Public Health in Myanmar: August 2009

Sunday, August 30, 2009

ပြည်သူ့ကျန်းမာရေး

နိဒါန်း
ပြည်သူ့ကျန်းမာရေး တိုးတက်လာအောင် ပြုလုပ်တဲ့ လုပ်ငန်းဆောင်တာတွေကို ၂၁ရာစု ကမ္ဘာနဲ့အ၀ှမ်းမှာ ဘက်ပေါင်းစုံ၊ ထောင့်ပေါင်းစုံကနေ ကျယ်ကျယ်ပြန့်ပြန့် ပြုလုပ်နေကြပါတယ်။ လူတစ်ဦးချင်း၊ တစ်ယောက်ချင်း အလိုက် ပြုလုပ်ရတဲ့ လုပ်ငန်းဆောင်တာတွေကနေ နိုင်ငံတော် အဆင့်၊ ကမ္ဘာ့ အဆင့်မှာ ပြုလုပ်ရတဲ့ လုပ်ငန်း ဆောင်တာတွေ အထိ ကျယ်ပြန့်နက်နဲ လှပါတယ်။ ရှေးယခင်တုန်းကတော့ ကျန်းမာရေး ဆိုတဲ့ စကားလုံးဟာ ဆေးရုံတွေ၊ ကျန်းမာရေးဌာနတွေနဲ့ပဲ ဆက်စပ်ပေမယ့် ယနေ့ခေတ်ကာလမှာကျတော့ ဒီစကားလုံးဟာ အိမ်၊ အလုပ်ခွင်၊ ကျောင်း၊ ဆေးရုံ၊ လူငယ်စင်တာ၊ လမ်းမပေါ်စတဲ့ နေရာတွေအထိ ရောက်နေပါပြီ။ အေအိုင်ဒီအက်စ် ရောဂါနဲ့ ပတ်သက်တဲ့ ပညာပေး ပိုစတာတခုကို လမ်းမပေါ်မှာ ကပ်ထားတာဟာလဲ ပြည်သူ့ကျန်းမာရေး မြှင့်တင်တဲ့ လုပ်ငန်းပဲ ဖြစ်ပါတယ်။ ပြည်သူ့ကျန်းမာရေး မြှင့်တင်ရေးဟာ ဘာကြောင့် အရေးကြီးရပါသလဲ။

ကျန်းမာရေး အခွင့်အလမ်း

ပြည်သူ့ကျန်းမာရေးမြှင့်တင်ရေးလုပ်ငန်းတွေ အရေးကြီးရတဲ့ အကြောင်းရင်းကတော့ ကျန်းမာရေးဆိုတာ လူသားတိုင်း ခံစားခွင့်ရှိတဲ့ လူ့အခွင့်အရေး တစ်ရပ် ဖြစ်နေလို့ပါပဲ။ ကျန်းမာရေးဆိုတာ ရောဂါကင်းဝေးရုံ၊ နာမကျန်းဖြစ်မှု ကင်းဝေးရုံတင် မဟုတ်ဘဲ ကာယ၊ စိတ္တ၊ လူမှု ကောင်းမွန် ပြည့်ဝနေတဲ့ အခြေအနေ တစ်ရပ်ကို ခေါ်ဆိုတာ ဖြစ်တယ်လို့ ကမ္ဘာ့ ကျန်းမာရေး အဖွဲ့ကြီးက အဓိပ္ပာယ် ဖွင့်ဆိုခဲ့ပါတယ်။

ကျန်းမာရေး ဆိုတာကို အခွင့်အရေး တစ်ရပ်အနေနဲ့ ရှုမြင်သုံးသပ်မှုကို နိုင်ငံသား၊ လူမှုရေး တရားမျှတမှု စတဲ့ သဘောတရားတွေနဲ့ ဆက်စပ်ကြည့်လို့ရပါတယ်။ ပညာရှင် Plant (1998) က နိုင်ငံ တစ်နိုင်ငံမှာ ရှိတဲ့ နိုင်ငံသားတွေဟာ အဲဒီနိုင်ငံရဲ့ ကျန်းမာရေး၊ ပညာရေးနဲ့ စီးပွားရေးရာ လုံခြုံရေးကို ပံ့ပိုးပေးနိုင်မယ့် အရင်းအမြစ်တွေကို ရရှိခံစားခွင့် ရှိတယ်လို့ ဆိုထားခဲ့ပါတယ်။ ဒီသဘောတရားအရ သက်ဆိုင်ရာနိုင်ငံအစိုးရတွေဟာ သူ့နိုင်ငံထဲမှာ မှီတင်းနေထိုင်ကြတဲ့ ပြည်သူလူထုတွေရဲ့ ကျန်းမာရေး၊ ပညာရေး၊ စီးပွားရေးရာ ဖွံ့ဖြိုးတိုးတက်ရေး၊ လုံခြုံရေးတွေကို ဆောင်ရွက်ပေးဖို့ တာဝန်ရှိပါတယ်။ လူမှုရေး တရားမျှတမှုဆိုတဲ့ သဘောတရားမှာကျတော့
(၁) လွတ်လပ်တဲ့ လူ့အဖွဲ့အစည်းရဲ့ အခြေခံအုတ်မြစ်ဟာ နိုင်ငံသူ၊ နိုင်ငံသားအားလုံးရဲ့ တန်းတူညီမျှမှု ဖြစ်တယ်။
(၂) နိုင်ငံသူ၊ နိုင်ငံသားတိုင်းဟာ သူတို့ရဲ့ အခြေခံ လိုအပ်ချက်တွေကို ပြည့်မီ နိုင်စေမယ့် အခွင့်အရေးတွေကို ခံစားခွင့် ရှိတယ်။
(၃) မိမိကိုယ်ကို ရိုသေ လေးစားမှုနဲ့ ကိုယ့်ကြမ္မာ ကိုယ် ဖန်တီးနိုင်ခွင့် အတွက် ကျယ်ပြန့်တဲ့ နိုင်ငံသား အခွင့်အလမ်းတွေ ရရှိဖို့လိုအပ်တယ်။
(၄) တန်းတူညီမျှမှု မရှိတာတွေ အားလုံးဟာ တရားမျှတမှု မရှိတာတော့ မဟုတ်ဘူး။ ဒါပေမယ့် တရားမျှတမှု မရှိလို့ ဖြစ်ရတဲ့ တန်းတူညီမျှမှု မရှိတာတွေကို လျှော့ချပေးပြီး၊ ဖြစ်နိုင်ရင် ဖယ်ရှား ပစ်ရမယ် ဆိုတဲ့ အခြေခံ စည်းမျဉ်း လေးချက် ရှိပါတယ်။

ကျန်းမာရေး အခွင့်အလမ်းဟာ ဒီသဘောတရားနဲ့ ဆက်စပ်နေပါတယ်။ ကျန်းမာရေးဆိုတာ လူမှုရေး တရားမျှတမှု အခွင့်အလမ်း တစ်ခုပဲ ဖြစ်ပါတယ်။ ဒါပေမယ့် အရင်းအမြစ်တွေ ရှားပါးနေချိန်မှာ ကျတော့ ဒီအခွင့်အလမ်းကို လူသား အားလုံး အပြည့်အ၀ရရှိဖို့ အလွန်ပဲ ခဲယဉ်းပြန်ပါတယ်။ အရင်းအမြစ်တွေကို မျှမျှတတ ဖြစ်အောင် ဘယ်လို ခွဲဝေအသုံးချမလဲ ဆိုတဲ့ ဆုံးဖြတ်ချက်တွေဟာ အရေးကြီးလာပြန်ပါတယ်။ ဒီဆုံးဖြတ်ချက်တွေဟာ အခွင့်အလမ်း တစ်ခုထဲပေါ်မှာတင် မမူတည်ဘဲ စာရိတ္တရေး၊ လူမှုရေး၊ နိုင်ငံရေး၊ စီးပွားရေးရာတွေ အားလုံးနဲ့ ပတ်သက်ပါတယ်။

ဒီအခါမှာ တာဝန် ဆိုတဲ့ သဘောတရားက အရေးပါလာ ပြန်ပါတယ်။ လူသားတိုင်း ကျန်းမာရေး အခွင့်အလမ်းကို ခံစားခွင့်ရှိဖို့ ဘယ်သူ့တာဝန်လဲ ဆိုတဲ မေးခွန်းက ထွက်ပေါ်လာပြန်ပါတယ်။ လူတွေဟာ သူတို့ရဲ့ ကျန်းမာရေးအတွက် ကိုယ်တိုင် တာဝန်ရှိတယ်လို့ တချို့က ယူဆကြပါတယ်။ ဒါပေမယ့်လဲ လူတစ်ဦးချင်းရဲ့ ကျန်းမာရေးကို ကိုယ်တိုင်တာဝန်ရှိမှုထက် ကျော်လွန်တဲ့ ပြင်ပ အကြောင်းအရာများစွာက လွှမ်းမိုးထားနိုင်ပါတယ်။ ဥပမာ- ကျန်းမာရေး ကောင်းမွန်စေတဲ့ အစားအစာများကို စားသောက်ခြင်း လုပ်တဲ့အခါမှာ လူတစ်ဦး တစ်ယောက်ရဲ့ ရွေးချယ်စားသောက်မှု၊ ဒီလို စားသောက်နိုင်စေမယ့် ၀င်ငွေ၊ အစားအစာ ထုတ်လုပ်သူတွေရဲ့ အစားအစာ အရည်အသွေး အဆင့်အတန်း မြင့်မားမှု၊ သယ်ဆောင် ဖြန့်ဖြူးရေးမှာ အရည်အသွေး အဆင့်အတန်း ထိန်းနိုင်မှု၊ အစားအစာတွေရဲ့ ဈေးနှုန်း၊ အရည်အသွေး ထိန်းချုပ်မှုတွေနဲ့ ပတ်သက်တဲ့ အစိုးရရဲ့ တာဝန် စတာတွေအများကြီးနဲ့ ဆက်စပ်နေပါတယ်။

ဒါကြောင့်လဲ ပြည်သူ့ကျန်းမာရေးပညာရှင် Adams, Amos, Munro (2001) တို့က ကျန်းမာရေးဆိုတာ လူတစ်ဦး၊ တစ်ယောက်ချင်းရဲ့ ရွေးချယ်ဆုံးဖြတ်မှု ပေါ်မှာတင် မူတည်တာမဟုတ်ဘဲ လူမှု အဖွဲ့အစည်း တည်ဆောက်ပုံ၊ အစိုးရ အုပ်ချုပ်ရေး မူဝါဒနဲ့ စီးပွားရေး၊ ကုန်သွယ်ရေးတွေ အပေါ်မှာပါ မူတည်ကြောင်း အဆိုပြု ထားခဲ့ကြပါတယ်။ တစ်ပြိုင်နက်တည်းမှာလဲ စီးပွားရေး ဖွံ့ဖြိုးတိုးတက်မှု၊ ပညာရေး အခွင့်အလမ်းတွေနဲ့ လူ့စွမ်းအား အရင်းအမြစ် ဖွံ့ဖြိုးတိုးတက်မှုတွေကလဲ လူသားတွေရဲ့ ကျန်းမာရေး အခွင့်အလမ်း ခံစားနိုင်မှုပေါ်မှာ ပြန်ပြီး မူတည် နေပြန်ပါတယ်။

ကျန်းမာရေးနှင့် လူမှု၊ စီးပွား ဖွံ့ဖြိုးတိုးတက်ရေး

ကျန်းမာရေးကို တချို့က ဘ၀ အောင်မြင်စေတဲ့ The means to end အနေနဲ့ သုံးသပ်ပြီး၊ တချို့ကကျတော့ အကျိုး ခံစားခွင့် ရှိစေတဲ့ an end itself အနေနဲ့ သတ်မှတ်ကြပါတယ်။ The means to end အနေနဲ့ ကြည့်မယ်ဆိုရင် ကောင်းမွန်တဲ့ ကျန်းမာရေးဆိုတာ ဘ၀ရဲ့ တိုးတက်အောင်မြင်မှုတွေကို ရရှိစေနိုင်မယ့် မောင်းနှင်အားပဲ ဖြစ်ပါတယ်။ ပညာရှင် Seedhouse (1986) က ကျန်းမာရေးဆိုတာ အောင်မြင်မှုရဲ့ အခြေခံ အုတ်မြစ်လို့ ဆိုထားခဲ့ပါတယ်။ ကျန်းမာရေး မကောင်းရင် အလုပ်အကိုင် အခွင့်အလမ်း၊ ပညာရေး အခွင့်အလမ်း၊ လူမှုနဲ့ တစ်ဦးချင်း ဆက်ဆံရေး အခွင့်အလမ်းတွေ လျော့ကျသွားပါတယ်။ ကျန်းမာရေး ချို့ယွင်းချက်ဟာ တန်းတူ ညီမျှမှု မရှိတာတွေ အားလုံးကို ဖန်တီးတာ မဟုတ်ပေမယ့် လူသားတွေရဲ့ သူတို့ဘ၀ကို ပျော်ပျော်ရွှင်ရွှင် နေထိုင်စံစားခွင့်နဲ့ လူ့အဖွဲ့အစည်းအတွင်းမှာ အပြည့်အ၀ ပါဝင်ဆောင်ရွက်နိုင်ခွင့် တွေကို ကန့်သတ်ထားတတ်ပါတယ်။

ဆူဒန်နိုင်ငံမှာ ငြိမ်းချမ်းရေး သဘောတူ စာချုပ် ချုပ် ဆိုပြီးစဉ် ကာလတုန်းက ကမ္ဘာ့ကျန်းမာရေးအဖွဲ့ကြီးရဲ့ ဆူဒန်နိုင်ငံ ဌာနေကိုယ်စားလှယ် David Nabarr (1995) က ဆူဒန် ပြည်သူတွေဟာ ရောဂါဘယဆိုးတွေရဲ့ တိုက်ခိုက်မှုတွေကို ခံနေရဆဲဖြစ်တဲ့အတွက် ငြိမ်းချမ်းရေး အသီးအပွင့်ကို အပြည့်အ၀ မခံစားကြရသေးကြောင့် စစ်မှန်တဲ့ ငြိမ်းချမ်းရေးနဲ့ သာယာဝပြောရေးကို ဆောင်ကျဉ်း ပေးနိုင်ဖို့ အတွက် ပြည်သူ့ ကျန်းမာရေး စောင့်ရှောက်မှုတွေ အများအပြား ပြုလုပ်ဖို့ လိုအပ်ကြောင်း ပြောဆိုခဲ့ပါတယ်။

ကျန်းမာရေးနဲ့ ပတ်သက်တဲ့ နောက်ထပ် ရှုမြင် သုံးသပ်မှု တစ်ရပ်ကတော့ an end in itself အနေနဲ့ မြင်တာ ဖြစ်ပါတယ်။ ဒီရှုထောင့်က ကြည့်မယ်ဆိုရင် ကောင်းမွန်တဲ့ ကျန်းမာရေးဆိုတာ သူ့သာသာသူ ခံစားခွင့်ရှိတဲ့ အခွင့်အလမ်း ဖြစ်ပြီး၊ ဆင်းရဲ နွမ်းပါးမှု၊ ခွဲခြား ဆက်စပ်မှုနဲ့ လူဦးရေ များပြားမှုတွေဟာ ကောင်းမွန်တဲ့ ကျန်းမာရေး ခံစားခွင့်ကို ကန့်သတ်ထားတဲ့ အရာတွေ ဖြစ်ပါတယ်။ လူနေမှု အဆင့်အတန်း မြင့်မားမှုဟာ ကျန်းမာရေး မကောင်းတဲ့ ပြဿနာကို လျော့ကျစေနိုင်တယ်လို့ ပညာရှင် Crawford (1990) က ဆိုထားခဲ့ပါတယ်။

လက်တွေ့မှာကျတော့ ကျန်းမာရေးဆိုတာက means လဲ ဖြစ်သလို ends လဲ ဖြစ်တယ်လို့ ဆိုနိုင်ပါတယ်။ ကျန်းမာပြီး စွမ်းရည်ရှိတဲ့ လုပ်သားတွေနဲ့ ဖွံ့ဖြိုးတိုးတက်တဲ့ စီးပွားရေး အဆောက်အအုံကို တည်ဆောက်ရမှာ ဖြစ်သလို၊ စီးပွားရေးဖွံ့ဖြိုးတိုးတက်ရေးရှိမှလဲ ပညာရေး၊ ကျန်းမာရေး အခွင့်အလမ်းကို မြှင့်တင်ပေးနိုင်မှာ ဖြစ်လို့ပါပဲ။ ဒါကြောင့် လူမှု၊ စီးပွား မူဝါဒတွေဟာ ဒီရှုထောင့် နှစ်မျိုးစလုံးမှာ မျှမျှတတ ချမှတ် ဆောင်ရွက်ဖို့ လိုအပ်ပါတယ်။ ဒါကြောင့်လဲ ပြည်သူ့ကျန်းမာရေးမူဝါဒတွေဟာ နိုင်ငံတော်အဆင့်၊ နိုင်ငံတကာအဆင့်မှာ အရေးကြီးတဲ့ မူဝါဒတွေ ဖြစ်လာတာဖြစ်ပါတယ်။ ပြည်သူ့ကျန်းမာရေး လုပ်ငန်းဆောင်တာတွေဟာ ၂၁ရာစုကမ္ဘာရဲ့ အရေးကြီးလုပ်ငန်းတာဝန်တွေ ဖြစ်လာပါတယ်။

ပြည်သူ့ကျန်းမာရေး

၁၉ ရာစုနဲ့ နှစ်ဆယ်ရာစု ကနဦးပိုင်းတုန်းက ပြည်သူ့ကျန်းမာရေး လှုပ်ရှားမှုဟာ အနံ့အသက်၊ အပုပ်အဆွေး၊ ညစ်ပေမှုတွေကို ထိန်းချုပ်ဖို့ပဲ ရည်ရွယ်ခဲ့ပါတယ်။ ၂၁ ရာစုနှောင်းပိုင်းရောက်တော့ လူမှုရေးဆေးပညာဟာ ဆေးပညာရပ် တစ်ခုအဖြစ် ကျယ်ကျယ်ပြန့်ပြန့် ပေါ်လာတာကြောင့် ရောဂါတွေကို စောင့်ကြပ်ကြည့်ရှုတဲ့ စနစ်သစ် ပေါ်လာတာ ဖြစ်ပါတယ်။ ဒါကို ပညာရှင်တွေက ပြည်သူ့ကျန်းမာရေးဟောင်း ('Old' public health) လို့ အမည် ပေးခဲ့ ကြပါတယ်။

