ထမင်းလုံးတစ္ဆေခြောက်ခြင်း (Hypnogogic jerk)

ငယ်ငယ်တုန်းက အိပ်ယာဝင်တဲ့အချိန်ကျရင် အိပ်ပျော်ခါနီးဖြစ်နေတဲ့အချိန် အိပ်မက်လိုလိုနဲ့ တစ်ခုခုထဲကျသွားသလိုဖြစ်ပြီး ရင်ထဲမှာအေးခနဲဖြစ်သွား၊ ပြီးရင် ခန္တာကိုယ်မှာရှိတဲ့ ကြွက်သားတွေ ရုတ်တရက် ဆတ်ခနဲဖြစ်သွားပြီး လန့်နိုးသွားတာမျိုး ခဏခဏဖြစ်ဖူးပါတယ်။ အခုထက်ထိလည်း တခါတလေအိပ်မောကျခါနီးဆိုဖြစ်တတ်ပါသေးတယ်။ အရင်တုန်းကတော့ ထမင်းလုံးတစ္ဆေခြောက်တာလို့ မိဘတွေကပြောတတ်ပါတယ်။

အိပ်ခါနီး ထမင်းစားပြီး ထမင်းလုံးနင်းထားမိလို့ဖြစ်တာဆိုပြီးပြောလို့ နောက်ပိုင်းအိပ်ခါနီးတိုင်း ခြေထောက်ဆေးတဲ့အကျင့်ရသွားရော။ ပာုတ်တာမပာုတ်တာထက် ကောင်းတဲ့အကျင့်လေးတော့ဖြစ်သွားတာပေါ့လေ။ ကျနော့်လိုပဲသူများတွေလည်း ကြုံဖူးမယ်ထင်ပါတယ်။ အခုမှသိပ်ပံနည်းကျ (ပ ကိုအောက်မှာဘယ်လိုရိုက်လဲဗျာ။ ကျနော်မရိုက်တတ်လို့ အဲလိုပဲပေါင်းလိုက်တယ်) ဖြေရှင်းချက်လေးတွေဖတ်မိလို့ ထပ်ဝေမျှပေးလိုက်ပါတယ်။

အိပ်ပျော်ခါနီးအချိန်မှာ ပြုတ်ကျသလိုခံစားရပါတယ်။ အဲဒီနောက် တကိုယ်လုံးဆတ်ခနဲဖြစ်သွားပြီး လန့်နိုးသွားပါတယ်။ အဲလိုမျိုးအဖြစ်အပျက်ကို Hypnogogic jerk လို့ခေါ်ပါတယ်။ ဖြစ်နိုင်ချေရှိတာတော့ စိတ်ဖိစီးမှုတွေ၊ ကဖင်းနဲ့ ပြင်းထန်တဲ့လှုပ်ရှားမှုတွေ မအိပ်ခင်လုပ်ထားရတာတွေနဲ့သက်ဆိုင်ပါတယ်။ သူလည်းလူဦးရေရဲ့ ၇၀ရာခိုင်နှုန်းလောက်ဖြစ်တတ်တယ်လို့ဆိုပါတယ်။ အိပ်ပျော်ခါနီးအချိန်မှာ တကိုယ်လုံးမှာရှိတဲ့ လူရဲ့ကြွက်သားတွေပာာ ဖြေလျော့သွားပါတယ်။ အနားယူသွားတယ်ပေါ့လေ။ အဲဒါကိုဦးနှောက်က နားလည်မှုလွဲသွားပါတယ်။ ဦးနှောက်က အဲလိုကြွက်သားတွေဖြေလျော့ပြီး အနားယူသွားတယ်လို့မထင်ဘဲ တင်းတင်းရင်းရင်းရှိမနေတော့တဲ့အတွက် ခန္ဒာကိုယ်ကြီးပြုတ်ကျသွားတယ်လို့ ဘာသာပြန်လိုက်ပါတယ်။ အဲလိုဘာသာပြန်ရုံတင်မကဘဲ ခန္ဒာကိုယ်ကိုလည်း တုန့်ပြန်မှုတွေလုပ်ဖို့စေခိုင်းလိုက်ပါတယ်။ အဲဒီအတွက် ခန္ဒာကိုယ်ကကြွက်သားတွေကလည်း balance ကိုထိန်းဖို့အတွက်ဦးနှောက်ပြောတဲ့အတိုင်း လိုက်လုပ်လိုက်ပါတယ်။ အဲဒီအတွက်ကြောင့် ကျနော်တို့ပြုတ်ကျသလို ရင်ထဲမှာအေးသွားပြီး ကြွက်သားတွေအလုပ်ပြန်လုပ်သွားတဲ့အတွက် ဆတ်ခနဲ့တုန်ပြီး လန့်နိုးသွားတတ်တာဖြစ်ပါတယ်။ သာမန်ဖြစ်တတ်ပေမယ့် မူးယစ်ဆေးတွေဖြစ်တဲ့ မော်ဖင်း၊ ပီာရိုအင်း၊ မက်သဒုန်း စတဲ့ဆေးဝါးတွေအသုံးပြုသူတွေမှာ ပိုဖြစ်တတ်ပါတယ်။ ဒီလိုမျိုး Hypnogogoic jerk ပာာ အိပ်ပျော်ဖို့ခက်တဲ့သူတွေ၊ အိပ်ယာသက်တောင့်သက်သာမရှိတဲ့သူတွေမှာ ပိုဖြစ်တတ်ပါတယ်။ အထူးသဖြင့် မအိပ်မနေ အလုပ်လုပ်နေရတဲ့သူတွေ(စာမေးပွဲနီးလို့ စာကျက်နေရတာမျိုး၊ အလုပ်ပြီးအောင်လုပ်နေရတာမျိုး)မှာဆိုရင် ပြန်အိပ်တဲ့အခါအိပ်ပျော်ခါနီးအချိန်မှာ ဖြစ်တတ်ပါတယ်။ အဲလိုဦးနှောက်ကို အနားမပေးဘဲ အချိန်ကြာကြာခိုင်းထားတဲ့အခါ ဦးနှောက်ကပိုပြီး အမှားအယွင်းတွေဘာသာပြန်လို့ပါ။ ငယ်တဲ့အချိန်မှာပိုဖြစ်တတ်ပြီး အသက်ကြီးလာတာနဲ့အမျှ နည်းသွားတတ်ပါတယ်။ သူ့ရဲ့အကြီးဆုံးဆိုးကျိုးကတော့ အိပ်ရေးပျက်တာဖြစ်ပါတယ်။ ကျနော်လည်း တခါတလေအရမ်းအိပ်ချင်လို့ အိပ်ပျော်ခါနီးမှာအဲလိုမျိုး Hypnogogoic jerk ဖြစ်သွားရင် လန့်နိုးသွားပြီး ပြန်အိပ်ရခက်သွားတတ်ပါတယ်။ အမြဲတမ်းတော့မပာုတ်ပါဘူး။ ဒါပေမယ့်တချို့သူတွေမှာတော့ ခဏခဏဖြစ်တဲ့အခါနောက်ပိုင်း အိပ်ရမှာကိုကြောက်လာပြီး စိတ်ရောဂါလိုမျိုးဖြစ်သွားတတ်ပါတယ်။

