Friday, July 31, 2009

သွားပြန်စိုက်တော့မယ် ဆိုရင်....


သွားနှုတ်လိုက် ရလို့၊ ဒါမှမဟုတ် အကြောင်း တစ်ခုခုကြောင့် ကျိုးသွားခဲ့ရင်၊ ဖြစ်လာနိုင်တဲ့ နောက်ဆက်တွဲ ပြဿနာတွေကို အရင် ပို့စ်မှာ ရေးခဲ့ပါတယ်။ ဒီနေ့တော့ ဆုံးရှုံးသွားတဲ့ သွားကို ဘယ်လို အစားထိုး မလဲ ဆိုတာနဲ့ ပတ်သက်လို့ နားလည်လွယ်အောင် ရှင်းပြချင် ပါတယ်။
သွားတစ်ချောင်း နှုတ်လိုက် ရပြီးရင်၊ သွားဖုံးရိုး အနာကျက်လို့ သွားဖုံးသား ပြည့်လာတာနဲ့ သွား ပြန်အစား ထိုးလို့ ရပါတယ်။ အကြမ်း အားဖြင့်၊ သွားနှုတ်ပြီး၂လလောက် အကြာလို့ ပြောလို့ ရပါတယ်။ ဒီလို သွား အစား ထိုးတာကို၊ မြန်မာလို နားလည်အောင် သွားစိုက်တယ်လို့ဘဲ လွယ်လွယ် ပြောလေ့ ရှိပါတယ်။ တကယ့် ကုသမှု အရ၊ သွားဖုံးရိုးထဲ သတ္တုတိုင် (dental implant) စိုက်ထည့်ပြီး သွား ပြန်အစား ထိုးတာကိုမှ၊ သွားစိုက်တယ်လို့ ခေါ်နိုင် ပါတယ်။ မြန်မာပြည်မှာ အခု လက်ရှိ လုပ်နိုင်တဲ့ နည်းက၊ သွား အရှင် အစားထိုးနည်းနဲ့ သွားအသေ အစား ထိုးနည်း နှစ်ခုပဲ ရှိပါသေးတယ်။ (dental implant ကို ပါမောက္ခ ဆရာကြီး တချို့ စပြီး ကုသမှု ပေးနေပြီလို့ သိရပါတယ်)


၁။သွား အသေ အစား ထိုးခြင်း (fixed partial denture/ dental bridge)
ဒီနည်း မှာတော့၊ သွားတစ်ချောင်း သို့မဟုတ် နှစ်ချောင်း ကျိုးသွားတဲ့၊ နှုတ်လိုက်ရတဲ့ နေရာရဲ့ ဘေး တစ်ဖက် တစ်ချက်မှာ ကျန်နေတဲ့ သွားအကောင်းပေါ် ငုံပြီး၊ ကပ်တဲ့ ဆေးနဲ့ ပြုတ်မထွက်အောင် ကပ်ထားလိုက်တဲ့ အတွက်၊ အလွယ်တကူ မပြုတ်နိုင် မဖြုတ်ထုတ် နိုင်ပါဘူး။ မြန်မာလိုတော့၊ သွားအသေစိုက်လို့ သုံးစွဲ ခေါ်ဝေါ် နေကြပါတယ်။ တကယ်က အသေစိုက် ထည့်လိုက်တာ မဟုတ်ဘဲ၊ ဘေးသွားတွေကို သေးသွားအောင် စက်နဲ့ စားပစ်လိုက်ပြီး၊ သွားတုကို အပေါ်က ငုံပြီး စွပ်လိုက်တာပါ။ ဘေးသွားတွေကို တံတားလို တွဲထားတဲ့ အတွက် dental bridge လို့ ခေါ်တာပါ။ သဘာဝ သွားတွေပေါ် တင်ထားတဲ့ အတွက်၊ ၀ါးအား ကောင်းပါတယ်။


