လာပါတယ်။ ဒီအဆင့်မှာ လူကြီးက အရာရာ ဟိုမလုပ်နဲ့ဒီမလုပ်နဲ့ ချုပ်ချယ်လွန်းရင်၊ စိုးရိမ်လွန် အချစ်လွန်ပြီး ကိုယ်တိုင်ဘာမှပေးမလုပ်ဘဲ မိဘက အရာရာလုပ်ပေးနေရင် ကလေးဟာ ကိုယ့်ကိုကိုယ် ယုံကြည်အားကိုးမှု မရှိတော့ပါဘူး။ အလွန်အကျွံ လွှတ်ပေးရင်လည်း စည်းကမ်းမဲ့တဲ့ကလေး ဖြစ်လာတတ်တာမို့ rules ဆိုတဲ့ ဘောင်လေးတွေ စပြီးချပေးရပါတယ်။

ဥပမာ - ထမင်းဝိုင်းမှာ ကိုယ်စားချင်တဲ့ဟင်း ကိုယ်တိုင်ထည့်စား.. ဒါပေမယ့် ကုန်အောင်စားရမယ်.. စတဲ့ ကိုယ့်အလုပ်ကိုယ် တာဝန်ယူတဲ့စိတ် မွေးမြူပေးရပါတယ်။ အလိုလိုက်လွန်ရင် ငါဘာလုပ်လုပ်မှန်တယ်၊ ဘယ်သူမှမဟန့်တားနဲ့ ဆိုတဲ့ ငါတကောစိတ်ဓာတ်တွေ ကြီးတဲ့အထိ ပါသွားပါလိမ့်မယ်။

terrible four

(၄)နှစ်သားအရွယ်ကိုတော့ terrible four လို့ခေါ်ပါတယ်။ autonomy ရချင်တာ သိပ်များလာလို့ ထိန်းရနဲနဲခက်လာပြီး စိတ်မလိုရင် ဒေါသထွက်တာ စတာတွေပြတတ်လာပါပြီ။ လူကြီးက သိမ်သိမ်မွေ့မွေ့နဲ့ မထိန်းကျောင်းရင် ကြီးတဲ့အခါ အလိုမကျ ရန်လိုတဲ့သူတယောက်အဖြစ် လူ့ပတ်ဝန်းကျင်မှာ အထီးကျန်တတ်ပါတယ်။

(၅)နှစ်က၁၀နှစ်ကျော်

(၅)နှစ်က၁၀နှစ်ကျော်အထိ... ဒီအရွယ်ကျတော့ ကျောင်းစနေပြီ။ ပတ်ဝန်းကျင်က ကျယ်ပြန့်ပြီး သင်ယူစရာတွေ များလာပြီလေ။ တံငါနားနီးတံငါ- အကျင့်တွေ ကူးတတ်တဲ့အရွယ်ပါ။ Role model ဆိုတဲ့ ဖန်တီးရှင်တို့၊ မင်းသားမင်းသမီးတို့ စတာတွေအပြင်၊ အပြင်လောကမှာ တွေ့ရတာတွေထဲက ကိုယ်ကြိုက်ရာ လိုက်အတုယူချင်စိတ် ပေါက်လာတဲ့အရွယ်ပါ။ ကြီးရင် ဘာလုပ်မယ် စတဲ့ အတွေးလေးတွေ စပေါ်လာပြီး ကောင်းတဲ့ဘက်ကို လူကြီးက ထိန်းညှိပေးရပါတယ်။ ကျောင်းရဲ့ အများစုပေါင်းဆောင်ရွက်မှုတွေ၊ သဘောတူမှု မတူမှုစတဲ့ ကွဲပြားမှုရှိတာတွေကို မြင်လာ လက်ခံလာတဲ့ အရွယ်ပါ။ ဒီအရွယ်မှာ သူတို့ကျောင်းမှာ ကြုံတွေ့လာတဲ့ အတွေ့အကြုံတွေ မိဘကို ရင်ဖွင့်ချင်ကြတယ်။ မိဘတွေက အလုပ်များလို့ဖြစ်စေ၊ ဂရုမစိုက်တဲ့အခါ ရင်ထဲမှာ ခံစားချက်တွေ ပြည့်လာပြီး လောကကို မကျေနပ်စိတ် အဆိုးမြင်စိတ်တွေ ၀င်လာနိုင်ပါတယ်။ ကလေးကို ဒီအရွယ်မှာ ပိုဂရုစိုက်ပြီး မျက်နှာရိပ်မျက်နှာကဲ ခတ်တတ်ရပါတယ်။ သူ့ရဲ့စွမ်းဆောင်မှု.. ဥပမာ - အတန်းထဲမှာ အဆင့်ကောင်းတာ စတာကို ချီးမွန်းပေးရပါတယ်။ ကလေးဆိုတာချီးကျူးတာကိုဘဲကြိုက်တယ်၊ အပြစ်တင်ခံရတာကို မလိုလားပါဘူး။ အပြုအမူတခုအတွက် ချီးကျူးခံရရင် ဆက်ပြီး အဲဒါကို ထိန်းချင် ကြိုးစားချင်လာကြပါတယ်။

ဒီလို ငယ်စဉ်ဘ၀အဆင့်ဆင့်မှာ မိဘရဲ့အခန်းကဏ္ဍဟာ သိပ်အရေးကြီးပါတယ်။ ချစ်တတ်ဖို့လိုပါတယ်။ မချစ်တတ်ရင် နှစ်ရာရောက်မှာပါ။ ရှောင်ရမှာတွေက

(၁) overindulging အလွန်အကျွံ အလိုလိုက်တာ... naughty boy, naughty girl တွေဖြစ်လာစေပါတယ်။ အဲလို ကလေးတွေ ဆေးခန်းလာရင် အရမ်းစိတ်ညစ်ရတယ်။ ကလေးရေ.. ပါးစပ်ကလေးဟနော်.. ဆိုရင်မဟဘူး။ တချို့ ဆိုးလွန်းတဲ့ကလေးဆို ဆရာဝန်ကိုရန်လုပ်တာ၊ တံတွေးနဲ့ထွေးတာတွေ လုပ်တတ်ပါတယ်။ နယ်မှာတုန်းက သွားနှုတ်ရင် ဒါးနဲ့ထိုးမှာနော်..ဆိုပြီး ခဲချွန်ဒါးလေး ဖွက်ကိုင်လာပြီး ခြိမ်းခြောက်တာ ခံရဖူးပါတယ်။ (၁၁)နှစ်လောက်ရှိတဲ့ကလေးပါ။ သိပ်ရန်လိုတဲ့ကလေးကို အဲဒီတကြိမ်ဘဲ ကြုံဖူးပါတယ်။ ပါလာတဲ့လူကြီးက ဆရာရေ.. သူနာမှာ ကြောက်လို့လားမသိဘူး။ ဖြစ်ပါ့မလား စသည်ဖြင့် ကလေးဘက်က ၀င်ပြောပေးတတ်ကြပါတယ်။ အဲဒါဆို ပိုဆိုးရောပါဘဲ။ ပိုဆိုးလာရင် မိဘကို ကုသခန်းထဲ ပေးမ၀င်ဘဲခွဲထားရပါတယ်။ Rule တွေပြောပြရပါတယ်။ သား ဒီဆေးခန်းလာရင် ဒီလိုလုပ်ရမယ်၊ အိမ်မှာလိုမရဘူး။ မပြီးရင်မပြန်ရဘူး၊ စသည်ဖြင့် ပြောပြရပါတယ်။ ဘေးမှာ ငြိမ်ငြိမ်ဆိမ်ဆိမ် လိမ္မာစွာနဲ့ ကုသခံနေတဲ့ အရွယ်တူကလေးတွေကို role model အဖြစ်ပြပြီး အတုယူစေရပါတယ်။

(၂) overprotection အလွန်အကျွံ ချုပ်ချယ်တာ... Shy and timid ရှက်တတ် ကြောက်တတ်တဲ့ ကလေးတွေ ဖြစ်လာစေပြီး လူတောမတိုးပါဘူး။ ကိုယ့်ကိုကိုယ် ယုံကြည်မှုမရှိဘဲ မေမေ ဒီနားလာ.. လက်ကိုင်ထား.. ကြောက်တယ် စသည်ဖြင့် ဆေးခန်းမှာ တွေ့ရပါတယ်။ အဲလိုကလေးမျိုးကျတော့ မိဘကိုအနားမှာ နေစေပြီး၊ သူယုံကြည်မှု ရလာအောင်၊ ဆေးခန်းခုံက ခလုတ်လေးတွေ နှိပ်ခိုင်း.. ရေပန်းလေးတွေပန်းခိုင်း၊ လေလေး မှုတ်ခိုင်း.. ကိုယ့်သွားကို မှန်နဲ့ပြန်ကြည့်ခိုင်းတာ စတာတွေနဲ့ ငြင်ငြင်သာသာ စပျိုးရပါတယ်။ တန်းပြီးတော့ သွားကို drill နဲ့ သွားပိုးစားတာကုန်အောင် ခြစ်တာ၊ ထုံဆေးထိုးတာ စတာတွေလုပ်ရင် ကလေးကြောက်သွားပြီး ဆက်ကုလို့ အောင်မြင်မှာမဟုတ်ပါဘူး။ အတင်းဆက်ကုရင်လည်း ကြီးတဲ့အထိ သွားကုဖို့ဆို ကြောက်သွားတဲ့အထိ စိတ်အနာ ရတတ်ပါတယ်။

(၃) maternal anxiety အမေဖြစ်သူရဲ့ စိုးရိမ်စိတ်လွန်ကဲမှု... ကလေးမှာလည်း စိုးရိမ်တတ်၊ ကြောက်တတ်တာမျိုး ဖြစ်သွားပါတယ်။ ကြောက်စရာ အတွေ့အကြုံတွေ၊ ပျော်စရာမကောင်းတဲ့ အတွေ့အကြုံတွေ ကလေးရှေ့မှာ မပြောဖို့၊ စိုးရိမ်ပူပန်မှုတွေ မပြဖို့အရေးကြီးပါတယ်။

ကလေးရဲ့ ငယ်စဉ်ဘ၀ အတွေ့အကြုံဖြစ်ပေါ်တိုးတက်မှုတွေဟာ နောင်လူကြီးဖြစ်တဲ့အချိန်မှာ ဖြစ်လာမယ့်၊ စိတ်ပိုင်းဆိုင်ရာ အမူအကျင့်တွေကို လွှမ်းမိုး အကျိုးသက်ရောက်တတ်တာမို့ အလေးထားပေးကြဖို့ အသိမျှဝေလိုက်ရပါတယ်။

Read More...

Collapse...

Useful Health Facts for Children (2)

(ရ) Over The Counter Drugs
အသက် (၄) နှစ်အောက်ကလေးငယ်တွေကို over the counter ဆေးဝါးများ မပေးသင့်ဘူးလို့ အပိုင်း(၁)မှာ ဖော်ပြခဲ့ပါတယ်။ လေးနှစ်အထက် သားသားမီးမီးတွေ အအေးမိ၊ နှာစေး ချောင်းဆိုး ရောဂါ ခံစားရတယ် ဆိုလျှင်တော့ ဆေးဆိုင်မှာ အလွယ်တကူ ရရှိနိုင်တဲ့ အအေးမိ ပျောက်ဆေးများကို သုံးစွဲနိုင်ပါတယ်။ တစ်ခု သတိထားရမှာက မိမိ ရင်သွေးကို တိုက်တဲ့ ဆေးဟာ သူ့အသက်အရွယ် အတွက် စနစ်တကျ ဖော်စပ်ထားတဲ့ သင့်တော်တဲ့ ဆေးဝါး ဖြစ်ရပါမယ်။ ဆေးအညွှန်းမှာ ကလေးများ အတွက်လို့ သီးသန့် ဖော်ပြထားမှသာ အသုံးပြုရပါမယ်။ လူကြီးတွေ သောက်တဲ့ ဆေးကို မိမိ ထင်သလို အပိုင်းပိုင်းပြီး တိုက်ကျွေးခြင်း မပြုလုပ်သင့်ပါဘူး။


(၈) ဆေးနှစ်မျိုး သုံးစွဲသင့်ပါသလား။

အအေးမိ၊ နှာစေးချောင်းဆိုးရောဂါ ကုသဆေး တော်တော် များများမှာ ပါဝင်တဲ့ ဓာတုဗေဒပစ္စည်း တော်တော်များများဟာ တူညီနေ တတ်ပါတယ်။ ကုမ္ပဏီ အမျိုးမျိုးက နာမည် အမျိုးမျိုး ပေးထားတတ်တဲ့ တူညီတဲ့ ဆေးဝါတွေ ဖြစ်နေတတ်ပါတယ်။ ဒါကြောင့် ဆေးနှစ်မျိုး ပေါင်းပေးမိလျှင် ဆေး အလွန်အကျွံဖြစ်ပြီး ဘေးထွက် ဆိုးကျိုးတွေ တွေ့ရတတ်ပါတယ်။

(၉) ဆေးပမာဏ ချိန်ဆနည်း။

ကလေးငယ်များအတွက် ဖော်စပ်ထာတဲ့ ဆေးအရည်များမှာ အမှတ်အသား လုပ်ထာတဲ့ ဇွန်းငယ်လေးများ ပါဝင်ပြီး ဖြစ်ပါတယ်။ ဇွန်းငယ်လေးတွေ မပါဘူးဆိုလျှင်တော့ လက်ဖက်စားဇွန်းကို အသုံးပြုနိုင်ပါတယ်။ ဆေးတိုက်ရန် အသုံးပြုသော ဇွန်းကို သတ်သတ် မှတ်မှတ် တစ်ခုတည်း သုံးစွဲရပါမယ်။

(၁၀) အန်လျှင်ဆေးပြန်တိုက်ရမှာလား။

မိဘတွေက ကလေး အန်ရင် ဆေးပြန်တိုက်တတ် ကြပါတယ်။ တကယ်တော့ ကလေးရဲ့ ကိုယ်ခန္ဓာထဲကို ဆေးပမာဏ ဘယ်လောက် ရောက်သွားပြီ ဆိုတာ မသိတဲ့ အတွက် ထပ်မတိုက်သင့်ပါဘူး။ မလိုအပ်ဘဲ ဆေးပမာဏ များသွားရင် ဘေးထွက်ဆိုးကျိုးတွေ ရတတ်ပါတယ်။

(၁၁) ကလေးအိပ်နေလျှင် နှိုးသင့်ပါသလား။

အအေးမိ၊ နှာစေး ချောင်းဆိုး ကလေးငယ်တွေအတွက် အိပ်စက်ခြင်းဟာ ထိရောက်တဲ့ ကုသမှု တစ်ခုပါ။ ဆရာပြောတဲ့ ဆန်တစ်ခွဲ တစ်စိတ်နဲ့ မလဲ ဆိုသလို အချိန် အတိအကျ တိုက်စရာ မလိုပါဘူး။ အိပ်ယာနိုးမှ ဆေးတိုက်လို့ ရပါတယ်။

(၁၁) အခြား သတိပြုစရာများ။

ကလေးငယ်တွေ ဆိုတာ လူကြီး လုပ်တာကို အတုယူ တတ်ပါတယ်။ ကလေးငယ်တွေ ရှေ့မှာ ဆေးသောက် ပြတာမျိုး မလုပ်သင့်ပါဘူး။ စားစရာ ထင်ပြီး မလိုအပ်ဘဲ ယူစားမှာ စိုးရိမ်ရပါတယ်။ ဆေးကို ချိုချဉ် ဆိုပြီး ညာတိုက်တတ်တဲ့ မိဘတွေ တွေ့ဘူးပါတယ်။ ယနေ့ခေတ်ဆေးတွေဟာ အနံ့ အရသာ ကောင်းအောင် စီမံ ထားတတ်ကြလို့ ကလေးတွေ အလွန်ခံတွင်းတွေ့ တတ်ပါတယ်။ သရေစာ အဖြစ် ခဏခဏ ယူသောက်မိမှာကို မိဘတွေ သတိပြု ရပါမယ်။ ကလေးတွေ လက်လှမ်းမှီနိုင်မယ့် နေရာမှာ မထားသင့်ပါဘူး။

ကလေးငယ်လေးတွေ နာမကျန်း ဖြစ်တဲ့အခါ အဓိက အနီးကပ် စောင့်ရှောက်ရတာ မိဘ အုပ်ထိန်းသူတွေ ဖြစ်ပါတယ်။ ဆရာဝန်၊ ဆရာမတွေ ညွှန်ကြားတဲ့ အတိုင်းအတိအကျ လိုက်နာ ဆောင်ရွက်ဖို့ လိုပါတယ်။ ဒီလို လိုက်နာ ဆောင်ရွက်နိုင်ဖို့ ဆိုတာလည်း ဆေးပညာ ဗဟုသုတ အတော်အသင့် ရှိဖို့ လိုသလို ရှိတဲ့ ဗဟုသုတ ကိုလည်း နေ့စဉ် နေထိုင် စားသောက်တဲ့အခါ အကျိုးရှိရှိ အသုံးချသွားဖို့ လိုပါတယ်။ တစ်ချို့ ကလေးမိဘ တွေကတော့ ဘာလုပ်ရမယ်၊ ဘာမလုပ်ရဘူး သိကြပါတယ်။ ဒါပေမယ့် လက်တွေ့မှာတော့ လိုက်နာတာ နည်းကြပါတယ်။

ပျော်ရွှင်ချမ်းမြေ့ကြပါစေ….
မနဲ့မောင်

Read More...

Collapse...