၁၉၇၀ ကာလတွေ ရောက်တော့ ပြည်သူ့ ကျန်းမာရေးသစ် ('New' public health) လှုပ်ရှားမှုတွေ ပေါ်လာခဲ့ပါတယ်။ ဒီလှုပ်ရှားမှုတွေက ပြည်သူ့ကျန်းမာရေး တိုးမြှင့်မှုမှာ ကျန်းမာရေးစောင့်ရှောက်မှုဆိုင်ရာ အားနည်းချက်တွေကို သိမြင်ခဲ့ကြပြီး၊ ကျန်းမာရေးအပေါ် ကောင်းကျိုး၊ ဆိုးကျိုး သက်ရောက်မှုရှိစေတဲ့ လူမှုရေး၊ စီးပွားရေး၊ ပတ်ဝန်းကျင်ရေးရာ အချက်တွေကိုပါ ထည့်သွင်း စဉ်းစားလာခဲ့ ကြပါတယ်။

၂၁ ရာစု ရောက်တော့ ခေတ်သစ် ပြည်သူ့ကျန်းမာရေး (modern multidisciplinary public health) လှုပ်ရှားမှုတွေ စတင်လာပါတယ်။ ခေတ်သစ် ပြည်သူ့ကျန်းမာရေး ဆိုတာက ရောဂါတွေကို ကာကွယ်ရေး၊ အသက်ရှည် ကျန်းမာရေးနဲ့ လူ့အဖွဲ့အစည်းရဲ့ စုပေါင်း ကြိုးပမ်းမှုနဲ့ ကျန်းမာရေး မြှင့်တင်ပေးတဲ့ သိပ္ပံ၊ ၀ိဇ္ဇာ ပညာရပ် တစ်ခုပဲ ဖြစ်ပါတယ်။ ဒါကြောင့်လဲ ခေတ်သစ် ပြည်သူ့ကျန်းမာရေး ဆိုင်ရာ လေ့လာသူတွေမှာ ဆေးပညာရှင်တွေ သာမက ဘောဂဗေဒ ပညာရှင်တွေ၊ သမိုင်း ပညာရှင်တွေ၊ လူမှု မနုဿဗေဒ ပညာရှင်တွေ၊ ပတ်ဝန်းကျင် ထိန်းသိမ်း စောင့်ရှောက်ရေး ပညာရှင်တွေပါ ပါဝင်လာတာ ဖြစ်ပါတယ်။

ပြည်သူ့ကျန်းမာရေးကို ရောဂါဘယများအား ကုသခြင်း၊ ရောဂါ မဖြစ်အောင် ကာကွယ် တားဆီးခြင်းနဲ့ ကျန်းမာ ပြီးသား ပြည်သူတွေရဲ့ ကျန်းမာရေးကို ထိန်းသိမ်း စောင့်ရှောက်ခြင်းတွေနဲ့ မြှင့်တင် ပေးလို့ရပါတယ်။ ပြည်သူ့ကျန်းမာရေးကို မြှင့်တင်ပေးတဲ့ လုပ်ငန်း ဆောင်တာ များစွာ ရှိပါတယ်။ Earl (2007) က ပြည်သူ့ကျန်းမာရေး လုပ်ငန်း ဆောင်တာတွေကို ကျန်းမာရေး ပညာပေးရေး (health education)၊ ကျန်းမာရေး မြှင့်တင်ရေး (Health improvment)၊ ကျန်းမာရေး တိုးမြှင့်ရေး (health promotion)၊ ကျန်းမာရေး မူဝါဒ (health policy) ကျန်းမာရေး အန္တရာယ် ကာကွယ် စောင့်ရှောက်ရေး (health protection)၊ မကျန်းမာမှု ကာကွယ်ရေး (Prevention of ill- health) စသဖြင့် ကွဲပြားခြားနားတဲ့ လုပ်ငန်းဆောင်တာ တွေကို ခွဲခြား ဖော်ပြခဲ့ပါတယ်။

ကျန်းမာရေး ပညာပေးရေး ဆိုတာက သတင်း အချက်အလက်နဲ့ အကြံဥာဏ်ပေးမှု၊ ကျန်းမာရေးကို ကိုယ်တိုင် စောင့်ရှောက်နိုင်မယ့် အသိပညာဗဟုသုတ၊ အမြင်၊ တန်ဖိုးစံနဲ့ စွမ်းရည်တွေ ရှိလာအောင် လူအများကို ဗဟုသုတပေးမှု၊ သင်တန်းပေးမှု၊ ကျန်းမာရေးနဲ့ ပတ်သက်တဲ့ ရွေးချယ်မှုတွေကို မှန်မှန်ကန်ကန် ရွေးချယ်နိုင်အောင် အချက်အလက်များ ပံ့ပိုးပေးမှု(ဥပမာ- ဟင်းသီးဟင်းရွက်များများ စားတာဟာ အသားစားတာထက် ပိုပြီး ကောင်းတယ်) စတာတွေ ဖြစ်ပါတယ်။ ကျန်းမာရေးမြှင့်တင်ရေး ဆိုတာကတော့ ဒေသဆိုင်ရာအဆင့်မှာ ကျန်းမာရေး မညီမျှမှုတွေကို လျော့ကျစေဖို့အတွက် ဆောင်ရွက်တာတွေ ဖြစ်ပါတယ်။ ဥပမာ- အစားအစာ သမ၀ါယမ လုပ်ငန်း စတာမျိုးတွေပါ။ ကျန်းမာရေး တိုးမြှင့်ရေး ဆိုတာကတော့ လူတွေရဲ့ မိမိ ကျန်းမာရေးကို မိမိ ကိုယ်တိုင် ကာကွယ်စောင့်ရှောက်နိုင်စွမ်း တိုးမြင့်စေရေး ဖြစ်ပါတယ်။

မကျန်းမာမှုကို ကာကွယ် စောင့်ရှောက်ရေးမှာ အဆင့်သုံးဆင့်ရှိပါတယ်။ ကနဦးကာကွယ်ရေးအနေနဲ့ ရောဂါဆိုးတွေကို ကာကွယ်ရေး ပြုလုပ်တာ (ဥပမာ- ကာကွယ်ဆေးထိုးခြင်း)၊ ဒုတိယအဆင့် ကာကွယ်ရေးအနေနဲ့ ရောဂါရှာဖွေစစ်ဆေးမှုပုံမှန်လုပ်တာ၊ ကုသမှုခံယူတာ (ဥပမာ- သားအိမ်ခေါင်းကင်ဆာ စစ်ဆေးခြင်း) နဲ့ တတိယအဆင့် ကာကွယ်ရေး အနေနဲ့ ဖြစ်ပွားနေတဲ့ ရောဂါ ဆက်လက်တိုးသွားခြင်း မရှိအောင် ကာကွယ်ကုသခြင်း (ဥပမာ- hip အစားထိုး ခွဲစိတ်ကုသခြင်း) စတာတွေ ဖြစ်ပါတယ်။ ကျန်းမာရေး အန္တရာယ် ကာကွယ်စောင့်ရှောက်ရေး ဆိုတာကတော့ ကူးစက် စေနိုင်တဲ့ ရောဂါတွေ (တီဘီရောဂါ)၊ မကူးစက်နိုင်တဲ့ ပတ်ဝန်းကျင်ဆိုင်ရာ အန္တရာယ်တွေ (ဥပမာ- ဓာတုပစ္စည်း လောင်ကျွမ်းမှု) နဲ့ အရေးပေါ် တုန့်ပြန်မှုပေးတာ (ဥပမာ- ဇီဝအကြမ်းဖက်တိုက်ခိုက်မှု ဖြစ်ပွားခြင်း) စတာတွေ ဖြစ်ပါတယ်။ ကျန်းမာရေး မူဝါဒ ဆိုတာကတော့ အစိုးရတွေရဲ့ ပြည်သူ့ကျန်းမာရေး စောင့်ရှောက်မှု လုပ်ငန်းတာဝန်တွေ ဖြစ်ပါတယ်။

ပြည်သူ့ကျန်းမာရေး လုပ်ငန်းဆောင်တာတွေမှာ တန်ဖိုးထားမှုဆိုတာ အရေးကြီးပါတယ်။ ဘာကြောင့်လဲ ဆိုတော့ တန်ဖိုးဆိုတာ လူတွေရဲ့ တွေးခေါ်၊ ပြုမူပုံတွေကို အဆုံးအဖြတ်ပေးလို့ပါပဲ။ လူတစ်ဦးနဲ့ တစ်ဦး၊ နိုင်ငံ တစ်ခုနဲ့ တစ်ခု၊ အစိုးရ တစ်ခုနဲ့ တစ်ခု အကြား တန်ဖိုး ထားမှုတွေ မတူညီပါဘူး။ လူတစ်ယောက်က ငွေကြေး ချမ်းသာမှုကို ပိုတန်ဖိုးထားရင်း ကျန်းမာရေးကို ဂရုမစိုက်မိတာတွေ ရှိတတ်သလို လူသားတွေရဲ့ အသက်တွေ၊ ဘ၀တွေ၊ အခွင့်အလမ်းတွေကို တန်ဖိုးထားတဲ့ အစိုးရများက နိုင်ငံရဲ့ စီးပွားရေး၊ ပညာရေး၊ လူမှုရေး၊ ကျန်းမာရေး၊ လူ့စွမ်းအား အရင်းအမြစ် ဖွံ့ဖြိုးရေး ကဏ္ဍတွေမှာ နိုင်ငံတော်ရဲ့ ဘဏ္ဍာငွေအရင်းအမြစ်ကို များများ သုံးစွဲလေ့ ရှိပါတယ်။

ကျန်းမာရေးကဏ္ဍနဲ့ ပတ်သက်ရဲ့ တန်ဖိုးထားမှုတွေဟာ ကျန်းမာရေး ဆိုင်ရာ အချက်အလက်တွေကို ဘယ်လို နားလည်သလဲ၊ ကျန်းမာရေး တိုးတက်မှုအတွက် ဘာတွေ လုပ်ပေးနိုင်မလဲ၊ ကျန်းမာရေး ရည်မှန်းချက်တွေကို ဘယ်လို ချမှတ်သလဲ၊ ရည်မှန်းချက် ပြည့်မီစေမယ့် နည်းလမ်းတွေကို ဘယ်လို အကောင်အထည်ဖော်သလဲ စတာတွေ အပေါ်မှာ သက်ရောက်မှုရှိပါတယ်။ နိုင်ငံ တစ်နိုင်ငံရဲ့ ပြည်သူ့ကျန်းမာရေးစောင့်ရှောက်မှုကို တာဝန် ယူနေသူတွေ ဘက်မှ ညီမျှမှု၊ တန်းတူရည်တူ ရှိမှု၊ တရားမျှတမှု၊ ကာကွယ်ရေး၊ အန္တရာယ် ကင်းဝေးရေး၊ ဆုံးဖြတ် ရွေးချယ်မှုများ ပြုလုပ်နိုင်ရန် အားပေး ကူညီရေးစတဲ့ တန်ဖိုးထားမှုတွေ ရှိဖို့လိုအပ်ပါတယ်။ ပြည်သူလူထု အနေနဲ့ကလဲ ကျန်းမာရေးဆိုတာ ဖျားနာတာ၊ ရောဂါရှိတာနဲ့တင် မဆိုင်ဘဲ ကိုယ်ကျန်းမာ၊ စိတ်ပျော်ရွင်မှုကို ပြည့်ပြည့်၀၀ ခံစားနိုင်မှုကို ဆိုလိုတာ ဖြစ်ကြောင်း သိရှိဖို့ လိုပါတယ်။ ဒီလို ကိုယ်ကျန်းမာ၊ စိတ်ပျော်ရွှင်မှု ရဖို့အတွက် မကျန်းမာမှုတွေကို ဘယ်လို ကာကွယ် စောင့်ရှောက်သင့်တယ်၊ ကျန်းမာရေးအတွက် အစားအစာ၊ အနေအထိုင်ကို ဘယ်လို ရွေးချယ် စားသောက်၊ နေထိုင်သင့်တယ် ဆိုတဲ့ ကျန်းမာရေး အသိပညာကို တန်ဖိုးထားမှု လိုအပ်ပါတယ်။

နိဂုံးချုပ် ဆိုရရင် ကျန်းမာရေးဆိုတာ လာဘ်ကြီး တစ်ပါး ဖြစ်တာကြောင့် ပြည်သူ့ကျန်းမာရေးဆိုင်ရာ တစ်ဦးချင်း တာဝန်၊ အစုအဖွဲ့ တာဝန်တွေမှာ ပါဝင် ဆောင်ရွက်ရင်း ပြည်သူမှ ပြည်သူသို့ အသိပညာပေးခြင်း နည်းလမ်းများကို အကောင်အထည်ဖော် ဆောင်ရွက်ဖို့ အလွန်ပဲ အရေးကြီးပါကြောင်းနဲ့ တစ်ပြိုင်နက်တည်းမှာပဲ ပြည်သူလူထုကကော၊ ကျန်းမာရေး ပညာရှင်တွေကပါ နိုင်ငံတော်ရဲ့ ကျန်းမာရေး စောင့်ရှောက်မှု ဆိုင်ရာ ဘဏ္ဍာရေးရာ၊ နည်းပညာ ရေးရာ၊လူ့စွမ်းအား ရေးရာ အားနည်းချက်တွေကို ထောက်ပြ တောင်းဆိုဖို့ လိုအပ်လှပါကြောင်း ရေးသား တင်ပြအပ်ပါတယ်။

ခင်မမမျိုး (၂၅၊ ၈၊ ၂၀၀၉)

ရည်ညွှန်းကိုးကား။ ။

Adams, L., Amos, M. and Munro, J. (eds) (2002) Promoting Health: Politics and Practice, London, Sage

Crawford, R. (1980) 'Healthism and the medicalization of everyday life', International Journal of Health Services, 10 (3), pp. 365-88

Earl, S. (2007) ' promoting public health: exploring the issues' in Lloyd, C (eds) Theory and Research in promoting public health, London, Sage

Plant, R. (1988) 'Citizenship, rights, welfare' in Franklin, J. (ed) Social Policy and Social Justice: The IPPR Reader, Cambridge, Polity, pp. 57-72

Seedhouse, D. (1986) Health: The foundations for achievement, Chichester, Wiley

World Health Organization (WHO) (1998) Health 21: Health for All in the 21st century, Copenhagen, WHO

World Health Organization (WHO) (2005) Health is key to Sustained Peace and Prosperity in Sudan, 11 April

Saturday, August 29, 2009

မျက်စိအင်အားကောင်းစေရန်

သင် မျက်စိအား ကောင်းချင်ပါသလား။ Reader’s Digest မှာ ပါဝင်တဲ့ နည်းလမ်းလေးတွေကို သုံးပြီး မျက်စိ အစွမ်းကို မြှင့်တင်လို့ရပါတယ်။
ကျွန်တော်တို့မျက်စိဟာ အလင်းရောင်ကို ကောင်းမွန်စွာ မြင်တွေ့ရဖို့အတွက် အထူးသဖြင့် ညဘက်မှာ ကောင်းကောင်း တွေ့ဖို့ အတွက် Vitamin A ဓာတ် လိုအပ်ပါတယ်။ ဒါကြောင့် Vitamin A ပါဝင်တဲ့ မုန်လာဥနီ၊ ကန်စွန်းဥ၊ ငါးနဲ့ နို့ထွက် ပစ္စည်းတွေကို များများ စားသုံးပေးဖို့ လိုအပ်ပါတယ်။ Vitamin A တွေ အများကြီး ရချင်ဇောနဲ့ အထက်က အစားအသောက်တွေကိုတော့ မစားဘဲ အားဆေးတွေကို အများကြီး သောက်ခြင်းမှလည်း ရှောင်ကြဉ် သင့်ပါတယ်။ တန်ဆေး လွန်ဘေးပါ။
Vitamin Cနဲ့ Vitamin E တို့ဟာ လူအတော်များများသိကြတဲ့ ဓာတ်တိုး ဆန့်ကျင်ပစ္စည်းတွေ ဖြစ်ကြပါတယ်။ English လို Anti oxidant ပေါ့။ အဲဒီ ဓာတ်တွေက မျက်စိမျာ အသက်ကြီးလာလို့ တိမ်စွဲတဲ့ ဖြစ်စဉ်ကို ကာကွယ်ပေးပါတယ်။ တကယ်လို့ အပြင်တိမ် ရောဂါ ရှိနေရင်တောင် ရောဂါကို ပိုပြီး မဆိုးသွားအောင် လုပ်ဆောင်ပေးပါတယ်။ ဒါ့ကြောင့် Vitamin C တွေ ပါဝင်တဲ့ အရည်ရွှမ်းတဲ့ အသီးတွေ ဥပမာ လိမ္မော်သီး နဲ့ Vitamin E တွေ ပါဝင်တဲ့ မြေပဲစေ့နှင့် တခြား အစေ့အဆံတွေကို များများ စားသုံး ပေးသင့်ပါတယ်။
Luteinနဲ့ Zeaxanthin ဓာတ်တွေဟာ မျက်ကြည်လွှာတွင် ပါဝင်ပြီး မျက်စိကို ထိခိုက်နိုင်သည့် ဓာတ်ရောင်ခြည်များကို ကာကွယ်ပေးကြသည့် ဓာတ်များ ဖြစ်ကြပါသည်။ Lutein ဓာတ်ဟာ အစိမ်းရင့်ရောင် ရှိတဲ့ အသီးအရွက်တွေနဲ့ ကြက်ဥ အနှစ်တွေမှာ ပါဝင်ပြီး Zeaxanthin ဓာတ်ကတော့ ပဲသီးစိမ်း နဲ့ ပြောင်း တို့မှာ ပါဝင်ကြပါသည်။ အဆိုပါ အစားအစာများကိုလည်း များများ မှီဝဲသင့်ပါတယ်။
Zinc လို့ ခေါ်တဲ့ ဇင့် ဓာတ်ဟာ အသက်ကြီးလာလို့ မျက်စိ ယိုယွင်းပျက်စီးတာကို နှေးကွေးစေပါတယ်။ Zinc ဓာတ်ဟာ ပင်လယ်စာနဲ့ အသားတွေ ပဲတွေမှာ ပါဝင်တတ်ပါတယ်။

