တီဘီပိုးနှင့် သလိပ်ခပ်ခြင်း အနုပညာ

တီဘီပိုးအတွက် သလိပ်စစ်ရအောင် သလိပ်ခပ်ပေးပါလို့ဆိုလာတဲ့ သူနာပြုဆရာမလေးရဲ့ စကားအဆုံးမှာ သလိပ်ထည့်တဲ့ ခွက်ကို ခပ်မြန်မြန်လှမ်းယူလိုက်ကာ အလျှင်စလို တံတွေးထွေးထည့်လိုက်တဲ့ ဝေဒနာရှင်တစ်ဦးရဲ့ အပြုအမူကြောင့် ကျွန်မရင်ထဲ ကျင်ခနဲ ခံစားလိုက်ရသေးသည်။

ward ထဲမှာ လူနာတော်တော်များများ ကျန်သေးတာမို့ နောက်ထပ် သလိပ်ခွက်အသစ်ပေးပြီး သလိပ်ခပ်ပုံကို သေချာသင်ပေးဖို့ သူနာပြုဆရာမလေးကို ပြောရင်း လူနာတွေ ဆက်ကြည့်နေဖြစ်လိုက်သည်။ ဆေးရုံ ဆေးခန်းတွေမှာ မကြာခဏ မြင်နေရတတ်တဲ့ အဖြစ်အပျက်ပေမယ့် သလိပ်ခွက်ကလေး တခွက်က ဘယ်လောက် အရေးကြီးတယ်ဆိုတာ ဝေဒနာရှင် ကိုယ်တိုင်လည်း သိဖို့အရေးကြီးတယ် မဟုတ်လား။ 

 တကယ်ဆို ကမ္ဘာ့ကျန်းမာရေးအဖွဲ့ကြီးက ၂၀၅၀ ခုနှစ်မှာ တီဘီရောဂါ ဖြစ်ပွားမှုနှုန်းကို တမီလီလျှံမှာ တစ်ယောက်နှုန်းအထိ လျှော့ချကာ တီဘီရောဂါကို တိုက်ဖျက်ဖို့ ရည်မှန်းချက်များ ထားခဲ့သလို၊ ထောင်စုနှစ် ရည်မှန်းချက်များထဲမှ တစ်ခုဖြစ်တဲ့ ၂၀၁၅ ခုနှစ်မှာ တီဘီရောဂါဖြစ်ပွားမှုနှုန်းနဲ့ သေဆုံးမှုနှုန်းကို ၁၉၉၀ ခုနှစ်များထက် ထက်ဝက် လျော့ကျအောင် လျာထားချက်ထားလျှက်ရှိတဲ့ တီဘီရောဂါဟာ အရှေ့တောင်အာရှမှာ ၂၀၁၀ အတွင်း အသစ်ဖြစ်ပွားမှုနှုန်း ၃၅% ရှိနေဆဲပါ။အဲဒီလို သက်ဆိုးရှည်ရှည်နဲ့ ကမ္ဘာကို ချိမ်းခြောက်နေတဲ့ ရောဂါပိုးကြီးကို ရောဂါစစ်ဆေးမှုတွေက အစ ပေါ့ပျက်ပျက် လုပ်နေမယ်ဆို တကယ်ပဲ ရည်မှန်းချက်တွေ အချိန်မှီပြည့်မှီလာနိုင်ပါမလားလို့ စိုးထိတ်မိတာ ကျွန်မလွန်များ နေသလားရှင်။ 

ဒီလို အန္တရာယ်များတဲ့ ရောဂါဆိုလည်း ဘာလို့များ ရှေးရိုးစွဲပြီး သလိပ်ပဲ စစ်နေမလဲ၊ ပိုးမွေးတာတို့ မျိုးရိုးဗီဇ စစ်တာတို့ စတဲ့ ခေတ်မှီစမ်းသပ်စစ်ဆေးမှုတွေ တိုးတက်ဖွံ့ဖြိုးတဲ့ နိုင်ငံကြီးတွေနဲ့ အထူးကုဆေးရုံကြီးတွေမှာ စစ်ဆေးနိုင်နေတာပဲ မဟုတ်လားလို့ မေးစရာရှိလာပါတယ်။ 

ဟုတ်ပါတယ်။ တီဘီပိုးမွေးပြီး အဖြေရှာတာဟာ ပိုမိုတိကျတဲ့ စစ်ဆေးမှုဖြစ်ပေမယ့် ပုံမှန် တီဘီပိုးမွေးခြင်းဟာ ၆ပတ်က ၈ ပတ်ထိ ကြာတတ်တာ၊ ကျန်းမာရေးအရင်းအမြစ်တွေ ပိုမိုလိုအပ်တာတွေ အပြင် ခေတ်မှီစမ်းသပ်မှုတွေနဲ့ သလိပ်ပိုးမွေးလျှင် ရက်သတ္တပတ် တစ်ပတ် ကျော်တဲ့အခါ အဖြေသိနိုင်ပေမယ့် ကုန်ကျစရိတ်များတာရယ် ခေတ်မှီနည်းစနစ်တွေ လိုအပ်ပြန်ပါတယ်။ ဒါကြောင့် ဖွံ့ဖြိုးပြီးနိုင်ငံတွေမှာရော အထူးသဖြင့် ဖွံ့ဖြိုးဆဲနိုင်ငံတွေမှာပါ တီဘီရောဂါပိုးကို စစ်ဆေးရာမှာ ရောဂါလက္ခဏာ ၊ ဓါတ်မှန်၊ သလိပ် စတဲ့အခြေခံ စစ်ဆေးမှုများကို အသုံးပြုဆဲဖြစ်ပါတယ်။