Useful Health Facts for Kids

ဒီပိုစ့်ကို မရေးခင် ဘလော့ကို လာလည်တဲ့ စာဖတ်သူတွေကို နှစ်သစ်ကူး ဆုမွန် တောင်းပါတယ်။ နှစ်သစ်မှာ ကိုယ်ကျန်းမာ စိတ်ချမ်းသာပြီး အောင်မြင်မှုတွေ တစ်သီကြီး ရဖို့ မနဲ့မောင်က ဆုတောင်း ပေးပါတယ်။ စာမေးပွဲ ကာလမှာ စာမရေးတာ ကြာသွားတော့ အမှန်တကယ် ၀န်ခံ ရရင် စာပြန်ရေးရမှာ တော်တော် အပျင်းထူ နေပါတယ်။ ရင်သွေးငယ်များ ကျန်းမာရေးလို့ ဆိုပေမယ့် အဓိက တင်ပြသွားမှာကတော့ အအေးမိ နှာစေး ချောင်းဆိုး ဖြစ်တဲ့ ကလေးငယ်တွေကို မိဘ အုပ်ထိန်းသူတွေ အနေနဲ့ ဘယ်လို ဂရုစိုက် ပြုစုကုသ ရမယ်ဆိုတဲ့ အချက်များပဲ ဖြစ်ပါတယ်။

(၁) ကလေး အဖျားတက်နေရင် ဘာလုပ်သင့်သလဲ

ကလေး ဆရာဝန်တွေ အလိုအရတော့ ကလေးရဲ့ ကိုယ်အပူချိန်ဟာ ၁၀၀.၄ ဒီဂရီ ဖာရင်ဟိုက်ရှိရင် ကိုယ်အပူချိန် တက်တယ်လို့ ဆိုပါတယ်။ သာမန် ကိုယ်အပူချိန်ကတော့ ၉၈.၆ ဒီဂရီ ဖာရင်ဟိုက်ပါ။ သင့်ရင်သွေးငယ်ဟာ (က) အသက်လေးလအောက်ဖြစ်လျှင် (ခ) တခြား လက္ခဏာတွေ ရှိလျှင် (ဂ) အဖျားရက် ရှည်နေလျှင် ဆရာဝန်ထံ သွားရောက် ပြသပြီး ကုသမှု ခံယူရပါမယ်။
ကလေးငယ်တွေကို အဖျားကျဖို့ အိမ်သုံးဆေး အက်စပရင်ဖြင့် ကုသခြင်းကို ရှောင်ကြဉ်သင့်ပါတယ်။ အက်စပရင် သောက်သုံးခြင်းဖြင့် ကလေးငယ်တွေမှာ Reyeလို့ ခေါ်တဲ့ ရောဂါတစ်မျိုး ရရှိနိုင်ပါတယ်။

(၂) အဖျားကျဖို့ တခြား ဘာတွေလုပ်နိုင်သေးလဲ

ကလေးရဲ့ ခန္ဓာကိုယ်ကို ရေပတ်နဲ့ တိုက်ပေးနိုင်ပါတယ်။ သတိထားရမှာက ရေအေးကို မသုံးမိဖို့ပါပဲ။ တစ်ချို့ မိဘတွေက အေးလေ ကောင်းလေ ထင်ပြီး ရေခဲရေနဲ့ တိုက်ပေးတာ ကြားဖူးပါတယ်။ ရေနွေးလေး ရောပြီး ရေပတ် တိုက်ပေးဖို့ လိုပါတယ်။ ကလေးငယ် မှာ ရေဓာတ်ခမ်းခြောက်တဲ့ ရောဂါ လက္ခဏာတွေ တွေ့တယ် ဆိုရင်တော့ ဆေးခန်းကို အမြန်ပြေးပြီး ကုသမှု ခံယူရပါမယ်။ ရေဓာတ် ခမ်းခြောက်တဲ့ လက္ခဏာတွေကတော့ ငိုလျှင် မျက်ရည် မထွက်ခြင်း၊ လျှာနှင့် ခံတွင်း ခြောက်ကပ်နေခြင်း၊ ဆီးမပေါက်ခြင်းတို့ ဖြစ်ပါတယ်။ မိခင်နဲ့ အုပ်ထိန်းသူများ အနေနဲ့ ကလေးကို ၂ နာရီခြား တစ်ခါ နို့တိုက်ပေးနိုင်လျှင် အကောင်းဆုံး ဖြစ်ပါလိမ့်မယ်။

(၃)ဘယ်အချိန်မှာ ဆရာဝန်ခေါ်မလဲ

မြန်မာပြည်မှာတော့ ဆရာဝန်ကို အိမ်ခေါ် ကုလေ့ သိပ်မရှိပါဘူး။ ဆေးခန်းပြတာ များပါတယ်။ ကလေး အဖျားတက်တိုင်း သာမန်အားဖြင့် ဆေးခန်းပြကြတာ နည်းပါတယ်။ အိမ်သုံးဆေးဝါးနဲ့ ကုရင်ကု၊ မဟုတ်ရင် ရိုးရာ တိုင်းရင်ဆေး၊ ဆေးမြီးတိုနဲ့ ကုတတ်ကြပါတယ်။ သို့ပေမယ့်လည်း အန္တရာယ်ရှိနိုင်တဲ့ အခြေအနေ၊ လက္ခဏာတွေကို မိဘ အုပ်ထိန်းသူတွေ အနေနဲ့ သိရှိထားပြီး အမြဲ စောင့်ကြည့်နေဖို့ လိုပါတယ်။ အဆိုပါ လက္ခဏာတွေကတော့ ရေဓာတ် ခန်းခြောက်သည့် လက္ခဏာ ရှိခြင်း၊ တက်ခြင်း၊ အရေးပြားပေါ်တွင် အကွက်များ ပေါ်ခြင်း၊ အာသီးရောင်ခြင်း၊ အစာလုံးဝ မစားတော့ခြင်းတို့ ဖြစ်ပါတယ်။

(၄)ကြက်စွပ်ပြုတ် သောက်ခြင်းဖြင့် အကျိုးရှိ နိုင်ပါသလား

တစ်ချို့ သုတေသန စာတမ်းတွေကတော့ ကြက်စွပ်ပြုတ်ဟာ ရောင်ရမ်းမှုကို သက်သာ ပျောက်ကင်း စေတယ်လို့ ဆိုပါတယ်။ အဆိုပါ အချက် မမှန်လျှင်တောင် ကြက်စွပ်ပြုတ်ဟာ ကလေးငယ် အတွက် အဟာရ ဖြစ်စေပါတယ်။ ရေနွေးငွေ့ ရှူစေပြီး နှာခေါင်းပိတ် သက်သာအောင် လုပ်နိုင်သလို ရင်ဘတ်ကို ပွတ်ပေးခြင်းဖြင့် အချွဲကြပ်တာ သက်သာစေပါတယ်။

(၅)လည်ချောင်းနာတာကို ဘယ်လို ကုသမလဲ

ကလေးငယ်တွေမှာ လည်ချောင်းနာတာဟာ သာမန်အားဖြင့် အအေးမိတာကြောင့် ဖြစ်တတ်ပါတယ်။ ၄-၅ရက်ခန့် ကြာတတ်ပြီး အသက် (၂)နှစ် အထက် ကလေးတွေမှာတော့ ရေနွေးကို ပျားရည် အနည်းငယ် ရောပြီး တိုက်လျှင် သက်သာ ပျောက်ကင်းစေပါတယ်။ Strepsil ကဲ့သို့ ငုံဆေးများကိုလည်း သုံးစွဲနိုင်ပါတယ်။ စတရက်တို ကော့ကပ်စ် ပိုးကောင်ကြောင့် ဖြစ်တဲ့ လည်ချောင်းနာရောဂါကတော့ အအေးမိတာနဲ့ တွဲ ပြီး မလာတတ်ပါဘူး။ စတရက်တိုကော့ကပ်စ်လို့ သံသယ ရှိရင်တော့ ဆရာဝန်ဆီ အမြန် သွားရောက် ပြီး ကုသမှု ခံယူသင့်ပါတယ်။ ပဍိဇီဝဆေးများဖြင့် ထိရောက်စွာ ကုသမှု မလုပ်ခဲ့ရင် နောင်မှာ နှလုံး အဆို့ရှင်တွေကို ထိခိုက် စေတတ်ပါတယ်။

(၆) အသက်အရွယ်နဲ့ အိမ်သုံးဆေး

အသက်(၄)နှစ်အောက် ကလေးတွေကို အိမ်သုံးဆေး(Over the counter) ဆရာဝန် လက်မှတ် မပါဘဲ ၀ယ်နိုင်သော ဆေးတွေ သုံးပြီး မိမိ သဘောနဲ့ မကုသ သင့်ပါဘူး။ အဆိုပါ ဆေးဝါးတွေဖြင့် ကုသခြင်းဖြင့် ကောင်းကျိုးထက် ဆိုးကျိုးက ပိုများ စေပါတယ်။ ကလေးကို ရေများများ တိုက်ပေးခြင်း၊ ရေပတ်တိုက် ပေးခြင်း၊ ရေနွေးငွေ့ ရှူစေခြင်း စသည့် နည်းလမ်းများက ပိုမို ထိရောက် စေပါတယ်။

Read More...

Collapse...

Neonatal Tetanus Prevention

မွေးကင်းစ ကလေး မေးခိုင်ရောဂါ

ဆေးခန်းမှာ ကြော်ငြာ ကပ်ထားရသလို၊ ဆရာမတွေကိုလည်း သင်ထားတယ်။ မွေးလူနာများ “ဗိုက် ဆက်တိုက် နာလျှင်၊ အရည် ဆင်းလျှင်၊ သွေး ဆင်းလျှင် ဖုန်းဆက်ပါ” လို့။
“မွေးလူနာ ရှိတယ် ဆရာ၊ ဗိုက်နာနေလို့”။

“သားဦးလား၊ အရင် မွေးဖူးလား။ ဘယ်တုံးက စနာတာတဲ့လဲ”။ (လူနာ အများစုက ဗမာ မဟုတ်လို့ တချို့က သားဦး ဆိုရင် သိပ် နားမလည်ဘူး။) ဖုန်းဆက်တဲ့ လူကို မေးခွန်း နှစ်ခုမေးပြီး၊ အဖြေရတာနဲ့ လုပ်နေတဲ့ အလုပ်ကို ဖြတ်ပြီး၊ လူနာကို အခုလာ ခိုင်းရမလား၊ နည်းနည်း စောင့်လို့ ရသေးလား ဆိုတဲ့ အဆုံးအဖြတ်ကို ချရပါတယ်။

မွေးလူနာရဲ့ မှတ်တမ်း စာအုပ်လေးကို ဆရာမ တစ်ယောက်က အဆင်သင့် ရှာထား ပေးတယ်။ မွေးလူနာ မှန်သမျှ AnteNatal Care (အေ-အင်န်-စီ) ခေါ်တဲ့ မမွေးမီ စောင့်ရှောက်ခြင်း လာတုန်းက မှတ်ထား ရတာတွေကို တစ်သမတ်တည်း သင်ပေးထားတာမို့ ဆရာမ အားလုံး တတ်နေကြပါပြီ။ LMP (First Day of Last menstrual Period) (နောက်ဆုံး ရာသီလာတဲ့ရက်)၊ EDD (Expected Date of Delivery) (ခန့်မှန်း မွေးမည့်ရက်)၊ G (Gravida) (ကိုယ်ဝန်ဆောင်တဲ့ အကြိမ်ပေါင်း)၊ P (Parity) (အရှင်မွေး ကလေးပေါင်း) ဆိုတာတွေကို သူတို့ လက်ရေးလေးတွေနဲ့ စာအုပ် အဖုံးမှာ ဖတ်နိုင်ပါတယ်။

နောက်ဆုံး ရာသီလာတဲ့ ရက်ထဲ ၉ လနဲ့ ခုနစ်ရက် ပေါင်းထည့်ရင် မွေးမဲ့ရက် ရရော။ ဒါက သိပ်ခေါင်းသုံးဖို့ မလိုသေး။ သူတို့ မျက်မှောင် ကုပ်ကြတာကတော့ “မနှုတ်လောက် တစ်လချေး” လုပ်ရပြီ ဆိုရင်တော့ တချို့ သင်္ချာ အားနည်းရင် ဂဏန်း သင်သလို သင်ပေး ရတယ်။ သူတို့တစ်တွေ ခေါင်းအစား ဆုံးကတော့ လူနာမှာ (အာလ်ထွာ-ဆောင်း) ရိုက်ထားတာ ပါလာပြီ ဆိုရင် ပြဿနာ တက်ကြပြီ။

Ultrasound (အာလ်ထွာ-ဆောင်း) က ရိုက်တဲ့နေ့မှာ ရှိတဲ့ သန္ဓေသားရဲ့ အသက်ကို ဘယ်နှစ်ပါတ် နဲ့ ဘယ်နှစ်ရက် ရှိပြီလို့ ရေးပေးလိုက်တာကိုး။ ဆိုပါတော့ ၅ လ ကိုယ်ဝန် ဆိုရင် 20 weeks and 3 days လို့ တိတိကျကျ ရေးတာ။ ဆေးခန်းမှာ သင်ထားတာက (ရက်၊ လ၊ နှစ်၊) မို့ ရက် ရက်ချင်း၊ လ လချင်း၊ နှစ် နှစ်ချင်း ဆိုတာပဲ ပေါင်းရ - နှုတ်ရမှာ ဆိုတော့ ရက်သတ္တပါတ် ဆိုတာကြီးနဲ့ ခေါင်းရှုပ်ကြရော။ (အာလ်ထွာ-ဆောင်း) မှာ ရေးတဲ့ ရက်သတ္တပါတ်ကို တစ်လ ၄ပါတ် ထားပြီး လဖွဲ့ဖို့ ၄ နဲ့စား၊ ကျန်တာကို ရက်ဖွဲ့ဖို့ ၇ နဲ့မြှောက်။ ရက် ရက်ချင်း၊ လ လချင်း၊ နှစ် နှစ်ချင်း နှုတ်လိုက်ရင် ရရော မဟုတ်လား။ ဘာလို့ နှုတ်ရလဲ ဆိုတော့ (အာလ်ထွာ-ဆောင်း) မရိုက်ခင် အဲဒီရက်ကစပြီး ကလေး ရှိတာမို့ပေါ့။ အရင်က ဖြစ်ခဲ့တာမို့ နှုတ်ရတာလေ။

ပြီးတော့ (အာလ်ထွာ-ဆောင်း) မှာ မွေးမဲ့ရက် တွက်ပေး မထားရင် ၉လ နဲ့ ၇ ရက် ထည့်ပေါင်း။ လူနာ ပြောတဲ့ရက်ကို တွက်ရတာနဲ့ နည်းနည်း ကွာနိုင်တယ်။ ဒါ့ကြောင့်လဲ Expected Date of Delivery (အီး-ဒီ-ဒီ) ဆိုတဲ့ မွေးရက်ဟာ အနည်းဆုံး ရှေ့တစ်ပါတ်၊ နောက်တစ်ပါတ် လွဲနိုင်တယ်လို့ ပြောထားတယ် မဟုတ်လား။ “ကိုးလလွန်-ဆယ်လဖွား”ဆိုတာ တိတိကျကျ ပြောရင် ရက်ပေါင်း ၂၈၀၊ ၄၂ ပါတ်၊ ၃၇ပါတ်က စပြီးလဲ အကောင်း မွေးနိုင်တယ်။

ကဲ - မွေးလူနာ လာရင် ဘာတွေ လုပ်မလဲ။ အတန်း ပညာ အခြေခံ ရှိပြီး၊ ချက်ချက်ချာချာ ဆရာမ ဆိုရင် ဖြေမယ်။ လူနာ ရာဇ၀င် History (ဟစ်စထွီ) မေးမယ်။ ဘယ်တုံးက စနာတာလဲ။ အရည် ဆင်းသလား။ သွေးဆင်းသလား။

ထပ်မေး ရဦးမယ်လေ့့ မွေးဖူးတယ် ဆိုရင် အရင် ကလေးတုံးက မွေးရတာ လွယ်လား။ အိမ်မှာပဲ မွေးတာလား၊ ဆေးခန်း-ဆေးရုံ မှာလား။ မွေးလမ်းချဲ့ ရသလား။ ညှပ်ဆွဲ ရလား။ ဆေးသွင်း ရသေးလား။

လုပ်ပါဦး၊ ဒို့ဆီ ရောက်လာတော့ ဘာလုပ် ပေးကြမလဲ။
(ဘီ-ပီ) Blood Pressure (သွေးဖိအား) တိုင်းမယ်။ သွေးခုန်နှုန်း (ပတ်လ်စ်) စမ်းမယ်။ ဆီး မစစ်ရ သေးရင် စစ်မယ်။ နောက် ဗိုက် စမ်းမယ်။ ပြီးရင် Vaginal Examination (ဗွီ-အီး) လုပ်မယ်၊ (မွေးလမ်းကြောင်းစမ်းမယ်)။ ကျန်သေးတယ်၊ ဘာလုပ် ပေးသင့်သလဲ။ လိုအပ်ရင် ၀မ်းချူ ပေးရမယ်။
ဝမ်းချူ ပေးရတာ ဘာအကျိုးတွေ ရမလဲ၊ နှစ်မျိုး ရှိတယ်နော်၊ ပြောစမ်းအုံး။ မေ့နေရင် ပြန်ပြောမယ်။
(၁)ကလေး မွေးနေတုန်း သန့်ရှင်းမယ်။ နောက်ပြီး (၂) မြန်မြန်လည်း မွေးစေနိုင်တယ်။ စဉ်းစား ကြည့်နော် ဒါက ကလေးခေါင်း၊ ခေါင်းခွံရှိလို့ မာမာကြီး။ သူ့ရှေ့မှာ (လူနာ အိပ်နေရင် အပေါ်မှာပေါ့)၊ ဆီးစပ်ရိုးနဲ့ ဆီးအိမ် ရှိတယ်။ နောက်က (အိပ်နေရင် အောက်ကပေါ့) အစားဟောင်း အိမ်နဲ့ မီးညှောင့်ရိုး ရှိတယ်။ အဲတော့ ဆီးအိမ်မှာ ဆီးမရှိ၊ အစာဟောင်းအိမ်မှာ ၀မ်းမရှိမှ ကလေးက ကောင်းကောင်း ထွက်လာမှာပေါ့။ ဒါ့ကြောင့် လူနာကို ဆီးသွားခိုင်း၊ လမ်းအလျှောက် မခိုင်းတော့ရင် ဆီးချူပေး။ မမွေးခင် ၀မ်းချူ ပေးရတာပေါ့။

လမ်းကို ဘယ်တော့ အလျှောက် မခိုင်း မလဲ။ လူနာက သိပ်နာ နေပြီဆိုရင်၊ နောက်ပြီး ရေမြွှာ ပေါက်သွားရင်၊ သွေးဆင်း နေရင် လမ်း လျှောက် မခိုင်းနဲ့တော့။

Anti Tetanus Toxoid (အေတီတီ) ဘယ်နှစ်ခါ ထိုးပြီးလဲ မေးပါအုံး၊ ကာကွယ်ဆေး ပြောတာ။ ဟုတ်ပြီ ကာကွယ်ဆေး ဆိုတာ ဘာပြောတာလဲ။ မေးခိုင် ကာကွယ်ဆေး။ ဘယ်နှစ်ခါ ထိုးရလဲ။ မမွေးခင် နှစ်ခါ၊ တစ်ခါနဲ့ တစ်ခါ တစ်လခြား။

ကဲ မွေးလူနာက စောင့်ရဦးမယ်။ ပြောပါအုံး ဘာလို့ (အေတီတီ) ထိုးရတာလဲ။ ကြားဘူးတယ်နော် မေးခိုင် ရောဂါဆိုတာ။ Tetanus (တက်တဲနပ်စ်) အတော်ဆိုးတဲ့ ရောဂါ။ ဖြစ်ရင် တစ်ကမ္ဘာလုံး စာရင်း အရတော့ သုံးယောက် တစ်ယောက် သေတယ်တဲ့။ ဆရာ့ အတွေ့အကြုံ အရ ဗမာပြည်မှာ တောတွေမှာပေါ့ လူကြီး ဖြစ်ရင် ၅၀ ရာခိုင်နှုန်း၊ မွေးစကလေး ဖြစ်ရင် ရာနှုန်းပြည့် နည်းပါး သေတာပဲ။ မွေးမဲ့ကလေးကို အခုလို မအေကို (အေတီတီ) နှစ်ခါ ထိုးထားရင် မေးခိုင် မဖြစ်နိုင်တော့ဘူး။ မဖြစ်တော့ဘူး ဆိုပြီး ပေါ့တော့ မပေါ့နဲ့။

