Wednesday, August 22, 2007

3D Fund will use 21 million dollar in 2007-08

၂၁၊ ၈၊ ၂၀၀၇

သရီးဒီဖန် ၂၀၀၇-၀၈ ခုနှစ်တွင် ဒေါ်လာ ၂၁ သန်းသုံးမည်

မြန်မာနိုင်ငံတွင် ခုခံကျရောဂါ၊ တီဘီရောဂါ နှင့် ငှက်ဖျားရောဂါ တို့ကို တိုက်ဖျက်ရန် သြစတေးလျ နှင့် ဥပရောပသမဂ္ဂ (European Union) အဖွဲ့ဝင် နိုင်ငံများဖြစ်သော အင်္ဂလန်၊ နယ်သာလန်၊ နော်ဝေး၊ ဆွီဒင် တို့က 3DFund (Three Diseases Fund) ခေါ် ရန်ပုံငွေ တစ်ရပ်ကို ထူထောင်ခဲ့လေသည်။ စီမံကိန်း သက်တမ်း ၅ နှစ်အတွက် အမေရိကန် ဒေါ်လာ သန်းပေါင်း ၁၀၀ ခန့်ကို သုံးစွဲသွားမည်ဟု ဆိုလေသည်။ အဆိုပါ ရန်ပုံငွေသည် မြန်မာနိုင်ငံအနေဖြင့် လတ်တလော ရရှိနေသော လူမှုကူညီရေး အထောက်အပံ့များအနက် အများဆုံးဟု ဆိုနိုင်ပေမည်။

၂၀၀၇ ခုနှစ် စက်တင်ဘာတွင်စတင်သော ဘဏ္ဍာရေးနှစ်အတွက် ကုလသမဂ္ဂလက်အောက်ခံအဖွဲ့များ၊ အန်ဂျီအိုများ စုစုပေါင်း ၂၅ ဖွဲ့ကို အမေရိကန်ဒေါ်လာ ၂၁ သန်းကျော် ထောက်ပံ့သွားမည်ဖြစ်ကြောင်း 3DFund ၀က်ဆိုက် တွင် ဖော်ပြထားသည်။

စာကိုး
Funding Round 1, Three Diseases Fund, retrieved from http://www.3dfund.org/funding.html on August 21, 2007.

Read More...

Monday, August 20, 2007

The Request

မြန်မာလူမျိုး ပြည်သူ့ကျန်းမာရေး ဆိုင်ရာ ကျွမ်းကျင်သူများသည် ကမ္ဘာအနှံ့ တာဝန်ထမ်းဆောင်ရင်း လူ့အသက်ပေါင်းများစွာကို ကယ်တင်လျက် ရှိကြသည်။ ထို့အတူ မြန်မာနိုင်ငံတွင်းတွင်လည်း ရောက်ရာနေရာမှ ကျရာတာဝန်ထမ်းဆောင်နေသော ပြည်သူ့ကျန်းမာရေး ဆိုင်ရာ ကျွမ်းကျင်သူများလည်း ရှိပေသေးသည်။ သို့ရာတွင် ဤအုပ်စု နှစ်ခုမှာ တွေ့ဆုံခဲလှသည်။ ပညာရပ်ဆိုင်ရာ ဆွေးနွေးတိုင်ပင်မှုများ မရှိသလောက်ရှားကာ မိမိတို့၏ အတွေ့အကြုံများကို လက်ဆင့်ကမ်းနိုင်မှုတွင် အားနည်းလှပေသည်။ နှမျောစရာ ကောင်းလှပါတကား။

ယနေ့ခေတ်သည်ကား အင်တာနက်ခေတ်ပင် ဖြစ်ကာ သမားရိုးကျ ဆက်သွယ်ရေး နည်းလမ်းများ ဖြစ်သော သတင်းစာ၊ ရေဒီယို နှင့် ရုပ်မြင်သံကြားတို့သည် ဘလောက် ခေါ် အင်တာနက်စာစောင်များကို မယှဉ်နိုင် ဖြစ်လာရသည်။ သတင်းဦး သတင်းထူးများမှာ ဘလောက်များတွင် သာတွေ့ရပြီး သတင်းစာ၊ ရေဒီယို နှင့် ရုပ်မြင်သံကြားတို့က နောက်မှ နေ၍ အပြေးအလွှား လိုက်နေကြရသည်။