Reader’s Digest မှာ ပါဝင်လို့သာ ဖော်ပြလိုက်ရတာပါ။ တကယ်တော့ အထက်ပါ ဓာတ်တွေဟာ မြန်မာ့ရိုးရာ အစားအသောက်တွေမှာ အဓိက ပါဝင်ပြီး ဖြစ်ပါတယ်။ အာဟာရ ပြည့်ဝအောင် စားသောက်ဖို့သာ လိုအပ်ပါတယ်။ တောနယ်တွင် နေထိုင်သော ပရိသတ်တွေ အတွက် ပြဿနာ မရှိပေမယ့် မြို့ပြတွင် နေထိုင်ကြတဲ့ မိဘတွေအနေနဲ့ မိမိတို့၏ ကလေးများစားသုံးနေကြတဲ့ အစားအသောက်တွေထဲမှာ အထက်ပါ အမျိုးအစားတွေ ပါဝင်အောင် လုပ်ဆောင်ရပါမယ်။ ကလေးက ပူဆာတိုင်း နိုင်ငံခြားက လာတဲ့ Junk food တွေကို ကျွေးမည့်အစား မျက်စိကို အားအင် ပြည့်ဖြိုးစေသော အထက်ပါ အစားအသောက်များကို ဦးစားပေး ကျွေးသင့်ပါတယ်။ ကလေးငယ်များ အနေဖြင့် မျက်စိကို အားကောင်းစေသော အစားအသောက်များကို စားကြခြင်းဖြင့် မျက်စိကို အဆမတန် အသုံးပြုပြီး အလုပ်လုပ်ရသော ယနေ့ခေတ်ကြီးတွင် အရွယ် မတိုင်မီ အမြင် အာရုံ ပျက်စီး ယိုယွင်းခြင်းမှ ရှောင်ရှားနိုင်မှာ ဖြစ်ပါတယ်။

Thursday, August 27, 2009

(ဘီ)ပိုး

(ဘီ)ပိုးဆိုတာ Hepatitis B virus (HBV) ဗိုင်းရပ်စ်ပိုးကို ခေါ်ကြတာပါ။ သူ့ကြောင့် ဖြစ်ရတဲ့ Hepatitis B ဟာ အဖြစ်များတဲ့ အသည်း ကူးစက်ရောဂါ အပြင်းစား ဖြစ်တယ်။ သမိုင်းကြောင်းပါ ပြောရရင် သီပေါမင်း ပါတော်မူတဲ့ ၁၈၈၅ ခုနှစ်ကစပြီး ကပ်ရောဂါ အသွင် စဖြစ်ခဲ့ပါသတဲ့။ ပိုးက သွေးထဲကို တစ်နည်းနည်းနဲ့ ရောက်လာပြီး ကိုယ်ထဲက အရည်တွေထဲထိ ၀င်လာတာ ဖြစ်တယ်။ တစ်ကမ္ဘာလုံးဆိုရင် ၃ ယောက်မှာ ၁ ယောက်ရှိနိုင်တယ်။ အဲဒီထဲက ၇ ယောက်မှာ ၁ ယောက်က နာတာရှည် အဆင့် ရှိနိုင်တယ်လို့ ဆိုပါတယ်။ “နူရာ ၀ဲစွဲ” ဆိုသလို ဆင်းရဲကြတဲ့ အာရှ၊ အာဖရိကနဲ့ တောင်အမေရိကမှာ ပိုဖြစ်နေပါတယ်။

Wednesday, August 26, 2009

Nasal Polyps နှာခေါင်းထဲ အသားပို၊

နှာခေါင်းအတွင်းကို ဖုံးထားတဲ့အလွှာ (Mucosa) ကနေ ဖြစ်ဖြစ် နှာခေါင်း ဘေးက လေခိုအိတ် (Sinus)ကဖြစ်ဖြစ် အသားပို ထွက်လာကို ခေါ်တယ်။ အသားပို တစ်ခုမကလည်း ဖြစ်တတ်ပါတယ်။ တစ်ခုခု အရင် ဖြစ်ပြီးမှ ရလဒ် အဖြစ် အသားပို ထွက်လာတာပါ။ တစ်ခုခုနဲ့ မတည့်ခြင်း (အလာဂျီ)၊ ပန်းနာ၊ နာတာရှည် ထိပ်ကပ်နာ(ဆိုင်းနူဆိုက်တစ်)၊ ဖန်းဂတ်စ် မှို နဲ့ ကလေးများမှာ မွေးရာပါ မျက်ရည်၊ တံတွေး၊ ချွေး၊ အစာခြေရည် စတဲ့ အရည်ထွက်(ဂလင်း) မှန်သမျှကို ထိခိုက်တဲ့ (ဆစ်စတစ်-ဖိုက်ဘရိုးဆစ်) ဖြစ်ရာကနေ ဆက်ဖြစ်တာမျိုး ပြောတာပါ။

အသားပိုဆိုတာ ဆေးပညာ အလိုအရ အမျိုးအစား ခွဲရင် အများကြီးပါ။ ဖတ်ရတာ ရှုတ်နေမှာမို့ ထည့်မရေးတော့ပါ။ ဘယ်လိုက ဘယ်လို ဖြစ်လာရတာကိုတော့ ဆရာ့ဆရာများ အသေအချာ မသိသေးပါ။ သိဖို့ ကောင်းတာက လူ့ကိုယ်မှာ အလုံး-အကြိတ် Lump, Tumor, Swelling မှန်သမျှ ကင်ဆာ မဟုတ်တာနဲ့ ကင်ဆာ ဆိုပြီး နှစ်မျိုး ရှိတယ်။ ဒီနေရာမှာလဲ ဒီအတိုင်းပါဘဲ။ ကင်ဆာ မဟုတ်တာတွေ အတွက် ရေးပါရစေ။

အရွယ်အစား သေးနေတုံး ဘာမှ မခံစားရသေးပါ။ စစ်ဆေးတာတောင်မှ နောက်နားက ဖြစ်နေရင် မတွေ့ဘဲ နေတတ်ပါတယ်။ လက္ခဏာစ ဖြစ်ရင်လဲ (ဆိုင်းနပ်စ်)မှာလို နှာခေါင်းပိတ်၊ နှာစေး၊ နှာချေတာတွေပါဘဲ။ ထူးတာတွေကတော့ မနာပါ။ နှာခေါင်းပိတ်တာ၊ နှာရည်က နှာခေါင်း နောက်ဖက်မှာ ယိုတာ၊ ခေါင်းက အုံပြီး ကိုက်မယ်၊ အသက်ရှူရ ခက်လာမယ်။ အိပ်ရင် ဟောက်မယ်။ စကားသံပါ ပြောင်းလာပါမယ်။ အနံ့ ကောင်းကောင်း မရလဲ ဖြစ်နိုင်တယ်။ နှာခေါင်း သွေးယိုတာ နဲပါတယ်။ သိပ် ကြီးလာရင် ပါးစပ်နဲ့ဘဲ အသက်ရှူ ရပြီး၊ အိပ်ရတာတောင် မလွယ်တော့ဘူး။

ကုသဖို့ အထောက်အကူဆေးတွေက စပြောရရင် -
(အင်တီ-ဟစ်စ်တမင်း)ဆေး၊ ဆေးနာမည်တွေက အေတူဇက်ရှိပါတယ်။ Antihistamines (Diphenhydramine, Loratadine, Desloratadine, Meclizine, Quetiapine, Fexofenadine, Pheniramine, Cetirizine, Promethazine, Chlorpheniramine, Levocetirizine)
ချွဲပျော်ဆေး၊ Decongestants (Acetaminophen, Chlorpheniramine, and Pseudoephedrine)
နှာခေါင်းထဲပန်းထည့်ရတဲ့ဆေး Cromolyn sodium Nasal Spray (Intal, Intal Inhaler, Gastrocrom)
စတီရွိုက်ဆေး (Fluticasone, Beclomethasone, Budesonide) တွေ ဖြစ်ပါတယ်။ အတော် ထိရောက်ပါတယ်။

မတည့်တာတွေက အကိုက်အခဲ-အဖျား ကျဆေး(အက်စပရင်)၊ အရက်တွေပါ။ (အလာဂျီ)ရသူ၊ ပန်းနာ ရှိတဲ့ လူတွေကို သွေးစစ် ကြည့်ရင် သွေးဖြူဥ တစ်မျိုးဖြစ်တဲ့ (အီယိုဆင်နိုဖိးလ်) များနေတတ်ပါတယ်။ (အလာဂျီ)မရှိဘဲနဲ့ ဖြစ်တာကလည်း အတော်များပါတယ်။

(ဗက်တီးရီးယား) ၀င်တာကို သိတဲ့အတိုင်း Antibiotics ပဋိဇီဝဆေး ပေးရပါမယ်။ (Amoxicillin = Trimox, Amoxil), (Fluoroquinolones= Ciprofloxacin, Norfloxacin, Ofloxacin, Gatifloxacin, Gemifloxacin, Levofloxacin, Moxifloxacin, Trovafloxacin)

(အလာဂျီ)နဲ့ ဆိုင်သူများ အတွက် ပါးစပ်ကနေ သောက်ရတာနဲ့ နှာခေါင်းထဲ ထည့်ရတဲ့ Oral and topical nasal steroid (ကော်တီကို-စတီရွိုက်) ဆေးတွေကို အားကိုးရမှာပါ။ အသားပိုကို တိုက်ရိုက်ဆေးထိုးနည်းကို ခွင့်မပြုပါ။
Aristocort (Triamcinolone) Tablets နဲ့ Aristocort (Triamcinolone diacetate) injection က စိတ်ချရတယ်လို့ ဆိုပါတယ်။

အများ သုံးကြတာကတော့ ၀ယ်လို့လဲလွယ်၊ ဈေးလဲချိုတဲ့ Prednisone (30-60 mg) စားဆေးကို ၄ ရက်ကနေ ၇ ရက် ကြာပေးပြီး၊ တဖြည်းဖြည်း ဆေးကို ၂ ပါတ် ၃ ပါတ်နဲ့အပြီး၊ လျှော့လျှော့ ပေးသွားရပါတယ်။ ကလေးဆိုရင် ကိုယ်အလေးချိန် ၁ ကီလိုကို ၁ မီလီဂရမ်နှုန်းနဲ့ ပေးပါတယ်။ အစ ရက်တွေမှာ ၂ လုံး ၄ ကြိမ် = ၈ ပြား (၆ နာရီခြား)၊ နောက် ၆ ပြား၊ နောက် ၄ ပြား၊ ၂ ပြား၊ ၁ ပြား၊ တစ်ခြမ်း။

(စတီရွိုက်) ဆေးမျိုးက စားဆေး၊ ရှူဆေး၊ ထိုးဆေး ဘာဖြစ်ဖြစ် တာရှည် မပေးသင့်ပါ။ ဘာလို့လဲ ဆိုတော့ ဆေးရဲ့ မကောင်းချက်က ဆီးချို၊ သွေးတိုး၊ မျက်စိရေတိမ်၊ အတွင်းတိမ်၊ အရိုးအားနည်း၊ ကလေးဆိုရင် ကြီးထွားတာကို နှေးစေမယ်၊ စတာတွေဖြစ်နိုင်တာမို့ မကောင်းလို့ပါ။

ဆရာဝန်က နှာခေါင်းကြည့် ကိရိယာနဲ့ စစ်ဆေးမယ်။ လိုအပ်ရင် တိတိကျကျသိရအောင် CT scan လုပ်ပါမယ်။ (အလာဂျီ) ကြောင့် ဖြစ်ရသူတွေကို Immunotherapy ခေါ်တဲ့ ဓါတ်ပြီး ကုသမှုမျိုး လုပ်ပေးသင့်ပါတယ်။ ဒီနည်းက ရောဂါ တစ်ခုခု ဖြစ်ရင် အဲဒါကို နောင်ဖြစ်မလာအောင် ဒုတ်ပြီး၊ ဒါးပြီးလို ပြီးသွားအောင် လုပ်ပေးနည်း ဖြစ်ပါတယ်။

ဆေးနဲ့ မရတော့ရင် ခွဲစိတ် ကုသနည်း လုပ်ရပါတော့မယ်။ တစ်ခုတည်းသော အသားပို၊ တစ်ခု မကပေမဲ့ သိပ်မကြီးရင်၊ Simple polypectomy နည်းက အကောင်းဆုံးပါ။ ကျန်တာတွေကိုတော့ Endoscopic sinus surgery (ESS) ဒါမှမဟုတ် Functional endoscopic sinus surgery (FESS) နည်း သုံးရပါမယ်။ သေချာအောင် CT scan ကြည့်ရင်း ခွဲရပါတယ်။

(ဟိုမီယိုပက်သစ်) Homeopathic ဆေး Sanguinaria က နာတာရှည် အအေးမိတာကနေ အသားပို ထွက်တာမျိုး အတွက် အစွမ်းထက်ပါတဲ့။ နောက်ဖက်နားကနေ ထွက်တဲ့ ခပ်ကြီးကြီး အသားပိုကို Teucrium က ကောင်းပါသတဲ့။ ခွဲစိတ်ပြီးနောက် Calcarea Carb ပေးရင် ထပ်ဖြစ်တာ နည်းတယ်လို့ ဆိုပါတယ်။

တစ်ခု စိတ်ပျက်ချင်စရာကတော့ အောင်မြင်တဲ့ ခွဲစိတ်မှု ဖြစ်အုံးတော့ ပြန်ဖြစ်တတ်လို့ပါ။ (အလာဂျီ)ဖြစ်တာ၊ မတည့်တာတွေ ဆက်ရှိနေ၊ ထပ်ဖြစ်နေလို့ ပြန်ပေါ်လာတာ ဖြစ်တာကြောင့် ဘာကိုရှောင်ရမလဲဆိုတာ သိအောင် လုပ်ပြီး ရှောင်နိုင်အောင် ရှောင်ပါလေ။

တင့်ဆွေ
၂၆-၈-၀၉

Tuesday, August 25, 2009

နှာခေါင်း ရောဂါ အမျိုးမျိုး သို့မဟုတ် (ကိုရီးယား)က လာသည့် မေးခွန်းအား ဖြေကြားခြင်း

မမြင်ရ-မစမ်းရဘဲ မေးတာကို ရောဂါ နာမည် တပ်ပြီး၊ ဆေးနည်း ပေးရတာကို မှန်းကုလို့ ခေါ်ကြ ပေတော့ဗျာ။

လူ့မျက်နှာ နှာခေါင်း တစ်ဝိုက်မှာ (နဖူးရိုး၊ နားထင်ရိုး၊ မျက်ကွင်းအပြင်ရိုး နဲ့ ပါးရိုး၊) အရိုးတွေ ထဲမယ် အကျိအချွဲ နံရံတွေ ရှိတဲ့ လေခိုအိတ် (ဆိုင်းနပ်စ်) စုစုပေါင်း ဘယ်-ညာ လေးစုံ ရှိပါတယ်။ တစ်ခု တစ်ခုဟာ မီးခြစ်ပုံး အရွယ်လောက် ရှိတယ်။

နှာခေါင်း ရောဂါ အမျိုးမျိုးကို စာရင်း ချလိုက်ရင် ဒီလို တွေ့ရပါမယ်။

၁။ ဆေး တစ်ခုခုနဲ့ မတည့်လို့ ဖြစ်ရတဲ့ (အလာဂျီ) ဖြစ်ခြင်း၊ Drug Allergy
၂။ ရက်တို-ရက်ရှည် (ဆိုင်နူဆိုက်တစ်) မျက်ကွင်း အပြင်ဘက် ရိုးရောင်ခြင်း၊ Acute or Chronic Sinusitis (Ethmoiditis)
၃။ နာတာရှည် (ဆိုင်နူဆိုက်တစ်) နဖူးထဲက ရိုးရောင်ခြင်း၊ Chronic Frontal Sinusitis (Chronic Rhinosinusitis)
၎။ နှာခေါင်း သွေးယိုခြင်း၊ Epistaxis
၅။ နှာခေါင်းထဲ တခြား ပစ္စည်း ၀င်ခြင်း၊ Foreign Body in the Nose
၆။ နှာခေါင်းပေါက်နှစ်ခုကို ပိုင်းခြားထားတဲ့ အကန့် သွေးယိုခြင်း၊ Hematoma of the Nasal Septum
၇။ နှာခေါင်းထဲ အသားပို ဖြစ်ခြင်း၊ (Nasal Polyps)

ဒီစာမှာ ပထမ ၃ မျိုး အကြောင်းကိုပဲ ရေးပါရစေ။ (အလာဂျီ)ကြောင့် ဖြစ်တဲ့ (ဆိုင်းနပ်စ်) ရောဂါက နှာရည်တွေ ယို၊ နှာခြေ၊ အနေအထိုင်ခက် ဖြစ်လာပါတယ်။ ကုသဖို့ (အင်တီ-ဟစ်တမင်း) ဆေး Antihistamines (Diphenhydramine, Loratadine, Fexofendadine)၊ နှာရည်ကျဲဆေး Decongestants (Pseudoephedrine)၊ နှာခေါင်းထဲ ထည့်ရတဲ့ (ကော်တီကို-စတီရွိုက်)ဆေး Nasal corticosteroids (Fluticasone, Beclomethasone) တွေကို သုံးရပါတယ်။