 အဲဒီထဲမှာမှ သလိပ်ပိုးစစ်ခြင်းဟာ နှစ်တစ်ရာကျော်ကတည်း က စတင်သုံးစွဲခဲ့ကာ အခြေခံကျပြီးဈေးသက်သာ လျှင်မြန်တဲ့ စနစ်တစ်ခုဖြစ်တဲ့အပြင် ထိရောက်တဲ့ စစ်ဆေးမှုအဖြစ်လည်း တွင်တွင်ကျယ်ကျယ် ရှိနေဆဲပါ။ ဒါ့အပြင် သလိပ်စစ်တာဟာ ကမ္ဘာ့ကျန်းမာရေးအဖွဲ့အစည်းက ထုတ်ပြန်ထားတဲ့ ဝေးလံခေါင်သီတဲ့ ကျန်းမာရေး အရင်းအမြစ်ရှားပါးရာ နေရာတွေမှာ အသုံးပြုဖို့ ထောက်ခံထားတဲ့ စစ်ဆေးမှု တရပ်လည်း ဖြစ်ပါတယ်။ ကျွမ်းကျင်တဲ့ ဓတ်ခွဲခန်း ပညာရှင်တယောက်ရဲ့ စေ့စပ်တဲ့ စစ်ဆေးမှုနဲ့လုပ်မယ်ဆိုရင် လူအယောက်တစ်ရာမှာ သိလွယ်မှု ၇၂ % ခန့် ရှိပြီး တိကျခိုင်လုံမှု ၉၉% ရှိတဲ့ သလိပ်ပိုးစစ်ခြင်း ဟာ လျှင်မြန်တဲ့စစ်ဆေးမှု တစ်ခုလည်းဖြစ်ပါတယ်။ ပုံမှန်အားဖြင့် တစ်ရက်ကနေ နှစ်ရက်အတွင်း အဖြေထုတ်ပေးနိုင်လေ့ရှိတဲ့ သလိပ် စစ်ဆေးမှုဟာ အလျှင်မြန်ဆုံးအနေနဲ့ နာရီပိုင်းအတွင်း ပြုလုပ်နိုင်တာဖြစ်ပါတယ်။

 ဒါဆို သလိပ်စစ်တဲ့အဖြေပေါ်မူတည်ပြီး ဘယ်လို အကျိုးဆက်တွေ ရနိုင်မှာမို့လို့ပါလို့ မေးလာရင်တော့ … ။

 တီဘီပိုးကို ပထမအကြိမ်သလိပ်ထဲမှာပဲ တွေ့ရမယ်ဆိုရင် တီဘီရောဂါနဲ့ သက်ဆိုးမရှည်စေတော့ဘဲ ကုသမှု အမြန်ဆုံးရနိုင်မှာပါ ။ မတွေ့ရသေးဘူးဆိုရင်တော့ အဆုတ်အအေးပတ်မှု အနေနဲ့ကုသနေစဉ် တီဘီပိုးဟုတ်မဟုတ် သေချာတဲ့အထိ တခြား စစ်ဆေးမှုတွေ လုပ်ရမှာဖြစ်ပြီး မလိုလားအပ်တဲ့ အချိန်နှောင့်နှေးမှုတွေနဲ့ ကြုံရပြန်ပါတယ်။ တီဘီပိုး သလိပ်ထဲမှာ မတွေ့ဘဲ တီဘီဖြစ်နိုင်တယ်ဆိုတာ သိထားကြသလို ခုခံအားကျဆင်းမှု ရောဂါများပြားလာတာနဲ့အမျှ တီဘီပိုး သလိပ်မှာမတွေ့တဲ့ ဝေဒနာသည်တွေ များလာတာကိုလည်း အများပြည်သူ သိပြီးဖြစ်မှာပါ။ 

 တီဘီပိုးကို သလိပ်မှာ မတွေ့သူများအတွက် ရောဂါဝေဒနာ ကို ကျွမ်းကျင်သူများမှ စမ်းစစ်ပြီး ကုသနိုင်ဖို့ ပြဌာန်းချက်များရှိပေမယ့် ကမ္ဘာအနှံ့အပြားမှာ အခက်အခဲများစွာ ရှိနေသေးတာကို တွေ့ရပါတယ်။ 

 ဒါကြောင့် သလိပ်ပိုးစစ်ခြင်းဟာ ထိရောက်တဲ့အကျိုးဆက်များရှိတာမို့ သလိပ်စစ်ဖို့ သလိပ်ခပ်ခြင်းဟာလည်း အရေးပါတဲ့အခန်းက ပါဝင်ပြန်ပါတယ်။ ပုံမှန်အားဖြင့် အဆုတ်တီဘီ၊ လည်ချောင်းတီဘီ၊ အဆုတ်မဟုတ်တဲ့အခြားနေရာတွေမှာ တီဘီဖြစ်ပြီးချောင်းဆိုးနေတဲ့ သူတွေ၊ ဓါတ်မှန်မှာ မသင်္ကာစရာ အမှတ်အသားများ တွေ့ရှိတဲ့သူများ၊ တီဘီရောဂါပိုးကို အရေပြားမှတဆင့် စမ်းသပ်စစ်ဆေးတွေ့ရှိပြီး ချောင်းဆိုးနေတဲ့သူများ ဒါမှမဟုတ် ဓါတ်မှန်မှာ တီဘီရောဂါဖြစ်နိုင်ချေရှိတဲ့ လက္ခဏာ တွေ့သူများ စသည်တို့ကို သလိပ်ကို တီဘီပိုးစစ်ဆေးသင့်ပါတယ်။ 

၁။ သလိပ်ခပ်ခြင်းနှင့် ကျန်းမာရေး ပညာပေး 

ကျန်းမာရေးဝန်ထမ်းအနေနဲ့ သလိပ်ခပ်ဖို့ ဗူးလေးတွေကို မပေးခင် လူနာနဲ့ လူနာရဲ့အဖော်ကို သလိပ်ဘယ်လို ခပ်ရမလဲဆိုတာကို သေချာရှင်းပြပေးရပါမယ်။ ဒါ့ပြင် သလိပ်ပိုး စစ်ဆေးခြင်းဟာ ရောဂါရှာဖွေဖို့ ကုသနေစဉ်အတွင်း အခြေအနေကို ဆုံးဖြတ်ဖို့ ဘယ်လောက် အရေးကြီးတဲ့နေရာက ပါတယ်ဆိုတာကို ရှင်းပြရပါမယ်။ 

