Wednesday, July 1, 2009

Be flu free


အစကတော့ ၀က်တုပ်ကွေး။ ၀က်တွေမှာတွေ့ရတဲ့ တုပ်ကွေးမိုလို့ ၀က်တုပ်ကွေး။ နောက်တော့ လူတွေဆီ ရောက်လာပြီ။ အခုချိန်မှာတော့ လူတွေကနေ လူအချင်းချင်းကို ကူးကုန်ကြပြီ။ စဖြစ်တဲ့ နိုင်ငံက မက္ကဆီကို။ အဲဒီဗိုင်းရပ်စ် စကာင်္ပူကို ရောက်လာတာက မေလ ၂၇ ရက်နေ့မှာ။ အခုတော့ ရန်ကုန်ကို ဆက်ရောက်သွားပြီ။

ရန်ကုန်ကို ၀က်တုပ်ကွေး ရောက်ပြီဆိုတာ နိုင်ငံပိုင်သတင်းစာက ကြေညာတော့ လူတွေလည်း ဘုမသိဘမသိ အလန့်တကြားတွေဖြစ် ခြောက်ခြားကုန်ပြီ။ နှစ်ပေါင်းများစွာ သတင်းအမှောင်ချခံရတာ များလွန်းတော့လည်း လူတွေလည်း ဟုန်သွား ထုံသွားကုန်တာလား။ ဒါမှမဟုတ် ရေစစ်ဇကာတွေ များလွန်းတဲ့ ပြည်တွင်းမီဒီယာက ပေးသမျှ သတင်းကို မယုံရဲတာလား။ တစ်ခုခုတော့ တစ်ခုခုပါပဲ။

ဝယ်လိုက်ကြတဲ့ နှာခေါင်းစည်းတွေ ပင်ရင်းဒိုင်တွေမှာတောင် ပစ္စည်းပြတ်ကုန်တယ်ဆိုပဲ။ ဈေးတွေကလည်း ခုန်တက်သွားပြီ။ ထုံးစံအတိုင်း ခေတ်ပျက်သူဌေးကြီးတွေ ပေါ်လာအုံးမယ်။ ပွဲလန့်တုန်း ဖျာဝင်ခင်းကြမယ့် အလှူရှင်ကြီးတွေ လာကြအုံးမယ်။ အလှူ့လက်ဖက်နဲ့ မျက်နှာလုပ်ပြီး မဏ္ဍပ်တိုင် တက်ပြမယ့် လူကြီးမင်းတွေ တွေ့ရအုံးမယ်။ အော့နှလုံးနာ စိတ်ပျက်စရာတွေက ခြောက်ခြားစရာထက် ပိုမယ်လို့ မြင်နေမိပါတယ်။



စင်္ကာပူမှာက အဲဒီတုပ်ကွေးဗိုင်းရပ်စ် ရောက်နေတာ ၁ လ ကျော်နေပါပြီ။ ကူးစက်တဲ့ ဦးရေလည်း ၈၀၀ နီးပါး ဖြစ်နေပါပြီ။ ကျွန်တော် တွေ့သလောက်တော့ အများစုမှာ တုန်လှုပ်ခြောက်ခြားတဲ့ ပုံစံမျိုး မတွေ့ရပါဘူး။ နေ့စဉ်ဓူဝ ဖြတ်သန်းနေတဲ့ ပုံစံလေးအတိုင်း ပုံမှန်လေးပဲ သွားလာလှုပ်ရှားနေကြပါတယ်။ မီဒီယာတွေမှာ နေ့စဉ်လိုလို အဲဒီဗိုင်းရပ်စ်အကြောင်း၊ ကူးစက်ခံနေတဲ့ဦးရေကို သတင်းပေး ဖော်ပြနေလို့ပဲလား။ ဒါမှမဟုတ် စင်္ကာပူရဲ့ ကျန်းမာရေးဝန်ဆောင်မှု အဆင့်အတန်းကို ယုံကြည်အားထားလို့ပဲလား။ အများပြည်သူမြင်ကွင်းမှာ နှာခေါင်းစည်းတွေနဲ့ သွားလာ လှုပ်ရှားနေတာကို တွေ့ရတာ ရှားလွန်းလှပါတယ်။

