Monday, October 25, 2010

Coffee and Your Health ကော်ဖီ နဲ့ ကျန်းမာရေး

“ကော်ဖီ” ဟာ အလွန်မတန် တွင်တွင်ကျယ်ကျယ် သောက်သုံးကြတဲ့ “သောက်စရာ” တခုပါ။ နိုင်ငံပေါင်း ၈၀ မှာ စိုက်ကြတယ်။ ၂၀၀၉ တုံးက မက်ထရစ်တန် ၈ သန်း ထုတ်လုပ်ခဲ့လို့ ရေနံပြီးရင် ကမ္ဘာ့ ကုန်သွယ်ရေးမှာ ဒုတိယ လိုက်တယ်။ Beverage သောက်သုံးစရာထဲမှာ ပေါ်ပြူလာ အဖြစ်ဆုံးပါ။

စက္ကန့်တိုင်းမှာ အမေရိကန်တွေ သောက်နေတဲ့ ကော်ဖီ ခွက်ပေါင်း သန်း ၄၀၀ ရှိတယ်။ (ကော်ဖီ-ချိန်း) ဆိုတဲ့ တကမ္ဘာလုံး ချိတ်ဆက်ထားတဲ့ ကော်ဖီ-သံကြိုးဆက် အကြီးဆုံးက ၂၀၀၇ မှာထောင်ခဲ့တဲ့ Starbucks ဖြစ်တယ်။ သူတို့ ယဉ်ကျေးမှုအရ “ခေတ်မီသူတိုင်း (စတားဘတ်ခ်) သောက်ကြသည်”။ ဒီ မဟာလုပ်ငန်းကြီးကို စထောင်ခဲ့တာက ကျောင်းဆရာ ၂ ယောက် နဲ့ စာရေးဆရာ ၁ ယောက် ဖြစ်တယ်။ စာဖတ်သူများ အထင်တော် မမှားကြပါနဲ့။ ကိုးကားစရာ ကိန်းဂဏန်းဆိုတာ သူများ တိုင်းပြည်မှာသာ ရတာမို့ပါ။ ကိုယ့်ဆီမှာ ဆန်ပြုတ်သောက်သူ စာရင်းတောင် ကောက်မဖြစ်ဘူး။ ကျောင်းဆရာတွေ နဲ့ စာရေးဆရာတွေကိုလဲ ချီးမြှောက်ချင်လို့ပါ။

နာမည်ကြီး စာရေးဆရာ (အိုလီဗာ-ဟုမ်းစ်) ရဲ့ Over the Teacups ထဲမှာ “အိပ်ယာထ သောက်ရတဲ့ ကော်ဖီတခွက်က ရတဲ့ လန်းဆန်း-တက်ကြွမှုနဲ့ ခွန်အားမျိုးကို ညနေခင်း လဖက်ရည်ကနေ ပြန်ထပ်လုပ်မပေးနိုင်ဘူး” တဲ့။ အဲဒါဟာ Exhilaration factor ခေါ်ပါတယ်။ ဖြစ်စေတာက Caffeine ခေါ်တဲ့ 1,3,7-trimethylxanthine ပါ။ Psychotropic alkaloid ဖြစ်ပါတယ်။ လဖက်ရည်ထဲမှာလဲ (ကေဖင်း) ပါတယ်။ (ကိုးကိုး) ထဲမှာလဲ ပါတယ်။ တခြား Soft and energy drinks တွေမှာလဲ ပါတယ်။

ထိပ်ဆုံး ရောက်နေတဲ့ ကော်ဖီရဲ့ မူလအစ သမိုင်းလှန်ရရင် အောက်ဆုံးက (အီသီယိုးပီးယား) ဖြစ်နေတာ တွေ့ရတယ်။ အထောက်အထား ခိုင်ခိုင်မာမာ ပြောနိုင်တာကလဲ ပင်လယ်ဓါးပြနဲ့ နာမယ်ရနေတဲ့ (ယီမင်) နိုင်ငံ ဖြစ်နေပြန်တယ်။ ရေးတာက ဆေးပညာစာဆို့့။ လာပါမယ်။ ကော်ဖီ သောက်ပါလို့ Prescription ဆေးညွှန်း စပေးခဲ့တာ ၁၅၈၃ တုံးက ဂျာမန် ဆရာဝန် Leonhard Rauwolf ဖြစ်ပါတယ်။

