Wednesday, March 16, 2011

အသက် ၁၈ နှစ်မပြည့်လဲ ဖတ်ပါ Menstruation ရာသီ မမှန်ခြင်း

August 09, 2010 8:13 PM
Q 1: ကျွန်မအသက် သုံးဆယ့်တစ်ပါ။ ကျွန်မ အခု (့) မှာပါ။ ကျွန်မမှာ တစ်နှစ်တစ်လ အရွယ် သမီးတယောက် ရှိပါတယ်။ ကျွန်မ သမီးကို ဗိုက်ခွဲပြီး မွေးတာပါ။ ကလေးက အခုထိ မိခင်နို့စို့တုန်းဘဲ။ ကျမ ရာသီက ကလေးမွေးပြီး လေးဆယ့်ငါးရက်ထဲက ပုံမှန်လာပါတယ်။

ဒီတခါ ရာသီလာတဲ့ အချိန်မှာ ပုံမှန် မဟုတ်ဘဲ၊ ၅ ရက် စောလာပြီး၊ သွေးက တစက်တစတ်ဘဲ ဆင်းတယ်။ အခုလို သွေးတစက်တစက် ဆင်းနေတာ တလနည်းပါး ရှိတော့မယ်။ ကျမ မည်သည့် ကိုယ်ဝန် တားဆေးကိုမှ မသုံးစွဲခဲ့ပါ။ ကျွန်မလဲ စိတ်ပူလို့ Pregnancy test နဲ့ စမ်းကြည့်တယ်။ Negative ဘဲပြတယ်။ စိုးရိမ်လို့ သူငယ်ချင်းတွေ မေးကြည့်တော့ သူတို့က ရာသီထိန်၊ ရာသီ ငုတ်တယ်လို့ ပြောကြတယ်။ ဒီက ဆေးခန်းကို ပြဖို့ကလဲ နားလည်မှု လွဲတတ်လို့ ဆရာ့ဆီက အကူအညီ တောင်းတာပါ။ ဘဲလို ဆေးမျိုး သောက်သင့်လဲနှင့် ရောဂါအကြောင်းကို ဖြေကြားပေးပါရှင့်။

ဘာမှ မစိုးရိမ်ပါနဲ့။ ရက်စောလာတာလည်း ကိစ္စမရှိပါ။ နည်းတာလဲ အဲလိုဘဲ။ မှန်လာပါလိမ့်မယ်။ ကလေးနို့တိုက်နေချိန်မှာ နောက်ကိုယ်ဝန်ရှိဘို့ ပိုနှေးတတ်တယ်။ ကလေးကို ၁ နှစ်ဆို နို့ဖြတ်သင့်ပြီ။ ၆ လ အရွယ်ကတည်းက အစာကြွေးရမယ်။ ဖြေးဖြေး တိုးတိုးကြွေးပေါ့။ နို့ဖြတ်မှလဲ ကလေးက တခြားအစာ စားလာမယ်။

ဆီးစစ်လိုက်တာ ကောင်းတယ်။ အခုလို မရပ်သေးတာ သားအိမ်ခြစ်စရာလဲ မလိုဘူး။ ခပ်လွယ်လွယ် ဆေးနည်းပေးပါမယ်။ ကိုယ်ဝန်တားဆေး Contraceptive pill ကို သောက်နိုင်တယ်။ လူအများစုသောက်တဲ့ ဆေးပြောတာပါ။ ဆေးကပ်တိုင်းမှာ အရောင် ၂ မျိုးပါတယ်။ အဖြူရောင် ၂၁ လုံးကို တနေ့ ၁ လုံးသောက်နေသမျှ သွေးမဆင်းပါ။ ရာသီရက် မမှန်သူတွေကို ဒီနည်းက အလွယ်ဆုံးဘဲ။ အိမ်ထောင်မရှိတဲ့ မိန်းကလေးတွေဆိုရင် ဆေးအကြောင်း ရှင်းပြလိုက်ပြီး၊ ဆေးလုံးလေးတွေကို ဆေးကပ်ကနေ ထုတ်ပြီး ပေးရတယ်။ သူများမြင် အထင်မလွဲအောင်ပေါ့။ တချို့ကို အဲလို ၃-၄ လ အသောက်ခိုင်းရင် ပြန်မှန်သွားနိုင်တယ်။

ကလေးငယ်ရှိသူတွေကိုတော့ နို့ထွက်နည်းစေတတ်လို့ နောက်နည်း လုပ်ရတတ်တယ်။ မေးတဲ့လူအတွက်တော့ ဒီအရေး ပူစရာ မလိုလောက်ဘူး ထင်ပါတယ်။ ဟော်မုန်းတမျိုးထဲပါ တားဆေးက နို့ထွက်တာကို မထိခိုက်ပါ။

အထောက်အကူ ရစေအောင် ဗီတာမင် စီ ၅ဝဝ မီလီဂရမ် တနေ့ ၁-၂ ပြားသောက်ပါ။ သံဓါတ်နဲ့ ဖေါလစ်အက်စစ်လည်း သောက်ပါ။ ဗီတာမင် ဘီအုပ်စုလည်း သောက်ပါ။

၉-၈-၂ဝ၁ဝ

Aug 9, 2010 at 1:57 PM
Q 2: နားနဲ့မနာ ဖဝါးနဲ့နာပါ။ ဒီတစ်လ ဓမ္မတာလာတာ နဲနဲဆန်းတယ်။ အရင်လတွေကနဲ့ ပုံမှန် မဟုတ်လို့ပါ။ အရင်လက ၁၄ ရက်နေ့မှာ စပြီးတော့ ၁၄-၁၅ ဆက်တိုက် ဆင်းပါတယ် ၁၆ ရက်နေ့မှာ တစ်ရက် တန့်သွားပါတယ်။ ပြီးမှ ၁၇ နဲ့ ၁၈ ရက်မှာ ပြန်ဆင်းပါတယ်။ ဆရာရေးခဲ့တဲ့ စာတွေအရ စိတ်ဖိစီးမှုကြောင့်လို့ မှတ်ယူထားပါတယ်။ ဒီလကျတော့ ၁ ရက် နေ့မှာ စဆင်းပြီး၊ ၁ ရက် ၂ ရက် ၃ ရက် ဆက်တိုက်က သာမန်မဟုတ်ပဲ အခဲတွေ ဆင်းတယ်။ အရောင်ကတော့ ညိုညစ်ညစ် အရောင်မျိုးဖြစ်ပြီး၊ အနံ့ နဲ့ ခံစားမှုတော့ မရှိပါဘူး။ ခါးကိုက်တာတို့ ဗိုက်နာတာတို့လဲ မရှိပါဘူး။ ပြီးတော့ ၄ ရက်နေ့က နေစပြီး ပုံမှန်အတိုင်း ပြန်ဆင်းတာကိုက အရမ်းများတယ်။ ဒီနေ့ထိတော့ မရပ်သေးပါဘူး။ အခု ရက်ပိုင်းတော့ နဲတော့ နဲသွားတယ်။ ဓမ္မတာ လာခါနီးဆို အဖြူဆင်းတယ်။ ဒါပေမယ့် ဒီတစ်ခေါက် အဖြူလဲ မဆင်းပါဘူး။ အဲဒါ ဘာကြောင့်ပါလဲ။ စိုးရိမ်စရာ ရှိပါသလား။ အရင်ကတော့ ရှမ်းပျိုမယ် သွေးဆေး သောက်ပါတယ်။ နာကျင်မှုအတွက် Dofenal 500 mg တစ်နေ့ တစ်လုံး သောက်ပါတယ်။ ကောင်းကျိုး-ဆိုးကျိုး ပြောပြပေးစေလိုပါတယ်။ နောက်ပြီး တလွဲယူဆထားတာက ဓမ္မတာလာရင် ခေါင်းမလျှော်ရ ဆိုတာလဲ ရှိပါတယ်။ မတည့်တဲ့ အစာတွေအဖြစ် ပြောင်းဖူးတို့ မာလကာသီးတို့ မစားရဘူး ဆိုတာလဲ ရှိပါတယ်။ အဲလိုမျိုးတွေလဲ တကယ်ရှိလား။ ဒါတွေနဲ့ ဆိုင်-မဆိုင်လဲ သိချင်ပါတယ်။ အသက်က ၂၂ နှစ်ပါ။

