Tuesday, July 28, 2009

Anemia (အနီးမီးယား) ခေါ် သွေးအားနည်းရောဂါ


ဒုက္ခသည်ကို (ရဖြူဂျီ)လို့ပြောရင် ပိုနားလည်ကြတယ်။ အိန္ဒိယကိုရောက်နေတဲ့ ကိုယ့်နိုင်ငံသူ နိုင်ငံသားတွေဟာ ဗမာမဟုတ်သူက အများကြီး များလို့ စကားအသုံးအနှုန်း အတော်ရွေးရပါတယ်။ ကျွန်တော့်ဆေးခန်းလေးကို (ရဖြူဂျီ) ဆေးခန်းလို့ ပြောကြတော့ ကိုယ့်လူမျိုးတွေကို ဒုက္ခရောက်နေသူတွေလို့ မပြောချင်တာနဲ့ (ကွန်မြူနတီ) ဆေးခန်းလို့ နာမည်တပ်ပါတယ်။

အခေါ်က ဘယ်လိုခေါ်ခေါ် ဗမာပြည်က(ရဖြူဂျီ)တွေဟာ တကယ့်ဒုက္ခရောက်သူတွေပါ။ ဒီတော့ သူတို့အဖို့ ဖြစ်ခါမှဖြစ်ရော ကျန်းမာရေးဆိုတာ စားစရာ၊ နေစရာ၊ ၀တ်စရာတွေပြီးမှ စဉ်းစားရမဲ့ကိစ္စ ဖြစ်နေရပါတယ်။

တကယ်လို့များ ယမုန်နာဆေးခန်း (ဘလော့ခ်)ကို ဖတ်မိကြရင် လာသမျှ လူနာတွေထဲမှာ ၆၀%ကျော်က အမျိုးသမီးတွေ ဖြစ်ပြီး၊ ကလေးမီးဖွါးသူဦးရေကလဲ မနည်းတာတွေ့ကြမှာပါ။ ကိုယ်ဝန်လာအပ်တဲ့ အမျိုးသမီးအများစုဟာ အသားအရေ ဖြူဖတ်ဖြူရော်တွေ များတယ်။ တကယ်တော့ ကိုယ်ဝန် မဆောင်သူတွေနဲ့ ကလေးတွေပါ ကျား-မ မရွေး၊ ဖြူရော်ရော်တွေ တွေ့လာရတယ်။ ဒါ့ကြောင့် သွေးအားနဲရောဂါအကြောင်း ရေးလိုက်တာပါ။



လူတိုင်း အသက်ရှူနေကြရတယ်။ ရှူသွင်းလိုက်သည့်လေထဲက အောက်စီဂျင်ကိုသုံးပြီး သွေးကို သန့်အောင် လုပ်ပေးဘို့ပါ။ သွေးထဲမှာ သွေးနီဥရှိတယ်။ သွေးနီဥမှာ အောက်စီဂျင်ကို အသုံးချနိုင်တဲ့ (ဟီမိုဂလိုဘင်) ဆိုတာမှာ သံဓါတ်ပါတယ်။ ဒါ့ကြောင့် သံဓါတ်နည်းတာကို သွေးအားနည်းတယ်လို့ ယေဘူယျခေါ်နိုင်တယ်။ သွေးစစ်ရင် (Hb) (ဟီမိုဂလိုဘင်)နည်းနေသည်လို့ အဖြေထွက်မယ်။ (ဟီမိုဂလိုဘင်)ဟာ ပုံမှန်အားဖြင့် ကလေးများမှာ ၁၁ မှ ၁၂၊ အမျိုးသမီးများမှာ ၁၁ မှ ၁၂၊ နဲ့ ယောက်ျားများမှာ ၁၃ မှ ၁၄ g/dl ရှိရပါတယ်။