နောက်ပြီး (အလာဂျီ) ဖြစ်စေတဲ့ အရာတွေကို ယဉ်ပါးအောင် ပြုလုပ်ခြင်း၊ (Allergy desensitization) လုပ်သင့် ပါတယ်။ ဒါမှ နောင် ရှောင်နိုင်မှာပါ။ ဆားရည်ဖြင့် စိမ်ခြင်း၊ (Saltwater rinses) ဆိုတာ ကိရိယာ ၀ယ်ပြီး လုပ်နိုင်ပါတယ်။ ရေကျက်အေး ၁ ခွက်ထဲမှာ အိမ်သုံးဆား (အိုင်အိုဒင်း မပါ) လက်ဘက်ရည်ဇွန်း တစ်ဝက်၊ မုံ့ဖုတ်ရာမှာ သုံးတဲ့ ဆိုဒါမှုန့် နည်းနည်း ထည့်ရပါမယ်။ ဆိုဒါမှုန့်က အပူ မလောင်အောင် ကာကွယ် ရုံပါ။ Vaporizers ခေါ်တဲ့ ရေနွေးငွေ့ရှူတဲ့ နည်းလဲ ကောင်းပါတယ်။ ရိုးရိုးလေးပါ။ ရေကို ပွက်အောင် လုပ်ပေးပြီး ထွက်လာတဲ့ အငွေ့ကို ရှူပေးရတာပါ။ လျှပ်စစ် ရှိလို့ ကိရိယာ ၀ယ်သုံးရင် ပိုကောင်းတာပေါ့။ ဈေးလဲ မကြီးပါဘူး။

လူတွေအများဆုံး ဖြစ်တတ်တဲ့ ထိပ်ကပ်နာ ခေါ်တဲ့ (ဆိုင်းနပ်စ်)ရောဂါက ဘယ့်လောက်အဖြစ် များသလဲဆိုရင် ဗမာတွေ စွဲနေကြတဲ့ ရုပ်ရှင်ထဲက ကိုရီးယန်းတွေ လေးယောက်မှာ သုံးယောက် ဖြစ်နေသတဲ့။ အစကတော့ အအေးမိတာနဲ့ အတူတူပါဘဲ။ နဲနဲလေး ကိုယ်ပူ၊ နှာချေ၊ နှာစေး၊ နှာပိတ်၊ ချောင်းလေးဆိုး၊ အားယုတ်၊ မစားချင် မသောက်ချင်ဖြစ်။ ကြာတော့ နှာခေါင်းနောက်ပိုင်းမှာ အဆက်မပြတ် Drip သွင်းပေးသလို အရည်တွေ စီးကျနေပါမယ်။

ပိုးဝင်တာအပြင် ပတ်ဝန်းကျင် အခြေအနေကြောင့်လည်း ဖြစ်ရပါတယ်။ လေခိုအိတ် ကလေးတွေထဲမှာ မျက်စိနဲ့ မမြင်နိုင်အောင် သေးငယ်တဲ့ လက်ချောင်းပုံ အမွှေးလေးတွေက ပြင်ပက၀င်လာမဲ့ မသင့်တဲ့ အရာမှန်သမျှကို တားဆီး ပေးပါတယ်။ ရောဂါ ရရင် အဲဒီအလုပ် မလုပ်နိုင် ဖြစ်လာပါတယ်။ ဒါ့ကြောင့် ဗက်တီးရီးယားတွေ ခိုအောင်း၊ ပေါက်ဖွားပြီး ရောဂါ ရတော့တာပါဘဲ။

ကုသဖို့ကတော့ ပဋ္ဋိဇီဝဆေး Antibiotics (Amoxicillin & Clavulanic acid = Augmentin ES-600, Augmentin, Augmentin XR) ကို ၁၀-၁၄ ရက်ကြာ ပေးရပါတယ်။ နှာရည်ကျဲဆေး Decongestants တွေကို ဆက်သုံးနိုင်တယ်။

(၂-၃)လထက် ကြာကြာဖြစ်ရင်တော့ နာတာရှည်လို့ သတ်မှတ်ပါတယ်။ နှာခေါင်းမှာ နေမထိ ထိုင်မထိ၊ မသက်မသာ ဖြစ်မယ်၊ နှာရည် ယိုမယ်၊ နှာရည် အရောင် ရှိလာမယ်၊ မျက်နှာမှာ နာနေမယ်၊ ကိုက်မယ်၊ ကြာရင် ချောင်းဆိုးပါမယ်၊ (ညအချိန် ပိုဆိုးတယ်)။ ပြည်လိုလဲ ဖြစ်လာနိုင်တယ်။ နှာရည်က နံလာမယ်။ မွှေးတာ၊ နံတာ မသိ ဖြစ်လာပါလိမ့်မယ်။ ပါးစပ်နဲ့သာ အသက်ရှူ ရတော့မယ်။ အိပ်ရင် ဟောက်မယ်။ ကလေးများ ဖြစ်ရင် နားရောဂါ ဆိုတာ မကြာမကြာ ရမယ်။ ရက်ကြာကြာနဲ့ ခဏခဏ ဖြစ်ခြင်းတာမို့ အလုပ်အကိုင်ပျက်၊ စိတ်ပျက် ဖြစ်ပြီး စီးပွါးရေးပါ ထိခိုက်နိုင်ပါတယ်။

ဒီရောဂါ ဟုတ်-မဟုတ် ရောဂါ ရာဇ၀င်ဖြစ်တဲ့ ပတ်ဝန်းကျင် အခြေအနေ၊ ရောဂါ လက္ခဏာတွေ၊ သောက်ထားတဲ့ဆေး ဆိုတာတွေ သိဖို့ လိုပါတယ်။ လိုအပ်ရင် Endoscopy နှာခေါင်းထဲ ကိရိယာနဲ့ ကြည့်မယ်၊ X-ray ဓါတ်မှန် ရိုက်တာ၊ နောက်ဆုံး လိုအပ်ရင် CT (Computed tomography) scan ကွန်ပြူတာ သုံးပြီး စစ်ဆေးတာ လုပ်ရပါမယ်။

ကာကွယ်ဖို့ကတော့ အေးချမ်းတဲ့ ပတ်ဝန်းကျင်ကို ဖြစ်နိုင်သ၍ ရှောင်ဖို့ လိုပါတယ်။ (ထိပ်ကပ် ရောဂါကြောင့် အေးတဲ့ တိုင်းပြည်တွေမှာ အလုပ် သွားလုပ်နေသူများ အိပ်ကပ် ပြဿနာ မရှိရင်တော့ ကိုယ့်ပြည်ကိုယ် ပြန်လာပေါ့။) လေကိုလဲ ရေဓါတ် ရှိနေအောင် လုပ်ပေးနိုင်တာ ကောင်းတယ်။ (Respiratory Humidifiers, Electrode Humidifiers, Resistance Humidifiers, Gas-Fired Steam Humidifiers, Whole House Humidifiers) ဆိုပြီး ကုမ္ပဏီတွေက ကြော်ငြာတာတွေရှိပါတယ်။ အခန်းကို အနံ့အသက်တွေလဲ ကင်းရှင်းအောင် လုပ်ပါ။

နာတာရှည် ဖြစ်ပြီဆိုရင် ဆေးကုသရာမှာလဲ သာမန်ကာ ရှံကာ မဟုတ်ဘဲ အပြင်းအထန်နည်း Aggressive treatment သုံးသင့်ပါတယ်။

နှာခေါင်း ပုံပန်းပျက် နေသူတွေကိုတော့ ခွဲစိတ်ပေးဖို့ လိုမယ်။ နောက်ပြီး နှာခေါင်းထဲ ထည့်ရတဲ့ (ကော်တီကို စတီရွိုက်) ဆေးတွေ ပေးရမယ်။ ဆားရည်နဲ့ စိမ်နည်း သုံးရမယ်။

ဆေးမကုဘဲ ထားရင် ရောဂါပိုးက အတွင်းထဲ၊ အရိုးထဲ ရောက်သွားနိုင်ပါတယ်။ နဖူးထဲက လေခိုပေါက်မှာ ဖြစ်တာ ဆိုရင် မျက်လုံးကို သွားဖိနေလို့၊ အရုပ် နှစ်ထပ် မြင်ရမယ်။ နဖူး ဖေါင်းလာမယ်။ ဦးနှောက်ထဲ အနာ ဖြစ်မယ်။ ဦးနှောက် မြှေးရောင်မယ်။ မျက်ကွင်း ဘေးက ဖြစ်ရင် အနား တစ်ဝိုက် ပြည်တည်နာ Abscess ဖြစ်မယ်။ ပါရိုးထဲ ဆိုရင် နှာခေါင်း ပိတ်နေမယ်။ နားထင်ရိုးထဲ ဖြစ်ရင် အရုပ်နှစ်ထပ် မြင်တာ၊ မျက်လုံးရွေ့လျားမှု ကောင်းကောင်း လုပ်မရတာ ဖြစ်နေမယ်။ အထဲ ဆက်ဝင်သွား ရင်တော့ ဦးနှောက်ထဲ အနာ ဖြစ်မယ်။ ဦးနှောက်မြှေး ရောင်မယ်။

နာတာရှည် (ဗက်တီးရီးယား)ကြောင့် ဖြစ်တဲ့ (ဆိုင်းနပ်စ်) ရောဂါကို ကုသဘို့ ပဋ္ဋိဇီဝဆေးများ Antibiotics (Amoxicillin & Clavulanic acid = Augmentin ES-600, Augmentin, Augmentin XR)၊ နှာရည်ကျဲ ဆေးများ Decongestants (Pseudoephedrine = Chlor Trimeton, Contac Cold, Drixoral Decongestant Non-Drowsy, Elixsure Decongestant, Entex, Genaphed, Kid Kare Drops, Nasofed, Seudotabs, Silfedrine, Sudafed, Sudodrin, SudoGest, Suphedrin, Triaminic Softchews Allergy Congestion, Unifed)၊ ဆားရည်ဖြင့် စိမ်ခြင်း၊ (Saltwater rinses)၊ နှာခေါင်းထဲ ထည့်ရသည့် (ကော်တီကိုစတီရွိုက်) ဆေးများ topical nasal corticosteroids (fluticasone or beclomethasone) သုံးရပါလိမ့်မယ်။

နှာခေါင်းရိုး အနေအထား ပုံမှန် မဟုတ် သူများအား ခွဲစိတ် ပေးရပါမယ်။ (ရောဂ)နည်းနဲ့လဲ ကုသပေး နိုင်ပါတယ်။

(အက်သမွိုက်)လေခိုအိတ်များ ရောင်ခြင်း Ethmoiditis ကတော့ အသက်ရှူလမ်း အထက်ပိုင်း ပိုးဝင်ခြင်းက တစ်ဆင့် ဆက် ဖြစ်ရတာပါ၊ (ဗက်တီးရီးယား) ဒါမှမဟုတ် (ဗိုင်းရပ်စ်)ပိုးဟာ လေခိုအိတ်ရဲ့ နံရံတွေကို ပျက်စီးစေတယ်။ (အလာဂျီ) ကြောင့်လည်း ဖြစ်နိုင်တယ်။ သူများကို မကူးပါ။ နှာခေါင်းရိုး အနေအထား ပုံမမှန်လို့လဲ ဖြစ်နိုင်တယ်။ အားနည်းနေသူ ဆိုရင် (ဖန်းဂတ်စ်) မှိုကြောင့်လဲ ဖြစ်နိုင်တယ်။ (ဖန်းဂတ်စ်) မှိုကြောင့် ဖြစ်တာ ဆိုရင် (ဖန်းဂတ်စ်)ဆေး Amphotrecin B အကြောဆေး ပေးရပါမယ်။

လက္ခဏာတွေကတော့ နဖူး အောက်နား၊ မျက်လုံး နှစ်ဖက်ကြား၊ နှာခေါင်းရဲ့ဘေးမှာ နာမယ်။ မျက်စိ အစွန်နား အနည်းငယ် နီပြီး ရောင်မယ်၊ နာနေမယ်။ နှာခေါင်းကနေ အသက်ရှူရတာ ခက်မယ်။ ဖျားနိုင်တယ်။ အနံ့ ကောင်းကောင်း မရ ဖြစ်မယ်။ နှာခေါင်း ပိတ်နေမယ်။ နှာရည်ယိုမယ်။

ဆက်ပြန့် မသွားအောင် တားဖို့ ခက်ပါတယ်။ ဒါပေမဲ့ နှာရည်ကို သန့်ရှင်းပေးခြင်း၊ ရေ-အရည် များများ သောက်ပေးခြင်း၊ ဆားရည် စိမ်ပေးခြင်း၊ နွားနို့ ရှောင်ခြင်းတို့က သက်သာစေပါမယ်။ (အလာဂျီ)ကြောင့် ဖြစ်ရတာ ဆိုရင် ဖြစ်စေတတ်တဲ့ အခြေအနေကို ရှောင်ပါ။ နှာခေါင်းထဲ ထည့်ရတဲ့ (ကော်တီကို-စတီရွိုက်)ဆေးတွေ သုံးပါ။ (အင်တီ-ဟစ်တမင်း)ဆေး Antihistamines (Diphenhydramine, Loratadine or Fexofendadine) သုံးပါ၊ နှာရည်ကျဲဆေး Decongestants (pseudoephedrine) သုံးပါ၊ (ဗက်တီးရီးယား)ကြောင့် ဖြစ်ရင် ပဋ္ဋိဇီဝဆေး Antibiotics (Amoxicillin & Clavulanic acid) ပေးပါ၊

(အင်တီဘိုင်ရောတစ်)က မထိရောက်တော့ရင် ခွဲရပါတော့မယ်။ Basic endoscopic surgical procedure ခွဲစိတ် ရတာက မေ့ဆေး ဖြစ်ဖြစ် ထုံဆေး ဖြစ်ဖြစ် သုံးနိုင်ပါတယ်။ ပိတ်ဆို့နေတာတွေ ဖယ်ထုတ်၊ အကောင်းတွေ တတ်နိုင်သမျှ ချန်ပေးရတာ ဖြစ်ပါတယ်။ ၄ ပါတ် ဆိုရင် ပြန်ကောင်း သွားမှာပါ။

တင့်ဆွေ
၂၅-၈-၀၉

Sunday, August 23, 2009

မိသားစုစီမံကိန်း ကိုယ်ဝန်တားဆေးများ

Plan B (Levonorgestrel)Plan B(Levonorgestrel)Plan B (Levonorgestrel)

Glaucoma

မျက်စိ ရေတိမ် ရောဂါ ဟာ အမြင် အာရုံ ကြော (Optic Nerve) ကို ထိခိုက် စေတဲ့ ရောဂါ တစ်မျိုး ဖြစ်ပြီး ပြန်လည် ကုသ မရနိုင် တော့တဲ့ မျက်စိ ကွယ်ခြင်း (Irreversible Blindness) ရဲ့ အကြောင်း တစ်ရပ် လည်း ဖြစ်ပါတယ်... ကမ္ဘာ တစ်ဝှမ်း မှာ ရေတိမ် ရောဂါ ကြောင့် မျက်စိ နှစ်ဖက် လုံး ကွယ်သူ ပေါင်း ၆သန်း ခန့် ရှိနေ ပါတယ်... အမေရိက ရဲ့ စစ်တမ်း တစ်ရပ် မှာတော့ အမေရိက မှာ လူဦးရေ ၃သန်း ခန့် ရေတိမ် ရောဂါ ခံစား နေရပြီး အဲဒီ ထဲက တစ်ဝက် လောက်ဟာ မိမိမှာ ရေတိမ် ရောဂါ ရှိမှန်း မသိသူ များ ဖြစ်ကြ ပါတယ်... အကြောင်းမှာ ဖြစ်စ တွင် ရောဂါ လက္ခဏာ မသိသာ ခြင်း၊ မျက်စိ မှုန်ဝါး လာတာ ကို ရေတိမ် ရောဂါ ကြောင့် ဟု မသိ ခြင်း တို့ကြောင့် ဖြစ်ပါတယ်...

မျက်လုံး တွင်းရှိ ရေဖိအား (Intraocular Pressure) အကြောင်း ပထမ အနေနဲ့ ပြောပြ ချင်ပါတယ်... မျက်လုံး တွင်း ရေဖိအား ဟာ ပုံမှန် အားဖြင့် ၈ မှ ၂၂ မီလီမီတာ မာကျူရီ (8 to 22 mmHg) ကြားမှာ ရှိပါတယ်.. ရေဖိအား နည်းရင် မျက်လုံး ပျော့သွား ပြီး ရေဖိအား များလာ ရင် မျက်လုံး မာကျော လာ ပါတယ်.. မျက်လုံး တွင်း အရည် (Aqueous Humor) များကို မျက်ဝန်း (Iris) အနောက်ဖက် နဲ့ မျက်စိ မှန်ဘီလူး (Lens) ဘေးရှိ စီလီယာရီ ဘော်ဒီ (Ciliary body) များက ထုတ်လုပ် ပေးပါတယ်... အဲဒီ ကနေ သူငယ်အိမ် (Pupil) ကို ဖြတ်ကာ မျက်စိ ရှေ့ပိုင်း ရှိ အစိတ် အပိုင်း များ အာဟာရ အတွက် ဖြည့်ဆည်း ပေးပြီး မျက်ကြည်လွှာ (Cornea) နဲ့ မျက်ဝန်း ကြားထောင့် လမ်းကြောင်း (Trabecular Mechwork) မှတစ်ဆင့် စီးဆင်း ထွက် သွားပါတယ်.. အကြောင်း အမျိုးမျိုး ကြောင့် လမ်းကြောင်း ပိတ်သွား ခြင်း၊ဒါမှ မဟုတ် အရည် ထုတ်လုပ် မှုများ ခြင်းတို့ ကြောင့် မျက်လုံး တွင်း ရေဖိအား မြင့်တက် လာပြီး ရေတိမ် ရောဂါ လက္ခဏာ များ ဖြစ်ပေါ် လာပါတယ်... မည်သည့် အတွက် ကြောင့် ရေတိမ် ရောဂါ ဖြစ်ရသည် ကိုမူ ယခုထိ ရှင်းရှင်း လင်းလင်း မသိ ရသေးပါ.. ဒါပေမယ့် မျိုးရိုး လိုက်ပြီး ဖြစ်တတ် ကြောင်း၊ အနောက် နိုင်ငံ များတွင် လူမည်း များ၌ အဖြစ် များကြောင်း တွေ့ရှိ ရပါတယ်...

ရေတိမ် ရောဂါ အဓိက အားဖြင့် နှစ်မျိုး ရှိပါတယ်...

ထောင့်ကျယ် ရေတိမ် (Open-Angle Glaucoma)
ထောင့်ကျဉ်း ရေတိမ် (Closed-Angle Glaucoma)

တို့ ဖြစ်ပါတယ်...