ဒါပေမယ့် ဒီနည်းက၊ သွား တစ်ချောင်း နှစ်ချောင်း ပြန် အစားထိုးတာ မျိုးမှသာ ကောင်းပါတယ်။ နှစ်ချောင်းထက် ပိုရင်တော့၊ ဘေးက သဘာဝ သွားတွေက၊ ၀န်ပို ထမ်းရလို့ ခဏနဲ့ ယိုင်နဲ့ လာတတ်ပါတယ်။
အားသာချက်- ဖြုတ်ရန် တတ်ရန် ဆေးကြောရန် မလို၊ ပုံမှန် သွားတိုက်ရင်း သန့်စင်နိုင်။
- သဘာဝ သွားလို ၀ါးနိုင်
- သတ္တု သို့မဟုတ် ကြွေ (porcelain) ရွေးချယ် စိုက်နိုင်။
အားနည်းချက် - ဘေးသဘာဝ သွားကို သေးအောင် စားပစ် လိုက်ရတဲ့ အတွက်၊ သဘာဝ သွား အထိနာ ပါတယ်။ အထူးသဖြင့် ကြွေသွား ပြန်ထည့်တဲ့ အခါ၊ ငုံမယ့် သွားကို သေးနိုင်သမျှ သေးအောင် စားပစ် လိုက်ရတဲ့ အတွက်၊ သွားကျဉ်တာမျိုး ခံစားရတတ်ပါတယ်။
- စိုက်သွားနဲ့ သဘာဝသွား ကြားမှာ အစာတွေ တွယ်ပြီး သွားဖုံး ရောဂါ ဖြစ်စေ နိုင်ပါတယ်။
- သွားတုကို ကပ်ထားတဲ့ဆေးက အချိန်ကြာလို့ ပျောက်သွား အားနည်းသွားတဲ့ အခါ၊ သွားတုကို ချက်ချင်း ဖြုတ်ပြီး ဆေးပြန်ကပ် ရပါတယ်။ လူ တော်တော် များများဟာ ဒါကို သတိမပြုမိတဲ့ အတွက်၊ ငုံထားတဲ့ စွပ်သွား အောက်ကို အစာတွေ ၀င်အောင်းပြီး၊ သဘာဝ သွားကို ပိုးစား သွားတာ များပါတယ်။ ဒီလို ငုံထားတဲ့ သွားပါ ပိုးစားပြီး နှုတ်ရပြီဆို စိုက်သွား တစ်တွဲလုံး ပစ်လိုက် ရပါတယ်။ သုံးလို့ မရတော့ ပါဘူး။