ဒီလောက်ဆိုထမင်းလုံးတစ္ဆေခြောက်တာ ဘယ်လိုမျိုးဖြစ်တာလဲဆိုတာ နားလည်လောက်ပြီထင်ပါတယ်။ သားသမီးတွေရှိရင်တော့ ခြေထောက်ရေဆေးပါစေဦး။ ပာုတ်တာမပာုတ်တာထက် သန့်သန့်ရှင်းရှင်းရှိတာပေါ့။ :)

 

Posted by Dr. Thurein Hlaing Win (www.academicmedicines.blogspot.com)

Read More...

Collapse...

အဖြစ်အပျက်တစ်ခုကို မြင်ဖူးသလိုခံစားရခြင်း (Déjà vu)

ကျနော်ခပ်ငယ်ငယ်တုန်းက မိဘတွေနဲ့အတူတူ တောမြို့လေးတစ်ခုကိုသွားခဲ့တယ်။ အဲဒီမှာတည်းတဲ့အိမ်ကိုအရောက်မှာ ကျနော်အဲဒီအိမ်ကို ရောက်ဖူးသလိုခံစားရတယ်။ ဒီမြင်ကွင်းတွေကိုလည်း မြင်ဖူးသလိုပဲ။ ဒါနဲ့မိဘတွေကိုပြောပြလိုက်တော့ ၀ိုင်းရယ်ကြတယ်။ ရယ်မှာပေါ့ သူတို့တောင်ခုမှရောက်ဖူးတဲ့ နယ်လေးတစ်ခုကိုကျနော်ရောက်ဖူးတယ်ထင်တယ်လို့ ပြောလိုက်မိတာကိုး။ အဲဒီတုန်းကစိတ်ထဲမှာတော့ ဇ

ဝေဇ၀ါပဲ။ စိတ်ကူးယဉ်တတ်တဲ့အရွယ်ဆိုတော့ ငါပဲစွမ်းအင်တွေများရပြီး ရှေ့ကြိုမြင်နေတာလားလို့ထင်မိသေးတာ။ နည်းနည်းကြီးလာတော့လည်း အဲလိုအဖြစ်အပျက်တွေခဏခဏကြုံရတယ်။ အဖြစ်အပျက်တစ်ခုကိုတွေ့လိုက်မိရင် စ်ိတ်ထဲမှာအရင်ကဖြစ်ခဲ့ဖူးသလို၊ ရှေ့ကိုပဲကြိုမြင်နေသလို ထင်မိတယ်။ စိတ်ထဲကနေဒီအဖြစ်အပျက်မျိုး ငါမြင်ဖူးပါတယ်လို့ စဉ်းစားမိတယ်။ ဘယ်သူ့ကိုမှလည်း မပြောရဲဘူး။ တော်ကြာကိုယ့်ကိုစိတ်ဂယောက်ဂယက်ဖြစ်နေတယ်လို့လည်း ထင်မှာစိုးရသေးတာကိုး။ တခြားသူတွေမှာလည်း ဖြစ်တတ်မှန်း သတိမထားမိခဲ့ဘူး။ အင်္ဂလိပ်လို Déjà vu လို့ခေါ်တယ်ဆိုတာကိုတောင် သိတာသိပ်မကြာသေးဘူးဗျ။ ရုပ်ရှင်ကားတစ်ကားကြည့်ရင်းနဲ့ ရုပ်ရှင်ထဲမှာ အဲလိုအဖြစ်အပျက်ကို Déjà vu လို့ညွှန်းပြီးပြောသွားတော့မှ သတိထားမိတယ်။ အဲဒါနဲ့ ဒီလိုအဖြစ်မျိုးတွေ တွေ့ကြုံနေရတတ်ပြီး ဘာမှန်းညာမှန်းမသိ၊ သူများကိုလည်း မပြောရဲဖြစ်နေတဲ့သူတွေအတွက် ကျနော်ဖတ်မိထားတာလေး ဝေမျှပေးလိုက်ပါတယ်။