ထောင့်ကျယ် ရေတိမ် ဟာ အဖြစ် များဆုံး အမျိုး အစား ဖြစ်ပြီး ဖြစ်စမှာ လက္ခဏာ မပြသ ဘဲ အချိန် အတော် ကြာမှသာ လက္ခဏာ များ ပြလာ ပါတယ်... အရည် စီးထွက် ရာ လမ်းကြောင်း ပိတ်ဆို့ မှုကြောင့် ဖြစ်ပေါ် ရပြီး မျက်စိ မှုန်ဝါး လာခြင်း၊ အမြင် အာရုံ ကျဉ်းမြောင်း လာခြင်း စတဲ့ လက္ခဏာ များ ပြသ လာပါတယ်... ထောင့်ကျဉ်း ရေတိမ် ကတော့ ရုတ်တရက် လက္ခဏာ များ ဖြစ်ပေါ် လာတတ် ပြီး မျက်လုံး နီရဲ လာခြင်း၊ မျက်စိ ကိုက်လာ ခြင်း၊ ခေါင်းကိုက် ပျို့အန် တတ်ခြင်း၊ အမြင် မှုန်ဝါး ပြီး အလင်းရောင် ကြည့်တဲ့ အခါ ဘေးမှာ အလင်း ကွင်း (Halo) များ မြင်ရ ခြင်း တို့ ဖြစ်ပေါ် တတ်ပါတယ်... ထောင့်ကျဉ်း ရေတိမ် ဟာ မျက်ဝန်း နဲ့ အရည် စီးထွက် ရာလမ်း ကြောင်း တို့ ထိကပ် ပိတ်ဆို့ မှုကြောင့် ဖြစ်ပေါ် လာရ ပါတယ်.. အဆိုပါ ရေတိမ် ရောဂါ များကို အချိန်မီ ကုသမှု မခံယူ ပါက ရေဖိအား များသည့် ဒဏ်ကြောင့် မြင်လွှာ (Retina) ရှိ အမြင် အာရုံ ကြော (Optic Nerve) ထိခိုက် ချိုင့်ဝင် သွားပြီး လုံးဝ မျက်လုံး ကွယ်သွားခြင်း (Permanent Blindness) ဖြစ်ပေါ် စေပါတယ်..

မျက်စိ ရေတိမ် ရှိမရှိ စမ်းသပ် ရန် မျက်စိ အထူးကု ဆရာဝန် မှသာ စစ်ဆေး ဆုံးဖြတ် နိုင်မှာ ဖြစ်ပါတယ်.. မျက်လုံးတွင်း ရေဖိအား တိုင်း ကိရိယာ (Tonometry) ဖြင့် တိုင်းတာခြင်း၊ မျက်စိ စစ်ဆေး ကိရိယာ (Ophthalmoscope) ဖြင့် အမြင် အာရုံ ကြော အခြေ အနေ၊ မျက်လုံး တွင်း အခြေ အနေ များကို စစ်ဆေးခြင်း၊ မြင်ကွင်း စစ်ဆေး ခြင်း (Visual Field Testing) တို့ဖြင့် ပြလုပ် ကာ ရေတိမ် ရှိမရှိ စစ်ဆေး နိုင်ပါတယ်...

ကုသမှု အနေ ဖြင့် သောက်ဆေး၊ မျက်စဉ်း ခပ်ဆေး၊ ခွဲစိတ် ကုသ ခြင်းနည်း တို့ဖြင့် ပြုလုပ် နိုင်ပါတယ်.. Beta blockers (timolol, levobunolol, metipramolol) စသည့် မျက်စဉ်း ဆေး များမှာ စီလီ ယာရီ ဘော်ဒီ မှ အရည် ထုတ်လုပ် မှုကို လျှော့ချ ပေးပြီး မျက်လုံးတွင်း ရေဖိ အား လျော့ကျ စေပါတယ်.. Adrenergic agonists (Beta2 agonists) အုပ်စု ဆေးများ ဖြစ်တဲ့ (Brimonidine, Apraclonidine, Dipivefrin) ကတော့ အရည် ထုတ်လုပ် မှု ကျဆင်း စေတဲ့ အပြင် အရည် စီးထွက် မှုကို လည်း ဖြစ်ပေါ် စေပါတယ်.. Prostaglandin analogs (Latanoprost, Travoprost, Brimatoprost) မျက်စဉ်း ဆေးများ ကတော့ အရည် စီးထွက် မှုကို ဖြစ် စေတဲ့ ဆေးများ ဖြစ်ပါတယ်.. Carbonic Anhydrase Inhibitors (Acetazolamide, Methazolamide) သောက် ဆေးများ ကတော့ အရည် ထုတ်လုပ် မှုကို လျော့ကျ စေပါတယ်.. Parasympathomimetics (Pilocarpine, Echothiophate) စတဲ့ မျက်စဉ်း ဆေးများ ကတော့ အရည် စီးထွက် မှုကို ဖြစ်စေ ပြီး မျက်စိ သူငယ် အိမ်ကို လည်း ကျဉ်းစေလို့ အရင်က တွင်တွင် ကျယ်ကျယ် သုံးပေ မယ့် အခု တော့ အသုံး နည်းလာ ပါတယ်.. ၎င်း မျက်စဉ်း ဟာ တစ်နေ့ ၃-၄ ကြိမ် ခပ်ပေး ရခြင်း ဘေးထွက် ဆိုးကျိုး များတာ ကြောင့် အသုံး နည်းလာ ရတာ ဖြစ်ပါတယ်..

ခွဲစိတ် ကုသ မှု အနေ ဖြင့် ရိုးရိုး ခွဲစိတ် ခြင်း (Trabeculectomy, Viscocanalostomy)၊ လေဆာ ရောင်ခြည် ဖြင့် ခွဲစိတ် နည်းများ (Laser Iridotomy, Laser Trabeculoplasty, Laser Cilioablation) တို့ဖြင့် အရည် စီးထွက် မှု ပွင့်အောင် ပြုလုပ် နိုင်ပါတယ်.. ဒါ့ကြောင့် မျက်စိ ရေတိမ် ရောဂါ ကို ပေါ့ပေါ့ တန်တန် မထား သင့်ပဲ ဂရုစိုက် နေထိုင် ခြင်း၊ မျက်စိ မှုန်ဝါး လာပါက မျက်မှန် လုပ်ရန် အတွက် တစ်ခု တည်းကိုသာ အာရုံ မထားဘဲ တတ်ကျွမ်း သော မျက်စိ အထူးကု ဆရာဝန် နဲ့ စနစ် တကျ စစ်ဆေး ကုသ မှု ခံယူ သင့်ပါ ကြောင်း သတိ ပေးရေး သား လိုက်ရ ပါတယ်.. အားလုံး မျက်စိ ရောဂါ နဲ့ ဘေးဘယာ အပေါင်း မှကင်း ဝေးနိုင် ပါစေ...

ရေတိမ်ရောဂါ ကြောင့် အမြင်ေ၀၀ါး လျော့နည်းလာပုံ

References;
http://www.medicinenet.com/glaucoma/article.htm
http://en.wikipedia.org/wiki/Glaucoma

Clotho (ကလိုသို)

Clotho (ကလိုသို) သည် ရှေးဟောင်း ဂရိ နှင့် ရောမ ဒဏ္ဍာရီ များတွင် ပါသည့် နတ်သမီး တစ်ပါး အမည် ဖြစ်သည်။ ရောမတို့ အဆို အရ (အူရန်နို) နှင့် (ဂီး)တို့၏ သမီး (နိုနို) (နိုနာ)ဟုခေါ်ပြီး၊ ဂရိအလိုအရ (ဇီးယပ်)ဘုရင်ကြီးနှင့် မိဖုရားကြီး (ဿီးမီးစ်)တို့၏ ကံကို စီမံကြကုန်သော သမီးတော် သုံးပါး အနက် အထွေးဆုံး ဖြစ်သည်။ အသက်ရှည်ခြင်း-တိုခြင်းမှာ သူမ၏ အလိုအရ ဖြစ်ရပါသတဲ့။

“အသက်ရှည်စွာ၊ အနာမဲ့ကြောင်း”ဟူသည် ကမ္ဘာဦး အစကပင် လူတို့ ရလို၊ ဖြစ်လိုသည့် အိပ်မက် ဖြစ်ပါသည်။ သိပ္ပံစာရေးဆရာများကလည်း ရေးခဲ့လှပါပြီ။ ဥပမာ (ကွတ်-ဗွန်နဂတ်)၏ နက်ဖြန်-နက်ဖြန်-နက်ဖြန် ၀တ္ထု။ ရှေးဟောင်းဂရိ ၀တ္ထု တစ်ပုဒ်တွင်လည်း (အီယို)နတ်သမီးက (တီသိုနီးယပ်စ်)အား ချစ်ကျွမ်းဝင်ပြီး သကာလ၊ (ဇီးယစ်) ဘုရင်ကြီးအား သူ့ချစ်သူကို အသက်မသေသူ အဖြစ် ဖန်ဆင်း ပေးပါရန် လျှောက်ထားလေရာ၊ (ဇီးယစ်)ကလည်း တစ်လုံး တစ်ဝတည်း ပြည့်ဝစေသတည်း လုပ်ပေးပါသတဲ့။ မေ့သွားလိုက်တာ တစ်ခုကတော့ အစဉ်အမြဲ နုပျိုနေအောင် ဆိုတဲ့ဆု မပါလိုက်လို့ (တီသိုနီးယပ်စ်)ဟာ မသေပေမဲ့ အို-အို-အိုပြီးသကာလ နှံကောင်လောက်သာ အသံထွက်နိုင်တဲ့ဘ၀ ရောက်သွား ရပါတော့တယ်။

တကယ်တမ်း အသက်ရှည်ဖို့ အရေး အတော်ကြီး ဝေးပါသေးသည်။ ကြွက်များတွင် စမ်းသပ်ချက်အရ (ကလိုသို) မျိုးဗီဇသည် ကယ်လ်စီယံ၏ အလုပ်များကို သက်ရောက်စေပြီး၊ (ကလိုသို) မျိုးဗီဇ ပြောင်းလဲ သွားခြင်းကြောင့် ကြွက်မှာ အိုစာသွားရကြောင်း တွေ့ရှိရပေသည်။ ဆက်လက်၍ (ကလိုသို) မျိုးဗီဇသည် ဦးနှောက်၊ ကျောက်ကပ်၊ (ပါရာသိုင်းရွိုက်-ဂလင်း) တို့မှာလည်း ပုံမှန် မဟုတ် ဖြစ်လာကြောင်း တွေ့ရ ပြန်ပါသည်။

ထို့ကြောင့် (ကလိုသို) မျိုးဗီဇကို ဆွပေးခြင်းဖြင့် အသက်ကြီးခြင်း၏ လက္ခဏာများဖြစ်သော အရိုး အားနည်းလာခြင်း၊ သွေးလွှတ်ကြောများအတွင်း သွေးသွားလာမှု နှေးကွေးလာခြင်း၊ ကြွက်သားများ အားယုတ်လာခြင်းတို့ကို သက်ရောက်စေပေသည်။ (ကလိုသို) ကို ပိုမို တက်ကြွအောင် လုပ်ပေးလိုက်သော ကြွက်သည် သာမန်ကြွက်ထက် အသက် ၂၀% မှ ၃၀% ပိုရှည်သည်ကို တွေ့လာသည်။ ကလေး ရတာတော့ နည်းသွားပါသတဲ့။ နောက်ဆိုးတာ တစ်ခုက (အင်ဆူလင်)ကိုလည်း သက်ရောက်လို့ "ဖိုးသက်ရှည် ဆီးချိုသမား" ဖြစ်သွားနိုင်ပါတယ်။

သို့ရာတွင် (ကလိုသို) အပါအ၀င် Life extension drugs နှင့် Anti-aging drugs တို့မှာ စမ်းသပ်ဆဲ အခြေအနေတွင်သာ ရှိပါသေးသည်။ (အွန်လိုင်း) ကြော်ငြာတွေကတော့ များလှပါဘိ။

လူတွေအသက်ကြီးလာသည်နှင့် (ကလိုသို)လျော့နည်းလာသည်။ (ကလိုသို)သည် သွေးတိုးကို ထိန်းရာတွင် အသုံးချနိုင်ပုံရသည်ကို လတ်တလော သုတေသနပြုချက်အရ သိလာရသည်။ (ကလိုသို)ကို ထိုးဆေးတလုံးထိုးသည်နှင့် သွေးတိုးကို ၃ လခန့်ကြာ ထိန်းထားနိုင်သည်ဟုဆိုသည်။ (ကလိုသို)ကို ဆေးမှုံ့အဖြစ် (ပရိုတင်း)အားဆေးအဖြစ်ပါ ရနိုင်သည်။

Wednesday, August 19, 2009

The First World Humanitarian Day: 19 August 2009

ဒီနေ့က ကမ္ဘာ့ လူသားချင်း စာနာ ကူညီမှုတွေကို အသိအမှတ်ပြုတဲ့ အထိမ်းအမှတ် နေ့ကလေး ဖြစ်ပါတယ်။
အထူးသဖြင့် အဲဒီလို ကူညီမှုတွေ ပြုလုပ်ပေးရင်း အသက်စွန့် သွားခဲ့ကြရတဲ့ သူတွေ အတွက် ရည်ရွယ်ပြီး ကမ္ဘာ့ ကုလသမ္မဂ္ဂ အဖွဲ့ကြီးက နှစ်စဉ် ကျင်းပသွားဖို့ စတင် သတ်မှတ်လိုက်တာပါ။
အဲဒီနေ့ကလေးက ဒီနှစ်မှာမှ စတာမို့ ဒီနေ့က ပထမဆုံးနေ့ပေါ့။

Lesions on penis ကျားလိင်တံ အနာများ

နိုင်ငံတစ်ခုကို ရောက်နေတဲ့ (ဘလော့ဂ်)ကိုလည်း ဖတ်တဲ့၊ ရောဂါ တစ်ခုခုလည်း ရှိနေတဲ့ မြန်မာ အမျိုးသားတစ်ဦးရဲ့ အမေးကို ဒီလို ဖြေလိုက်ပါတယ်။

၁။ ကျားလိင်တံမှာ တစ်ခုမက အစုလိုက် နာတဲ့ အနာဆိုရင် genital herpes ရေယုံ ဖြစ်နိုင်ပါတယ်။ လိင်တံ များသာမက စအို နဲ့ တင်ပါး တစ်ဝိုက်မှာလဲ ပေါက်တတ်ပါတယ်။ ဖြစ်ဖြစ်ချင်း တချို့မှာ ကိုယ်နည်းနည်း ပူတတ်တယ်။ များသောအားဖြင့် STI လိင်လမ်းကြောင်း ကတစ်ဆင့် ကူးစက်ရောဂါ တစ်မျိုး ဖြစ်တယ်။ ယောက်ျားတွေမှာ အဖြစ်များပေမဲ့ အမျိုးသမီးတွေမှာလဲ ဖြစ်နိုင်တယ်။

ရေယုံဟာ ဗိုင်းရပ်စ်ကြောင့် ဖြစ်တာမို့ အတိအကျ ပြောရရင် ဆေးမနိုင်ပါ။ ကုသတာရဲ့ ရည်မှန်းချက်ဟာ အနေရအထိုင်ရ သက်သာအောင်၊ ဆက်မပွါးအောင်၊ သူများကို မကူးအောင် လုပ်ဖို့ပါ။ သန့်ရှင်းရေး လုပ်တာ ကောင်းတယ်။ အ၀တ်အစား ၀တ်တာတာင် cotton underwear ကောင်းတယ်။ ဖြစ်နေချိန်မှာ အတူ နေတာ(လိင်ဆက်ဆံတာ) ကို ရှောင်ပါ။

Acyclovir (Zovirax), famciclovir (Famvir), or valacyclovir (Valtrex) တွေဟာ ဗိုင်းရပ်စ် ဆေးတွေပါ။ နာတယ် ဆိုရင် အနာ သက်သာဆေးတွေ ibuprofen (Advil) or acetaminophen (Tylenol) သောက်ရပါမယ်။ သဘာဝ ဆေးနည်း တွေထဲမှာ Red Marine Algae, Vir-L-Lysine, Choraphor, Aviralex, Aeura, H-Balm တွေပါတယ်။ Acyclovir က ဆေးပြား၊ ဆေးတောင့်၊ ဆေးရည်ရှိတယ်။ တစ်နေ့ကို ၂-၅ ကြိမ်နဲ့ ၅-၁၀ ရက် သောက်ရတယ်။ လိင်လမ်းမှာ ဖြစ်တာမျိုးကိုတော့ ၁ နှစ် အထိ ပေးရတာလဲ ရှိတယ်။

၂။ အနာက မုံလာပွင့်လို သဏ္ဍာန်ဆိုရင် ကြွက်နို့ ဖြစ်မယ်။ နောက်ဆက်တွဲ ပိုး ထပ်ဝင်တာ မရှိသ၍ မနာပါ။ နည်းနည်းယားတာ ပူတာမျိုး ရှိတတ်ပါတယ်။ အရည် ထွက်တာမျိုးလဲ ရှိနိုင်တယ်။ ကြွက်နို့ ကုဖို့ သတ်သတ် ရေးထားပါတယ်။

၃။ ကျားလိင်တံမှာ တစ်ခုတည်းသော အနာ(အဖု) ဆိုရင် syphilis ဖြစ်နိုင်ပါတယ်။ မနာတဲ့ အနာကို chancre လို့ ခေါ်ပါတယ်။ ဒီအနာနဲ့ တွဲပြီး ပေါင်ခြံမှာ အကြိတ် ထွက်လာပါမယ်။ ဒီအနာ၊ အကြိတ်တွေက ၃-၆ ပါတ်လောက်နေလို့ သူ့အလိုလို ပျောက်သွားတာဟာ ပိုးကင်းသွားတာ မဟုတ်ပါ။ သွေးစစ်ရင် VDRL ဆိုတာလုပ်ရလို့ + ဖြစ်ရင် syphilis ရှိတယ်လို့ ခေါ်တယ်။

ှSyphilis ကို ဘာလက္ခဏာမှ မပေါ်ဘဲ သွေးစစ်လို့ ရှိနေရင်လဲ တာရှည်ခံ (ပင်နစလင်) ထိုးဆေး Benzathine penicillin G ကို တစ်ခါထိုးရင် ၂့၎ ယူနစ် တစ်ပါတ် တစ်ခါ၊ ပေါင်း ၃ ခါ ထိုး ရတယ်။