၂။ သလိပ်ကို ဘယ်နှစ်ခါ ယူရပါမလဲ 

မနက်ခင်းခပ်တဲ့သလိပ်ဟာ ပိုးအများဆုံးပါဝင်နိုင်တာမို့ မနက်ခင်း သလိပ်ခပ်ခြင်းဟာ အသင့်လျှော်ဆုံး ဖြစ်ပါတယ်။ အိပ်ရာထပြီးခါစ အစာမစားခင် ရေနဲ့ (အခြားအာလုပ်ကျင်းရည်များ မသုံးစေလိုပါ ) အာလုပ်ကျင်းပြီး သလိပ်ခံရပါမယ်။ အခက်အခဲကြောင့် အခြေအနေ အချိန်အခါကိုလိုက်ပြီး တီဘီပိုးသလိပ်မှာ စစ်ဆေးဖို့ လိုလာတဲ့သူဆီကတော့ ၈နာရီ မှ ၂၄နာရီ ခြားပြီး သလိပ်ကို သုံးခါ ဆက်တိုက်ယူရမှာဖြစ်ပြီး အနည်းဆုံး မနက်လင်းခပ်တဲ့သလိပ် တစ်ခါပါရမှာဖြစ်ပါတယ်။ 

၃။ သလိပ်ခပ်တဲ့ဗူးကို ဘယ်လိ်ုကိုင်တွယ်ရပါမလဲ သလိပ်ခပ်ဖို့ အဆင်သင့်မဖြစ်မချင်း သလိပ်ဗူးကို မဖွင့်တာ အကောင်းဆုံးပါပဲ။ သလိပ်ခံပြီးရင်တော့ သလိပ်ဗူးကို စနစ်တကျပိတ်ပြီး အပြင်ဘက်ကို ဆေးကြောသန့်စင်ကာ သလိပ်ဗူးထည့်တဲ့ အိတ်ထဲပြန်ထည့်ရပါမယ်။ 

၎။ သလိပ်ကို ဘယ်လိုခံရပါမလဲ 

သလိပ်ဗူးထဲကို သလိပ်ခပ်ဖို့ ကြိုးစားစဉ် တခြားသူများကို တီဘီပိုး ကူးစက်နိုင်တာမို့ လူအများနဲ့ဝေးရာနေရာမှာ သလိပ်ခပ်သင့်ပါတယ်။ ဒါ့အပြင် သလိပ်ပိုးကို ဓါတ်ခွဲခန်းထဲမှာ ဘယ်တော့မှ မခပ်သင့်ပါဘူး။ 

၅။ သလိပ်ကောင်းကောင်းရအောင် ဘယ်လိုခပ်ရမလဲ 

သလိပ်ခပ်ခြင်းမှာ သွားရည် နည်းနိုင်သမျှနည်းပြီး သလိပ်များများပါဖို့အရေးကြီးပါတယ်။ ဒါကြောင့် အသက်ကိုပြင်းပြင်း ထပ်ခါ ထပ်ခါရှုသွင်း ရှုထုတ်ပြီး သလိပ်များပါအောင် ရင်ဘတ်တွင်းမှ ချောင်းဆိုးနိုင်တဲ့အထိ ပြုလုပ်ခြင်းဖြင့် သလိပ်ရနိုင်ပါတယ်။ အဲဒီနောက်မှာ လက်ဘက်စားဇွန်းတစ်ဇွန်း အပြည့်ရအောင် သလိပ်ခပ်ရပါမယ်။ လုံလောက်တဲ့ ပမာဏရမှသာ အဖြေကောင်းကောင်း ထွက်နိုင်မှာမို့ပါ။ 

၆။ သလိပ်ခွက်ကို သိမ်းဆည်းခြင်း 

သလိပ်ခပ်ပြီးရင်တော့ သလိပ်ခွက်ကို အရစ်ကျအောင် သေချာပိတ်ပါ။ သလိပ်ခွက် အပြင်ဘက်ပိုင်းကို သေချာ သန့်စင်ရပါမယ်။ ထုတ်ပိုးပြီး ကျန်းမာရေးဝန်ထမ်းတွေဆီကို ပြန်ပေးနိုင်ပါပြီ။ ကျန်းမာရေး ၀န်ထမ်းတွေက သင့်နံမည်နဲ့ကျန်တဲ့ အချက်အလက်တွေကို ယူပြီးတဲ့နောက်မှတစ်နေ့တာ အတွက် သလိပ်ခပ်ခြင်း ပြီးဆုံးမှာဖြစ်ပါတယ်။ 
နောက်ရက်မှာတော့ ဒီလိုနည်းနဲ့ နောက်တနေ့စာ သလိပ်ကို ခပ်ရမှာဖြစ်ပါတယ်။
 နေ့ခင်းဘက် ထမင်းစားချိန်အပြီးမှာ တာဝန်ကျ သူနာပြုဆရာမလေးကို ခေါ်ပြီး ဝေဒနာရှင်ကို သလိပ်ခပ်နည်းနဲ့ စနစ်တကျသလိပ်ခပ်ခြင်းက တဆင့် ရနိုင်တဲ့ အကျိုးဆက်တွေကို တစ်ခေါက်ရှင်းပြဖြစ်ခဲ့ပါတယ်။ တခြားအလုပ်တွေ ရှုပ်နေတဲ့ကြားက ဘာလို့ အဲလိုအသေးစိတ် ကိစ္စကလေးတွေကို ရေးကြီးခွင်ကျယ်လုပ်နေတာလဲလို့ မေးလာတဲ့ သူနာပြု အသစ်ကလေးကို ကျွန်မ ပြုံးပြရင်း စကားတစ်ခွန်းတော့ ဆိုဖြစ်ခဲ့ပါတယ်။ အပြောင်းအလဲ အကြီးကြီးတွေဆိုတာ အသေးအဖွဲ ကိစ္စကလေးတွေကနေ ဖြစ်ခဲ့တာမဟုတ်လား .. လို့… ။

စာဖတ်ပရိတ်သတ်အား ချစ်ခင်လေးစားလျှက်
မွန်းသက်ပန် (ဆေး ၁)
မောက္ခ ပညာရေး မဂ္ဂဇင်း
၂၆ ရက် ဇွန်လ ၂၀၁၂

Read More...