ထိုကဲ့သို့ မြန်ဆန်အသုံးဝင်လှသော ဆက်သွယ်နည်းကို အသုံးချ၍ အထက်ပါ အုပ်စု နှစ်ခုကို ပေါင်းကူးဆက်သွယ်ပေးလိုသည်။ မြန်မာနိုင်ငံတွင် ကြုံတွေ့နေရသော ပြည်သူ့ကျန်းမာရေး ပြဿနာများကို ဆွေးနွေး တိုင်ပင် အဖြေရှာစေလိုသည်။ နိုင်ငံတကာတွင် ရှာဖွေတွေ့ရှိလာသော ပြည်သူ့ကျန်းမာရေး ပညာ နည်းနာသစ်များကို ဝေမျှကြစေလိုသည်။ လူများနိုင်သမျှ များများကို ပါဝင်လာစေနိုင်ရန်အတွက် မြန်မာစာ ကို အဓိက ဘာသာစကား အနေဖြင့်ထားပြီး ဆွေးနွေးသွားမည်ဖြစ်ပြီး ရံဖန်ရံခါ အင်္ဂလိပ်ဘာသာ ဖြင့်ဆွေးနွေးမှုများလည်း ပါရှိမည် ဖြစ်သည်။

ဤကဲ့သို့ မြန်မာလူမျိုး ပြည်သူ့ကျန်းမာရေး ပညာရှင်များ စုပေါင်းပါဝင်မည့် ဘလောက်တွင် ရက်သတ္တ နှစ်ပတ်လျင် စာတစ်ပိုဒ်ခန့် အနည်းဆုံး ရေးသားနိုင်မည်ဆိုပါက မိမိတို့၏ တစ်သက်တာ အတွေ့အကြုံများကို ဝေမျှ ရေးသားကြပါရန် တိုက်တွန်းလိုက်ရပေသည်။

လေးစားစွာဖြင့်
ရဲမွန်မြင့်

စိတ်ပါဝင်စားပါက မှတ်ချက်တွင် အမည် နှင့် ဆက်သွယ်ရန် လိပ်စာ ရေးသားပေးသွားပါရန်။

Read More...

(Daw) Swe Zin Htaik enrolls in Blogosphere

မြန်မာ့ နာမည်ကြီး ရုပ်ရှင်မင်းသမီး အဖြစ်မှ လူမှုကူညီရေး လုပ်ငန်းများကို တစိုက်မတ်မတ် လုပ်ဆောင်နေသော (ဒေါ်) ဆွေဇင်ထိုက်သည် ၄င်း၏ အတွေ့အကြုံ နှင့် အမြင်များကို ဘလောက်ရေးသားခြင်းဖြင့် မျှဝေနေလေပြီ။

ဘလောက်လိပ်စာမှာ
http://graceswezinhtaik.blogspot.com/

Read More...

Sunday, August 12, 2007

UNAIDS enrolls in blogosphere

၁၂၊ ၈၊ ၂၀၀၇

ယူအန်အေ့ဒ်စ် လည်း ဘလောက် လုပ်ရလေပြီ
  • ဘာ ... ဘလောက် ... အဲဒါ ဘာကြီးလဲ။
  • ဘလောက်ရေးနေမယ့် အစား အားကစားလေး ဘာလေး တစ်ခုခု လုပ်ပါလား။
  • ဘယ်သူကဖတ်မှန်းမသိ၊ ဘယ်သူကလာပြီး မှတ်ချက်ပေးသွားမှန်း မသိနဲ့ အချိန်ကုန်ခံပြီး ရေးနေသေးတယ်။
  • တော်တော်အားနေပုံရတယ်။
ကျွန်တော့် ဘလောက် လိပ်စာက ဒါလေ။ အားရင် လာဖတ်ပါလား လို့ဆိုလိုက်ရင် ရလာတတ်တဲ့ တုန့်ပြန်မှုလေးတွေပေါ့။