၎။ ကျားလိင်တံမှာ တစ်ခုမက ပန်းရောင်နဲ့ အရေပြားပေါ် ခပ်ဖေါင်းဖေါင်းလေး ဖြစ်တာမျိုးက molluscum contagiosum ခေါ်တဲ့ ဗိုင်းရပ်စ် ကြောင့် ဖြစ်ရတာ ဖြစ်နိုင်ပါတယ်။ အများအားဖြင့် မနာပါ။ တစ်ခါတစ်လေ နာပြီး၊ ယားသလို ဖြစ်နိုင်တယ်။ ဗိုင်းရပ်စ် ဆေးတွေကို အားကိုးပါ။

၅။ ကျားလိင်တံမှာ အနာတွေက တစ်ခုမကလဲရှိ နာလဲနာ၊ ပေါင်ခြံမှာလဲ အကြိတ်ရှိတာ ဆိုရင် chancroid လို့ ခေါ်တယ်။ ၁ လက္မရဲ့ ရှစ်ပုံ ၁ ပုံကနေ ၂ လက္မထိ ရှိနိုင်တယ်။ နှုတ်ခမ်းသား တိတိကျကျ ရှိတယ်။ ညီညီညာညာ မဟုတ်ဘူး။ ထိရင်၊ လှုပ်ရင် သွေးထွက် နိုင်တယ်။ မီးခိုးရောင် ဒါမှမဟုတ် ခပ်ဝါ၀ါနေမယ်။ ပဋိဇီဝဆေး azithromycin, ceftriaxone, ciprofloxacin, and erythromycin တွေက နိုင်တယ်။ ပေါင်ခြံ အကြိတ်က လိုအပ်ရင် ခွဲစိတ်ရပါမယ်။

၆။ ကျားလိင်တံမှာ ခပ်မဲမဲ အကွက်ကို သာမန် မျက်စိနဲ့ မမြင်ရသလောက် ရှိတာမျိုးက ရှာရှားပါးပါး crabs ခေါ်တာ ဖြစ်နိုင်တယ်။ အမွှေးတွေမှာ ဥတွေရှိနေပါမယ်။ သူ့ကိုကျ မြင်ရတယ်။

၇။ ကျားလိင်တံမှာ အတော်ယားတဲ့ ခပ်နီနီ အနာတွေဟာ scabies ယားနာပါ။ ဆေးတွေကတော့ Permethrin, crotamiton နဲ့ Benzyl benzoate ဖြစ်ပါတယ်။

ဂ။ ပေါင်ခြံမှာ တခြား နေရာတွေမှာ ပေါက်တာမျိုး (ဗက်တီးရီးယား)ကြောင့် ဖြစ်တဲ့ ရိုးရိုး ပြည်တည်နာတွေ (abscesses) လဲ ပေါက်နိုင်တယ်။ ပဋိဇီဝဆေးတွေက နိုင်ပါတယ်။

၉။ လိင်တံ ကင်ဆာ Cancer – penis
အမှန်ပြောရရင် ဘယ်နေရာမှာ ဖြစ်တဲ့ ကင်ဆာဖြစ်ဖြစ် ဘာ့ကြောင့် ဖြစ်ရတယ်ဆိုတာ ကနေ့ အထိ မသိသေးပါ။
လိင်တံကို ဖုံးတဲ့ အရေပြားအောက်မှာ အနံ့ဆိုးဆိုး၊ ခပ်ပြစ်ပြစ် အညစ်အကြေးတွေ ရှိနေရင် ကင်ဆာ ဖြစ်စေတတ်တယ်။ တစ်ချိန်က ကြွက်နို့ ဖြစ်ဖူးသူ၊ လိင်တံ အရေပြားကို ငုံနေပါလျက် မလှီးဖြတ်ထားသူ၊ သန့်ရှင်းရေး နည်းသူတွေဟာလဲ ကင်ဆာ ဖြစ်စေတတ်တယ်။

အနာ လိုလို အလုံး လိုလို အကြိတ်အခဲ လိုလို စ ဖြစ်တာပါ။ ကြွက်နို့နဲ့လဲ တူတယ်။ မုံလာပွင့်လို နေတယ်။ ဖြစ်ရင် မနာတာက များတယ်။ နောက်ကျမှ သွေးထွက်တာ၊ နာတာတွေ ဖြစ်လာတယ်။ လိင်တံရဲ့ ထိပ်ပိုင်းမှာ အဖြစ် အများဆုံးပါ။

သေချာအောင် အသားစ ဖြတ်ယူ စစ်ဆေးနည်း biopsy လုပ်ရမယ်။ ကုသနည်းမှာ Chemotherapy ဆေးပေးတာ၊ Radiation ဓါတ်ကင်တာ၊ Surgery ခွဲစိတ် ကုသတာတွေ ပါတယ်။

(အသုံးအနှုန်း ရိုင်းတာလေးများ ပါသွားရင် ကန်တော့ပါဗျာ။)

တင့်ဆွေ
၁၉-၈-၀၉

Tuesday, August 18, 2009

Dr. Mehmet Oz နှင့် interview

Q အမေရိကန် လူမျိုးတွေဟာ ကျန်းမာရေးနဲ့ ပတ်သက်တဲ့ ကောင်းသော အကျင့်တွေကို တစ်ချိန်လုံး သိနေခဲ့ကြပါတယ်။ ဒါပေမယ့် ကျွန်တော်တို့ဟာ တစ်နှစ်ထက် တစ်နှစ် ပိုပိုပြီး ၀လာကြပါတယ်။ အဲဒီအတွက် မျှော်လင့်ချက်များ ရှိနိုင်ပါသလား။
A အမေရိကန်တွေဟာ ကမ္ဘာပေါ်မှာ ပညာ အတတ်ဆုံး လူတွေ ဖြစ်ကြပါတယ်။ ကျွန်တော်တို့ဟာ ပညာ တတ်ကြပေမယ့် သတိမမူ မိကြတဲ့ အတွက် ပိုမိုပြီး ၀လာကြခြင်း ဖြစ်ပါတယ်။ သတ်ိတရား မရှိရင် စိတ်အား ထက်သန်မှု မရှိနိုင်ပါဘူး။ ကျန်းမာအောင် နေထိုင်ဖို့ စိတ်အားထက်သန်မှု မရှိရင် ပညာတွေ ဘယ်လောက် တတ်တတ် ဘာမှ ဖြစ်လာမှာ မဟုတ်ပါဘူး။

Q. နှလုံးရောဂါဟာ ကမ္ဘာ့ နံပါတ်တစ် အသေအပျောက် အများဆုံးရောဂါ အဖြစ် တည်ရှိနေဆဲ ဖြစ်ပါတယ်။ ဘာကြောင့်လို့ ထင်ပါသလဲ။
A. ကျွန်တော်တို့ရဲ့ နှလုံးသားဆိုတာ ကျွန်တော်တို့ အသက်ရှင် ရပ်တည်ဖို့ အတွက် အခရာပါ။ တစ်ခြား အင်္ဂါတွေနဲ့ ယှဉ်လိုက်ရင် သူက နားရတယ်လို့ မရှိပါဘူး။ လူတွေ သေကြရတဲ့ အကြောင်းရင်းကတော့ သွေးကြောတွေ မာလာတာကြောင့် အများစု ဖြစ်ပါတယ်။ နှလုံးရောဂါနဲ့ ပတ်သက်လာရင် ကျွန်တော်တို့မှာ Plan B မရှိပါဘူး။

Saturday, August 15, 2009

Warts ကြွက်နို့

မေးလာသူကို ကျေးဇူးတင်တယ်ဗျာ။ မေးမှလဲ ရေးဖြစ်တာကိုး။ မမေးဘဲ သိချင်သူတွေလဲ အကျိုးရှိမှာပေါ့။

ထပ်ဖြည့်တာလေး ၂ ခုရှိပါတယ်။

ကြွက်နို့ဆိုတာ Human papilloma virus (HPV) ခေါ်တဲ့ (ဗိုင်းရပ်စ်) ကြောင့် ဖြစ်ရတာပါ။ ဒီပိုးကလဲ အမျိုးပေါင်း ၁၀၀ ကျော်ရှိဆိုဘဲ။

သိတဲ့အတိုင်း တစ်ကိုယ်လုံးမှာ ကြွက်နို့ ပေါက်တတ်ပါတယ်။ ကူးလဲ ကူးတတ်ပါတယ်။ အထူးသဖြင့် လိင်လမ်းကြောင်း (ပါးစပ်၊ ဆီးသွားတဲ့နေရာ၊ မွေးလမ်းကြောင်း၊ စအို)တွေမှာ ဖြစ်တဲ့ ကြွက်နို့က ပိုကူး တတ်ပါတယ်။ ဆိုတော့ အကာအကွယ်မဲ့ လိင်ဆက်ဆံမှုဆိုတာ ရှောင်ကို ရှောင်ရမှာပါ။ တချို့ အမျိုးသမီးများမှာ အပြင်ကနေ မသိနိုင်တဲ့ သားအိမ်အ၀မှာ ကြွက်နို့ ပေါက်နေတတ်ပြီး ဆက်ဆံမိသူများကို ကူးစက်နိုင်ပါတယ်။

စိတ်သက်သာရာ ရစေတာ တစ်ခုကတော့ တချို့ကြွက်နို့များက အလိုလို ပျောက်သွား နိုင်ပါတယ်။ သူ့ဖာသူ ပျောက်မှာဘဲ ဆိုပြီး စောင့်မနေဘဲ ကုဖို့ တိုက်တွန်းပါတယ်။ ကုသနည်းကလဲ ကြွက်နို့ပေါက်တဲ့ နေရာ မတူရင် မတူ ပြန်ပါဘူး။ သတိပေးချင်တာက ဆေးမြီးတိုနည်းတွေကို အားမပေးလိုပါ။ ကားဆိပ်-ရေဆိပ်-လမ်းဘေးတွေမှာ အလွယ်ဝယ်ရတဲ့ဆေးတွေဆိုတာ အာမခံချက် မရှိပါ။ အသားတွေကို စားပစ်မယ့် အက်စစ်ဓာတ် ပါတာတွေ ဖြစ်တတ်ပါတယ်။ အထူးသဖြင့် မျက်နှာနဲ့ လိင်လမ်းကြောင်းမှာ ပေါက်တာမျိုး ဆိုရင် ပိုဆိုးသွား ပါလိမ့်မယ်။

ခြေ-လက်တွေမှာ ပေါက်တာမျိုးကို Salicylic acid လိမ်းဆေးကို လိမ်းပေး ရပါတယ်။ နေ့တိုင်း ရက်ကြာကြာ လိမ်းရပါမယ်။ ရေချိုးပြီးနောက် အရေပြားက ခပ်စိုစိုလေး ရှိနေတုံး ဆေးလိမ်းတာ ပိုထိရောက်ပါတယ်။ နောက်ထပ် ရေတစ်ခါ မချိုးခင် ကျောက်တုံးကြမ်းလေးနဲ့ ပွတ်တိုက်ပြီး သေနေတဲ့ အရေပြားလွှာကို ရှင်းထုတ် ပစ်ရပါဦးမယ်။

နောက်ဆေး တစ်ခုက Cantharidin ဖြစ်ပါတယ်။ ဒီဆေးလိမ်းကာစ ဘယ်လိုမှ မခံစားရပေမယ့် ၃-၄ နာရီ ကြာလာရင် နာလာပါမယ်။ ဆေးလိမ်း ပြီးရင် တစ်ရက် တိုင်တိုင် ပတ်တီး စည်းပေးထားတာ ပိုကောင်းပါတယ်။ Cantharidin နဲ့ ရောထားတဲ့ ဆေးမျိုး ဆိုရင် ၂ နာရီကြာရင် ပတ်တီး ဖြည်ပေးရပါမယ်။

Liquid nitrogen ဆိုတာ ကြွက်နို့ကို အေးခဲ သွားစေတဲ့ ဆေးကုနည်း Cryotherapy ဖြစ်ပါတယ်။ ၂ ကြိမ်ကနေ ၄ ကြိမ် ရက်ခြားပြီး လုပ်ပေးရပါတယ်။ ၁ ပါတ်ကနေ ၃ ပါတ်ပဲ ကြာမှာပါ။

နောက်တစ်နည်းကတော့ မီးမြှိုက်တဲ့ နည်းပါ။ ထုံဆေး ထိုးပြီး လျှပ်စစ်နဲ့ဖြစ်ဖြစ် အရက်ပြန် မီးခွက်သုံးပြီး ဖြစ်ဖြစ် ကြွက်နို့ကို စိတ်ရှည်လက်ရှည် မီးရှို့ ပစ်တာပါ။ လေဆာရောင်ခြည် သုံးတဲ့နည်းလဲ ရှိပါတယ်။ ဒီနည်းတွေက ပြင်းလို့ အမာရွတ် ထင်ကျန် နေနိုင်ပါတယ်။

ကြွက်နို့ကို တစ်နည်းနဲ့ မရရင် နောက်တစ်နည်းသုံးပြီး ကုရတတ် ပါတယ်။ အပြီးတိုင် ပျောက်သွားတာ ရှိသလို ပြန်လဲ ဖြစ်တတ်ပါတယ်။ လိင်လမ်းကြောင်း ကြွက်နို့က ပိုပြီး ပြန်ဖြစ်တတ်ပါတယ်။

လိင်လမ်းကြောင်းမှာ ဖြစ်ရင် ခွဲစိတ် ကုသနည်း သုံးနိုင်ပါတယ်။ တစ်ခုတော့ ရှိတယ် ဖြစ်ရတာက (ဗိုင်းရပ်စ်)မို့ ဒီပိုးတော့ ခွဲရုံနဲ့ ရှင်းသွားမှာ မဟုတ်ပါ။ ဒါ့ကြောင့် ပြန်ဖြစ်နိုင် ပါတယ်။ Sexually transmitted infection (STI) လို့ ခေါ်တဲ့ လိင်က တစ်ဆင့် ကူးစက်ရောဂါ အုပ်စုထဲမှာ ပါတာပါ။

ဆေးပညာ အရ ချန်မထားသင့်လို့ စုံအောင် ပြောရရင် လိင်လမ်းကြောင်း ကြွက်နို့က ကြာရင် ကင်ဆာ ဖြစ်နိုင်တယ်လို့ ဆေးစာများက ဆိုပါတယ်။ ကျားလိင်တံနဲ့ သားအိမ် အ၀ ဖြစ်တာတွေကိုသာ ပြောတာပါ။ သတိထားဘို့က အမြင်အားဖြင့် ကြွက်နို့ ပေါက်နေတာ မရှိပေမယ့် သူ့ပိုး ရှိပြီဆိုရင် လိင်ဆက်ဆံမိတာနဲ့ ကူးနိုင်ပါတယ်။ (ကွန်ဒွန်း) သုံးတာတောင် ကြွက်နို့ ပေါက်တဲ့ နေရာကို မဖုံး မိရင် ကူးနိုင်ပါတယ်။

လိင်လမ်းကြောင်း ကြွက်နို့ကို ခွဲစိတ်နည်း၊ လေဆာနည်းနဲ့ အေးခဲစေတဲ့နည်း တစ်မျိုးမျိုးနဲ့ ကုနိုင်ပါတယ်။ ဆေးလိမ်းနည်းကို မသုံးစေချင်ပါ။ ခွဲစိတ်တာမှာ Loop Electrosurgical excision procedure (LEEP) နည်းကို သုံးတာမျိုးလဲ ရှိပါတယ်။ ခွဲစိတ်တာက ထုံဆေးပဲ လိုတာမို့ နောက်ထပ် ခွဲရလဲ ပူစရာ မရှိပါ။

ကနေ့အထိ အင်မတန်သေးပြီး အင်မတန် ဒုက္ခပေးနေတဲ့ (ဗိုင်းရပ်စ်)ကို နိုင်တဲ့ဆေး မပေါ်သေးလို့ ကနေ့ ကြွက်နို့ ဖြစ်နေသူများ ဒီလောက်နဲ့ ပျောက်ကြပါစေလို့ ဆုတောင်းပေးတယ်ဗျာ။ အချိန်တန်ရင် ဘယ်လောက် ဆိုးတဲ့ လူတွေ-စနစ်တွေ ဖြစ်ဖြစ် နိုင်တဲ့ နည်းတွေ ပေါ်လာမှာပါ။

Dr. တင့်ဆွေ

" EEK said...
လိင်အင်္ဂါအပြင်မှာ ပေါက်တဲ့ ကြွက်နို့  (ဥပမာ မိန်းမကိုယ်၊ စအို၊ စသဖြင့်)အတွက် လိမ်းဆေးတွေ ရှိပါတယ်။ သိပ် မပွား၊ မကြီးသေးတဲ့ အနာမျိုးဆိုရင် စနစ်တကျ ထည့်ပေး ကုသ ပေးရင် ပျောက်ကင်းသွားပါတယ်။ တပါတ်တခါ ထည့်ရတဲ့ Podophyllin 10 - 25% တို့  Tri or Bi-Chloroacetic acid 80 - 90% တို့ကို သုံးပြီး ကုသပေးလို့  ရပါတယ်။ မြန်မာနိုင်ငံ အတွင်းမှာတော့ အဲဒီ ဆေးတွေ ရှိ၊ မရှိ မသေချာပါ။ အခြား နိုင်ငံတွေ (အိမ်နီးချင်း နိုင်ငံတွေ အပါအ၀င်)မှာတော့ သုံးနေကြပါတယ်။"

Oral warts ပါးစပ်(ခံတွင်း)မှာပေါက်သည့် ကြွက်နို့
၁၇-၈-၀၉ နေ့မှာ ဖြည့်စွက်ရေးတာပါ။

ရှားတော့ ရှားပါတယ်။ ပါးစပ် ဒါမှမဟုတ် ခံတွင်းမှာပေါက်တဲ့ ကြွက်နို့တွေကလည်း တခြား ကြွက်နို့တွေလို human papillomavirus (HPV) ကနေ ဖြစ်တာပါပဲ။ နှုတ်ခမ်းမှာရော ခံတွင်းထဲက ဘယ်နေရာမှာ မဆို ဖြစ်နိုင်ပါတယ်။

