Life Cycle (2)

ထို့ကြောင့် ဤအရာကို သံသရာ ဟုခေါ်သည် (၂)

Juan

ရောဂါနှင့် သမား

နာခြင်း သို့မဟုတ် ရောဂါ ဖိစီး နှိပ်စက် ခြင်းခံ ရသူ များကို လွယ်လွယ် ကူကူ လူနာ လို့ အမည်ပေး ကင်ပွန်းတပ် ကြပါ တယ်။ လူနာ ဖြစ်လာ တဲ့အခါ လူသားရဲ့  ဇာတိ စိတ်အရ၊ ခံစား နေရ တဲ့ ဝေဒနာ ကိုအမြန် ဆုံးပျောက် ကင်းချမ်းသာ ချင်ကြတယ်။ ပျောက်ကင်း ဖို့နည်းလမ်း တွေကိုလည်း ရှာကြ ဖွေကြ တယ်။ ဝေဒနာ အပြင်း အထန် ခံစား နေရ တာကို ဘာမှ မလုပ်ပဲ ငုတ်တုတ် ပေထိုင် ပြီး သူ့ဘာသာ သူ ပြန်ကောင်း အောင် စောင့်တဲ့သူ မရှိ ဘူးလို့ မပြော နိုင်ပေမဲ့ အလွန် အင်မတန် နည်းပါး ပါလိမ့်မယ်။ မည်သည့် တန်ဖိုး ကိုပေးဆပ် ရသည် ဖြစ်စေ ကိုယ်ခံစား ရတဲ့ ဝေဒနာ ကို ပိန်းကြာ ဖက်တွင် ရေ မတင် သလို အမြန် ဆုံး သာပျောက် ကင်းချင် ကြသမို့ သမား ခေါ်တဲ့ ဝေဒနာ ကိုပျောက် ကင်းအောင် ကုသ ပေးနိုင်စွမ်း ရှိသော ပုဂ္ဂိုလ် များရဲ့  အခန်း ကဏ္ဌ ဟာ လူ့ဘောင် လောက မှာ အရေးပါ လာပါတယ်။

လူတစ်ဦး ဝေဒနာ ခံစား ရလို့ သမားတော် ထံချဉ်းကပ် တယ်ဆိုပါစို့။ သူ့ရဲ့ ရည်ရွယ်ချက် ကခံစား နေရ တဲ့ ရောဂါ ပျောက်ကင်း ဖို့၊ သမားရဲ့  ရည်ရွယ်ချက် က- လူနာခံစား နေရတဲ့ ဝေဒနာ ပျောက်ကင်း ဖို့အတွက် ထိရောက် တဲ့ကုသ မှုပေး ဖို့ပဲ မဟုတ်လား။ လောက မှာရှိရှိ သမျှ သမား သို့မဟုတ် ဆေးဆရာ အားလုံး ဟာဒီရည်ရွယ် ချက်ကြီးကို ဦးထိပ် ပန်ဆင် ပြီး အလုပ်လုပ် ကြတာပါပဲ။ ထိရောက် တဲ့ကုသ မှု ကိုပေးချင်ရင် ပထမ ဆုံးလိုအပ် ချက်က လူနာ ခံစား နေရ တဲ့ရောဂါ ဝေဒနာ ရဲ့  အကြောင်းရင်း ကိုသိမှ ဖြစ်မယ် ဆိုတာကို သဘောပေါက် လာကြတယ်။ ဒါကြောင့် ပဲခေတ် အဆက်ဆက် သမားတော် တို့ဟာ ရောဂါ ဖြစ်ပွား ရခြင်း အကြောင်းရင်း များကို ရှာဖွေ ဖေါ်ထုတ် စုံစမ်း ခဲ့ကြပါတယ်။ ရရှိ လာတဲ့ အချက် အလက်၊ အခြေ အနေ တွေပေါ် အခြေခံပြီး ရောဂါ ဖြစ်ရခြင်း အကြောင်း များကို သီအိုရီ များ၊ အနုမာန မှန်းဆချက် (Hypothesis) များ အဖြစ် ဖော်ထုတ် ခဲ့ကြတယ်။ မှန်တာလည်းရှိ၊ မှားတာလည်း အများကြီးပေါ့။ အခြေ အနေ နဲ့ အချိန် အခါ ပေါ်မူတည်ပြီး ပြောင်းလဲ ခဲ့ကြတဲ့ အနောက်တိုင်း ဆေးပညာ ရဲ့  သမုတိ သစ္စာ သီအိုရီ များကို အနည်းငယ် တင်ပြ ပါရစေ။

(က) သဘာဝလွန် သီအိုရီ
ရှေးပဝေ သဏီ တုန်းက လူသား ဟာဝေဒနာ တစ်ခုခု ခံစား ရပြီ ဆိုရင် ဘာကြောင့် ဖြစ်ရသလဲ ဆိုတာ ကိုနက်နက် နဲနဲ စဉ်းစား နိုင်စွမ်း မရှိ ခဲ့ပါ။ စား၊၀တ်၊ နေရေး ဖြစ်တဲ့ Basic Needs ကိုဦးစား ပေးဖြေရှင်း ရတဲ့ ခေတ်မို့ Safety Needs ဖြစ်တဲ့ ကျန်းမာရေး ကိုလှည့်ကြည့် ဖြေရှင်း ချိန်မရ တာက တစ်ကြောင်း၊ ကျိုးကြောင်း ဆင်ခြင် တုံတရား အားနည်း တာက တစ်ကြောင်း တို့ကြောင်း ရောဂါ ဝေဒနာ ရဲ့ အကြောင်း တရား ကိုမမြင် နိုင်တဲ့ သဘာဝ လွန် ဖြစ်ရပ် များ အပေါ် ပုံချ လိုက်လေ့ ရှိတယ်။ မိုးနတ် မင်းကြီး စိတ်ဆိုးလို့၊ လေနတ် သားက ဒေါပွလို့၊ မီးနတ် ကို မပူဇော်လို့၊ စုန်း၊ ကဝေ၊ မြေဘုတ်၊ ဘီလူး၊ ပြိတ္တာ၊ နာနာ ဘာဝ၊ တစ္ဆေ၊ သရဲ များက သောက်မြင်ကပ်ကပ် နဲ့ ပြုစား လို့ ရောဂါ ဖြစ်ရတယ် ဆိုပြီး ယူဆ လိုက်ကြ တယ်။ အေးရော၊ ခုခေတ် ပြောပြော နေတဲ့ ဘာမှ လာရှင်း ပြမနေနဲ့ ဆိုတာ မျိုးပေါ့၊ ကိုယ့်လက် ကလွတ် ဗြွတ် ဆိုပြီး ပြောချ လိုက်တဲ့ သဘောပါပဲ။ ထူးဆန်း တာက တော့ ဂလိုဘယ် လိုက်ဇေးရှင်း ခေတ်၊ စူပါ အင်ဖော် မေးရှင်း တက္ကနို လိုဂျီ ခေတ် လို့ ပြောပြော နေတဲ့ ပစ္စုပ္ပန် ကာလ မှာတောင် ဒီသီအိုရီ ဟာ ကမ္ဘာ့နေရာ ဒေသ အတော်များများ မှာပန်းပန်လျှက်ပဲ ရှိနေ သေးတယ်။

(ခ) ဟန်ချက်ညီ သီအိုရီ
ခေတ်တွေ ပြောင်းပြီး လူဖြစ်သက် ရင့်လာ တာနဲ့ အမျှ စဉ်းစား နိုင်စွမ်း ရှိလာ တဲ့လူသား တွေဟာ လူမှုရေး၊ စီးပွားရေး၊ ဘာသာရေး၊ ကျင့်ဝတ် ဆိုင်ရာ အတွေး အခေါ် များမြင့်မား လာတာနဲ့ အမျှ ရောဂါ ဝေဒနာဟာ ဘုရားရိုက်လို့၊ နတ် ခိုက်လို့ ဆိုပြီး အယုံကြီး ယုံနေတဲ့ အဆင့် ထက်ပို ပြီးတွေးတော ဆင်ခြင် နိုင်စွမ်း ရှိလာ ကြတယ်။ မဇ္ဈိမ ကအစပြုခဲ့တဲ့ ဟန်ချက်ညီ သီအိုရီ ဟာအဲဒီ ခေတ် အခါ ကအလွန်ရှေ့ တန်း ရောက်သော မော်ဒန် အတွေးအခေါ်သစ် ဖြစ်ခဲ့တယ်။ လူ့ ခန္ဓာကိုယ် မှာ အဓိက ကျတဲ့ လေ၊ သည်းခြေရည် နဲ့ သလိပ် ဆိုတဲ့ ဓါတ်သုံးပါး ဟန်ချက် ညီညီ လည်ပါတ် နေနိုင်ရင် လူဟာ ကျန်းမာနေပြီး ဒီဓါတ်သုံးပါး အနက် တစ်ခုခု ဖောက်ပြန် တာနဲ့ ရောဂါ ဝေဒနာ အစပျိုး တော့တာပဲ လို့ ဒီသီအိုရီ ကဆိုပါတယ်။ နောက်ပိုင်း မှာ ဒီသီအိုရီ ကိုပဲ ဥရောပ၊ ဂရိ ဆေးပညာ ကကော်ပီ လုပ်ပါတယ်။ (ကော်ပီရိုက် ဥပဒေ ကိုဥရောပ ကစတင် ချိုးဖောက် တာလို့ ပြောရမလား?)၊ မြန်မာ ပြည်မှာ ခေတ်စား တဲ့ အာယုဗေဒ ဆေးပညာ ရဲ့  မူလ ဘူတ ဓါတ်ကြီး လေးပါး (ပထ၀ီ၊ အာပေါ၊ တေဇော၊ ၀ါယော) ဆိုတာလည်း ဒီက ဆင့်ပွား ထွက်လာတဲ့ အခက်အလက်ပါပဲ။

(ဂ) လေသီအိုရီ
ဟန်ချက်ညီ သီအိုရီ ခေတ်ကုန် သွားချိန် မှာ ဥရောပ ဖက်မှာ လေသီအိုရီ ဆိုတာ ပေါ်လာ ပြန်တယ်။ ရောဂါ ဖြစ်ပွား ရခြင်း ကို မသန့်ရှင်းသော၊ အဆိပ် အတောက် ပါသော လေပုပ် လေသိုး ကိုရှုမိ၊ ရှိုက်မိ လို့- လို့ဆိုပြန်တယ်။ ကူးစက် ရောဂါ တွေလို့ ဒီနေ့ခေတ် ရှင်းရှင်း လင်းလင်း သိထားတဲ့ ကာလ၀မ်း၊ ဌက်ဖျား၊ ပုလိပ် စတဲ့ ရောဂါ အားလုံး ဟာ အရင်း စစ်လိုက် တော့ အယုတ် တမာ လေဆိုး ကြောင့် လို့စွပ်စွဲ ပါတယ်။ သူများ ပြောတိုင်း မယုံ ချင်ကြသူ တွေက သုတေသန တွေလည်း လုပ်ကြည့် ကြတယ်။ ဟုတ်လောက် တယ်လို့ ထင်စရာ ရှိတဲ့ အထောက် အထား တွေ့လည်း တွေ့ခဲ့ ကြပါသေး။ နောက်ပိုင်း ကျမှ ဒီအထောက် အထားတွေဟာ ဆေး သုတေသန မှာ သတိ ထားရမဲ့ တနွယ်ငင် တစင်ပါ အမှားများ (Confounders) အဖြစ် နှလုံးသွင်း လက်ခံ လာခဲ့ ကြတယ်။ ထိုခေတ် ထိုအခါ ကတော့ ပရမတ္တ သစ္စာ နီးနီး လောက်ယုံခဲ့ ကြတယ်လေ။

ဌက်ဖျား (Malaria) ဆိုတာ အီတလီ စကား၊ အဓိပ္ပါယ် က Bad air disease တဲ့၊ နောက်ပိုင်း မှာ Plasmodium ဌက်ဖျား ပိုးကြောင့် ရောဂါ ရတာ၊ ဒီပိုး ကို Anopheles ခြင် ကသယ် ဆောင်ပြီး ဒီခြင် ကိုက်လို့ ရောဂါဖြစ် တာမှန်း သိလာပေမဲ့ အရင့် အရင် ကပေး ထားခဲ့တဲ့ နာမည်မှား ကြီးက တွင်နေပြီ မို့ ပြင်မရတော့ပါ။ ငယ်ငယ်က ဖိုးထော် လို့ နှုတ်ကျိုး အောင်ခေါ် ခဲ့ကြ ပြီး ကြီးလာမှ ထက်မိုးအာကာ လုပ်ချင် လို့ မရတော့ဘူး၊ သေရာ ပါအောင် ငယ်နာမည် ကတွင်ခဲ့ ပြီလေ။

(ဃ) အမှုန် အမွှား သီအိုရီ
နှစ်တစ်ထောင် အမှောင် ခေတ်ကြီး ကိုကျော်ဖြတ် ခဲ့ပြီး ပြန်လည် နိုးထ လာခဲ့တဲ့ ဥရောပ ရဲ့ ရီနေဆွန်း ကာလ လို့သမိုင်းတွင် ခဲ့တဲ့ ၁၅၀၀ ခုနှစ် တွေလောက်မှာ ပေါ်ပေါက်လာတဲ့ သီအိုရီဖြစ်တယ်။ ဖရာ့ ကက်စတို လီးယပ်စ် ဆိုတဲ့ အီတလီ ဆရာဝန် တစ်ဦး ကစတင် ဖော်ထုတ် ခဲ့တယ် ဆိုပဲ။ သာမန် မျက်စိ နဲ့ မမြင်နိုင်တဲ့ အမှုန် အမွှား လေးတွေ လူနာ တစ်ယောက် ကနေ နောက်တစ်ယောက် ကိုကူး စက် ရာက တဆင့် ကူးစက် ရောဂါ တွေ ဖြစ်ပွား ပါသတဲ့။ လိင် ကတဆင့် ဆစ်ဖလစ် ရောဂါ ကူး စက် နိုင်တယ် ဆိုတဲ့ လမ်းကြောင်း မှန်ကို တွေ့ခဲ့ ပြီးခါမှ လူတွေ သိချင် ကြတဲ့ အမှုန် အမွှား ဆိုတာ ဘာလဲ။ ဘယ်လို လမ်းကြောင်း တွေက တဆင့် ဘာကြောင့် ကူးရ တာလဲ ဆိုတဲ့ မေးခွန်း တွေကို ပြေလည် အောင် မဖြေရှင်း နိုင်လို့ သူ့ကို ထင်ရာ မြင်ရာ လျှောက်ပြော သူအဖြစ် ကင်ပွန်းတပ် ခံခဲ့ ရရှာတယ်။