Collapse...

Q and A TB တီဘီ ဖြစ်နေတာကို ဆိုလိုတာပါလား

Aug 6, 2010 at 10:08 PM
ဆရာခင်ဗျာ ...
ကျနော်သိချင်တာပါ မေးခွင့်ပြုပါခင်ဗျာ။ ချောင်းဆိုးတာ တစ်လနီးပါး ချောင်းဆိုးပါတယ်။ ချောင်းဆိုးရင်တော့ သွေးတော့ မပါဘူးပါ။ ညနေခင်းပိုင်းနဲ့ ညခင်းအိပ်ခါနီးလောက်ဆို အဖျား နည်းနည်း ရှိနေပါတယ်။ ခန့်မှန်းခြေ မနက်ခင်း ၈ နာရီ လောက်ထိ အဖျား နည်းနည်းရှိတုန်းပါ။ အဲဒီနောက်ပိုင်း လူကောင်းပတိပါ။ ဖျားခြင်းနာခြင်း လုံးဝမရှိပါ။ အစားအသောက်လည်း လုံးဝပျက်လာပါတယ်။ အားကစားလုပ်တိုင်း ခါတိုင်းနဲ့မတူ ပိုပြီး အမောလွယ်နေပါတယ်။ နောက်တော့ လူကအရမ်းကို ပိန်လာပါတယ်။ ဘယ်လောက်ဘဲ စားစား ဝမလာတော့ပါ။

အပေါ်က လက္ခဏာတွေက တီဘီ ဖြစ်နေတာကို ဆိုလိုတာပါလား။ တီဘီ ဖြစ်နေတယ်ဆိုလျှင် ဆေးသောက်ရုံနဲ့ ပျောက်ပါသလား။ ဆရာဝန်နဲ့ပြ ဆေးရုံတက်ပြီး ကုသပြီးမှ ပျောက်နိုင်တာမျိုးလား။ ဆေးသောက်ရုံနဲ့ ပျောက်နိုင်တယ်ဆို ဘာဆေးတွေ သောက်ရလဲ ညွှန်းပေးပါ ဆရာ။

အဆင်ပြေသွားတာ တစ်ခုရှိပါတယ် (ချောင်းဆိုးတ့ ၃ ပတ်မြောက်လောက်မှာ သောက်ဖြစ်တာပါ)။ အဲဒါက ချောင်းဆိုးလွန်း အားကြီးလို့ဆိုပြီး ဆိုင်မှာသွားဝယ်တဲ့ ဆေးကိုသောက်ကြည့်တော့ ဆေးလည်းကုန်ရော ချောင်းဆိုး တော်တော်ကို သက်သာ သွားပါတယ်။ ချောင်းဆိုးအဆင်ပြေသွားတော့ အစားအသောက်ပျက်တာရယ် လူချောင်ကျ သွားတာရယ်က နဂိုမူရင်းက မူရင်း အတိုင်းပါဘဲ ထူးခြားမလာပါဘူး။

နောက်တစ်ခုဆိုးတာက အစာက စားချင်သည်ဖြစ်စေ ၊ မစားချင်သည်ဖြစ်စေ မရရအောင် ကောင်းကောင်း စားသောက်ြပီး နေပါတယ်။ ဝမ်းပုံမှန်သွားပါတယ်။ ဒီလိုနေထိုင်ပါလျက်နဲ့ လူကပိန်မြဲပိန်နေပြီး၊ စားတဲ့ အစားစာအာဟာရတွေ ဘယ်ရောက် ကုန်မှန်းမသိပါ။ အဲဒါလေးလည်း သိချင်ပါတယ် ဆရာ။

ဒီမေးခွန်း မဖတ်ရခင်ကလေးက တီဘီ အကြောင်းရေးခဲ့တာကို ပြန်စစ်ပြီး၊ နောက်ဆုံးထုတ် ၂၀၁၀ ဆေးစာအုပ်အတိုင်း ဆေးနည်း ပြင်ရေးနေခဲ့တယ်။ တိုက်တိုက် ဆိုင်ဆိုင်ပေါ့ဗျာ။

ဟုတ်ကဲ့ တီဘီ ရှိ-မရှိ စစ်တာ မမှားပါ။ ပြောတာတွေ အတော်များများက ရောဂါနဲ့ ဆင်တူနေတယ်။ ခုခေတ်မှာ တိုင်းပြည်တိုင်း လိုလို ဒီရောဂါဒဏ် ခံနေကြရတယ်။

ဓါတ်မှန်ရိုက်ရမယ်။ သလိပ်စစ်ရတယ်။ လိုအပ်ရင် သွေးစစ်မယ်။ ကောင်းတာက ရင်ပတ်အထူးကု၊ သမားတော်၊ ရိုးရိုးဆရာဝန်၊ တနေရာရာမှာ ပြပြီး သူတို့ခိုင်းတာ စစ်ပါ။ ဓါတ်မှန်ရိုက်ရင် ဓါတ်မှန် ဖတ်ပေးတဲ့နေရာမှာ ရိုက်ပါ။

ဖြစ်တယ်ဆိုရင် ၂ မျိုးဖြစ်နိုင်တယ်။ (၁) သလိပ်ပိုးတွေ့၊ အဆုပ်မှာတွေ့။ (၂) သလိပ်ပိုးမတွေ့၊ အဆုပ်မှာတွေ့။ ဘာဖြစ်ဖြစ် ဆေးကုလို့ရတာတွေချည်းပါ။ မပူပါနဲ့။ ၆ လ ၉ လ အလွန်ဆုံး ကြာတယ်။ ဆေးပေးနည်း နေရာတခုနဲ့တခု နဲနဲစီ မတူကြဘူး။ သေခြာတာက ပျောက်မဲ့ရောဂါပါ။ များသောအားဖြင့် ဆေးရုံမတက်ရပါ။ စောစောသိ၊ စောစောကုလေ ကောင်းလေပါ။ ခုခေတ်မှာ ထိုးဆေး သိပ်မသုံးကြတော့ဘူး။ ဆေးကောင်းတွေ ပေါ်နေပါပြီ။ ကံမကောင်းသူတွေ၊ နောက်ကျသူတွေ၊ ဆေးပါတ် မလည်သူတွေဆိုရင် ဆေးယဉ်တဲ့ပိုးဖြစ်လို့ ဆေးအဆန်းတွေနဲ့ ကုရတယ်။