ပါးစပ် ကြွက်နို့ ဖြစ်စေတဲ့ အကြောင်းထဲမှာ လိင်လမ်းကြောင်းလို့ ဆိုတာက (အားနာနာနဲ့ ရေးရတော့မှာဘဲ) oral sex ကြောင့် ကူးတာပါ။ (ဆေးစာအုပ်တွေမှာ ပါးစပ်ကို လိင်ပိုင်းဆိုင်ရာ စနစ်ထဲ မထည့်ပါ။)

HIV ပိုး ကူးစက်ခံထားရသူတွေမှာ ပိုဖြစ်ပါသတဲ့။ တိတိကျကျ ပြောရရင် CDC အရေအတွက် ၂၀၀-၃၀၀ ထက် နည်းနေရင် ဖြစ်စေနိုင်တယ်လို့ အထူးကုတွေက ပြောပါတယ်။ သိပ်နည်းလွန်းတဲ့ ၁၀၀ အောက် သမားတွေကတော့ ဆေးကုရာကနေ တုန့်ပြန်ချက်အရ ဖြစ်တာပါတဲ့။ အလားတူ ခုခံအား မကောင်းသေးတဲ့ ကလေးတွေမှာ မိခင်မှာ HPV ရှိနေရင် မွေးတဲ့ အချိန်မှာ ကူးစက်ပြီး ကလေး ပါးစပ်မှာ ကြွက်နို့ ပေါက်နိုင်ပါတယ်။

ကြွက်နို့တွေက ပါးစပ်၊ ခံတွင်းမှာ ပေါက်ရင်လဲ မနာပါ။ သေသေချာချာ ကြည့်ဖို့ လိုပါတယ်။ ပါးစောင်ကို ခဏခဏ ကိုက်မိလို့ ဖြစ်တာက ကြွက်နို့ မဟုတ်နိုင်ပါ။ ခပ်မြန်မြန် ကြီးလာတဲ့ အနာလို မုံလာပွင့်လို ဆိုရင်တော့ ကင်ဆာ ဖြစ်နိုင်လို့ အီလက်ထရွန်-မိုက်ကရိုစကုပ် နဲ့ စစ်ဆေးတာမျိုး လုပ်ရပါမယ်။

ကုသဖို့က ပြန်ပြန် ဖြစ်တတ်တာမို့ ခက်ပါသတဲ့။ cryosurgery ဒါမှမဟုတ် ခွဲထုတ်တာ၊ ဒါမှမဟုတ် carbon dioxide laser နည်းတွေ သုံးရမှာပါပဲ။ ပါးစပ်နှုတ်ခမ်းတို့ ပါးစပ် ဒေါင့်စွန်း တို့မှာ ဖြစ်တာမျိုးကိုတော့ podofilox လိမ်းဆေးတွေဖြစ်တဲ့ (Condylox) ဒါမှမဟုတ် fluorouracil 5% (Efudex) တွေကို သုံးနိုင်ပါတယ်။ Imiquimod 5% cream (Aldara) ဆိုတာက တစ်ခါ ပျောက်သွား ပြီးနောက် ပြန်ဖြစ်မှာကို တားဖို့ အတွက် သုံးနိုင်ပါတယ်။

Wednesday, August 12, 2009

အသက်တွေ ဘာကြောင့်ကြီးလာရတယ်?

ဟားဗတ် တက္ကသိုလ်မှာ ရှိတဲ့ သုတေသီတွေဟာ သက်ရှိတွေမှာ ကြွက်က အစ လူ အဆုံး တွေရတဲ့ အသက်ကြီး ရသော၊ တစ်နည်းအားဖြင့် အိုရသော အကြောင်းရင်းခံတွေကို လေ့လာနေကြပြီး တွေ့လုတွေ့ခင် ဖြစ်နေကြပါပြီ။ sirtuins လို့ ခေါ်တဲ့ ဗီဇ ဂျင်း(gene)လေး တွေဟာ ဆဲလ် (cell)နဲ့ ဒီအန်အေ (DNA) တွေ အကြောင်းကြောင်းကြောင့် ပျက်စီးသွားကြရင် ပြန်လည်ပြုပြင်ပေးတဲ့ ဂျင်းလေးတွေ ဖြစ်ကြပါတယ်။ အချိန်ကြာလာတာနဲ့အမျှ ဆဲလ်တွေနဲ့ ဒီအန်အေတွေ ပျက်စီးတာ များလာတာ သဘာဝပဲလေ။ အဲဒီတော့ သူတို့လည်း မနိုင်ဝန်ပိလာပြီး အကုန်လုံးကို ပြန်ပြီးတော့ မပြုပြင်နိုင်တော့ဘူးပေါ့။ ဒီအခါမှာ အသက်ကြီးတယ် ဆိုတာ ဖြစ်လာပါတယ်တဲ့။ သိပ္ပံပညာရှင်တွေက ဘာလုပ်ကြည့်လဲ ဆိုတော့ အဲဒီ sirtuinsလို့ ခေါ်တဲ့ ဗီဇဂျင်းတွေကို ဓာတ်ခွဲခန်းထဲမှာ တည်ဆောက်ပြီး ကြွက်တွေထဲကို ထိုးကြည့်ပါတယ်။ အဲဒီနောက် ကြွက်တွေကို စောင့်ကြည့်ကြတော့ ဆေးအထိုးခံ ထားရတဲ့ ကြွက်တွေဟာ ၂၄ ကနေ ၄၆ ရာနှုန်းလောက် အထိ အသက် ပိုရှည်လာတာ တွေ့ရပါတယ်။ “ကျွန်တော်တို့ရဲ့ ထင်မြင် ယူဆချက်ကတော့ sirtuins ဗီဇဂျင်းတွေ များလာလေလေ ဒီအန်အေကို ပြုပြင်တဲ့ နေရာမှာ ပိုမို ထိရောက်လာပြီး ကြွက်တွေဟာ အသက်ကြီး လာပေမယ့် ငယ်ရွယ်တဲ့ ကြွက်တွေလို ပြုမူ နေထိုင်နိုင် ကြပါတယ်” လို့ သုတေသီ Philip Oberdoerffer က ပြောပါတယ်။ သုတေသီတွေ ထပ်မံ ပြောကြားချက် အရ သူတို့ရဲ့ တွေ့ရှိချက်ကြောင့် အသက်ကြီးခြင်း ဆိုတာ တစ်နေ့မှာ ပြောင်းပြန် ပြန်လှည့်လို့ ရတော့မှာပါတဲ့။

Ref: Reader's Digest August 2009

ကျန်းမာဖို့အတွက် သန်းကြစို့

ကမ္ဘာတစ်ဝှမ်းမှာ ရှိတဲ့ သိပံ္ပ ပညာရှင်တွေဟာ လူတွေ ဘာကြောင့် သန်းရလဲ ဆိုတာကို သိဖို့ လူရဲ့ ဦးနှောက်ကို လေ့လာ နေခဲ့ ကြပါတယ်။ Albanyမှာ ရှိတဲ့ တက္ကသိုလ် တစ်ခုရဲ့ တွေ့ရှိချက်ကတော့ စိတ်ဝင်စား စရာ ကောင်းလှပါတယ်။ အဲဒါကတော့ "သန်းခြင်းသည် ဦးနှောက်ကို အကူအညီ ပေးနိုင်ပါတယ်"တဲ့။ သုတေသီ Andrew C. Gallup နဲ့ Gordon G. Gallup Jr.တို့ရဲ့ ပြောပြချက် အရ ကျွန်တော်တို့ရဲ့ ဦးနှောက်ဟာ ကျွန်တော်တို့ စားသုံးလို့ ရလာတဲ့ စွမ်းအင်တွေရဲ့ ၃၃ ရာခိုင်နှုန်း အထိကို အသုံးပြုပြီး အပူဓာတ်ကို ပြန်လည် ထုတ်လွှတ်ပါတယ်။ သန်းခြင်းဟာ ဦးနှောက် ဆဲလ် တွေကို အေးမြစေပြီး အလုပ်လုပ်တဲ့ အခါမှာ ပိုမို ထိရောက် စေပါတယ်။ သုတေသီတွေရဲ့ ထပ်မံ တွေ့ရှိချက်ကတော့ သန်းခြင်း အားဖြင့် ဦးနှောက်ကို သွေးစီးဆင်းမှု များပြားလာပြီး တာဝန်တွေကို ပိုမို ထမ်းဆောင် လာနိုင် စေပါတယ်။ ဒါကြောင့် သုတေသီတို့ အဆို အရ ကျွန်တော်တို့ လူတွေကို အမြဲတမ်း သတိရှိ နေဖို့နဲ့ ဘေးအန္တရာယ်တွေ ကနေ ကာကွယ်ပေးဖို့ အတွက် ဇီဝဗေဒ ဖြစ်စဉ် အရ သန်းခြင်းဆိုတာ မွေးကတည်းက ပါလာခြင်း ဖြစ်ပါတယ်တဲ့။

Ref : Reader’s Digest August 2009

Thursday, August 6, 2009

လှရုံမက ၀ချင်သေးရင်

ကိုယ်အလေးချိန် တိုးချင်တာ လွယ်တဲ့ကိစ္စတော့ မဟုတ်ပါ။ မွေးရာပါ မျိုးဗီဇကိုက skinny body type ခပ်ပိန်ပိန် သမားများ အတွက် ပိုခက်ပါမည်။ ငါးကျီးခြောက် ကြပ်တင်လို့၊ ငါးဖေါင်ရိုးခြောက်လို့ အခေါ်ခံ နေရနိုင်တယ်။ ငါးများမှာတောင် ပိန်ရင် ငါးရာ-လူရာ မသွင်းဘူးထင်ပါရဲ့။ ကဲ - ဘယ်လို အ၀တိုးကြမလဲ။

ဝချင်ပါရင် အရင်ဆုံး ရောဂါဘယတွေ ကင်းနေဖို့ လိုပါတယ်။ သိတဲ့အတိုင်း နာတာရှည်ရောဂါတွေက လူကို ပိန်သွား စေပါတယ်။ HIV-AIDS ကင်ဆာ၊ တီဘီ၊ လည်ပင်ကြီး ဟော်မုန်းများ နေသူ စသူတွေပါ။ တီဘီ ဖြစ်နေသူ တစ်ယောက် ဆေးပါတ်လည်လို့ ပျောက်လာရင် သေချာပေါက် ၀လာပါတယ်။ တိတိကျကျဆိုရရင် ညိုပြီး ၀လာတာပါ။ ကိုယ်အလေးချိန် ချိန်ကြည့်တာ ကောင်းတဲ့ အကျင့် ဖြစ်လို့ ဟော်တယ်တွေက ရေချိုးခန်း ထဲမယ် weighing machine ထားပေးတတ်တာပေါ့။ နေကောင်းပါလျက် ၀မလာတဲ့ သူတွေ အတွက် ဒီစာရေးတာပါ။ ၀နေပါလျက်နဲ့ နေမကောင်းသူတွေလဲ ရှိတာကိုး။

ခပ်မြန်မြန် သဘောပေါက်အောင် ပြောရရင် ၀ချင်ရင် ကြီးကြီးကြံပါလေ။ များများကြီး စားပါ။ ကျွန်တော်တို့ အိန္ဒိယကို ရောက်ခါစ ဦးမာသီရိ ဆိုတဲ့ စာပေဆုရဖူးသူ မိတ်ဆွေကြီးကပေးတဲ့ အကြံတစ်ခုက ဘာလဲဆိုတော့ “တံငါ ဖြစ်မှတော့ ငါးကြီးကြီး မျှားပါ”တဲ့။ တစ်ခါစားလဲ များများ၊ အကြိမ်လဲ များများ၊ ထမင်းလုတ် ကြီးကြီး၊ ထမင်း ပန်းကန် အစား ဇလုံ၊ ယောက်ချိုလို ဇွန်းကြီးကြီး သုံးပါ။ အတွေ့အကြုံအရ ပြောရရင် လူကောင်ကြီးသူတွေ လက်ရေး လက်သား သေးသေး၊ လက်မှတ်က ငယ်ငယ်လေး ဖြစ်တတ်တယ်။ အဲတော့ လက်ရေးပါ ပြောင်းချင် ပြောင်းလို့ အကြံပေးရမလားဘဲ။

ဝချင်ရင် အလေး(၀ိတ်)မ ခိုင်းတာ ငြင်းစရာတော့ မရှိပါ။ များများ စားဖို့လောက်တော့ မထိရောက်ပါ။ ပိန်သူတွေရဲ့ ဇီဝကမ္မ ဆိုတဲ့ သက်ရှိတို့ ထုံးစံ လုပ်ပေးနေရတဲ့ ဖြစ်စဉ် ကိုယ်၌က မြန်မြန်ကြီး လုပ်နေသူတွေ ဖြစ်လို့ (ကယ်လိုရီ)တွေ ပိုရဖို့ လိုပါတယ်။ စာသင်သလို ပြောရရင် အဆင့် ၅ ဆင့်။
၁။ ခါတိုင်း တစ်နေ့မှာ (ကယ်လိုရီ) ဘယ်လောက်စားနေသလဲ။ ကိုယ်အလေးချိန် ချိန်ထားပါ။
၂။ စားနေတာထက် ၅၀၀ (ကယ်လိုရီ) ပိုစားပါ။ စားနိုင်အောင် ခါတိုင်း တစ်နေ့ ၃ ထပ်ကနေ ၄-၅ ထပ် စားပစ်လိုက်ပါ။
၃။ (၀ိတ်)မ ပါ။ gym သွားချင်သွား၊ အိမ်မှာပဲ လုပ်လုပ်။
၎။ ကိုယ်အလေးချိန် ပြန်ချိန်ပါ။ တစ်ပါတ် အပြီး ၁-၂ ပေါင် တိုးရင် ကောင်းတယ်။ ၁၀ ပေါင် မတိုးချင်ပါနဲ့။ ကျန်းမာရေး အရ အကောင်း မဟုတ်ပါ။ ၁ လ ကုန်ရင် ၅-၈ ပေါင် တိုးတာ ကောင်းတယ်။
၅။ အလေးချိန် ဆက်မတိုးရင် နောက်ထပ် (ကယ်လိုရီ) ၂၅၀ ပိုစားပါလေ။

တစ်နေ့ (ကယ်လိုရီ)ဘယ်လောက် လိုတာကို ဦးတိကျတွေ အတွက် ဖေါ်မြူလာရှိတယ်။ အရင်ဆုံး ဘာမှ မလုပ်ဘဲ နေတဲ့ အချိန်မျိုးမှာ လိုမယ့် နှုန်းထားကို တွက်ရတယ်။ Resting Metabolic Rate (RMR) လို့လဲ ခေါ်တယ် Basal Metabolic Rate (BMR) လို့လဲ ခေါ်တယ်။ လမ်းလဲ မလျှောက်၊ ပြေးလဲ မပြေး၊ အသာလေး နေတုန်း ကိုယ်ခန္ဓာက အသက်ရှူဖို့၊ နှလုံးခုန်ဖို့၊ အစာခြေနေဖို့ စတာတွေရဲ့ ဇီဝ အလုပ်တွေအတွက် လိုအပ်ချက်ကို ပြောတာပါဘဲ။

ပျင်းတော့ ပျင်းစရာကြီး။ သင်္ချာလို ထပ်ရှင်း ရအုံးမယ်။
RMR = 9.99w + 6.25h - 4.92a + 166g-161
w = ကိုယ်အလေးချိန် ကီလိုဂရမ်၊ h = အရပ် စင်တီမီတာ၊ a = အသက် နှစ်၊ g = ကျား-မ၊ (ကျား = 1 မ = 0)
တစ်နေ့တာ လိုမယ့်(ကယ်လိုရီ) သိဖို့ RMR ကို 1.25 နဲ့ မြှောက်လိုက်ပါ။ ဘယ်အစားက (ကလိုရီ)ဘယ်လောက် ဆိုတာ စာရှည်မှာ စိုးလို့ မထည့်တော့ပါ။ သီးခြားစာမှာ ဖတ်ပါလေ။

ပိုပြီး စားနိုင်အောင် စားပုံ စားနည်း ပြောင်းသင့်ရင် ပြောင်းရမယ်။ အ၀စား ၃ ခါနဲ့ အဆာပြေ၊ သွားရည်စာ ၂ ခါ၊ ၃ ခါ စားပါ။ ကော်ဖီ၊ လက်ဖက်ရည် သောက်မယ့် အစား၊ နွားနို့၊ သစ်သီး ဖျော်ရည် သောက်ပါ။ ပေါင်မုန့် စားရင် အညိုက အဖြူထက် ပိုတယ်။ အသီးအရွက်မှာလဲ ရေများများ ပါတာမျိုး ဖြစ်တဲ့ ဂေါ်ဖီ၊ ပဲစိမ်းစားဥ၊ သခွါးသီးတို့ထက် အာလူး၊ ပဲမျိုးစုံ၊ မုံလာဥနီ၊ ပြောင်းဖူးတို့က သာတယ်။ အသီးတွေဆိုရင် လိမ္မော်၊ ပိခ်ျ၊ ဇီးသီး၊ ဖရဲသီးတွေထက် ငှက်ပျောသီး၊ သစ်တော့သီး၊ ထောပတ်သီး၊ နာနတ်သီး၊ ပန်းသီးတွေက သာတယ်။ (ဆု-ပ်)ဆိုတဲ့ ဟင်းရည်ဆိုရင် (ခရင်)ပါတာက အကြည်ရည်ထက် သာတယ်။

ဖြစ်နိုင်သမျှ အစားအသောက်တွေ ထဲမယ် စားသုံးဆီ ထည့်ရပါမယ်။ သံလွင်ဆီ၊ အုန်းဆီ၊ ထောပတ်ဆီတို့က နေကြာစေ့ဆီ၊ ပဲဆီတို့ထက် သာတယ်။ သာတယ်ဆိုတာ (ကယ်လိုရီ) ပိုရတာကို ပြောတာပါ။

မဖြစ်မနေ စားရမှာက (ပရိုတင်း)ဓါတ်ပါ အစာတွေ ဖြစ်တယ်။ အသားမျိုးစုံ၊ ငါးမျိုးစုံ။ စားနိုင်တဲ့ အသား အမျိုးမျိုး အပြင် (ကယ်လိုရီ) များများပါတဲ့ ထောပတ်၊ ဒိန်၊ (အောလစ်ဖ်)ဆီ၊ (ခရင်မ်)ဆိုတာတွေ ထပ်ဖြည့်ပါ။ အသား မစားသူတွေလဲ ၀နိုင်တာပါ။ ကြွက်သားတွေ မာတင်းပြီး သန်ချင်ရင်တော့ အသားစားသူများက ပိုသာပါတယ်။