မိန်းကလေးတွေ၊ အမျိုးသမီးတွေ ရာသီ မမှန်တတ်တာ အတော်များများ ဖြစ်ကြရတယ်။ များသောအားဖြင့် စိုးရိမ်စရာမလို၊ ဆေးကုစရာ မလိုတတ်ပါ။ အသက်ငယ်တုံး၊ အပျိုဘော်ဝင်စနဲ့ သွေးဆုံးခါနည်းရင် မမှန်ဘူး။ အခုလို ၂၂ နှစ် အရွယ် ကတော့ မှန်သင့်တဲ့ အရွယ်လို့ ပြောနိုင်တယ်။ ဒါလဲဘဲ သိပ်မစိုးရိမ်ပါနဲ့။

ရာသီဆင်းတယ်ဆိုတာ၊ မျိုးပွါးလမ်းကြောင်း ခန္ဓာဗေဒ ခေါ်တဲ့ ရုပ်ပိုင်းဆိုင်ရာ၊ ဇီဝကမ္မ ဖြစ်စဉ်ခေါ်တဲ့ အလုပ်ပိုင်း ဆိုင်ရာတွေ ကောင်းမွန်၊ မှန်ကန်နေရမယ်။ ဒါ့အပြင် စိတ်ပိုင်းဆိုင်ရာကလည်း သက်ရောက် လွှမ်းမိုးသေးတယ်။ ပယောဂ ပြောရမဲ့ သက်ရောက်လာမှုတွေလည်း ထည့်တွက်ရသေးတယ်။ ပယောဂ ဆိုတာ ဗိန္ဓော-ရမ်းကု ပြောတာ မဟုတ်ဘူးနော်။ ပြင်ပကနေ တခုခု ဖြစ်စေတာကို ဆိုချင်တာ။ ဆိုပါစို့ တခြား နေမကောင်းတာရှိလို့ ဆေးသောက်တာကနေ ရာသီဖြစ်စဉ်ကို လာထိခိုက်တာမျိုး။

ဆေးခန်းမှာ ဆရာဝန်လုပ်တဲ့လူက သူတို့စကား မတတ်လို့ ဆရာမတွေဆိုတာက စကားပြန်ရော သူနာပြုပါ လုပ်ကြရတယ်။ အမျိုးသမီး လူနာတွေကို ဘယ်လိုမေးပါ သင်ပေးထားတယ်။ “ရာသီမမှန်” လို့ ဘာသာပြန်ပေးရင်၊ “ဒါနဲ့ မရသေးဘူး။ မမှန်ဘူးဆိုတာ၊ မလာတာ၊ နည်းတာ၊ များတာ၊ အကုန်လုံး မမှန်တာချည်းဘဲ။”

ရာသီများရင် တမျိုး၊ များတာက ရက်လဲပိုနိုင် ဆင်းတာလဲ များနိုင်တယ်။ ထိန်ပြီးမှ များများဆင်းတာက အိပ်ထောင်သည် ဆိုရင် (သမီးရည်းစား လည်းပါတာပေါ့) သားပျက်တာလား။ ဆယ်ကျော်သက်လဲ မဟုတ်၊ ၄၅ နှစ်လည်း မရောက်သေး၊ အိမ်ထောင်လဲ မရှိရင် တခြားဟာတွေ စဉ်းစားရပြီ။

မေးတာတွေ ကုန်ရင် စစ်တာ လိုလာနိုင်တယ်။ ကိုယ်ဝန်ရှိ-မရှိစစ်တာ ခုခေတ်မှာ ဆရာဝန်ပါစရာ မလိုဘူး၊ သူတို့ဖါသာ စစ်လို့ ဘာမှန်းမသိမှ ဆရာဝန် လာပြသူတွေလည်းရှိတယ်။ ဒီလို ပုံမှန်မဖြစ်တာကို မွေးလမ်းကြောင်းစမ်းတာ လိုနိုင်တယ်။ သွေးစစ်၊ (အာလ်ထွာဆောင်း)၊ ဓါတ်မှန်၊ စတာတွေလိုချင် လိုအုံးမယ်။

Dofenal ဆေးက Mefenamic acid ဖြစ်တယ်။ အနာ-အကိုက်-အဖျား သက်သာဆေးဖြစ်တယ်။ အင်ဒိုနီးရှား၊ မြန်မာ၊ ဖိလစ်ပိုင် နဲ့ ဗီယက်နမ် တို့မှာ ဒီနံမယ်နဲ့ ရောင်းတယ်။ ၂၅ဝ-၅ဝဝ မီလီဂရမ် ကို တနေ့ ၃ ကြိမ်အထိ သောက်နိုင်တယ်။ အစာနဲ့ နီးရမယ်။ ၇ ရက်ထက် ပိုမသောက်သင့်ဘူး။ အသဲ၊ ကျောက်ကပ် မကောင်းရင်၊ အစာအိမ်နာရှိရင်၊ ပန်းနာ၊ ရေခမ်းခြောက်တာ ရှိနေရင် မသောက်သင့်ဘူး။

သွေးဆေးအကြောင်းကို ဆေးပညာမှာ သုတေသနလုပ်ထားတာ မရှိသေးဘူး။ ဆရာဝန်တွေရဲ့ အမေ၊ အဒေါ်၊ အမတွေ ကတော့ လက်စွဲဘဲ။ ရာသီဖြစ်စဉ်နဲ့ ပြောင်းဖူး၊ မာလကာသီး၊ ခေါင်းလျှော်တာတွေရဲ့ ပတ်သက်မှုကို သင်ဘူး ဖတ်ဘူးတဲ့ ဆေးစာတွေမှာတော့ မတွေ့ရသေးဘူး။ စာဖတ် နည်းသေးလို့လားတော့ မသိဘူး။ ရှာပါအုံးမယ်။