(င) အလို အလျှောက် ဖြစ်ပွား ခြင်း သီအိုရီ
ရောဂါ ဆိုတာ သူ့ဖာသာ သူဖြစ် ချင်တဲ့ အချိန်မှာ တားမနိုင် ဆီးမရ နဲ့ အလို အလျှောက် ဖြစ်တော့ တာပဲ ဆိုတဲ့ သီအိုရီ တစ်ခု ခေတ်စား ခဲ့ပါသေး တယ်။ ခေတ်နောက်ပြန် ဆွဲယုံ မက ရှေ့ က ပေါ်ပေါက် ခဲ့တဲ့ လူသားရဲ့  ကျိုးကြောင်း ဆင်ခြင်တုံ တရား နဲ့ အသိဥာဏ် တွေကို ပါ မြောင်းထဲ ဆွဲချ လိုက်တဲ့ သီအိုရီ ပါပဲ။ ဒီလို သာဆို ရင်တော့ ရောဂါ ဆိုတာ ဖြစ်ချင် တဲ့ အချိန် ထဖြစ်ပြီး ပျောက်ချင်တဲ့ အချိန် ပျောက်လိမ့် မပေါ့။ သမားတော် ဆိုတဲ့ ပုဂ္ဂိုလ် တွေကို ဘဇာ ကြောင့် အားကိုး နေရ ဦးမှာလဲ လို့ လူတွေ ထင်ယောင် ထင်မှား ဖြစ်စေ တဲ့အထိ ဆေးပညာ ကိုအိုးမဲ သုတ်ခဲ့တဲ့ သီအိုရီ ပါပဲ။

(စ) ပိုးမွှား သီအိုရီ
ရှေ့ က တင်ပြ ခဲ့တဲ့ သီအိုရီ အားလုံး နီးပါး ဟာ အချို့ က ကိုယ်ထင်ရာ ကိုယ်ပြောကြတာ၊ အချို့ က သိပ္ပံ ပညာကို အတိုင်း အတာ တစ်ခုထိ အသုံးချ ပြီးဖော် ထုတ်ခဲ့ကြ တာဆိုပေမဲ့ သိပ္ပံ နည်းကျ အစစ် ဆေးခံ နိုင်တဲ့ ဒေါင်ဒေါင်မြည် တစ်ခုမှ မပါခဲ့ ပါ။ ဒီလိုနဲ့ပဲ ဆေးပညာ သမားတော် များဟာ ကာလ တစ်လျှောက်လုံး ပျောက်သော လမ်းမှာ စမ်းတ၀ါးဝါး ဖြစ်နေရာက ၁၉ ရာစု နှောင်းပိုင်း လောက်မှာ မျှော်လင့်ချက် ရောင်ခြည်သစ် ပေါ်ထွန်း လာခဲ့ပါ တယ်။ ခရစ် သက္ကရာဇ် ၁၆၇၀ မှာ အန်သိုနီ လူဝင်ဟုတ် ဆိုတဲ့ ပုဂ္ဂိုလ် အဏုကြည့် မှန်ဘီလူး ကိုစတင် တီထွင် လိုက်ရာက ဒီပစ္စည်း လေးကျေးဇူး နဲ့ အရင် ကမမြင် ခဲ့၊ မသိခဲ့ တဲ့ အသိသစ် တွေရလာကြတယ်။ ဖိုးသူတော် မျက်စိလည်ရင် ဆွမ်းဆန် များများ ရတတ်သလို၊ ပညာရှင်တွေ မျက်စိ လည်ရင် အသိသစ် များများ ရတတ် ပါတယ်။ ငြင်းကြရင်း၊ ခုံကြရင်း၊ ဟောတစ်ကောင်၊ ဟောတစ်ကောင် ရှာလို့ တွေ့ရင်း နဲ့ပဲ ရောဂါ တွေဟာ microbe ခေါ် မျက်စိနဲ့ မမြင်နိုင်တဲ့ ပိုးမွှား တွေကြောင့် ဖြစ်ရတယ် ဆိုတာကို တဖြည်းဖြည်း လက်ခံ လာခဲ့ ကြတယ်။

လူဝီ ပါစချာ (၁၈၂၂-၁၈၉၅) လက်ထက် မှာတော့ ဒီ အနုမာန အယူအဆ ကိုခိုင်ခိုင် မာမာ သက်သေ ပြနိုင် ခဲ့တယ်။ တီဘီ ပိုး ကိုဖော် ထုတ်သူ ရောဘတ် ကော့ခ်ျ ဆိုရင် Koch’s postulate ဆိုတဲ့ ကိုယ်ပိုင် အယူအဆ တစ်ရပ် ကိုရဲရဲ တောက် ဖော်ထုတ် ခဲ့တယ်။ သူ့ အဆိုကို လွယ်လွယ် ပြောရရင်-

ရောဂါ သည် မျက်စိ ဖြင့် မမြင် နိုင်အောင် သေးငယ်သော ပိုးမွှား များကြောင့် ဖြစ်၏။ ထို့ကြောင့် ရောဂါသည် လူနာ တိုင်း၏ ခန္ဓာကိုယ် တွင် ရောဂါပိုး များရှိ၏။ ထိုရောဂါပိုး တို့ကို လူနာ၏ ခန္ဓာကိုယ် မှ တနည်းနည်း ဖြင့်ထုတ် ယူပြီး အဏုကြည့် မှန်ဘီလူး ဖြင့်ကြည့်လျှင် ပိုးတွေ့ ကိုတွေ့ ရမည်။ Culture လုပ်ပြီး မွေးမြူလျှင် ပိုးများ ပေါက်ဖွား ရမည်။ ပေါက်ဖွား လာသော ပိုးတို့ ကိုရောဂါ ကင်းစင်သည့် လူ သို့မဟုတ် သတ္တ၀ါ တစ်မျိုးမျိုး ၏ခန္ဓာ ကိုယ်တွင်း ပြန်လည်သွတ်သွင်း ပေးနိုင်လျှင် ပထမ ပိုးထုတ်ယူ လိုက်သည့် လူနာ ခံစား ခဲ့ရသည့် ရောဂါဝေဒနာ အတိုင်း ထပ်တူထပ်မျှ ရောဂါ ဖြစ်ပွားစေ ရမည်။ တူညီ သော ရောဂါ ခံစား နေရသူ ဝေဒနာ သည်တိုင်း ၏ခန္ဓာကိုယ် မှထုတ်ယူ လိုက်သော ရောဂါပိုး သည်တစ်မျိုး တစ်စား တည်းသာ ဖြစ်စေ ရမည်။ ဤမှန်သော သစ္စာ တရား ကိုငါ တွေ့ရှိ ခဲ့သည်။

ဖော်ပြ ပါပါတ်လည် ရိုက်သဘော တရားကို တွေ့ရှိ ဖော်ထုတ်ခဲ့ပြီး လက်ခံ ချင်စရာ အထောက် အထား များကို တီဘီပိုး နဲ့ သက်သေ ပြနိုင် ခဲ့ပေမဲ့ တီဘီ ပိုးရဲ့ မျိုးတူ မူကွဲ ညီအကို တော် အနာကြီး ရောဂါပိုး နဲ့ ကြုံရ တဲ့ အခါမတော့ သူ့ ပါတ်လည် ရိုက်သဘော တရားကြီး ဒူးထောက် လက်မြှောက်ရလောက်အောင် ပိုးတို့၏ မာယာ နဲ့ကြုံတွေ့ ခဲ့ရရှာတယ်။ ဘာပဲ ပြောပြော ပိုးမွှား သီအိုရီ ဟာ သူ့ရှေ့ က နောင်တော့် နောင်တော် သီအိုရီ အားလုံးထက် အပြတ် အသတ် တိကျ ပြီးသိပ္ပံ နည်းကျ တယ် ဆိုတာ ကိုတော့ မငြင်း နိုင်ပါ။

(ဆ) သုံးချောင်း ထောက် သီအိုရီ
ပိုးမွှား သီအိုရီ ကိုခြောက်ပစ်ကင်း သဲလဲစင် အဖြစ် အနောက်တိုင်း ဆေးပညာရှင် အားလုံး တညီ တညွတ် တည်းလက်ခံ ခဲ့ကြ ပေမဲ့ အချိန်ကြာ လာတာနဲ့ အမျှ လစ်ကွက်၊ ဟာကွက် ကလေး တွေကို တွေ့လာ ရပြန်တယ်။ ရောဂါ တိုင်းဟာ ပိုးကြောင့် ဖြစ်တဲ့ ကူးစက် ရောဂါ များ မဟုတ်၊ ပိုးကြောင့် ဖြစ်တယ် ဆိုစေ ဦးတော့၊ ပိုးရှိ နေယုံ သက်သက် နဲ့ ရောဂါ ရလောက် တဲ့ အထိ အဖြစ် မဆိုး နိုင်ဘူး ဆိုတာ တွေ့လာ ခဲ့ကြတယ်။ ဒါကြောင့် ရောဂါ တစ်ခု ဖြစ်ပွား ဖို့ အတွက် အနည်းဆုံး အကြောင်း တရား သုံးပါး ဖိုခနောက် ဆိုင် ဆုံဖို့ လိုအပ် တယ်လို့ ယူဆ လာခဲ့ ကြပြန် ပါတယ်။ ရောဂါ ဖြစ်ပွား စေသော လက်သည် တရားခံ (Agent)၊ ရောဂါ လက်ခံ မည့်သူ (Susceptible Host) နဲ့ အထက်ပါ အကြောင်း နှစ်ပါး ဖူးစာ ဆုံအောင် ဖန်တီးပေး နိုင်သော ပါတ်ဝန်းကျင် (Suitable Environment) ဆိုတဲ့ ဒီအကြောင်း သုံးပါး ရင်ဆိုင် ဆုံတွေ့ ပါမှ ဘယ်ရောဂါ မဆို ဖြစ်ပွား တတ် ပါသတဲ့။ ဒါကြောင့် လည်းဒီ အကြောင်း သုံးပါး ကိုရောဂါ ဖြစ်ပွားမှု တြိဂံ၏ အနားစွန်း ထောင့်သုံးဖက် (Epidemiological Triad of Causation) လို့ ခေါ်ခဲ့ ကြပါတယ်။

(ဈ) ပင့်ကူ အိမ် သီအိုရီ
ဒုတိယ ကမ္ဘာစစ် အပြီး စစ်အေး ကာလ များမှာ ရှေးယခင် ကလူသား ကိုပုံမှန် နှိပ်စက် နေကြ ကူးစက် ရောဂါ များ အပြင် မကူးစက် နိုင်သော နာတာရှည် ရောဂါ များ ဆိုတဲ့ နောက်ထပ် ရောဂါ ဖောက်သည်ကြီး တစ်ဦး တိုးလာ ပါတယ်။ နှလုံး၊ သွေးတိုး၊ ဆီးချို၊ ကင်ဆာ အစ ရှိတဲ့ ရောဂါ များပေါ့။ တစ်ကျောင်း တစ်ဂါထာ၊ တစ်ရွာ တစ်ပုဒ် ဆန်း၊ ဆိုသလိုပဲ ဒီရောဂါ တွေက ကူးစက် ရောဂါ တွေနဲ့ သဘော သဘာဝ ချင်းအင် မတန် ကွဲလွဲ တယ်။ ဒါကြောင့် အချိန် ပေးပြီး လေ့လာ ကြရ ပြန်ရော။ ရောဂါ ဖြစ်စေတဲ့ ပိုးဟာ ဒီမှာဟေ့ လို့ လက်ညှိုး ထိုးပြ ပြီးတရားခံ ရှာလို့ လဲမရ၊ လက်သည် လည်းတိတိ ပပ မရှိ၊ ဟိုဟာ ကြောင့် လည်းဖြစ်နိုင်၊ ဒီဟာ ကြောင့် လည်းဖြစ်နိုင်၊ ဖြစ်နိုင် တဲ့လက်သည် တွေက လည်းအနမတဂ္ဂ၊ ဒါကပဲ မကူးစက် တတ်တဲ့ ရောဂါ များရဲ့  trademark ဖြစ်လာ ပါတယ်။ ဒါကြောင့် လည်း ဒီရောဂါ မျိုးတွေ ရဲ့  ဖြစ်နိုင်ဖွယ် ရှိသော လက်သည် များ (Risk factors) ကိုရှာဖွေ ဖော်ထုတ် လာကြ ရတယ်။

အနာကြီး ရောဂါ ဘာကြောင့် ဖြစ်၊ Mycobacterium leprae ကြောင့်ဖြစ် ဆိုရင် ပွဲသိမ်း ပေမဲ့၊ နှလုံး သွေးကြော ကျဉ်းရောဂါ ဘာကြောင့် ဖြစ်၊ နှလုံး သွေးကြော ကျဉ်းပိုး ကြောင့်ဖြစ်- လုပ် လို့ မရပါ။ ဆေးလိပ်သောက်လို့၊ သွေးတိုး အခံရှိလို့၊ ၀လို့၊ ထိုင်းမှိုင်း လို့၊ အဆီ အဆိမ့် အလွန် အကြူး စားလို့၊ ကိုယ်လက် လှုပ်ရှား အားကစား ကိုဝေရာ မဏိ လို့၊ ဒေါသ က ကျောမ တက်နေလို့ စသည်ဖြင့် တရားခံ စာရင်း ကတသီ တတန်းကြီး ထွက်လာ ပါတယ်။ ဒါတွေကို မှ အဓိက တရားခံ၊ သာမည တရားခံ ပြန်ခွဲ၊ စာရင်းပြုစု၊ ဒီတရားခံ တွေထဲမှာ လည်း အချင်းချင်း ပြန်ပြီး အားပေး အားမြှောက် ပြုနေ ကြသေး၊ အားကစား မလုပ်၊ အစားချည်း နင်းကန် တွန်းစား လို့ဝ၊ ၀ လို့သွေးတိုး၊ အဆီ ပိတ် အစရှိ သဖြင့် အမယ်ဘုတ် ချည်ခင်၊ ပင့်ကူအိမ် လိုရှုပ်ရှက် ခတ် နေတဲ့အတွက် ဒီနောက်ဆုံးပေါ် ရောဂါများ ရဲ့  ဖြစ်ပွားမှု ပုံစံက ယနေ့ ခေတ် လူ့ အဖွဲ့ အစည်း ရဲ့ ပုံစံ အတိုင်း မျက်စိနောက် စရာ ရှုပ်ထွေး လှပါတယ်။ ပင့်ကူအိမ် လူ့အဖွဲ့ အစည်းရဲ့  ပင့်ကူအိမ် ရောဂါ သီအိုရီ ပေါ့လေ။

သမိုင်း တလျှောက် သမားဆို တဲ့ပုဂ္ဂိုလ်တွေ၊ သိပ္ပံ ပညာရှင် တွေဟာဦးဏှောက်၊ အချိန်၊ သိက္ခာ၊ သွေး၊ ချွေး၊ မနည်း လှတဲ့ resources တွေကို အရင်း တည်ပြီး ဝေဒနာ အရင်းတည်ရာ၊ ရောဂါ ရဲ့ ဇစ်မြစ် တွေကိုဘာလို့များ၊ နာနာကြင်ကြင်၊ ပင်ပင် ပန်းပန်း ဖော်ထုတ်ခဲ့ ကြရ တာလဲ? အဖြေ ကတော့ သမားတို့ ရဲ့ တစ်ခု တည်းသော ရည်ရွယ် ချက်ဖြစ်တဲ့ လူနာ ခံစား နေရတဲ့ ဝေဒနာ သက်သာ ပျောက်ကင်း စိမ့်သောဌာ ထိရောက် တဲ့ကုသမှု ကိုပေးချင် တဲ့အတွက် ပဲမဟုတ် ပါလား --- --- ---

Read More...

