Thursday, November 27, 2008

Healthy Diet

ကျန်းမာစွာ အသက်ရှင် ရပ်တည်ရန် နေ့စဉ် စားသုံးရန်လိုအပ်သော အစာပမာဏ

ဗီတာမင်နှင့် သတ္တုဓါတ်များသည် သီးခြား တည်ရှိနေခြင်း မဟုတ်ပဲ Macronutrients များထဲတွင် ပါဝင် နေသောကြောင့် အာဟာရ အကြီးစားများကို နေ့စဉ် စားသုံးသင့်သည့် ပမာဏအတိုင်း လုံလောက် မျှတစွာ စားသုံးပါက လိုအပ်သော ဗီတာမင်နှင့် သတ္တုဓါတ် များကို မချို့တဲ့အောင် ကာကွယ် ပြီးသား ဖြစ်သလို တခြား ရောဂါပေါင်းများစွာကိုလည်း ကာကွယ်ပြီးသား ဖြစ်ပါသည်။ နေ့စဉ် စားသုံး သင့်သည့် ပမာဏ အတွက် Australian Guideline for Healthy Diet တွင် အကြံပြု ထားသည့်အတိုင်း ကောက်နှုတ် တင်ပြ လိုက် ပါသည်။ ထို အကြံပြုချက် ထဲတွင် အရည်ဖြစ်စေ၊ အဖတ်ဖြစ်စေ တခွက်စာ ဆိုသည်မှာ အရည် ၂၅၀ မီလီလီတာ ၀င်သည့် ခွက် (သို့) ပန်းကန်လုံး တလုံးစာကို ဆိုလိုပါသည်။ နေ့စဉ် စားသုံး သင့်သည့် အစားအစာ များကို အောက်ပါအတိုင်း အုပ်စုကြီးငါးခု ခွဲထားပါသည်။

၁။ ကာဗွန်ဟိုက်ဒရိတ် (ကစီဓါတ် များသော) နှံစား သီးနှံများ

ထမင်း၊ ပေါင်မုန့်၊ cereals, Pasta, ခေါက်ဆွဲ စသည် ဆန်၊ ဂျုံ၊ ပြောင်း တို့ဖြင့် ပြုလုပ် ထားသော အစားအစာ အကုန်လုံးပါဝင်ပြီး စားသုံး သင့်သည့် ပမာဏကို အောက်ပါအတိုင်း သတ်မှတ်ပြီး ငါးကြိမ် အထိ စားသုံး သင့်သည် ဟု စံ သတ်မှတ် ထားပါသည်။
- ပေါင်မုန့် အချပ်ဖြစ်ပါက နှစ်ချပ်
- ပေါင်မုန့်အလုံးဖြစ်ပါက အနေတော်အရွယ် တလုံး
- ခေါက်ခွဲ၊ Pasta, cereal နှင့် ထမင်း ဖြစ်ပါက ပန်းကန်လုံးတလုံးစာ ( ယောင်းမ (သို) ထမင်းခူးဇွန်း အနေ တော်အရွယ်နှင့် တခပ်စာ) သတ်မှတ်ထားပါသည်။ သို့သော်လည်း ထမင်းကို အဓိကစားသော မြန်မာ လူမျိုးများအတွက်မူ ထမင်းကို ယောင်းမနှင့် တခပ်စာကို တခါစားအဖြစ် တင်းတိမ် နိုင်မည် မဟုတ် သဖြင့် ငါးခွက်စာကို မိမိ တနေ့စာ သတ်မှတ်ပြီး အကြိမ်ကို မိမိ ကြိုက်နှစ်သက် သလို သတ်မှတ် စားသုံး နိုင်ပါသည်။ အလုပ်ကြမ်း လုပ်သူမဟုတ်ပဲ ထိုထက် ပိုစားပါက အ၀လွန် ရောဂါရပြီး နောက်ဆက်တွဲ ရောဂါများစွာ ရနိုင် ပါသည်။