သွေးအားနည်းရောဂါက တမျိုးမကရှိတယ်။ ခဏတာသွေးအားနည်းခြင်းနဲ့ နာတာရှည်သွေးအားနည်းခြင်း၊ နဲနဲဆိုးခြင်းနဲ့ များများ ဆိုးခြင်း ဆိုပြီးရှိတယ်။

အသားအရေဖြူဖတ်ဖြူရော်ဖြစ်နေတာ၊ မောပန်းလွယ်တာ၊ နှလုံးခုန် မမှန်ဖြစ်တာ၊ အသက်ရှူမ၀ဖြစ်တာ၊ ရင်ပတ်နာတာ၊ ခေါင်းမူးတာ၊ ခြေလက်အေးစက်တာ၊ ခေါင်းကိုက်တာ၊ ဒီလက္ခဏာတွေ ရှိနေရင် သွေးအား နည်းနေပြီလို့ သိနိုင်တယ်။

အစားအစာထဲမှာပါတဲ့ သံဓါတ်အပြင် အခြားဓါတ်တွေနဲ့ ပရိုတင်းတွေကို သုံးပြီး (ရိုးတွင်းခြင်ဆီ)က သွေးနီဥကို ထုတ်ပေးတယ်။ ဒါ့ကြောင့် အစားအစာထဲမှာ ဒီဓါတ်တွေနဲသူများ၊ ဒဏ်ရာ၊ ရောဂါတွေကြောင့် သွေးထွက်၊ သွေးယို၊ သွေးဆင်းသူများဟာ သွေးအားနည်းရောဂါဖြစ်နိုင်ပါတယ်။

လစဉ် ရာသီသွေးဆင်းနေရတာကိုက သွေးအားနဲစေတယ်။ နောက်ပြီး ကိုယ်ဝန်ရှိရင်၊ မစားနိုင်လို့-မစားတတ်လို့ အာဟာရနဲသူတွေ၊ အစားအစာရွေးလွန်းသူ၊ အရက် ကြာကြာသောက်သူတွေ၊ Celiac Disease နဲ့ Crohn's Syndrome ဆိုတဲ့အူရောဂါတွေရှိရင်၊ အူကိုအရှည်ကြီး ဖြတ်ပြစ်ရသူ၊ နာတာရှည် ကျောက်ကပ်၊ အသဲ၊ ကင်ဆာရောဂါတွေရှိရင်၊ ဓါတုအဆိပ်မိသူတွေဟာ သွေးအားနည်းရောဂါဖြစ်စေနိုင်တယ်။ အေအိုင်ဒီအက်စ်၊ (ရူမတွိုက်) အဆစ်နာရောဂါ တို့ကြောင့်လည်း သွေးအားနည်းနိုင်ပါသေးတယ်။

အများဆုံးကတော့ သံဓါတ်နဲ သွေးအားနည်းရောဂါဖြစ်တယ်။ Iron deficiency anemia ဖြစ်ရင် သံဓါတ်ပါတဲ့ အစားအစာတွေ ရွေးစားရပါမယ်။ အစားအမျိုးအစားတွေကို ချင့်ချိန်နိုင်အောင် သံဓါတ်ပါတဲ့ ကိန်းဂဏန်းတွေနဲ့ တွဲမှတ်နိုင်ပါတယ်။ အသဲ (၇၀)၊ ပဲပုတ် (၅၀)၊ တခြားပဲ (၂၀-၂၅)၊ တိုဖူး (၂၀)၊ ဟင်းနုနွယ် (၂၀)၊ အမဲသား (၁၀-၂၀)၊ ကြက်အသား (၆)၊ ပေါင်မုံ့ (၆)၊ ၀က်သား (၄)။

