Introduction to newer male contraceptive methods

ပုရိဿများ ၀မ်းမြောက်ဖွယ်

အမျိုးသားသုံး သားဆက်ခြားနည်းများ အကြောင်း မိတ်ဆက်

(အမျိုးသမီးများနေ့ကို ဂုဏ်ပြုသောအားဖြင့် ဤဆောင်းပါးကို ရေးပါသည်။)

ဣတ္ထိယ ခေါ် မိန်းမတို့သည် အိမ်ထောင် သားမွေးမှု ပြုရာတွင် အရေးကြီးသော အခန်း ကဏ္ဍမှ ပါဝင်ကြလေသည်။ ပုခက်လွှဲသော လက်သည် ကမ္ဘာကို စိုးမိုးသည် မဟုတ်တုံလော။ သန္ဓေတည်ရာမှ အစပြု၍ ၉လ၊ ၁၀လ မျှ သန္ဓေလွယ်ထားရခြင်း၊ ကိုယ်ဝန်ကို ဂရုစိုက်ရခြင်း၊ မီးဖွားရခြင်း၊ နို့ချို တိုက်ကျွေးရခြင်း အစရှိသည်တို့ကို မိခင်များကသာ အဓိက ပြုလုပ်ကြရသည်။ ကိုယ်ဝန် မရရှိလိုသေးပါကလည်း အမျိုးသမီးများကပင် ဆေးသောက်တန်သောက် ဆေးထိုးတန် ထိုး နှင့် သန္ဓေတားကြရပြန်သည်။ ပုရိဿ အများစု မှာကား ယောင်နနဖြင့် ဘာလုပ်ရမှန်းပင် မသိကြ။ မျိုးဆက်ပွား ကျန်းမာရေး ဗဟုသု လေ့လာသူများက အထိုက်အလျောက် သိကြပေမင့် တချို့ တချို့သော ကိစ္စများက သူတို့လည်း ဘာမျှ မတတ်နိုင်။ ဆိုကြပါစို့ရဲ့ ဖခင်ဖြစ်သူက ကလေးကို နို့တိုက်ချင်ပေသည့် သူ့မှာက နို့မထွက်။ ကလေးကို ၀မ်းတွင် လွယ်ချင်ပေသည့် သားအိမ်မရှိ။ အတော်ပင် သနားစရာ ကျားသတ္တ၀ါများပင်တည်း။ (ခြွင်းချက်။ ။ ရုပ်ရှင်မင်းသား အာနိုး၏ ဂျူနီယာဆိုသည့် သိပ္ပံခေတ်လွန် ရုပ်ရှင်တွင်မူ ယောက်ျားသား စင်စစ်များ ကိုယ်ဝန်ဆောင်နိုင်ကြောင်း ကြည့်ဖူးသည်။ အမှန်တကယ် ဖြစ်နိုင်လာမလားတော့ မပြောတတ်ပေ။)

သားဆက်ခြားရာတွင်ကား သူတို့ အနည်းငယ် ပါဝင်ခွင့် ရလေသည်။ သုတ်ရည်ပြင်ပ စွန့်ထုတ်ခြင်း (withdrawal)၊ လိင်အင်္ဂါအစွပ် ခေါ် ကွန်ဒုံး (condom) ကို အသုံးပြုခြင်း နှင့် အမျိုးသား သုတ်လမ်းကြောင်းကို ဖြတ်တောက်ခြင်း (၀ါ) သားကြောဖြတ်ခြင်း (vasectomy) တို့ ဖြစ်သည်။ သို့ရာတွင် ဤနည်းလမ်းများကို သုံးစွဲမှုကား အမျိုးသမီးသုံး နည်းများသုံးစွဲမှုနှုန်းနှင့် နှိုင်းယှဉ်လျှင် နည်းလွန်းလှသေးသည်။ အခက်အခဲများကလည်း ရှိသေးသည်။ သုတ်ရည်ပြင်ပ စွန့်ထုတ်ခြင်း နည်းလမ်းက ကလေးရနိုင်ချေများသည်။ ကွန်ဒုံးကို သိပ်မကြိုက်ကြ။ သုံးလျှင်လည်း မတော်တဆ ကလေးရနိုင်ချေက အခြား သားဆက်ခြား နည်းများနှင့် ယှဉ်လျှင် များသေးသည်။ သားကြောဖြတ်လျှင်လည်း တစ်ခါတည်း ကိစ္စတုန်းမည်။ ပြန်ဆက်ရခက်သည်။ မြန်မာနိုင်ငံတွင် ဥပဒေကြောင်းအရ ပြောကြကြေးဆိုလျှင်လည်း အမျိုးသား သားကြောဖြတ်ခြင်းသည် များသောအားဖြင့် တရားမ၀င်ချေ။