ဒီအဖြစ်မျိုးက မေးတဲ့သူကို ဆေးနည်းလှမ်းပေးလို့ မကောင်း-မမှန်နိုင်ဘူး။ ရောဂါဆိုးလို့ ပြောတာတော့ မဟုတ်ဘူးနော်။ မေးမြန်း-စစ်ဆေးပြီးရင် တချို့အတွက် ကုရတာ လွယ်လွယ်လေးနဲ့ ပြီးတာတွေ ရှိတယ်။ OG ဖြစ်ဖြစ်၊ ဆရာဝန်ဖြစ်ဖြစ် ပြသင့်ပါတယ်။

၉-၈-၂ဝ၁ဝ

Q 3: သမီးက အသက် ၂၃ နှစ်ပါ။ သိချင်တာလေးတွေ မေးပါရစေ။ သမီးက ရာသီလာတာ မမှန်ပါဘူး။ တခါတလေ ၂ လမှ တခါ လာပါတယ်။ အရင်ကတော့ အမေက သွေးဆေး အမြဲတိုက်ပါတယ်။ မြန်မာဆေးတွေ။ ခုက ဒီမှာ ဝယ်လို့လည်း မရပါဘူး။ ခု ဝက်ခြံတွေလည်း မျက်နှာမှာရော ကျောမှာပါ ပိုပေါက်လာပါတယ်။ သူငယ်ချင်းကပြောလို့ ဂျင်းပြုတ်ရည် လည်း သောက်ပါတယ်။ ဆရာရှင့် ဘယ်လိုလုပ်ရမလဲဆိုတာ ဖြေကြားပေးပါရှင်။

ရာသီမမှန်တာ မိန်းကလေးအတော်များများမှာ ဖြစ်လေ့ရှိတယ်။ ၂ လမှ တခါလာယုံနဲ့ ဘာမှ စိုးရိမ်စရာ မလိုပါ။ ဝက်ခြံလဲ ပေါက်တယ်ဆိုရင် အပျိုဖြစ်မှာပေါ့။ သိပ်ရင်းနှီးလွန်းတဲ့ သမီးရည်းစားတောင် ထားပုံမရဘူး။ ဆေးပညာအရ ဖြစ်ဘို့ များတာကို ပြောတာပါ။ ကိုယ်ရေးကိုယ်တာ စပ်စုတာမဟုတ်ပါ။ ဗေဒင်ဟောတာလဲ မဟုတ်ဘူး။ မမှန်ရင်လဲ “မှားသော ဆေးသမား ရှိ၏” လို့ မှတ်ပါ။

ဗမာသွေးဆေးတွေကလည်း အသုံးတည့်သူတွေမှာ တည့်တယ်။ ချင်းပြုတ်ရည်ကလည်း တချို့အတွက် အလုပ် ဖြစ်တတ်ပါတယ်။ မိန်းကလေးရဲ့ ကျန်းမာရေးကို ပိုပြီးသိရရင် ပိုကောင်းမယ်။ “ပိန်သလား၊ ဝသလား၊ ပိန်လာနေသလား။ ကျန်းမာရေး နောက်ကြောင်းမှာ ထူးခြားတာရှိသလား။ ဆေးရုံတက်ရဘူးတာ၊ ဓါတ်မှန်ရိုက်တာ”။ မသိတာ အသာထားပြီး ယေဘုယျ ဖြေပါ့မယ်။

ရာသီမမှန်တာမှာ ပတ်ဝန်းကျင်လို့ ခေါ်လေ့ရှိတဲ့ အကြောင်းခံရှိတတ်တယ်။ နေမကောင်းတာ ဥပမာ တီဘီ၊ စိတ်ဖိစီးမှု များတာ၊ အာဟာရ မပြည့်တာ၊ သွေးအားနည်းတာ၊ လေ့ကျင်ခန်း-အလုပ် များလွန်းတာ၊ ခရီးထွက်ရဖန် များတာတွေ ပါတယ်။ ဒါ့ကြောင့် ဒါတွေကို ပြင်ပါ-ကုပါ။

နောက် အကြောင်းခံ တမျိုးကတော့ ဇီဝကမ္မအပြောင်းအလဲ ရှိလို့ပါ။ ရာသီဆင်းတာကို ထိန်းကြောင်းပေးနေတာ သုံးခုဟာ အထာမကျရင် ရာသီလာ မမှန်ဘူး။ နောက်ဆုံးအကြောင်းခံတခုကတော့ Polycystic ovarian syndrome ရောဂါပါ။ လိုမယ် ထင်ရင် ဒီနှစ်မျိုးအတွက် OG ပြပါ။ Oligomenorrhea ခေါ်တဲ့ ရာသီနည်းလွန်းရင် သားသမီး မရနိုင်တာ ဖြစ်စေတတ်တယ်။ ဒါတွေ ထည့်ရေးတာက ဆရာဝန်တယောက်အနေနဲ့ မပြည့်မစုံရေးလို့ မကောင်းတဲ့ အတွက်ပါ။ လူ ၁ဝဝ-၁ဝဝဝ မှာ ၁ ယောက် ဖြစ်တာလဲ ပါရတယ်။

ဝက်ခြံဆိုတာ ရာသီဆင်းတာလိုဘဲ ဟော်မုန်းဓါတ် အပြောင်းအလွဲကြောင့်ဖြစ်စေတာပါ။ လူတိုင်းမှာ ကျား-မ ဟော်မုန်း ၂ မျိုးလုံးရှိကြတယ်။ Androgens ကျားဟော်မုန်းက ပိုကဲနေရင် ရာသီနည်းတာ ဖြစ်စေတယ်။ အရေပြား မသန့်ရှင်းတာ၊ လေထု မသန့်တာကြောင့်လဲ ဖြစ်စေနိုင်သေးတယ်။

သနပ်ခါးအစစ် သဘာဝဖြစ် အလှအပ အသုံးအဆောင်သာ သုံးပါ။ ကြော်ညာကောင်း (ကော့စ်မက်တစ်) တွေ မသုံးသင့်ပါ။ အဆီ-အငန်များ အစားအစာ ရှောင်ပါ။ တကယ်လို့ အနာရင်းသလို ဖြစ်လာရင်၊ ပြည်တည်ရင် Tetracycline, Erythromycin ၂၅ဝ မီလီဂရမ် ၆ နာရီခြား၊ ဒါမှမဟုတ် Doxycycline ၁ဝဝ မီလီဂရမ် ၁၂ နာရီခြား၊ ၄-၅ ရက် သောက်ပါ။

ဝက်ခြံကို လက်နဲ့ ခဏခဏ မကိုင်ပါနဲ့။ မျက်မှာမှာ ပေါက်တဲ့ ဘာအနာဖြစ်ဖြစ် မမှည့်သေးခင် ညှစ်မထုတ်ရပါ။ သွေးအားအတွက် Ferrous ဆေး၊ Folic acid ဆေးတွေသောက်ပါ။ ဝက်ခြံအတွက် ဗီတာမင် B အပြင် A သောက်ဘို့ လိုတယ်။ Zinc ဓါတ်များ အစားအစာ (ပင်လယ်စာ၊ အစေ့အဆံ၊ အသဲ၊ ငါး၊ ဥ၊ ဂျုံ၊) နဲ့ Chromium ဓါတ်များ အစားအစာ (သစ်သီးဖျော်ရည်၊ ငှက်ပျောသီး၊ စပျစ်သီး၊ အာလူး၊ အမဲသား၊ မုံလာဥစိမ်း၊ ကြက်သွန်ဖြူ၊) စားပါ။