သွေးအားကောင်းဘို့ စားဆေး၊ သောက်ဆေး၊ ထိုးဆေးတွေ အလွယ်တကူ ၀ယ်ရပါတယ်။ ပုံမှန်သွေးအားနည်းနေတဲ့ အမျိုးသမီးတယောက်ကို သံဓါတ်ပါ စားဆေး (၃)လကြာ ပေးသင့်တယ်။ အချိန်ကာလ ကြာကြာပေးရ-သောက်ရမှာမို့ ဈေးချိုတာရှာဝယ်ပါ။ သွေးအားကောင်းစေတဲ့ဆေးတွေကို ဆေးကုမ္ပဏီတွေက အမျိုးမျိုးထုတ်တယ်။ Iron တမျိုးထဲ၊ Iron နဲ့ Folic acid တွဲ၊ Vitamin B, C ပါ ရောထားတာလဲရှိတယ်။ (အရင်က ဗမာပြည်မှာ ဖြူရာမင် ဘီစီ)။ Ferrous fumarate ဟာ Ferrous sulphate, Ferrous gluconate တို့ထက်သာတယ်။ သံဓါတ်ဆိုတော့ သံချေးနံ့ရလို တချို့က မကြိုက်ဘူး။ အပေါ်က သကြားအုပ်ဆေး ထုတ်တယ်။ ဆေးမမြိုတတ်သူတွေအတွက် ဆေးအရည်ထုတ်တယ်။ တချို့ကြ သံဓါတ်က ၀မ်းချုပ်တတ်လို့ ၀မ်းလွယ်အောင် အစားအစာကို သေခြာရွေးစားသင့်တယ်။ သင်္ဘောသီး၊ မန်ကျီးမှည့် ဖျော်ရည်၊ ကန်ဇွန်းရွက်၊ မြန်မာဘယဆေးများကလည်း အသုံးဝင်လှပါတယ်။

သံဓါတ်ထိုးဆေးဆိုတာ Imferon Iron Dextran Injection ညိုမဲမဲခပ်ပြစ်ပြစ်ဖြစ်တယ်။ ဆေးထိုးရင် ဂရုစိုက် ထိုးပေးရတယ်။ လူနာကို အိပ်လျက်နေစေပြီး၊ တင်ပါး အသားထူထူနေရာမှာ ခပ်နက်နက် ၄၅ ဒီဂရီ စောင်းထိုးပြီး ဆေးထိုးအပ်ကို လမ်းကြောင်းပြောင်း နုတ်ယူရတယ်။ ဆေးထိုအပ်က သိပ်မကျဉ်းရ-မတိုရဘူး။ ဆေးထိုးပြီး မချေရဘူး။ အမဲကွက်ဖြစ်နေမှာစိုးလို့။ Drip ပုလင်းထဲ ဆေးထည့်သွင်းတာလဲ လုပ်နိုင်တယ်။ ဆေးမထိုးခင် ဆေးတည့်-မတည့်လဲ စမ်းရပါမယ်။ တချို့က မတည့်ဘူး။

သံဓါတ်အပြင် (ဖေါလစ်အက်စစ်) Folic acid ခေါ် Folate ခေါ် Vitamin B 9 နဲတဲ့ သွေးအားနည်းရောဂါ ဆိုတာရှိတယ်။ သာမန်အချိန်မှာ 400 mcg နို့တိုက်နေရင် 500 mcg ကိုယ်ဝန်ရှိရင် 600 mcg နေ့စဉ် လိုအပ်ပါတယ်။ Folic acid ပါတဲ့ အစားအစာတွေကတော့ ပဲအမျိုးမျိုး၊ လိမ်မော်သီး၊ စပျစ်သီး၊ ခရမ်းချဉ်သီး၊ နာနတ်သီး၊ သင်္ဘောသီး၊ စပျစ်သီး၊ ခရမ်းချဉ်သီး၊ နာနတ်သီး၊ ပဲနို့၊ ဟင်းနုနွယ်၊ မုံညင်း၊ မုံလာအမျိုးမျိုး၊ အာလူး၊ ကြက်သွန်နီပင်စတဲ့ အသီးအရွက်စိမ်းများ၊ အစေ့အဆံများ၊ နေကြာစေ့၊ မြေပဲ၊ အသဲ-အမြစ်၊ နံနက်စာအဖြစ် စားလေ့ရှိတဲ့ ကောက်နှံ-ပြောင်း-ပြောင်းဖူးထွက် အစာများ၊ ပေါင်မုံ့၊ ဂျုံမှုံ့၊ ခေါက်ဆွဲ၊ ဆန်တွေဖြစ်တယ်။ Folic acid ဟာ Spina bifida နဲ့ Anencephaly ခေါ် မွေးရာပါ ဦးနှောက်-အာရုံကြော ရောဂါတွေကို ကာကွယ်နိုင်ပါသေးတယ်။