Collapse...

Life Cycle (1)

ထို့ကြောင့် ဤအရာကို သံသရာ ဟုခေါ်သည် (၁)
Juan

လူနာ နှင့် ရောဂါ

လောက မှာ လူရယ် လို့ဖြစ် လာပြီ ဆိုကတည်းက ရှောင်လွှဲ မရတဲ့ အိုခြင်း၊ နာခြင်း၊ သေခြင်း ဆိုတဲ့ ဒုက္ခ တွေနဲ့ လူသား အားလုံး ကြုံတွေ့ကြ ရမှာ မြေကြီး လက်ခတ် မလွဲ။ ဒီဒုက္ခ သုံးပါး ထဲမှာ အိုခြင်း နဲ့ သေခြင်း ကိုလူတွေ ကြောက်ကြ တယ် ဆိုပေမဲ့ ပြောစမှတ် ပြုလောက်အောင် ဖိန့်ဖိန့်တုန် ပြားပြားဝပ် ကြောက်တာ မျိုးတော့ မဟုတ်ဖူး။ ရင်ဆို လိုသည် ဖြစ်စေ၊ မဆိုင် လိုသည် ဖြစ်စေ၊ တစ်နေ့ တော့ အားလုံး ကြုံတွေ့ ကြရမဲ့ ဖြစ်စဉ် တွေမို့ အတန် အသင့် တရား နှလုံး သွင်းနိုင် ကြတယ်။ တွေ့လည်း မတွေ့ချင်၊ ဘယ်အချိန် တွေ့မယ် မှန်းလည်း မသိ၊ ကြုံရ မှာကို လည်းကြောက်၊ ဖြစ်လာ ခဲ့ရင် လည်း ငါ့မှ ကံကွက်ကျား ပြီးဖြစ် ရလေခြင်း၊ လောက ကြီးက ငါ့ကို ရက်စက်တယ်။ မတ ရား လိုက်တာ၊ ငါလေး သနား ပါတယ်------ ဒီလို ဒီလို ယူကြုံး မရ၊ အပူလုံး ကြွ စရာတွေ ဖြစ်အောင် ပိုးစိုး ပက်စက် လုပ်နိုင် တာက တော့ နာခြင်း တရား သို့မဟုတ် ရောဂါ ဖိစီး နှိပ်စက်မှု ပါပဲ။

ဘာကြောင့်များ နာခြင်း ကိုလူတွေ အရမ်း ကာရော ကြောက်ရ သတုန်း။ နာတာထက် ကိုသေတာက ပိုမဆိုး ပေဘူးလားကွဲ့၊ သေတာကို သိပ်မ ကြောက်ပဲ နာတာကို ကြောက်ကြ တယ်ဆိုတော့ မဟုတ်သေး ဘူးနော် လို့ စောတက တက်ချင်ကြ မယ်ထင်တယ်။ စောဒက ဆိုတာလည်း တက်ရတဲ့ အမျိုးကိုး၊ စောဒက ကျလို့မှ မရပဲ။

သေတယ် ဆိုတာ အားလုံး တစ်တန်း တစ်စား တည်း Universal process လေ။ သာတူ ညီမျှ အလွန် ရှိတယ်။ ဘယ်သူ ဘယ်လောက် ကြီးကြီး ဘာကြီး ဖြစ်နေ နေ သေတာ ကိုရှောင်လွှဲ လို့မရ။ လူတိုင်းကြုံ ရမှာမို့ လူတစ်ယောက် သေပြီ ဆိုရင် သေမှာပေါ့၊ အကုသိုလ် များတာကိုး၊ ဘာကိုး၊ ညာကိုး စသည်ဖြင့် ကဲ့ရဲ့  ရှုံချ စရာအကြောင်း သိပ်မရှိ လှဘူး၊ သိပ်ကို ဆိုးဝါး သောင်းကျန်း သူများ ကလွဲရင် ပေါ့လေ။

“သြော်- သူတောင် ဆုံးသွား ရှာပြီကိုး၊ အင်းလေ- လူဆိုတာ သေမျိုး ချည်းပဲကိုး၊ ကိုယ့် အလှည့် လဲဘယ်တော့ ရောက်မယ် မသိဘူး၊ နောက်ဘ၀ အတွက် အထုပ် ပါအောင် ဒါန နဲ့ သီလ ပါရမီ လေးတွေ ဖြည့်ထား ကြနော်၊ အသက် ကအငယ် လေးရှိ သေးတာ၊ နေမယ် ဆို အများကြီး နေလို့ ရသေးတာနော်၊ အရွယ် ကောင်းလေး၊ တိုင်းပြည် အတွက် အစား ထိုးမရ တဲ့ဆုံးရှုံး မှုပေကပဲ”

သို့ကလို၊ ဟိုလို၊ ဒီလို တွေသေသူ ရဲ့  ပညာ၊ ဂုဏ်၊ စည်းစိမ်၊ ဥစ္စာ အပေါ်မူတည်ပြီး လူသေ အပေါ် ကျွန်တော် တို့ လူရှင် တွေက စိတ်မကောင်း၊ သံဝေဂရ၊ နှမြော တသ ဖြစ်ကြ၊ ဖြစ်ချင် ယောင်ဆောင် ကြတယ်။

ဘာပဲ ပြောပြော၊ သေတဲ့ အတွက် ဂုဏ်မငယ် လှဘူး၊ အနည်းဆုံး အသုဘ လာမေး တုန်းတော့ သေသူ့ မကောင်းကြောင်း မပြော ကြဘူး။ ဂန္ဓာလရာဇ် နွယ်ဖွား များသေရင် လာသမျှ လူအားလုံး ရဲ့ ကန်တော့ ခြင်း ကိုတောင် ခံရသေးတယ် မဟုတ်လား။

ရောဂါ ဖြစ်ပြီ ဆိုရင် တော့ဇာတ်လမ်း ကတစ်မျိုး တစ်ဘာသာ ဖြစ်လာ ပါပြီ။ မှတ်ပုံတင် လုပ်သလိုမျိုး ရောဂါ တစ်မျိုးတည်း ကို လူတွေ အားလုံး ပြုံဖြစ် ကြတာမျိုး မဟုတ်တော့ universal process မဟုတ်တော့ပဲ comparative သဘော ဆောင်လာ ပါတယ်။ သူမဖြစ် ငါဖြစ်၊ သူစံ ငါခံ အခြေ အနေ မျိုးဆိုတော့ ရောဂါ ကြီးကြီး မားမား ဖြစ်ခံ ရတဲ့ လူအတွက် ကတော့ လောက ကြီးဟာ အလွမ်းဇာတ် သက်သက် ပါပဲ။

သေသူ အပေါ်ထားတဲ့ သဘောထား မျိုး ကိုလူတွေ ကရောဂါ သည်အပေါ် ထားနိုင်ကြ ပါ့မလား။ အသုဘ ကတစ်ခါ ပဲသွားမေး ရမယ်၊ ကိုယ့်စိတ် ထဲပါပါ၊ မပါပါ အသုဘရှင် တွေစိတ်ချမ်း သာအောင် အံမလေး၊ အသေစော လို့ နှမြော ပါဘိ၊ ဂွိ၊ ဂိ၊ ဘာညာ၊ ဇွတ်ကြိတ် ပစ်လိုက် လို့ရသပေါ့။

လူမမာ ဆိုတာ ကမသေ မပျောက် အမျိုး။ သေလည်း မသေ သေးဘူး၊ ရောဂါ ကြီးကလည်း တန်းလန်း တန်းလန်း နဲ့ ပျောက်လည်း မပျောက်ဘူး။ လူနာ ကိုသွားလေသူ လိုနှမြော ပါဘိ တွေဘာတွေ သွားချီးမွှမ်း လို့လည်း မရဘူး၊ ဆိုတော့- သေတာ ထက်စာရင် နာရတာ ဂုဏ်ငယ်၊ ဂိုက်ပဲ့ လွန်းလှတယ်။

ဒါတောင် ဖြစ်တဲ့ ရောဂါ ပေါ်မူတည် ပြီးဂုဏ်ရောင် ရှိန်ဝါ သေးသိမ် ခြင်းဒီကရီ ကကွာခြားသေးတာ။

နှလုံး ရောဂါ၊ သွေးတိုး ရောဂါ၊ ဆီးချို ရောဂါ စတဲ့ မကူးစက် နိုင်တဲ့ နာတာရှည် ရောဂါ များကို ခံစား ရတယ် ဆိုကြပါစို့။ နှလုံး ရောဂါ ရလို့တဲ့၊ ဖြစ်မှာပေါ့၊ ကမြင်းကြော ထတာကိုး၊ လို့ဘယ်သူ ပြောမလဲ၊ မပြော ရေးချ မပြော၊ သနား ကြင်နာ ကြတယ်။ ဆွေမျိုး သားချင်း တွေက ပြုစု ယုယ ကြတယ်။ လူနာ ကိုဂရုစိုက် လိုက်ကြပါ လို့ ဆရာဝန် တွေထွေထွေ ထူးထူး မှာနေ စရာ ကိုမလိုဘူး။ လူနာရှင် ရဲ့ ငွေကြေး ဥစ္စာ ပြည့်စုံ မှုနဲ့ လူနာ့ အပေါ်ပြုစု စောင့်ရှောက် မှုဟာ တိုက်ရိုက် အချိုးကျတယ်။ သူဌေး များဒီ လိုရောဂါ မျိုး တွေဖြစ်လို့ ကတော့ တစ်အိမ်လုံး ကဖူး- ဖူး နဲ့မြည်အောင် ၀ိုင်းမှုတ် ထားကြ တယ်။ လူနာ ကိုယ်တိုင် ကငါ့ ကိုအရေး ပေးလှ ပါလား ဆိုတာ သိလာ ချိန်မှာ လိုအပ် တာထက် ပိုပြီး အခွင့် အရေးယူ ကာ အိမ်သား များ အပေါ် ဗိုလ်ကျ စိုးမိုး ရေးဝါဒ ကိုလက်ကိုင် ပြုကျင့်သုံး လာသူများ လည်းဒုနဲ့ဒေး။ ဒါကြောင့် လည်း တစ်ခေတ် တစ်ခါ ကရုပ်ရှင်၊ ၀တ္တု တွေထဲမှာ အမေကြီး ရဲ့  နှလုံး ရောဂါ ဟာသမီး နဲ့ သူ့ရည်းစား ကိုခွဲတဲ့ တရားခံ အဖြစ် မှန်မှန်ကြီး အသုံးတော် ခံခဲ့ရ တယ်။

“သမီး၊ အမေ့မှာ နှလုံး ရောဂါ ရှိတာ သိတယ်နော်။ အမေ သဘော မတူတဲ့ ဒီအကောင် နဲ့ ခုချက်ချင်း အဆက်ဖြတ် လိုက်ပါ သမီးရယ်၊ အမေ့ သမီး ကအမေ စိတ်မချမ်း သာတာ ဘာ----ဟာ------ဟာ (အမော ဆို့သံ) မှ မလုပ်ဘူး ဆိုတာ အမေ သိပါတယ်”

ဒီလို အပျော့ ဆွဲချင် ဆွဲ။ ဒါမှ မဟုတ် ---

“ဟဲ့ကောင်မတွေ၊ ငါ့မှာ ရောဂါ ကြီးနဲ့ ဆိုတာ နင်တို့သိတယ်နော်၊ ငါ့ကို စိတ်မချမ်း သာအောင် လုပ်နေ ကြတာ၊ နောင်မှ နောင်တ မရကြနဲ့။ အမ်--မာ--လေး။ မော-----ဟော-----ဟော----လိုက်တာ၊ ငါ အခု ပျံလွန် တော်မူ လိုက်ရ မလား”

ဒါမျိုး ဓါတ်ကြမ်း တိုက်ချင် တိုက်ပါတယ်။

တကယ့် ရောဂါ သည်စစ်စစ် ဆိုရင် တော့ဒီလောက် နန်းစတော့ ပြောနေရင် အသက်ထွက် တာကြာပေါ့။ သို့သော် ရုပ်ရှင် တွေအားကျ ပြီး လိုက်မလုပ် ဖူးလို့ တော့ မပြောနိုင် ပေဘူး။ ဒီလို ရောဂါ မျိုးတွေ ကိုဝေဒနာ ရှင်ဘက် ကအားသာ တဲ့ ရောဂါ တွေလို့ ခေါ်ပါတယ်။ ပညာရပ် ဆိုင်ရာ စကားလုံး ကတော့ Sickness Role ရရှိ သောရောဂါ များ လို့ခေါ်ပါတယ်။

လက်ပရိုစီ ခေါ်တဲ့ အနာကြီး ရောဂါ တို့၊ ချောင်းဆိုး သွေးပါ တီဘီ တို့၊ လေးလုံး ရောဂါ ခေါ် အေအိုင် ဒီအက်စ် ဝေဒနာ ရှင်တို့ ကျတော့ ခုနက နှလုံး၊ သွေးတိုး၊ ဆီးချို သမား တွေနဲ့ တစ်တန်း တစ်စား တည်းထား ပြီးဖူးဖူး မှုတ်ထား ကြပါသလား။ ဘယ့်နှယ် မှုတ်လိမ့် မတုန်း။ ဒီလိုရောဂါ မျိုး မိသားစု ထဲမှာ ဖြစ်လာပြီ ဆိုရင် ရွံလွန်း လို့၊ စက်ဆုပ် လွန်းလို့၊ ရောဂါသည် ကိုအိမ်ပေါ်က နှင်ချ တာတို့၊ အမွေ ပြတ်ကြော်ငြာ တာတို့၊ ရက်ရက် စက်စက် လုပ်ကြလေ့ ရှိတယ်။ လူနာ ကို စာနာပါ၊ သနား ပါ၊ အားပေး ပါ၊ ကူညီပါ၊ ဘယ်လောက် ပြောပြော နားမ၀င် တတ်ကြဘူး၊ နောက်ဆုံး နူရာ ၀ဲစွဲ၊ လဲရာ သူခိုးထောင်း၊ စားရမဲ့ သောက်ရမဲ့၊ ကူကယ်ရာမဲ့ စွာနဲ့ ဝေဒနာရှင် ခမျာ လူ့အောက် ကသတ္တ၀ါ တစ်မျိုး အဖြစ် ပက်ပက် စက်စက် ဘ၀ ဆုံးလေ့ ရှိတယ်။ မိအေး နှစ်ခါ နာ ရောဂါ များလို့ ဆိုကြ ပါစို့ရဲ့ ။ ပညာ စကားနဲ့ ပြောရင် socially stigmatized diseases လို့လူသိ များတယ်။

