စိတ်မြန်တဲ့ အကျိုးသက်ရောက်မှုပါပဲ။
ပြီးခဲ့တဲ့ Anti-smoking ads ဆိုတဲ့ ပို့စ်ကို မှန်ကန်မှု ရှိလား မရှိလား အရင် မစုံစမ်းဘဲ ပို့စ်ကို အရင်တင်ခဲ့မိတယ်။
တင်ပြီးမှ စိတ်ထဲမှာ မကျေနပ်ဖြစ်လွန်းလို့ လိုက်စုံစမ်းတော့ အဲဒီ တန်ပြန်ကြော်ငြာတွေက အစစ်အမှန်မဟုတ်ဘဲ တမင် သရော်ပြီး လုပ်ထားတဲ့ နေရာက လာတာလို့ သိရတယ်။
The onion ဆိုတဲ့ website က သတင်းတွေ၊ ပညာပေးကြော်ငြာတွေကို လှောင်ပြောင်ပြီး အတည်လိုလိုနဲ့ တင်နေတဲ့ နေရာဆိုတာကို ဒီနေ့မှ သိလိုက်ရတယ်။
သူက ယုံကြည်စိတ်ချရတဲ့ အမေရိကန် နိုင်ငံက စီဒီစီ နာမည်ကို သုံးပြီး အတည်နဲ့ လုပ်ထားတဲ့ ကြော်ငြာ ဖြစ်တာရယ်၊ အတန်းထဲမှာ ပြဖြစ်သွားတာရယ်ကြောင့် ကျွန်မက အတည်လို့ ယူဆလိုက်မိတယ်။
သူတို့ နိုင်ငံက သူတွေကတော့ the onion website ကို သိပြီးသား ဖြစ်နေတာလား၊ ဒါမှ မဟုတ် သူတို့ ကိုယ်တိုင် မသိတာလား ဆိုတာကိုတော့ နောက်တစ်ပတ် အတန်းချိန်ကျမှပဲ မေးလို့ရပါလိမ့်မယ်။
ဆရာက ကိစ္စရှိလို့ ထွက်သွားခါနီးမှာ ကျောင်းသူ တစ်ဦးက ပြလိုက်တာကြောင့် ထင်ယောင်ထင်မှား ဖြစ်စရာတွေ ဖြစ်သွားခဲ့တာပါ။
အဲဒီပို့စ်တစ်ခုလုံး သုံးလို့ မရတော့ပေမယ့် ဘာတွေေ ရးခဲ့မိတယ် ဆိုတာ ကိုယ့်ဖာသာကိုယ် မှတ်မှတ်သားသား ရှိအောင် ဆက်ထားရမလား၊ အဲဒီပို့စ်ကိုပဲ ဖတ်မိတဲ့ သူတွေက အတည်လို့ ထင်မှာ စိုးလို့ ဖျက်ပစ်လိုက်ရမလားလို့ စဉ်းစားလို့ မရတာနဲ့ တခြား admin တစ်ဦးကို လှမ်းတိုင်ပင်အပြီးမှာ ပြန်ဖြုတ်ပစ်ဖို့ ဆုံးဖြတ်လိုက်တာပါ။
ကျွန်မ အတွက် အလွန်ကို ကြီးမားတဲ့ သင်ခန်းစာပါပဲ။
နောက်ကို အတည်ပြုနိုင်တဲ့ ယုံကြည်စိတ်ချရတဲ့ နေရာတွေကို သေသေချာချာ မတွေ့ရဘဲ ပြောဖို့ ရေးဖို့ တော်တော်ကို ခက်သွားပါပြီ။
ကိုယ့်ရဲ့ ယုံကြည်စိတ်ချရမှုကိုလဲ ကိုယ်တိုင် ပြန်စစ်ဆေးမိပါတယ်။
မဖျက်ခင်က ဖတ်မိသွားတဲ့ သူတွေ အားလုံးကိုလဲ ဒီပို့စ်နဲ့ တောင်းပန်ပါတယ်။
Posts
No comments:
Post a Comment