Déjà vu ဆိုတာက အဖြစ်အပျက်တစ်ခုကို သိနေသလိုမျိုးခံစားရတာဖြစ်ပါတယ်။ သိတာကလည်း ဇဝေဇ၀ါ ဖြစ်တာမျိုးမပာုတ်ပါဘူး။ ဥပမာပြောရရင် Déjà vu ဆိုတာအရင်ကတွေ့ခဲ့ဖူးတဲ့လူတစ်ယောက်ကို လမ်းမှာပြန်တွေ့ရင် မမှတ်မိတဲ့ခံစားချက်မျိုးမပာုတ်ဘူး။ ဒီအဖြစ်အပျက်ပာာ ကျိန်းသေကိုဖြစ်ပျက်ခဲ့ဖူးတယ်လို့ ခံစားရတာမျိုးပါ။ အဓိကဖြစ်တာကတော့ အရာဝထ္ထုတစ်ခု၊ အဖြစ်အပျက်တစ်ခုကို တွေ့ကြုံလိုက်ရတဲ့အချိန်မှာ ဦးနှောက်က အဲဒါကိုဘာလဲဆိုတာပုံဖော်ပါတယ်။ အဲဒီမှာ ဒီအဖြစ်အပျက်ပာာ ရင်းနှီးပြီးသားလား၊ ကိုယ်နဲ့အစိမ်းသက်သက်လားဆိုပြီး ဆုံးဖြတ်ချက်ပေးပါတယ်။ အဲလိုဆုံးဖြတ်ချက်ပေးတဲ့အချိန်မှာ တခါတရံမှာ ဦးနှောက်က မှားယွင်းပြီးဆုံးဖြတ်လိုက်ပါတယ်။ အဲဒါကဘာလဲဆိုတော့ ကိုယ်တစ်ခါမှမမြင်ဖူးတဲ့အဖြစ်အပျက်တစ်ခုကို ကြုံတွေ့နေပါရက်နဲ့ ဒီလိုမျိုးအဖြစ်အပျက်ဖြစ်ဖူးတယ်လို့ ဆုံးဖြတ်လိုက်တာဖြစ်ပါတယ်။ Déjà vu ပာာအကြားအမြင်ရနေတာ၊ ရှေ့ဖြစ်ကိုသိနေတာမျိုးမပာုတ်ပါဘူး။ တကယ်တော့ ဦးနှောက်ရဲ့မှတ်ဥာဏ်ပိုင်းဆိုင်ရာ မှားယွင်းဖော်ပြတာပါ။ အဲဒါကြောင့် Déjà vu ဖြစ်ပြီဆိုရင် မြင်ဖူးတယ်၊ ဖြစ်ဖူးတယ်လို့ ခံစားမိနေပေမယ့် ဘယ်အချိန်တုန်းက၊ ဘယ်နေရာမှာဆိုတာ စဉ်းစားလို့မရပါဘူး။ အိပ်မက်ထဲမှာပဲလား၊ အပြင်မှာဖြစ်ခဲ့တာလား ဘယ်လိုမှမသဲကွဲပါဘူး။ Déjà vu ပာာရောဂါမပာုတ်ပါဘူး။ ကမ္ဘာ့ လူဦးရေရဲ့ ၃ပုံ၂ပုံပာာ Déjà vu ကိုခံစားရလေ့ရှိပါတယ်။ Déjà vu ပာာရောဂါတစ်ခုမပာုတ်ပေမယ့် temporal lobe epilepsy (၀က်ရူးပြန်ရောဂါ) တစ်မျိုးနဲ့တော့ ဆက်စပ်မှုရှိပါတယ်။ Déjà vu ပာာ တချို့ဆေးတွေနဲ့လည်းဆက်စပ်မှုရှိပါတယ်။ တုပ်ကွေးသက်သာအောင်သုံးတဲ့ဆေးတွေဖြစ်တဲ့ amantadine and phenylpropanolamine ဆေးတွေပာာ Déjà vu ဖြစ်စေတယ်လို့ဆိုပါတယ်။ အဲဒီဆေးတွေပာာ ဒိုပါမင်း(Dopamine) ဓါတ်ကိုများစေတဲ့အတွက်ကြောင့်ဖြစ်ပါတယ်။

ဗပာုသုတအနေနဲ့ပဲဖော်ပြပေးလိုက်တာပါ။ Déjà vu ဆိုတာကိုနားမလည်သေးခင်တုန်းက အတော်လေးကိုစိတ်ကသိကအောက်ဖြစ်ရပါတယ်။ ကိုယ်မြင်ဖူးသလို၊ ခံစားဖူးသလို ဒါပေမယ့်လည်း ဘယ်လိုမှတွေးမရ။ ရှေ့ပဲကြိုမြင်နေတာလား ရူးပဲရူးနေပြီလားဆိုပြီး အမျိုးမျိုးတွေးမိပါတယ်။ Déjà vu ဆိုတာကိုဖတ်မိပြီးနားလည်သွားတဲ့အခါကျတော့ အခုဆိုရင် အဲလိုအဖြစ်အပျက်မျိုးကြုံရရင် အော်ငါ Déjà vu ဖြစ်နေတာပါလားဆိုပြီး နားလည်သွားတော့ စိတ်သက်သာသွားပါတယ်။ လိုက်ပြီးငါမြင်ဖူး တွေ့ဖူးတယ်လို့ဆက်စဉ်းစားစရာမလိုတော့ပါဘူး။ အတော်လေးစိတ်ချမ်းသာသွားရပါတယ်။

 

Posted by Dr. Thurein Hlaing Win (www.academicmedicines.blogspot.com)

Read More...

Collapse...