၂။ ဟင်းသီး ဟင်းရွက်များ

ဟင်းသီး ဟင်းရွက်များ ကိုလည်း စားသုံး သင့်သည့် ပမာဏကို အောက်ပါအတိုင်း သတ်မှတ် ထားပါသည်။
- ဟင်းသီးဟင်းရွက် အစိမ်း (သို့) အကျက် ၇၅ ဂရမ် (သို့) တခွက်စာ
- ရောနှောထားစသည့် အသီးအရွက် ဖြစ်ပါက တခွက်စာ
- အာလူး (သို့) ခရမ်းချဉ်သီးကဲ့သို့ အစားအစာ ဖြစ်ပါက တလုံးခန့် စသည်ဖြင့် တခါစားကို သတ်မှတ်ထားပြီး တနေ့စာအတွက် ငါးကြိမ် စာခန့် စားသင့်ပါသည်။ သို့သော်လည်း ဟင်းသီးဟင်းရွက်သည် ခန္ဓာကိုယ်အတွက် အများဆုံး စားသင့် သောကြောင့် အစာအိမ်မှ လက်ခံ ပါက သတ်မှတ် ထားသည် ထက် ပိုစား၍ ပြဿနာ မရှိပါ။

၃။ အသီး နှံများ


အသီးနှံများကို အနည်းဆုံး တနေ့ နှစ်ကြိမ်ခန့်နှင့် တခါစားကို အောက်ပါ စံ သတ်မှတ် ထားသည့် ဥပမာ အတိုင်း စားသုံးသင့်ပါသည်။
- အနေတော်အရွယ် ပန်းသီး၊ ငှက်ပျောသီးနှင့် ကီဝီသီး စသည့် တလုံး
- အရည် ဖြစ်ပါက ခွက်တ၀က်
- စပျစ်သီး၊ စထရော် ဘယ်ရီကဲ့သို့ အသီးများနှင့် အသီးမျိုးမျိုးကို စိတ်ပြီး ရောနှောထားပါက တခွက်စာ
- အသီးခြောက်များ ဖြစ်ပါက ခွက်တ၀က်စာ နှင့် စည်သွပ် ထားသည့် အသီးဖြစ်ပါက တခွက်စာ ကို တခါစားအဖြစ် သတ်မှတ် စားသုံး သင့်ပါသည်။

အရည် ဆိုသည်မှာ ဆော်ဒါနှင့် သကြားပါဝင်သည့် Soft Drink ကို ဆိုလြိုခင်း မဟုတ်ပဲ ပန်းသီး (သို့) တခြားအသီးနှံများကို ရေအပါအ၀င် မည်သည့် အကူပစ္စည်းမှ မရောပဲ ၁၀၀% အရည် ညှစ်ထားသော သစ်သီးရည် ကိုသာ ဆိုလို ပါသည်။ အချိုဓါတ် နည်းသည့် အသီး ဖြစ်ပါက တနေ့ နှစ်ကြိမ် ထက် ပိုစား နိုင်ပါသည်။

၎။ နို့ထွက် ပစ္စည်းများ

နို့နှင့် နို့ထွက် အစားအစာ များကို တနေ့ နှစ်ကြိမ် မှ ငါးကြိမ် ခန့်အထိ စားသုံး သင့်ပြီး တခါစားကို အောက်ပါ ဥပမာအတိုင်း စံ သတ်မှတ် ထားပါသည်။
- ပဲနို့ (သို့) မလိုင်ဆယ်ပြီးသောနို့ (Skim milk) တခွက်စာ (၂၅၀ မီလီလီတာ)
- Cheese နှစ်လွှာ (သို့) ၄၀ ဂရမ်
- ဒိန်ချဉ် ၂၀၀ မီလီလီတာ

