Monday, November 9, 2009

ဆေးလိပ်သောက်သူများ အတွက် ဘားဂါး (Buerger) ရောဂါ

ဆေးလိပ်သောက်သူများ အတွက် ဘားဂါး (Buerger) ရောဂါ

ဘားဂါးဆိုတာဘာလဲ ။



ဘားဂါးဆိုတာဟာ ခြေထောက်နဲ့ လက်တွေမှာ ရှိတဲ့ သေးငယ်သော သို့မဟုတ် အလယ်အလတ်ရှိသော သွေးလွှတ်ကြောနဲ့ သွေးပြန်ကြောတွေ ယောင်ရမ်းခြင်း နှင့် ပိတ်ဆို့ခြင်းတို့ ခဏခဏ ဖြစ်ပေါ်နေခြင်းကို ဆိုလိုပါတယ် ။ ဒါဟာ ဆေးလိပ်သောက်သုံးခြင်းနဲ့ အလွန်အမင်း သက်ဆိုင်လျက် ရှိပါတယ် ။ ဆေးလိပ် သောက်သုံး သူများအပါအ၀င် ဆေးလိပ်မသောက်ပေမယ့် လည်း ဆေးရွက်ကြီးစားသုံးသူတွေ Tobacco နဲ့ပါတ်သတ်တဲ့ထုတ်ကုန်မှန်သမျှ သုံးစွဲသူတွေမှာ ဖြစ်စေနိုင်ပါတယ် ။

အဖြစ်များစေတဲ့ အချက်တွေ ။

စီးကရက်သောက်သုံးခြင်းဟာ ဘားဂါးကို အဖြစ်များစေတဲ့ အဓိက အချက်ပါ ။ ဆေးလိပ်အရမ်းသောက်သူတွေ ဥပမာ တစ်နေ့ကို တစ်ဗူး နှုန်း သောက်သုံးသူတွေဟာ ဘားဂါးဖြစ်စေဖို့ အခွင့်အလမ်းများသူတွေ ဖြစ်ပါတယ် ။ ဆေးရွက်ကြီး ငုံတဲ့လူတွေ ကွမ်းစားရင်ဆေးရွက်ကြီးထည့်စားသူတွေ လည်း ဘားဂါးရောဂါ ဖြစ်ပွားစေနိုင်ပါတယ် ။ လက်နဲ့လိပ်တဲ့ ဆေးပေါ့လိပ် (ဖက်ကြမ်း) ကိုသောက်သုံးတွေက ဖြစ်ပွားနိုင်ခြေ ပိုများပါတယ် ။ Tobacco မှာပါဝင်တဲ့ ဓါတုပစ္စည်းတွေက သင့်သွေးကြောနံရံတွေကို ထိခိုက်စေပါတယ် ။ သူတို့ကိုရောင်ရမ်းလာစေပါတယ် ။ ဘားဂါးဖြစ်ပွားမှုနှုန်းဟာ ဆေးလိပ်သောက်မှုများတဲ့ Middle East နဲ့ East မှာ ပိုများပါတယ် ။ သင်ဟာ ဆေးလိပ်သောက်သုံးသူ တစ်ယောက် မဟုတ်ခဲ့ဘူး ဆိုရင်တောင်မှ သင့်မှာ ဘားဂါး ဖြစ်နေပြီ ဆိုရင်တော့ ဆေးလိပ်သောက်သူများနဲ့ ဝေးဝေးနေသင့်ပါတယ် ။ ဘာကြောင့်လည်းဆိုတော့ သူတို့ရဲ့ ဆေးလိပ်ငွေ့ကလည်း သင့်ကို ထိခိုက်စေပါတယ် ။

ဘားဂါးရဲ့ ရောဂါ လက္ခဏာတွေ ။



၁ ။ ခြေထောက်မှာ နာကျင်လာခြင်းနဲ့ အားနည်းလာခြင်း လက်များနာကျင်လာခြင်း လက်မောင်းများ နာကျင်လာ ခြင်းနဲ့အားနည်းလာခြင်း ။
၂ ။ သင့်ရဲ့ လက်တွေ ခြေထောက်တွေ ရောင်ရမ်းလာခြင်း ။
၃ ။ လက်ချောင်းလေးတွေနဲ့ ခြေမ ၊ ခြေချောင်းလေးတွေဟာ ဖြူဖျော့လာပြီး အထူးသဖြင့် အေးတဲ့အခါမှာ ပိုသိသာပါတယ် ။ ဒါကို Raynaud's phenomenon လို့ခေါ်ပါတယ်။