Colour blindness (အရောင်ခွဲခြားမသိခြင်း) and Red eye problems(မျက်စိနာခြင်း)

Colour blindness

Colour blind လို့ပြောလိုက်တာနဲ့ အများစုပြေးမြင်တာကတော့ လုံးဝကိုဘာအရောင်မှမမြင်ရတဲ့ Black and white (အဖြူအမည်း) ပုံစံပါ။ အများစုထင်တာက Colour blind ဆိုရင် မျက်လုံးထဲမှာ အဖြူအမည်းပဲမြင်ရမယ် ရှေးခေတ်ကားတွေကြည့်နေရသလိုနေမှာပဲလို့ထင်တတ်ပါတယ်။ အမှန်တော့အဲလိုမျိုးမပာုတ်ပါဘူး။ လူတစ်ယောက်ရဲ့မြင်လွှာမှာ အဓိကအားဖြင့်အစိတ်အပိုင်း၂မျိုးရှိပါတယ်။ အဲဒါကတော့ Cones and Rods ဖြစ်ပါတယ်။ Cones ကတော့ အဓိကအရောင်တောက်တွေဖြစ်တဲ့ အနီ၊ အစိမ်းနဲ့ အပြာရောင်တွေကိုမြင်ရဖို့အတွက် အကူအညီပေးပါတယ်။ Rod ကတော့အဖြူအမည်းလိုမျိုး အမှိန်အရောင်တွေကို မြင်ရတဲ့နေရာမှာဖြစ်ပါတယ်။ Colour blindnessဆိုတာကတော့ Cones မှာပြဿနာဖြစ်တာပဲဖြစ်ပါတယ်။ အဓိကအားဖြင့်တော့ အကြမ်းဖျင်း ၃မျိုးခွဲခြားနိုင်ပါတယ်။ အဲဒါတွေကတော့ Red-green discriminatory failure (အနီ၊ အစိမ်းမခွဲခြားနိုင်ခြင်း) Blue-yellow discriminatory failure(အပြာ၊ အ၀ါမခွဲခြားနိုင်ခြင်း) နဲ့ Total colour blindness or Monochromatism အဖြူအမည်းပဲမြင်ရခြင်းတို့ဖြစ်ပါတယ်။ ပထမ၂မျိုးဖြစ်တဲ့ Red-green and blue-yellow မှာတော့ အဲဒီအရောင်တွေနဲ့ပတ်သက်ရင် အားနည်းနေတာပါ။ လုံးဝမမြင်တာမပာုတ်ပါဘူး။ ဥပမာ အနီနဲ့ အစိမ်း အရောင်တွေဖျော့နေရင် ဘယ်ပာာ အနီလဲ ဘယ်ပာာ အစိမ်းလဲဆိုတာကိုမခွဲခြားနိုင်ပါဘူး။ လူကောင်းအတိုင်းပဲဖြစ်နေတဲ့အတွက် အဓိကသိနိုင်တာကတော့ Colour blindness စမ်းလို့ရတဲ့ အရောင်စုံကဒ်ပြားလေးတွေနဲ့စမ်းကြည့်မှသိသာပါတယ်။ အများထင်သလို လုံးဝဘာအရောင်မှမမြင်ရတာကတော့ Monochromatism တစ်ခုတည်းပါ။ အဲဒါကတော့ Colour ကိုသိတဲ့ Cones တွေ မြင်လွှာမှာလုံးဝမပါလာတာ၊ ဒါမှမပာုတ်ချို့ယွင်းနေတာကြောင့်ပါ။ Red-green discriminatory failure ကတော့အဖြစ်အများဆုံးဖြစ်ပါတယ်။ ယောက်ျားလေးတွေမှာပိုဖြစ်တတ်ပါတယ်။ မျိုးရိုးလိုက်ပါတယ် (ကျနော်ကိုယ်တိုင်လည်း Red-Green discriminatory failure တစ်ယောက်ပါ၊ အစိမ်းနဲ့အနီအရောင်ဖျော့နေရင် မခွဲခြားတတ်ပါဘူး)။ Blue-Yellow ကတော့ယောက်ျားလေးရော၊ မိန်းကလေးရောမှာအတူတူပဲဖြစ်ပါတယ်။ အဓိကပြောချင်တာကတော့ Colour blind ဆိုတိုင်းအရောင်လုံးဝမမြင်နိုင်တာမပာုတ်ဘူးဆိုတဲ့အကြောင်းပါ။ အရောင်လုံးဝမမြင်ရတာက ရှိပေမယ့် ရှားတော့ရှားပါတယ်။