တကိုယ်ရေ သန့်ရှင်းရေး လုပ်ပါ။ ခေါင်းအုံးစွပ် ၂ ရက်တခါ လဲပါ။ မျက်နှာကို ဆံပင်က လာလာမထိစေသင့်ပါ။

လစဉ် ရာသီလာနေသူများလဲ ဝက်ခြံပေါက်တတ်တယ်။ တရားခံက Androgens ပါဘဲ။ ဝက်ခြံမှာ ခေါင်းဖြူ-ခေါင်းမဲ ၂ မျိုး ရှိတယ်။ အဖြူက အရေပြားထဲ မြုတ်နေပြီး၊ အမဲက အပေါ်မှာ။ ပြည်ဖြစ်လာရင် ဝါလာမယ်။ သန့်ရှင်းရေး လုပ်တာက အပြင်းစားမဟုတ်တဲ့ ဆပ်ပြာ၊ ဗက်တီးရီးယားသေစေနိုင်တဲ့ neem soaps ဆပ်ပြာလဲကောင်းတယ်။ မျက်နှာ အဆီမပြန်စေနဲ့။ မိတ်ကပ်သုံးစရာရှိရင် နဲနဲ-ပါးပါးသာသုံးပါ။ အရေပြားက (ဆဲလ်)တွေ လေဝအောင်လို့။ သေသွားတဲ့ (ဆဲလ်) ခပ်ညိုညိုတွေကို အသာအယာ ဖယ်ထုတ်ပေးပါ။ ရေနွေးလေးနဲ့ မျက်နှာသစ်ပါ။ ရေများများသောက်ပါ။ နံ့သာဖြူလိမ်းတာလဲ ကောင်းပါတယ်။

ရာသီမှန်လာမယ်ဆိုရင် ဝက်ခြံပါ သက်သာလာမယ်။ အိမ်ထောင်ရက်သား ကျသွားသူများ ပျောက်သွားတယ်။ အိမ်ထောင် မရှိသေးသူကို ရှိအောင် အားပေးတာ မဟုတ်ပါ။ အိမ်ထောင်ပြုတယ်ဆိုတာ “နောင်ပြင်ရန် ခက်သည့်အမျိုး သုံးပါး” ထဲမှာပါလို့ ဝက်ခြံ ပျောက်ချင်တာလေးနဲ့ မမြန်ဆန်လေနဲ့။

အပျိုလေး-အပျိုကြီးများလည်း ကိုယ်ဝန်ဆောင် တားဆေး (အများဆုံးသုံးကြတဲ့ ဟော်မုန်း ၂ မျိုးတွဲ စားဆေး) ကို သောက်ရင် ရာသီလာရက် မှန်စေတယ်။ ၂၈ ပြားပါတဲ့ ဆေးကပ်မှာ ၂၁ လုံးက အရောင်တမျိုး၊ ၇ လုံးက အရောင်တမျိုး လာလေ့ရှိတယ်။ အဖြူရောင် ၂၁ လုံး သောက်နေတုံး ရာသီမလာဘဲ၊ ဒီဆေးလုံးတွေ ကုန်တာနဲ့ ရာသီလာမယ်။ ဒီဆေးကပ်ကို အနည်းဆုံး ၃-၄ လ ဆက်သောက်လိုက်ရင် သူ့ဖါသာသူ ရာသီလာရက် မှန်စေနိုင်တယ်။

ဆရာ့ဆေးခန်းမှာ ဒီလိုဖြစ်တဲ့ မိန်းကလေးတွေလာရင် ကိုယ်ဝန်တားဆေးကပ်ကို တလုံးချင်း ဖေါက်ပြီး ပေးလိုက်တယ်။ အပျိုမိန်းကလေးကို သူများမြင် အထင်မလွဲစေအောင်ပေါ့။ ကောင်းသွားကြပါတယ်။

Dr. တင့်ဆွေ
၂၁-၄-၂ဝ၁ဝ

Q 4: သမီး ပုံမှန်ရာသီက ၂၈ ရက် ၁ ခါ လာပါတယ်။ ဒါပေမယ့် ရာသီလာပြီး ၁ဝ ရက် ၂ ပတ်လောက်နေရင် နဲနဲ ပြန်လာနေတတ်တယ်။ ပုံမှန်လိုတော့ မဟုတ်ဘူး။ အပေ့ါသွားရင် ထွက်လာတာမျိုး အဖြူနဲ့ ရောပြီး ထွက်လာတာမျိုး။ Daily pad အသေးလေးတွေ သုံးရတာပေါ့။ အဲဒါဘာလို့ဖြစ်တာလဲ။ တခုခုများ အထဲမှာ ဖြစ်နေလို့လား။ အရင်က မဖြစ်ဖူးပါဘူး ဒီလိုဖြစ်တာ ၃-၄ လ လောက်ပဲ ရှိပါသေးတယ်။ လွန်ခဲ့တဲ့ ၁ ပတ်က အိမ်ထောင်ကျပါတယ်။ မင်္ဂလာဦးည ပြီးတော့ နောက် ၃-၄ ရက် လောက်မှာ အဲလိုမျိုး ဆီးသွားတဲ့အချိန် လေလည်တဲ့အချိန်မျိုးမှာ အနီထွက်လာတယ်။ အဲဒါက ပုံမှန်ပဲလား။ အဲလိုဖြစ်တဲ့ ဒီအပတ်မှာ ပြန်နေဖြစ်တော့ စ စခြင်းတော့ ဘာမှ မဖြစ်ပေမယ့် နောက်တော့ အနီနဲနဲ ဆင်းလာတယ်။ သမီးတို့ အသက် ၂၈ ကိုယ်စီပါ။ ယောက်ျားကတော့ ဘာမှ မဖြစ်ပါဘူး။ ကျန်းမာပါတယ်။ နောက်ပိုင်းမှာ နာကျင်မှုတော့ မရှိပါဘူး။ ကိုယ်ဝန်တားဆေး မသုံးပါဘူး။ ယားတာတော့ မဖြစ်ပါဘူး။ အရင်ထဲက အဖြူကတော့ တခါတလေ ဆင်းတယ်။ အိမ်ထောင်ကျတာ ပြီးခဲ့တဲ့ အပတ်ကမှပါ။ အိမ်ထောင်မကျခင် ၄-၅ လ လောက်မှာ အဲလို ဖြစ်တာကို သတိထားမိတာပါ။ အနီသက်သက်ဆင်းလာတာမျိုး အဖြူနဲ့ ရောပါလာတာမျိုးပါ။ သူလဲ လန့်နေသလို သမီးလဲ လန့်နေတယ်။