သောက်တဲ့ သူတွေက ကော်ဖီ ကြည့်ပြီး အကောင်း အညံ့၊ ဆရာဝန်တွေက Caffeine (ကေဖင်း) ကြည့်ပြီး၊ ကျန်းမာရေး သင့်-မသင့် ပြောပါတယ်။ စနစ်တကျ ဖေါ်စပ် ပြုပြင်ထားတဲ့ ကော်ဖီက ကောင်းတယ် ဆိုပေမဲ့ တခါတလေ Devil’s brew အဆိပ်ရည်သဘော ဖြစ်ပါတယ်။

“ဘယ်လောက်ဆိုရင် များတယ် ပြောမလဲ။” American Dietetic Association က တနေ့မှာ (ကေဖင်း) 200-300 mg ထက် မပိုစေနဲ့တဲ့။ ချိန်ခွင် မလိုတာ ပြောရရင် အပြင်း-အပျော့ မတူလို့ တနေ့မှာ ကော်ဖီ ၂ ခွက်ကနေ ၅ ခွက်၊ တနည်း ဆိုရင် အနာ-အကိုက်ပျောက်ဆေး Painkillers ၁၀ ပြား။ လူတယောက်နဲ့ တယောက် မတူတာတွေမှာ “ကော်ဖီကို ဘယ်လောက် အထိမခံဖြစ်သလဲ” ပါသေးတာ။

Caffeine က Stimulant စိတ်လန်းဆန်းစေတာ လူတိုင်း လက်ခံပါမယ်။ အိပ်ယာထနဲ့ စာကျက်နေတုံး သောက်သုံး ကြတယ်။ (ကေဖင်း) သာမက Cortisone နဲ့ Adrenaline ဆိုတဲ့ Stimulating hormones ပါသေးတာ သိလာရတယ်။ အသက်ကြီးသူတွေ သောက်ရင် ပိုကောင်းတယ်။ အိုလို့ ဖြစ်ရတဲ့ Dementia, Parkinson's disease, Depression ဇရာ-ရောဂါတွေကို နှေးစေသတဲ့။ Blepharospasm ဆိုတဲ့ မျက်စိ ပုတ်ခတ် ပုတ်ခတ် လုပ်နေတာအတွက် ကောင်းတယ်။ Laxative effect ၀မ်းပြော့တယ်။ Mild diuretic ဆီးသွား နဲနဲများစေတယ်။ Skin cancer, breast cancer ကင်ဆာတွေ ဖြစ်တာ နဲစေတယ်။ Gout ဂေါက် လက္ခဏာ သက်သာစေတယ်။ Tap water ထဲမှာပါတဲ့ Lead or Copper ဆိုတဲ့ Heavy metals ဓါတ်အလေးစားတွေကို ၇၈-၉၀% ပျော်ဝင်နိုင်စေတယ်။ လူငယ်တွေလဲ ပါပါတယ်။ Post-gym muscle pain အားကစား လုပ်ပြီး ကြွက်သားနာတာ သက်သာစေတယ်။ ကြွက်အမလေးတွေကို (ကေဖင်း) ပေးတော့ ကြွက်ထီးဆီ လာတာ ပိုများလို့ Mood for sex ကောင်းစေ ပါသတဲ့။

ဘယ်အရာမဆို ဒေါင့်စုံကနေကြည့် အပေါင်းရော၊ အနုတ်ရော၊ ဟုတ်-မဟုတ်ပါ ပြောနိုင်ကြတာ လွတ်လပ်မှုရဲ့ သရုပ်ပါ။ အမြင်-အတွေး၊ အသိ-ပညာ မတူကြဘူးပါ။ ယူတော့လဲ ကြိုက်တာ ယူကြတာဘဲ။ “တမျိုးထဲပေးလို့ ပေးတာသာ ယူချင်တဲ့ အကျင့်ဆိုတာ ကလေးတွေပါ”။ “မကြိုက်ရင်သေး မယူဘဲ၊ ကြိုက်တာ ရအောင်လုပ်တဲ့သူ လူတော် ဖြစ်တယ်။” ၂၀၁၀ မှာလဲ မှန်ပါတယ်။