နောက်တမျိုးက ဗီတာမင် ဘီ-၁၂ နဲတဲ့သွေးအားနဲရောဂါပါ။ တနေ့ကို 7 mcg လိုအပ်ပါတယ်။ နဲနေရင် Injection Vitamin 12 ထိုးပေးရမယ်။ များသောအားဖြင့် ထိုးဆေးက ပန်းရောင် ဖြစ်တယ်။ ရာသက်ပန် ထိုးပေးရမှာလဲရှိတယ်။ B-12 ဟာ သွေးအတွက်သာမက အာရုံကြောအတွက်လည်း အသုံးဝင်တယ်။ ဗီတာမင် ဘီ ၁၂ များတဲ့ အစားအစာတွေကတော့ ခရု၊ အသဲ၊ ကောက်နှံများ (မနက်စာအဖြစ်စားတဲ့အစာတွေ)၊ ငါး၊ အမဲသား၊ (ရောဂတ်) ဒိန်ချင်၊ နွားနို့၊ ဥ၊ ကြက်သားတို့ ဖြစ်တယ်။

ဆရာဝန်ပေါက်စတွေကို ၀ါရင့်တွေက သင်ပေးသလို လူနာတွေက ဆရာဝန်ကို သင်ပေးတာလဲရှိတယ်။ ဆေးထိုးတဲ့အခါ ဗီတာမင် ဘီအုပ်စုကို ထိုးရင် နာတယ်။ ဘီ ၁၂ ကို ထိုးရင် မနာဘူး။ တချို့လူနာက ဆေးထိုးတာ မနာမှ ဒီဆရာဝန် လက်ကောင်းတယ်လို့ သတ်မှတ်သလို၊ တချို့ကြ ဆေးက နာလဲမနာဘူး၊ စွမ်းပုံမရဘူးလို့ ပြောသူလဲရှိတယ်။ ဒါ့ကြောင့် (ဂျီပီ)ကောင်းချင်ရင် လူနာ့အထာ သိဘို့လိုတယ်။

လူတယောက်မှာ အစဉ်အမြဲ သွေးနီဥ စုစုပေါင်း ၂့၅ ထွီလီယန် ရှိနေတယ်။ စက္ကန့်တိုင်း သွေးနီဥအသစ်ပေါင်း ၁့၅ မီလီယန် ကို ရိုးတွင်းခြင်ဆီက ထုတ်ပေးနေပါတယ်။

Bone marrow (ရိုးတွင်းခြင်ဆီ) မကောင်းသူတွေမှာ Aplastic anemia နဲ့ ကင်ဆာနှင့်တူတဲ့ Leukemia (လူကီးမီးယား) သွေးအား နည်းရောဂါ ဖြစ်နိုင်ပါတယ်။ Aplastic anemia ဆိုရင် သွေးသွင်းပေးရတယ်။ bone marrow transplant ခေါ် ရိုးတွင်းခြင်ဆီ အစားထိုး ပေးရတယ်။ ဆိုးဝါးတဲ့ သွေးအားနည်းရောဂါတွေဖြစ်လို့ ၀တ္ထုတွေ၊ ရုပ်ရှင်တွေမှာ ဇာတ်လိုက်ကို ဒီရောဂါရှိတယ်လုပ်ပြီး သေခိုင်းတတ်တယ် မဟုတ်လား။