ဘားဂါးကနေ ဘာတွေ ဆက်ဖြစ်လာနိုင်သလဲ ။



ဘားဂါးရောဂါက ပိုဆိုးလာပြီဆိုရင် သင့်ရဲ့ လက်တွေ ခြေထောက်တွေကို သွေးပို့မှုနှုန်းသွေး စီးဆင်းမှုနှုန်း နည်းလာပါတယ် ။ ဒါဟာ သွေးတွေက လက်ချောင်းလေးတွေ ခြေချောင်းလေးတွေစီ စီးဆင်းရာမှာ ပိတ်ဆို့တဲ့ အတားအဆီးတွေ (Blood clots) ရှိနေတဲ့အ တွက်ကြောင့်ပါ ။ ဒါကြောင့် သွေးတွေက အောက်ဆီဂျင်နဲ့ အာဟာ ရတွေကို တစ်ရှုးတွေဆီကို မပို့ပေးနိုင်တော့ ပါဘူး ။ ဒါကြောင့် ခြေဖျားလက်ဖျားလေးတွေမှာ ရှိတဲ့ တစ်ရှုးလေးတွေ သေဆုံးသွားပါတယ် ။ ဒါကို gangrene လို့ခေါ်ပါတယ် ။ ဂမ်ဂရင်း ရဲ့ လက္ခဏာတွေကတော့
ရေပြားဟာ အမဲေ၇ာင် အပြာရောင်ပြောင်းသွားခြင်း ဖြစ်တဲ့ ခြေချောင်းလက်ချောင်းမှာ အာရုံခံစားမှု မရှိတော့ခြင်း ဖြစ်တဲ့ နေရာမှာ အနံ့ နံလာခြင်း စသည်တို့ ဖြစ်ပါတယ် ။ဂမ်ဂရင်း ဖြစ်ပြီဆိုရင်တော့ ဖြစ်တဲ့ ခြေချောင်းလက်ချောင်းကို ဖြတ်ထုတ်ပစ်ဖို့ လိုအပ်ပါတယ် ။

ကုသမှုနဲ့ ဆေးဝါးတွေ ။

ဘာကုသမှုမှ ဘားဂါးကို မကုနိုင်ပါဘူး ။ သင့်ရဲ့ ဆရာဝန်ကလည်း သင်ဖြစ်နေတဲ့ ခံစားမှုတွေ လက္ခဏာတွေကို လျော့နည်းသွားအောင် ကုသမှု အမျိုးမျိုးနဲ့ ချဉ်းကပ်ယုံပဲ ရှိပါလိမ့်မယ် ။ အဲဒါတွေကတော့

၁ ။ သင်ဆေးလိပ်ဖြတ်ဖို့ အကူအညီပေးနိုင်တဲ့ ဆေးဝါးတွေ နှစ်သိမ့်ဆွေးနွေးပေးခြင်း သင့်ရဲ့ သွေးကြောတွေ ရောင်ရမ်းမှုသက်သာအောင် ဆေးပေးခြင်း ။
၂ ။ သင့်ရဲ့ သွေးလည်ပတ်မှုကောင်းအောင် ခဲနေတဲ့သွေးတွေ ပြန်ကျဲသွားအောင် ဆေးပေးခြင်း (ဥပမာ Cilostazol )
၃ ။ ဖြစ်ပွားတဲ့ နေရာက အာရုံကြောတွေကို ဖြတ်တောက်ပစ်ခြင်း (ဒါကတော့ နာတာကို သက်သာစေဖို့ပါ )
၎ ။ ခြေထောက် လက် ဖြတ်ထုတ်ပစ်ခြင်း (အကယ်၍ ပိုးဝင်နေတယ် ပုပ်နေပြီဆိုရင် လုပ်ဆောင်ရမှာ ဖြစ်ပါတယ် )