၅။ အသား၊ ငါး၊ ဥ၊ ပဲအမျိုးမျိုးနှင့် အစေ့များ

အသားဓါတ်ကို အဓိက ပေးသော အစားအစာများ ဖြစ်ပြီး အသားဓါတ်သည် ခန္ဓာကိုယ်ထဲတွင် ၇၀% ထုတ်လုပ်သောကြောင့် တနေ့ကို ၁-၂ ကြိမ်ခန့်သာ စားသုံးသင့်ပါသည်။ တခါစားရန် ပမာဏကို အောက်ပါအတိုင်း ဥပမာပေးပါသည်။
- ချက်ပြုတ်ထားသော အဆီနှင့် အရေပြားမပါသည့် ကြိုက်နှစ်သက်ရာ အသား သေးသေးနှစ်တုံး (သို့) ၆၅-၁၀၀ ဂရမ်ခန့် (စဉ်းထားသည့် အသား ဖြစ်ပါက ခွက်တ၀က်စာ)
- ကင်ထားသော အသားနှစ်လွှာ
- ငါးအသား ၈၀ - ၁၂၀ ဂရမ်
- ကြက်ဥ သေးသေး နှစ်လုံး
- မြေပဲ၊ နှမ်း၊ နေကြာစေ့နှင့် တခြား အခံမာစေ့များ ခွက်တ၀က်ခန့်
- အပြုတ် (သို့) ကျက်ပြီးသော ပဲအမျိုးမျိုး တခွက်စာ စားသုံး သင့်ပါသည်။

နိဂုံးချုပ် အနေဖြင့် အသက်ရှင်စဉ် ကာလ တွင် ကျန်းမာရေး သည် လူတယောက် အတွက် ပထမ အရေးကြီးဆုံး လိုအပ်ချက် ဖြစ်ပါ သည်။ လူတယောက် ကျန်းမာစွာ အသက်ရှင်ရပ် တည်ရန် အတွက် အဟာရသည် အရေးကြီးဆုံး ဖြစ်ပြီး ကာကွယ်ခြင်း သည် ကုသခြင်း ထက် ပိုမို ထိရောက်သည် ဟူသည့် စကားနှင့် အညီ အာဟာရကို လုံလောက် မျှတစွာ စားသုံးခြင်း ဖြင့် အာဟာရ ချို့တဲ့ခြင်းနှင့် လွန်ကဲခြင်း တို့ကို ရှောင်ကျဉ် နိုင်ပြီး ၎င်းတို့ကြောင့် ဖြစ်လာ နိုင်သည့် ရောဂါ ပေါင်း များစွာ ကိုလည်း ကာကွယ်သင့်ပါသည်။


Related Posts :



10 comments:

Welcome said...

အစ်မ
သာမန် လူတစ်ယောက်အဖို့ သိနေပေမယ့် အသေးစိတ် သိအောင် နေ့စဉ်နေထိုင် စားသောက်မှုအတွက် ပညာပေးရေးသားမှု အတွက် ကျေးဇူးတင်ရှိစွာ ဖတ်၊ မှတ်သွားပြီး လိုက်နာနိုင်အောင် ကြိုးစားသွားပါမယ်။ နိဂုံး ပိုင်းမှာ စာဖတ်သူအပေါ်မှာ ထားရှိတဲ့ အစ်မရဲ့ စေတနာကို အထူးပဲ ကျေးဇူးတင် မိပါတယ်။
လေးစားလျက်
http://winzaw-mdy.blogspot.com

Anonymous said...

ဆေးပညာပေးပိုစ့်လေးဟာ--
အလွန်တန်ဘိုးရှိပါတယ်--
မျှဝေပေးတဲ့ စေတနာကို လေးစားပြီး
ကျေးဇူးတင်လျက်ပါ--

Anonymous said...

ကွန်ပျူတာရှေ့မှာ အညောင်းထိုင် အလုပ်လုပ်ရပါတယ်။ ဒါပေမယ့် ထမင်းတော့ ယောက်မနဲ့ ငါးဇွန်း ဘယ်လိုမှ မဝလို့ ဘယ်လောက်ထိ တိုးစားလို့ ရမလဲ သိပါရစေ။ တစ်ခါစားရင်တောင် နှစ်ပန်းကန် သုံးပန်းကန်ပါ။

Nge Naing said...