အချို့ဆေးဝါးတွေကြောင့်ဖြစ်ရတဲ့ Hemolytic anemia ဆိုရင် ပေးနေတဲ့ဆေးဝါးတွေကို ဆန်းစစ်ပြီး ရပ်သင့်ရင် ရပ်ပစ်ရမယ်။ (စတီရွိုက်)ဆေး လိုချင်လိုပါမယ်။ Spleen ခေါ် (ဘေလုံး)ထုတ်ချင် ထုတ်ပေးရမယ်။

Autoimmune disorders ခေါ် ကိုယ့်ကိုယ်ကိုပျက်စီးစေတဲ့ခံနိုင်ရည်စနစ်ကြောင့်ဖြစ်ရတာဆိုရင် Immune-suppressing medications ဆေးတွေပေးရတယ်။

Sickle cell anemia, Thalassemia, Diamond Blackfan anemia, Fanconi anemia တို့ကတော့ မျိုးလိုက် ရိုးလိုက် ဖြစ်တယ်။ Sickle cell anemia လူနာအတွက် အောက်စီဂျင်ပေးဘို့ လိုနိုင်တယ်။

အိပ်ပေါက်နဲ့ ဖါးကောက်သလိုမဖြစ်အောင် သွေးအားနဲတာဟာ သွေးဆင်း-သွေးထွက်များနေလို့ဖြစ်ရင် အကြောင်းရင်းကိုလည်း ကုသပေးရပါမယ်။ လိပ်ခေါင်းကသွေးယိုတာ၊ ရာသီဆင်းများတာ၊ သွားဖုံး-နှာခေါင်းက သွေးယိုတာတွေပြောတာပါ။ အစာလမ်းကနေ မသိမသာ သွေးယိုဖန်များပြီး၊ ရက်တွေ၊ လတွေကြာမှ သွေးအား အလွန် နည်းနေတာမျိုး ဖြစ်တတ်တယ်။ ၀မ်းသွားတဲ့အထဲပါတဲ့သွေးကို မျက်စိနဲ့မမြင်နိုင်လို့ ၀မ်းစစ်မှတွေ့နိုင်တယ်။ ငှက်ဖျားကြောင့် သွေးအားနဲသူတွေ မနဲမနောရှိတယ်။

သွေးအားနည်းရောဂါကြောင့် နောက်ဆက်တွဲရောဂါတွေ ဖြစ်လာနိုင်တယ်။ အားအင်ကုန်ခမ်း မောပမ်းလွယ်မယ်၊ နှလုံးက ပိုပြီးခုန်ရလို့ arrhythmia နှလုံးခုန်မမှန်ရောဂါ ဖြစ်လာနိုင်တယ်။ congestive heart failure နှလုံးအရွယ်ကြီးလာနိုင်တယ်။ သွေးဖိအားကျပြီး အသက်ဆုံးသွားနိုင်တယ်။