ဘယ်လိုကာကွယ်မလဲ ။

သင်ဟာ ဘားဂါးဖြစ်နေပြီ လို့ သိတာနဲ့ တပြိုင်နက် ဆေးလိပ်သောက်သုံးတာကို ချက်ချင်းဖြတ်ပစ်ရမှာ ဖြစ်ပါတယ် ။ ထူးဆန်းတာတစ်ချက်က တော့ သင်ဆေးလိပ်ဖြတ်လိုက်တာနဲ့ တပြိုင်နက် သင့်ရဲ့ ခြေလက်တွေ သွေးကြောတွေရောင်ရမ်း နေတာတွေ ချက်ချင်းသက် သာသွားခြင်း ဖြစ်ပါတယ် ။ ဆေးလိပ်အချိန်မှီဖြတ်ပစ်တဲ့ လူအများစုဟာ ခြေလက်တွေ ဖြတ်ပစ်စရာ မလိုအပ်တော့ပါဘူး ။ ဆက်သောက်နေမယ်ဆိုရင်တော့ သင်ရဲ့ ဘားဂါးကို ပိုဆိုးစေပြီး သင့်ရဲ့ ခြေလက်တွေ ဖယ်ရှားပစ်ခံရမှာ ဖြစ်ပါတယ် ။

ဆေးလိပ်ဖြတ်ဖို့ဟာ ခက်ခဲလှပါတယ်။ သင်ဟာ ဆေးလိပ်သောက်သုံးသူ အများစုထဲက တစ်ယောက်ဆိုရင် သူတို့လိုပဲ အတိတ်တုန်းက ဆေးလိပ်ဖြတ်ဖို့ ကြိုးစားခဲ့ဖူးမှာပါ ။ဒါပေမယ့် အောင်မြင်ခဲ့မှာမဟုတ်ပါဘူး ။ ဆရာဝန်နဲ့ တိုင်ပင်ပြီး သင့် ပြဿနာကို ပြောပြပါ ။ သင့်ဒုက္ခကို ကူညီပေးနိုင်မယ့် ဆေးဝါးတွေ ရှိပါတယ် ။ ပီကေ၀ါးခြင်းနဲ့ စိတ်အာရုံပြောင်းခြင်း ။ နောက်တစ်ခုကတော့ နီကိုတင်းအစားထိုး ထုတ်ကုန်တွေကို သုံးစွဲခြင်းပဲ ဖြစ်ပါတယ်။ ဘာကြောင့်လည်းဆိုတော့ နီကိုတင်းကလည်း ဘားဂါးကို ပိုဆိုးစေတဲ့အရာဖြစ်တဲ့အတွက်ပါ ။ နောက်တစ်နည်းကတော့ ဆေးလိပ်ဖြတ် ပရိုဂရမ်ကို အသုံးပြုခြင်းပဲ ဖြစ်ပါတယ် ။ ဒါကတော့ ဆေးရုံ ဆေးခန်းမှာ ရက်အနည်းငယ်သွားနေပြီး ကုသမှု ခံယူခြင်းပဲ ဖြစ်ပါတယ် ။ အဲဒီအချိန်တွေမှာ သင်ဟာ လူမှုရေး လုပ်ငန်းတွေမှာ ပါဝင်ဆောင်ရွက်ခြင်း ကုသိုလ်ရေး တွေ လုပ်ဆောင်ခြင်းအားဖြင့် သင့်ကို Tobacco free world ထဲကိုခေါ်ဆောင်သွား မှာ ဖြစ်ပါတယ် ။

အိမ်မှာနေရင်းနဲ့ ဘာတွေ လုပ်ဆောင်မလဲ ။

သင့်မှာ ဘားဂါး ရှိနေပြီဆိုရင် သင့်ခြေချောင်းတွေလက်ချောင်းတွေကို ဂရုစိုက်ပါ ။ သင့်ရဲ့ အရေပြားပေါ်က ခြစ်ရာ ရှရာတွေကို သတိထားပါ သင်ဟာ အာရုံခံစားမှုရှိနေသေးလားမရှိတော့ဘူးလား ဆိုတာ စမ်းစစ်ပါ ။ ခြေလက်တွေ အေးနေခြင်းဟာ သင်ဟာ ပိုးမွှားအလွယ်တကူ ၀င်ေ၇ာက်ကူးစက်ခံနိုင်ရတဲ့ အခြေအ နေဖြစ်ပါတယ် ။

စာရေးသူ....သက်တန့်ချို (၁၁း၁၀ ည ၆.၁၁.၀၉)

Ref: Wikipedia
: Mayo Clinic


Related Posts :



6 comments:

ကျော်မင်းနိုင် said...