ရောဂါ သည်ချင်း တူတူ ဘာဖြစ်လို့ အဆင့် အတန်း နဲ့ ဆက်ဆံ ရေးဒီလောက်ထိ ကွာခြားသွားရ တာလဲ။ ကူးစက် နိုင်လို့ ဆိုတဲ့ အကြောင်းပြချက် တစ်ခုတည်း ကြောင့်တော့ မဟုတ်၊ လက်ချင်း ထိလိုက် တာနဲ့၊ မျက်လုံးချင်း စကား ပြောမိ တာနဲ့ ဗြုန်းကနဲ၊ ဒိုင်းကနဲ ကူးသွားတဲ့ ရောဂါ မျိုးတွေလည်း မဟုတ်။ socially stigmatized diseases တွေကို ရှေး ပဝေ သဏီ ကတည်းက အကုသိုလ် များလို့၊ ကံနိမ့်လို့၊ အောက်တန်း ကျလို့၊ ယုတ်မာ ညစ်ပါတ် စုတ်ပဲ့လို့ ဘုရား ရိုက်တဲ့ ရောဂါ များ လို့ ကျွန်တော် တို့မြန်မာ့ လူ့ဘောင် အဖွဲ့အစည်း ကအစဉ် အဆက် ခံယူ ကျင့်သုံး ခဲ့တဲ့ လူမှုစံ (Social Norm) တစ်ခု အဖြစ် ခိုင်ခိုင် မာမာ ရှိခဲ့ ပြီးဖြစ် နေလို့ ပါပဲ။ ခုနောက်ပိုင်း ဒီလို ရောဂါ မျိုးတွေ ကိုဖေးမ ကူညီ ကြည်ဖြူ စာနာ ဖို့ကျန်းမာရေး ပညာပေး လုပ်ငန်း များက ထဲထဲ ၀င်ဝင် ပြောလာကြ ပေမဲ့ လက်တွေ့ မှာတော့ စာနာ နိုင်ဖို့၊ ကြည်ဖြူ နိုင်ဖို့၊ ကြင်နာ နိုင်ဖို့ က အတော် ခက်နေ ကြပါ သေးတယ်။ ခေတ် အဆက်ဆက် အရိုးစွဲ အောင် ကျင့်သုံး လာခဲ့တဲ့ ဓလေ့ ထုံးစံ ကြီး ကိုခုချက်ချင်း ပြင် ဆိုလို့ ကတော့ ဟောရင်း နဲ့ သာပျံလွန် တော်မူမယ်၊ လိုက်နာဖို့ ကတော့ မလွယ် ရေးချ မလွယ်။

Read More...

Collapse...

When you eat recklessly, ...

အစားအသောက် မဆင်ခြင်တဲ့ အခါ

အစားအသောက် မဆင်ခြင်မိသောကြောင့် ဖြစ်တတ်သော ရောဂါများစွာ ရှိနှင့်ပြီး ဖြစ်သော်လည်း ယနေ့ ခေတ် တွင် ခေတ်စားလာသော ရောဂါ အရေအတွက်မှာ တစ်နေ့တခြား တိုးပွားလျှက် ရှိပေသည်။ အချို့သော ရောဂါ များမှာ ဖြစ်ပွားမှုနှုန်း နည်းသည့် တိုင်အောင် ခန္ဓာကိုယ်ကို များစွာ ဒုက္ခပေးတတ်ကြောင်း ထင်ရှားစွာ သိလာ နိုင်လေသည်။

ရောဂါဝေဒနာမှာ ပြင်းထန်သော်လည်း အစားအစာများကို အတန်အသင့် ဆင်ခြင်ခြင်းအားဖြင့် ရှောင်ရှား နိုင်သော ရောဂါများထဲမှ တစ်ခုကို တင်ပြချင်ပါသည်။

၎င်းရောဂါမှာ အစားအသောက်များကို ကျက်အောင် မချက်ခြင်း သို့မဟုတ် အသားစိမ်း၊ ငါးစိမ်းများကို စားခြင်းမှ တဆင့် ဖြစ်ပေါ်တတ်သော ရောဂါတစ်မျိုးဖြစ်ပါသည်။ထိုရောဂါ ဖြစ်ပွားလာပြီ ဆိုပါလျှင် ထင်ရှားသော ရောဂါလက္ခဏာ တစ်ခုမှာ ရောဂါဖြစ်ပွားသည့် နေရာ ပေါ်မူတည်၍ အရေပြားအောက်တွင် ရွေ့ရှားနိုင်သော အဖုအကျိတ်ကလေးများ ခန္ဓာကိုယ် တစ်နေရာရာတွင် ပေါ်လာတတ်ခြင်း၊ အင်ပြင်ထခြင်း၊ နေမထိ ထိုင်မသာဖြစ်ကာ စိတ်ကို အနှောင့်အယှက် ဖြစ်စေခြင်း ၊ ယောင်ယမ်းခြင်း၊ အဖုအပိန့် ထွက်သော နေရာများတွင် ယားယံခြင်း တခါတရံတွင် နာကျင်တတ်ခြင်းတို့မှစ၍ ခန္ဓာကိုယ်တွင်းရှိ အရေးကြီး အစိတ်အပိုင်းများကို ထိခိုက်နိုင်သည့် အပေါ်တွင်မူတည်ပြီး ဖြစ်ပွားတတ်ပေသည်။

အကယ်၍ ဦးနှောက်ကို ထိခိုက်စေသောအခါတွင် ထိခိုက်သော အစိတ်အပိုင်း အပေါ်တွင် မူတည်ပြီး အာရုံကြောများ အလုပ်မလုပ်နိုင်ခြင်းများ ဖြစ်ပွားကာ ထုံကျင်ခြင်း၊ နားမကြားနိုင်တော့ခြင်း၊ ဦးနှောက် အမြေးပါး ယောင်ခြင်း၊ ကိုယ်တစ်ပိုင်းသေခြင်း၊ သတိလစ်မေ့မြောခြင်း၊ သေဆုံးခြင်းတို့ အထိ ဖြစ်စေနိုင်ပါသည်။ ထို့ပြင် မည်သည့် ကိုယ်အင်္ဂါအစိတ်အပိုင်းတွင်မဆို အလုံးအကျိတ်များဖြစ်ပေါ်ကာ ထိုအင်္ဂါ၏ လုပ်ငန်းဆောင်တာများကို နှောင့်နှေးစေခြင်း၊ ပျက်စီးစေခြင်းများကို ဖြစ်ပေါ်စေပါသည်။

ထိုရောဂါသည် nematode ဟုခေါ်သော သံလုံးကောင် အမျိုးအစားတွင် ပါဝင်သည့် ကပ်ပါး ကောင်ငယ်ကလေးကြောင့် ဖြစ်ပြီး ထိုကပ်ပါးကောင်ကို ၁၈၃၆ ခုနှစ်တွင် Sir Richard Owen ဆိုသူက လန်ဒန်မြို့ရှိ တိရစ္ဆာန်ဥယျာဉ်တွင်းတွင် ပင်မသွေးလွှတ်ကြော ပေါက်ကာ သေဆုံးသွားသော ကျားငယ်ကလေး၏ အစာအိမ် အကျိတ်ထဲမှ စတင်၍ တွေ့ရှိခဲ့ခြင်း ဖြစ်သည်။

Gnathostomiasis ဟုခေါ်သော အဆိုပါရောဂါကို ဖြစ်ပွားစေသည့် သံလုံးကောင် ၏ superfamily မှာ Ganthostomatoidea ဖြစ်ပြီး Fmaily အမည်မှာ Ganthostomatoidea ဖြစ်ကာ Genus မှာ Gnathostoma ဖြစ်လေသည်။ ၎င်းသည် မျိုးစိတ်များစွာ ရှိသည့်အနက် မျိုးစိတ်တစ်မျိုးဖြစ်သော ခန္ဓာကိုယ်တွင် အဆူးချွန်များစွာ ပါရှိသည့် Gnathostoma spinagium ကိုသာ အဓိကတွေ့ရှိရပြီး ထိုင်းနိုင်ငံတွင် လည်း ထိုမျိုးစိတ်တစ်မျိုးကသာ လူသားတို့ကို ရောဂါဖြစ်စေနိုင်ကြောင်း တွေ့ရှိရပေသည်။

ယေဘူယျအားဖြင့် Gnathostomiasis သည် လူသားများတွင် ဖြစ်ပွားလေ့ မရှိတတ်ပေ။ အဘယ်ကြောင့်ဆိုသော ထိုသံလုံးကောင်သည် ကျား၊ ကျားသစ်၊ ကြောင်၊ ခွေးတို့၏ အစာအိမ် နှင့် အစာမျိုပြွန်တို့ကို ပင်မမှီတွယ်ကောင် အဖြစ်သတ်မှတ်ကာ နေထိုင်ပြီး သူ၏ သံသရာလည်ပတ်မှုတွင် cyclop ဟုခေါ်သော အကောင်ငယ်များ၊ ငါး ၊ လိပ်၊ ကြက်၊ ငှက် နှင့် အချို့သော နို့တိုက်သတ္တ၀ါများကို ယင်းတို့၏ သားလောင်း အဆင့်ပေါ်မူတည်ပြီး မှီခိုလေ့ရှိပေသည်။

ယခုခေတ်အခါတွင် အစားအသောက် ပုံစံပြောင်းလဲလာကာ အသားငါးများကို မဆင်မခြင် ကျန်းမာရေးနှင့် မညီညွတ်စွာ စားသောက်လာကြခြင်းကြောင့် လူသားများသည် ထို သံလုံးကောင်များ၏ မှီတွယ်ရာ သတ္တ၀ါတစ်မျိုး အဖြစ် မတော်တဆ ရောက်ရှိလာခြင်းဖြစ်သည်။

Gnathostoma သည် လူသားတွင် ဖြစ်ပွားကြောင်းကို ၁၈၈၉ ခုနှစ်တွင် Deuntzer ဆိုသူမှ အမျိုးသမီးတစ်ဦး၏ ရင်သားအကျိတ်မှ ခွဲစိတ်ရယူခဲ့ပြီးလျှင် Levinsen မှ ထိုအကောင်ငယ်ကို အတည်ပြုနိုင်ခဲ့လေသည်။ လူသားများသည် ထိုကပ်ပါးကောင်၏ အရွယ်ရောက်ပြီး တတိယ သားလောင်း အဆင့်ပါသော အစားအစာများကို မဆင်မခြင် စားသုံးမိပါလျှင် ထိုရောဂါများကို ခံစားရမည်ဖြစ်သည်။

ဝေဒနာ ခံစားနေရသူများကို လေ့လာ ကြည့်ပါက-

(၁) ထိုရောဂါ ဖြစ်ပွားတတ်သော နေရာများ ဖြစ်သည့် အစ္စရေး ၊ အိန္ဒိယ၊ ဂျာဗာ၊ မလေးရှား ထိုင်းနိုင်ငံ စသော နေရာများတွင် နေထိုင်သူများဖြစ်ခြင်း။
(၂) ရောဂါဖြစ်ပွားသော နေရာများသို့ သွားရောက်လည်ပတ်သော သမိုင်းကြောင်းရှိခြင်း။
(၃) အသားစိမ်း ၊ ငါးစိမ်းများကို စားတတ်သော အကျင့်များရှိခြင်း သို့မဟုတ် အသားငါးများကို မကျက်တကျက် ချက်ပြုတ်စားသောက်ခြင်းကို ခုံမင်သူများဖြစ်ခြင်း

တို့ကို တွေ့ရှိနိုင်ပေသည်။

ရောဂါဖြစ်ပွားမှု၏ အဓိက သော့ချက်မှာ အစားအသောက်မဆင်ခြင်မှုကြောင့်ဖြစ်သော်လည်း တခါတရံတွင် အရေပြားကိုဖောက်ကာ ၀င်တတ်ခြင်း ၊ မိခင်မှတဆင့် ကူးစက်ခြင်းများကို ရှားပါးစွာ တွေ့ရှိနိုင်ပေသည်။

အကယ်၍ လူသားတစ်ယောက်တွင် အဆိုပါ ရောဂါလက္ခဏာများ ခံစားနေရပါလျှင် ရောဂါလက္ခဏာများကို သေချာစွာ လေ့လာခြင်း၊ နေထိုင် စားသောက်သော အလေ့အထကို အသေးစိတ် စူးစမ်းခြင်းများ အပြင် သွေးထဲ၌ရှိသော Eosinophil ပမာဏကို တိုင်းတာခြင်း၊ ELISA ၊ Immuno blot test စသော ခေတ်မှီနည်းစနစ်များကို အသုံးပြု၍ သိရှိနိုင်ခြင်း၊ အကျိတ် ဖြစ်ပွားရာနေရာ သို့မဟုတ် ရောဂါ ခံစားနေရသောနေရာမှ နေ၍ ထိုအကောင်ငယ်ကို ခွဲစိတ်ရယူနိုင်ခြင်းအားဖြင့် စမ်းစစ်နိုင်ပါသည်။

ထိုအကောင်ငယ်၏ ထူးခြားချက်မှာ ဝေဒနာရှင် တစ်ယောက်လျှင် ပျမ်းမျှအားဖြင့် တစ်ကောင်နှုန်းဖြင့်သာ နေထိုင်ခြင်း ဖြစ်သည်။ သံလုံးကောင်ဖြစ်သော ထိုရောဂါသည် ကုသနိုင်သော ရောဂါဖြစ်ပြီး အခြား သံကောင်များတွင် သုံးစွဲနိုင်သော ဆေးတစ်မျိုး ဖြစ်သည့် Albendazole 400 mg ကို တစ်ခါသောက်လျှင် ၂ လုံးနှုန်းဖြင့် တစ်နေ့လျှင် နှစ်ကြိမ်ကျ သောက်ကာ ၂ ပတ်သောက်သုံးနိုင်ပေသည်။သို့သော်လည်း တခါတရံတွင် ရောဂါပြန်ကြွခြင်းများကိုတွေ့ရှိရပေသည်။ ထိုသို့သော အခါတွင် Ivermetin ဟုသော ဆေးကို ဆရာဝန် ညွှန်ကြားသည့်အတိုင်း သုံးစွဲနိုင်ပါသည်။

မြန်မာပြည်၏ သမိုင်းကြောင်းကိုလေ့လာကြည့်ပါက ၂၀၀၁ ခုနှစ် နှစ်ဦးပိုင်းတွင် မြန်မာပြည်သို့ လာရောက်လည်ပတ်စဉ်အတွင်း ကိုရီးယား စားသောက်ဆိုင်တွင် အသားစိမ်းများကို စားသောက်ခဲ့သောကိုရီးယားလူမျိုး ၆၀ အနက် ၃၈ ယောက်မှာ ၁၀ ပတ်ခန့်အကြာတွင် ၎င်းရောဂါလက္ခဏာများကို ခံစားခဲ့ကြသည် ဖြစ်ရာ မြန်မာလူမျိုးများ၏ ထုံးတမ်းစဉ်လာတွင် အသားစိမ်းငါးစိမ်းများကို စားသုံးသော အလေ့အထများစွာ မရှိသော်လည်း နေထိုင်မှု စနစ်ပြောင်းလဲလာသည် နှင့်အညီ ဖြစ်ပွားနိုင်သော အလားအလာများ ကိုတွေ့ရှိရပေသည်။

အသွားမတော် တစ်လှမ်း အစားမတော် တစ်လုတ်ဟူသော စကားပုံနှယ် မဖြစ်ရလေအောင် အစားအစာများကို ကျန်းမာရေးနှင့် လိုက်လျော ညီထွေစွာ ချက်ပြုတ်စားသောက်လျှင် ထို ကပ်ပါးငယ်လေးကြောင့် ကြုံတွေ့နိုင်မည့် ကိုယ်ကျန်းမာရေး၊ စိတ်ကျန်းမာရေး စသည်တို့ကို ထိခိုက်စေနိုင်သော ဘေးဆိုးများကို ကာကွယ်နိုင်မည်ဖြစ်သည်။

မွန်းသက်ပန် (ဆေး-၁)

Read More...