အိမ်တောင်ကျတာနဲ့ မဆိုင်ဘဲ မကျခင်ကတည်းက ဖြစ်တာမို့ အိမ်ထောင်ဘက်က ပြဿနာ မဟုတ်နိုင်တော့ပါ။ လိင်ကတဆင့် ကူးစက်ရောဂါ STD တွေကိုပါ လက်ညှိုးထိုးစရာ မလိုတော့ဘူးပေါ့။

ဖြစ်တတ်တဲ့ အခြေအနေတခုသာ ဖြစ်တယ်။ မစိုးရိမ်ပါနဲ့။ ရာသီများလာတဲ့သဘောဖြစ်ဘို့ များတယ်။ ဒီအသက်မျိုးမှာ ရောဂါကြီး မဖြစ်သလောက်ပါ။ ဆီးစပ်နေရာကို ဖိကြည့်လို့လဲ နာပုံမပေါ်ပါ။ နာရင် မျိုးပွါးလမ်းကြောင်း ပိုးဝင်တာမျိုး စဉ်းစားရတယ်။ အခု ဟုတ်ပုံမရပါ။ တခြားနေရာ (နှာခေါင်း၊ သွားဖုံး) ကနေ သွေးမယိုတာ မဖြစ်ဘူးလို့ ယူဆပါတယ်။

ဒီတော့ ရာသီမှန်အောင်လုပ်ဘို့ဘဲလိုမယ်။ ဘာမှ မလုပ်ဘဲနေရင်တောင် မှန်လာတတ်သေးတယ်။ အိမ်ထောင်ကျ လိုက်တော့ ဟော်မုန်းအချိုးအစားလဲ ပြောင်းလာနိုင်လို့ပါ။

အိမ်ထောင်ကျပြီး ဆက်ဖြစ်နေသေးပြန်တာမို့ OG မပြခင် ဆေးစားကြည့်ပါ။ မွေးလမ်းကြောင်းစမ်းတာ လုပ်ရင် ပိုပြီး ခန့်မှန်းနိုင်တယ်။ အလွယ်ဆိုးနည်းကတော့ ကိုယ်ဝန်တားဆေး သောက်ပါ။ အများဆုံးသုံးနေကြတဲ့ ဟော်မုန်း ၂ မျိုးတွဲဆေးပြား သောက်ပါ။ တနေ့ ၁လုံး ၂၈ ရက် သောက်ရတာမျိုး ပြောတာပါ။ ရှာရတာလဲ အလွယ်ဆုံးဖြစ်တဲ့ဆေးပါ။ ရာသီ တခါဆင်းအောင် စောင့်ပါ။ ဆင်းတာရပ်တာနဲ့ ဆေး တနေ့ ၁ ပြားသောက်ပါ။ ဆေးမကုန်ခင် ရာသီ ပြန်မဆင်းပါ။ အဲလို လမှန်-ရက်မှန်ဖြစ်တာ ၃-၄ လ နောက်မှာ ရပ်လိုက်ပါ။ ဆေးကို မနက်ခင်း သောက်တဲ့အကျင့်လုပ်တာ ကောင်းတယ်။ မေ့သွားရင် နေ့ခင်းသောက်လိုက်လို့ ရတာမို့ ရက်မကျော်တော့ပါ။

အထောက်အကူအဖြစ် သံဓါတ်အားဆေးနဲ့ ဗီတာမင် စီ သောက်ပါ။ ကျန်းမာ-ချမ်းသာကြပါစေ။

Q 5:မိန်းကလေးများ အများအားဖြင် Menstruation လာတိုင်း ဗိုက်အောင့်ကြတယ်။ အဲဒါကို ဘယ်လိုလုပ်ပေးရမှာလဲ။ နောက်ဆက်တွဲပြဿနာ ရှိလာနိုင်သလား။ သိရင်ဝေမျှပေးပါ။

A: ရာသီလာရင်နာတာ Dysmenorrhea မှာ နောက်ဆက်တွဲ ပြဿနာ မရှိပါ။ NSAIDs ခေါ်တဲ့ Aspirin, Ibuprofen, Ketoprofen, Naproxen, Meferannic acid စတဲ့ အနာ-အကိုက်-အဖျား သက်သာဆေး တခုခု သောက်ပါ။ နေရာတကာ ဝယ်လို့ရပါတယ်။ ကုမ္ပဏီတွေက ဆေးကို နာမယ် အမျိုးမျိုး ပေးကြတယ်။ နာတတ်တဲ့သူတွေ သွေးဆင်းစ ကတည်းက သောက်သင့်တယ်။ ၂-၃ ရက် ထက်မလိုပါ။ တနေ့ ၃ ကြိမ်ဆို ရတယ်။ ဆေးကို အစာနဲ့ နီးပါစေ။ တကယ် လေနာရှိရင် သတိထား သောက်ပါ။ ဒီဆေးနဲ့မှ မရသူတွေကို Oral contraceptives ကိုယ်ဝန် တားဆေး ပေးရတယ်။ နာတဲ့နေရာကို ရေနွေးအိပ် ကပ်နိုင်တယ်။ လေ့ကျင်ခန်း လုပ်သင့်တယ်။ ရေနွေးနဲ့ ရေချိုးသင့်တယ်။

Dr. တင့်ဆွေ


Related Posts :



25 comments:

MAYLAMINN said...

ဆရာ ရာသီမှန်အောင် သန္ဓေတားဆေးကို သောက်ရမှာတော့ ဟုတ်ပါပြီ၊ ဘယ်ရက်ကနေ ဘယ်ဆေးလုံးကို စသောက်ရမှာလည်းဆိုတာ သိချင်ပါတယ်ရှင်။ တချို့တွေက တားဆေးသောက်နေရင်း ကလေးရှိသွားတတ်တယ်ဆိုတဲ့ အခက်အခဲမျိုးတွေ မဖြစ်ချင်လို့ပါ။
လေးစားစွာဖြင့်
မေ

Dr. Tint Swe said...

MAYLAMINN said...
တားဆေး အမျိုးအစားက ဟော်မုန်း ၂ မျိုးတွဲပါ၊ လူတကာသောက်၊ ဈေးလဲ အချိုဆုံး၊ ရှာလို့လဲ အလွယ်ဆုံးဆေးမျိုး ဖြစ်ပါတယ်။ ရာသီစလာတဲ့နေ့ကနေ စသောက်ရပါမယ်။ ပဌမလဆိုရင် ရာသီသွေးရပ်မှ သောက်လဲ ရတယ်။ ဆေးကပ်မှာ အရောင် ၂ မျိုးပါလေ့ရှိတယ်။ ၂၁ လုံးနဲ့ ၇ လုံး။ ၂၁ လုံးပါ ဆေးတွေကနေစပါ။ နောက် အရောင်ရင့်ဆေးတွေ သောက်နေရင်း ရာသီပြန်ဆင်းပါမယ်။ ရက်မှန်သောက်နေရင် ကြားရက်မှာ ရာသီမဆင်းပါ။ ရက်သာမက အချိန်လဲမှန်လေ ကောင်းလေ ဖြစ်တယ်။ မနက်အကျင့် လုပ်သူက မေ့နေလို့ နေ့ခင်းသောက်ရင် ရက်မကျော်စေနိုင်ဘူး။