Anemia သွေးအားနဲတာနဲ့ Blood Pressure (ပရက်ရှာ)နဲတာ မတူတာကို ခွဲသိထားစေချင်တယ်။ ခုချက်ချင်းကြီး သွေးယို-သွေးဆင်းသူကို သွေးဖိအားခေါ်တဲ့ (ပရက်ရှာ) တိုင်းရင်တော့ နဲနေတာကို တွေ့ရမယ်။ ရက်ကြာကြာ သွေးအား နဲနေသူကို (ပရက်ရှာ) တိုင်းရင် ပုံမှန်ဖြစ်နေမယ်။ ဒါ့ကြောင့် BP ကောင်းပေမဲ့ သွေးအားနဲနေနိုင်တယ်။ ဘာ့လို့လဲဆိုတော့ သွေးဖိအားဆိုတာ သွေးထုထည်နဲ့ဆိုင်တာ။ လူတိုင်း သွေးထုတည် ၅ လီတာအမြဲရှိနေတာ။ ရက်ရှည် သွေးအားနဲသူတွေလဲ ၅ လီတာပေမဲ့ သွေးကကျဲနေလို့ ရေရောထားတဲ့ဆေးတို့၊ အရက်တို့လို အာနိသင်နဲနေရတယ်။ ဒါ့ကြောင့် ကာလရှည်ကြာ သွေးအားနဲနေသူကို သွေးမသွင်းဘဲ၊ တခြား D5, NS, DNS, RL သွင်းဆေးတွေ သွင်းပေးတာ အကြောင်းမထူးဘူး။ ဆီးပိုသွားတာဘဲရှိမယ်။

Blood Transfusion သွေးသွင်းကုသခြင်းဟာ အရေးပေါ်နဲ့ ဆိုးဝါးတဲ့ သွေးအားနည်းရောဂါတွေအတွက် အသက်ကို ကယ်နိုင်တယ်။ သွေးနီဥဆိုတာ ရက် ၉၀-၁၂၀ သာ အသက်ရှည်ပြီး အသစ်ထပ်ထပ် ဖြစ်နေကြတာ။ ဒါ့ကြောင့် သွေးလှူရှင်တဦးဟာ ရက် ၁၂၀ ဒါမှမဟုတ် ၄ လတခါ (သွေးလှူဘဏ်ကလက်ခံရင်) စိတ်ချလက်ချ လှူနိုင်ပါတယ်။

သွေးအားနဲရောဂါကို ပညာတော့ပေးနိုင်ပါရဲ့၊ (ရဖြူဂျီ)လူနာတွေက အာဟာရလဲ စုံအောင်မစားနိုင်၊ ဆေးလဲအပြင်က မ၀ယ်နိုင်ကြပါ။ ဆေးခန်းကနေလဲ တခါလာမှ ၂ ရက်စာကနေ ၅ ရက်စာထက် ပိုမပေးနိုင်ပါ။ စားနိုင်-သောက်နိုင်-၀ယ်နိုင်တဲ့ဘ၀ကို မြန်မြန်ကြီး ရောက်ကြပါစေ။

တင့်ဆွေ
၂၇-၇-၀၉


Related Posts :



3 comments:

Aung said...

သွေးအားနည်းတာ တော်တော်ဆိုးရင် လူက မေ့တတ်လာတယ်။ ဦးနှောက်ထဲ အောက်ဆီဂျင် အရောက်နည်းလို့များလား။ ဒါဆို ဘယ်လို လုပ်ရမလဲ သိပါရစေ။

နို့နဲ့ ကြက်ဥ စားမယ်၊ ငါးကြီးဆီနဲ့ ဖောလစ်အက်ဆစ် သောက်မယ်ဆို သွေားအားနည်း ရောဂါအတွက် လုံလောက်မလားခင်ဗျာ။ ယောက်ျားတွေမှာ ဘာကြောင့် ဒီရောဂါ ဖြစ်တတ်ပါသလဲ။

Anonymous said...

အနီးမီးယားက သက်သတ်လွတ်စားလို့ ဖြစ်မလား။ သက်သတ်လွတ် ကြာကြာစားရင် အားနည်းလာဖူးလို့ပါ။ သတ်သက်လွတ် စားပြီး သွေးအားမနည်းတဲ့နည်း ရှိရင် သိချင်လို့။ ကျေးဇူးတင်ပါတယ်။

DTS said...