ကော်ဖီ အသောက် များရင်တော့ အအိပ် ပျက်စေတယ်။ Coffee jitters ခေါ်တာပေါ့။ အရိုးကို ပါးစေတယ်။ ကော်ဖီကို မစစ်ဘဲ သောက်ရင် LDL (ကိုလက်စထော) များစေတယ်။ အစာအိမ်-အူလမ်းကြောင်း အတွင်းဖုံးလွှာကို ထိခိုက်စေတယ်။ သွားတွေ ညိုမယ်။ BP သွေးဖိအား တက်စေတယ်။ ကော်ဖီ နဲ့ Paracetamol ရော သောက်တာ မကောင်းပါ၊ အသဲကို ထိခိုက်နိုင်တယ်။ ၂၀၀၃ တုံးက ဒိန်းမတ်မှာ ကော်ဖီစွဲနေသူ ကိုယ်ဝန်ဆောင် ၁၈၄၇၈ ယောက်ကို စမ်းသပ်တုံးက ကလေး အသေမွေးနှုန်း များတာ တွေ့ရတယ်။ သံဓါတ်နည်း သွေးအားနည်းရောဂါ၊ နှလုံး-သွေးကြောရောဂါ ဖြစ်တာလဲ များတယ်။

တန်ဆေး-လွန်ဘေး၊ များရင် ဥပါဒ်ပေးတယ်။ များတာနဲ့အမျှ အိပ်မရ၊ မျက်နှာက နီလာ၊ ဂနာမငြိမ်-စိတ်လှုတ်ရှား၊ ဆီးသွား၊ အသားတွေတုံ၊ တွေးပုံ-ပြောပုံ မတည်တော့ပါ။ စိတ်ကတို အလိုမကျ၊ ဒေါသထန်၊ နှလုံးခုံ မမှန် ဖြစ်ပြန်အုံးမယ်။

Coffee can kill you! ကော်ဖီက သေစေနိုင်တယ်။ တခြားဆေးတွေလိုပါဘဲ။ များရင် အဆိပ်ဖြစ်တယ်။ လူတွေကို ကော်ဖီ ဘယ်လောက် ပေးရင် သေစေသလဲ စမ်းသပ်ထားတာ မရှိပါ။ (ဟစ်တလာ) ရဲ့ ဆရာဝန်တွေက စမ်းဘို့ မေ့ခဲ့ကြပုံရတယ်။ ကြွက်တွေကိုတော့ Caffeine 192 mg/kg ပေးရင် 50 % သေစေတယ်။ ဒီနှုန်းနဲ့တွက်ရင် လူတွေကို 150 to 200 mg/kg ဒါမှမဟုတ် ကော်ဖီ ၈၀-၁၀၀ ခွက်တိုက်ရင် မြန်မြန်သေနိုင်မယ်။ ဒါပေမဲ့ အစာအိမ်က ၁ လီတာဘဲ ဆန့်ပါတယ်။

ဆရာဝန်က ကိုယ်ချင်း မစာဘူး။ ကော်ဖီအသေအလဲ ကြိုက်တဲ့သူကို အလျှော့ခိုင်းနေတယ်။ Decaffeinated coffee လို့ ခေါ်တဲ့ Decaf ကို ပြောင်းသောက်ပေါ့။ Caffeine-free coffee နဲ့တော့ မတူဘူးနော်။ နာမည်ကြီး ကော်ဖီတွေမှာ (ကေဖင်း) ပါတာ ယှဉ်ကြည့်ရအောင်။
• Percolated coffee (7 oz) = 140 mg
• Drip (7 oz) = 115-175 mg
• Espresso (1.5 to 2 oz) = 100 mg
• Brewed (7 oz) = 80-135 mg
• Instant (7 oz) = 65-100 mg
• Decaf coffee, brewed (6 oz) = 5 mg
• Decaf coffee, instant (6 oz) = 3 mg