The combined pill ဆေးနှစ်မျိုးတွဲစားဆေးတွေကို COC လို့လည်းခေါ်တယ်။ Estrogen and Progestogen ခေါ် အမျိုးသမီး ဟော်မုန်း နှစ်မျိုး ပူးတွဲပါတယ်။ မျိုးဥအိမ်က လစဉ်ထွက်ရမဲ့ မျိုးဥကိုထွက်မလာစေဘို့ တားဆီးပေးတယ်။ သားအိမ်အဝရှိတဲ့ ချွဲရည်ကို ထူပြစ်စေတယ်။ သားအိမ်အတွင်းနံရံကို ပါးလွှာစေတယ်။ စနစ်တကျသုံးရင် ၉၉% စိတ်ချရတယ်။ သွေးဆင်းရက် မှန်စေတယ်။ ရာသီ မလာမီ ဖြစ်တတ်တဲ့ လက္ခဏာတွေ နည်းစေတယ်။ ဝက်ခြံ၊ အလုံး-အကြိတ်၊ ကင်ဆာ ဖြစ်နိုင်ခြေ နည်းနိုင်တယ်။

မကောင်းတဲ့ လက္ခဏာတွေကတော့ ခေါင်းကိုက်၊ ပျို့-အန်၊ ရင်သားတင်းခြင်း၊ ရှားရှားပါးပါး သွေးဖိအားတက်ခြင်း၊ သွေးခဲခြင်း။ တချို့က ၀လာတယ်။ တချို့ပိန်တယ်။ တချို့ ဘာမှမဖြစ်ဘူး။

ကိုယ်ဝန်ရှိနေပြီဆိုရင် မသုံးရပါ။ အသက် ၃၅ ကျော်လျင်၊ အဝလွန်လျင်၊ သွေးခဲတတ်သည့်ရောဂါ၊ နှလုံးရောဂါ၊ ရင်သား-ကင်ဆာ၊ (မိုင်ဂရိန်း) ခေါင်းမူး-ခေါင်းကိုက်ရောဂါ၊ အသဲ-သဲခြေရောဂါ၊ ဆီးချိုရောဂါများ ရှိနေရင် မသုံးသင့်ပါ။

ဆေးသောက်ပါလျက် ကိုယ်ဝန်ရှိတာ အတော်ကြီးနည်းတယ်။ ကိုယ်ဝန်ရှိပြီးမှ ဆေးသောက်လို့လည်း ဖြစ်နိုင်တယ်။ ဒီဆေးသောက်တာ ရက်မကျော်ရပါ။ အစပိုင်းလတွေမှာ ကြားရက် သွေးနဲနဲ ဆင်းတာ ဖြစ်တတ်ပေမဲ့ နောက်ဆို မဖြစ်တော့ဘူး။ ဆေးထဲမှာပါတဲ့ ဟော်မုန်း အနည်းအများက တိုင်းပြည်တခုနဲ့ တခုမှာ မတူကြပါ။

ဆေးက ကိုယ်ဝန်ဖြစ်လာမှာကိုသာ တားဆီးတယ်။ ကိုယ်ဝန်ဖြစ်လာပြီးတာကို သက်ရောက်မှာ မဟုတ်ပါ။ ကိုယ်ဝန် ဆောင်နေတုံးမှာ ကိုယ်က ထုတ်ပေးနေတဲ့ ဟော်မုန်းတွေမှာ ဒါမျိုးလည်းပါတယ်။ ဒီဆေးသောက်မိရင် အချိုးအဆ ပြောင်းသွားစေနိုင်တယ်။ ဒါ့ကြောင့် ကိုယ်ဝန်မရှိမှ အသောက်ခိုင်းတာပါ။ မတော်တဆ သောက်ခဲ့ရင် ကိုယ်ဝန်-မိခင်ကို ထိခိုက်တာအတွက် သုတေသန လုပ်ထားတာ မတွေ့သေးပါ။

nsandar said...

ဆရာရှင့် ကျွန်မက microgynon ED ဆိုတဲ့သန္ဓေတားဆေးသောက်ပါတယ်။ ပြသနာက ကျွန်မက အားဆေးနောက်ဆုံး၂လုံးလောက်သို့ ၁လောက်ကျန်တဲ့အချိန်မှ ရာသီလာပါတယ်။ အဖြူပြန်သောက်ရင်ရာသီမလာဘူးဆိုလို့ ရာသီလာပြီးချိန်ထိစောင့်ပြီးမှ ဆေးအဖြူပြန်သောက်ပါတယ် အဲတာမှန်ပါသလား။ အခု၂လရှိပြီရာင်္သီအလွန်နည်းပါတယ်။ ကျွန်မသားကိုဗိုက်ခွဲပြီးမွေးပါတယ် ၆လရှိပါပြီး နို့မတိုက်တော့ပါ။ (ကိုယ်ဝန်မရှိခင်တုန်းက အဲဆေးသောက်တာ သွေးတိုးဖူးပါတယ်)

Dr. Tint Swe said...

nsandar said...
Microgynon 30 ED ကိုယ်ဝန်တားဆေး တင်လိုက်ပါပြီ။

Crystal said...

ဆရာရှင်းပြတာ ပြည့်ပြည့်စုံစုံဖြစ်လို့ ကျေးဇူးတင်ပါတယ်ဆရာ။

MAYLAMINN said...

ကျမ အန်တာမျိုးတွေ ဖြစ်တယ်ဆရာ ဆက်သောက်လည်းရတယ်ပေါ့နော်။

may said...

ဆရာကိုတစ်ခုလောက်မေးချင်ပါတယ်ဆရာ
မိန်းခလေးတစ်ယောက်ကစီးပိုးဖြစ်နေရင်
ဘာလုပ်ရမလဲဘာဆေးသောက်ရမလဲ
ဘာတွေကရှောင်ကြဉ်ရမလဲ
ဘယ်လိုကုရမလဲဆရာအဲဒါကိုသိချင်ပါတယ်

ဆရာကိုလေးစားစွာဖြင့်
သမီး

zar kyi said...

ဆရာသမီးအသကိက၂၀ပါ ရာသိမလာတာ၂လကျေ်နေပြီဆရာ သမီးအရမ်းဆိုး၇ိမ်နေတယ် ကန်တော့နော်ဆရာ အဖြူတပတ်လောက်ဆင်းတယ် သမိးကိုအမြန်ဆု့းကူညိပေးပါဆရာဘယ်လိုလုတ်ရမလဲးဆိုတာကိုဆေးတွေလဲးအများကြီးတောက်တယ် ရာသိမလာဘူးဆရာ

Dr. Tint Swe said...

To zar kyi
ဖြစ်တဲ့သူရဲ့ အသက်၊ အိမ်ထောင်ရေး-ဆက်ဆံရေး စတာတွေနဲ့အတူ တိုက်ရိုက်မေးပါ။
drswe01@gmail.com

Dr. Tint Swe said...