Collapse...

Leptospirosis

ရေဆိုးထဲက စောင့်နေတဲ့ ရောဂါ

သင် ဟာ ရေဆိုးထဲမှာ အလုပ်လုပ် နေရမယ်။ ဒါမှမဟုတ် သင်နေထိုင်ရာ သင် အလုပ်လုပ်ရာ ပတ်ဝန်းကျင်မှာ ရေဆိုးတွေ၊ ရေမြောင်းတွေ၊ ရေအိုင်တွေကို ဖြတ်သန်း နေရပြီ ဆိုရင် သတိထား ရပြီပေါ့။

ဖျားရင် ၊ ခြေသလုံး ကြွက်သားတွေ နာရင်၊ သင့်ကို သင့် သူငယ်ချင်းက မျက်လုံးတွေ ဝါနေတယ်လို့ ပြောလာရင်၊ ဆီးနည်း လာရင် Leptospirosis ဆိုတဲ့ ရောဂါ ဖြစ်နေတာ ဖြစ်ကောင်း ဖြစ်မယ်။

ဒီရောဂါဟာ Leptospires ခေါ်တဲ့ spiralchetes အနွယ်ဝင် ရောဂါပိုး တစ်မျိုးကြောင့် ဖြစ်ရတာပါ။ ဒီ ရောဂါပိုးဟာ ကျနော်တို့ ပတ်ဝန်းကျင် က တိရိစ္ဆာန် တွေ (အရိုင်းပဲ ဖြစ်ဖြစ်၊ အယဉ်ပဲ ဖြစ်ဖြစ်) ရဲ့ ကျောက်ကပ်မှာ ရောဂါ ဖြစ်ပွားခြင်း မရှိပဲ ပေါက်ပွားပြီး ဆီးထဲ ကနေ ပါလာ နိုင်တယ်။ အဲဒီ တိရိစ္ဆာန် ကျင်ငယ်ရေတွေ ပါတဲ့ ရေတွေ နဲ့ ထိမိတဲ့ လူတွေကို ရောဂါ ဝင်ရောက် ဖြစ်ပွား စေနိုင်တယ်။

အနာတို့ ပေါက်ပြဲ ဒဏ်ရာတို့ ရှိရင် ပိုပြီး ကူးစက် နိုင်တယ်။ ဆိုးတဲ့ တစ်ချက် ကတော့ အရေပြား ကိုလည်း ဖောက်ပြီး ဝင်နိုင်တယ်။ ရောဂါပိုး ပါတဲ့ ရေနဲ့ ထိနေရတဲ့ အချိန်ကြာလေ ရောဂါ ဖြစ်ဖို့ များလေပဲ။

ရောဂါပိုး စဝင်ပြီး ၁ ပတ်ကနေ ၂ ပါတ်ကြာရင် ရောဂါ စဖြစ်တယ်။

ရောဂါ ဖြစ်ပွားပုံ လက္ခဏာအရ လေးမျိုး တွေ့နိုင်တယ်။

1) Bacteraemic leptospirosis

ဒါက သွေးထဲမှာ ရောဂါပိုး ရှိလို့ စဖြစ်တာပါ။ bacteraemia ဆိုတာ သွေးထဲမှာ ဘက်တီးရီးယား ရောက်နေပြီလို့ ပြောတာပါ။ များသော အားဖြင့် အဖျားကြီးမယ်။ အားနည်းမယ်။ ကြွက်သားတွေ နာမယ်။ တစ်ခါတစ်လေ အန်မယ်။ ဝမ်းသွားမယ်။ မျက်လုံးတွေဟာ ရောင်ပြီး နီနေမယ်။ တစ်ပါတ်လောက် ကြာတဲ့ အခါကျတော့ အောက်ပါ ရောဂါ လက္ခဏာ နောက် တစ်မျိုးမျိုးကို ကူးသွားပါတယ်။

2) Aseptic meningitis

အဓိကအားဖြင့် L. canicola ကြောင့် ဖြစ်ပြီး ဗိုင်းရပ်စ် ကြောင့် ဖြစ်တဲ့ ဦးနှောက် အမြှေးပါးရောင် ရောဂါနဲ့ ခွဲခြားဖို့ ခက်ခဲ ပါတယ်။ မျက်လုံး နီနေ တတ်တာက လွဲလို့ တခြား လက္ခဏာ ရပ်တွေမှာ အတူတူ နီးပါးဖြစ်တာ တွေ့ရတယ်။ သွေးစစ် ကြည့်ရင် သွေးဖြူဥ တက်နေမယ်၊ အသည်း လုပ်ငန်းတွေ ပျက်နေမယ်၊ ဆီးထဲမှာ အသားဓါတ် ပါတာ တွေ တွေ့နိုင်ပါတယ်။

3) Icteric leptospirosis (Weil's disease)

ဒါကတော့ အသက် အန္တရာယ်ကို ခြိမ်းခြောက် နိုင်ပြီး အဖျားကြီးတာ၊ သွေးခြေဥတာ၊ သွေးယိုတာ၊ မျက်လုံးဝါတာ၊ ကျောက်ကပ် ပျက်စီးတာ တွေ တွေ့ရ ပါတယ်။ မျက်လုံး နီတာလည်း တွေ့နိုင်ပါတယ်။ ကိုယ်ခန္ဓာမှာ အနီကွက်တွေ ထွက်နိုင်တယ်။ သွေး ယိုစီးတာကို နှာခေါင်း သွေးကျတာ၊ သွေးအန်တာ၊ ကတ္တရာ ဝမ်းမည်း သွားတာ တို့ အနေနဲ့ တွေ့ရသလို ကိုယ်ခန္ဓာ အတွင်းပိုင်း သွေးယိုတာလည်း ဖြစ်နိုင်တယ်။ ဒါဟာ သွေးခဲစေတဲ့ platelet နည်းခြင်း thrombocytopenia ကြောင့် ဖြစ်ရတာ ဖြစ်ပါတယ်။

မျက်လုံး ဝါခြင်းဟာ သိသာနိုင်ပြီး အသည်းလည်း ကြီးနိုင်ပါတယ်။

ကျောက်ကပ် ပျက်စီးခြင်း ကြောင့် ဆီးနည်း သွားမယ်၊ ဆီးထဲမှာ အသားဓါတ် ပါလာမယ်၊ ဆီးလုံးဝ မသွားတာ ဖြစ်နိုင် ပါတယ်။

Weil's disease ဟာ နှလုံးကြွက်သား ရောင်တာ၊ ဦးနှောက်ရောင်တာ၊ ဦးနှောက် အမြှေးပါးရောင်တာ တွေနဲ့ တွဲပြီး ဖြစ်နိုင်ပါတယ်။

4) Pulmonary Syndrome

ဒီလက္ခဏာစုမှာ ချောင်းဆိုးသွေးပါတာ၊ ရင်ဘတ် ဓါတ်မှန်မှာ patchy opacities တွေ့တာ၊ အသက်ရှူ မကောင်းတာ တွေနဲ့ တွေ့ရပြီး တခါ တလေ အသက် အန္တရာယ်ကို ခြိမ်းခြောက် နိုင်ပါတယ်။

ဒီရောဂါက ဆေးရုံတက် ကုသရမယ့် ရောဂါ အမျိုးအစား ဖြစ်ပါတယ်။ ဒီလက္ခဏာတွေထဲက တစ်ခုခု တွေ့နေရရင် ဆေးရုံကို ပြသပြီး ကုသမှု ခံယူရပါမယ်။

ကျနော် တွေ့ဖူးသလောက် leptospirosis လူနာ တွေမှာ မျက်လုံးဝါတာ၊ မျက်လုံးအိမ် နာတာ (eyeball tenderness)၊ ခြေသလုံး ကြွက်သား နာတာ(calf muscle tenderness) အဓိက အနေနဲ့ တွေ့ရပါတယ်။

အဓိက ကတော့ မိလ္လာ လုပ်သားတွေ၊ လယ်သမားတွေ၊ စစ်သား တွေမှာ အဖြစ်များ နိုင်ပါတယ်။ မိုးရာသီ ရေတက် နေရင်တော့ အဲဒီရေတွေထဲက ဖြတ်သန်း သွားရသူ မည်သူမဆို ဖြစ်နိုင် ပါတယ်။

ပိုးမွေးတာ၊ leptospiral antibody ခေါ်တဲ့ ပဋိဇီဝ ပစ္စည်းကို စစ်တာ၊ ဒီအင်အေကို ရှာတာ (Polymerase Chain Reaction- PCR) နည်းတွေနဲ့ ရောဂါကို အတည်ပြု နိုင်ပါတယ်။

ရောဂါ ဖြစ်ပွားဖို့ အခွင့်အလမ်း ရှိတဲ့ လူတွေအနေနဲ့ ဆရာဝန်ကို တိုင်ပင်ပြီး doxycycline 200mg ကို အပတ်စဉ် သောက်ရင် ရောဂါကို ကာကွယ် နိုင်ပါတယ်။

Reference : Davidson's Principle of Medicine 19th Edition

Read More...

Collapse...

Nail Abnormalities

လက်သည်း ခြေသည်း များက ပြောသော ရောဂါများ

ကျွန်တော်တို့ရဲ့ လက်သည်း ခြေသည်းများဟာ လက်ချောင်း ခြေချောင်းများ အတွက် အကာအကွယ် တစ်ခုဖြစ်သလို အလှတစ်ပါး လို့ လည်း ယူဆပြီး အလှဆင် တတ်ကြ ပါတယ် ... ကျန်းမာရေး ရှုထောင့် ဖက်မှာတော့ ရောဂါပိုး ခိုအောင်းရာ နေရာ ဖြစ်သလို အချို့ သော ရောဂါများ ရဲ့ရောဂါ လက္ခဏာ ပြသရာ နေရာ တစ်ခုလည်း ဖြစ်ပါတယ် ... လက်သည်း ခြေသည်းများ ရဲ့ ပုံမှန် မဟုတ်တဲ့ ချို့ယွင်းချက် လက္ခဏာ များ ကို ကြည့်၍ ခန္ဓာကိုယ်တွင်း ဖြစ်နေသော ရောဂါ အကြောင်း ကို ခန့်မှန်း နိုင်ပါတယ် ... လက်သည်း ဟာ ၃လမှာ ၁ စင်တီမီတာနှုန်း ရှည်ထွက်ပြီး ခြေသည်း ကတော့ ၃ဆနှေး ပါတယ် ... ဒါ့ကြောင့် ခြေသည်း ပိုးဝင်လို့ အားလုံး ပျက်စီး သွားရင် အကောင်း ပကတိ ဖြစ်ဖို့ (၁၈)လ ကြာပါတယ် ... ခြေသည်း လက်သည်း ရှည်ထွက်နှုန်း ကိုသိထားခြင်းဖြင့် ခြေသည်း လက်သည်း ပေါ်က ချို့ယွင်းချက် တစ်ခုရဲ့ အချိန် ကာလကို ခန့်မှန်း နိုင်ပါတယ် ... အချို့ ရောဂါများ ကို မြန်မာ ဘာသာ ပြန်ဆိုရန် ခက်ခဲပေမယ့် အတတ်နိုင်ဆုံး ပြန်ဆို ထားတာ ကြောင့် ကွဲပြားမှု အနည်းငယ် ရှိပါက နားလည် ပေးစေလိုပါတယ် ...

လက်သည်း ရင်းခုံး လာခြင်း(Clubbing): လက်သည်း ရင်းခုံးခြင်း ဟာ ခန္ဓာကိုယ်တွင်း ရောဂါကြောင့် လက်သည်းခွံ အောက်ခြေမှ တစ်ရှူးများ ထူထဲလာပြီး လက်သည်း ခွံရင်းမှ ထောင့်ချိုး ပျောက်သွားခြင်းကို ခေါ်ပါတယ် ... အလွယ်တကူ စမ်းသပ်နည်း ကတော့ (ပုံပါ အတိုင်း) လက် တစ်ဖက်စီ မှ လက်ချောင်းများအား လက်သည်းချင်း ကပ်၍ ထားပါက လက်သည်း ရင်းကြားတွင် ပုံမှန် တွေ့ရသော စိန်ပုံ သဏ္ဍန် ကွက်လပ် (diamond shape space) ပျောက်နေ ပါက လက်သည်း ရင်းခုံးခြင်း ဖြစ်ပေါ် နေပါတယ် ("Schamroth Sign") ........ ............ .......... .......... ............ လက်သည်း ရင်းခုံးခြင်း ဖြစ်ရတဲ့ အကြောင်းတွေ ကတော့ အသည်းခြောက် ရောဂါ(Cirrhosis of Liver) အဆုတ်တွင်း ကင်ဆာ ရောဂါများ(Pulmonary malignancies) အဆုတ် ပြည်တည်နာ နှင့် အဆုတ်တွင်း ပြည်ဝင် ရောဂါများ(Lung abscess & empyema) ပန်းနာနှင့် အခြား နာတာရှည် အဆုတ် ပြွန်ပိတ် ရောဂါများ(COPD) မွေးရာပါ နှလုံးရောဂါများ(Congenital heart diseases) နှလုံး အတွင်းမြှေး ရောင်းရမ်းနာ (Endocarditis) တို့ ဖြစ်ပါတယ် ..