ကလေး ချက်ကြိုး ဖြတ်ချိန်မှာ ဘာပိုးမှ မ၀င်နိုင်အောင် ဆရာ - ဆရာမတွေက လက်ဆေးထား၊ လက်အိတ် စွပ်ထား၊ နှာခေါင်းစည်း စည်း ထားရမယ်။ ချက်ကြိုးကို ညှပ်မဲ့ Sponge Forceps (စပွန့်ခ်ျ-ဖေါ့ဆက်) ဖြစ်ဖြစ်၊ သွေးကြောညှပ် Artery Forceps (အာထရီ-ဖေါ့ဆက်) ဖြစ်ဖြစ်၊ နောက် ဖြတ်မဲ့ ကပ်ကြေးတွေကို ရေနွေး ပြုတ်ရတာ အဲဒါကြောင့်။ အခုခေတ်မှာ ချက်ကြိုးကို ညှပ်ဘို့ (ကလစ်ပ်) က တစ်ခါသုံးမို့ အဆင်ပြေတယ်။ တောထဲမှာ ဖြစ်ဖြစ်၊ (ကလစ်) မရှိတဲ့ နေရာမှာ ဆိုရင် အပ်ချည်ကြိုးကိုဘဲ ခပ်တုတ်တုတ် ကျစ်ပြီး ပိုးသေအောင် ရေနွေးပြုတ်၊ အရက်ပြန် စိမ်ပြီး သုံးရတယ်။

မေးခိုင် ဖြစ်တာကို ဘယ်လိုလုပ်သိမလဲဆရာ။

ဒီလိုကွ၊ မေးခိုင်ဆိုတာ မေးခိုင်တာဘဲ။ မေးမှာ စားဖို့၊ ၀ါးဖို့၊ ကလေးဆိုရင် နို့စို့ဖို့ဘို့၊ ကြွက်သားတွေ ရှိတယ်။ မေးခိုင်ပိုး ဆိုတာက ကြွက်သားတွေကို ထိခိုက်တာကိုး။ မေးက ကြွက်သားတင် မကဘူး၊ ရှိရှိသမျှ ကြွက်သားတွေ လိုက် ဒုက္ခ ပေးတာ။ အမှန်က ကြွက်သားကို အလုပ်လုပ် ပေးတဲ့ အာရုံကြောကို ထိတာပါ။ ဗိုက်မှာ Belly (ဗယ်လီ) ဆိုတဲ့ ကြွက်သား ရှိတယ်။ ဟောဒီလို အထက်အောက် တန်းပြီး နေတာ၊ Weight Lifting (Body Building) (၀ိတ်) မပြီး၊ ယောက်ျား - မိန်းမ သန်အောင် လုပ်ကြရတာ အဲဒီ ကြွက်သားပေါ့။ ဗိုက် ကြွက်သားတွေ ပြတ်ထွက်အောင် အထိ ဆိုးတာ၊ သေတဲ့လူကို ခွဲကြည့်တော့ တွေ့တာမျိုး။

တကယ် မေးခိုင်ကြောင့် သေရတာက အသက်ရှူ တဲ့အခါ သုံးရတဲ့ ကြွက်သားတွေကို ထိရင်၊ နံရိုးတွေ ကြားက ကြွက်သားတွေ၊ လည်ပင်း ကြွက်သားတွေ၊ နောက် ဗိုက်နဲ့ ရင်ခေါင်းပိုင်းကို ပိုင်းထား - ခြားထားတဲ့ Diaphragm (ဒိုင်ယာဖရမ်) ခေါ်တဲ့ ကန့်လန့်ကာ ကြွက်သား။ အဲဒါတွေ တင်း - တောင့်ပြီး အလုပ် မလုပ်နိုင်တော့ရင် အသက်ရှူ ခက်ပြီး လူနာ ဆုံးရတော့တယ်။

မေးခိုင်ပိုးက အတော် အသက်ပြင်း တယ်။ ပိုးဆိုတဲ့ အကောင်တွေကလည်း လူတွေ လိုပဲ ရေကြည်ရာ မြက်နုရာမှာ နေချင်ကြတာ။ မေးခိုင်ပိုးက သူ မကြိုက်တဲ့ အခြေအနေ ဆိုရင် ခေါင်းမြီးခြုံသလို၊ လိပ်ခေါင်း အထဲ ၀င်သလို၊ ဒါ့ထက်တောင် စွမ်းသေးတယ်။ တစ်ကိုယ်လုံး ကို အခွံလိုမျိုးနဲ့ ဖုံးထားပြီး ရှင်နေနိုင်တယ်။ Spore (စပိုး) လို့ ခေါ်တယ်။ ဟို အရင်တုံးက ကျောက် ရောဂါ ဆိုတာ ရှိတယ်။ Small pox (စမော်လ်-ပေါက်စ်) ဆိုတာလေ။ အခုခေတ် ပျောက်သွားပြီ။ ကာကွယ်ဆေး တန်ခိုးပေါ့။ ဒီမေးခိုင် ရောဂါ ကျတော့ အဲလို ပျောက်ကွယ် သွားအောင် မလုပ်နိုင်ဘူး။

သင်ထားတယ် မဟုတ်လား။ ဒို့ အနာကို သန့်ရှင်းအောင် ဖြစ်ဖြစ်၊ ခွဲစိတ်မယ့်အခါ ဖြစ်ဖြစ် သန့်အောင် လုပ်ဖို့ သုံးရတာ Solution One, Two, Three (၀မ်း - တူး - သရီး) ဆိုတာ ပြောပါအုံး။

One (၀မ်း) က ဆပ်ပြာနဲ့ ရေ၊ ရေချိုး-လက်ဆေး-ခြေဆေးပေါ့၊ (ဆက်ဗလွန်) (ဒက်တော) တို့လဲ သုံးနိုင်တယ်။

နောက် Two (တူး) က အရက်ပြန်၊ အလွယ်က Spirit (စပစ်ရစ်) လို့ခေါ်တာက အရက်၊ သောက်လို့ ရတဲ့ အရက်၊ ဒို့ဆေးခန်း - ဆေးရုံ သုံးတာကျ တစ်မျိုး။ (မီသိုင်း) ဆိုတာ ထည့်ထားမှ၊ ဒါ့ကြောင့် Methylated Spirit (မီသိုင်လိတ်တက် - စပစ်ရစ်) လို့ ခေါ်တယ်။ ဆရာ မုံရွာ ဆေးရုံမှာ တာဝန်ကျတုံးက ဆေးရုံ ၀န်ထမ်း တစ်ယောက်ရှိတယ်။ သူ့ကို သနားလို့ ပိုက်ဆံ နည်းနည်းပါးပါး ပေးတာထက် အရက်ပြန် ပေးရင် သိပ် သဘောကျတယ်။ အရက်ပြန်ကို ဆားခပ် သောက်တယ်။ မကြာပါဘူး အရက်ကြောင့် ဆုံးသွားတယ်။

နောက် Three (သရီး) ဆိုတာ ဘာလဲ။ ဒီမှာတော့ (ဘီတာဒင်း) (ပိုင်ဗိုဒင်း)စသဖြင့် နာမည်တွေနဲ့ အညိုရောင် ဆေးရည်။ အမှန်က Iodine (အိုင်အိုဒင်း) ပေါ့။ (အိုင်အိုဒင်း) ကမှ အခု ပြောနေတဲ့ မေးခိုင်ပိုးကို နိုင်တယ်။ ဒို့ကျောင်းမှာတုန်းက ဆရာ တစ်ယောက်က သင်ပေးတယ်။ (အိုင်အိုးဒင်း) မရှိရင် အနာကို မခွဲလေနဲ့ တဲ့။ ကိုယ့်ကြောင့် ဒုက္ခ ရောက်နိုင်တယ်။ မေးခိုင်ကို ပြောတာ။ ကလေး ချက်ကို သန့်သန့်ရှင်းရှင်း ညှပ် - ဖြတ် ပြီးရင်၊ (အိုင်အိုဒင်း) ထည့်ပေး ရမယ်။ ချက်ကြိုးထိပ်၊ ချက်ကြိုး၊ ကလေး ဗိုက်က ချက်ကြိုး ထွက်တဲ့ နေရာ အားလုံးကို သုတ်ပေး။ ဆေးခန်းက ဆင်းသွားရင်လဲ အိမ်မှာ တစ်နေ့ နှစ်ခါ ဂွမ်းသန့်သန့်လေးနဲ့ လက်ဆေးပြီး ဆေး ထည့်ခိုင်းဖို့ (အိုင်အိုဒင်း)ကို ပုလင်းကလေးနဲ့ထည့်ပေးလိုက် ရမယ်။

ကလေးမှာ မေးခိုင် ဖြစ်ပြီ ဆိုရင် နို့မစို့တာက စ သိမယ်။ ပါးစပ်ကို စေ့ထားလို့ ဟပေးလို့တောင် မရဘူး။ ချွဲလေးတွေ ပါးစပ်က ထွက်လာမယ်။ ချွဲကြပ် တာပေါ့။ အသက်ရှူတာ ခက်နေတာကို အသားတွေ ပြာတာတာ ဖြစ်နေတာနဲ့ သိနိုင်တယ်။ နောက်ပြီး ကလေးဟာ တောင့်တင်း နေမယ်။ ခါးကလေး ကော့နေမယ်။ နည်းနည်း ဖျားမယ်။ ကြာရင် တက်လာမယ်။ သနားစရာ သိပ်ကောင်းတယ်။ ၃ ရက် နောက်ပိုင်းမို့ သန္ဓေဘ၀က သွေးတွေ ပျက်စီးပြီး၊ သွေး အသစ်လဲ နေတာမို့၊ သွေးနီဥ အပျက်တွေကြောင့် အသားတွေကလည်း ၀ါ နေမယ်။ အမှန်က တစ်ကိုယ်လုံး ၀ါနေတာနော်။

နို့မစို့နိုင်ရင် နှာခေါင်းကနေ ပိုက်သေးသေးလေးနဲ့ နို့ရည်နဲ့ ရေသွင်း ပေးရမယ်။ အတက် သက်သာမယ့်ဆေး၊ အဖျား သက်သာမယ့် ဆေး စတာတွေ ပေးရမယ်။ မေးခိုင် ကုတဲ့ ဆေး ဆိုတာလည်း ရှိတယ်။ ထိုးပေး ရမယ်။ ရှင်ဖို့ အခွင်အလမ်း နည်းပေမဲ့ ကြိုးစား ကုရမှာပေါ့။ ဒါ့ကြောင့် ကိုယ်ဝန် ရှိတုန်း (အေတီတီ) နှစ်ခါ ထိုးရတာနဲ့ ကလေး ချက်ကြိုး ဂရုစိုက် ရတာဟာ ဘယ့်လောက် အရေးကြီးလဲ ဆိုတော့ ကလေး အသက် ကယ်ဖို့ပဲ။

သိတဲ့ လူတွေ၊ လက်လှမ်း မီတဲ့ လူက ATT (အေတီတီ) ထိုးနိုင်ကြပေမဲ့ တစ်ကမ္ဘာလုံး စာရင်း အရ ၃၀ရာနှုန်းက မထိုးရဘူးတဲ့။ ဆင်းရဲတဲ့ နိုင်ငံတွေမှာပေါ့၊ ဆင်းရဲတဲ့ နိုင်ငံတွေ ထဲမှာလဲ ဆင်းရဲတဲ့ နေရာ ဒေသတွေမှာ မထိုးနိုင်ကြဘူး။ ဒါ့ကြောင့် ကလေး တစ်ရာ မွေးရင် ၆ ယောက် မက မေးခိုင် ဖြစ်နေရတယ်။ တစ်ကမ္ဘာလုံး စာရင်း ပြောတာ။ အခုနှစ် ကုန်ရင် မွေးစ ကလေး မေးခိုင် မဖြစ်စေရေး ဆိုတာ လုပ်ဖို့ လိုနေ သေးတဲ့ တိုင်းပြည် ၄၆ ထဲမှာ ဒို့နိုင်ငံလည်း ပါပါတယ်။

တင့်ဆွေ

Read More...

Collapse...

Good Boy, Good Girl ...

သား လိမ္မာ သမီး လိမ္မာ

ကျွန်တော် ငယ်ငယ် အလုပ်သင် ဆရာဝန် ဘ၀က ဆရာ အတ္တကျော် ရေးတဲ့ သားငယ် သမီးငယ် များကို ပြုပြင် ထိန်းကျောင်းနည်း ဆိုတဲ့ စာအုပ်ကလေး ၀ယ်ဘူး ပါတယ်။ ကျွန်တော်နဲ့မရဲ့ ကိုယ်ပိုင် စာကြည့်တိုက် လေးမှာ စာအုပ် စုံအောင် ဆိုပြီး ပိုက်ဆံလေး ရှိလာရင် ၀ယ်စု တော့တာ ပါပဲ။ မကတော့ ဆရာမ ဂျူး ရဲ့စာအုပ်တွေ ကြိုက်တယ်။ ကျွန်တော်က ဆရာ အတ္တကျော် စာအုပ်ဝယ် တော့ စီနီယာ အမ တစ်ယောက် က နင်တို့က ကလေးယူဖို့ ဝေးသေးတယ် တဲ့။ ငါ့ကို ပေးဆို ယူ သွား လိုက်တာ ပြန်မပေး တော့ဘူး။ တကယ်တမ်း ပြောရရင်က လေးတွေကို ပဲပြင် ထိန်းသိမ်း ဖို့ဆိုတာ မိဘဖြစ်မဲ့ သူတိုင်း လေ့ လာ သင့်ပါတယ်။

ကလေးလေး တွေဆိုတာ ကိုယ်ပဲ့ပြင် ဆုံးမရင် ဆုံးမသလို လူတော်လေးတွေ ဖြစ်လာ နိုင်ပြီး၊ ကိုယ် မဆုံးမ မသွန်သင် တတ်ရင် လည်း ကလေးဆိုး လေးတွေ၊ လူရမ်းကား လေးတွေ ဖြစ်လာ မှာပါပဲ။ ဆရာ အတ္တကျော်ရဲ့ စာအုပ်လေးက တော့ မရှိရှာ တော့ပါဘူး။ တစ်နေ့က Webmed မှာ Discipline tactics ဆိုတဲ့ ဆောင်းပါလေး ဖတ်မိလို့ ဘာသာပြန်ပြီး ဖော်ပြ လိုက်ပါတယ်။ မိဘ လောင်းလျာတွေ အတွက် စိတ်င်စားစရာ ဆောင်းပါလေး ဖြစ်လို့ မျှဝေ ပေးလိုက် ပါတယ်။

Discipline စည်းကမ်း ဆိုတာ ဘာလဲ။

မိမိ ရင်သွေးငယ် ကို ဘယ်ဟာ ကတော့ ကောင်း တယ်၊ ဘယ် ဟာက တော့ မကောင်းဘူး။ ဘယ်လို အပြုအမူက လက်ခံနိုင် လောက် တဲ့ အပြုအမူ ဖြစ်ပြီး ဘယ်လို အရာမျိုး ကတော့ မှားယွင်းတဲ့ အပြုအမူတွေ ဖြစ်တယ် ဆိုတာ သင်ကြား ပြသ ပေးတာ Discipline ပါပဲ။ ဆုပေး ဒဏ်ပေး စနစ် ရှိရ ပါမယ်။ ကောင်း တာ လေးတွေ လုပ်ရင် ဆုပေး ပြီး မကောင်းတာ ကို လုပ်ရင် အပြစ်ပေး ခံရမယ် ဆိုတာ ရှင်းလင်း ပြောကြား ဖို့ လိုပါတယ်။ ကျွန်တော် ကတော့ ခုထိ ကလေး မရှိသေး တော့ အတွေ့ အကြုံတော့ မရှိပါဘူး။ ကလေး တွေကို စည်းကမ်းတွေ သတ်မှတ်ဖို့ ဆိုတာ ထင်သလောက် တော့ မလွယ်ကူ လှပါဘူ။

တချို့ လုံးဝ နားမ ထောင် ဂျစ်ကန်ကန် လေးတွေ တွေ့ဘူး ပါတယ်။ အာခံတဲ့ ကလေး တွေပေါ့။ အထူးသဖြင့် သူတို့ကို အရမ်းအလို လိုက် တဲ့ သူရှိရင် အာကိုးနဲ့ အာခံ တတ်ပါတယ်။ ဥပမာ အမေက စည်းကမ်း တွေ ထုတ်နေ ပေမယ့် အဖေက အလို လိုက် နေရင် အဖေ အား ကိုးနဲ့ ဂျစ်ကန်ကန် လုပ်တတ် ပါတယ်။ ဒါကြောင့် မိဘလောင်း လျာ တွေ အနေနဲ့ ကလေး ယူတော့မယ် ဆို ကတည်းက ကြိုတင် တိုင်ပင် သင့်ပါတယ်။ ဘယ်လို ထိန်းကျောင်း ပဲ့ပြင် ကြမလဲ ဆိုတာ ကြိုတင် တိုင်ပင် သင့်ပါတယ်။ တစ်ချို့ ကလေးတွေ ကြတော့ ပြန် မပြော၊ နားမထောင် လေးတွေ၊ ဘယ်ကနေ တတ် လာတယ် မသိ၊ ငယ်ငယ် ရွယ်ရွယ်နဲ့ ပြန်မပြော၊ နားမထောင် အကျင့်လေး တွေ တွေ့ရ တတ်ပါတယ်။ ဖြစ်နိုင်တာ တော့ အဖေတွေ ဆီက အတု ယူတယ် ထင်ပါတယ်ဗျာ။

မိဘတွေရဲ့ အဓိက တာဝန်က ရင်သွေးငယ် လေးတွေ ကိုယ့်ကိုယ်ကို တန်ဖိုး ထားတတ် လာအောင်၊ ကြီးသူ ကိုရိုသေ၊ ရွယ်တူကို လေးစား၊ ငယ်သူကိုသနား တတ် လာအောင်၊ ကိုယ့်အားကိုယ် ကိုးပြီး ကြိုးစား တတ် လာအောင် သင်ကြား ပေးရပါမယ်။ အဖိုး၊ အဖွား၊ ဦးလေး၊ အဒေါ် တွေနဲ့ စာသင်ကျောင်း တွေ မှာ သင်ကြား ပြသ ပေမယ့် တာဝန် အရှိဆုံး သူတွေ ကတော့ လက်ဦး ဆရာဖြစ် တဲ့ မိဘ နှစ်ပါးပါပဲ။ ဒါကြောင့် သားသမီး မကောင်း မိဘခေါင်း လို့ ဆိုကြတာ ပေါ့။