၂။ သွား အရှင် အစား ထိုးခြင်း (removable denture)
ကိုယ်တိုင် သွားတုကို ခံတွင်းထဲထည့်ပြီး၊ ၀ါးနိုင် သုံးနိုင်၊ ပြန်ဖြုတ်ပြီး ဆေးကြော သန့်စင်နိုင်လို့၊ အရှင်စိုက်လို့ ခေါ်ကြပါတယ်။ သွား အားလုံး မကျိုးခင်၊ ကျန်တဲ့ သဘာဝ သွားတွေမှာ၊ ချိတ်-ကွင်း စတာတွေနဲ့ အလွယ်တကူ ပြုတ်မထွက်အောင်၊ ချိတ်ပြီး သုံးရတဲ့ အရှင်စိုက်ကို removable partial denture-တစ်ပိုင်း အံကပ်လို့ခေါ်ပါတယ်။ အောက်ပုံမှာ တွေ့ရတဲ့အတိုင်း သွားအတုတွေအပြင်၊ သွားဖုံးအတု (အပန်းရောင် acrylic resin ခေါ်ပိုလီမာတစ်မျိုး) ကို ပေါင်းထည့် ထားတာကို တွေ့ရပါမယ်။ သွား အားလုံး မရှိတော့တဲ့သူ တွေမှာ၊ သွား တစ်ခွေလုံးကို အရှင်စိုက် အတုထည့်တာကိုတော့ complete denture-အံကပ် အပြည့်လို့ ခေါ်ပါတယ်။ လေထုဖိအား (atmospheric pressure) နဲ့ ခံတွင်း ထဲမှာ မြဲနေတာ ဖြစ်ပါတယ်။ အပေါ်သွား တစ်ခွေလုံး စိုက်ရတဲ့သူတွေ အတွက်၊ ဒီလို မြဲပြီး ပြုတ် မကျအောင်၊ လေဖိနိုင်တဲ့ ဧရိယာ ကျယ်အောင်၊ အာခေါင် မှာပါ၊ ဖုံးထား ရပါတယ်။ အာခေါင်မှာ ကပ်ထားသလို ဖြစ်နေတာကြောင့်လည်း အာကပ်-အံကပ်လို့ မြန်မာလို ခေါ်ကြပါတယ်။
အောက် အံကပ် အပြည့် တပ်ရတဲ့ သူတွေ မှာတော့၊ သွားတုက ဖုံးထားတဲ့ ဧရိယာကလည်း နည်းပြီး၊ လျှာကလည်း လှုပ်ရှား နေတတ်တာကြောင့်၊ အပေါ် အံကပ်နဲ့ စာရင် မြဲမြံမှု အားနည်း ပါတယ်။ အရှင်စိုက်က၊ သွားဖုံးပေါ် တင်ထားပြီး၊ သွားဖုံး သားကို အဓိက အားပြု ၀ါးရ တာပါ။
အားသာချက် - ဘေး သဘာဝ သွားတွေကို သေးအောင် စားပစ်ရန် မလို။
- သွား နောက်ထပ် နှုတ်ရလျှင်လည်း ရှိပြီးသား အရှင်စိုက် အံကပ်တွင် ထပ်ပေါင်းပြီး အစားထိုးနိုင်။
- ကုန်ကျ စရိတ် နည်း
အားနည်းချက်- စားပြီးတိုင်း ဖြုတ်ဆေးရ။
- သန့်ရှင်းမှု မရှိရင် ဘေးသဘာဝ သွားကို ပိုးစား။
- အားပြုထားသော ချိတ်ကြောင့် သဘာဝသွား ၀န်ပို။
- သွားဖုံးသားပေါ် တင်ထားပြီး ၀ါးရတဲ့ အတွက် ပင်ကိုယ်သွားလို ၀ါးအား မကောင်း။
- သွားတု အပြင်၊ သွားဖုံးသား အတုနဲ့ ၀န်ကို ပြန့်သွားအောင် ဧရိယာ ကျယ်ကျယ် အုပ်ထားတဲ့ အံကပ်ကို ပါးစပ်ထဲ ထည့်ထားရတဲ့ အတွက်၊ ကျင့်သား မရခင် အလွန် နေရ ထိုင်ရ ခက်။
- ငါးနှစ် တစ်ကြိမ်ခန့် အသစ်လဲ ပေးရ။ (အချိန် ကြာလာရင် သွားဖုံးရိုး နိမ့်ကျ သွားပြီး အံကပ်က ချောင်လာတဲ့ အတွက်)
- သွားဖုံးရိုး နိမ့်လာရင် အံကပ် မြဲမြံမှု အားနည်းလာ။


၃။ သွားဖုံးရိုး အတွင်း သွား အသေ စိုက်ခြင်း (dental implant)


ဒီနည်း ကတော့၊ အခု နောက်ဆုံး နိုင်ငံတကာမှာ သုံးပြီး ခေတ်စား လာနေတဲ့နည်း ဖြစ်ပါတယ်။ သွားဖုံးရိုး ထဲကို၊ titanium သတ္တုနဲ့ လုပ်ထားတဲ့ dental implant စိုက်ထည့်ပြီး၊ အပေါ်က ကြွေသွား စိုက်တဲ့၊ သွား အသေစိုက်နည်း ဖြစ်ပါတယ်။ titaniumနဲ့ အရိုးသားက၊ တွဲဆက် သွားတဲ့ အတွက် အရိုးမှာ ပြဿနာ မဖြစ်မချင်း ပြန်မပြုတ် နိုင်တော့ပါဘူး။ လက်ရှိ နည်းလမ်းတွေ ထဲက အကောင်းဆုံး၊ နှစ်ကြာရှည် အခံဆုံး နည်းလမ်း ဖြစ်ပါတယ်။
အားသာချက်- သွားဖုံးရိုးဟာ သွားနှုတ် ပြီးတာနဲ့ တစ်နှစ်ကို နည်းနည်းချင်း နိမ့်ဆင်း သွားပါတယ်။ ခုနက ပြောခဲ့တဲ့ သွား အစားထိုးနည်း နှစ်မျိုးလုံးမှာ၊ ဒီ သွားဖုံးရိုး နိမ့်ဆင်းတဲ့ ပြဿနာဟာ၊ တောက်လျှောက် ဖြစ်နေ ပါတယ်။ dental implant စိုက်ထည့်လိုက်ရင်တော့၊ သွားဖုံးရိုးဟာ နိမ့်မဆင်းတော့ပါဘူး။
- သွားဖုံးရိုးထဲ စိုက်ထည့်ထားတဲ့ သတ္တုချောင်းပေါ် အားပြုပြီး စိုက်တင်ထားတဲ့ သွားတုကို ၀ါးတာ ဖြစ်တဲ့ အတွက်၊ သဘာဝ သွားအတိုင်း ၀ါးနိုင်၊ သဘာဝ သွားလို ခံစားရ။
- ဘေးသွား အကောင်းတွေကို သေးအောင် စားပစ်ရန် မလိုတော့။
အားနည်းချက် - ကုန်ကျစရိတ်ကြီး။
- အနည်းဆုံး တစ်နှစ်တစ်ခါ ဆေးခန်း မှန်မှန် ပြန်ပြပြီး ထိန်းသိမ်းဖို့လို
- ခံတွင်း သန့်ရှင်းရေး ပုံမှန်လုပ်ဖို့ အရေးကြီး။
- ပင်ကိုယ် သွားဖုံးရိုး နိမ့်နေရင်၊ implant စိုက်ထည့်နိုင်အောင် အရိုးသား ပြန်တက်လာဖို့ အစားထိုး ကုသမှု (bone graft) အရိုး ပြန်တည်ဆောက် ကုသမှု (bone regenerative treatment) အရင် လုပ်ဖို့ လို။