လက်သည်းခွက်ခြင်း(Koilonychia): လက်သည်း ဟာ ဇွန်းလို ခွက်နေပါက အောက်ပါ ရောဂါများ ဖြစ်နိုင် ပါတယ် ... သံဓါတ် ချို့တဲ့သော သွေးအားနည်း ရောဂါ (Iron deficiency anaemia) မွေးရာပါ ဗီဇ ချို့ယွင်းမှု ကြောင့် သံဓါတ် စုပ်ယူမှု များသော ရောဂါ (Haemochromatosis) လက်ဖျား ခြေဖျား သွေးလျှောက် နည်းသော ရောဂါ (Raynaud's disease)

လက်သည်း ကန့်လန့်ဖြတ် လိုင်းပေါ်ခြင်း (Beau's Lines): လက်သည်း ရှည်ထွက်ခြင်း ကို အဟန့်အတား ဖြစ်စေသော အပြင်းအထန် နေမကောင်းပါက လက်သည်းပေါ်မှာ ကန့်လန့်ဖြတ် လိုင်းပေါ် လာပါတယ် ... အောက်ပါ ရောဂါများဟာ ကန့်လန့်ဖြတ်လိုင်း ပေါ်လာ နိုင်ပါတယ်.. အကြီးအကျယ် ခန္ဓာကိုယ် နေမကောင်း ဖြစ်ခြင်း(Severe systemic illness) လက်ဖျား ခြေဖျား သွေးလျှောက် နည်းသော ရောဂါ(Raynaud's disease)

လက်သည်း ကွာခြင်း(Onycholysis): လက်သည်းဟာ လက်သည်း အောက်ခြေ အရေပြားမှ ကွာဟ လာပါက အောက်ပါ ရောဂါများ ဖြစ်နိုင်ပါတယ် ... သိုင်းရွိုက် ဟော်မုန်း အထွက် လွန်ကဲသော ရောဂါ (Thyrotoxicosis) ဆိုရီရေးဆစ် အရေပြား ရောဂါ (Psoriasis) ထိခိုက်ဒဏ်ရာ ... တို့ကြောင့် ဖြစ်နိုင်ပါတယ်

လက်သည်း အောက်သွေး ယိုစီးကြောင်း ပေါ်ခြင်း (Splinter haemorrhage): လက်သည်း အောက်တွင် ဒေါင်လိုက် သွေးယိုစီးကြောင်း ပေါ်ခြင်းကို ခေါ်ပါတယ် ... အောက်ပါ ရောဂါများဟာ သွေးယို စီးကြောင်း ပေါ်လာ နိုင်ပါတယ်.. ရောဂါပိုးဝင် နှလုံး အတွင်းမြှေး ရောင်ခြင်း (Infective Endocarditis) ထိခိုက် ဒဏ်ရာ ကြောင့် သွေးယိုစီးခြင်း (Minor trauma)

လက်သည်း ဖြူခြင်း (leukonychia): လက်သည်း တစ်ခုလုံး (သို့) တစ်စိတ် တစ်ပိုင်း အစက် အပြောက် အားဖြင့် ဖြူခြင်း ကို ခေါ်ပါတယ် ... အစက်အပြောက် အားဖြင့် ဖြူခြင်းကို လက်သည်း ပွင့်သည် ဟုလည်း ခေါ်ကြပါတယ် ... အောက်ပါ အခြေအနေများ ကြောင့် ဖြစ်နိုင်ပါတယ် ... သွေးတွင်း အယ်လ်ဗျူမင် လျော့နည်း သော ရောဂါ (Hypoalbuminaemia) သာမန် ထိခိုက် ဒဏ်ရာကြောင့် လက်သည်းတွင်း လေခိုခြင်း (air trapped in nail plate) ဖြစ်နိုင် ပါတယ် လက်သည်း ဖြူခြင်းသည် ကုသရန်၊ စိုးရိမ်ရန် မလိုသော လက္ခဏာ ဖြစ်ပါတယ်..

နှစ်ရောင်ချယ် လက်သည်း (Half and Half nails): လက်သည်း အရင်းပိုင်းသည် အဖြူရောင် ဖြစ်နေပြီး အဖျားပိုင်းသည် အညိုရောင်ဖြစ်နေခြင်းကို ခေါ်ပါတယ် ... အခု လို ဖြစ်ရခြင်း ရဲ့ အကြောင်း ကတော့ နာတာရှည် ကျောက်ကပ် အလုပ် မလုပ် သောရောဂါ (Chronic Renal Failure) ကြောင့်ပဲ ဖြစ်ပါတယ် ...

အခုရေးသား တင်ပြ ပေးတာ ကတော့ ခန္ဓာကိုယ်တွင်း ရောဂါကြောင့် လက်သည်း ခြေသည်းပေါ်မှာ ထင်ဟပ် လာသော လက္ခဏာ များကိုဘဲ အဓိက ရေးသား ထားတာ ဖြစ်ပါတယ် ... အခြား လက်သည်း ခြေသည်း တိုက်ရိုက် ပိုးဝင်နာ၊ မှိုစွဲနာ များလည်း အများအပြား ရှိပါတယ် ... စာဖတ်သူများ ဘေးဘယာ အပေါင်းမှ ကင်းဝေး နိုင်ပါစေ ...

Read More...

Collapse...

Lifestyle, Genetics and Cancer

သင်၏နေထိုင်မှုပုံစံ၊ သင်၏မျိုးစေ့ဗီဇနှင့် ကင်ဆာ

ဆန်းစစ်မှု အသစ်များသည် ကျွန်တော်တို့အတွက် ကြောက်စရာ အကောင်းဆုံးသော ရောဂါဖြစ်ပေါ်စေသည့် ရှုပ်ထွေးသည့် အပြန်အလှန် ဆက်နွယ် ဖြစ်ပေါ်မှုများ ကို လေ့လာ လျက်ရှိသည်။

အဆီများသည့် အစားအစာများ၊အ၀လွန်ခြင်း၊ လေ့ကျင့်ခန်းမပြုလုပ်ခြင်းတို့သည် နှလုံးရောဂါ၊ ဆီးချိုရောဂါ ဒုတိယအမျိုးအစားတို့ကို ဖြစ်စေနိုင်သည့် အခြေအနေပိုမိုဖြစ်ပေါ်စေကြောင်း ကျွန်တော်တို့ သိရှိခဲ့သည်မှာ ကြာပါပြီ။ ယခုထပ်မံ သိရှိလာကြရသည်မှာ အထက် ဖေါ်ပြပါ အချက်များသည်ပင်လျှင် ကင်ဆာဖြစ်ပေါ်စေရာတွင်လည်း အဓိက အကြောင်းအရာများ ဖြစ်နေကြောင်း ပင် ဖြစ်သည်။ ၄င်းမှာ သတင်းဆိုးကြီးပင်ဖြစ်သည်။ သို့ရာတွင် သတင်းကောင်းမှာ ကျွန်တော်တို့၏ နေထိုင်မှုပုံစံအတွက် ကျွန်တော်တို့ကိုယ်တိုင် လုပ်ပေး နိုင်သည့် အရာများ ရှိနေသေးခြင်းပင် ဖြစ်သည်။ ကျွန်တော်တို့အနေဖြင့် မ၀အောင် ထိန်းနိုင်လျှင် (ပို၍ပိန်အောင်လုပ်နိုင်လျှင်)၊ လေ့ကျင့်ခန်း မှန်မှန် ပြုလုပ်လျှင်၊ အဆီများသည့် red meat (အမဲသား၊ သိုးသားတို့ကဲ့သို့သော ချက်ပြီးလျှင် အရောင်အညိုရင့်ရှိသော အသားများ) များရှောင်ကြဉ်ပြီး ကြက်၊ဘဲသားများ၊ ငါးနှင့် ပရိုတင်းပါဝင်မှုများသည့် ဟင်းသီးဟင်းရွက်များကိုလည်းကောင်း၊ ဟင်းသီး ဟင်းရွက်များ ပါဝင်သည့် အစားအစာများကို များစွာစားသုံးခြင်းနှင့် ဆေးလိပ်သောက်ခြင်းမှ ရှောင်ကြဉ်လျှင် ကျွန်တော်တို့ အနေဖြင့် ကင်ဆာ အမျိုးအစားအားလုံး ဖြစ်နိုင်ခြေအား ၇၀%အထိ အကာအကွယ် ပေးနိုင်မည် ဖြစ်သည်။

ကင်ဆာနှင့် စပ်လျဉ်း၍ နေထိုင်စားသောက်မှုပုံစံ အရေးကြီးပုံ၏ အဓိကသက်သေ အထောက်အထားတစ်ခုမှာ အဓိက ကင်ဆာအမျိုးအစားများသည် ကမ္ဘာတစ်ဝှမ်း နေရာအလိုက် ဖြစ်ပွားမှုနှုန်း မတူညီဘဲ တိုးတက်ဖြစ်လာနေခြင်းပင် ဖြစ်သည်။ အမေရိကန်နိုင်ငံတွင် ဖြစ်ပွားမှု အလွန်များနေသည့် ကင်ဆာအမျိုးအစားများဖြစ်သော အူမ ကင်ဆာ၊ ပရော့စတိတ်ကင်ဆာ (သုတ်ရည်လွှတ် ပေးသည့် အကျိတ်ဖြစ်သည်) နှင့် ရင်သားကင်ဆာတို့သည် ကမ္ဘာ့အခြားနေရာများတွင် အမေရိကန်တွင် ဖြစ်ပွားမှု နှုန်း၏ ၁/၁၀ ပုံမှ ၁/၂၀ အတွင်းသာ ရှိသည်ကို တွေ့ရသည်။ အလားတူ အံ့သြဖွယ်ကောင်းသည်မှာ အခြားနိုင်ငံများမှ အမေရိကသို့ ပြောင်းရွှေ့ လာရောက်နေထိုင်ကြသည့်အခါ မျိုးဆက်တစ်ခုအတွင်း၌ပင် ၄င်းတို့ မိသားစုဝင်များ၏ ကင်ဆာ ဖြစ်ပွားမှု နှုန်းများသည် အမေရိကတွင် အစဉ်တစိုက်နေထိုင်ခဲ့ကြသည့် မိသားစုများ၏ နှုန်းသို့ တိုးတက်ဖြစ်ပွားလာခြင်းပင် ဖြစ်သည်။ အခြား နိုင်ငံမှ သူများ သည် အမေရိကားသို့ ပြောင်းရွှေ့ လာရောက် နေထိုင်ခြင်းမပြုဘဲ ၄င်းတို့နိုင်ငံတွင် ဆက်လက် နေထိုင်စေကာမူ အမေရိက နိုင်ငံ၏ လူနေမှုပုံစံကို ပြောင်းလဲနေထိုင်မှု ပြုလာပါကလဲ ၊ ၄င်းတို့ ကင်ဆာဖြစ်ပွားမှုနှုန်း တိုးတက်လာခြင်း ဖြစ်သည်။ ဥပမာ- ဂျပန် လူမျိုးများသည် အနောက်တိုင်း လူနေမှုပုံစံများကို ပြောင်းလဲလာကြသည့် အလျောက်၊ ၄င်းတို့ အူမ၊ ရင်သားနှင့် ပရော့စတိတ် ကင်ဆာ ဖြစ်ပွားမှုနှုန်း သည် တဟုန်ထိုး တိုးတက် လာခဲ့သည်ကို တွေ့ရှိရပါသည်။


ကျွန်တော်တို့၏ နေထိုင်မှုပုံစံများထဲမှာ မည်သည့်အချက်များသည် ကင်ဆာအမျိုးအစား များစွာတို့၏ ဖြစ်ပွားမှုနှုန်းကို တိုးတက် လာစေ ပါသနည်း။ အဓိက တရားခံမှာ အနောက်တိုင်းပုံစံ စားသောက်ခြင်း၊ အ၀လွန်ခြင်းနှင့် လှုပ်ရှားမှုနည်းခြင်းတို့ ဖြစ်ပုံရှိသည်။ ကျွန်တော် တို့ သည် ဆေးရွက်ကြီးနှင့် ကင်ဆာ၏ အရေးပါမှုကို သိရှိခဲ့သည်မှာ နှစ်ပေါင်း (၅၀) ကျော်ခဲ့ပြီ ဖြစ်သော်လည်း အစားအသောက်၊ ကောင်းမွန် သည့် ကိုယ်အလေးချိန်နှင့် ကျန်းမာရေးလေ့ကျင့်ခန်း ပြုလုပ်ခြင်းတို့သည် ကင်ဆာ ဖြစ်စေခြင်းမှ ကာကွယ် ပေးနိုင်ကြောင်း ကို ယခုမှ စတင် သိရှိလာနေခြင်း ဖြစ်သည်။

စားသောက်ပုံအနေဖြင့် ကင်ဆာဖြစ်နိုင်မှုအပေါ် ကြီးမားစွာ အကျိုး သက်ရောက်မှုရှိနိုင်သည့်အကြောင်း သိသာထင်ရှားသော ဥပမာအား ပြီးခဲ့သည့် နွေရာသီတွင် အမေရိကန်ဆေးဝါးနှင့် ကျန်းမာရေးအဖွဲ့ဂျာနယ် (Journal of American Medical Association) တွင် ဖော်ပြ ထားသည့် အစီရင်ခံစာတွင် တွေ့ရှိရပါသည်။

ဆရာဝန်များမှ အူမကြီးကင်စာရှိသူများအား ခွဲစိတ်မှုပြုလုပ်ပြီး ကင်ဆာအား ဖယ်ရှားပြီးနောက် ၄င်းတို့၏ စားသောက်မှုပုံစံအား လေ့လာခဲ့ကြရာ (၅)နှစ်အတွင်း အနောက်နိုင်ငံ၏ စားသောက်မှုပုံစံ ရှိသူများမှာ ကင်ဆာပြန်ဖြစ်နိုင်သည့်အခြေအနေသည် အစားအသောက်အား ချင့်ချိန်ပြီး အသီးအနှံနှင့် ဟင်းသီးဟင်းရွက် များများစားသုံးပြီး red meat အနည်းငယ်သာ စားသုံးသူများထက် (၃)ဆပိုများ သည်ကို တွေ့ရှိခဲ့ရသည်။ ၄င်း လူနာများအပေါ် အစားအသောက်မှ မည်ကဲ့သို့အကျိုးသက်ရောက်မှု ရှိနေသနည်း။ ခွဲစိတ်မှုအနေဖြင့် အူမကြီးကင်ဆာဆဲလ်အားလုံးကို ဖယ်ရှားနိုင်ခြင်းမရှိသည်မှာ ထင်ရှားပါသည်။ အဘယ်ကြောင့်ဆိုသော် ခွဲစိတ်မှု မပြုခင်၌ပင် ကင်ဆာဖြစ်နေသည့် ဆဲလ်များးမှာ အဓိက Tumor (တျူမာ) ဆီမှတဆင့် ပြန့်နှံ့သွားပြီဖြစ်သည်။ အနောက်နိုင်ငံ၏ စားသောက်ပုံများမှာ ကျန်ရစ်သည့် ကင်ဆာဆဲလ်များအား တိုးပွားလာရန် တနည်းနည်းဖြင့် လှုံ့ဆော်ပေးခဲ့ခြင်း ဖြစ်သည်။