သားသမီး တွေကို စည်းကမ်းနဲ့ ထိန်းတယ် ဆိုတဲ့ နေရာမှာ မိဘ (၃) မျိုးခွဲခြား သတ်မှတ်ထား ပါတယ်။ မှတ်သား စရာပါပဲ။

(၁) An authoritative parent

ဒီလို မိဘ တွေကတော့ သားသမီး တွေနဲ့ပက်သက်ပြီး စိတ်ကူး အိမ်မက် ကောင်းကောင်း လေးတွေ ရှိပါတယ်။ အပြုအမူပိုင်း ဆိုင်ရာ စည်းမျဉ်း စည်းကမ်းတွေ သတ်မှတ် ရာမှာ ပျော့ပြောင်းပြီး စိတ်ရှည် ကြပါတယ်။ ကောင်းရင် ဘာ့ကြောင့် ကောင်းတယ်၊ မကောင်းဘူး ဆိုရင် လည်း ဘာ့ကြောင့် မကောင်းဘူး ဆိုတာ ရှင်းပြတတ် ကြပါတယ်။ အမေရိကန် စိတ် ကျန်းမာရေး အဖွဲ့ ကတော့ ဒီလိုမိ ဘမျိုး ကို နံပါတ် (၁) ပေးထားပါတယ်။

(၂) An authoritarian parent

သူတို့ မှာလည်း စိတ်ကူး အိမ်မက်လေးတွေရကြပါ တယ်။ ငါ့သားလေး ကို လိမ္မာအောင် သွန်သင်မယ်။ ငါ့သမီးလေးကို ယဉ်ကျေး အောင် ဆုံးမမယ် ဆိုတာ မျိုးပေါ့။ ဒါပေမယ့် စိတ်ရှည် သီးခံမှု အားနည်း ပါတယ်။ “သမီး ဒါကို လုပ်ရမယ်။ ပြန်မမေးနဲ့။ အမေခိုင်းတဲ့ အတိုင်းသာ လုပ်” ဆိုတာ မျိုးပေါ့။ သူတို့က တော့ နံပါတ် (၂) အမျိုးအစား မိဘတွေ ဖြစ်ပါတယ်။

(၃) A permissive parent

သူတို့ကတော့ နံပါတ်(၃) နဲ့ နောက်ဆုံး နေရာမှာ ရှိပါ တယ်။ သားသမီးနဲ့ ပက်သက်ပြီး ရည်မှန်းချက်၊ မျှော်လင့်ချက် မရှိကြ ပါဘူး။ စည်း မျဉ်း စည်းကမ်း တွေနဲ့ ပဲ့ပြင် ထိန်းကျောင်း ရကောင်း မှန်းလည်း မသိကြ ပါဘူး။ ကျွန် တော်တို့ ပတ်ဝန်းကျင်မှာ ဒီလို မိဘ (၃) မျိုးလုံး ကို တွေ့နိုင် ပါတယ်။ ကိုယ်လည်း မိဘ ဖြစ်လာတဲ့ တစ်နေ့ ကျရင် ဘယ်လို မိဘမျိုး ဖြစ်ချင် သလဲ၊ ဖြစ်သင့် သလဲ ဆိုတာ ကြိုတင် ဆုံးဖြတ် ထားကြပါစို့ …

ခုဆက်ပြီး စည်းကမ်း သတ်မှတ်တဲ့ နည်းစနစ် လေးတွေ အကြောင်း ဆက်ချင် ပါတယ်။ ဒီနေရာ မှာလည်း အပေါ်မှာ ဖော်ပြခဲ့ တဲ့ မိဘ အမျိုးအစား၊ ကလေးတွေ ရဲ့ လိမ္မာ ရေးခြား ရှိမှု၊ အသက် အရွယ်၊ မကောင်းတဲ့ အမူ အကျင့် အမျိုးအစား ပေါ် မူတည် ပြီး စည်းကမ်း သတ်မှတ်ပုံ လေးတွေ ကွဲပြား တတ်ပါတယ်။

ကောင်းတာ လေးတွေ လုပ်ရင် ချီးကျူး ပါ။

ကိုယ့်ရင်သွေး မှာ ကောင်းတဲ့ အမူ အကျင့်လေး တွေ ရှိရင် ထုတ်ဖော် ချီးကျူးဖို့ ၀န်မလေး သင့်ပါဘူး။ ချီးကျူး ခံရပြီး ဆိုတာ နဲ့ သူတို့လေးတွေ ဒီအမူအကျင့်ကောင်း တွေကို ဆက်လက် ထိန်းသိမ်း သွားကြ ပါလိမ့်မယ်။

မကောင်းတဲ့ အကျိူးဆက် လေး တွေကို ခံစား ပါစေ။

သူတို့လေး တွေမဟုတ်တာ လုပ်ရင် ဘာဖြစ်မယ် ဆိုတာကို သိအောင်လုပ် ပြရပါမယ်။ ဥပမာ အရုပ် ကို ချိုးပစ်တယ် ဆိုပါ စို့။ ဆူတာ ရိုက်တာ မလုပ်ပါနဲ့။ အသစ်လည်း ၀ယ်မပေး ပါနဲ့။အရုပ်နဲ့ ကစား ချင်တဲ့အခါ သူသိ ပါလိမ့်မယ်။ ငါ ချိုးပစ်ရင် ငါပဲ ဒုက္ခ ရောက်ပါ လား ဆိုတာ သူသိပါစေ။ သတိ အတန်တန် ပေးတာ နားမထောင် တဲ့ ကလေး တွေမှာ ဒီနည်း လေးက ထိရောက် တတ်ပါတယ်။ အရေး ကြီး တာက အန္တရာယ် မဖြစ် ဖို့တော့ လိုပါတယ်။ မီးပူကို ကိုင်ဖို့ ကြိုးစား နေတဲ့ ကလေးကို အကြောင်း သိအောင် လွှတ်ပေး လိုက်မယ် ဆိုတာမျိုး မလုပ်ရပါဘူး။ အန္တရာယ် မဖြစ် အောင်တော့ ထိန်း ရပါမယ်။

လက်ခံဖွယ် ကြောင်းကျိုး ဆက်များ

နောက်တစ်မျိုး ကတော့ Logical consequences လေးတွေပါ။ ဒါကို မလိုက်နာရင် တော့ ဒီလိုဖြစ်မယ် ဆိုတာ ကြိုပြော ရပါမယ်။ ဥပမာ သား မင်းအရုပ်တွေ ကစားပြီး ရင်သိမ်း ရမယ်၊ ဒီတစ်ခါ ကြမ်းပြင်ပေါ်မှာ ပြန့်ကြဲနေ ရင်တော့ မေမေ တစ်ပါတ်တိတိ သိမ်းထားမယ် ဆိုပြီး ကြိုတင် သတိပေး ရပါမယ်။ နားမထောင် ရင်လည်း တိတိ ကျကျ လုပ်ရပါမယ်။ မျက်ရည်လေး တစ်စက် ကျရုံနဲ့ အလျော့ပေး လိုက် တာမျိုး မလုပ်ရ ပါဘူး။ မျက်ရည် ကျရင် ရတယ် ဆိုတာ သိသွားပါ လိမ့်မယ်။

တားမြစ်ပိတ်ပင်ခြင်း။

တစ်ခါ တစ်လေတော့ အကျိုးဆက် တွေ ကို ပေးမ တွေ့ နိုင်တာတွေ ရှိပါတယ်။ ဒီလို အခါမျိုး မှာတော့ တားမြစ် ပိတ်ပင်တဲ့ နည်း လေးတွေ သုံးရပါမယ်။ ဆိုကြပါစို့ ... အလယ်တန်း ကျောင်းသား တစ်ယောက်၊ အိမ်စာတွေကို မလုပ်ဘူး။ တီဗီ ရှေ့မှာ ပဲ ဂိမ်းဆော့ နေတယ် ဆိုရင် ဆော့ပါစေ။ စာမေးပွဲ ရောက်ရင် သိလိမ့် မယ် ဆိုပြီး လွတ် ထားလို့ မရပါဘူး။ ဂိမ်းစက်ကို ထိုက်သင့်တဲ့ အချိန် အတိုင်း
အတာ အထိ သိမ်းထား ရပါမယ်။ ကျေနပ် လောက်မှ ပြန်ပြီး ခွင့်ပြု ရပါမယ်။

ကျဉ်ထားခြင်း။ (Time out )

မဟုတ်တာ လုပ်လာရင် ဒီနည်း လေးလည်း ကောင်းပါတယ်။ နေရာလေး ကိုတော့ ကြိုတင် စီစဉ် ထားရ ပါမယ်။ ဆိတ်ငြိမ်ပြီး ပျင်းရိ ငြီးငွေ့ဖွယ် ကောင်းတဲ့ နေရာကို ရွေးရ ပါမယ်။ အိပ်ယာလို အလွယ်တကူ အိပ်ပျော်မယ့် နေရာမျိုး၊ မီးဖို၊ ရေချိုးခန်းလို အန္တရာယ် ရှိတဲ့နေ
ရာမျိုး တွေ မဖြစ်ရ ပါဘူး။ ကလေး က လည်း သူ့ကို ဘာလို့ ဒီလို အပြစ် ပေးရတယ် ဆိုတာ နားလည် သိတတ်တဲ့ အရွယ်ဖြစ် ရပါမယ်။ အကြာကြီးလည်း မလုပ်သင့် ပါဘူး။ ၂-၃ မိနစ် လောက်ဆို လုံလောက် ပါပြီ။ အသက်၂-၃ နှစ် အရွယ် ကလေး တွေမှာ အလုပ်ဖြစ် ပါတယ်။ သူတို့ လေးတွေက မိဘ နဲ့ ခွဲနေ ရရင် အရမ်း ၀မ်းနည်း တတ်လို့ တစ်ခါလောက် လုပ်ပြ လိုက်တာနဲ့ မှတ်သွား တတ်ကြ ပါတယ်။

ရိုက်နှက် ဆုံးမခြင်း။
ဒီနည်း ကိုတော့ ကလေး စိတ်ပညာရှင်တွေ ကအားမပေး ကြပါဘူး။ ကျွန်တော်လည်း အားမပေး ပါဘူး။ တစ်ချို့ မိဘတွေက ပြော
တတ် ပါတယ်။ အသားလေး နာမှ မှတ်တာ တဲ့။ ရိုက်နှက် ဆုံးမခြင်း ရဲ့ အပြစ် တွေ က တော့ _

(၁) ကလေးက ပိုမို ဆိုးသွမ်း လာခြင်း၊ ကြမ်းတမ်း လာခြင်း
(၂) လက်လွန် သွားရင် ကလေးကို ထိခိုက် နိုင်ခြင်း
(၃) ကိုယ်ချစ်တဲ့ သူ တစ်ယောက်ကို ကိုယ်ခန္ဓာ နာကျင် ထိခိုက်အောင် ရိုက်နှက်ခြင်း ဟာ သာမန်ပဲလို့ ကလေး စိတ်မှာ စွဲထင် သွားခြင်း

စည်းကမ်းတွေ ထုတ်ပြီး ရင်လည်း Maintain လုပ်ဖို့ အရေးကြီး ပါတယ်။ ကိုယ့်က လေး ဘယ်လို ကလေးမျိုး လည်း ဆိုတာ သိဖို့ လို ပါတယ်။ ကလေးမှာ ရှိတဲ့ လိမ္မာ ယဉ်ကျေးတဲ့ အပြုအမူ လေးတွေကို ဖော်ထုတ်၊ သူမှာရှိတဲ့ အရည် အချင်း တွေကို မြေထောင် မြှောက် ပေး ရပါမယ်။ ဒါလေးတွေကို ကိုယ့် ရဲ့ စည်းကမ်း ဘောင်လေးနဲ့ ထိန်းပေး ရ ပါမယ်။ ဂီတ ၀ါသနာရှင် ကလေးကို ဆရာဝန် ဖြစ်အောင် အတင်း ဇာတ်သွင်းဖို့ ကြိုးစား ရင်တော့ မှားပါ လိမ့်မယ်။

အရွယ်ရောက်ပြီး ကလေးတွေ ကိုတော့  စည်းမျဉ်း စည်းကမ်းနဲ့ ပက်သက်ပြီး ပါဝင်ခွင့် ပေးရ ပါမယ်။ သူလိုက်နာ နိုင်ရင်ဘာ ဆု လိုချင်လည်း၊ မလိုက်နာရင် ဘယ်လို အပြစ်ပေးတာ ခံချင်လည်း ဆိုတာကြို မေး နိုင်ပါတယ်။ ကလေးကို လေးစား ရပါမယ်။ Behave the way you want your child to behave. ကလေး ဆိုတာ မိဘကို အတုခိုး တာပါပဲ။ ကိုယ်ကလည်း စံနမူနာပြ နေပြဖို့ လိုပါတယ်။ ကလေးကို ဆေးလိပ် မီးညှိခိုင်းတဲ့ မိဘက “ဆေးလိပ် သောက်ရင် တော့လား ... ငါနဲ့ တွေ့မယ်”လို့ ပြော မထွက် သင့်ပါ ဘူး။ အရက် ၀ယ်ခိုင်းခြင်း၊ ဆေးလိပ် မီးညှိ ခိုင်းခြင်း စတဲ့ ကလေးကို မလေးစားတဲ့ အပြု အမူတွေ မလုပ်သင့် ပါဘူး။ အပြစ် ပေးတာ ပြီးရင်တော့ ကလေးကို သူရဲ့ မူလ အခွင့် အရေးတွေ ပြန်ပေး ရပါမယ်။ နောက် မလုပ်တော့ ပါဘူး (၃) ကြိမ်အော် ဆိုတာ မျိုးထက် ဘာကြောင့် သားကို ဒီလို အပြစ် ပေးရတယ်၊ ဘယ်လို လိမ္မာအောင် နေရမယ် ဆိုတာ ရှင်းပြ ရပါမယ်။ ကလေး မလုပ်နိုင် တဲ့ အပြစ်တွေ မပေးဖို့ လိုပါမယ်။ သင့်တော်တဲ့ အပြစ်ပေး နည်းတွေ ဖြစ်ဖို့လို ပါတယ်။

ကလေးရဲ့ အပြုအမူ တွေနဲ့ပက် သက်ပြီး ဘာကြောင့် သူ ဒီလို လုပ်ရတယ် ဆိုတာ လေ့လာဖို့ လိုပါတယ်။ ဥပမာ ... အဖေနဲ့ အမေ တကျီကျီ ရန်ဖြစ် နေလို့ ကလေး စိတ်ထိခိုက် ရာက ဒီလို အပြုအမူ ဆိုးတွေ လုပ်လာတယ် ဆိုရင် အဖေနဲ့ အမေမှာ အပြစ် ရှိပါတယ်။ သူချစ်တဲ့ အတန်း ဖော် သူငယ်ချင်း တွေ နယ် ပြောင်း သွားလို့ စိတ်ထိခိုက် နေတယ် ဆိုရင် လည်း နားလည် သဘော ပေါက်အောင် ရှင်းပြဖို့ လိုပါတယ်။ ကလေးရဲ့ သူငယ်ချင်းတွေ အကြောင်းလည်း သိထား သင့်ပါတယ်။ ကျောင်းမှာဆရာ တာ ၀န် ဆိုပြီ လွှတ် ထားလို့ မရပါဘူး။ ကလေးနဲ့ ပက်သက်သ မျှ အရာ အားလုံးဟာ မိဘနဲ့ သက်ဆိုင် ပါတယ်။ ကိုယ်က အမှား လုပ်မိ ရင်လည်း ကလေးကို တောင်းပန် ရပါမယ်။ သင့်က လေးကိုပြုပြင် ထိန်းကျောင်းလို့ မရနိုင် တော့ဘူး ဆိုရင်တော့ က လေး ဆရာဝန် ဆီကို သွားပြဖို့ တိုက်တွန်း လိုပါတယ်။ စကားမစပ် သင့် ကလေးမှာ အောက်ပါ လက္ခဏာ တွေ တွေ့ နေရ ရင်တော့ စိတ်ရောဂါ ဆရာဝန်နဲ့ ပြသ သင့်ပါတယ်။

(၁) ဘယ်လိုပင် ဆုံးမပါစေ၊ လူကြီးမိဘ၊ ဆရာသမား များကို မလေးစားခြင်း
(၂) ကြမ်းတမ်း ခက်ထန်ခြင်း၊ ပစ္စည်း ကိရိယာ များကို ဖျက်ဆီး ပြစ်တတ်ခြင်း
(၃) စိတ်ဓါတ်ကျတဲ့ ရောဂါ လက္ခဏာများ တွေ့ရခြင်း
(၄) စိတ်ကြွ မူးယစ်ဆေးဝါး များသုံးစွဲခြင်း
(၅) မိသားစု အတွင်းမှာ အံဝင်ခွင်ကျ လုံးဝ မဖြစ်တော့ခြင်း

ဖတ်ရတာ လည်း ပျင်းနေ လောက်ပြီ။ မိဘဖြစ်ပြီး သား အကိုအမ တွေကိုလည်း ဝေဖန် ပေးဖို့ ဖိတ်ခေါ် ပါတယ်။

ချမ်းမြေ့ ပျော်ရွှင်ဖွယ် မိသားစု လေးတွေ ပိုင်ဆိုင် နိုင်ပါစေဗျာ။

Read More...

Collapse...