လွတ်လပ်ရေး ရပြီးနောက်ပိုင်း (ကဖေး) ဆိုတဲ့ နာမယ်နဲ့ ဆိုင်တွေ ဖွင့်ခဲ့ဘူးတယ်။ အိန္ဒိယကလာတဲ့ စကားလို့ အထင်မှား နိုင်တယ်။ Coffeehouses or Cafés တွေပေါ်ခဲ့တာ နှစ် ၅၀၀ ကျော်နေပြီ။ Cafés နဲ့ Cafeteria နဲ့ မတူပါ။ လူငယ်တွေ ပိုသိတာက ၁၉၉၁ ကြမှ ဆန်ဖရန်စစ္စကိုမှာ စဖွင့်ခဲ့တဲ့ Internet café or Cybercafé မဟုတ်လား။ အစည်းအဝေး၊ (ကွန်ဖရင့်) တိုင်းမှာ ပြောနေကြတဲ့ Coffee break ကို စသုံးခဲ့တာ ၁၉၅၂ ကပါ။ စာဖတ်သူများ “ကော်ဖီ-ဘရိတ်” ပါ။

Dr. တင့်ဆွေ


Related Posts :



12 comments:

sweetpeony said...

ဆရာ သမီးက ကော်ဖီလုံးဝမကြိုက်လို့ မသောက်ပါ။
ဆရာစာဖတ်ပြီးတော့ နဲနဲ သောက်ရမလား စဉ်းစားတယ်။ ဥပမာ တနေ့ instant ၁ထုပ်လောက်။ ဒါမှမဟုတ် မသောက်တာပဲ မကောင်းမလားပဲ။

Dr. Tint Swe said...

sweetpeony said...
ကော်ဖီ ရောင်းတဲ့သူ မဟုတ်လို့ အတင်းတော့ အသောက် မခိုင်းချင်ပါ။ ဆေးလိုပါဘဲ။ သူ့တန်ခိုးလိုရင် သောက်ရတာဘဲ။ ဘာမဆို အသေအလဲ စွဲတာတော့ မကောင်းဘူးပေါ့။ Dependency ဆိုတာ မကောင်းဘူး။ မကောင်းတဲ့ စနစ်၊ မကောင်းတဲ့ အကျင့် ကနေ လွတ်ဘို့လဲ အရင်းအနှီး ကြီးလွန်းတယ်။

KoToe-MDY said...

လက်ဖက်ရည်အကြောင်းလေးလဲပြောပြပါအုံးခင်ဗျာ
ကျေးဇူးတင်ပါတယ်...

moekaungkin said...

''စက္ကန့်တိုင်းမှာ အမေရိကန်တွေ သောက်နေတဲ့ ကော်ဖီ ခွက်ပေါင်း သန်း ၄၀၀ ရှိတယ်။''

ဆရာ အဲဒါတော့ နည်းနည်း မှားနေတယ်ထင်ပါတယ်...
USA မှာ လက်ရှိလူဦးရေ က သန်း ၃၁၀ ကျော်ကျော်လေးပါ.... ကမ္ဘာ့ လူဦးရေက သန်းပေါင်း
၆၈၇၉ ကျော်ပါ... ဒီတော့ အဲဒီအရေအတွက်က လုံးဝမဖြစ်နိုင်ပါဘူးဆရာ

Dr. Tint Swe said...

moekaungkin said...
ဟုတ်ကဲ့။ ကျေးဇူးတင်ပါတယ်။ အကိုးအကား ပြန်တွေ့မှ ထပ်ပြောပါရစေ။

Dr. Tint Swe said...

၁၉၉၉ စစ်တမ်းအရ အမေရိကမှာ လူပေါင်း 108,000,000 ကော်ဖီသောက်ကြပြီး၊ 9.2 billion dollars သုံးခဲ့တယ်။ တနေ့မှာ 3.1 cups ခွက်သောက်တယ်။ ၂၀၀၆ စစ်တမ်းတခုက 112 million နီးပါး သောက်တယ်လို့ သိရတယ်။ ယောက်ျားတွေက နဲနဲပိုသောက်တယ်။ အများဆုံးသောက်တာက (စကင်ဒီနေးဗီးယား) တိုင်းပြည်တွေ ဖြစ်ပါတယ်။

တဆ
၈-၁၁-၂၀၁၀

Myint Ko said...