To may said...
Hepatitis C (စီ) ပိုး http://www.yamunaclinic.org/index.php?option=com_content&view=article&id=3077:hepatitis-c-&catid=30:medical-writings-&Itemid=46
Hepatitis C (2) စီ ပိုး နောက်ဆက်တွဲ http://www.yamunaclinic.org/index.php?option=com_content&view=article&id=3078:hepatitis-c-&catid=30:medical-writings-&Itemid=46
တွေကို ဖတ်နိုင်ပါတယ်။

မြတ်သဇင် said...

ဆရာရှင့်...သမီးအသက်၁၇ပါရှင့်။အိမ်ထောင်ကျတာ တစ်နှစ်ရှိပါပြီ။အိမ်ထောင်ကျပြီးပြီးချင်းပဲ သမီး လက်မောင်းထဲ ထည့်တဲ့
ပစ္စည်းသုံးပါတယ်ရှင့်။၁၁လပိုင်း၆ရက်နေ့ ရောက်တော့ အဲဒါကို ပြန်ထုတ်လိုက်ပါတယ်ရှင့်။၁၂လပိုင်းမှာ ရာသီမပေါ်တာ ၄ရက်ရောက်လာလို့ အိမ်မှာ ဆီးစစ်ကြည့်တော့ Positiveဖြစ်နေပါတယ်ရှင့်။၃ခါလုံး ဒီအဖြေပဲ ထွက်ပါတယ်ရှင့်။နောက်၂ပါတ်လည်းရောက်ရော သွေးတွေ အရမ်းဆင်းပါတယ်။ပြီးတော့ လက်ဝါးတစ်ဝက်စာလောက်ရှိတဲ့ သွေးခဲ ရှည်မျောမျောတစ်ခုပါလာပါတယ်။သွေးကြောခရမ်းရောင်အကြောင်းလေးတွေ ပါပါတယ်ရှင့်။ခါးနည်းနည်းကိုက်တာက လွဲလို့ တခြားဘာမှ မဖြစ်ပါဘူးရှင့်။သွေးဆင်းတာကလည်း ခါတိုင်းလိုပဲ တစ်ပါတ်ပဲ ကြာပါတယ်ရှင့်။အဲဒါ ကိုယ်ဝန်ပျက်တာပါလားရှင့်။နောက်ထပ်ရော ကိုယ်ဝန်ထပ်ရနိုင်ပါသလားရှင့်။ဘယ်လောက်ကြာမှ ရနိုင်မလဲရှင့်။အသက်အရွယ်နဲ့ သားအိမ်ဆိုင်ပါသလားရှင့်။အခုအရွယ်မှာ ကိုယ်ဝန်ဆောင်ရင် ဘာအခက်ခဲတွေ ဖြစ်နိုင်ပါသလဲရှင့်။
ကျေးဇူးပြုပြီး ဖြေကြားပေးပါရှင့်။
မြတ်သဇင်

thi ha said...

I have sex with my gf we were sex for a long time and yesterday she had some blood on hers what is that problem and this case like she lost her virginity please answer if you could

minn myat said...

ဆရာ.. ရာသီလာပြီး ၅ရက်အတွင်းကိုယ်ဝန်ရနိုင်ပါသလား...
အပျိုအမှေးပါး မပေါက်သေးဘဲနဲ့ရော ကိုယ်ဝန်ရနိုင်ပါသလား...

သုတ်မထွက်ဘဲ.. အင်္ဂါ၂ခု တစ်ခဏ ထိရုံနဲ့.. အပျိုမှေးလည်း မပေါက်သေးဘဲနဲ့.. ရာသီလာပြီး ၅ရက်အတွင်းလည်း ဖြစ်တယ်ဆိုရင်... အဲ့လိုခဏထိရုံနဲ့ ကိုယ်ဝန်ရနိုင်ပါသလားဆရာ...???

ကျေးဇူးပြု၍ ဖြေကြားပေးပါဆရာ..

မိုးစက် said...

မင်္ဂလာပါ ဆရာ ...

ကျွှန်တော်နာမည်မိုးစက်ပါ ... ကျွှန်တော်ဇနီးခံစားနေရာတဲ. ဝေဒနာလေး မေးပါရစေ... သူအသက်က ၂၈ နှစ်ပါ ကျွှန်တော်အသက်က ၂၆ နှစ်ပေါ. .. ကျွှန်တော်တို.အိမ်ထောင်ကျတာ ၁ နှစ်ကျော်လောက်ရှိပါပြီ .. အခက်အခဲလေးတစ်ခုကြောင်.အတူတူမနေပဲ.တစ်ကွဲတစ်ပျားဆီမှာနေပါတယ် ..ဒါပေမယ်. ၃ ပါတ်မှာ ၁ ရက်တွေ.ပြီး ဟိုတယ် သွားပါတယ် ဆရာ .. ဒါကြောင်.တွေ.တဲ.အခါတိုင်းမှာပဲ ကျွှန်တော်တို. အနည်းဆုံး ၃ ကြိမ်လောက်နေပါတယ် ...ကလေးယူဖို. အစီအစဉ်မရှိသေးလို. သုတ်ရေကိုအပြင်မှာပဲ ထုတ်ပါတယ် ကွန်ဒုံးမသုံးဖြစ်ပါဘူး .. ဒီလိုနေလာတာ ၉ လလောက်ရှိပါပြီး ဆရာ .. အဲဒီလိုနေလာခဲ.တဲ. ၉ လ လုံးလုံးသူရာသီလာတာမှန်တယ် ကျန်းမားရေးကောင်တယ် ဆ၇ာ ... ၁၀ လ ပိုင်းတဲ.ရောက်တော.သူရာသီမလာဘူး ဒါနဲ.ဆီးအကြိမ်ကြိမ်စစ် တော.လဲ ကိုယ်ဝန်မဟုတ်ဘူး ... ဒါနဲ. ရာသီ လာအောင်စောင်.ရင်းစောင်.ရင်းနဲ. ၁၂ လ ပိုင်းထိရောက်လာတယ် ( ၁၀ လ ပိုင်း ကနေ ၁၂ လ ပိုင်း ထိ ဟိုတယ် ၁ ခါသွားပြီး ၃ကြိမ်နေဖူးပါတယ် ) ဒါနဲ. ဆရာဝန်နဲ. သွားတွေ. အကျိုးအကြောင်းပြောပြ လို. ဆရာဝန်ကဆေးထိုးပေးလိုက်တယ် .. ဆေးထိုးပေးလိုက်ပြီးလို.နောက် ၁ ပတ်လောက်နေတော. ကျွှန်တော်ဇနီးရာသီလာပါတယ် .. ဒါပေမယ် ဗိုက်အသေနာအောင် ခံစားလိုက် ရရှာတယ် ဆရာ .... ဒါပေမယ် . ၂၀၁၃ နှစ် ၂ လ ပိုင်း ကနေစပြီး သူအဂါံကနေသွေးလေနည်းနည်းလေးဆီထွက်နေတယ် .. အထူးသဖြင်. ကာမစိတ် ကြွာလာတဲ. အခါမျိုး ကျွှန်တော်တို.နှစ်ယောက်ဆက်ဆံတဲ.အခါမျိုး သူဘာသာသူ လက်နဲ.ကလိတဲ.အခါမျိုးတွေမှာသွေးပိုထွတ်တယ် ... ကျွှန်တော်.ဇနီးမှာ သုတ်ရေထွတ်ရမယ်နေရာမှာ သွေးထွတ်နေတာပေါ. ဆရာ ... သွေးက ကာမစိတ်မကြွာတဲ.နေတွေဆို ၂ ရက်မှ တစ်စက်လောက်လေးကျတယ် .. ဒါကြောင်.EVER အမြဲခံထားရတယ် အဲဒီလိုဖြစ်တာ အခုချိန်ထိပဲ ဆရာ ( ၂ လ ကျော် ) .... အဲဒါ ကျေးဇူးပြုပြီးတော.ဖြေကြားပေးစေချင်ပါတယ် ဆရာ.... ကျွှန်တော်တို.ဘာလုပ်သင်.လဲ ဘာဖြစ်တာလဲ ဘာတွေရှောင်ကြဉ် သင်.လဲ ဘာကြောင်.ဒီလို.ဖြစ်လာရတာလဲ ဆိုတာ တွေကို ဖြေပေးပါလို.အနုအညွန်.တောင်းပန်းအပ်ပါတယ် ဆရာ ....