ဆေးစစ်ပြီး လိုရင် ပြောပါ။ အားမနာပါနဲ့။ ကျန်းမာမှာ ဘာမဆို လုပ်နိုင်တယ် မဟုတ်လား။

အချိန်ရရင် Tuberculosis (TB) တီဘီ ကို ဖတ်ပါ။ တခြားဆရာတွေ ရေးထားတာလည်း တွေရှိပါတယ်။

Dr. တင့်ဆွေ
၆-၈-၂၀၁၀

Read More...

Collapse...

ဆရာဝန်တွေကို တီဘီ သင်မပေးကြတော့တာ စိုးရိမ်စရာ

ဆရာဝန်တွေကို တီဘီရောဂါ ရှာဖွေစမ်းသပ်မှုနဲ့ ကုသရေးကို အရင်ကလို သင်ပေးခြင်းမရှိတာကို World Medical Association (WMA) ကမ္ဘာ့ဆေးပညာအသင်းက စိုးရိမ်တယ်လို့ ၁၆-၁၀-၀၉ နေ့က ပြောလိုက်ပါသတဲ့။ ဒါ့ကြောင့် (အွန်လိုင်း) ကနေ မွမ်းမံသင်တန်းပေးမယ်လို့လဲ ဆိုပါတယ်။

ဒီသင်တန်းမှာ တီဘီရောဂါရဲ့ အခြေခံ သတင်း အချက်အလက်တွေ၊ နောက်ဆုံးပေါ် ရောဂါရှာဖွေနည်းတွေ၊ ဘယ်လို ကုသရမယ်၊ နောက်ပြီး ဆေးပေါင်းစုံ ခံနိုင်ရည်ရှိတဲ့ တီဘီ အကြောင်းအရာတွေ ပါမယ်လို့ ဆိုပါတယ်။ နောက်တခါ လူနာတွေအဘို့ ဆေးကုသမှုအပေါ်မှာ စဉ်ဆက်မပြတ် လိုက်နာနေဘို့နဲ့၊ နေရာဒေသမရွေး အသုံးချနိုင်အောင် တကမ္ဘာလုံး ခြုံ့ကြည့်တတ်ဘို့ ဆိုတာတွေလည်း ပါပါအုံးမယ်။

၂၀၀၆ ခုနှစ်မှာ Multidrug-resistant tuberculosis (MDR-TB) ဆေးပေါင်းစုံ ခံနိုင်ရည်ရှိတဲ့ တီဘီ အကြောင်းကို (အွန်လိုင်း) ကနေစလုပ်ခဲ့တုံးက ဆရာဝန်တွေဟာ တီဘီရောဂါရဲ့ အခြေခံ အချက်အလက်တွေကို မေ့နေကြတာကို သိလာရတယ်လို့ ဆိုပါတယ်။ ကမ္ဘာပေါ်က နေရာ အတော်များများမှာ ဒီရောဂါက ပပျောက်သွားပြီမို့ ဖွံ့ဖြိုးတိုးတက်တဲ့ နိုင်ငံတွေမှာ တီဘီလူနာဆိုတာကို ဆရာဝန်တွေ မြင်တောင် မမြင်ဘူးကြတော့ဘူး။ ဒါ့ကြောင့်လဲ တီဘီရောဂါ ရှာဖွေ စမ်းသပ်တာ နဲ့ ကုသရေးကို သင်ပေးစရာ မလိုတာမျိုး ဖြစ်သွားရပါသတဲ့။

အခုတော့ တီဘီဟာ ခေါင်းပြန်ထောင်လာတာမို့ တကမ္ဘာလုံးက ဆရာဝန်မှန်သမျှ တီဘီကို အခြေခံကအစ သိထားဘို့ လိုတာမို့ (အွန်လိုင်း) မွမ်းမံသင်တန်းဟာ တီဘီအဖြစ်များတဲ့ ဖွံ့ဖြိုးဆဲတိုင်းပြည်တွေမှာ အတော်အသုံးဝင်ပါလိမ့်မယ်။

သင်ရိုးညွှန်းတမ်းကို ကမ္ဘာ့ဆေးပညာအသင်းအတွက် New Jersey Medical School Global Tuberculosis Institute, USA ကနေ ရေးသားပြုစုတာပါ။ တီဘီကို “အတိတ်ကဝေဒနာ” လို့တောင် ထင်ထားကြပါတယ်။ တကယ်တော့ တနေ့ တနေ့ လူပေါင်း ၄၅၀၀ ဟာ တီဘီကြောင့် သေနေကြရတာပါ။ သေရသူတွေကလည်း အလုပ် လုပ်နိုင်တဲ့ အရွယ် ၁၅ နှစ် ကနေ ၅၄ နှစ်အရွယ်တွေ ဖြစ်ပါတယ်။ လူ ၉ သန်းဟာ တီဘီဖြစ်လာနေပြီး၊ နှစ်တိုင်း ၂ သန်းဟာ တီဘီကြောင့် သေရတယ်။ တကမ္ဘာလုံးဆိုရင် လူပေါင်း ၂ ဘီလျံဟာ တီဘီဝေဒနာသယ်တွေပါ။ HIV ရှိသူတွေရဲ့ ၇၅%ဟာ တီဘီ ရှိနေကြပါတယ်။