သွေးအားနည်းတာ နဲ့ မေ့တတ်တာ
ဦးနှောက်ထဲ အောက်ဆီဂျင် အရောက်နည်းရင် မေ့တာ၊ မူးတာ၊ သတိလစ်တာတွေ ဖြစ်ပါတယ်။ အခိုက်အတန့် ဖြစ်သွားရင်တောင်မှ အဲလိုဖြစ်တယ်။ ဥပမာ ထိုင်နေရာ-အိပ်နေရာကနေ ယုတ်တရက် ထလိုက်ရင် ဖြစ်တာတို့၊ နောက်ပြီး စိတ်ကစားတယ် ပြောရမလား၊ ယုတ်တရက် မခံနိုင်တဲ့ မြင်တာ (သွေးမြင်တာ၊ လူသေအလောင်း မြင်တာ)၊ ကြားတာ (သတင်းဆိုးကြားတာ)၊ အဲလိုဖြစ်ချိန်မျိုးမှာလဲ ဦးနှောက်ထဲ အောက်ဆီဂျင် အရောက်နည်းပြီး မူးလဲသွားတတ်တယ်။ သတိ(စိတ်) မကြည်မလင်ဖြစ်သွားမယ်။ လုံးဝမေ့သွားနိုင်တယ်။

ဒါပေမဲ့ ဒီလိုဖြစ်တာမျိုးက ကြာရှည် သွေးအားနဲနေတာနဲ့ မဆိုင်ပါ။ ယုတ်တရက်ကြီး သွေးတွေကုန်ခမ်းတာ အနာ-ဒဏ်ရာ၊ အမျိုးသမီးရောဂါတွေ(ကိုယ်ဝန်မှာ အချင်းရှေ့ရောက်နေလို့ အချင်းကွာကျတာ၊ အချင်းက နေရာမှန်လျက်ကနဲ့ အထဲမှာ ကွာကျတာ၊ သားအိမ်ကွဲတာ)၊ အစာလမ်းကနေသွေးယိုတာ၊ စတာမျိုးဖြစ်ရင် စောစောက လက္ခဏာမျိုးတွေ ဖြစ်မှာပါဘဲ။

ဘယ်လိုလုပ်ရမလဲဆိုရင် သွေးအား အမြဲကောင်းနေအောင်လုပ်ရမှာပါ။ တခုရှိသေးတာက မေ့တတ်တာဟာ သွေးအားနဲတာကြောင့် ဟုတ်ရဲ့လား သေသေခြာခြာသိဘို့ လိုပါသေးတယ်။ သတိမေ့တဲ့အကြောင်း ရေးကြသေးတာပေါ့။

နို့၊ ကြက်ဥ၊ ငါးကြီးဆီနဲ့ ဖောလစ်အက်စစ်
နို့၊ ကြက်ဥ၊ ငါးကြီးဆီနဲ့ ဖောလစ်အက်စစ်တွေဟာ သွေးအားကောင်းစေတာတွေ အမှန်ပါဘဲ။ ပညာပိုင်းအရ ပြောရရင်တော့ ဒါ့ထက်စားပေးဘို့ လိုပါသေးတယ်။ အသဲ နဲ့ ပဲပုတ် မှာ သံဓါတ်အများဆုံးဖြစ်လို့ အသားမစားရင် ပဲစားရပါမယ်။ အသီးအရွက်ထဲမှာ ဟင်းနုနွယ် စားပေးသင့်တယ်။ ချက်-ပြုတ်-ကျော်-လှော်တဲ့အခါ အမဲရောင်အရည် ထွက်တဲ့ အသီးအရွက်တွေမှာ သံဓါတ်ပါတယ်လို့ မှတ်နိုင်ပါတယ်။