ထို့ကြောင့် အမျိုးသားများ သုံးစွဲနိုင်သော လက်ရှိ နည်းလမ်းများမှာ လူကြိုက် သိပ်မများလှပေ။ ကမ္ဘာပေါ်တွင် အမျိုးသား သားဆက်ခြား နည်းလမ်းများ ဖွယ်ဖွယ်ရာရာ ရှိလာလျင် ပိုမို သုံးစွဲလာကြဖွယ်ရာရှိသည်ဟု သားဆက်ခြား ပါရဂူများက ယူဆကြသည်။ သို့နှင့်ပင် အသစ်အသစ်သော နည်းလမ်းများကို တီထွင်လာကြပြန်သည်။

စာရေးသူ ဖောက်သည်ချလိုသည်ကား ထိုထိုဤဤသော အမျိုးသားသုံး သားဆက်ခြား နည်းလမ်းအသစ်များ အကြောင်းပင်။ စာရှုသူ စိတ်ထဲမှာတော့ အဲဒီ အမျိုးသားတွေကို တရားစခန်း အချိန်ပြည့် ထိုင်ခိုင်းလိုက်လျှင် ပြီးတာပဲဟု အတွေးပေါက်ကောင်း ပေါက်နေပေမည်။ ထိုနည်းလမ်းကား အနည်းစုသော ပုရိဿများ နှင့်သာ သင့်လျော်ပေမည်။ အများစုအတွက်ကိုတော့ တစ်နည်း တစ်ဖုံ စဉ်းစားပေးရပေဦးမည်။ နည်းလမ်း အသစ်များ အကြောင်း မပြောမီ နိဒါန်းလေး အချီးလေးနှင့် စမှ တော်ကာကျမည်။

စက်ရုံမှ သုံးစွဲသူဆီသို့ (၀ါ) သုတ်ပိုး ထုတ်လုပ် သယ်ဆောင်ပုံ နှင့် သန္ဓေတည်ခြင်း

အမျိုးသားများတွင် ဝှေးစေ့ [17] သည် ကပ္ပါယ်အိပ် [18] အတွင်းတည်ရှိပြီး သုတ်ပိုးများကို ထုတ်လုပ်ပေးသည်။ ၄င်းသုတ်ပိုးများကို သုတ်ပိုးပြွန် (Vas deferens) [15] တလျှောက် သယ်ဆောင်ကာ အခြားဖို အင်္ဂါများ (seminar vesicles [10], prostate glands [12], & bulbourethral glands) က ထုတ်လုပ်သော အရည်များနှင့် ပူးပေါင်းပြီး သုတ်ရည် အဖြစ် ခန္ဓာကိုယ် အပြင်သို့ လိင်တံ [3] မှ တဆင့် ရောက်ရှိလေသည်။

(စကားချပ်။ ။ အမျိုးသား သားကြောဖြတ်ခြင်းမှာ သုတ်ပိုးပြွန်ကို ဖြတ်တောက်ခြင်းဖြစ်သည်။ အခြားဖိုအင်္ဂါများကို မထိခိုက်ပေ။ ထို့ကြောင့် သုတ်ရည်ကတော့ ထွက်မြဲထွက်နေနိုင်သည်။ သုတ်ရည်တွင် သုတ်ပိုး မပါသည်သာရှိမည်။)

အဓိက က အဓိကပါ

သုတ်ပိုး နှင့် မမျိုးဥ တွေ့ရှိ ပေါင်းဖက်မိမှသာ သန္ဓေအောင်သည်။ ထို့ကြောင့် သားဆက်ခြားနည်းများ၏ အဓိက လုပ်ဆောင်ချက်မှာ