သင်တန်းသစ်ဟာ တကမ္ဘာလုံးက လက်ခံ ကျင့်သုံးနေတဲ့ တီဘီကို ဘယ်လို ထိန်းမလဲဆိုတဲ့ နိုင်ငံတကာ ဗျူဟာနဲ့ လိုက်လျော ညီထွေ ဖြစ်ပါတယ်။ ကမ္ဘာ့ဆေးပညာအသင်းက လွန်ခဲတဲ့ ၂ နှစ်ကတည်းက ပေးနေတဲ့ ဆေးပေါင်းစုံပြီးတဲ့ တီဘီ အစီအစဉ်နဲ့ပါ ဆက်နေပါမယ်။ အစိုးရဌာနဆရာဝန်ဖြစ်ဖြစ် အလွတ်ဆရာဝန်ဖြစ်ဖြစ်ကို အခမဲ့ပေးမဲ့ သင်တန်း ဖြစ်ပါတယ်။ သင်တန်းပြီးထားရင် (ခရက်ဒစ်)ဆိုတဲ့ ဆရာဝန်ရဲ့ပညာ-အတွေ့အကြုံ မှတ်တမ်းမှာ အမှတ်ရပါမယ်။ ဒါဟာ စဉ်ဆက်မပြတ် ဆေးပညာ သင်ယူရေး အစီအစဉ် Continuing medical education programme အရ ဖြစ်ပါတယ်။ အင်္ဂလိပ် ဘာသာအပြင် ပြင်သစ်၊ စပိန်၊ တရုပ်နဲ့ ရုရှားလိုပါ သင်ပေးမှာပါ။

ဒီပညာသင်အစီအစဉ်ကို Lilly MDR-TB Partnership ကနေ တီဘီထိန်းချုပ်ရေးအတွက် Global Plan to Stop TB 2006-15 ကို အထောက်အကူပေးတဲ့အနေနဲ့ ကန့်သတ်မှုမရှိ ငွေကြေး အထောက်အပံ့ ပေးမှာပါ။ ဒီလိုလုပ်နေတာဟာ တကမ္ဘာလုံးက ဖွံ့ဖြိုးရေး အဖွဲ့အစည်းနဲ့၊ အတတ်ပညာသင် (အင်စတီကျု) ပေါင်း ၂၀ ကနေ ဆောင်ရွက်နေတာ ဖြစ်ပါတယ်။

Dr. တင့်ဆွေ

Read More...

Collapse...

Tuberculosis (TB)

တီဘီ အဆုပ်နာ ကူးစက် ရောဂါ

(ဘလော့ခ်) တွေမှာ စာဝင်ရေးမိတာ မကြာသေးဘူး။ သူများတွေတော့ (ဘလော့ခ်)ကို ဘယ်လိုသဘောထားလေသလဲတာ့ မပြောတတ်ဘူး။ ကိုယ့်ဖါသာ ထင်တာလေးပြောရရင် ကူးစက်ရောဂါဘဲဗျ။ နောက်ပြီး ဆေးစွဲသလိုလဲ စွဲတတ်သေးတယ်။ အဟုတ်ပါ၊ ဆရာဝန်ဆိုတာ လူမြင်ရင် လူနာ ထင်နေတတ်လို့ ပြောတာ မဟုတ်ဘူးနော်။

ကျွန်တော် အခုလောကထဲ ရောက်လာချိန်မှာ ကွန်ပြူတာ ဆိုတာ ပေါ်မလို့ ရှိသေးတယ်။ စပြီး ကိုင်ဖူးချိန်မှာ (မော်နီတာ) တွေက အဖြူ-အမဲ။ ၂၈၆-၃၈၆ ဆိုတဲ့ခေတ်။ သင်ပြန်တော့ (ဒေါ့စ်) ကနေ စရတာ။ (၀င်းဒိုး)က မပေါ်သေးဘူးလေ။ နောက်လူတွေ သိမှာ မဟုတ်ဖူး။ အဲလိုရေးတာ ကြွားချင်လို့ “နောက်လူတွေ ငါတို့လောက်သိရှာမှာ မဟုတ်ဖူး”လို့ ဆိုချင်တာ မဟုတ်ပါကြောင်း အလျင်စလို တောင်းပန် ပါရစေ။ လူဟောင်းတွေက ပညာတွင်း နက်ခဲ့သဗျ။ နောက်လူတွေက ခူးပြီး-ခတ်ပြီး အသင့် စားသုံး နိုင် လာကြတာ ဓမ္မတာပါ။ အခု လူတွေကလည်း နောက်လူ တွေကို အဲလို ပြန်ပြောကြ ဦးမှာနော။

ကျွန်တော့် လုပ်ဖေါ်ကိုင်ဖက် တယောက်ရှိတယ်။ သူက နယ်စပ်မှာ အကြာကြီး နေခဲ့ပြီးမှ မြို့တက်လာတာ။ ကွန်ပြူတာလို ပစ္စည်းကိုလည်း တော်တော်နဲ့မထိဘူး။ ထိမဲ့ ထိတော့လည်း အခု သူက(ဘလော့ခ်) ဆရာ ဖြစ်နေပြီ။ ကိုယ့်ဖါသာလည်း ဖွင့်ထား၊ သူများ ကိုလည်း လိုက်သင်ပေး နေရပြီ။ စွဲသလား မမေးနဲ့။ နေ့- ည (ဘလော့ခ်)ဖတ်-ရေး၊ မှေးချိန်၊ တွေးချိန်၊ စားချိန်၊ အဲ့့ သောက်ချိန် လောက်ပဲ ဘဲနား ပုံရတယ်။ သူစွဲပြီး သိပ်မကြာပါဘူး၊ ကျွန်တော့်ကို ကူးပါ လေရောဗျို့။