သွားစိုက်နည်း အမျိုးမျိုး ရှိပေမယ့်၊ ကိုယ်နှုတ် လိုက်ရတဲ့ သွားနေရာ အနေအထား၊ အရေအတွက်နဲ့၊ ကိုယ် တတ်နိုင်တဲ့ အပေါ် မူတည်ပြီး၊ အသင့်တော်ဆုံး ဖြစ်မယ့်နည်းကို ရွေးရမှာ ဖြစ်ပါတယ်။

Dr. Nyan


Related Posts :



13 comments:

Anonymous said...

ဆရာ
ကျမ ငယ်ငယ်တုန်းက ငယ်သွားတွေကမနဲ့ခင် သွားအသစ်ထပ်ပေါက်လာပါတယ်။ ဒါပေမယ့် သွားနုတ်လို့မလွယ်တဲ့ဒေသမှာ ရောက်နေတော့မနုတ်ဖြစ်ခဲ့ပါဘူး။ နောက်မှနုတ်ဖြစ်တော့ သွားအသစ်က နောက်မှာရောက်နေပြီဖြစ်ပါတယ်။ ရုတ်တရက်ကြည့်လိုက်ရင် သွားမရှိသလိုဖြစ်နေပါတယ်။
အဲဒါကို ဘယ်လို ပြန်ပြင်ယူလို့ရပါသလဲ။
ကျေးဇူးပြူ၍ပြန်လည်ဖြေကြားပေးပါရှင်။

Anonymous said...

ခံတွင်းအနံ့နံတာ အသားမစားဘဲနေရင် ပျောက်နိုင်လားခင်ဗျ။ သံဓာတ်ပါတဲ့ ဆေးတွေသောက်ရလို့ ချွေးနဲ့ ပါးစပ်က နံတာ ဘယ်လိုလုပ်ရမလဲ

Dr. Nyan said...