A. 12  B.29  C. 45  D. 74

မျက်စိနာခြင်း

မျက်စိနာခြင်းအကြောင်းကိုတော့ ကျနော်ပို့စ်လည်းရေးပြီးပါပြီ။ မျက်စိနီရဲနေတိုင်းမျက်စိနာတာမပာုတ်ဘူးဆိုတာကို အသေအချာရှင်းပြဖူးပါတယ်။ အန္တရာယ်ရှိတဲ့အခြေအနေတွေအများကြီးရှိနိုင်သလို မျက်စဉ်းအရွေးမမှားသင့်လို့ ရွေးချယ်သုံးသင့်တဲ့မျက်စဉ်းတွေအကြောင်းကိုလည်းရေးထားဖူးပါတယ်။ အခုထပ်ရေးမှာကတော့ အတော်လေးရင်နာစရာကောင်းတဲ့အဖြစ်အပျက်တစ်ခုကြားလိုက်ရလို့ပါ။ ကမ္ဘာအေးသာသနာ့တက္ကသိုလ်က သံဃာတော်တစ်ပါးပာာ မျက်စိတစ်ဖက်နာလို့ ဂျီပီဆရာဝန်တစ်ယောက်ဆီကိုသွားပြပါတယ်။ မျက်စဉ်းတစ်ခုပေးလိုက်လို့ ခပ်နေသော်လည်းပဲ မသက်မသာဖြစ်လာပါတယ်။ အဲဒီအတွက် မျက်စိအထူးကုဆရာဝန်နဲ့သွားရောက်ကုသတဲ့အခါမှာမှ မျက်လုံးမှာ Corneal ulcer ကနေ Corneal scarring အဖြစ်ကိုရောက်နေပါပြီ။ Steroid eye drop ပေးလိုက်တာဖြစ်ပါတယ်။ ဆိုးကျိုး၊ ဘယ်လောက်ခပ်ရမယ်၊ ဘယ်နှစ်ရက်ခပ်သင့်တယ်ဆိုတာလည်း မရှင်းပြ၊ မျက်စိကိုလည်းသေချာမစမ်းသပ်ဘဲနဲ့ မျက်စိနာတယ်ဆိုတိုင်း Steroid eye drop ပေးတာကတော့ အတော်လေးကိုအသိဥာဏ်နုံချာတယ်လို့ပဲ ကျနော်ကတော့ မြင်ပါတယ်။ ကျနော့်အမြင်အရတော့ အဲဒီဆရာဝန်ကို Negligence နဲ့လိုင်စင်သိမ်းသင့်ပါတယ်။ ဆရာဝန်ဖြစ်ပြီးမျက်စိနာတဲ့လူနာလာရင် အနည်းဆုံးတော့ Cornea ကိုစစ်ဆေးပေးသင့်တယ်ဆိုတာကို မသိလောက်အောင် ညံ့နေရင်တော့ ဆရာဝန်မလုပ်သင့်တော့ပါဘူး။ ဆရာလုပ်တာမပာုတ်ပါဘူး။ ကျနော်မျက်စိဆရာဝန်လည်းမပာုတ်ပါဘူး။ ဒါပေမယ့် မျက်စိနာတဲ့လူနာတစ်ယောက်လာရင် Trauma, foreign body history တွေကိုသေချာမေးသင့်ပါတယ်။ အဲဒါတွေအပြင် အနည်းဆုံးတော့ Site of Inflammation(Uni or Bi), Photophobia, Pain, Discharge, Vision, Cornea and any association such as Nausea, Vomiting တွေကိုတော့ စမ်းသပ်သင့်ပါတယ်။ Conjunctivitis တွေက Bilateral လာတတ်ပေမယ့် Corneal ulcer, Dendritic ulcer တွေကတော့ Unilateral ပဲဖြစ်တတ်တယ်ဆိုတာတော့ သိထားသင့်ပါတယ်။ Conjunctivitis တွေမှာ Vision မထိပေမယ့် ကျန်တဲ့မျက်စိနာတာတွေမှာတော့ Vision ထိခိုက်နေတယ်ဆိုတာလည်းသိသင့်ပါတယ်။ Corneal ulcer, Dendritic ulcer တွေမှာ Cornea မှာအဖြူစက်လိုမျိုးဖြစ်နေတတ်ပါတယ်။ အနည်းဆုံးတော့ ကိုယ့်ဆေးခန်းကိုရောက်လာရင် အဲဒါလောက်တော့ စမ်းသပ်ပေးသင့်ပါတယ်။ အကောင်းဆုံးကတော့ ဘာကြောင့်မျက်စိနာနေမှန်းမသိသေးခင်မှာ Steroid ကိုရှောင်ပြီးပေးတာအကောင်းဆုံးပါ။ Antibiotic eye drop နဲ့ Cover လုပ်ပြီး Steroid ပေးရင်လည်းပေးပါ။ အပေါ်က case လိုမျိုး Steroid တစ်မျိုးတည်းပေးပြီး တစ်နေ့ကိုရှစ်ကြိမ်ထိခပ်လို့ရတယ်ပြောပြီး လွှတ်ပေးလိုက်တာကတော့ အတော်ဆိုးပါတယ်။ အခုအဲဒီစာသင်သားပာာ ကန်းမလားဆိုတာမပြောနိုင်သေးဘူးဖြစ်နေပါပြီ။ ဘယ်သူ့ကိုတာဝန်ယူခိုင်းရမှာပါလဲ။ အဲဒီသံဃာတော်စိတ်ထဲမှာထင်နေတာကတော့ ဂျီပီနဲ့ပြလို့သူ့မျက်လုံးဒီလိုဖြစ်သွားရတယ်ထင်နေပါပြီ။ အဲဒီတော့ ကျနော်တို့ဘာဆက်လုပ်သင့်ပါလဲ။ ကျနော့်အမြင်အရတော့ ဂျီပီတွေကိုစဉ်ဆက်မပြတ်ဆေးပညာဆက်လေ့ကျင့်ပေးသင့်ပါတယ်။ Credit system ကျင့်သုံးပြီး CME credit ပြည့်မှ ဆမသက်တမ်းတိုးခွင့်ပြုသင့်တယ်ထင်ပါတယ်။ မပာုတ်ရင်တော့ ငါးခုံးမတစ်ကောင်ကြောင့် တစ်လှေလုံးပုပ်ရမယ့်ကိန်းဆိုက်နေပါပြီ။

Posted by Dr. Thurein Hlaing Win (www.academicmedicines.blogspot.com)

Read More...

Collapse...