ဒါပေမဲ့ မပူပါနဲ့။ ဥပမာလေးတခု -
ဘီ ၂ နဲတာကို မျက်နှာလှမ်းကြည့်တာနဲ့ သိနိုင်တယ်။ ပါးစပ်နှုတ်ခမ်းဒေါင့်စွန်း တဖက်ဖြစ်ဖြစ် များသောအားဖြင့်တော့ နှစ်ဖက်လုံးက အရောင်ပြော့နေမယ်။ ခပ်ရဲရဲဖြစ်နေမယ်။ နာနေမယ်ဆိုရင် ဒါက ကျီးကန်းပါးစပ်နာဖြစ်ချင်တာ။ ဘီ ၂ နဲတာပေါ့။ ဗီတာမင် ဘီ ၂ နဲနေတာတွေ့ရင် ဒီလူမှာ ဘီ ၂ တခုထဲသက်သက် နဲတာမဟုတ်နိုင်ဘူးလို့ သိရမယ်။ သူ့မှာ ဘီ ၁ လဲ နဲနေနိုင်တယ်။ ၁ နဲလို့ ထုံတာ-ကျင်တာကို မပြောတတ်တာ၊ မပြောတာဖြစ်နိုင်တယ်။ အလားတူ စီတို့ဘာတို့လဲ နဲနိုင်ခြေရှိသွားပြီပေါ့။ (ပရိုတင်း)လဲ နဲချင်နဲနေနိုင်မယ်။

အဲလိုဘဲ နို့၊ ကြက်ဥ၊ ငါးကြီးဆီနဲ့ ဖောလစ်အက်စစ်တွေစားမဲ့လူဟာ ပြောမပြတဲ့ တခြားအစားအစာတွေပါ စားမှာဘဲလို့ သိနေတယ်လေ။ ဒါ့ကြောင့် မပူပါနဲ့၊ ပညာအရသာ ထပ်ပြောတာပါလို့ ရေးလိုက်ရတာပါ။

အနီးမီးယား နဲ့ သက်သတ်လွတ်
ဟုတ်ကဲ့ မျိုးနဲ့ရိုးနဲ့ တသက်လုံး သက်သတ်လွတ်စားတဲ့ ဟိန္ဒူဘာသာယူသူများနဲ့ အစုံစားသူများ သွေးအားနဲတာချင်း မကွာလှပါ။ သံဓါတ်အတွက် အသဲမဟုတ်ရင် ပဲ၊ (ဖေါလစ်အက်စစ်)အတွက်လဲ ပဲ နဲ့ အသီးအရွက်စိမ်းတွေ၊ ဗီတာမင် ဘီ-၁၂ အတွက် ဒိန်ချင်၊ နွားနို့၊ ဒါလဲ ရှောင်ချင်သေးသပဆိုရင် ကောက်နှံကလုပ်တဲ့ အစားစာတွေ စားရင်ရပါတယ်။ ပိုသေခြာချင်ရင် သွေးအားတိုးဆေးလို့ခေါ်ရမဲ့ သံဓါတ်၊ (ဖေါလစ်အက်စစ်)နဲ့ ဗီတာမင် ဘီ၊ စီ၊ အကုန်ပါတဲ့ဆေးကို မှီဝဲသင့်ပါတယ်။ ရေးထားသလို အားဆေးဆိုတာ ကြာကြာသောက်ရမှာမို့ ကြော်ညာကောင်း၊ စက္ကူဘူးလှလှတွေ လုပ်မနေဘဲ စိတ်ချပြီး ဈေးချိုတာကိုသာ ညွှန်းပါရစေ။ ဥပမာ (ယူနီဆက်ပ်)ကပေးတာမျိုး။

ခုတလော ခပ်ညံ့ညံ့တိုင်းပြည်က ပစ္စည်းအတု၊ ဆေးအတုတွေသတင်းထွက်လာပြန်တယ်။ ဒါတွေတော့ သတိထားပါ။ တိုင်းပြည်က ညံ့နေမှတော့ ဘာလုပ်လုပ်၊ ဘယ်ထွက်ထွက် မျက်နှာငယ်ရတယ်မဟုတ်လား။ ISO certification ပါတဲ့ လုပ်ငန်း၊ ပစ္စည်းတွေကမှ စိတ်ချရတယ်။