ငယ်သွားနှုတ်တာနောက်ကျလို့ကြီးသွားတွေထပ်ကုန်
တဲ့ပြဿနာကို မြန်မာပြည်မှာ အတွေ့များပါတယ်။ တချို့လည်းအချိန်ကိုက်ငယ်သွားလဲပေမယ့်၊ အဖေ့ဆီက
သွားဆိုဒ်ကြီးတဲ့ဗီဇနဲ့ အမေ့ဆီက မေးရိုးသေးတဲ့ဗီဇပေါင်းပြီး၊ သွားကြီးကြီးမေးရိုးသေးသေးမို့ သွားတွေထပ်တာမျိုးလည်းရှိပါတယ်။ Orthodontics လို့ခေါ်တဲ့သွားညှိကုတဲ့ပညာရပ်နဲ့သွားပြန်ညှိယူ၊ ဆွဲယူလို့ရပါတယ်။
ပထမဆုံး သွားနဲ့သွားဖုံးရိုးပုံစံယူပြီးသွားတွေရဲ့စုစုပေါင်းဗျက်ကို
တွက်ရပါတယ်။ ပြီးတော့ သွားဖုံးရိုးရဲ့အလျားကိုတိုင်းတာပါတယ်။ သွားထပ်နေတာ၊နောက်ကိုရောက်နေတာတွေမှာ သွားတွေစီစီရီရီပြန်ဖြစ်ဖို့လိုအပ်တဲ့ space က များနေတတ်ပါတယ်။ ဒါကြောင့် လိုတဲ့ပမာဏပေါ်မူတည်ပြီး၊ နံပါတ်-၄ သို့မဟုတ် ၅ ကိုနှုတ်ပြီး သွားဖုံးရိုးနေရာလွတ်ရအောင်အရင်လုပ်ရပါတယ်။ သွားဖုံးအနာကျက်တာနဲ့ ၀ါယာတွေသုံးပြီး နေရာပြောင်းချင်တဲ့သွားကို တဖြည်းဖြည်းဆွဲယူ၇ပါတယ်။ နှစ်နဲ့ချီပြီးအချိန်ပေး၇တတ်ပါတယ်။ ကုန်ကျစ
၇ိတ်များပါတယ်။
Anonymous ရဲ့သွားအနေအထားဘယ်လိုရှိတယ်ဆိုတာ မတွေ့ရတော့ သေချာပေါက်မပြောနိုင်ပေမယ့်၊ camouflage လို့ခေါ်တဲ့ရုပ်ပြောင်းတဲ့သဘောတ၇ားကိုသုံးပြီး၊ နောက်ရောက်နေတဲ့သွားပေါ်မှာ၊ ရောင်ခြည်သွားဖာကိရိယာကိုသုံးပြီး၊ သွားအရောင်ထပ်ပိုးပေးရင်၊ သွားကရှေ့မှာညီညီညာညာေ၇ာက်လာသလို ပုံပြောင်းပေးလို့ရပါတယ်။ aesthetic restorative
treatment လို့ခေါ်ပါတယ်။ ပင်ကိုသွားကတော့ ထူလာသလိုခံစားရပါလိမ့်မယ်။

Dr. Nyan said...

ခံတွင်းနံ့နံတာဟာ အသားစားတာနဲ့မဆိုင်ပါဘူး။ သံဓာတ်နဲ့လည်းမပတ်သက်ပါဘူး။ ချွေးရော ပါးစပ်နံတာပါ၊ ဘက်တီးရီးယားနဲ့ပတ်သက်ပါတယ်။
ခံတွင်းနံ့နဲ့ပတ်သက်လို့ ဒီပို့စ်မှာဖတ်စေချင်ပါတယ်ခင်ဗျား။

aeynn said...

Dr.Nyan
ဲပြန်လည်ဖြေကြားပေးသည့်အတွက် ကျေးဇူးတင်ပါသည်ရှင်။
သွားပြန်လည်ပြင်ဆင်ရန်အတွက် ခန့်မှန်းကုန်ကျစရိတ် ဘယ်လောက်ကျနိုင်ပါသလဲ။ ကျမ Singapore တွင်အလုပ်လုပ်ပါသည်။ မြန်မာပြည်တွင် Dr. Nyan ပြောသည့်နည်းလမ်းဖြင့် သွားကို ပြန်လည် ပြင်နိုင်ပါသလား။ ကျေးဇူးပြု၍ လမ်းညွန်ပေးပါရှင်။

ကျေးဇူးတင်စွာဖြင့်

Dr. Nyan said...