ဆံပင်ကျွတ်ခြင်း၊ ထိပ်ပြောင်ခြင်း (Alopecia)

ဆံပင်ကျွတ်ခြင်းလို့ အလွယ်ပြောလိုက်ပေမယ့် အမှန်တော့ဆံပင်တင်မက ကျန်တဲ့အမွေးအမျှင်တွေပါ ကျွတ်တာကိုဆိုလိုပါတယ်။ အမွေးအမျှင်ကျွတ်တာက အကြမ်းဖျင်းအားဖြင့် ခွဲရင်တော့ ၂မျိုးပဲခွဲခြားလို့ရပါတယ်။ အဲဒီ၂မျိုးကတော့ non scarring alopecia (အမာရွတ်မကျန်ဘဲ အမွေးအမျှင်ကျွတ်ခြင်း) နဲ့ scarring alopecia (အမာရွတ်ကျန်ခဲ့တဲ့ အမွေးအမျှင်ကျွတ်ခြင်း) တို့ဖြစ်ပါတယ်။ အဲဒီ၂ခုဘာကွာလဲဆိုတော့ အမာရွတ်မကျန်ခဲ့တဲ့ အမွေးကျွတ်ခြင်းဆိုတာကတော့ ဆံပင်ပြန်ပေါက်နိုင်ပါတယ်။ ရောဂါရှိရင်သော်လည်းကောင်း၊ ဆေးဝါးကြောင့်သော်လည်းကောင်း အစရှိတာတွေကြောင့် ဆံပင်ကျွတ်တာဆိုရင် အဲဒီရောဂါကိုကုသပြီးရင် အဲဒီဆေးဝါးကိုရပ်တန့်လိုက်တဲ့အချိန်မှာ ဆံပင်ပြန်ပေါက်လာပါတယ်။ ဥပမာပြောရရင် ကင်ဆာဝေဒနာရှင်တွေမှာ ဓါဓုကုထုံးသုံးတဲ့အခါမှာ ဆံပင်ကျွတ်ပါတယ်။ ဆေးရပ်လိုက်ရင် ဆံပင်ပြန်ပေါက်ပါတယ်။ အမာရွတ်ကျန်ခဲ့တဲ့ အမွေးကျွတ်ခြင်းကတော့ ဘယ်တော့မှပြန်ပေါက်မလာနိုင်တော့ပါဘူး။ ထိခိုက်မိတာ၊ မိမိကိုယ်ကိုပြန်တိုက်တဲ့ရောဂါစုတွေ အစရှိတာတွေကြောင့် အမာရွတ်ကျန်ခဲ့တဲ့ အမွေးကျွတ်ခြင်းဖြစ်ပေါ်ရပါတယ်။ ဒီမှာတော့ အရမ်းအဖြစ်များတဲ့ non scarring alopecia အကြောင်းပဲရေးပါ့မယ်။

အမွေးကျွတ်တယ်ဆိုရင် တကိုယ်လုံးကအမွေးတွေကျဲလာတာဖြစ်နိုင်သလို ခေါင်းတစ်ခုပဲကွက်ပြီး ကျွတ်နေတာလည်းဖြစ်နိုင်ပါတယ်။ ကိုယ်ပေါ်ကအမွေးကတော့ သိပ်မသိသာပေမယ့် ခေါင်းမှာကျွတ်တာကတော့ အတော်လေးကိုသိသာသလို နေရလည်းခက်ပါတယ်။ ထိပ်ပြောင်တာပာာ ကိုယ့်ကိုကိုယ်ယုံကြည်ချက်လည်းကျဆင်းနိုင်တယ်လို့ဆိုပါတယ်။ အမာရွတ်မထင်ဘဲ အမွေးကျွတ်တာကိုထပ်ခွဲရင်လည်း အကြောင်းရင်း ၃မျိုးရှိနိုင်ပါတယ်။ အဲဒါတွေကတော့
၁။ (Nutritional)အစားအသောက်ကြောင့်။ ။ စားတဲ့အစားအသောက်ထဲမှာ ဇင့်ဓါတ်နဲ့ သံဓါတ်တွေလျော့နည်းနေရင် အမွေးကျွတ်ပါတယ်။
၂။ (Androgenetic)အသက်အရွယ်၊ မျိုးရိုး၊ ကျားပောာ်မုန်းကြောင့်။ ။ အရမ်းအဖြစ်များပါတယ်။ အမျိုးသားထုရဲ့ ထက်ဝက်လောက်ပာာ ဒီအကြောင်းအရာကြောင့် ဆံပင်ကျွတ်တာဖြစ်ပါတယ်။ အခုဒီပို့စ်မှာလည်း ဒီအကြောင်းအရာကိုအဓိကထားတင်ပြမှာဖြစ်ပါတယ်။
၃။ (Auto immune disease) အချို့သောမိမိကိုယ်ကိုပြန်တိုက်သောရောဂါများမှာလည်း ဆံပင်ကျွတ်တတ်ပါတယ်။
အစားအသောက်ကြောင့်ဆိုရင်လည်း အဲဒီလိုအပ်နေတဲ့ဓါတ်တွေပြန်ဖြည့်လိုက်ရင် ပြန်ကောင်းလာပါတယ်။ ရောဂါကြောင့်ဆိုရင်လည်း ရောဂါကို ပျောက်ကင်းအောင် ကုသလိုက်ရင် ဆံပင်ပြန်ပေါက်ပါတယ်။ ဒါပေမယ့် Androgenetic ကြောင့်ဖြစ်တဲ့ဆံပင်ကျွတ်ခြင်းကတော့ အဖြစ်အများဆုံး၊ ကုသရအခက်ဆုံးဖြစ်နေပါတယ်။ အဲဒါကိုနောက်တစ်မျိုးအနေနဲ့ male pattern baldness လို့လည်းခေါ်ကြပါတယ်။