ရှောင်သင့်တာတွေကတော့ ကျန်းမာရေးနဲ့ မကိုက်တဲ့ trans fat တွေများတဲ့ (ပက်စထရီ)၊ ကိတ်၊ ကွတ်ကီး၊ ပြုပြင်ထားတဲ့ အသား-ငါး၊ (မာဂျရင်)၊ အလွယ် ၀ယ်ရတဲ့ အစားအစာတွေပါ။

စိတ်လှုပ်ရှားမှုတွေဟာ (ကလ်လိုရီ)အတော်ဖြုန်း ပစ်တယ်။ ဒါကြောင့် စိတ်အေးအေးထားနိုင်အောင် လွမ်းစရာ ၀တ္တုတွေ မဖတ်နဲ့။ ဟောလိဝုဒ်က သရဲကား၊ (အေလီယန်)ကား၊ (အက်ရှင်)ကားတွေ မကြည်နဲ့၊ ဇာတ် မနာနာအောင်ရိုက်ထားတဲ့ ကိုရီးယားကား၊ ကုလားကားတွေ မကြည့်နဲ့။

စားခိုင်းတာတော့ ဟုတ်ပါပြီ၊ စားချင်စိတ် ပိုကောင်းအောင် ဘယ်လိုလုပ်မလဲ။ ဗီတာမင် ဘီအုပ်စု စားဆေး၊ သောက်ဆေး၊ ထိုးဆေးတွေက အထောက်အပံ့ ပြုပါမယ်။ Cyproheptadine (Cypon) ဆိုတဲ့ဆေးက (အလာဂျီ) စတာတွေအတွက် ဆေးဖြစ်ပေမယ့် anorexia nervosa ခေါ်တဲ့ စားချင်သောက်ချင်စိတ် နည်းနေသူတွေ အတွက်လဲ ပေးနိုင်ပါတယ်။ ကလေးတွေဟာ နည်းနည်း ဖြစ်လိုက်တာနဲ့ ကျသွား၊ ပိန်သွား ဖြစ်တတ်တယ်။ (Cypon) တိုက်ရင်လဲ ခဏနဲ့ ပြန်စားချင် လာကြတယ်။ နောက်တစ်ခုက အစပ်စားတဲ့လူ၊ (မဆလာ)ကြိုက်သူ၊ အချဉ် ပါမှ ဆိုသူတွေ ခံတွင်းတွေ့ရင် စားသာစားပါလေ။ အစပ်တို့၊ ဟင်းခပ် အမွှေးအကြိုင်တို့ ဆိုတာ စားချင်လာအောင်လုပ်ပေးတဲ့တန်ဖိုး ရှိတာတွေပါ။ တရုတ်နံနံ(ကြံမဆိုင်) ခတ် ထားတဲ့ ဟင်းချိုရည်က ပိုချိုသလို မဟုတ်လား။

ကိုယ်ခန္ဓာ ကြီးထွားစေတဲ့ ဟော်မုန်းဆိုတာ လူ့ဦးနှောက်ကနေ ထုတ်ပေးနေတယ်။ အလေးမသူများ ကြွက်သားတွေ သန်မာလာတာ သူ့အစွမ်းပါ။ သဘာဝ မဟုတ်ဘဲ အပို ဆောင်းချင်သူတွေ အတွက် (စတီရွိုက်)ဟော်မုန်းဆေးတွေလဲ ရှိနေပါတယ်။ Growth hormone (GH), Growth factors and Testosterone-based analogs ဆိုတာတွေပါ။ ဒီဆေးတွေကို အရွယ်လွန်သူ ယောက်ျားတွေအတွက်ရော အားကစားသမားများ အတွက်ရော သုံးနေကြပေမယ့် သန်လာ၊ ကြီးလာအောင် လုပ်တာက အဓိကပါ။ ဒါပေမဲ့ ဟော်မုန်းဆိုတာ အစွမ်းကြီးပေမဲ့ သတိကြီးကြီးထား သုံးရတာမျိုး ဖြစ်ပါတယ်။

ချုပ်လိုက်ရင် ရောဂါကင်းရှင်း၊ ထမင်းဟင်း များများ၊ ဆေးဝါးလဲ စား၊ အလေးလဲ မ,ပါ ခင်ဗျား။

ဆူမိုနည်း ကျန်သွားတာ ထပ်ဖြည့်ပါရစေ။
ဆူမို နပမ်းသမား နည်းက (ကယ်လိုရီ)များတဲ့ အစာတွေ စား၊ အဆီ မများစေနဲ့။ (အင်စူလင်)ဆိုတဲ့ သကြားဓါတ် ထိန်းတဲ့ ဟော်မုန်းကို ဆွပေးစေတယ်။ (ကယ်လိုရီ) များရင် သိမ်းထားတဲ့ အဆီကို ထုတ်သုံးစရာ မလိုတော့ဘူး။ တစ်ခါတည်း များများ စားနိုင်အောင် တချို့ မနက် စောစောစာ မစားဘဲ နေတယ်။ ဆူမို နပမ်း သမားတွေ တစ်နေ့ကို (ကယ်လိုရီ) ၆၀၀၀ ကနေ ၂၀၀၀၀ အထိ စားသတဲ့။ သူလို ကိုယ်လိုတွေက တစ်နေ့မှ ၂၀၀၀-၃၀၀၀ သာ စားတယ်။ အရက် (ဘီယာ)လဲ သောက်ပါတဲ့။ တစ်ထိုင်ထဲ ဘီယာဗူး ၁၀၀ ကုန်သူဆိုတာ ရှိဆိုပဲ။ လေ့ကျင့်ခန်း ပို ပြင်းပြင်းထန်ထန် နေ့တိုင်း လုပ်တာကြောင့် အစားစားချင်စိတ်တွေ ပိုလာတယ်။

ကနေ့ ကျန်းမာရေးသတင်း အသစ်စက်စက် တစ်ခုက မျောက်တွေကို စုထားပြီး စမ်းတဲ့အခါ အကောင်ကြီးသူတွေက နိုင်ချင်လို့ စိတ်ညစ်တဲ့ မျောက်တွေမှာ အဆီစုပြီး ၀မ်းခေါင်းကျယ်လာသတဲ့။ ကောက်ချက်ဆွဲရင် လူမှု စိတ်ဒုက္ခတွေကြောင့် ၀စေတယ် ဆိုပဲ။ နိုင်လိုမင်းထက် အနှိပ်စက် ခံနေရသူများ အတော်ဘဲပေါ့။

Dr. တင့်ဆွေ

Wednesday, August 5, 2009

မလိုချင်တဲ့ ကိုယ်ဝန် Unwanted Pregnancy

ဆေးပညာအရ မရေးခင် သိဖို့ လိုတာလေးတွေ ပြောရဦးမယ်။ ကိုယ်ဝန် ရှိတာကို မလိုချင်ဘူး ဆိုတာ ဘယ်သူက မလိုချင်တာလဲ။ အခြေအနေ၊ နေရာဌာန ဆိုတာတွေ မတူရင် ကိုယ်ဝန်ကို “မလိုရင် မယူနဲ့”လို့ ပြောတာမှာ အမှန်-အမှား ရှိနိုင်တယ်။ ဥပဒေက ခွင့်မပေးတာ ရှိနိုင်သလို၊ ယဉ်ကျေးမှုနဲ့ ဘာသာတရားက ခွင့်မပေးတာလဲ ရှိနိုင်တယ်။

ဆေးပညာပိုင်းကို ရေးပါတော့မယ်။ မလိုချင်တဲ့ ကိုယ်ဝန်ကို ဖြေရှင်းနည်း (၃)နည်း မှတ်ပါ။
(၁)ကိုယ်ဝန် မရှိအောင် နေတာ
(၂)ဖျက်ပစ်တာနဲ့
(၃)ဆက်ယူတာ

ဒီမှာရေးမှာက Emergency contraception (EC) ဒါမှမဟုတ် emergency post-coital contraception အရေးပေါ်ကိုယ်ဝန်တားဆေးလို့ ခေါ်တယ်။ morning after pill သုံးတာလို့လဲ ပြောတယ်။ Plan B လို့လဲ ခေါ်ပါသေးတယ်။

နာမည်ကို သေသေချာချာဖတ်ရင်
(၁) သိပ်တိကျတဲ့ အဓိပ္ပာယ် မဟုတ်ဘူး။ ညတုန်းက မှားသွားလို့ မနက်လင်းတာနဲ့ သောက်ရမယ့် ဆေးသဘော ဖြစ်နေတယ်။ အမှန်က ၅ ရက်အထိ သုံးနိုင်တာပါ။
(၂) တားဆီးတဲ့ သဘော ဖြစ်နေတာကို သတိထား စေချင်တယ်။ ဖျက်တာ မဟုတ်ဘူး။

ဒါမျိုးက သိတဲ့ အတိုင်း၊ စိတ်တူသဘောတူ ဖြစ်ရာကနေ မယူချင်တဲ့ အခါတို့၊ စိတ်သဘော လုံးဝ မပါဘဲ မယူချင်တဲ့ အခါတို့၊ အတင်းအဓမ္မ ဖြစ်သွားတာမျိုး တို့မှာ သုံးရမယ့် နည်းပါ။ morning after pill ကို အတူနေ မိပြီးနောက် ၃ ရက်- ၇၂ နာရီ အတွင်း သာလျှင် အားကိုး နိုင်တာပါ။ ၇၅% to ၈၉% ထိရောက်ပါတယ်။ WHO (ကမ္ဘာ့ ကျန်းမာရေး အဖွဲ့) ကတော့ ၅ ရက် အထိ ကြာရင်တောင် သုံးနိုင်တယ်လို့ ဆိုပါတယ်။

Emergency contraception (EC) အရေးပေါ်ကိုယ်ဝန် တားဆေး ဆိုတာက လစဉ် လအလယ်မှာ မျိုးဥ တစ်ခု ထွက်ရမှာကို မထွက်အောင်လုပ်ပေးတာပါ။ ကျား-မ မျိုးဥတွေ တွေ့ဆုံပြီး ပေါင်းစပ် မသွားအောင်လဲ လုပ်ပေးပါတယ်။ ပေါင်းစပ်ြ ပီးရင်လဲ သားအိမ် အတွင်း နံရံမှာ လာတွယ်ကပ် မှာကိုလဲ တားစေ နိုင်တယ်။ (ဆေးနဲ့ ကိုယ်ဝန်ကို ပျက်အောင် လုပ်တယ်ဆိုတာက တွယ်ကပ်ပြီးသားကို ကွာကျအောင် လုပ်ရတာပါ။)

ကိုယ်ဝန် မရှိအောင် တားနည်းကောင်း တစ်ခုဖြစ်တဲ့ သားအိမ်ထဲမှာ ပစ္စည်းထည့်တာလို့ အလွယ်ပြောလေ့ရှိတဲ့ Intrauterine devices (IUDs) ဆိုတာကိုလဲ (၇)ရက်အတွင်း အတွက် အရေးပေါ်နည်း တစ်ခုအဖြစ် သုံးနိုင်ပါတယ်။ ၉၉.၉% ထိရောက်ပါတယ်။ (copper T) လို့လူသိများပါတယ်။

Emergency contraception (EC) အရေးပေါ်ကိုယ်ဝန်တားဆေးထဲမှာ estrogens နဲ့ progestins ဆိုတဲ့ ဟော်မုန်းတွေ ခပ်များများ ပါတယ်။ ကိုယ်ဝန် တားဆေး စားဆေး-combined oral contraceptive pills တွေမှာ ပါတာတွေပါပဲ။ ဒါ့ကြောင့် တစ်ရက် ၁ ပြား စားရတဲ့ တားဆေးကို ၄-၅ ပြား တစ်ခါတည်း သောက်ပစ်တာမျိုးလဲ တချို့က စမ်းပါတယ်။ Mifepristone ကတော့ ဟော်မုန်း မပါတဲ့ ဆေးပါ။

ECPs အမျိုးအစားတွေကတော့
Progestin (levonorgestrel) 1.5 mg တစ်လုံး တစ်ကြိမ်တည်း သို့မဟုတ် 750 μg (၁၂ နာရီခြား) နှစ်ခါခွဲ သောက်နိုင်တယ်။ ၈၉% ထိရောက်တယ်။ ဘေးထွက် ဆိုးကျိုးတွေကတော့ ပျို့ခြင်း၊ အန်ခြင်း၊ ရင်သား တင်းခြင်းတို့ ဖြစ်ပါတယ်။ ဆေးကုမ္ပဏီတွေ ကနေ ၁ပြား၊ ၂ ပြား၊ ၄ ပြား၊ ၅ ပြား၊ ၆ ပြားပါတဲ့ ဆေးကဒ်လေးတွေ ထုတ်လုပ်တယ်။ ဘယ်ဟာဖြစ်ဖြစ် နှစ်ခါ ၁၂ နာရီခြား သောက်ရမှာတွေပါ။

The combined = Yuzpe regimen (estrogen and progestin) ၁၂ နာရီခြား ၂ ခါသောက်ရပါတယ်။
mifepristone 200- or 600-mg

တကယ်လို့ နောက်ကျသွားရင် နည်း ၃ နည်းကို လက်တွေ့သုံးလေ့ရှိပါတယ်။ ရှင်းရှင်းပြောရရင် ဖျက်ပစ်တဲ့ နည်းပါ။ ကိုယ်ဝန်ကို ရက်သတ္တပါတ်နဲ့ ပြောလေ့ရှိပါတယ်။ (၁) ၁၂ ပါတ် (၃ လ)အောက်ဆိုရင် vacuum aspiration ခေါ် လေဟာနယ် စုတ်ပစ်နည်း သုံးတယ်။ (၂) နောက်တစ်နည်းက အများဆုံး သိကြတဲ့ dilation and curettage (D & C) ခေါ် သားအိမ် အ၀ ချဲ့ပေးပြီး ခြစ်ထုတ်နည်းပါ။ (၃) dilation and evacuation (D & E) နည်းကို ၁၂-၁၄ ပါတ် ကိုယ်ဝန်မျိုးမှာ သုံးလေ့ ရှိပါတယ်။

ကိုယ်ဝန်ဖျက်ဆေး “abortion pill” တွေကတော့ RU486 (Mifepristone), mifestone နဲ့ Mifeprex ဖြစ်ပါတယ်။ RU486 (Mifepristone) ဟာ ၅၀-၆၀ ရက်အထိ ကိုယ်ဝန်ကို ဖျက်နိုင်ပါတယ်။ Mifeprex (200 mg) tablets ၃ ပြား (600 mg) တခါတည်း သောက်ခိုင်းတယ်။ တတိယနေ့မှာ ပျက်မကျရင် Misoprostol 200 μg နှစ်ပြား (400 μg) သောက်ခိုင်းပါလိမ့်မယ်။ Mifepristone ကို gemeprost နဲ့ရောပြီး ၁၃-၂၄ ပါတ် ကိုယ်ဝန်ကို ဖျက်ရာမှာ သုံးတယ်။

အရေးပေါ်ကိုယ်ဝန် တားဆေးကို အမေရိကန်လို တိုင်းပြည်မှာတော့ University and women's health centers, health departments, Planned Parenthood centers and hospital emergency departments ဆိုတဲ့ နေရာဌာနတွေမှာ ရနိုင်ကြောင်း ကြော်ငြာထားတယ်။ ကျး-မ မရွေး အသက် ၁၇ နှစ်ဆိုရင် ဆေးလက်မှတ် မလိုဘူးတဲ့။ ဒေါ်လာ ၂၀-၅၀ ပါရင် ပြီးရော။

ကျွန်တော်တို့ ဆီမှာတော့ ဒီလို အကျိုးအကြောင်းလေးတွေ သိဖို့ ဆိုတာတောင် ပညာတွင်းက နက်လှ ပါသေးတယ်။ ဒီစာဖတ်ရုံနဲ့ မလုံလောက်ပါ။ အကြံပေးချင် သေးတာကတော့ ဒုက္ခ ကြုံရင် တိုင်ပင်ဖက်လို အားထားထိုက်တဲ့ ဆရာသမားထံ ချဉ်းကပ်ပါလေ။

Dr. တင့်ဆွေ

Sunday, August 2, 2009

Request to readers

ပန်ကြားချက်

ကျန်းမာရေး ဗဟုသုတ ရစေရန် ဤဘလောက်ကို စုပေါင်း ရေးသား ထားခြင်း ဖြစ်ပါသည်။ ကွန်ပျူတာ ပညာရပ် ဆိုင်ရာ ကိစ္စများနှင့် နိုင်ငံရေး ကိစ္စများကို ဆွေးနွေးလိုပါက အခြား သင့်လျော်သည့် ဖိုရမ်များတွင် သွားရောက် ဆွေးနွေးပါရန် အကြံပြု ပါသည်။

အနှောင့်အယှက် ပေးလိုသော သဘောဖြင့် ကြမ်းတမ်း ရိုင်းစိုင်းသော အသုံးအနှုန်းများ သုံးကာ စီဘောက်စ်နှင့် မှတ်ချက်နေရာများတွင် ရေးသားခြင်း မပြုပါရန်လည်း ပန်ကြားအပ်ပါသည်။

ရဲမွန်မြင့်

Blog administrator

Public Health in Myanmar joint-blog

Sunday, August 30, 2009

Saturday, August 29, 2009

Thursday, August 27, 2009

Wednesday, August 26, 2009

Tuesday, August 25, 2009

Sunday, August 23, 2009

Wednesday, August 19, 2009

Tuesday, August 18, 2009

Saturday, August 15, 2009

Wednesday, August 12, 2009

Thursday, August 6, 2009

Wednesday, August 5, 2009

Sunday, August 2, 2009

About this blog

Note

မျှဝေလိုသူများအတွက်

Blog Archive

Followers

Subscribe To

Subscribe via email

C-Box ပြောရေးဆိုခွင့် ...

Labels ကဏ္ဍအလိုက် အကြောင်းအရာများ

Useful links

Hit counter

Recent Comments