အဲဒီတုပ်ကွေးဗိုင်းရပ်စ် ကူးစက်ပျံ့နှံ့ပုံကို နားလည်သဘောပေါက်ထားခဲ့ရင် နှာခေါင်းစည်းတစ်ခုတည်းနဲ့ ကာကွယ်လို့ မရဘူးဆိုတာ သဘောပေါက်ကြမှာပါ။ ကူးစက်ပုံက... ဗိုင်းရပ်စ်ရှိနေတဲ့ အရာဝတ္ထုတစ်ခုခုကို လက်နဲ့ကိုင်မိပြီး အဲဒီလက်နဲ့ပဲ နှာခေါင်း၊ ပါးစပ်ကို ထိမိရင် ကူးစက်သွားနိုင်ပါတယ်။ နှာခေါင်းစည်းကြီး ကာထားပြီး ဗိုင်းရပ်စ်ရှိတဲ့လက်နဲ့ ထမင်းစား ရေသောက်ချိန်မှာ နှာခေါင်းတွေ ပါးစပ်တွေကို ထိမိရင်လည်း ကူးနိုင်တာပါပဲ။ အဲဒီတော့ လက်ကို ဆပ်ပြာနဲ့ စင်ကြယ်အောင် ဆေးဖို့က ပိုပြီး အရေးကြီးပါတယ်။

ကောင်းမွန်မှန်ကန်တဲ့ ကျန်းမာရေး အမူအကျင့်တွေ ရှိရင် ရောဂါကူးစက်မှာကို သိပ်ပြီး တွေးပူစရာ မလိုပါဘူး။ အစာ မစားမီ၊ အိမ်သာက ဆင်းလာတိုင်း၊ နှာချေ၊ ချောင်းဆိုးပြီးတိုင်း လက်ကို ဆပ်ပြာနဲ့ သေသေချာချာ ဆေးသင့်ပါတယ်။ နှာချေ၊ ချောင်းဆိုးတဲ့အချိန်မှာ တစ်ရှူးစက္ကူ၊ ဒါမှမဟုတ် လက်ကိုင်ပုဝါနဲ့ ကာပြီးမှ နှာချေ ချောင်းဆိုးသင့်ပါတယ်။ နေမကောင်းဘူးလို့ ခံစားနေရရင် ဆရာဝန်ပြ ကုသသင့်ပါတယ်။ အဲဒီအချိန်မှာ ကိုယ့်ဆီကနေ သူများဆီကို မကူးရအောင် ကျောင်းသွားတာတို့၊ အလုပ်သွားတာတို့၊ ဈေးဝယ်ထွက်တာတို့ ရှောင်သင့်ပါတယ်။ အဲဒီအချိန်မှာ နှာခေါင်းစည်းကိုလည်း မဖြစ်မနေ သုံးသင့်ပါတယ်။

အသီးအနှံတွေ၊ ဟင်းသီးဟင်းရွက်တွေ နေ့တိုင်းလိုလို စားသင့်ပါတယ်။ ရေများများ သောက်ဖို့လည်း မမေ့သင့်ပါဘူး။ ကိုယ်ခံအားကောင်းဖို့အတွက် အိပ်ရေးဝဖို့ကလည်း အရေးကြီးလှပါတယ်။ အဲဒါကြောင့် အလုပ်ကြီးပဲ ဖိမလုပ်ပဲ အနားယူကြပါ။ သွေးလေလည်ပတ်မှု ကောင်းဖို့အတွက် ကိုယ်လက်လှုပ်ရှားမှု လေ့ကျင့်ခန်း ၁ နာရီစာကို တစ်ပတ်မှာ ၅ ရက်လောက် လုပ်သင့်ပါတယ်။ ဆေးလိပ်သောက်တာကလည်း ဗိုင်းရပ်စ်ကူးစက်ဖို့ အခွင့်အရေး ပိုများတဲ့အတွက် ဆေးလိပ်သောက်တတ်တဲ့သူတွေ ဆေးလိပ်သောက်တာကို လျှော့သင့်ပါတယ်။