စာလာဖတ်ပြီး စိတ်ဝင်စားကြတဲ့ ၀င်းဇော် မသက်ဇင်နဲ့ အမည်မဖေါ်လိုသူကို အထူးပဲ ကျေးဇူးတင်ပါတယ်။ အလုပ်များနေလို့ မေးခွန်းကို ဖြေပေးတာ နောက်ကျသွားတဲ့အတွက် အမည်မဖေါ်လိုသူကို တောင်းပန်ပါရစေ။
ထမင်း တခါစား ယောင်းမနဲ့ ဆိုတာ စားသောက်ဆိုင်တွေမှာ ထည့်ပေးလေ့ရှိတဲ့ အရည် 250ml ၀င်တဲ့ ပန်းကန်လုံးနဲ့ ငါးခွက်စာကိုပြောတာ ဖြစ်ပါတယ်။ တနေ့စာအတွက်ကို တရုတ်ကြွေပန်းပန်နဲ့ ခပ်ပြည့်ပြည့်ဆိုရင် နှစ်ပန်းကန်ခွဲစာလောက်ရှိပြီး ဆန် နို့ဆီခွက်နှစ်ခွက်ချက်စာခန့် ရှိနိုင်ပါတယ်။ အလုပ်ကြမ်းလုပ်သူ မဟုတ်ပဲ တခါစား ဒီလောက်များများ စားသူတွေအတွက် နောက်ဆက်တွဲ ပြဿအတွက် အန္တရယ်များပါတယ်။ ထမင်းကို ၂-၃ ပန်းကန်စားတဲ့သူဆိုရင် ဘယ်လောက်ပဲ အရပ်အမောင်းကောင်းပြီး ခန္ဓာကိုယ်ထွားတဲ့သူ ဖြစ်ပါစေ လူတတယောက်ရဲ့ အစာအိမ်မှာ ကျန်တဲ့အစားအစာတွေ အထူးသဖြင့် ဗီတာမင်၊ သတ္တုနဲ့ နဲ့ အမျှင်အများဆုံးပါဝင်တဲ့ ဟင်းသီးဟင်းရွက်အတွက် လုံလောက်တဲ့ နေရာမကျန်နိုင်တော့ဘူး။ ထမင်း (အထူးသဖြင့် ထမင်းအဖြူ) ဟာ တခြားဘာဓါတ်မှ သိပ်မပါပဲ အထဲရောက်ရင် အချိုဓါတ်တွေသာ ဖြစ်ကုန်တဲ့အတွက် သွေးထဲသကြားဓါတ်ပဲ များလာမှဖြစ်ပြီး ပိုတာတွေကို သိမ်းထားလို့ ၀လာမှာ ဖြစ်ပြီး နှလုံး၊ သွေးတိုး၊ ဆီးချိုနဲ့ ကင်ဆာရောဂါတွေကို ဖိတ်ခေါ်နေပါတယ်။ ပြီးတော့ အမျှင်မရတဲ့အတွက် Bowel Cancer အပါအ၀င် အူလမ်းကြောင်း ရောဂါရနိုင်သလို ဗီတာမင်နဲ့ သတ္တုဓါတ်တွေလည်း ချို့တဲ့နိုင်ပါတယ်။

အမည်မဖေါ်လိုသူကို အကြံပြုလိုတာက ထမင်းများများစားမှ တင်းတိမ်ရင် ထမင်းကို ကစီဓါတ်ကလွဲပြီး တခြားဘာမှမရှိတဲ့ ဆန်အဖြူနဲ့ မချက်ပဲ တခြားဓါတ်တွေပါပြီး အမျှင်လည်းပါတဲ့ ဆန်အညိုနဲ့ ချက်စားရင် အတော်အသင့် ပိုစားလို့ ပြဿနာ မရှိနိုင်ပါဘူး။ နှစ်ပန်းကန်စားမှ ဗိုက်ပြည့်တယ်ဆိုရင် ထမင်းကို တပန်းကန် သတ်မှတ်ပြီး ဗိုက်ပြည့်ဖို့ လိုအပ်တဲ့ ကျန်တဲ့ ပမာဏအတွက်တော့ အသီးအရွက်နဲ့ အသားငါး၊ သစ်သီးတွေနဲ့ ဖြည့်သင့်ပါတယ်။ ရေပဲသောက်ပြီး Soft drink, beer တွေ လုံးဝမသောက်သင့်ဘူး။ ဒါတွေအပါအ၀င် Essential Nutrients တွေမဟုတ်တဲ့ ချော့ကလက်၊ ဘီစကွတ်အပါအ၀င် သွားရေစာတွေဟာ အဟာရချို့တဲ့သူတွေအတွက် စွမ်းအင် မြန်မြန်ဖြည့်ပေးနိုင်တဲ့ အစားအစာတွေ ဖြစ်ပေမယ့် ကျန်းမာနေသူတွေအတွက် ဒါတွေဟာ အမှိုက်တွေသာ ဖြစ်လို့ ထမင်းများများကြိုက်တဲ့ အမည်မဖေါ်လိုသူကို လုံးဝ မစားသုံးဖို့ အကြံပြုချင်ပါတယ်။ ပါတီပွဲတွေမှာ စားဖြစ်ခဲ့ရင်လည်း နောက်နေ့တွေမှာ အစာလျှော့စားဖို့နဲ့ ၀င်ထားတဲ့ အင်နာဂျီကို ပြန်အသုံးချတဲ့အနေနဲ့ လေ့ကျင့်ခန်းလုပ်ဖို့ လိုပါတယ်။ ကျွန်မတင်တဲ့ Nutrition ပို့စ်တွေကို အကုန်ပြန်ဖတ်ဖို့ကိုလည်း အကြံပြုချင်ပါတယ်။