• သုတ်ပိုး မထွက်အောင် ပြုလုပ်ခြင်း
• မမျိုးဥ မထွက်အောင် ပြုလုပ်ခြင်း
• သုတ်ပိုးနှင့် မမျိုးဥ မတွေ့မိအောင် ပြုလုပ်ခြင်း
• သုတ်ပိုးနှင့် မမျိုးဥ မပေါင်းဖက်မိအောင် ပြုလုပ်ခြင်း
• သုတ်ပိုးနှင့် မမျိုးဥ ပေါင်းဖက်မိပြီး ဖြစ်လာသော အတွဲကို သားအိမ်တွင် မတွယ်ကပ်စေခြင်း တို့ပင်ဖြစ်သည်။

အမျိုးသား သုံးသည့် နည်းလမ်းဖြစ်စေ၊ အမျိုးသမီး သုံးသည့် နည်းလမ်းဖြစ်စေ ဤလုပ်ဆောင်ချက် တစ်ခုခုဖြင့် သန္ဓေ မတည်အောင် ဆောင်ရွက်ခြင်း ဖြစ်သည်။

အလားအလာရှိသည့် အမျိုးသားသုံး သားဆက်ခြား နည်းလမ်းအသစ်များ

ဤနည်းလမ်းများသည် စမ်းသပ်ဆဲအဆင့် ၌သာရှိသေးသည်။ နည်းလမ်းများစွာ ရှိသည့်အနက် ဈေးကွက်ဝင်လာဖွယ်ရှိသော နည်းလမ်းများကို ပြောပြလိုသည်။ အကြမ်းဖျင်းအားဖြင့် ဟော်မုန်းမပါဝင်သောနည်းများ နှင့် ဟော်မုန်းပါဝင်သောနည်းများဟု ခွဲခြားနိုင်သည်။

ဟော်မုန်းမပါဝင်သောနည်းများ

RISUG (Reversible Inhibition of Sperm Under Guidance)

သုတ်ပိုးပြွန် အတွင်းသို့ ဓါတုပစ္စည်း ဆေးတစ်မျိုးကို ထိုးသွင်းပေးခြင်း ဖြစ်သည်။ ထိုဓါတုပစ္စည်းက သုတ်ပိုးပြွန်ထဲတွင် ခဲသွားခြင်းကြောင့် သုတ်ပိုးများ ရှေ့သို့ဆက်သွားရန် အဆီးအတား ဖြစ်သွားသည်။ သွားနိုင်ပါကလည်း သုတ်ပိုး အပေါ်ယံအလွှာ ကွာကျခြင်း (သုတ်ပိုး အင်္ဂါ မစုံတော့ခြင်း) ကြောင့် မမျိုးဥ နှင့် မပေါင်းဖက်နိုင်တော့ချေ။ (မှတ်ချက်။ ။ သုတ်ပိုးပြွန်ကို လုံးဝ ပိတ်သွားအောင် ပြုလုပ်ခြင်းကား မဟုတ်) ဆေးထိုးပြီး ၃ ရက်အတွင်း အာနိသင်ပြသည်။ ဆေးထိုးချိန် ၁၅ မိနစ်ခန့်သာ ကြာပြီး ၁၅ နှစ်ကျော်ကြာ သုတေသန ပြုချက်များက ရာနှုန်းပြည့် အောင်မြင်မှု ရှိသည်ဟု ဆိုသည်။

ကလေး ပြန်လိုချင်ပါက နောက်ထပ်ဆေးတစ်မျိုး ထိုးပေးခြင်းဖြင့် မူလဓါတုပစ္စည်းကို ဖျော်ချနိုင်သည်။ (လူတွင် စမ်းသပ်ရန်လိုသေးသည်။)

Injected Plugs

ဤနည်းကလည်း ဓါတုပစ္စည်း တစ်မျိုးကို သုတ်ပိုးပြွန်အတွင်း ထိုးသွင်းပေးခြင်းဖြစ်သည်။ အလွယ်ပြောရလျှင် ပလတ်စတစ် အရည်ကို သုတ်ပိုးပြွန်အတွင်းထိုးသွင်းပေးပြီး အထဲတွင် အေးခဲစေခြင်းဖြင့် သုတ်ပိုးပြွန် လုံးဝ ပိတ်သွားအောင် ပြုလုပ်ခြင်း ဖြစ်သည်။ လိုအပ်သော အာနိသင် ရရှိရန်မှာ အနည်းဆုံး ၁-လ မှ ၂၄-လ အထိ စောင့်ရတတ်သည်။