အဲဒီလိုမှန်ကန်တဲ့ ကျန်းမာရေး အမူအကျင့်တွေ ရှိနေရင် ဒီဗိုင်းရပ်စ် ကူးစက်မှာကို တုန်လှုပ်ခြောက်ခြားစရာ မလိုတော့ပါဘူး။ အဲဒီတော့... ဘုမသိဘမသိ ကြောက်လန့်နေမယ့်အစား တစ်ကိုယ်ရေသန့်ရှင်းရေးနဲ့ မျှတကောင်းမွန်တဲ့ စားသောက်နေထိုင်မှုတွေနဲ့အတူ ကျန်းမာရေးကို ထိန်းသိမ်း စောင့်ရှောက်ကြပါလို့ တိုက်တွန်းချင်ပါတယ် ခင်ဗျာ။


Related Posts :



4 comments:

tune said...

:)

Nge Naing said...

ကိုဂျူလိုင် ပို့စ်အတွက် ကျေးဇူးတင်ပါတယ်။ နှစ်ခုစလုံး ဘာဖြစ်လို့ မတင်တာလဲ။

Anonymous said...

ဝက်တုပ်ကွေးက ဖြစ်ရင် ရိုးရိုးတုပ်ကွေးဖျားမှာ သောက်တဲ့ဆေးတွေ သောက်လို့ ရမလား။

Nge Naing said...

လက္ခဏာ ဖြစ်လို့ သင့်တော်တဲ့ဆေးကို သောက်လို့ရပါတယ်။ ဒါပေမယ့် တုပ်ကွေးကို သတ်တဲ့ဆေး မတွေ့ရသေးပါဘူး။ တုပ်ကွေးအတွက် ပေးတဲ့ ဆေးတွေက တခြား ဘက်တီးရီးယားကြောင့် ဖြစ်တဲ့ ရောဂါတွေအတွက် ပေးတဲ့ဆေးလို ပိုးကိုသတ်ဖို့အတွက် မဟုတ်ပဲ ဖြစ်နေတဲ့ လက္ခဏာတွေကို ထိန်းချုပ်ဖို့ အတွက်သာ ဖြစ်တယ်။ ထိမ်းချုပ်ရင်း ခန္ဓာကိုယ်မှာ ရှိတဲ့ ခုခံနိုင်စွမ်းအား တွေကြောင့် ရောဂါက အလိုလို ပျောက်သွားတာမျိုးပဲ ရှိပါတယ်။ ပိုးကို သတ်လိုက်နိုင်တာ မဟုတ်ပါဘူး။ ဒါကြောင့်မို့ သောက်တဲ့ဆေးတွေက လက္ခဏာကို ထိန်းချုပ်ပေးတဲ့ ဆေးတွေပဲ ဖြစ်ရမယ်။ အရင်တခါ တုပ်ကွေးဖြစ်တုန်းက ဆရာဝန်က ဒီဆေးပေးထားလို့ အခုလည်း အပြင်ကနေ ဒီဆေးပဲ ၀ယ်သောက်လိုက်မယ် ဆိုတာမျိုး မဖြစ်ရဘူး။ ဥပမာ-အဖျားတက်လို့၊ ခေါင်းကိုက်လို့ Paracetamol သောက်တာမျိုး ဖြစ်တယ်။ အဖျားမတက်ရင် သောက်စရာမလိုဘူး။ မသေချာရင် ဆရာဝန်နဲ့ တိုင်ပင်ဖို့ကို ကျွန်မအကြံပြုချင်ပါတယ်။