လေးစားစွာဖြင်.


မိုးစက်

Unknown said...
This comment has been removed by the author.
Unknown said...

ဆရာရှင့် သမီက ရာသီလာမမှန်ပါဘူး ပုံမှန်ဆို ၂၇ ရက် ၂၈ ဆို ရာသီလာပါတယ်. အခု ဆယ်ရက်ကျော်ပြီ မလာဘူး ဆရာ ဘာဆေးတွေသောက်ရမလဲဆရာ။သမီးအသက် ၂၀ ရှိပါပြီဆရာ. သမီးမှာ ခြေထောက် ကိုက်တက်တဲ့ရောဂါတော့ရှိပါတယ် ဆရာ အဲ့ဒီအတွက် paracetamol 500 mg ကို့နေ့တိုင်းလိုလို သောက်ရပါတယ်.ခြေထောက် တဖက်ပဲကိုက်တာပါ ၃ နှစ်လောက်ရှိပါပြီ ခုနောက်ပိုင်းက နေ့တိုင်းလို ကိုက်လို့ ပါရာ သောက်နေရပါတယ် . ရာသီမလာတာ ပါရာ နေ့တိုင်းသောက်သာနဲ့ ဆိုင်လားဆရာ. ဆေး နေ့တိုင်းရောသောက်သင့်ပါသလားဆရာ..ကျေးဇူးပြုပြီးဖြေကြားပေးပါရှင့်

myan mar said...

ဆရာရှင့်သမီးအသက်24နှစ်ပါသားသမီးမရှိပါပဲရင်သားမှနို့ ရည်ထွက်နေပါတယ်ဆရာရင်သားကင်ဆာနဲ့ ပတ်သတ်တယ်ဆိုတာဟုတ်ပါသလားရာသီလည်းပုံမှန်မလာပါဘူးလာခဲ့ရင်လည်းအလွန်နည်းပါတယ်ရာသီလာချိန်မဲမဲအဖတ်များဆင်းလာတတ်ပါတယ်ဆရာမိန်းမကိုယ်မှလဲစပ်ပါတယ်သားအိမ်ကင်ဆာနဲ့ ရောဆက်စပ်မှူရှိပါသလားဆရာရှင်းပြပေးပါ

rap.pappper lay said...

ဆရာခင် ဗျာ ကျွှန်တော်အ ဖေ ကအသက်(55) ပါ အခုဆီးကြိတ်ရောင်ရောဂါကို ခံစားနေရပါတယ် တခြားရောဂါတော့မရှိပါဘူးpolo ဆေးခန်းမှာ(1)လပြခဲ့ပါတယ် မသက်သာလို့ ဘာဆေးသောက်သင့်တယ် ဘယ်လိုနေရမယ်ဆိုတာကို ရှင်ပြပေးပါဆရာ လေးစားစွာဖြင့်မိုးသောက်ကြယ်

Yin Thu Aye said...

ဆရာရှင့် သမီးက ရာသီလာတာမမှန်တာ ၇လလောက်ဖြစ်နေပြီ။ ရက်၄၀လောက်မှတခါလာတယ်။ လာရင်လည်းအရင်လို ၅ရက်ဟုတ်ဘူး။ ၂ရက်ဘဲလာပါတော့တယ်။ မျက်နှာမှာလည်း ၀က်ခြံလို ဖုသေးသေးလေးတွေ တစ်မျက်နှာလုံး ပေါက်နေပါတယ်။ အဲဒါ ဘာလုပ်ရမလဲ ရှင့် ဆရာ။ ကျေးဇူးပြု အကြံလေးပေးပါ
မျက်နှာအတွက်ရော ဓမ္မတာ အတွက်ရော ရှင့်။....

Yin Thu Aye said...

ဆရာရှင့် သမီးက ရာသီလာတာမမှန်တာ ၇လလောက်ဖြစ်နေပြီ။ ရက်၄၀လောက်မှတခါလာတယ်။ လာရင်လည်းအရင်လို ၅ရက်ဟုတ်ဘူး။ ၂ရက်ဘဲလာပါတော့တယ်။ မျက်နှာမှာလည်း ၀က်ခြံလို ဖုသေးသေးလေးတွေ တစ်မျက်နှာလုံး ပေါက်နေပါတယ်။ အဲဒါ ဘာလုပ်ရမလဲ ရှင့် ဆရာ။ ကျေးဇူးပြု အကြံလေးပေးပါ
မျက်နှာအတွက်ရော ဓမ္မတာ အတွက်ရော ရှင့်။....

Pinky Kitty said...

ဆရာရှင့်သမီးရာသီမလာတာ၁၅ရက်ကျော်နေပါပီခုထိက်ိုမလာသေးပါဘူးရှင့်။အရင်လကအတူနေခဲ့စဉ်ကကွန်ဒုံးလည်းသုံးခဲ့ပါတယ်။မသင်ကာလို့ စစ်ကြည့်တော့်လည်းnegativeပဲပြပါတယ်ဆရာ။ခုဆိုရင်ရာသီမလာတာ၁၅ရက်ကျော်နေပါပီအရင်ကအမြဲမှန်ပါတယ်ဒီလမှဖြစ်တာပါ။ဘယ်လိုဆေးသောက်ရမလဲရှင့်

cute moon said...
This comment has been removed by the author.
cute moon said...

၇၈

Aung Htet Kyaw said...
This comment has been removed by the author.
wine chit said...

ဆရာရှင့် ရာသီလာတာအမြဲနောက်ဆုတ်ဆုတ်သွားပါတယ် အိမ်ထောင်သည်ပါ ဘာဆေးမှမသုံးပါဘူးရှင့် နှစ်ရက်လောက်ပဲလာပါတယ် ရောဂါတခုခုများဖြစ်ချင်လို့မလားမသိဘူး အကြံပြုပေးပါရှင်
မလေးရှားမှာပါအခုက ကလေးမမွေးဖူးသေးပါဘူးရှင့်