ဒါပေမယ့်လည်း ခေတ်ရေစီးကို လူတွေ မလွန်ဆန်နိုင်ကြပါ။ ဘလောက်ကို အထင်သေးသူများ အနေနဲ့ ရုပ်မြင်သံကြား ပေါ်ခါစမှာတုန်းက “တစ်နေ့နေ့ တချိန်ချိန်ကျရင် လူတွေ ဒီလေးထောင့်ပုံးလေးကို ထိုင်ကြည့်ချင်တော့မှာ မဟုတ်ဘူး” ... လို့ ဟောကိန်းထုတ်ခဲ့သူလို ဖြစ်နေကြပါလိမ့်မယ်။

မောင်ရဲမွန် တစ်ယောက် ဘာကြောင့်များ သိုင်းဝိုင်းနေပါလိမ့်။ အကြောင်းရင်းက ဒီလို ...

UNAIDS လို့ခေါ်တဲ့ ကုလသမဂ္ဂရဲ့ ခုခံကျရောဂါ ဆိုင်ရာ အဖွဲ့အနေနဲ့ ကိုယ်ပိုင် ဘလောက်တစ်ခုကို စတင် ထုတ်လွှင့်လိုက်ပြီ ဖြစ်လို့ပါပဲ။ ခွေးလှေးခုန်လို့ ဖုန် မထပေမယ့် UNAIDS ခုန်ရင်တော့ ဖုန်ထပါလိမ့်မယ်။ ခုခံကျ ရောဂါနဲ့ ပတ်သက်တဲ့ သုတေသနစာတမ်းတွေ လေ့လာချက်တွေဟာ နေ့စဉ်နှင့် အမျှ အများအပြားထွက်နေတာကြောင့် လူတွေကို မျက်စိလည်စေပါတယ်။ ဘယ်စာတမ်းကိုလေ့လာသင့်လဲ၊ ဘယ်စီမံချက်ကို နမူနာယူသင့်သလဲ ဆိုတာတွေကို လွယ်လွယ်ကူကူသိရှိ နိုင်အောင်လို့ ကုလသမဂ္ဂ ခုခံကျရောဂါဆိုင်ရာ အဖွဲ့က ဘလောက်တစ်ခုကို ၂၀၀၆ ခုနှစ်လောက်ကတည်းက စတင်ခဲ့ပါတယ်။ အဲဒီအချိန်တုန်းကတော့ UNAIDS ၀န်ထမ်းတွေအတွက်သာ ဖြစ်ခဲ့ပြီး တဖြည်းဖြည်း လူကြိုက်များလာတဲ့ အတွက် အများပြည်သူများ လေ့လာနိုင်ရန် နဲ့ ပါဝင်ဆွေးနွေးနိုင်ရန် လွန်ခဲ့တဲ့နှစ်ရက် (သြဂုတ် ၁၀ရက်နေ့) က ဖွင့်ပေးခဲ့ပါတယ်။ HIV/AIDS နဲ့ပတ်သက်တဲ့ သိပ္ပံနည်းကျ လေ့လာချက်တွေကို အနှစ်ချုပ် ရေးသားထားတဲ့အတွက် အချိန်ကုန်နည်းနည်းနဲ့ အရေးကြီးတဲ့ အချက်အလက်တွေကို သိရှိနိုင်မှာဖြစ်ပါတယ်။

သွားရောက်လေ့လာချင်တယ် ဆိုရင်ဖြင့် http://hivthisweek.unaids.org/

စာကိုး
New Blog gets HIV science online ကို ဆီလျော်အောင် ဘာသာပြန်ဆိုသည်။

Read More...