Do you really love? - 4

မဂ္ဂဇင်း ဖတ်ရင်း ထွန်းအိန္ဒြာဗိုရဲ့ ကလေးလေး အသားဝါတဲ့ အကြောင်းကနေ ဆက်စပ်ပြီး ရေးချင်တာ လေးတွေ ရေးလိုက်ပါတယ်။

ဘေဘီလေးတွေ မွေးကင်းစမှာ အသားဝါတတ်တယ် ဆိုတာ လူတိုင်းမသိတဲ့ အရာတစ်ခုလို့ ထင်ပါတယ်။ အဲ့လို အသားဝါတယ်ဆိုတာ လူ့ဘ၀ရဲ့ ပုံမှန်ဖြစ်ရိုးဖြစ်စဉ်တစ်ခုလို့ လက်ခံနိုင်ဖို့ဟာ ပိုပြီးတောင် ခက်ခဲပါတယ်။ ဒါပေမယ့် တကယ်ကိုပဲ... မွေးကင်းစ ကလေးတိုင်းနီးပါး အသားဝါကြတာဟာ ပုံမှန်ပါပဲ။ သဘာဝတရားရဲ့ ဖန်တီးမှုတစ်ခုပါပဲ။

အရင်ခေတ်တုန်းက မ၀ါပါဘူး... အခုခေတ်မှ ဆန်းလာတာလို့ မထင်ပါနဲ့။ အရင်တုန်းက ၀ါမှန်း မ၀ါမှန်း မသိခဲ့တာ ဖြစ်နိုင်ပါတယ်။ အခုအချိန်ထိ တချို့တွေလည်း ၀ါလို့ ၀ါနေမှန်း မသိဘဲ ပြီးသွားတာတွေ ရှိပါတယ်။

အဲ့ဒီလို အသားဝါရခြင်း အကြောင်းကို သိပ္ပံနည်းကျ ဖြေရှင်းချက်တွေ အခိုင်အမာရှိပါတယ်။ ဆိုတော့ မိဘတွေ အနေနဲ့ သိထားရမှာက အသားဝါတိုင်း ကြောက်ဖို့ မလိုပါဘူး။ ဒါပေမယ့် ကြောက်စရာကောင်းတဲ့ အသားဝါတာတွေ ရှိပါတယ်။ အဲ့ဒါတွေကို ဗဟုသုတရှိထားမှ တကယ်ရင်ဆိုင်ရတဲ့အခါ မှန်ကန်တဲ့ ဆုံးဖြတ်ချက်ကို ချနိုင်မှာ ဖြစ်ပါတယ်။

ကလေးလေးတစ်ယောက် ၀ါတူးတူးလေး ဖြစ်နေတာ ဘယ်မိဘမှ စိတ်မချမ်းသာနိုင်ပါဘူး။ ဆရာဝန်က မစိုးရိမ်ရဘူး ပြောလည်း ရင်ထဲက အပူနဲ့ လက်ခံနိုင်မှာ မဟုတ်ပါဘူး။ မြန်မာပီပီ ဘေးက ၀ိုင်းပြီး စာဖတ်မယ့်သူတွေလည်း အများကြီးတွေ့ရပါဦးမယ်။ ကိုယ်ကိုယ်တိုင်ကမှ ထိုက်သင့်တဲ့ ဗဟုသုတ မရှိထားရင် ပတ်ဝန်းကျင် ပယောဂနဲ့ လုပ်မိလုပ်ရာ စွတ်လုပ်ရင်... ကလေးကို တကယ်ချစ်ရာ မရောက်ဘဲ ဖြစ်ပါလိမ့်မယ်။

အခုပို့စ်မှာတော့ မွေးကာစကလေးတွေ အသားဝါတဲ့ အကြောင်းကို ပြောဖြစ်အောင် ပြောတော့မယ်။ မွေးကာစ ၃ ရက်ကနေ ၅ ရက်အတွင်းမှာ ကလေးအသားလေးတွေက စပြီးဝါလာတတ်ပါတယ်။ မ၀ါတဲ့ ကလေးတွေလည်း ရှိပါတယ်။ ဒါပေမယ့် ၀ါတာက အများစုလို့ ဆိုကြပါတယ်။ အသားဝါတယ်ဆိုတာ ကူးတတ်တာ မဟုတ်ပါဘူး။ ဘယ်ဆေးရုံမှာ မွေးရင်ဖြင့် အသားတွေဝါလို့ရယ်ဆိုပြီး ရှောင်ကြတဲ့သူတွေ ရှိတာ ကြားဖူးလို့ပါ။

မိဘတွေ အနေနဲ့က ဘာကို အကြမ်းဖျင်း သိထားဖို့လိုတာလဲ ဆိုရင် ကလေးအသားဝါတာနဲ့ ... ဟာ ၀ါပြီ ၀ါပြီ ဆိုပြီး ပြူးတူးပြဲတဲ မဖြစ်ဖို့က အဓိကပါ။ ကလေးမှာ ဒီမိဘပဲ အားကိုးနေရတာ မိဘက ပြာနေပြီဆိုရင် ကလေးအတွက် ဆုံးဖြတ်ချက် ခက်ပါတယ်။ ဆရာဝန်ကလည်း မိဘကို ပြောရဆိုရ ခက်ပါတယ်။ မလိုအပ်ဘဲ ရှုပ်ထွေးတာတွေ ဖြစ်တာပေါ့နော်... အမေက ငိုလိုက် အဖေက ဘာလုပ်လို့လုပ်ရမှန်း မသိလိုက်။

အသားဝါတာ ကြောက်စရာ မကောင်းဘူးလားဆိုတော့ ကြောက်စရာ ကောင်းတာတွေ ရှိပါတယ်။ ကလေးရဲ့ ဦးနှောက်ကို ထိခိုက်တဲ့အထိ အသားဝါတာတွေ အသက်ဆုံးရှုံးတာ အထိ ဖြစ်တဲ့ဟာတွေ ရှိပါတယ်။ အဲ့လို အစွန်း ၂ ဖက် ရှိနေတော့ မိဘတွေ အနေနဲ့ ပူတာလည်း မမှားလှဘူးပေါ့။ ဒါပေမယ့် ပူသင့်တဲ့ အချိန်မှ ပူတာ ကောင်းပါတယ်။

ဥပမာ... ကလေးက ချက်မသန့်လို့ ပိုးဝင်ပြီး ၀ါတာ။ အင်မတန်ဆိုးပါတယ်။ အဲ့ဒါမျိုး မဖြစ်အောင်က အစောကြီးထဲက ကာကွယ်လို့ ရပါတယ်။ ချက်ဖြတ်ပြီးတဲ့ ကျန်တာလေးကို သန့်အောင်ထားဖို့ပါပဲ။ ဘာမှ မ၀င်စေရပါဘူး။ ဆရာဝန်တွေက ကလေးချက်ကို ဘာမှ မကလိဘဲ ထားတာက အရက်ပြန် ဆွတ်တာထက်တောင်မှ ချက်မြန်မြန်ကြွေစေတယ်လို့ ပြောကြပါတယ်။ ကလေးလေး ထွက်လာပြီဆို အဲ့ဒီချက်ကိုလည်း ၀ိုင်းပြီး ကလိချင်လိုက်ကြတာဆိုတာ... လူတွေများ ခက်ပါတယ်။

နောက်ပြီး ကလေးမှာ သွေးနဲ့ ပတ်သက်တဲ့ ရောဂါရှိရင်... အဖေအမေရဲ့ သွေးအုပ်စု မတူရင် စသဖြင့် ၀ါတတ်ပါသေးတယ်။ အဲ့ဒါကတော့ ဆရာဝန်ရဲ့ အပိုင်းမို့လို့ သူက ရှင်းပြပါလိမ့်မယ်။ ဘာဖြစ်လို့ အသားဝါလို့ ဘာလုပ်ရမယ် ဘာညာ ဘာညာ...။ အခုပို့စ်က ရိုးရိုး ပုံမှန် ၀ါနေကျ အကြောင်းကိုပဲ ဦးတည်ပြီး ပြောချင်တာမို့လို့... ရောဂါတွေ အကြောင်း ရေးမနေတော့ပါဘူး။

နောက် ထူးဆန်းတဲ့ အချက်တစ်ခု ပြောပါဦးမယ်။ အဲ့ဒါကတော့ နို့တိုက်တဲ့ကလေးတွေမှာ ပိုပြီး အသားဝါတယ်ဆိုတာပါပဲ။ ဒါပေမယ့် ဒါဟာ မပြောဘဲထားထားလို့ လူတော်တော်များများ မသိကြဘူးလို့ ယူဆပါတယ်။

နို့တိုက်တဲ့ ကလေးမှာ အသားဝါတာ ဖြစ်တတ်ပါတယ်။ နောက်တော့ ပြန်ကောင်းသွားတတ်ပါတယ်။ တချို့က မိခင်နို့ကို ခဏ ဖြတ်ပေးရသလို မဖြတ်ဘဲနဲ့ ပြန်ကောင်းတာလည်း ရှိပါတယ်။ (နို့မှုန့်တွေ ရောင်းကောင်းတာလည်း မပြောနဲ့)

ပုံမှန်အသားဝါခြင်းဟာ ကလေးကို ပြင်ပ ရောဂါအချို့က ကာကွယ်ပေးတဲ့ စွမ်းအင်ရှိတယ်လို့ အခုနောက်ပိုင်းမှာ ယူဆလာကြပါတယ်။ ခိုင်လုံတဲ့ အထောက်အထားတွေတော့ ရှာနေဆဲပါပဲ။

မိဘတွေ အနေနဲ့ လုပ်ရမှာကတော့ ကလေးမွေးပြီးရင် ချက်ကို သန့်အောင်ထားဖို့ရယ်၊ ကလေး မှိန်းတာ နို့စို့နည်းတာဆိုရင် ဆရာဝန်ကို ချက်ချင်းပြောဖို့ရယ်၊ မစိုးရိမ်ရတဲ့ ပုံမှန်အသားဝါခြင်းမျိုးမှာ အပူတွေ မလွန်ကဲဖို့ရယ် အဓိကပါ။

အသားဝါတဲ့ ကလေးတွေမှာ မီးချောင်းပြပြီး အ၀ါလျော့အောင် လုပ်ကြပါတယ်။ မီးချောင်းအလင်းတွေ မျက်စိထဲ မ၀င်အောင် သတိထားရပါမယ်။ ကလေးက မီးအပူကြောင့် ရေဓာတ်ဆုံးရှုံးတတ်လို့ နို့ပိုတိုက်ရပါမယ်။ မွေးမွေးချင်းကစပြီး နို့တိုက်ခဲ့ရင် ကလေးဝါတဲ့ အချိန်မှာ နို့ကောင်းကောင်းလိုက်နေပြီမို့ ကလေးအတွက် လုံလောက်ပါတယ်။ ကလေးစို့လေ နို့ထွက်လေမို့ မလောက်မင ဖြစ်မှာ ပူစရာ မလိုပါဘူး။ အမေက ရေ၊ အရည် များများ သောက်ပေးရင် ပိုကောင်းပါတယ်။

အတိုချုပ် သဘောမျိုးရေးထားလို့ မပြည့်စုံတာတွေ ဖြည့်စွက်ပေးစေချင်ပါတယ်။ အတွေ့အကြုံများ ရှိခဲ့ရင်လည်း ဆွေးနွေးကြရအောင်ပါ။

Credit: Ma CyberCandle (Native Myanmar)

Read More...

Collapse...

Do you really love? - 3

မိခင်နို့တိုက်ကျွေးခြင်းရဲ့ အကျိုးကျေးဇူးများ...

စာအုပ်ထဲကဟာတွေ လာဖတ်ပြတော့မယ်လို့တော့ မထင်ပါနဲ့ဦး။ စိတ်ထဲရှိတာတွေ အရင်ရေးမှာပါ။ ကျန်ခဲ့တဲ့ အချက်တွေရှိရင် ပြောပေးကြပါ။

မိခင်နို့တိုက်ကျွေးခြင်းကြောင့် မိခင်ဖြစ်သူမှာ အကျိုးကျေးဇူးတွေ အများကြီးရှိပါတယ်။

နံပါတ်(၁)က အလုပ်ရှုပ် သက်သာပါတယ်။ အလုပ် မရှုပ်ဘူးလို့ ပြောတာတော့ မဟုတ်ဘူးပေါ့။ နို့ဗူးတိုက်သလို နို့ကို ဖျော်ရ အပူအအေးစမ်းရ၊ ဗူး ဆေးရ၊ ဗူးညစ်ပတ်လို့ ကလေးတစ်ခုခုဖြစ်ရင် ပူရပင်ရ... အဲ့လိုမျိုး ဗာဟီရတွေ နည်းသွားတာကို ပြောတာပါ။

နို့တိုက်မယ့် မေမေက နို့တိုက်ခါနီး လက်ဆေးဖို့တော့ လိုပါတယ်။ ပြီးတော့ နို့ဝင်အောင် တိုက်တတ် သွားရင်တော့ အလုပ်မရှုပ်တော့ဘူးပေါ့။ နို့မ၀င် တစ်ချက် ၀င်တစ်ချက်ဆိုရင် အလုပ်ရှုပ်ပါတယ်။ အဲ့လိုတွေ မဖြစ်အောင် စနစ်တကျ ... ကလေးကို နို့သေချာတပ်ပြီး တိုက်ရပါမယ်။

နို့တိုက်မယ်ဆိုရင် ကလေး နို့တပ်တတ်ဖို့က အရေးကြီးတဲ့ အပိုင်းမှာပါပါတယ်။ စစ ချင်းမှာ ကလေးအတွက် တော်တော်ခက်ခဲတဲ့ အလုပ်တစ်ခုလို ဖြစ်နေပြီး အမေ အတွက်လည်း စိတ်မရှည်ချင်စရာ ဖြစ်ပါတယ်။ ဒါက ကလေးနဲ့မိခင် ၂ ကိုယ်ကြားအရေးဆိုတော့ သူတို့ချင်းညှိမှ အဆင်ပြေမှာပါ။

နည်းလမ်းကတော့ ကလေးနှုတ်ခမ်းနဲ့ နို့သီးအဖျားနဲ့ ထိပြီး ကလေး ပါးစပ် ဟ လာအောင် လုပ်ရပါမယ်။ အဲ့ဒီလို ပါးစပ် ဟ လာပြီဆိုရင် ကလေးရဲ့ ခေါင်းကို ထိန်းထားတဲ့လက်က ကလေးကို အမေဘက် ဆွဲကပ်လိုက်ရပါမယ်။ တစ်ခါမရ နောက်တစ်ခါပေါ့။ အဲ့လိုနဲ့ အထာကျသွားပါလိမ့်မယ်။ Key ကတော့ အမေက ကလေးဘက်ကို တိုးရမှာ မဟုတ်ဘဲ ကလေးကို အမေဘက်ကို ဆွဲကပ်ရမှာ ဖြစ်ပါတယ်။ နို့တပ်တာ မှန်သွားရင် သိသာပါတယ်။ ပြန်တောင် ဖြုတ်လို့မရတော့ဘူး ဖြစ်သွားမယ်။ အမဲဝိုင်းလေးက ကလေးပါးစပ်ထဲမှာ အပြည့်ရှိနေပြီး ကလေးရဲ့ အောက်နှုတ်ခမ်းလေးက လန်လန်လေး ဖြစ်နေရင် အိုကေပြီပေါ့။ ပြန်ဖြုတ်ချင်ရင် ကလေးပါးစပ် ထောင့်စွန်းလေးကနေ ကပ်ပြီး လက်သန်းလေး ထိုးလိုက်ရင် ဖောက် ဆိုတဲ့အသံလေးနဲ့ နို့တပ်ထားတာ ပြုတ်သွားမှာ ဖြစ်ပါတယ်။

ကလေးက နို့ကောင်းကောင်းဆွဲတတ်ပြီဆိုရင် အမေအနေနဲ့ လွယ်ကူအဆင်ပြေ သက်သာပါတယ်။ အစပိုင်းမှာ ခက်မလိုနဲ့ နောက် ရေရှည်မှာ တော်တော်သိသိသာသာ အဆင်ပြေပါလိမ့်မယ်။ (ဥပမာ- ညအိပ်နေရင်း ကလေးနို့ဆာပြီဆို အိပ်နေရင်း တိုက်လို့လည်း ရပါတယ်။ ထပြီး နို့ဖျော်ရ နို့နွှေးရတွေ လုပ်ရတာထက် သက်သာတာပေါ့။ ရေရှည်ကျတော့ အိပ်ရေးပျက်တဲ့ ဒဏ်ကဆိုးပါတယ်။ ကလေးကို တခြားသူနဲ့ထားပြီး နို့ဗူးဖျော် တိုက်ပစေလို့ ထားနိုင်တဲ့သူဆိုရင်တော့ ဘာမှ မပြောလိုပါ။)

နောက် အလုပ်ရှုပ် သက်သာတဲ့ နောက်တစ်ပိုင်းကတော့ ရာသီပြန်မပေါ်တာပဲ ဖြစ်ပါတယ်။ တချို့ဆို နို့ဖြတ်လိုက်တော့မှပဲ ရာသီပြန်လာတတ်တာဆိုတော့ အဲ့ဒီအတွက် အချိန်မပေးရတော့ဘူးပေါ့။

သားဆက်ခြားစေတယ် ဆိုတာကတော့ ၁၀၀% မဟုတ်လို့ သိပ်ပြီး အကျယ်တ၀င့် ပြောမနေတော့ပါဘူး။

နံပါတ်(၂)က မိခင်နို့ကို ပုံမှန်တိုက်ခြင်းအားဖြင့် နို့တင်းတာကို ကာကွယ်ပေးရာ ရောက်ပါသေးတယ်။ နို့တင်းတာကနေ ကိုယ်ပူတက် ဖျား... တချို့ဆို အနာတွေဘာတွေဖြစ်တဲ့ အထိ ဇာတ်လမ်းရှုပ်တတ်လို့ စောစောစီးစီး ကာကွယ်တာပဲ ကောင်းပါတယ်။

နံပါတ်(၃) အဓိက ကာကွယ်တဲ့ အချက်ကတော့ ရင်သားကင်ဆာ ဖြစ်နှုန်းနည်းသွားပါတယ်တဲ့။ ရင်သားကင်ဆာဆိုတာ ကလေးကို နို့မတိုက်တဲ့ မိန်းမတွေကို ဘုရားသခင်က ဒဏ်ခတ်တဲ့ ရောဂါလို့တောင် ပြောစမှတ်ပြုကြတယ်။ ဒါကြောင့် မိခင်နို့တိုက်ကျွေးခြင်းဟာ အမေမှာလည်း အဖိုးတန်တဲ့ အကျိုးဖြစ်ထွန်းစေပါတယ်။

နံပါတ်(၄) စရိတ်စက အကုန်အကျနည်းစေတယ်လို့ ပြောရင် ချမ်းသာတဲ့ အသိုင်းအ၀ိုင်းကတော့ ရီတာပေါ့ ရီတာပေါ့လို့ ပြန်ပြောမှာပေါ့နော်။ နို့ဗူးတိုက်လို့ ဘယ်လောက်ကုန်မလဲ.... နို့ဗူးဖိုး နို့မှုန့်ဖိုး နို့ဗူးဆေးတဲ့ အရည်ဖိုး ဘာဖိုး ညာဖိုး ကုန်ပစေ ကုန်ပစေလို့ ပေးနိုင်တဲ့သူတွေ အတွက်.... စရိတ်စကကို မစဉ်းစားပေမယ့်... အကုန်မခံနိုင်သူတွေ အတွက် အတော်လေး တာ သွားတဲ့အရာ ဖြစ်ပါတယ်။

ဒါ့အပြင် နို့ဗူးကြောင့် ဖြစ်လာမယ့် ပြသနာတွေ အတွက် ဆေးရုံဆေးခန်း ဆရာဝန်ဖိုးတွေပါ ချွေတာရာရောက်တယ်လို့ ပြောလို့ ရပါသေးတယ်။

နံပါတ်(၅) မိခင်က တစ်သားမွေးတစ်သွေးလှ ဆိုသလို ပိုလှလာပါလိမ့်မယ်။ တစ်သားမွေး တစ်သွေးဝတွေကတော့ မိခင်နို့မတိုက်ဘဲ နေကြတဲ့သူတွေ များပါတယ်။ ကိုယ်ဝန်ဆောင်စဉ်က တအိအိတက်လာတဲ့ ကိုယ်အလေးချိန်က ကလေးနို့တိုက်ချိန်မှာ တတိတိနဲ့ ပြန်ကျတာမို့လို့.... ဒီအချက်ကိုတော့ မိခင်တွေ မသိမဖြစ်မရှိရလေအောင် လက်ဆင့်ကမ်းဖို့ လိုပါတယ်။ နို့မို့ ကလေးမွေးပြီး ၀ိတ်တက်လာတာနဲ့ ... အဲ့ဒီ ၀ိတ်က ဒီတိုင်းပြန်ကျဖို့ တော်တော်ကို ခက်တာပါ။ တကယ်ဆို တစ်ချက်ခုတ် နှစ်ချက်ပြတ် ကလေးကို နို့တိုက်ရင်းနဲ့ စလင်းဘော်ဒီလေးကို ပြန်အရယူလိုက်ရုံပါပဲ။

နံပါတ်(၆) ကလေးက အမေကို ပိုပြီးတွယ်တာပါတယ်။ ကလေးပဲ.. အမေကိုတွယ်တာ မဆန်းဘူးလို့ ... အဲ့လိုတော့ မဟုတ်ပါဘူး။ မွေးကင်းစ ကလေးဟာ ဘယ်သူအမေလဲဆိုတာ နို့ဘယ်သူတိုက်လဲဆိုပြီး မှတ်ထားတာဖြစ်လို့ပါ။

ဘယ်သူတွေ ဘာပြောပြော ဘာလုပ်လုပ် မိခင်နို့တိုက်တဲ့ ကလေးက အချိန်တန်ရင် မိခင်ဆီမပို့လို့ကို မရဘူး။ ဆိုတော့ အမေအနေနဲ့ အဲ့ဒီအချိန်မှာ အသိုင်းအ၀ိုင်းမှာ ဆရာကြီး ပါပဲ။ ဘယ်သူမှ ချော့လို့မရအောင် နို့ဆာလို့ ငိုတဲ့ကလေးလေးက ကိုယ့်ရင်ခွင်ထဲရောက်မှ ချိုစို့ရင်း ငြိမ်သွားတဲ့ အရသာ... မိခင်ဘ၀ရဲ့ အနှစ်ပါပဲ။

ကဲ... ကလေးကို နို့တိုက်ကျွေးနိုင်တဲ့ မိခင်ဖြစ်ရတာ ဂုဏ်ယူစရာတစ်ခုပါ။

Credit: Ma CyberCandle (Native Myanmar)

Read More...