Anonymous said...

ဝက်သားစားရင် အဆီများလို့ ဝလွယ်တယ်ဆိုတာ ဟုတ်ပါသလား။ ပိန်ချင်ရင် ထမင်းနဲ့အာလူးမစား၇ဆိုတာေ၇ာ မှန်ပါသလား။ အသီးအရွက်ချည်းပဲစား၇င် ပိန်နိုင်ပါမလား

Nge Naing said...

ဝစေတာ ၀က်သားမှမဟုတ်ပါဘူး ငါးကလွဲရင် အဆီများတဲ့ ဘာအစားအစာပဲစားစား ၀လွယ်ပါတယ်။ ၀က်သားအပါအ၀င် အသားတွေထဲမှာရှိတဲ့ အဆီက ကော်လက်စရောလ်လို့ခေါ်တဲ့ ရောဂါအမျိုးမျိုးကို ဖြစ်စေနိုင်တဲ့ အဆီကပိုများပါတယ် ဒါကြောင့်ဝလွယ်စေတဲ့အပြင် ပိုပြီးလည်း အန္တရယ်များပါတယ်။ အာလူး၊ ထမင်းအဖြူ၊ ဂျုံ၊ ပြောင်း စတာတွေအကုန်လုံးက ကစီဓါတ်တွေဖြစ်လို့ လိုတာထက်ပိုစားရင် လူကို ၀စေတာ ဟုတ်ပါတယ်။ အလုပ်ကြမ်းမလုပ်တဲ့သူတွေအတွက် လိုအပ်တဲ့အစာ အ၀င် အားလုံးရဲ့ ၅ ပုံနှစ်ပုံ (၁၀ ပုံမှာ ၄ ပုံစာ) ပဲစားသင့်တယ်။ အသားကို ၁၀ ပုံမှာ နှစ်ပုံနဲ့ ကျန်တဲ့တ၀က်ကို ဟင်းသီးဟင်းရွက်နှင့် အသီးနှံတွေစားသင့်တယ်။ ကိုယ်အလေးချိန် လျှော့ချင်သူတွေအနေနဲ့ ကစီဓါတ်ကို အတတ်နိုင်သလောက် လျှော့စားပြီး မချိုတဲ့ အသီးနှံနဲ့ ဟင်းသီးဟင်းရွက်တွေစားရင် ပိန်စေနိုင်တယ်။အ၀လွန်နေသူတွေအတွက် ကျန်တဲ့ အစားအစာကို လုံလောက်အောင် စားပြီး ကစီဓါတ်ကို မစားပဲ အချိန်အတော်ကြာတဲ့အထိ နေလို့ အစာမချို့တဲ့နိုင်တဲ့အတွက် ဟင်းသီးဟင်းရွက်ချည်းပဲစားပြီး ကိုယ်အလေးချိန်လျှော့နိုင်ပါတယ်။ http://health.ngoinmyanmar.org/search/label/Nutrition အောက်မှာ ကျွန်မတင်ခဲ့တဲ့ ပို့စ်တွေကိုလည်း ပြန်ဖတ်ကြည့်ဖို့ Fatty ကိုအကြံပြုချင်ပါတယ်။

Anonymous said...