ဘာနဲ့တူလဲ သိလား၊ (တီဘီ) လိုဘဲ အနားက ခြောက်ပေ အတွင်း ရှိသူမှန်သမျှ လူကြီး - ကလေး အခမဲ့ ဝေပေး နေတာမျိုး။ ကျွန်တော့် အနီးအနား မှာ နောက်တယောက် ကြတော့ သူ့ဖါသူ တတ်နေပြီး၊ သူများကို ပြောပြ - သင်ပေးလေ့ မရှိဘူး။ တီဘီ မှာလည်း အဲလို အမျိုးအစား လည်း ရှိတာကိုး။ သူများကို ကူးတတ်တာနဲ့ သူ့ဖါသာသူ ရောဂါ ခံနေရတာ နှစ်မျိုး။ သလိပ်စစ်လို့ ပိုးတွေ့သူနဲ့ ပိုးမတွေ့သူ ဆိုတဲ့ နှစ်မျိုးပေါ့။ Positive and Negative ခေါ်သလို Open Case and Close Case လို့လဲ ခေါ်ကြပါတယ်။

အဲဒီ ရောဂါက ဆိုးလို့ တကမ္ဘာလုံး နှိမ်နင်းရေးတွေ လုပ်နေကြတာ ကြာပါပြီ။ ဆိုးတယ် ပြောတာက ကူးလို့၊ အဖြစ်များလို့၊ သေစေ လို့ပါ။ ပိုဆိုးတယ် လို့ပြောနိုင်ပြန်ပြီဗျ။ အခုထိ ခေါင်းထောင်ဆဲ၊ ဘာလို့လဲ ဆိုတော့ ဖြစ်ဆဲ၊ ကူးဆဲ၊ သတ်ဆဲ ဖြစ်နေ လို့ပါ။ ခေါင်းမာဆဲ လည်း ဖြစ်သေးတယ်။ ကုနေကြဆေးကို မမှုတော့၊ မဖြုံတော့လို့ပါ။ ကျွန်တော်နေတဲ့ တိုင်းပြည်မှာ ရောက်နေကြတဲ့ ဒုက္ခသည် တွေထဲမှာ အဲလို ဆေးတွေ ပြီးတဲ့ ရောဂါသည်တွေ ရှိနေတယ်။

ကျွန်တော့် ဆေးခန်းလေးကို လာပြ သူတွေ ထဲမှာလဲ (တီဘီ) ရောဂါသည် အရေအတွက် တိုးတိုး လာတယ်။ တချို့ဆို မကြာခင်ကမှ တိုင်းပြည်ကနေ ပြေးလာရပြီး (တီဘီ) ဆေးပါတ် မစေ့သေးသူ ကလေး - လူကြီးတွေ ပါတယ်။ တချိန်ကဆိုရင် လူတယောက် ပိန်ခြောက်ခြောက် ဖြစ်နေ၊ ချောင်းလေး ဆိုးနေရင် (တီဘီ) ကို သံသယ ရှိခဲ့တယ်။ တကယ်တော့ မဟုတ်ပါ။ လူကောင်ကြီးကြီး၊ ဆေးလိပ် မသောက်သူတွေ အကြောင်း တခုခုကြောင့် ဆေးစစ်လိုက်မှ အဆုပ်ထဲ ရေ၀င်နေတာ တွေ့နိုင်တယ်။ ပေါင်ခြံတို့ လည်ပင်းတို့ အကြိတ်ပေါ်တာ သွားစမ်းမှ (တီဘီ) မှန်း သိရတယ်။ ဒါ့ကြောင့် မပေါ့ဘို့ အထူး လိုပါတယ်။

ကလေးတွေ ဖွါးပြီးတာနဲ့ ဘယ်ဘက် လက်မောင်း အပေါ်နေရာမှာ ထိုးပေးတာ (တီဘီ) ကာကွယ်ဆေးပေါ့။ (ဘီစီဂျီ) လို့ ခေါ်တာ။ သြကာသ လောကကြီးထဲ မရောက်ခင်၊ လူတွေနဲ့မထိမတွေ့ခင် ဦးအောင် လုပ်ပေးရတာပါ။ ဘာလို့လဲဆိုတော လူတောထဲမှာ ပိုးတွေ ရှိနေလို့၊ ပိုးနဲ့မတွေခင် ရောဂါပြီး စေမဲ့ သတ္တိတွေ ကလေး ကိုယ်မှာ ဖြစ်လာနှင့်အောင် ကာကွယ်ဆေးကို ထိုးပေး ရတာပါဘဲ။ အကြံ မကောင်း ပါလား။ အရင်ကတော့ ကလေးတွေ ကလေးမျိုးစုံနဲ့ကစားရ - အတူနေရ တော့မှာမို့ ကျောင်းမထားခင် တခါ ထပ်ထိုး ရတယ်။ အခု မလိုတော့ဘူး။ ဘာလို့လဲဆိုတော့ ကျောင်းမထားခင် ကတည်းက ကလေးတွေဟာ ပိုးရှိသူတွေနဲ့အတူ နေခဲ့ပြီး ဖြစ်တာမို့ မထူးတော့ တာပါ။

အခုဆိုရင် (တီဘီ) ရောဂါပြီး တယ်ဆိုတာကို သံသယ ရှိစရာတောင် ဖြစ်လာပြီ။ စောစောက ရေးသလို ဖြစ်ဆဲ၊ ကူးဆဲ၊ သတ်ဆဲ ဖြစ်နေလို့ပါ။ ကာကွယ်ဆေး ရဲ့ သဘောက ရောဂါပိုး ၀င်လာရင် ကိုယ်ထဲမှာ ဒီပိုးကိုတိုက်ဖျက်နိုင်စွမ်းတွေ အလိုလို ထွက်စေတာမို့ နောက်ထပ် ၀င်လာတဲ့ပိုးကိုပြန်ချဘို့ ကိုယ့်မှာ ခံနိုင်ရည် ရှိနေအောင် လုပ်ပေး ရတာပါ။ ပိုးတမျိုးမျိုးကို ရောဂါ အထိ မဖြစ်စေဘဲ သူ့ ပိုးအစွမ်း သတ္တိ ကလေးသာ ကျန်နေအောင် အဲဒီပိုးကို နှိပ်ကွပ်ပြီး၊ သေးသိမ်အောင် လုပ်ထားတာ လေးကို ကာကွယ်ဆေး အဖြစ် ပေးရ တာပါ။ BCG ထိုးလိုက်တဲ့ နေရာလေးမှာ အနာ လာဖြစ်တယ် မဟုတ်လား၊ အဲဒါ အဲဒီ နေရာလေးမှာ ကွက်ပြီး (တီဘီ) ဖြစ်နေတာဗျ။ ဒါ့ကြောင့် ကလေးက နည်းနည်း ကိုယ်ပူ လာတာပေါ့။ အဲလို ဖြစ်နေတုံး ကလေး ကိုယ်ထဲမှာ ဒီပိုးကို ပြန်ချမဲ့ သတ္တိတွေက သူ့ဖါသာ ထွက်လာ စေတော့ တယ်။ အဲ့့ နောက်တခါ (တီဘီ) ပိုးဝင်လာ လို့ကတော့ ဒီသတ္တိက ပြန်ချ နိုင်အောင် စီမံ ထားလိုက်တာ ပါဘဲဗျာ။ (အင်တီဘော်ဒီ) လို့မှတ်ရတာ အောက်တယ်၊ (အတွင်းအား) လို့မှတ်ဗျာ။