Collapse...

Breastfeeding

နို့ချိုတိုက်ကျွေး ရင်သွေးငယ်တို့ ကျန်းမာရေး

ကမ္ဘာဦးစတည်းက လူသားတွေဟာ မိခင်နို့ကို သောက်သုံးပြီး လူ့ဘ၀ကို စတင်ခဲ့ကြပါတယ်။
လူသားတစ်ယောက်အနေနဲ့ ကျန်းမာသန်စွမ်းဖို့ ၊ ဥာဏ်ရည်မြင့်မားဖို့ ၊ ကြီးထွားရှင်သန်ဖို့ အတွက် မိခင်နို့ရည်ဟာ အလွန်အရေးပါလှပါတယ်။ မိခင်ရဲ့ စေတနာ ၊ မိခင်ရဲ့ မေတ္တာ ၊ အကြင်နာတွေ ၊ မိခင်ရဲ့ အသွေးအသားတွေနဲ့ဖွဲ့စည်းထားတဲ့ နို့ရည်တစ်စက်ကိုသောက်သုံးပြီး လောကကြီးအလယ်မှာ လူရယ်လို့ရပ်တည်လာခဲ့ကြပါတယ်။ မိခင်နို့ရည်ရဲ့ တန်ဖိုးဟာ အလွန်ကြီးမားလှပါတယ်။ မိခင်တို့ရဲ့ မေတ္တာတရားတွေကတော့ အနှိုင်းအဆမဲ့ မွန်မြတ်လှပါတယ်။ သို့သော် ယခုမျက်မှောက်ကာလမှာ တစ်ချို့၊ တစ်ချို့သော မိခင်တွေအတွက် မိမိတို့ရင်သွေးကို နို့ချိုတိုက်ကျွေးဖို့ အခက်အခဲတွေရှိလာပါတယ်။ တစ်ချို့က မိသားစုစားဝတ်နေရေးကို အကြောင်းပြသလို ၊ တစ်ချို့ကလည်း မိမိလို့ အလှအပ ပျက်မှာစိုးတယ် ဆိုတဲ့ အကြောင်းပြချက်တွေနဲ့ မိမိတို့ရင်သွေးငယ်ကို နို့ချိုတိုက်ကျွေးဖို့ ၀န်လေးနေကြပါတယ်။ ငြင်းဆန်နေကြပါတယ်။ နို့ချိုတိုက်ကျွေးခြင်းကြောင့် ရရှိနိုင်တဲ့ အကျိုးရလာဒ်တွေကို လက်လွတ်ဆုံးရှုံးနေပါတယ်။ ဒါဆိုရင် မိခင်နို့ရည်ဘယ်က ဖြစ်လာလဲ ၊ မိခင်နို့ရည်တိုက်ကျွေးမယ်ဆိုရင် ဘယ်လို အကျိုးကျေးဇူးတွေရရှိမလဲ .....................................................။

မိခင်နို့ရည်ဖြစ်ပေါ်လာပုံအဆင့်ဆင့်

မိခင်နို့ရည်ဖြစ်ပေါ်လာပုံသိရှိဖို့အတွက် မိခင်ရဲ့ သားမြတ်ဖွဲ့စည်းပုံအကြောင်းကို အရင်သိရှိဖို့လိုပါတယ်။ နို့ရည်ဖွဲ့စည်းဖို့အတွက် သားမြတ်တစ်ခုမှာပါဝင်တဲ့အစိတ်အပိုင်းတွေကတော့ -
၁။ Alveolus
၂။ Milk duct
၃။ Lactiferous tubules or Lactiferous ducts
၎။ Lactiferous sinuses
တို့ပဲဖြစ်ပါတယ်။

သားမြတ်ဖွဲ့စည်းပုံ

နို့ရည်စတင်ထုတ်လုပ်ပေးတဲ့နေရာကတော့ Alveolus တွေပဲဖြစ်ပါတယ်။ Alveolus တွေထဲမှာရှိတဲ့ Gland Cells တွေကနို့ရည်ကို ထုတ်လုပ်ပေးပါတယ်။ Gland Cells တွေကို myoepithelial cells တွေနဲ့ဝန်းရံထားပြီး Gland cells တွေက ထုတ်လုပ်ပေးတဲ့ နို့ရည်တွေကို Milk duct တွေထဲကို ညှစ်ထုတ်ပေးပါတယ်။ Milk duct တွေမှတဆင့် နို့ရည်တွေဟာ Lactiferous duts တစ်လျှောက်စီးဆင်းလာပြီး Lactiferous sinuses တွေထဲမှာ သိုလှောင်ထားပေးပါတယ်။ ရင်သွေးငယ်သောက်သုံးဖို့အတွက် နို့ရည်ကို အသင့်ပြင်ဆင်ထားပေးပါတယ်။

ဟော်မုန်းဓါတ်များ

ထိုသို့ နို့ရည်ဖွဲ့စည်းမှုနဲ့ ရင်သွေးငယ်သောက်စို့မှုအတွက် ဟော်မှုန်းဓါတ်တွေကလဲ အရေးပါတဲ့ အခန်းကနေပါဝင်လာပါတယ်။ အဓိက ဟော်မှုန်း ၂ မျိုးကတော့ ဦးနှောက်ရဲ့ ပစ်ကျူထရီ ( Pituitary Gland ) အရှေ့ဘက်အခြမ်းက ထုတ်လွှတ်ပေးတဲ့ Prolactin နှင့် အနောက်ဘက်အခြမ်းက ထုတ်လွှတ်ပေးတဲ့ Oxytocin တို့ပဲဖြစ်ပါတယ်။ ရင်သွေးငယ်ဟာ မိခင်ရဲ့ သားမြတ်ခေါင်းကို ငုံစို့လိုက်မယ်ဆိုရင် သားမြတ်ခေါင်းထိပ်မှာရှိတဲ့ အာရုံကြောများကတဆင့် မိခင်ဦးနှောက်အတွင်းမှာရှိတဲ့ ပစ်ကျူထရီ ဂလင်း ကို လှုံ့ဆော်ပေးပါတယ်။ ထိုအခါ ပစ်ကျူထရီ ဂလင်းများမှ ပရိုလက်တင် နှင့် အောက်စီတိုစင် ဟိုမှုန်းဓါတ်များကို စတင်ထုတ်လွှတ်ပေးပါတယ်။ Prolactin ( ပရိုလက်တင် ) က နို့ရည်ကို ဖွဲ့စည်းပေးပြီး ၊ Oxytocin ( အောက်စီတိုစင် ) က သိုလှောင်ထားတဲ့ နို့ရည်များကို ရင်သွေးငယ်သောက်သုံးဖို့အတွက် ညှစ်ချပေးပါတယ်။ ထိုသို့ ညှစ်ချပေးတာကို ( Milk down reflux ) လို့ခေါ်ပါတယ်။

ဟော်မှုန်းဓါတ်များ၏ လုပ်ဆောင်ပုံအဆင့်ဆင့်

နို့ရည်ဖွဲ့စည်းမှုဟာ ကိုယ်ဝန် ၁၆ ပါတ် မှ ၂၀ ပါတ်တွင် စတင်ခဲ့ပေမယ့် Progesterone ( ပရိုဂျက်စတီရုန်း ) ဓါတ်၏ တားဆီးမှုကြောင့် နို့ချိုထွက်ရှိခြင်းမရှိပါဘူး ။ ကလေး မီးဖွားပြီးသောအခါ ပရိုဂျက်စတီရုန်းဓါတ်တွေ လျှော့နည်းသွားပြီး နို့ရည်ဖွဲ့စည်းမှုကို လုပ်ဆောင်လာနိုင်ပါတယ်။

မိခင်နို့ရည်တွင်ပါဝင်သော ဓါတ်ပစ္စည်းများ

မိခင်နို့ရည်ဟာ ရင်သွေးငယ်တို့ ကြီးထွားရှင်သန်ဖို့အတွက် အကောင်းဆုံးသော အစာအာဟာရဖြစ်ပါတယ်။ အသက် ၄လ မှ ၆ လအထိ အခြားသော အစားအစာမကျွေးဘဲ လုံလောက်တဲ့ အာဟာရဓါတ်တွေကို ရရှိစေပါတယ်။ ရင်သွေးငယ်ရဲ့ ခန္ဓာကိုယ်လိုအပ်ချက်ပေါ်မှာမူတည်ပြီး လုံလောက်သော ဗိုက်တာမင်ဓါတ်များ ၊ အာဟာရဓါတ်များ၊ မင်နရယ်ဓါတ်ပစ္စည်းများ ( Minerals ) ကို ဖြည့်ဆည်းပေးပြီး ကြေညက်လွယ်ပါတယ်။
မိခင်နို့ရည်မှာ ပါဝင်တဲ့ ဓါတ်ပစ္စည်းတွေကတော့ -
၁။ ကာဗိုဟိုက်ဒရိတ် ( carbohydrate ) - မိခင်နို့ရည်ထဲမှာအများဆုံးပါဝင်တာကတော့ Lactose ဖြစ်ပြီး 6 - 7 g/dl ရှိပါတယ်။ ခန္ဓာကိုယ်အတွက်လိုအပ်တဲ့ ကယ်စီယမ် စုပ်ယူမှုမှာကူညီပေးပါတယ်။
၂။ ပရိုတင်း ( Proteins ) - ကလေးရဲ့ ခန္ဓာကိုယ်ဟာ ပရိုတင်းအများကြီး မခြေဖျက်နိုင်တဲ့အတွက် မိခင်နို့ရည်မှာ ပရိုတင်းဓါတ်အနည်းငယ်သာပါရှိပါတယ်။ ဒါ့အပြင် ဦးနှောက်နှင့် အာရုံကြောအတွက်လိုအပ်တဲ့ အမိုင်နိုအက်ဆစ် ( Aminoacid ) တွေပါဝင်ပါတယ်။ ဒီအမိုင်နိုအက်ဆစ်တွေဟာ နွားနို့နဲ့ နို့မှုန့်တွေမှာ မပါရှိပါဘူး။
၃။ အဆီ ( Fates ) - နို့ရည်မှာ အာရုံကြောများအတွက် လိုအပ်တဲ့ ဖက်တီးအက်ဆစ် ( Polyunsaturated fatty acids) တွေပါရှိပါတယ်။ ဒါ့အပြင် အသက်ကယ် စတီးရွိုက်ဟော်မုန်း တွေဖွဲ့စည်းမှုအတွက်လိုအပ်တဲ့ အခြားသော fatty acids တွေပါရှိပါတယ်။
၎။ ဗိုက်တာမင် နှင့် မင်နရယ်ဓါတ်များ ( Vitamins and Minerals ) - အသက် ၄ လမှ ၆ လအထိ ခန္ဓာကိုယ်အတွက် လုံလောက်တဲ့ ပမာဏပါရှိပါတယ်။ ( ဥပမာ- VitA, D, E, K , Iron, Zinc, Sodium, Potassium, Calcium ) .( မှတ်ချက် - နို့ရည်ထဲမှာ VitK ရဲ့ ပါဝင်မှုဟာနည်းပါတယ်။ ဒါကြောင့် ကလေးငယ်မွေးမွေးခြင်း VitK 1mg ကိုအသားဆေးအနေနဲ့ ထိုးပေးရပါတယ်။ VitK ဟာ သွေးခဲနိုင်မှု( Blood Coagulation ) ကိုဖြစ်စေပြီး ၊ လုံလောက်တဲ့ ပမာဏမရှိပါက သွေးယိုစီးမှုများဖြစ်တတ်သည် ။ )
၅။ အရည်ဓါတ် ( Water and electrolytes ) - ရေပါဝင်မှု ၈၈ ရာခိုင်နှုန်းရှိပါတယ်။

၆။ ခန္ဓာကိုယ်ခုခံအားကို တိုးတက်စေသောဓါတ်ပစ္စည်းများ။( ဥပမာ- IgA , Interferon )
ဒီဓါတ်ပစ္စည်းတွေဟာ ကလေးငယ်ရဲ့ ခန္ဓာကိုယ် ဖွံ့ဖြိုးမှု ၊ ဥာဏ်ရည်ဥာဏ်သွေးမြင့်မားမှု ၊ ခုခံအားမြင့်မားတိုးတက်မှုတို့ကို ဖြစ်စေပြီး ရောဂါအမျိုးမျိုးကို ကာကွယ်ပေးထားပါတယ်။ ဓါတ်ပစ္စည်းတွေရဲ့ ပါဝင်တဲ့ ပမာဏဟာ အမြဲတမ်းပုံသေမရှိပါဘူး ။ နို့တိုက်ကျွေးတဲ့ သက်တမ်း ၊ အချိန်အပိုင်းအခြားပေါ်မူတည်ပြီး ပြောင်းလဲနေပါတယ်။ အဲဒီလို ကာလအပိုင်းအခြားပေါ်မှာမူတည်ပြီး နို့ရည်ကို အမျိုးအစားများစွာ ထပ်မံခွဲခြားထားပါတယ်။

နို့ရည်အမျိုးအစားများ

၁။ Closterum ( နို့ဦးရည် )
မီးဖွားပြီး ပထမ ၃ ရက်အတွင်းမှာ ထွက်တဲ့ နို့ရည်ဖြစ်ပါတယ်။ ဒီနို့ရည်မှာ ခန္ဓာကိုယ်အတွက် အလွန်အရေးကြီးတဲ့ Antibodies များ ၊ ဗိုက်တာမင် ပမာဏတွေပိုမိုပါဝင်ပါတယ်။ အ၀ါရောင်သန်းပြီး ၊ အနည်းငယ်ပျစ်ပါတယ် ( yellow and thick ) ။ အနည်းငယ်သာထွက်ရှိပေမယ့် ခန္ဓာကိုယ်လိုအပ်ချက်အတွက် လုံလောက်တဲ့ ပမာဏကို ရရှိပါတယ်။ ဒီနို့ရည်ဟာ ကလေးငယ်ရဲ့ ကိုယ်ခံအားကို ပိုမိုတိုးတက်စေပြီး ရောဂါများမှ ကာကွယ်ပေးပါတယ်။ ဒီနေရာမှာ အယူအဆလွဲမှားနေတာလေးကို တင်ပြချင်ပါတယ်။ မိခင်အများစုဟာ ပထမဆုံးထွက်တဲ့ နို့ရည် အ၀ါရောင်တွေကို ကလေးငယ် ၀မ်းပျက်မှာ ဆိုးတယ်ဆိုပြီး ညှစ်ထုတ်ပြစ်တတ်ပါတယ်။ ကလေးငယ်ကို မတိုက်ကျွေးပါဘူး ။ ဒါဟာလွဲမှားတဲ့ အယူအဆတစ်ခုပါ ။ ဒီနို့ရည်ဟာ ခုခံအားကိုမြင့်မားစေတဲ့အတွက် ရောဂါများ ၊ ၀မ်းပျက်ဝမ်းလျှောခြင်းများမှလဲ ကာကွယ်ပေးပါတယ်။ ဒါကြောင့် ကလေးငယ်ကို ကူးစက်ရောဂါများမှကင်းဝေးစေချင်တယ်ဆိုရင် ဒီနို့ရည်ကို မဖြစ်မနေတိုက်ကျွေးရပါမယ် ။
၂။ Transitional Milk
နို့ဦးရည်ထွက်ပြီး နောက် ၂ ပါတ်အတွင်း ထွက်တဲ့ နို့ရည်ကိုတော့ Transitional Milk လို့ခေါ်ပါတယ်။ အဆီနဲ့ သကြားဓါတ်တွေပိုမိုပါဝင်ပါတယ်။
၃။ Mature Milk
မီးဖွားပြီး ၂ ပါတ်နောက်ပိုင်းထွက်တဲ့ နို့ရည်တွေကိုတော့ Mature Milk လို့ခေါ်ပါတယ်။ ဒီနို့ရည်ဟာ အဖြူရောင်ဖြစ်လာပြီး ၊ နို့ဦးရည်လို ပျစ်နေတော့ပါဘူး ။ ခန္ဓာကိုယ် ဖွံ့ဖြိုးဖို့အတွက် လိုအပ်တဲ့ အာဟာရဓါတ်တွေ လုံလောက်စွာပါဝင်ပါတယ်။
၎။ Preterm Milk
ကိုယ်ဝန် ၃၇ ပါတ်မတိုင်မီ မွေးဖွားတဲ့ ကလေးတွေကို လမစေ့တဲ့ ကလေး ( Preterm ) လို့ခေါ်ပါတယ်။ လမစေ့တဲ့ ကလေးငယ်တွေကို မွေးဖွားထားတဲ့ မိခင်ကထွက်တဲ့ နို့ရည်ကိုတော့ Preterm Milk လို့ခေါ်ပါတယ်။ လမစေ့တဲ့ ကလေးတွေဟာ ပရိုတင်း၊ ဆိုဒီယမ် ၊ ကယ်လိုရီ ၊ Iron ၊ Immunoglobulins ဓါတွေပိုမိုလိုအပ်တဲ့ အတွက် Preterm Milk မှာ အဲဒီဓါတ်တွေ ပိုမိုပါရှိပါတယ်။