Androgenetic alopecia(ထိပ်ပြောင်ခြင်း)
၁။ ဘာကြောင့်ဖြစ်ရတာလဲ။
Study တွေအမျိုးမျိုးနဲ့ လေ့လာကြည့်ပေမယ့်လည်း အခုထိတော့တိကျတဲ့အဖြေတစ်ခုမရသေးပါဘူး။ အကြောင်းအရာကတစ်ခုတည်းကြောင့်မပာုတ်ဘဲ မျိုးရိုးကြောင့်၊ နေထိုင်ရာပတ်ဝန်းကျင်ကြောင့် စသဖြင့်အကြောင်းအရာတွေအများကြီးရှိနိုင်ပါတယ်။ အဓိကအားဖြင့်တော့ မျိုးရိုးကြောင့်ဖြစ်ပါတယ်။ ထိပ်ပြောင်တဲ့မျိုးရိုးရှိသူတွေရဲ့ မွေးညှင်းပေါက် (Hair follicle) တွေပာာ ကျားပောာ်မုန်းတစ်မျိုးဖြစ်တဲ့ Androgenထဲကမှ Dihydrotestosterone (DHT) ကိုတုန့်ပြန်တာကြောင့်ဖြစ်ပါတယ်။ DHT ကမွေးညှင်းပေါက်တွေကို ကျုံ့သွားအောင်လုပ်ပါတယ်။ အဲဒီတော့ ရှိနေတဲ့အမွေးရဲ့သက်တမ်းတိုသွားသလို နောက်ထပ်အမွေးအသစ်တွေလည်းထပ်မထွက်နိုင်တော့ပါဘူး။ နောက်ထပ်သီအိုရီတစ်မျိုးကတော့  enzyme prostaglandin D2 synthase လို့ခေါ်တဲ့အင်ဇိုင်းတွေများလာရကနေ သူကထုတ်တဲ့ prostaglandin D2 (PGD2)တွေမွေးညင်းပေါက်တွေမှာ များလာတာကလည်း အမွေးကျွတ်ရခြင်းအကြောင်းအရင်းဖြစ်တယ်လို့ဆိုပါတယ်။

၂။ ဘယ်သူတွေမှာဖြစ်သလဲ။ ဘာတွေဖြစ်သလဲ။
ကမ္ဘာတစ်ဝှမ်းမှာရှိတဲ့အသက် ၄၀ကျော်တဲ့အမျိုးသားထုရဲ့ တစ်ဝက်ကျော်ပာာ ထိပ်ပြောင်တယ်လို့ဆိုပါတယ်။ အမျိုးသားတွေသာမက အမျိုးသမီးတွေမှာလည်း ထိပ်ပြောင်ပါတယ်။ ထူးခြားတာက ချင်ပန်ဇီမျောက်တွေမှာလည်း ဒီထိပ်ပြောင်ခြင်းရှိတယ်လို့ဆိုပါတယ်။ ထိပ်ပြောင်တာက ဆိုးကျိုးအနေနဲ့အဓိကထိခိုက်တာကတော့ စိတ်ပိုင်းဆိုင်ရာပဲဖြစ်ပါတယ်။ ထိပ်ပြောင်တဲ့သူတွေပာာ မိမိကိုယ်ကိုယုံကြည်ချက်ကျဆင်းလေ့ရှိကြပါတယ်။ ဒါ့အပြင် ဆံပင်နည်းနေတဲ့အတွက် ခေါင်းကိုနေလောင်နိုင်ပါတယ်။ နှလုံးရောဂါပိုဖြစ်နိုင်သလို ဆီးကျိတ်ကြီးတဲ့ရောဂါလည်း ပိုဖြစ်နိုင်ပါတယ်။ လူဖြူတွေမှာအဖြစ်များပါတယ်။ လူဖြူတွေနောက်ကနေ အာရှသားတွေကလိုက်ပြီး လူမည်းတွေ၊ လူနီတွေနဲ့ အက်စကီမိုးတွေက အစဉ်လိုက်လိုက်ပါတယ်။ အသက်၄၀ကျော်မှဖြစ်တတ်တယ်ဆိုပေမယ့်လည်း အသက်၃၀လောက်မှာလည်းဖြစ်နိုင်ပါတယ်။