ဘားဂါးရောဂါကို ဒေါက်တာသက်တန့်ချို ရှင်းပြတော့မှကောင်းကောင်းသိတော့တယ်။ ဟိုအရင်ကတော့ ဗဟုသုတနည်းခဲ့တော့ မကြားဘူးမိခဲ့ပါဘူး။ အလွန်ကြောက်စရာကောင်းတဲ့ရောဂါတခုပါပဲ။ဒေါက်တာသက်တန့်ချို ကိုကျေးဇူးတင်ပါတယ်။ မေးလို့ရမယ်ဆိုရင် တခုလောက်မေးပါရစေ....ဆေးလိပ်သောက်သူများ အတွက် ဘားဂါး (Buerger) ရောဂါ ကိုနှစ်ဘယ်လောက်ကြာကြာ သောက်သုံးမှုပြုမှသာလျှင် ဖြစ်တတ်တာလည်းမသိဘူးခင်ဗျာ။ ဒေါက်တာသိရင်ပြောပြပေးပါ။ ဒေါက်တာ ကျန်းမာပျော်ရွင်ပြီး ပညာဒါနများများပြုနိုင်ပါစေ....

သက်တန့်ချို said...

ဘားဂါးရောဂါကို ဆေးလိပ် ၁၀ လောက်လောက်ကိုနေ့စဉ်သောက်မယ်ဆို၇င် ၅နှစ်မှ ၁၀ နှစ်အတွင်း ဖြစ်နိုင်ပါတယ် ။ ယျေဘူယျပြောမယ်ဆိုရင် ဘားဂါး မဖြစ်တောင်မှ အခြား အဆုတ်ကင်ဆာ တွေ လည်ချောင်းကင်ဆာတွေ ဖြစ်နိုင်ပါတယ် ။

ကျော်မင်းနိုင် said...

ဟုတ်ကဲ့ပါဒေါက်တာ။ ဒီကိစ္စကို သိချင်တာက မင်းနိုင်ရဲ့သူငယ်ချင်းတွေက ဆေးလိပ်ဖြတ်ချင်နေကြတာ ဒါပေမယ့် ဖြတ်လို့မရနိုင်ကြဘူး။ ပြီးတော့ ကျွန်တော်တို့ က အခုမှ (၂၄) ပဲရှိသေးတော့ ဆေးလိပ်ဖြတ်ဖို့ ကသူငယ်ချင်းတွေ ကိုတိုက်တွန်းတာမရသေးလို့ပါ။ ဒေါက်တာပြောထာတာလေးတွေကိုပြောပြရင်တော့နားလည်လာကျမှာပါ၊ ပြီးတော့ကိုယ်တိုင်လည်းဆေးလိပ်ဖြတ်ထားတော့ သူတို့အခက်ခဲကိုလည်းနားလည်မိပါတယ်။ သူငယ်ချင်းတွေကလည်းဒေါက်တာကိုကျေးဇူးတင်နေမှာပါ။ ဒေါက်တာ ကအစလည်းကောင်းတယ် အစွမ်းလည်းများတယ်၊ အားကျမိပါတယ်။ အစွမ်းအစရှိတယ်ဆိုတာဒါကိုပြောတာနေမှာပါ။ ဒေါက်တာသက်တန့်ချို အောင်မြင်ကြီးပွားပါစေ....

tharngemama said...

ကျေးဇူးအရမ်းတင်မိပါတယ်.....။
အိမ်မှာက အဖေက ဆေးလိပ်ကို အရမ်းကို စွဲစွဲမြဲမြဲသောက်ပါတယ်.........။ ဆိုးကျိုးတွေ ဒီလောက်များတယ်ဆိုတာ မသိဘူးထင်ပါတယ်။ အမျိုးသားကိုလဲ ဆေးလိပ်မသောက်ဘို့ပြောပေမယ့် စီးကရက်ကို တခါတရံ လက်ကြားညှပ်တာ တွေ့နေရပါတယ်။ အခု ဒေါက်တာ ရေးထားတဲ့ ဘလော့ကို print ထုတ်ပြီး သူတို့ကို ပြမှာပါ။ တကယ့်ကို ကျေးဇူးအရမ်းတင်ပါတယ်။ ဒေါက်တာ အောင်မြင် ကြီးပွား တိုးတက်ပြီး စိတ်ချမ်းသာ ကိုယ်ချမ်းသာအပေါင်းနဲ့ အတိုင်းထက်အလွန် ပြည့်စုံပါစေ..............။

ရဲရင့် said...