နို့ရည်အမျိုးအစားများ

နို့တိုက်ကျွေးခြင်းကြောင့်ရနိုင်သော အကျိုးကျေးဇူးများ

နို့တိုက်ကျွေးခြင်းဟာ မိခင်ရော ၊ ကလေးအတွက်ပါ တန်ဖိုးမဖြတ်နိုင်တဲ့ အကျိုးကျေးဇူးတွေကိုရရှိပါတယ်။

ကလေးငယ်အတွက်ရရှိနိုင်သောအကျိုးကျေးဇူးများ-

၁။ မိခင်နို့ဟာ ကလေးငယ်အတွက်လုံလောက်တဲ့အာဟာရဓါတ်ကိုပေးပါတယ်။ အချိန်မရွေးရရှိနိုင်ပြီး ၊ အလွယ်တကူကြေညက်လွယ်ပါတယ်။ လတ်ဆတ်ပါတယ်။
၂။ ကလေးငယ်၏ ခုခံအားနှင့် အာရုံကြောဖွဲ့စည်းမှုကို ကောင်းမွန်စေခြင်း ။
၃။ ကလေးငယ်၏ အစာလမ်းကြောင်းနှင့် လုပ်ဆောင်မှုကို ပြည့်စုံကောင်းမွန်စေခြင်း ။
၎။ ဦးနှောက်နှင့် အမြင်အာရုံကိုပိုမိုကောင်းမွန်စေသော fatty acids နှင့် amino acids များပါဝင်ခြင်း ။ ကလေးငယ်၏ ဥာဏ်ရည်၊ ဥာဏ်သွေး ပိုမိုမြင့်မားစေခြင်း ။ ( နို့တိုက်သောကလေးများရဲ့ IQ ဟာ ၊ နို့မှုန့်တိုက်သောကလေးများရဲ့ IQ ထက် 8-10 points ပိုများပါတယ်)။
၅။ ခုခံအားစနစ်ကို ပိုမိုကောင်းမွန်စေသောကြောင့် ရောဂါအမျိုးမျိုးမှ ကာကွယ်ပေးပါတယ်။( ဥပမာ -၀မ်းပျက်ဝမ်းလျှောခြင်း ၊ အသက်ရှုလမ်းကြောင်းရောဂါများ ) ။
၆။ ကလေးငယ်၏ သွားနှင့် မေးရိုးဖွဲ့စည်းမှုကို မှန်ကန်ကောင်းမွန်စေပြီး ၊ စကားပြောဆိုနိုင်မှုကို ကူညီပေးပါတယ်။
၇။ ငှက်ဖျားရောဂါပိုးကို ကာကွယ်ပေးသော PABA - Para Amino Benzoic Acid ပါဝင်ခြင်း ။
၈။ ကလေးငယ်၏ တွေးခေါ်နိုင်စွမ်းကို တိုးတက်စေခြင်း ။
၉။ မိခင်နှင့် ရင်သွေးကြား ချစ်ကြည်မှုကို ပိုမိုခိုင်မာစေခြင်း ။
၁၀။ Food allergies များမှကာကွယ်ပေးခြင်း ။

မိခင်အတွက်ရရှိနိုင်သော အကျိုးကျေးဇူးများ-

၁။ ငွေကြေးကုန်ကျမှုမရှိခြင်း ။
၂။ သားအိမ်ကျုံ့ အားကောင်းစေသောကြောင့် မီးဖွားပြီး သွေးဆင်းခြင်း ( Post Partum Bleedings ) များမှ ကာကွယ်ပေးခြင်း ။
၃။ ကိုယ်ဝန်ဆောင်စဉ် ကိုယ်အလေးချိန်တက်ပြီး ၀လာတတ်ပါတယ်။ နို့တိုက်ကျွေးခြင်းဖြင့် ကိုယ်ဝန်မဆောင်မီက ကိုယ်အလေးချိန်ကို ပြန်လည်ရရှိစေပါတယ်။
၎။ နို့တိုက်ကျွေးခြင်းဖြင့် ရင်သားကင်ဆာ ၊ မမျိုးဥ ကင်ဆာ ( Ovarin cancer ) ၊ သားအိမ်ကင်ဆာ နှင့် အရိုးများ ပွပြီး ကျိုးဆတ်စေသော Osteoporosis ရောဂါများမှ ကာကွယ်ပေးခြင်း ။
၅။ ရင်သွေးငယ်ကို မိခင်နို့တစ်မျိုးတည်းသာ တိုက်ကျွေးပါက မိခင် မမျိုးဥကြွေခြင်း Ovulation ကိုတားဆီးပေးသဖြင့် နောက်ထပ်ကိုယ်ဝန်မရရှိနိုင်ပါ။ ထိုကာလတွင် ဓမ္မတာထိန်နေတတ်ပြီး ကိုယ်ဝန်တားဆေးများကဲ့သို့ပင် ၉၈-၉၉ ရာခိုင်နှုန်းထိ သားဆက်ခြားစေပါတယ်။ ထိုသို့သားဆက်ခြားခြင်းကို LAM - Lactational Amenorrhea Method လို့ခေါ်ပါတယ်။
၆။ ဆီးချိုရောဂါရှင် မိခင်များအတွက် Insulin အသုံးပြုရသော ပမာဏကို လျှော့နည်းစေပါတယ်။
၇။ မိခင်နှင့် ရင်သွေးကြား ချစ်ကြည်မှုကို ပိုမိုခိုင်မာစေပါတယ်။

နို့ထွက်နဲစေသောအကြောင်းအရင်းများ

၁။ ကလေးကို ခွဲစိတ်မွေးဖွားခြင်းကြောင့် နို့ရည်ထွက်ရှိမှု နှောင့်နှေးတတ်ပါတယ်။
၂။ နို့ဗူးတိုက်ကျွေးခြင်းကြောင့်လည်း နို့ထွက်နဲစေပါတယ်။
၃။ ကလေးနို့ဆာနေချိန်တွင် မတိုက်ဘဲထားခြင်း။
၎။ မိခင်နို့အပြင် အခြားသော အစားအစာများကျွေးခြင်း။
၅။ သန္ဓေတားဆေးများသုံးစွဲခြင်း။
၆။ သားမြတ်နာကျင်မှုကြောင့် နို့တိုက်ကျွေးရန် စိုးရွံ့ခြင်း ( ဥပမာ- သားမြတ်ရောင်ရမ်းခြင်း ၊ သားမြတ်ခေါင်းကွဲခြင်း ၊ အနာဖြစ်ခြင်း ) ။

ဘယ်အချိန်မှာ နို့စတင်တိုက်ရမလဲ

စောနိုင်သမျှစောစောတိုက်ကျွေးရပါမယ်။ ရိုးရိုးဖွားမြင်သောကလေးများကို မီးဖွားပြီး ၃၀ မိနစ်အတွင်းစတင်တိုက်ကျွေးရပါမယ်။ ခွဲစိတ်မွေးဖွားသောကလေးများအတွက် မိခင် မေ့ဆေးပြယ်သောအချိန်က စတင်ပြီးတိုက်ကျွေးနိုင်ပါတယ်။

တစ်နေ့ဘယ်နှစ်ကြိမ်တိုက်ကျွေးရမလဲ

ကလေးဆာသော အချိန်တိုင်းတိုက်ကျွေးပါ။ အနည်းဆုံး တစ်နေ့ကို ၇ ကြိမ်မှ ၁၁ ကြိမ်ထိ တိုက်ကျွေးရပါမယ်။

ဖြည့်စွက်စာ လိုအပ်ပါသလား

ကလေး အသက် ၄ လမှ ၆ လအထိ မိခင်နို့ရည်တစ်မျိုးတည်းသာ လိုအပ်ပါတယ်။

နို့တိုက်ကျွေးစဉ်ရှောက်ကြဉ်ရမည့်အချက်များ

ဆေးလိပ်သောက်ခြင်း ၊ အရက်သောက်ခြင်း တို့ကိုရှောင်ကြဉ်ရပါမယ်။ ကင်ဆာဆေးသုံးစွဲနေသူများအနေနဲ့ နို့တိုက်ကျွေးခြင်းမပြုသင့်ပါဘူး ။ ထို့အပြင် တီဘီရောဂါ ၊ ခုခံအားကျခင်းမှုရောဂါ ကူစက်ခံထားရသော မိခင်များအနေနဲ့လဲ နို့တိုက်ကျွေးခြင်းကို ရှောင်ကြဉ်သင့်ပါတယ်။

ဘယ်အခါမှာဖြည့်စွက်စာ ကျွေးသင့်ပါသလဲ

ကလေးငယ်အသက် ၄ လကျော်လာလျှင် ခန္ဓာကိုယ် ဖွံ့ဖြိုးမှုအတွက် အာဟာရ ပိုမိုလိုအပ်လာသဖြင့် မိခင်နို့အပြင် အခြားဖြည့်စွက်စာများကိုလဲ စတင်ကျွေးမွေးသင့်ပါတယ်။

ကလေးကိုယ်အလေးချိန်ဘယ်လောက်တက်သင့်သလဲ

နို့တိုက်ကျွေးနေသောကလေးများအနေနဲ့ အောက်ပါနှုန်းအတိုင်း ကိုယ်အလေးချိန်တက်ပါတယ်။ -
အသက် ၄ လ အထိ တစ်ပါတ်လျှင် ၁၇၀ ဂရမ်
အသက် ၄ လမှ ၆ လအထိ တစ်ပါတ်လျှင် ၁၁၃ မှ ၁၄၂ ဂရမ်
အသက် ၆ လမှ ၁ နှစ်အထိ တစ်ပါတ်လျှင် ၅၇ ဂရမ်မှ ၁၁၃ ဂရမ် ။
အကြမ်းဖျင်းအားဖြင့် အသက် ၄ လအချိန်တွင် မွေးဖွားစဉ်က ရှိသော ကိုယ်အလေးချိန်ထက် ၂ ဆ ရှိရပါမယ်။

Exclusive Breast Feeding

Exclusive breast feeding ဆိုတာ တခြားအစား အစာများ မကျွေးဘဲ မိခင်နို့တစ်မျိုးတည်းတိုက်ကျွေးခြင်းကိုခေါ်ပါတယ်။ ကလေးငယ်ကို မိခင်နို့မှတပါး ရေတောင်မှ မတိုက်ရပါဘူး။ ရေတိုက်ဖို့လဲ မလိုအပ်ပါဘူး။ မိခင်နို့မှာ ရေဓါတ်ပါဝင်မှုက ၈၈ ရာခိုင်နှုန်းပါဝင်တဲ့အတွက် ရေထပ်မံတိုက်ကျွေးစရာမလိုပါဘူး ။ ကမ္ဘာ့ကျန်းမာရေးအဖွဲ့၏ သတ်မှတ်ချက်အရ ကလေး အသက် ၆ လအထိ မိခင်နို့တစ်မျိုးတည်းကိုသာ တိုက်ကျွေးသင့်ပါတယ်။

လုပ်ငန်းခွင်ဝင်သော မိခင်များဘယ်လိုနို့တိုက်ကျွေးမလဲ

လုပ်ငန်းခွင်ဝင်သော မိခင်များအနေနဲ့ မိမိရင်သွေးကို ဆက်လက်နို့တိုက်ကျွေးလို့ရပါတယ်။ အလုပ်မသွားမီ နို့ရည်ကို စနစ်တကျ သန့်ရှင်းစွာ ညှစ်ယူပြီး ၊ သန့်ရှင်းသော ဖန်ခွက်အတွင်းသိုလှောင်ထားပြီး တိုက်ကျွေးသင့်ပါတယ်။ ညှစ်ထားသော နို့ရည်များ ( Expressed Breastmilk ) များကို အေးသော နေရာမှာထားရပါမယ်။ သို့သော် ရေခဲရလောက်အောင် မအေးရပါ။ အလွန်အေးပါက နို့ရည်အတွင်းရှိ အချို့သော ဆဲလ်များ သေသွားတတ်သောကြာင့် နို့ရည်ကို ခဲမထားရပါ။ အနည်းငယ်အေးလျှင်ရပါသည်။

ကမ္ဘာ့နို့ချိုတိုက်ကျွေးရေး ရက်သတ္တပါတ်

နှစ်စဉ် သြဂုတ်လ ၁ ရက်မှ ၇ ရက်ထိ ကမ္ဘာ့နို့ချိုတိုက်ကျွေးရေး ရက်သတ္တပါတ်အဖြစ်သတ်မှတ်ပြီး နိုင်ငံအသီးသီးတွင် မိခင်နို့တိုက်ကျွေးရေးလုပ်ငန်းများကို ဆောင်ရွက်နေကြပါတယ်။ မြန်မာနိုင်ငံမှာလဲ ၁၉၉၂ ခုနှစ်က စတင်ဆောင်ရွက်ခဲ့ပါတယ်။

ယခုနောက်ပိုင်းဖွံ့ ဖြိုးတိုးတက်လာသောကာလတွင် မိခင်နို့တိုက်ကျွေးမှုမှာနည်းပါးလာပြီး ၊ နို့မှုန့်နှင့် အခြားသော နို့အစားထိုးပစ္စည်းများကို အသုံးပြုလာကြပါတယ်။ ထိုအခါ အာဟာရမလုံလောက်ခြင်း ၊ ကူးစက်ရောဂါများပိုမို ကူးစက်ခံရခြင်း ၊ အချိန်မတန်ဘဲ အသက်ဆုံးရှုံးရခြင်းများကို ကြုံတွေ့လာရပါတယ်။တို့ကြောင့် ကမ္ဘာ့ကျန်းမာရေးအဖွဲ့ကြီးက ၁၉၉၀ ခုနှစ်မှာ နို့မှုန့်နှင့် အခြားနို့အစားထိုးပစ္စည်းများ ကြော်ငြာရောင်းချခြင်းကို တားမြစ်သည့် ကြေညာချက် ( Innocenti Declaration ) ကိုထုတ်ပြန်ခဲ့ပါတယ်။ ဒီကြေညာချက်မှာ အောက်ပါအချက်အလက်များလဲပါဝင်ပါတယ်။
၁။ နို့မှုန့်နှင့် နို့အစားထိုးပစ္စည်းများကို ကြော်ညာခြင်းမပြုရ။
၂။ ထိုပစ္စည်းများကို မိခင်များသို့ နမူနာ မဖြန့်ဝေရ ။
၃။ နမူနာပေးခြင်း ၊ ဈေးလျှော့ခြင်းကဲ့သို့သော အရောင်းမြှင့်တင်ခြင်းမျိုးမလုပ်ရ။
၎။ နမူနာများကို ကျန်းမာရေးဝန်ထမ်းများအား မပေးရ။
၅။ ဗူးခွံများတွင် ကလေးငယ်ပုံများ ၊ နို့အစားထိုးပစ္စည်းများကို ကြော်ညာသည့် စာတမ်းများရေးသားခြင်းမပြုရ။

ကုမ္ပဏီများ ၊ ထုတ်လုပ်သော စက်ရုံများသည် ကမ္ဘာ့ကျန်းမာရေးအဖွဲ့ကြီးက ထုတ်ပြန်ထားသော ဥပဒေများအရ အရေးယူခြင်းခံရပါမယ်။ ဒါကြောင့် လူ့စွမ်းအားအရင်းအမြစ်ဖြစ်တဲ့ ရင်သွေးငယ်တို့ ဘ၀ ကျန်းမာရှင်သန်စေဖို့အတွက် မိခင်နို့တိုက်ကျွေးကြပါလို့ နှိုးဆော်လိုက်ရပါတယ်။

လေးစားစွာဖြင့် -
စိုးသီဟ

နို့တိုက်ကျွေးသည့် ခန္ဓာကိုယ်အနေအထား

ကိုးကားစာရင်း : -
၁။ Ghai Essential Pediatrics , 5th edition.
၂။ http://en.wikipedia.org/wiki/Breastfeeding
၃။ http://www.nes.scot.nhs.uk/pharmacy/breastfeeding/topic4/physiology.html
၎။ http://www.fertilityuk.org/nfps50.html
၅။ http://www.growingwell.com/faqs/genfaqsbreastfeeding.htm
၆။ http://www.faqs.org/nutrition/Ar-Bu/Breastfeeding.html
၇။ http://www.mamadearest.ca/en/info/benefits_breastfeeding.htm
၈။ http://www.youtube.com/watch?v=cSb3XT88YxY
၉။ www.youtube.com

Read More...

Collapse...