အတွင်းအား တွေနဲ့အစွမ်း ကောင်းလှတဲ့ ဇာတ်လိုက်တွေ ကြာတော့ ရိုးလာ သလိုဘဲ ပိုးဆိုတဲ့ အကောင် သေးမွှားမွှားလေးတွေက ကိုယ်ထက် ငယ်တော့ ကိုယ့်ထက်လည်တယ် ဆိုတာမျိုးလို အခု (တီဘီ) ခေါင်းထောင် နေဆဲပါ။ လေကနေ သယ်ပို့တဲ့ နည်းဖြစ်လို့ လေထု ပတ်ဝန်းကျင် သိပ်မကောင်းတဲ့ နေရာမျိုးမှာ ကူးစက်တာပါ။ ရုပ်ပတ်ဝန်းကျင် မကောင်းတာ မျိုးကလည်း ဆင်းရဲတာနဲ့တိုက်ရိုက် အချိုးကျတယ်။ ဆင်းရဲတော့ စီမံကိန်း လုပ်တာတွေက အညံ့စား - အပေါစားတွေဖြစ်တတ်တယ်။ စာရင်း ဇယားကို အောင်မြင် နေ ပါတယ်၊ တိုးတက် နေပါတယ်ဆိုပြီး လိမ်ပြတာ ကြိုက်တဲ့ အုပ်ချုပ်ရေး စနစ်မျိုးပါ ရှိနေပြန်ရင် သွားပြီပေါ့။ (တီဘီ) ပိုးက သင်္ချာ မတတ်လဲကူး၊ သင်္ချာမေဂျာ လဲ ကူးတာကိုး။

ကျွန်တော်တို့ အဲလို ပညာမျိုး သင်ရချိန်မှာ အဲလို ခေတ်မို့ “ကူးစက် ရောဂါတွေ သည် လူမှု စီးပွါးရေး မကောင်းပါသဖြင့် ပို၍ ဖြစ်ရသည်” ဆိုတဲ့ ကောက်ချက်ကို မချရ ဘူးတဲ့။ မခက်ဘူးလား။ နှိမ်နင်းရေးတွေ အောင်မြင် နေပါတယ် လို့ အစီရင်ခံစာ မှာ ပြရတော့ (တီဘီ) က ရီတာပေါ့။ အဲဒါ ကျန်းမာရေး ရာဇ၀တ်မှုဘဲ။ ဘာလို့လဲဆိုတော့ အခုထိလူတွေကို ဖြစ်ဆဲ၊ ကူးဆဲ၊ သတ်ဆဲဖြစ်နေလို့ပါ။ အခြေအမြစ်ကို မသတ် နိုင်သရွေ့ ရောဂါဆိုတာ မပျောက်ပါ။

တင့်ဆွေ

Read More...

Collapse...

3D Fund will use 21 million dollar in 2007-08

၂၁၊ ၈၊ ၂၀၀၇

သရီးဒီဖန် ၂၀၀၇-၀၈ ခုနှစ်တွင် ဒေါ်လာ ၂၁ သန်းသုံးမည်

မြန်မာနိုင်ငံတွင် ခုခံကျရောဂါ၊ တီဘီရောဂါ နှင့် ငှက်ဖျားရောဂါ တို့ကို တိုက်ဖျက်ရန် သြစတေးလျ နှင့် ဥပရောပသမဂ္ဂ (European Union) အဖွဲ့ဝင် နိုင်ငံများဖြစ်သော အင်္ဂလန်၊ နယ်သာလန်၊ နော်ဝေး၊ ဆွီဒင် တို့က 3DFund (Three Diseases Fund) ခေါ် ရန်ပုံငွေ တစ်ရပ်ကို ထူထောင်ခဲ့လေသည်။ စီမံကိန်း သက်တမ်း ၅ နှစ်အတွက် အမေရိကန် ဒေါ်လာ သန်းပေါင်း ၁၀၀ ခန့်ကို သုံးစွဲသွားမည်ဟု ဆိုလေသည်။ အဆိုပါ ရန်ပုံငွေသည် မြန်မာနိုင်ငံအနေဖြင့် လတ်တလော ရရှိနေသော လူမှုကူညီရေး အထောက်အပံ့များအနက် အများဆုံးဟု ဆိုနိုင်ပေမည်။

၂၀၀၇ ခုနှစ် စက်တင်ဘာတွင်စတင်သော ဘဏ္ဍာရေးနှစ်အတွက် ကုလသမဂ္ဂလက်အောက်ခံအဖွဲ့များ၊ အန်ဂျီအိုများ စုစုပေါင်း ၂၅ ဖွဲ့ကို အမေရိကန်ဒေါ်လာ ၂၁ သန်းကျော် ထောက်ပံ့သွားမည်ဖြစ်ကြောင်း 3DFund ၀က်ဆိုက် တွင် ဖော်ပြထားသည်။

စာကိုး
Funding Round 1, Three Diseases Fund, retrieved from http://www.3dfund.org/funding.html on August 21, 2007.

Read More...

Collapse...