အ၀လွန်ခြင်းသည်လည်း ဆေးရွက်ကြီးပြီးလျှင် အနောက်နိုင်ငံများတွင် ကင်ဆာဖြစ်စေသည့် ဒုတိယအရေးကြီးသည့် အချက်ဖြစ်သည်။ သင့်တင့်သည့် ကိုယ်အလေ့ချိန်ထားရှိခြင်းသည် ကင်ဆာဖြစ်စေခြင်းမှ ကာကွယ်ပေးနိုင်ကြောင်း အထောက်အထားတွေ့ရိ်ှထားပြီး ဖြစ်သည်။ ၂၀၀၃ ခုနှစ်တွင် အမေရိကန် ကင်ဆာအဖွဲ့အစည်း (American Cancer Society)မှ ပြုလုပ်ခဲ့သည့် သုသေသနပြုမှု တစ်ခုတွင် ကျစ်လျစ်ပိန်ပါးသောသူနှင့် နှိုင်းယှဉ်လျှင် ၀လွန်းသောသူများအနေဖြင့် အမျိုးသားများတွင် ကင်ဆာ(၁၀)မျိုးဖြင့် လည်းကောင်း၊ အမျိုးသမီးများတွင် ကင်ဆာ (၁၂)မျိုးဖြင့် လည်းကောင်း သေဆုံးနိုင်မှုအခြေအနေ သိသိသာသာ တိုးတက်လာကြောင်း တွေ့ရှိခဲ့ ရသည်။ အဓိကအားဖြင့် အမျိုးသားများတွင် ကျောက်ကပ်ကင်ဆာာ (၉ဆအထိတိုးလာ) နှင့် အမျိုးသမီးများတွင် မျိုးဥအိမ်ကင်ဆာ (၆ ဆထက် ပို၍) တို့ဖြစ်သည်။

အချို့ကင်ဆာအမျိုးအစားများမှ ကာကွယ်ရာတွင် လေ့ကျင့်ခန်းပြုလုပ်ခြင်းသည်လည်း ထိရောက်မှုရှိသည်ကို တွေ့ရှိခဲ့ရသည်။ ဥပမာ အားဖြင့်ဆိုသော် သူနာပြုများ၏ ကျန်းမာရေးလေ့လာမှု အရ (Nurse’s Health Study) မှ တစ်နေ့လျှင် တစ်နာရီ အနည်းဆုံး လေ့ကျင့်ခန်း အသင့်အတင့် ပြုလုပ်သူအမျိုးသမီးများအနေဖြင့် လေ့ကျင့်ခန်း လျှော့၍ပြုလုပ်သည့် အမျိုးသမီးများထက် အူမကြီး ကင်ဆာ ဖြစ်ပွားနိုင်မှုနှုန်း ၃၀% ပိုနည်းသည်ကို တွေ့ရှိခဲ့သည်။ လေ့ကျင့်ခန်းပြုလုပ်ခြင်းသည် ရင်သား ကင်ဆာဖြစ်ပွားမှုမှလည်း အကာအကွယ် ပေးနိုင်သည်ကို တွေ့ရှိခဲ့ရသည်။

နေထိုင်မှုပုံစံသည် ကင်ဆာဖြစ်ပွားနိုင်သည့်ဆဲလ်နှင့် ကင်ဆာဖြစ်နေသည့်ဆဲလ်များကိုပါ အကျိုးတက်ရောက်မှုရှိစေသော ကြီးထွားမှုကို အားပေးသည့်အချက်ပြမှုများကို ထုတ်လုပ်ပေးခြင်းဖြင့် လူတစ်ဦးတွင် ကင်ဆာဖြစ်ပေါ်စေနိုင်မှုကို ပိုမိုစေသည်။ အဆိုပါ ဆဲလ်များအား ကင်ဆာ ဖြစ်ပေါ်စေနိုင်အောင် ဦးစွာပြုလုပ်ပေးသည့်အရာမှာ ၄င်းတို့၏ မျိုးဗီဇ(genes)များ ပြောင်းလဲ လာခြင်းပင် ဖြစ်သည်။

တျူမာအားလုံးသည် ခွဲထွက်သွားသည့် (renegade) ဆဲလ်မှ စတင်ခြင်းဖြစ်သည်။ အစကနဦးတွင် အဆိုပါဆဲလ်သည် ခန္ဓာကိုယ် အတွင်းရှိ ၃၀,၀၀၀,၀၀၀,၀၀၀,၀၀၀ (သန်းပေါင်း သန်း၃၀) ပတ်ဝန်းကျင်ရှိ ဆဲလ်များထဲမှ တစ်ခုပင်ဖြစ်ပြီး ၄င်း၏ ပတ်ဝန်းကျင်တွင် ရှိသည့် အခြားဆဲလ်များနှင့် ကွာခြားမှု မရှိပါ။ ၄င်းအပြင် အဆိုပါဆဲလ်သည် ၄င်းပါဝင်သည့် ခန္ဓာကိုယ် အစိတ်အပိုင်းမှ ခွဲထွက် ခိုင်းမှသာ လျှင် ဆဲလ်ကွဲမှုပြုပါသည်။ ထိုကဲ့သို့ ဖြစ်သွားလျှင် အဆိုပါဆဲလ်၏ ပတ်ဝန်းကျင်ရှိ ခန္ဓာကိုယ်အစိတ်အပိုင်းမှ လိုအပ်သည့် ဆဲလ်ပမာဏ ရှိစေကာမူ ခွဲထွက်သွားသည့် ဆဲလ်သည် မထိန်းနိုင် မသိမ်းနိုင် ပွားများလာလေတော့သည်။

ကင်ဆာဆိုသည်မှာ ချွတ်ယွင်းနေသည့် မျိုးဗီဇများနှင့် ဆိုင်သည့်ရောဂါဖြစ်သည်။ ကင်ဆာရောဂါသည်များအနက် ၁၀%မှာ ကင်ဆာ ဖြစ်စေနိုင်သည့် မျိုးဗီဇများကို ဆက်ခံထားသည့် သူများတွင် ဖြစ်ပေါ်ခြင်းဖြစ်သည်။ အချို့တွင် ထိုမျိုးဗီဇများ၏ လွှမ်းမိုးမှုမှာ ကြီးမား လွန်းသည့်အတွက် ကင်ဆာဖြစ်နိုင်ခြေမှာ အလွန်ပင် မြင့်မားသည်။ သို့ရာတွင် လူအများစုမှ အပြစ်အနာအဆာကင်းစွာ ဖွံ့ဖြိုး ကြီးထွားမှုကို ဖြစ်စေသည့် ကောင်းမွန်သည့် မျိုှးဗီဇများနှင့် မွေးဖွားလာကြခြင်း ဖြစ်သည်။ အမှန်မှာ ကျွန်တော်တို့၏ မျိုှးဗီဇများ (genes) များမှာ နှစ်သန်းပေါင်း ၆၀၀ကျော်အချိန်ယူပြီး အကောင်းဆုံးအဆင့်သို့ ရောက်ရှိလာခြင်းဖြစ်သည်။ ထို့ကြောင့်လည်း ၄င်းတို့သည် ကောင်းမွန်စွာ လုပ်ငန်းဆောင်ရွက်နိုင်ရမည် ဖြစ်သည်။

ကျွန်တော်တို့ ဘ၀တစ်သက်တာတစ်လျှောက်တွင် ခန္ဓာကိုယ်တစ်ဝှမ်းမှဆဲလ်များသည် ထိခိုက်ပျက်စီးမှုများ ဖြစ်ပေါ်ရသည်။ ၄င်း ပုံမှန် မဟုတ်သည့် (mutant cell) ဆဲလ်များသည်ပင်လျှင် ကင်ဆာ အများစုကို ဖြစ်စေခြင်းဖြစ်သည်။ ဆဲလ်တိုင်းတွင် ကြီးထွားမှုကို ဖြစ်စေ သည့် “ပရိုတို-အွန်ကိုဂျင်း (proto-oncogenes)” များ ပါဝင်သည့်အပြင် ကြီးထွားမှုကို ရပ်တန့်စေသည့် “တျူမာ တားဆီးသူ (tumor suppressor) ဂျင်းများ ပါဝင်သည်။ ပရိုတို-အွန်ကိုဂျင်းအား အကျိုးတက်ရောက်မှုရှိသည့် mutation များသည် ကြီးထွားမှုကို လှုံ့ဆော် ပေးသည့် မော်လီကျူးက အချက်ပြမှုများကို ဆက်တိုက်ထုတ်လွှင့်ပေးစေသည်၊၊ ထိုအခါ ဆဲလ်အားအဆက်မပြတ်တိုးပွားခြင်း ဖြစ်ပေါ် စေသည်။ ထို့အတူTumor suppressors gene အား အကျိုးတက်ရောက်မှုဖြစ်ပေါ်ပါက ထိုသို့ကြီးထွားမှုကို ရပ်တန့်စေသည့် မော်လီကျူးက အချက်ပြမှုများကို တားဆီး လိုက်သည်။ လူနှင့် သက်ဆိုင်သည့် ကင်ဆာအတော်များများတွင် mutation ပုံစံ အမျိုးမျိုး ဖြစ်ပေါ် လေ့ရှိသည်။

၎င်းတို့အနက် အချို့မှာ oncogenes များအား အလုပ်လုပ်စေပြီး ၊ အချို့မှာ tumor suppressor gene များကို တားဆီး ပေးသည်။ တနည်းအားဖြင့်ဆိုလျှင် ကင်ဆာဆဲလ်များမှာ ညှပ်နေသည့် လီဗာ သို့မဟုတ် ချို့ယွင်းနေသော ဘရိတ်များရှိနေခြင်းပင် ဖြစ်သည်။ ဘ၀သက်တမ်း တစ်လျှောက်တွင် ကျွန်တော်တို့ ခန္ဓာကိုယ်အတွင်းရှိ ဆဲလ်များသည် အကြမ်းအားဖြင့် ၁၀၁၆ ကြိမ် ဆဲလ်ကွဲမှု ဖြစ်ပေါ်သည်။ တစ်နည်းအားဖြင့်ဆိုသော် ကင်ဆာဖြစ်ပေါ်နိုင်သည့် အခြေအနေအား လူ့ဘ၀သက်တမ်းတစ်ခုတွင် အကြိမ်ပေါင်း ၁၀၁၆ ကြိမ် ဖြစ်စေနိုင်သည်။

အခြားအရေးကြီးသည့် gene တစ်ခုဖြစ်သော Telom- erase သည် ကျန်းမာသည့် ဆဲလ်တွင် အလုပ်လုပ်ခြင်းမရှိ (Turn off) ဖြစ်နေသဖြင့် ဆဲလ်တစ်ခုသည် ၄င်း၏ မူလထက် နှစ်ဆတိုးပွားမှု အကြိမ်ပေါင်း (၅၀)ဖြစ်ပြီးလျှင် သေသွားစေသည်။ ကင်ဆာဆဲလ် အများစုတွင် အဆိုပါ gene သည် အလုပ် လုပ်နေသည် (Turn on ) ။ ထို့ကြောင့် ဆဲလ်အား အကန့်အသတ်မရှိ တိုးပွားမှု ဖြစ်ပေါ် စေသည်။ ဆဲလ်အနေဖြင့် ထိခိုက်ပျက်စီးမှုတစ်စုံတစ်ရာ ဖြစ်ပေါ်သည့်အခါ မိမိကိုယ်ကို သတ်သေမှု ဖြစ်ပေါ်စေသည့် gene အမျိုအစား များလည်း ရှိသေးသည်။ အဆိုပါ gene များ ပုံမှန် အလုပ်လုပ်ခြင်း မရှိသည့်အခါ ကင်ဆာဆဲလ်များ ဆက်လက်တိုးပွားမှု ဖြစ်ပေါ် နေတော့သည်။

ကင်ဆာဖြစ်နေသည့်ဆဲလ်အား အဓိက Tumor ထံမှ ခွဲထွက်ပြီး အနီးရိ်ှ သွေးကြောပြွန်ငယ်များ ၊ သွေးဖြူဥပြွန်များ၏ နံရံများကို ဖြတ်ကျော်ပြီး သွေးလှည့်ပတ်မှုမှတဆင့် အခြားသော ခန္ဓာကိုယ်အစိတ်အပိုင်းများဆီသို့ ရောက်ရှိသွားအောင် ပြုလုပ်ပေးသည့် gene များလည်း ရှိသေးသည်။ ယမန်နှစ်က ထုတ်ဝေခဲ့သော သုသေတန စာတမ်းတစ်ခုတွင် သားအိမ်ထဲရှိ ဆဲလ်သည် သန္ဓေသားလောင်း အတွင်း တစ်နေရာမှ အခြားတစ်နေရာသို့ ပြောင်းရွှေ့ရန် လိုအပ်သည့် အခါမှသာ အလုပ်လုပ်သည့် (Active gene) များကို ရှာဖွေ၍ စာရင်းပြုစုခဲ့သည်။ Tumor ထံမှ ခွဲထွက်လာသည့် ဆဲလ်များတွင် အဆိုပါ gene များသည် ဆက်လက်၍ Active ဖြစ်နေသည်။ ဤနည်းဖြင့် ကင်ဆာဆဲလ်များအား ၄င်း၏ပတ်ဝန်းကျင်ရှိ တစ်ရှူးများထံမှ ခွဲထွက်စေသည်။

မကြာသေးမီက RNA-10b ဟုခေါ်သည့် မော်လီကျူးတစ်ခုအား ရှာဖွေတွေ့ရှိခဲ့ကြသည်။ ၄င်းသည် ရင်သားကင်ဆာဆဲလ်အား တစ်ရှူးဆီမှ ခွဲထွက်စေနိုင်ကြောင်း တွေ့ရှိခဲ့ရသည်။ အဆိုပါ တွေ့ရှိချက်သည် အလွန်အရေးပါသည့် သုသေတန ရလဒ်ဖြစ်သည်။ အဘယ့်ကြောင့် ဆိုသော် ၄င်းမော်လီကျူုးအား ရင်သားကင်ဆာကုသရာတွင် အသုံးပြုလာနိုင်သောကြောင့်ဖြစ်သည်။

ကင်ဆာ ဖြစ်ပေါ်စေသည့် မျိုှးဗီဇာပြောင်းလဲမှုများကို မည်သည့်အရာက ဖြစ်စေသနည်း။ ကျွန်တော်တို့၏ ပတ်ဝန်းကျင်ရှိ မြူတေဂျင် (Mutagen)ဟုခေါ်သော Mutation ဖြစ်စေသည့် ဓါတုပစ္စည်းများသည် အထက်ပါ မျိုးဗီဇပြောင်းလဲမှုများကို ဖြစ်ပေါ်စေသည်။ ပထမဦးဆုံး မှာ ဆေးလိပ်မီးခိုးဖြစ်သည်။ သို့ရာတွင် အများမှ ကင်ဆာဖြစ်စေသည်ဟု ယူဆထားကြသည့် ပတ်ဝန်းကျင်ရှိ ဓါတု ပစ္စည်းများ ဖြစ်ကြသော အစားအစာကြာရှည်ခံဆေးများ ၊ ရေထဲတွင် ပါသည့် အဆိပ်အတောက် ရောဂါပိုးမွှားများ ၊ စက်ရုံ မီးခိုး ခေါင်းတိုင်များ မှ ထွက်လာသည့် အဆိပ်အတောက် များတို့သည် ကင်ဆာကို ထင်သလောက် မဖြစ်စေကြောင်း တွေ့ရှိရပါသည်။ အမှန်အားဖြင့် ဖွံ့ဖြိုးပြီး နိုင်ငံများတွင် ကင်ဆာများ၏ ၁% (သို့မဟုတ်) ၂% လောက်သာလျှင် အဆိုပါပတ်ဝန်းကျင်ရှိ အဆိပ် အတောက်များ ကြောင့် ဖြစ်သည်ကို တွေ့ရှိရသည်။