Do you really love? - 2

ဒီပို့စ်တွေက အမှန်တော့ မိခင်နို့ရည်ရဲ့ တန်ဖိုးကို မျှဝေပေးချင်တဲ့ သဘောလေးပါ။ မိခင်တစ်ယောက် အနေနဲ့ သားသမီးကို မိခင်နို့တိုက်ကျွေးဖို့ ဘယ်လောက်အရေးပါတယ်ဆိုတာ ပြောချင်တာပါ။ Exclusive Breast Feeding ရဲ့အကျိုးကျေးဇူးတွေ... တကယ်လုပ်မယ်ဆိုရင် တွေ့ကြုံရမယ့် အခက်အခဲတွေ ... ဘယ်လို ရင်ဆိုင်ဖြေရှင်းမလဲ ဆိုတာတွေ... တင်ပြချင်တာပါ။

မိခင်နို့တိုက်ကျွေးတာ ကောင်းမှန်း လူတိုင်းသိကြပေမယ့် မတိုက်ဖြစ်တဲ့ အကြောင်းတွေက ရှိနေပါတယ်။ အဲ့ဒီအတွက် နစ်နာမယ်ဆိုရင် ကလေးတွေ နစ်နာပြီး အနာဂတ်မှာ လူမျိုးတစ်မျိုးလုံး နစ်နာမှာ ဖြစ်ပါတယ်။

ပြီးတော့ လူတွေက မိခင်နို့တိုက်ပါ ဘာညာနဲ့ ကြော်ငြာနေရင် အလကားပါလို့ ထင်ကြတယ်။ နို့မှုန့်ဘူး တွေလောက် ကြော်ငြာမကောင်းလို့ ထင်ပါတယ်။ ချမ်းသာတဲ့သူတွေ မပြောနဲ့ ဆင်းရဲပြီး စားစရာမရှိတဲ့ မိန်းမတစ်ယောက် သူ့ကလေးကို ရရာအမှုန့် ၀ယ်တိုက်တာ တွေ့ဖူးတယ်။ အဲ့ဒီ ကွမ်းယာဆိုင်က ဆန်မှုန့်က သူ့ကလေးအတွက် ပိုကောင်းမယ်ထင်လို့ သူက အငတ်ခံပြီး ၀ယ်တိုက်တာပါ။

မိဘတိုင်းအနေနဲ့ ကိုယ့်ကလေးကိုယ် နို့မှုန့်တိုက်တိုက် ဆန်မှုန့်တိုက်တိုက် မိခင်နို့တိုက်တိုက် ကြိုက်တာ တိုက်ခွင့်ရှိပါတယ်။ လွတ်လပ်စွာ ရွေးချယ်ခွင့်ရှိပါတယ်။ ဒါပေမယ့် အဲ့လိုရွေးချယ်ဖို့ ဗဟုသုတ ရှိစေချင်ပါတယ်။

အခု မြန်မာလူမှုပတ်ဝန်းကျင်မှာ ကလေးတစ်ယောက် မွေးပြီဆို အမေလုပ်သူမှာ ဟိုလူပြောတာ လုပ်ရ ဒီလူပြောတာလုပ်ရ... ကောင်းနိုးနိုးနဲ့ ... သူများယောင်လို့ ယောင်ရတာ ချည်းပါပဲ။ အဖေ လုပ်သူ အနေနဲ့လည်း သင့်တင့်တဲ့ ဗဟုသုတရှိပြီး မိဘ ၂ ယောက် တိုင်တိုင်ပင်ပင်နဲ့ ဆုံးဖြတ်ရမယ်။ ပတ်ဝန်းကျင်က အကြံပေးတာတွေကိုလည်း စဉ်းစားပြီးမှ ဆုံးဖြတ်ရမယ်။

ဘေးပယောဂက တော်တော်ဆိုးပါတယ်။ ရှေးလူကြီးတွေကလည်း မလွယ်ဘူး။ ခေတ်လူငယ်တွေကလည်း မလွယ်ဘူး။ ပညာနည်းနည်းတတ်တဲ့ အဖွဲ့ကလည်း မလွယ်ဘူး။ ရှေ့မှာ ကလေးမွေးပြီးသား လူတွေကလည်း မလွယ်ဘူး။

အခုမှ မွေးလာတဲ့ ကလေးကို စေတနာ ထားပါတယ်... ငါပြောလိုက်မှ ဒီကလေး ကောင်းစား ရှာမယ်ဆိုပြီး စေတနာတွေပိုပြီး... ၀ိုင်း မ ကြတော့တာပါပဲ။ ကလေးမှာ ရေဆိုလည်း သောက်ရ သကြားရည်ဆိုလည်း သောက်ရ နို့မှုန့်ဆိုလည်း သောက်ရ... အမျိုးမျိုး ကလိတော့တာပါပဲ။

အဖေ အမေတွေက ကလေးကောင်းကျိုး အတွက် ဘာအကောင်းဆုံးလဲ... ဘာတွေ လုပ်ရမလဲဆိုပြီး သိထားသင့်သလို... ဘေးနားက အကြံပေးတဲ့သူတွေမှာလည်း တာဝန်ရှိပါတယ်။ လုပ်ချင်မှန်း မသိ မလုပ်ချင်မှန်းသိ... အတင်း ဖိအားပေးပြီး လုပ်ခိုင်းတာမျိုး မဖြစ်သင့်ပါ။ တကယ်လို့ မျက်စိရှေ့မှာ အဲ့လို ဖိအားပေးနေတာ တွေ့ရင်လည်း ကန့်ကွက်လို့ရရင် ကန့်ကွက်ပေးသင့်ပါတယ်။ မည်သူမဆိုပေါ့။

ဥပမာ... မွေးစ ကလေးကို ပျားရည်တိုက်ရမယ်.. မွေးမွေးချင်း ရေတိုက်ရမယ်... စသဖြင့် တစ်ယောက်ယောက်က ညွှန်ကြားနေရင်... သူက ဘာအထောက်အထားရှိလို့လဲ... ဘယ်လောက် သိလို့လဲလို့ တွေးကြည့်ပါ။ သူ့ပတ်ဝန်းကျင် သူကိုယ်တိုင်ပါမှ ကလေးတွေ တွေ့ဖူးလှ ၂၀ ၃၀ ပေါ့။ သူ့ကလေးရော သူလုပ်တာပဲလား။ သူ့ကလေးထက် ပိုကောင်းတဲ့ အရာ မရစေချင်လို့ တိုက်တွန်း နေတာလား။ သူ့ စေတနာ ဘယ်လောက်မှန်မလဲ။ သူ့ အသိကရော ဘယ်လောက် မှန်မလဲ။ (ကလေးအတွက် ပြောနေတာထက်ကို သူဆရာဝင်လုပ်ချင်လို့ ပြောနေတာလို့ပဲ မြင်မိပါတယ်။)

အားနာလို့ စွတ်လုပ်စရာ မလိုပါဘူး။ ကိုယ့်သားသမီး အရေး။ သူများပြောတိုင်း လျှောက်လုပ်ဖို့ မွေးထုတ်ထားတာ မဟုတ်ပါဘူး။

ဒီပို့စ်တွေဟာ အပေါ်မှာ ပြောခဲ့သလို မိခင်တစ်ယောက်ထဲနဲ့ ဆိုင်တာ မဟုတ်ပါဘူး။ မိခင်တစ်ယောက်ရဲ့ ရွေးချယ်ခွင့်ကို ပံ့ပိုးပေးဖို့ သူရဲ့ ပတ်ဝန်းကျင်နဲ့လည်း ဆိုင်ပါတယ်။

နို့တိုက်ချင်တဲ့ မိခင်ကို နို့တိုက်ခွင့်ရအောင်... နို့တိုက်ရင်လည်း အဆင်ပြေအောင်... ကူညီပေးရမှာပါ။ နို့မှုန့်တိုက်ချင်ရင်လည်း နည်းစနစ်မှန်အောင်တိုက်ဖို့ ကူညီပေးရပါမယ်။ တချို့ မိခင်တွေမှာက အလုပ်က တစ်ဘက်နဲ့မို့ ဘာညာတို့ ရှိပါတယ်။

နို့မထွက်လို့ဆိုတာတော့... များသောအားဖြင့်... မမှန်ပါဘူး။ နို့မထွက်ဘူးဆိုတာဟာ ကလေးက နို့ကို သေချာစို့မနေဘူးဆိုတဲ့ သဘော သက်ရောက်ပါတယ်။ နို့ဆိုတာ ကလေးစို့လေ ပိုထွက်လေလေပဲမို့ နို့ထွက်စေချင်ရင် ကလေးကို များများပေးစို့ရမှာပဲ ဖြစ်ပါတယ်။ အဲ့ဒီမှာ အခက်အခဲတွေ ရှိပါတယ်။ ကလေးက နို့တပ်တာ မမှန်ရင်... အမေက နာလွန်းပြီး... ဆက်မတိုက်နိုင်တာတွေ ရှိပါတယ်။ စစချင်းဆို နို့ကလည်း စို့တဲ့ဒဏ်ကြောင့် နာတာ ဘာညာနဲ့ အမေ လုပ်သူမှာ တော်တော် ခံရပါတယ်။

တကယ်တော့လေ နို့မှုန့်ဘူးမှာ ရေးထားတာတွေက မိခင်နို့မှာပါတဲ့ဟာတွေကို လိုက်တုပြီး အနီးစပ်ဆုံး တူအောင် ဖော်စပ်ပေးထားတာဖြစ်ပါတယ်။ သဘာဝအတိုင်း နို့ရည်ဂလင်းတွေက ဖော်စပ်တာထက် ပိုကောင်းအောင် လုပ်နိုင်လိမ့်မယ်လို့ မထင်မိပါဘူး။ ပိုမကောင်းဘူဆိုတဲ့ သက်သေလည်း ရှိပါတယ်။

တစ်ခု ရှိသေးတယ်။ နို့မှုန့်ရဲ့ အရသာက ကလေးပိုကြိုက်အောင် ချိုချိုလေး လုပ်ထားတယ်တဲ့။ အဲဒီလို ဆိုတော့ ကလေးက နို့မှုန့်တစ်ခါ တိုက်ပြီးရင် အမေနို့ကို သိပ်ကောင်းတယ် မထင်တော့ဘူးပေါ့။ ပြီးတော့ နို့မှုန့်က ဗူးနဲ့တိုက်ရင်... ကလေးဆီကို ဟောကနဲ ဟောကနဲ ၀င်သွားတာဆိုတော့... ကလေးက အမေနို့ စို့တာလောက် အပင်ပန်းမခံရဘူးပေါ့။ အဲ့တော့ ၂ ခုယှဉ်လိုက်ရင် ကလေးက နို့ဗူးဘက်ကို အားသာသွားပါတယ်။ ဘာမှ မသိတဲ့ ကလေးကို နည်းပညာနဲ့ လှည့်စားတာပါပဲ။

Credit: Ma CyberCandle (Native Myanmar)

Read More...

Collapse...

Do you really love? - 1

တကယ်ချစ်ရဲ့လား

ဒီပို့စ်တွေမှာတော့ သတင်းစာတွေထဲကလို တိုင်းပြည်တွေ လူမျိုးတွေကိုချစ်ရဲ့လားလို့ ပြောသလိုမျိုး လောက်အထိ မဆိုလိုပါဘူး။ ကလေးတွေကို တကယ်ချစ်ရဲ့လားလို့ မေးချင်တာ ဖြစ်ပါတယ်။

လူ့လောကထဲကို ကလေးလေးတစ်ယောက် တ၀ါးဝါးငိုရင်း ရောက်လာပြီဆိုပါတော့။ ကလေးရဲ့ မေမေ ဖေဖေ နဲ့တကွ တစ်မျိုးလုံး တစ်ဆွေလုံး ပျော်ကြပါးကြ ကြိုဆိုကြတယ်ပေါ့လေ။ ဆေးရုံကြီးတွေမှာ မွေးတာဆိုတော့ ဆရာဝန် ဆရာမတွေလည်း စုံစုံညီညီပေါ့။

ဘေဘီလေးကို မွေးပြီးပြီးချင်း နာရီဝက်အတွင်းမှာ မိခင်နို့တိုက်ကျွေးဖို့ လိုပါတယ်။ ဒါက တော်တော် များများ သိတဲ့ကိစ္စ ဖြစ်ပါတယ်။ ဒါပေမယ့် အနည်းစုပဲသိတဲ့ လျှို့ဝှက်ချက်ကတော့ မိခင်နို့တိုက်တယ်ဆိုတာ ပြောသလောက် မလွယ်ဘူးဆိုတာပါပဲ။

မေမေဖြစ်လာပြီဆိုရင် ဘေဘီလေးဗိုက်ဆာမှာတော့ စိုးရိမ်တကြီးနဲ့ ဖြစ်နေမှာပဲပေါ့။ အဲ့တော့ နို့တိုက် ပါပြီတဲ့။ မွေးပြီးပြီးချင်း စစထွက်တဲ့ နို့ကို နို့ဦးရည်လို့ ခေါ်ပါတယ်။ နို့ဦးရည်ဆိုတာ ကြည်ကြည်လေး (နို့အစစ်က ဖြူဖြူကြီးလေ) ပြီးတော့ နည်းနည်းလေးပဲ ထွက်ပါတယ်။ နည်းပေမယ့် ကလေးအတွက်တော့ အကောင်းဆုံးလို့ ပြောလို့ရပါတယ်။ အဲ့ဒီထဲမှာ ရောဂါကာကွယ်နိုင်တဲ့ ပစ္စည်းတွေ ကိုယ်ခံအားကောင်းစေတဲ့ ပစ္စည်းတွေ အများကြီးပါပါတယ်။ ဘေဘီလေးအနေနဲ့ လက်လွတ်မခံသင့်တဲ့ အရာတွေဖြစ်လို့ မေမေက ကြိုးစားရပါမယ်။ စိတ်ရှည်ရပါမယ်။

ကြားသိရသလောက် ကလေးတော်တော်များများဟာ နို့ဦးရည်ကို အပြည့်အ၀ မရကြပါဘူး။

ပြသနာအများစုက ဘယ်လိုဖြစ်တာလဲဆိုတော့ မေမေက နို့ဦးရည်ရဲ့ထွက်နှုန်းက နှေးနေတာကို အားမလို အားမရဖြစ်ပါလိမ့်မယ်။ ကလေးမှ နို့ဝ ပါ့မလား။ နို့ကလည်း မထွက်ဘူးဆိုပြီး စိတ်ပူမိပါလိမ့်မယ်။ အဲ့ဒီမှာ ကလေးကို တခြားဟာတွေ (နို့မှုန့်၊ အချိုရည်) စတာတွေ တိုက်ချင်သလိုလို ဖြစ်လာပါလိမ့်မယ်။ ပြီးတော့ အမေ တစ်ယောက်ထဲရဲ့ ဆုံးဖြတ်ချက်နဲ့ မပြီးပါဘူး။ ဘေးလူတွေကလည်း အားပေးအားမြှောက် လုပ်ကြပါဦးမယ်။

ကလေးကလည်း နို့စို့တာ အထာမကျသေး။ နို့ကလည်း ထွက်တာနည်း။ စိတ်ကလည်းပူ ဘေးလူတွေ ကလည်း မြှောက်ပေး... (မယုံမရှိပါနဲ့ တခါတလေ ဆရာဝန် ဆရာမတွေပါ ကြံရာပါ ဖြစ်ပါသေးတယ်) ... အဲ့ဒါနဲ့ပဲ ဘေဘီလေးကို တခြားအရည်တွေ တိုက်ပါတယ်။ အများစုသော ကလေးဆရာဝန်တွေက ဘေဘီလေးကို အဲ့လိုတိုက်တာကို ပြင်းပြင်းထန်ထန် ဆန့်ကျင်ကြပေမယ့် အလစ်မှာ ခိုးတိုက်ပါတယ်။ ကလေးငိုနေတာကို ပါးစပ်ပိတ်အောင် စပါယ်ရှယ်နာ့စ်တွေက ခိုးတိုက်တာမျိုးလည်း ရှိပါတယ်။

အဲ့ဒီလိုတိုက်လိုက်တော့ ဘာဖြစ်သွားလဲ။ ဗိုက်ထဲမှာ အကြာကြီး အားတွေစုလာတဲ့ ဘေဘီလေးက တော်ရုံ ဘေးအန္တရာယ်လောက်ကို ကာကွယ်နိုင်တဲ့ အတွက် ဆိုးဆိုးဝါးဝါး ဖြစ်ချင်မှ ဖြစ်ပါလိမ့်မယ်။ အဲ့ဒါကြောင့်လည်း ဒီလိုလုပ်ရပ်တွေက သက်ဆိုးရှည်နေတာ ဖြစ်ပါတယ်။

ဒါပေမယ့် အဲ့လိုအရည်တွေ မတိုက်ရင် ပိုကောင်းတယ်ဆိုတာက အဓိကမို့လို့ ကလေးကို တကယ်ချစ်တဲ့ ဖေဖေ မေမေ ဆိုရင်တော့ ဒီလိုလုပ်ရပ်တွေကို ကန့်ကွက်သင့်ပါတယ်။ ဘာလို့လဲ ဆိုရင်... ဘေဘီလေးရဲ့ ဗိုက်သေးသေးလေးထဲကို ၁၀ စီစီ နို့ဝင်ဖို့ဟာ ၅ စီစီအရည်တစ်မျိုး ၀င်သွားပြီဆိုရင် တန်ဖိုးရှိတဲ့နို့ အ၀င်နည်းသွားပါမယ်။ ကလေးက ဗိုက်ပြည့်သွားတော့ နို့ကို ကြိုးစားစို့မှာ မဟုတ်ပါဘူး။ နို့ဆိုတာ စို့လေ များများထွက်လေ.... မစို့လေ မထွက်လေ ဖြစ်လို့.... နို့ထွက်က နည်းနေရာကနေ ပိုနည်းဖို့ ဇာတ်လမ်း ဖြစ်လာပါလိမ့်မယ်။ နို့အဖြူဟာ ပုံမှန်ဆို ၃ ရက်လောက်မှာ ထွက်လာရမှာ... နောက်ကျပါလိမ့်မယ်။ အထွက်နှေးပါလိမ့်မယ်။

မြန်မာအယူ ရှိပါသေးတယ်။ နို့ဦးရည်ကို ညှစ်ပစ်ပြီး နို့အဖြူထွက်လာတော့မှ တိုက်တာ။ ဘယ်လောက် နှမြောဖို့ကောင်းလဲဆိုတာ....။ လုံးဝ ကန့်ကွက်ပါတယ်။

ဘေဘီလေးကို တကယ်ချစ်ကြတဲ့သူတွေ ဘာလုပ်ရမလဲဆိုတော့....
နို့တိုက်ဖို့ ဘာတွေ ပြင်ဆင်ရမလဲဆိုတာ ကလေးမမွေးခင်ထဲက လေ့လာထားသင့်ပါတယ်။ အဲ့ဒီလို လေ့လာတဲ့နေရာမှာ စိတ်ချယုံကြည်ရတဲ့ နေရာတွေက အချက်တွေကို စုဆောင်းဖို့လိုပါတယ်။ အိမ်နားက အဒေါ်ကြီးက ဒီလိုပဲ ပြောလို့တို့ ဘာတို့...

ခေတ်ပညာတတ် မိဘတွေအနေနဲ့ ရိုးရိုးပဲ စဉ်းစားကြည့်ရင် သိပါတယ်။ ကမ္ဘာပေါ်မှာ နို့တိုက်သတ္တ၀ါတွေ အများကြီးရှိတာ... အကောင်ပေါက်လေးတွေဟာ နို့ဦးရည်ကို သောက်ပြီး ကြီးလာကြတာမို့လို့.... လူပေါက်စလေးကိုလည်း နို့ဦးရည်ပဲ အပြည့်အ၀ တိုက်သင့်ပါတယ်။

နို့ဦးရည်မှာ ပါဝင်တဲ့ ပစည်းတွေကိုလည်း သေချာ ဓာတ်ခွဲစမ်းသပ်ပြီးလို့ ကလေးအတွက် ၁၀၀% အကျိုးရှိတဲ့ အရာဆိုတာ လက်ခံနိုင်စရာရှိပါတယ်။

မေမေက ဘေဘီလေးကို တကယ်ချစ်တယ်ဆိုရင် ပတ်ဝန်းကျင် ဘေးပယောဂတွေကို ဖြတ်ကျော်ပြီး မွေးပြီး နာရီဝက်အတွင်း မိခင်နို့ဦးရည်ကို စိတ်ရှည်လက်ရှည် တိုက်ကျွေးသင့်ပါကြောင်းနဲ့ ပတ်ဝန်းကျင် အသိုင်းအ၀ိုင်းများ အနေနဲ့လည်း မှန်ကန်တဲ့ အားပေးမှုကိုပဲ လုပ်သင့်ပါကြောင်း....

Credit: Ma CyberCandle (Native Myanmar)

Read More...

Collapse...