မလိုင်ထုတ်ထားတဲ့ နို့နဲ့ မလိုင်ထုတ်မထားတဲ့ နို့အပျစ် ဘယ်ဟာ သောက်သင့်ပါသလဲ။ ဒီက ဆိုင်တွေမှာ fat ပါဝင်နှုန်း အမျိုးမျိုးနဲ့ နို့တွေ ခွဲရောင်းတော့ ဘယ်ဟာ ဦးစားပေးဝယ်သင့်လဲ မသိလို့ပါ။ မလိုင်ထုတ်ထားတဲ့ နို့ သောက်ကြည့်တော့ ကျဲသလို ခံစားရလို့ အာနိသင် ပြည့်မပြည့်လဲ သံသယ ရှိလို့ပါ။

Nge Naing said...

မလိုင် (သို့) အဆီ ထုတ်ထားတဲ့နို့ (Skim milk) က ကျဲသလို အရသာလည်း နည်းပါတယ်။ ဒါပေမယ့် ဒါဟာ ရေရောလို့ အရသာနည်းသွားတာမဟုတ်ပဲ နို့အပျစ်ကို အဆီထုတ်လိုက်လို့ အရသာနည်းသွားတာသာ ဖြစ်လို့ နို့မှာ ပါဝင်တဲ့ အသားဓါတ်၊ ထုံးဓါတ် အာနိသင်တွေ ဘာမှမဆုံးရှုံးသွားတဲ့အပြင် ကျန်းမာရေးနဲ့ ပိုပြီး ညီညွတ်ပါတယ်။ နို့အပျစ်ထဲမှာ လူကိုဒုက္ခပေးတဲ့ ကော်လက်စရောလ်တွေ အများကြီးပါတဲ့အတွက် အဆီနည်းသထက်နည်းတဲ့နို့ကို ရွေးသောက်သင့်ပါတယ်။ ကျွန်မပို့စ်ထဲမှာ သောက်ဖို့ ညွှန်းထားတဲ့နို့ဟာ အဆီထုတ်ထားတဲ့နို့ (skim milk) ဒါမှမဟုတ် ပဲနို့ပဲ ဖြစ်ပါတယ်။ ကျန်းမာရေးလိုက်စားသူတိုင်း နို့အပျစ်ကို အတတ်နိုင်ဆုံး ရှောင်သင့်ပါတယ်။

venkawwida said...

ဆေးပညာဆိုက်မှာ
အတုယူစရာ လိုကနာစရာနှင့်
ကျန်းမာရေး ပညာပေးတွေကိုလည်း
ဖတ်ရတာ အားလုံးအတွက်
အကျိုး၇ှိလှပါတယ်။

Nge Naing said...

အရှင်ဘုရား စာလာဖတ်တဲ့အတွက် ကျေးဇူးတင်ပါတယ်ဘုရား။ သတ္တ၀ါတဦး ပုံမှန်အသက်ရှင် ရပ်တည်ဖို့ဆိုတာ ကံ၊ စိတ်၊ ဥတု၊ အာဟာရ မျှတဖို့လိုတယ်လို့ ဘုရားကိုယ်တိုင်လည်း ဟောခဲ့တာ ရှိတော့ လောလောဆယ် အာဟာရ မမျှတလို့ ဖြစ်နေတဲ့ ပြဿနာက တခြား ပြဿနာတွေထက် လူတွေမှာ ပိုများနေလို့ ဒီအကြောင်းကို ရေးဖြစ်သွားပါတယ် ဘုရား။ အာဟာရနဲ့ ပတ်သက်တဲ့ပို့စ်တွေ Nutritions ခေါင်းစဉ်အောက်မှာ ကျန်သေးပါတယ် နောက်ပိုင်း သိချင်တာရှိရင် ပြန်လာရှာဖတ်လို့ ရပါတယ်ဘုရား။