၃။ ဘာတွေနဲ့ကုသလို့ရမလဲ။
အခုလောလောဆယ် ဆံပင်ကျွတ်တာကို ကုသရာမှာ အသိအမှတ်ပြု အနောက်တိုင်းဆေးတွေအနေနဲ့တော့ ၂မျိုးပဲရှိပါတယ်။ အဲဒီဆေးတွေကတော့ Minoxidil(လိမ်းဆေး)နဲ့ Finasteride(သောက်ဆေး) တို့ဖြစ်ပါတယ်။
Minoxidil ဘယ်လို action နဲ့အလုပ်လုပ်လဲဆိုတာတော့ မသိသေးပါဘူး။ ဒါပေမယ့်အဲဒီဆေးကဆံပင်သက်တမ်းကို ရှည်စေတဲ့အပြင် မွေးညင်းပေါက်တွေဆီကိုလည်း သွေးလည်ပတ်မှုပိုကောင်းလာစေပါတယ်။ ထိပ်ပြောင်တဲ့သူတွေထက်စာရင် အလယ်ပြောင်နေတဲ့သူတွေအတွက်ပိုကောင်းပါတယ်။ ဒါပေမယ့်လည်း ဆေးသောက်ပြီးတုန့်ပြန်တဲ့အချိန်ကတော့ ကြာလွန်းပါတယ်။ ဆေးလိမ်းပြီး ၄လလောက်အကြာထိသိသာထင်ရှားတဲ့ရလာဒ်မပေါ်တတ်ပါဘူး။ ပြီးတော့ သူ့ကိုလိမ်းရင် တစ်သက်လုံးလိမ်းပေးရပါတယ်။ ဆေးရပ်လိုက်တာနဲ့တပြိုင်နက် အမွေးကျွတ်တာကပြန်ဖြစ်တာပါပဲ။ အား၂မျိုးနဲ့လာပါတယ်။ 2% and 5% တို့ဖြစ်ပါတယ်။ 5% ကတော့ပိုကောင်းတယ်လို့ဆိုပါတယ်။ လောလောလတ်လတ်ဆံပင်စကျွတ်တဲ့သူတွေနဲ့ ဆံပင်ကျွတ်တာသိပ်မများသေးတဲ့သူတွေအတွက် ပိုကောင်းပါတယ်။
Finasteride ကတော့သောက်ဆေးဖြစ်ပါတယ်။ ယောက်ျားတွေပဲသောက်လို့ရပါတယ်။ ဒီဆေးကဆံပင်ကျွတ်တာကိုရပ်တန့်စေပြီး ဆံပင်အသစ်ပြန်ပေါက်ဖို့လည်းအားပေးပါတယ်။ ထိပ်ပြောင်တဲ့သူတွေအတွက်စိတ်ပျက်စရာကောင်းတာက ဒီဆေးပာာလည်း အလယ်ပြောင်တဲ့သူတွေမှာပိုပြီး အကျိုးရှိတယ်လို့ဆိုပါတယ်။ ဒါပေမယ့်လည်း ထိပ်ပြောင်တဲ့သူတွေမှာလည်း သိသာအောင်ဆံပင်ပြန်ပေါက်လာစေပါတယ်။ ဒီဆေးပာာလည်း အမြဲတမ်းသောက်ရမှာပါ။ ဆေးရပ်လိုက်တာနဲ့ဆံပင်ပြန်ကျွတ်နိုင်ပါတယ်။
အသိအမှတ်ပြုဆေးဝါးတွေမပာုတ်ဘဲနဲ့လည်း ဈေးကွက်ထဲမှာဆံပင်ပေါက်ဆေးဆိုပြီးကြော်ငြာနေတဲ့ဆေးဝါးတွေအများအပြား ရှိပါတယ်။ အပေါ်မှာပြောခဲ့သလိုပဲ ဆံပင်ကျွတ်တယ်ဆိုတာက အကြောင်းရင်းများစွာရှိနေနိုင်တဲ့အတွက်ကြောင့် သူများနဲ့တည့်ပြီး ကောင်းနေတဲ့ဆေးကကိုယ့်အတွက်တော့ ကောင်းချင်မှကောင်းမှာပါ။ ဒါ့အပြင် ကိုယ့်ဦးရေပြားနဲ့မတည့်တဲ့ ဆေးဝါးတွေသုံးစွဲမိရင် ဦးရေပြားပျက်ဆီးပြီး ပိုဆိုးနိုင်ပါတယ်။ အဲဒီအတွက် ဆံပင်ပေါက်ချင်ဇောနဲ့ သိပ်အယုံမလွယ်ဖို့ သတိပေးပါရစေ။
ဆံပင်ပေါက်အောင်လုပ်တဲ့ နောက်တစ်နည်းကတော့ ခွဲစိတ်တဲ့နည်းပါ။ ကမ္ဘာကျော်ဘောလုံးသမားရွန်နီလုပ်ထားသလိုမျိုးပါ။ ဦးရေပြားကိုလှန်ပြီး ဆံပင်ပြန်စိုက်တာပါ။ ပြောင်နေတဲ့အကျယ်အ၀န်းပေါ်လိုက်ပြီး လိုအပ်တဲ့ဆံပင်အနည်းအများရှိပါတယ်။ နောက်ပိုင်းမှာ စိုက်ထားတဲ့နေရာတွေက အမာရွတ်တွေပေါ်လာနိုင်တဲ့ဆိုးကျိုးအပြင် ကုန်ကျစရိတ်များလွန်းပါတယ်။

၎။ နောက်ဆက်တွဲ
ဆံပင်ဘာကြောင့် ကျွတ်တာလဲဆိုတာကို စစ်ဆေးရခက်သလို ဆံပင်ဘယ်လောက်ထိကျွတ်မှာလဲဆိုတာကလည်း ခန့်မှန်းရခက်ပါတယ်။ တချို့တွေကတော့ ဆံပင်ကျွတ်ရင်း တစ်ခေါင်းလုံးကုန်တဲ့အထိ ဆံပင်အနည်းငယ်ပဲကျန်တဲ့အထိကိုကျွတ်သွားပါတယ်။ တချို့တွေကတော့ ထိပ်ပိုင်းပဲပြောင်ရုံ၊ တချို့ကတော့ အလယ်ပိုင်းပဲပြောင်ရုံ ဖြစ်နိုင်ပါတယ်။

ကျနော့်အမြင်အရတော့ ဘာအကြောင်းကြောင့်ဆံပင်ကျွတ်ကျွတ် ထိပ်ပြောင်တာက အားနည်းချက်တစ်ခုအနေနဲ့မမြင်မိပါဘူး။ ထိပ်ပြောင်တဲ့သူတွေပာာ ပညာရှိတဲ့လက္ခဏာကိုပြသတာဖြစ်ပါတယ်။ ကျနော်တို့သမ္မတကြီးဆိုရင်လည်း ထိပ်ပြောင်ပါတယ်။ အိုင်းစတိုင်းလည်း ထိပ်ပြောင်ပါတယ်။ အခြားထိပ်ပြောင်တဲ့နာမည်ကျော်တွေအများအပြားရှိပါသေးတယ်။ ထိပ်ပြောင်မင်းသား၊ ဘောလုံးသမားတွေတောင်ရှိသေးတဲ့အတွက် ထိပ်ပြောင်တာက အားနည်းချက်အဖြစ်မရှိတော့ပါဘူး။

Posted by Dr. Thurein Hlaing Win (www.academicmedicines.blogspot.com)

Read More...

Collapse...