ကလေးပြန်လိုချင်ပါက ထို ပလတ်စတစ် အတုံးလေးကို ခွဲစိတ်ပြီး ထုတ်ယူလိုက်ရုံပင် ဖြစ်သည်။ ခွဲစိတ်ပြီး အလွန်ဆုံး ၂-နှစ် အတွင်း ပုံမှန်အခြေအနေကို ပြန်ရောက်ရှိသည်။ ဆိုလိုသည်မှာ သုတ်ပိုး အရေအတွက် ပုံမှန်ပြန်လည် ရရှိလာခြင်းဖြစ်သည်။

IVD (Intra Vas Device – Chinese model)

သုတ်ပိုးပြွန်ထဲသို့ နိုင်လွန်ဇကာ သေးသေးလေး ပါသော ၁-လက်မ ခန့် ရှည်သည့် တစ်ဖက်ပိတ် ပိုက် ထည့်သွင်းပေးခြင်းဖြစ်သည်။ ဇကာ၏ တာဝန်မှာ သုတ်ပိုးများကို စစ်ယူထားလိုက်ရန် ဖြစ်သည်။ ပိုက်ထည့်သွင်းချိန် မိနစ် ၂၀ ခန့်ကြာမြင့်ပြီး လိုအပ်သော အာနိသင် ရရှိရန် ၃-လ ခန့် စောင့်ရသည်။

ဟော်မုန်းပါဝင်သောနည်းများ (Male Hormonal Contraceptives)

အင်ဒရိုဂျင် (Androgen) ခေါ် ကျားဟော်မုန်း၊ ပရိုဂျက်စတင် (Progestin) ခေါ် မဟော်မုန်းတစ်မျိုး နှင့် GnRH analogue ခေါ် ဟော်မုန်းတို့ကို အမျိုးမျိုးအဖုံဖုံ ရောစပ်၍ စမ်းသပ်နေကြသည်။ ထိုဆေးများကို သောက်ဆေး၊ ထိုးဆေး သို့မဟုတ် အရေပြားအောက် ထည့်သွင်းခြင်း နည်းများဖြင့် အသုံးပြုနိုင်ရန် အစီအစဉ်ရှိသည်။

ထိုဟော်မုန်းဆေးများ၏ အလုပ် လုပ်ပုံမှာ ယနေ့ အမျိုးသမီးများ သောက်သုံးနေသော တားဆေးများ အလုပ်လုပ်ပုံနှင့် ဆင်တူသည်။ ဟော်မုန်းများက သုတ်ပိုး ထုတ်လုပ်မှုကို များစွာ လျော့ကျစေပြီး သန္ဓေတည်ခြင်းကို ကာကွယ်သည်။

ဆေးသောက်ပြီးရင် နဂိုအတိုင်း ပြန်ဖြစ်ပါ့မလား

ဖြစ်ပါတယ်။ ဆေးသောက် ရပ်လိုက်ပြီး ၃ လခွဲမှ ၅ လ အတွင်း သုတ်ပိုးထွက်နှုန်း ပုံမှန်အနေအထားကို ပြန်ရောက်ပြီး ကလေးရယူနိုင်ပါသည်။

ဟော်မုန်းဆေး၏ အခက်အခဲများ

အချို့အမျိုးသားများသည် ဘာကြောင့်မှန်းမသိ ဆေးမတိုးပဲ ရှိနေတတ်သည်။ သင်သည် ထိုအမျိုးသားမျိုးဖြစ်နေပါက အခြားနည်းများကို စဉ်းစားရပေမည်။

အခက်အခဲများ ရှိလင့်ကစား ပုရိဿတို့ စိတ်မပျက်ကြကုန်လင့်။ သားဆက်ခြားခြင်းကိစ္စရပ်တွင် သင်တို့၏ အခန်းကဏ္ဍ မကြာမီ တောက်ပြောင်လာပေတော့မည်။ မျှော် ...

အာရောဂျံ ပရမံ လာဘံ
တက္ကသိုလ် လှမွန်

စာကိုး။

အာနိုးဓါတ်ပုံကို ဤဆိုဒ်မှ ယူပါသည်။
အမျိုးသားမျိုးပွားအင်္ဂါပုံကို ၀ိကီမှ ယူပါသည်။
http://www.malecontraceptives.org/

Related Posts :