သွားညှိကုသမှုလုပ်မယ်ဆိုရင်၊ မြန်မာပြည်မှလည်း သွားညှိအထူးကုဆရာဝန်ကြီးတွေရှိပါတယ်။ မြန်မာပြည်ကထွက်လာတာ ၄နှစ်ကျော်ပြီမို့ ကုန်ကျစရိတ်ဘယ်လောက်ရှိတယ်ဆိုတာ အနီးစပ်ဆုံးမခန့်မှန်းနိုင်ပေမယ့်၊ သိန်း၁၀ဂဏန်းအောက်လို့ထင်ပါတယ်။ ဂျပန်မှာတော့ မြန်မာငွေနဲ့တွက်ရင်သိန်း၂၀၀နဲ့၃၀၀ကြားမှာကုန်ကျပါတယ်။ ငွေအပြင် အချိန်ကိုလည်းထည့်တွက်ရပါဦးမယ်။ အနည်းဆုံးနှစ်ပတ်တစ်ကြိမ်၊ တစ်ပတ်တစ်ကြိမ်စသည်ဖြင့်လိုအပ်ချက်ပေါ်တည်ပြီး၊ ဆေးခန်းကိုသွားနေရပါတယ်။ သွားကိုဆွဲမယ့် တွန်းမယ့် ၀ါယာတွေကို နည်းနည်းစီ ချိန်ညှိပေးရလို့ဖြစ်ပါတယ်။ နှစ်နဲ့ချီကြာနိုင်ပါတယ်။
ရောင်ခြည်နဲ့သွားပုံဖော်ပြီး နောက်ရောက်နေတဲ့သွားပေါ်ပိုးတင်ပေးတာကိုတော့ တစ်ခေါက်တည်းနဲ့ကုသပေးနိုင်ပါတယ်။ ၁-၂သောင်းလောက်ကျမယ်ထင်ပါတယ်။ ရောင်ခြည်သွားဖာကိရိယာရှိတဲ့ ဘယ်ဆေးခန်းမှာမဆိုလုပ်ပေးနိုင်ပါတယ်။ ဘယ်နည်းနဲ့ဖြစ်နိုင်မယ်ဆိုတာကတော့ သွားနေရာ၊ အပေါ်သွားအနေအထားစတာတွေပေါ်မူတည်ပါတယ်။

friend said...

ဆရာ
သွားကျဲတာကိုကောပြန်ညှိ့ယူလို့ရလာမသိဘူးခင်ဗျား
အချိန်နဲ့ကုန်ကျစရိတ်လေးလဲသိချင်ပါတယ်
ကျေးဇူးပြူ၍ပြန်လည်ဖြေကြားပေးပါခင်ဗျား

AnglemoonKOEILAY said...

အငက်​၃၀​ကျော်​မှာ သွားဖုံးအ​ပေါ်က​နေ သိားစ​လေးထွက်​​နေပါတယ်​။ အံဆွယ်​နားမှာပါ။ ဘယ်​ကသွားဖုံးကေ၇ာင်​ပြီး သွားမ​ပေါ် ​သေးပင်​မဲ့ ညာဘက်​က​တော့ သွားစ​သေး​လေး​ပေါ်လာပါပြီ။ အကြံဥာဏ်​​လေး​ပေးပါ။ စိုး၇ိမ်​စ၇ာ ၇ှိမ၇ိ ။ ​ငေိကုန်​​ကြေးကျများများ။ ဘယ်​လိုဆက်​လပ်​သင့်​ပါသလဲ။ ​ကျေးဇူးတင်​စွာဖြင့်​ ...

Thet Lwin said...

ဆရာ
အရှေ့သွားပဲ့သွားလို့ ပြန်လည်ပြုပြင်လို့ရ/မရ သိချင်လို့ပါဆရာ။

Thet Lwin said...

ဆရာ
အရှေ့သွားပဲ့သွားလို့ ပြန်လည်ပြုပြင်လို့ရ/မရ သိချင်လို့ပါဆရာ။

aung myint said...

သွား​ခေါတာကို သွားထိန်းတပ်​တာနဲ့ အတူတူပဲလားဆရာ အဲဒါ​ရော ဘယ်​​လောက်​ကျမလဲဆရာ

Unknown said...

ဆရာ သွားကျဲတာကို ဘယ်​လိုကုလို့ရလဲဆရာ သွားကိုညီညီ​လေးပြန်​ဖြဟ်​ချင်​တယ်​ အ​ပေါ်သွား​တွေက အရမ်းကျဲ​နေတယ်​ဆရာ တကယ်​လို့ကုမယ်​ဆိုရင်​​ရော ဘယ်​​လောက်​ကုန်​ကျနိုင်​လဲဆရာ ​ကျေးဇူးပြု၍ရှင်းပြပါ​နော်​ဆရာ

Uncle Lay said...

ဆရာ သွားကျဲတာကို ဘယ်​လိုကုလို့ရလဲဆရာ သွားကိုညီညီ​လေးပြန်​ဖြဟ်​ချင်​တယ်​ အ​ပေါ်သွား​တွေက အရမ်းကျဲ​နေတယ်​ဆရာ တကယ်​လို့ကုမယ်​ဆိုရင်​​ရော ဘယ်​​လောက်​ကုန်​ကျနိုင်​လဲဆရာ ​ကျေးဇူးပြု၍ရှင်းပြပါ​နော်​ဆရာ