ခုတလော ကော်ဖီ ဟင်းစားဇွန်း တစ်ဇွန်းစာ ကို ရေ1000 cc-နဲ့ ကြိုချက်ပြိး အစာဟောင်းလမ်းကြောာင်းအတိုင်း ထည့်၊ 13 မိနစ်လောက် ၀မ်းထဲမှာ ထားပြီး ၀မ်းချူသင့်ကြောင့် ကြားဖူးပါတယ်။

ကောင်းမကောင်း ဖြေကြားပေးစေချင်ပါတယ် ဆရာ

nout said...

ဆရာ သမီးက ကော်ဖီအရမ်းကြိုက်တယ်
ဘယ်လိုလုပ်ရမလဲ
သမီးက ကော်ဖီ မသောက်ရရင် မနေနိုင်ဘူး
တစ်ရက်မှာဆို နှစ်ခွက် သောက်ချင်နေတယ်
ထမင်းစားပြီးတာတောင်မှ ကော်ဖီမသောက်ရရင်
နေလို့ မပျော်ဘူး တစ်ခုခုလိုနေသလိုပဲ
ပြီးတော့ ခေါင်းမူးပြီး အန်ချင်တလိုလိုဖြစ်နေတယ်
ကော်ဖီသောက်ရင် သွားဝါတာတကယ်ပဲလားဆရာ
ပြီးတော့  ကော်ဖီသောက်များရင် ကြောင်တတ်လားဆရာ
သူများက ကြောင်တတ်တယ် ပြောတာကြားရလို့ 
ကျေးဇူးပြုပြီး ပြန်ဖြေပေးပါနော်ဆရာ

Dr. Tint Swe said...

nout said...
ကော်ဖီ ၂ ခွက်က မများပါ။ ဘယ်အရွယ်ခွက်လဲတော့ မသိဘူးပေါ့။
သူများတွေ နေစာ-ညစာ စားရင် (ဆလတ်) ဖြစ်ဖြစ်၊ (ဆု-ပ်) ဖြစ်ဖြစ်နဲ့ စတယ်။ ပြီးမှာ ထမင်း-ဟင်းစားတယ်။ နောက် အချိုပွဲလာတယ်။ နောက်ဆုံး (တီး-အော်-ကော်ဖီ) လာတယ်။ ဆိုတော့ သူများတွေနဲ့ အတူဘဲပေါ့။
သွားကို ၀ါ-ညိုစေတာက အစား-အသောက်ထဲက ဆိုးဆေး အပေါ် မူတည်ပါမယ်။
ကော်ဖီကြောင့် ကြောင်တတ်တာတော့ ဆေးစာမှာ မတွေ့ဘူးသေးဘူး။ လူပြောများလာရင်တော့ သုတေသန လုပ်ရမှာပေါ့။ သေခြာတာက တခုခုကို စွဲနေသူတွေ စွဲတဲ့ဟာကို မလုပ်ရ-မသောက်ရ-မစားရ-မရှူရရင်တော့ ကြောင်နိုင်တယ်။ Withdrawal symptom ခေါ်တာပေါ့။ ကြောင်တာတင်မကဘူး၊ ကြမ်းမယ်။

zinzin said...

ကော်ဖီရဲ့ဖြစ်ပေါ်ပုံလေးသိချင်ပါတယ်....ပြောပြပေးနိုင်မလား...

zinzin said...

ကော်ဖီဖြစ်ပေါ်လာပုံအကြောင်းသိချင်ပါတယ်..ပြောပြပေးနိူင်မလား....

Dr. Tint Swe said...

zinzin said...
ဘာကိုမေးတာလဲ သိပ်မရှင်းပါ။ ဆရာဝန်က ကျန်းမာရေးဒေါင့်ကသာ ရေးသင့်တယ်ထင်ပါတယ်။ သိတာလေးတွေတော့ ရေးထားပါတယ်။