မင်္ဂလာပါ ဒေါက်တာသက်တန့်ချို

ကျွန်မကို ကျွန်မ လေးစားစွာနဲ့ ပထမဦးဆုံးမိတ်ပါရစေ။ ကျွန်မနာမယ်ကတော့ နှင်းဆွတ်မိုးပါ။ ကျွန်မအနေနဲ့ “ရဲရင့်”လို့အမည်ရတဲ့ ဂျာနယ်တစ်စောင်ကို ရှေ့လာမဲ့ ဇန်န၀ါရီလ (၁)ရက်နေ့မှာ မလေးရှားနိုင်ငံမှာ ထုတ်ဝေဖို့ စီစဉ်ထားပါတယ်။ ကျွန်မအနေနဲ့ ဆရာမတို့ရဲ့ဘလောက်ကို မကြာခဏအလည်ရောက်ဖြစ်ပါတယ်။ ဆရာမတို့ရဲ့ ကြိုးစားအားထုတ်မှုနဲ့ လုံ့လကို ကျွန်မလေးစားမိပါတယ်။

ကျွန်မ ယခုစာရေးရခြင်းအကြောင်းကတော့ ကျွန်မ အနေနဲ့ ကျွန်မတို့ထုတ်ဝေသွားမဲ့ “ရဲရင့်ဂျာနယ်”မှာ ဆရာမရဲ့ ကျန်းမာရေးဆောင်းပါးတွေထဲက အလျဉ်းသင့်လျင် သင့်သလို “ရဲရင့်ဂျာနယ်”မှာ ဖော်ပြတင်ဆက်ပေးသွားချင်ပါတယ်။ ဂျာနယ်ရဲ့ ကြောရိုးကတော့ နိုင်ငံရေးပေါ်မှာ အခြေခံပြီး စီးပွားရေး၊ လူမှုရေး၊ ကျန်းမာရေး၊ ပညာရေး၊ အာကစား၊ ဟာသ၊ အတွေးအမြင်၊ ဆောင်ပါး၊ သတင်း စတဲ့စတဲ့ ကဏ္ဍလေးတွေကို ပါဝင်အောင် အတတ်နိုင်ဆုံး ကြိုးစားပြီးတင်ဆက်ပေးသွားချင်ပါတယ်။ အဲ့ဒီအတွက် ကျွန်မ အနေနဲ့ ရိုးသားစွာ ဆရာမဆီမှ ခွင့်ပြုချက်တောင်းခံရခြင်းဖြစ်ပါတယ်။ စာမူခအနေနဲ့ကတော့ အခုမှ စပြီးထုတ်မှာမို့ ကျွန်မတို့အတွက် အခက်အခဲ လောလောဆယ်ရှိပါတယ်။ ကျွန်မတို့တစ်တွေဟာ စီးပွားရေးသမားမဟုတ်ပါဘူး။ ဒီလုပ်ငန်းကိုလုပ်ရတာ စာပေကိုချစ်လို့ပါ။ နောက်ပြည်သူတွေကို စစ်မှန်တဲ့၊ ခိုင်မာတဲ့၊ မရှိမဖြစ်လိုအပ်မဲ့ဗဟုသုတတွေ၊ အသိအမြင်တွေပေးချင်လို့ပါ။ သို့သော်လဲ ဘုရားသခင်အလိုတူလို့ “ရဲရင့်ဂျာနယ်”အောင်မြင်ခဲ့မယ်ဆိုရင်တော့ ကျွန်မတို့ဆရာမကို စာမူခချီးမြှင့်ပေးသွားမှာပါ။

ကျွန်မအနေနဲ့ ဆရာမဆီက ဂရုဏာတရားနဲ့ခွင့်ပြုပေးမဲ့ခွင့်ပြုချက်ကို ကျွန်မ စောင့်မျှော်နေပါတယ်။ဆရာမ အချိန်ရှိရင်ကျွန်မဆီ စာပြန်ပေးပါဦးလို့အားနာလေးစားစွာနဲ့ တောင်းဆိုအပ်ပါတယ်။

ဆရာမရဲ့ စာပေမိတ်ဆွေ
နှင်းဆွတ်မိုး
လက်ထောက်အယ်ဒီတာ
ရဲရင့်ဂျာနယ်

ရဲရင့် said...

ဒေါက်တာ့ ကလောင်နာမည်ကို ကြည့်ပြီး ဆရာမလို့ မှားခေါ်မိတဲ့ အတွက် အနူးအညွတ်တောင်းပန်ပါတယ်။
နှင်းဆွတ်မိုး