ကင်ဆာဖြစ်စေသည့် Mutation များမှာ ဆဲလ်များမှ မိမိတို့၏ gene အား မတော်တဆ ဖျက်ဆီးလိုက်သည့်အခါတွင် ဖြစ်ပေါ်သည်က များသည်။ ကျွန်တော်တို့၏ ဆဲလ်တိုင်းသည် ၄င်း၏ ဇီဝဖြစ်စဉ်မှ ဘေးထွက်ပစ္စည်းအဖြစ် Mutation ဖြစ်စေသည့် ဓါတ်ပစ္စည်းများကို အစဉ်အမြဲ ထုတ်လွှတ်နေသည်။ ဆဲလ်များမှ အောက်ဆီဂျင်အား ရေအဖြစ်သို့ ပြောင်းလဲရာတွင် စွမ်းအင်ထွက်လာသည်နှင့်အတူ ပုံစံ ပြောင်းလဲ သွားသည့် အောက်ဆီဂျင်မော်လီကျူးများဖြစ်သော Oxygen Radical များကိုပါ ထုတ်လွှတ်ပေးသည်။ အဆိုပါ မော်လီကျူး များသည် ဆဲလ်များထဲရှိ DNA အပါအ၀င် အခြားသောမော်လီကျူးများကို ၀ါးလုံးသိမ်းတိုက်ခိုက်လေတော့သည်။ ကျွန်တော်တို့၏ ဆဲလ်များ သည် အဆိုပါတိုက်ခိုက်မှုများမှ ဖြစ်ပေါ်လာသည့် ပျက်စီးမှုများကို ပြင်ဆင်နိုင်သည့် အရည်အချင်းရှိသော်လည်း ပြီးပြည့်စုံ သည့် ကာကွယ်မှုမျိုးကို မပေးနိုင်ချေ။ ထို့ကြောင့် ကျွန်တော်တို့ အသက်ကြီးပြင်းလာသည်နှင့်အမျှ Mutation များ ၊ Mutant gene များ တိုးပွားလာ လေတော့သည်။

Mutation များသည် ကင်ဆာဖြစ်ရန် လိုအပ်သည်ဆိုသော်လည်း လုံလုံလောက်လောက် မရှိပါ။ ကင်ဆာဆဲလ်၏ အပြင်မှ တစ်ခုခု မှလည်း အားဖြည့်ပေးရမည်ဖြစ်သည်။ Mutation ပေါင်းများစွာ ဖြစ်နေသော ဆဲလ်သည် ကင်ဆာဖြစ်ရန် တာဆူနေသည် (သို့မဟုတ်) ကင်ဆာဖြစ်စ ပြုနေပြီဆိုသော်လည်း ၄င်းဆဲလ်သည် ပြင်ပမှ ကြီးထွားဖွံ့ဖြိုးမှုကို အားပေးသည့် အချက်ပြမှုများ (Growth promoting signal)ရရှိမှသာလျှင် လုံးဝပြည့်စုံသည့် Tumor အဆင့်သို့ ရောက်ရှိသွားနိုင် သည်။ အမှန်အားဖြင့် လူသားများနှင့်သက်ဆိုင်သည့် ကင်ဆာဖြစ်ပေါ်မှုအများစုမှာ အထက်ဖော်ပြပါ ကဲ့သို့ Mutation နှင့် မဆိုင်သော မော်လီကျူလာ အချက်ပေးမှုများကြောင့် ဖြစ်ပေါ် လာခြင်း ဖြစ်သည်။

အနောက်နိုင်ငံ စားသုံးမှုပုံစံများသည် မည်သို့ ကင်ဆာဖြစ်ပေါ်မှုကို အားပေးသနည်း ဆိုသည်ကို မသိရှိရသေးပါ။ ကျွန်တော်တို့ စားသုံး သည့် အစားအစာများတွင် gene များအား Mutate ဖြစ်စေသည့် ဓါတုပစ္စည်းများ ပါဝင်သဖြင့် ကင်ဆာဖြစ်စေနိုင်သည်။ ဥပမာဆိုရလျှင် အဆီများသော red meat များအား အပူပြင်းပြင်းဖြင့် ချက်လိုက်လျှင် ဟက်ထရိုဆိုက်ကလစ် - အမိုင်နီ (Heterocyclic amines) ဟု ခေါ်သည့် ကင်ဆာဖြစ်စေနိုင်သည့် Mutagen များ ထုတ်လုပ်ပေးသည်။ အစားအစာများတွင် ဓါတုပစ္စည်းပေါင်းများစွာ ပါဝင်ပြီး ကျွန်တော်တို့ ခန္ဓာကိုယ်ထဲသို့ ရောက်သွားသည့်အခါ အခြားဓါတုပစ္စည်းများအဖြစ်သို့ ဓါတ်ပြု ပြောင်းလဲ သွားသည်။ ထို့ကြောင့် အနောက်နိုင်ငံ အစားအစာများထဲမှ မည်သည်က ကင်ဆာဖြစ်စေနိုင်သည်ကို အတိအကျ မပြောနိုင်ခြင်းဖြစ်သည်။ သို့ရာတွင် အနောက်နိုင်ငံ အစားအစာများသည် ကင်ဆာဖြစ်စေသည်မှာတော့ သေချာသည်။

အ၀လွန်ခြင်းသည် အဘယ်ကြောင့် ကင်ဆာပိုမိုဖြစ်စေသနည်းဆိုသည်ကို နားမလည် သေးသော်လည်း ကင်ဆာပိုမိုဖြစ်ပေါ်စေသည့် အချက်များထဲတွင် တစ်ခုအပါအ၀င်ဖြစ်သည်မှာတော့ သေချာသည်။ အ၀လွန်ခြင်းသည် ကြီးထွားမှုကို ဖြစ်စေသည့် အင်ဆူလင် ကဲ့သို့သော ဓါတ်များ (IGF-1) ကို သွေးထဲသို့ ပိုမိုထုတ်လွှတ်ပေးသည်။ သီအိုရီအရဆိုလျှင် ၄င်း IGF-1 သည် ကနဦး ကင်ဆာ ဆဲလ်များကို မသေသွားအောင် ကာကွယ်ပေးသည်။ ထို့ကြောင့် ခန္ဓာကိုယ် ရောင်ကိုင်ခြင်းသည်လည်း အ၀လွန်ခြင်းနှင့် ကင်ဆာကြား ဆက်နွယ်မှုကို ရှင်းပြနိုင်သည်။ ရောင်ကိုင်းခြင်းသည် ရောဂါကူးစက်မှုဖြစ်နေသော တစ်ရှူးအား ဖယ်ရှားပြီး ပြန်လည်ကုသပေးသည့် ခန္ဓာကိုယ်၏ သဘာဝဖြစ်စဉ်တစ်ခု ဖြစ်သည်။ ခန္ဓာကိုယ်၏ ဇီဝကာကွယ်ရေးစနစ်တွင်ရှိသော ဆဲလ်များသည် အဆိုပါ ရောင်ကိုင်း ခြင်း အား ဖြစ်ပေါ်စေသည်။ ၄င်းတို့ အသုံးပြုသည့် လက်နက်များမှာ ဆိုက်တိုကိုင်း (Cytokines) ဟုခေါ်သည့် ဓါတု အချက်ပြခြင်းများ ဖြစ်သည်။ များသော အားဖြင့် ရောင်ကိုင်းခြင်းမှာ ခဏသာ ဖြစ်လေ့ရှိသည်။ ရံဖန်ရံခါ ထိုရောင်ကိုင်းခြင်းများ အမြန် ပျောက်ကင်းခြင်း မရှိသည့်အခါ ၄င်းသည် နာတာရှည်ဖြစ်လာသည်။ ထိုအခါမျိုးတွင် ထိခိုက်ထားသော တစ်ရှူးသည် အမြဲပင် ဖွံ့ဖြိုးကြီးထွားမှုကို အားပေး သည့် ဆိုက်တိုကိုင်းထဲတွင် နစ်မြှပ် နေလေ တော့သည်။ ၄င်းအားဖြင့် ဆဲလ်များသည် စ၍ပွားများလာလေတော့သည်။ အကယ်၍ အဆိုပါ ဆဲလ်များသည် Mutation ဖြစ်ပြီးပြီဆိုပါက ဆိုက်တိုကိုင်းကြောင့် ကင်ဆာစတင်ဖြစ်ပေါ် လာစေတော့သည်။ ဥပမာ- အစာအိမ် အတွင်းရှိ အူများထဲမှ ဘက်တီးရီးယားများကြောင့် ၀မ်းဗိုက်အတွင်းရှိတစ်ရှူးများသည် ကြာရှည်စွာ ရောင်ကိုင်းနေသည့်အခါ ကင်ဆာ ဖြစ်ပေါ်လာ နိုင်သည်။ အလားတူ ဆီးအိမ်၏ နှုတ်ခမ်းသားများသည် ဆီးအိမ်အတွင်း ကျောက်တည်မှုများကြောင့် နှစ်ပေါင်းများစွာ ရောင်ကိုင်း နေသည့်အခါမျိုးတွင် ကင်ဆာဖြစ်နိုင်သည်။

ရောင်ကိုင်းမှုနှင့် အ၀လွန်မှု မည်သို့ ဆက်စပ်မှု ရှိသနည်း။ အဆီဆဲလ်များသည် ရောင်ကိုင်းမှုကိုဖြစ်စေသည့် ဓါတုပစ္စည်းများကို သွေး ထဲသို့ ထုတ်လွှတ်ကာ ကင်ဆာ ဖြစ်ပေါ်မှုကို အားပေးသည်။ အ၀လွန်လေလေ အဆိုပါထုတ်လွှတ်မှု များလေလေ ဖြစ်သည်။ ဖြစ်နိုင် သည်မှာ Cytokines များသည် ကင်ဆာ အားပေးသူအဖြစ် ဆောင်ရွက်ပေးသည်။ သို့ရာတွင် မှန်သည်မှားသည်ကို ဆုံးဖြတ်ရန် ဆက်လက်၍ သုတေသန လုပ်ဆောင်ရ ဦးမည် ဖြစ်သည်။ လေ့ကျင့်ခန်း မှန်မှန်ပြုလုပ်ခြင်းသည် ကျွန်တော်တို့၏ သွေးထဲရှိ IGF-1 နှင့် Cytokines ပမာဏကို လျှော့ချပေးနိုင်သည်။ ၄င်းသည်ပင်လျှင် ပုံမှန် လေ့ကျင့်ခန်းဖြင့် ကင်ဆာကို တားဆီးပေးသည် ဆိုသည့် အချက်ကို ရှင်းပြပေးနေခြင်း ဖြစ်သည်။ အမျိုးသမီးများတွင် လေ့ကျင့်ခန်း ပုံမှန်လုပ်ခြင်းဖြင့် သွေးထဲရှိ အက်ထရိုဂျင် (Estrogen) ပမာဏကို လျှော့ချပေးပြီး ရင်သား ကင်ဆာဖြစ်ခြင်းမှ ကာကွယ်ပေးနိုင်သည်။

ကျွန်တော်တို့ ကင်ဆာဖြစ်စေသည့် gene များအကြောင်းနှင့် အဆိုပါ gene များအပေါ် ကင်ဆာအားပေးသည့် ဓါတု အချက်ပြမှုများမှ လွှမ်းမိုးသက်ရောက်ပုံများကို ပိုမိုသိရှိနားလည်လာခြင်းဖြင့် ပိုမို ကောင်းမွန်သည့် ရောဂါစစ်ဆေးပုံများ၊ ကုသမှုစနစ်များ တွေ့ရှိ လာကြသည် ဖြစ်သည့်အပြင် ပို၍ အရေးကြီးသည့် တိုးတက်မှုများကိုလည်း နောင်တွင် ရရှိလာစေမည်ဖြစ်သည်။ နေထိုင်မှု ပုံစံများနှင့် ကင်ဆာ အကြောင်း လေ့လာခြင်းဖြင့် ကင်ဆာကိုလျှော့ချနိုင်သည့် အခွင့်အရေးများကိုလည်း ရရှိစေသည်။ နေထိုင်မှုပုံစံကို ပြောင်းလဲ ပစ်ရန် မလွယ်ကူသော်လည်း ဖြစ်နိုင်ပါသည်။ ယခုအခါတွင် အမေရိကန်နိုင်ငံ၌ ဆေးရွက်ကြီးသုံးစွဲသူဦးရေမှာ လွန်ခဲ့သည့် မျိုးဆက် နှစ်ခုထက်စာလျှင် လွန်စွာ လျှော့နည်းသွားပြီ ဖြစ်သည်။ ဆေးရွက်ကြီးသုံးစွဲမှု ပိုမိုလျှော့ချရန်၊ စားသုံးမှုပုံစံပြင်ဆင်ရန်နှင့် ကိုယ် အလေးချိန် လျှော့ချခြင်း၊ လေ့ကျင့်ခန်း မှန်မှန်ပြုလုပ်ခြင်း စသည့် အလေ့အထများ ရရှိစေရန် မျိုးဆက် (၂)ဆက်ခန့် ကြာလိမ့် ဦးမည် ဖြစ်သည်။ သို့ရာတွင် ဖြစ်လာ နိုင်သေးသည်။ ထိုသို့ဖြစ်လာလျှင် ကျွန်တော်တို့၏ မြေး၊မြစ်များသည် ကျွန်တော်တို့ မျိုးဆက်အား လည်ပြန်ကြည့်ပြီး ကျွန်တော်တို့ အကြောက်ရွံ့ဆုံးဖြစ်နေသော ရောဂါဆိုးကြီးမှ လွတ်မြောက်ရန် နေထိုင်မှုပုံစံအား ပြောင်းလဲလိုက်ခြင်း အားဖြင့် ပြုလုပ်နိုင်သည်ကို အဘယ်ကြောင့် ဤမျှ အချိန်ယူခဲ့ရ သနည်း ဆိုသည့် မေးခွန်းကို ခေါင်းကုတ်၍ အဖြေရှာနေပေတော့မည်။

လင်းဦး (စိတ်ပညာ)

Read More...

Collapse...

Dengue Haemorrhagic Fever

သွေးလွန်တုပ်ကွေး

သွေးလွန်တုပ်ကွေး ၊ ဒီအချိန်ဆို မိဘတွေကို စိုးမိုးထားလေ့ရှိသည်ပဲ။ ဖျားလျှင်၊ ခြင်ကိုက်ဖုလေး တွေ့လျှင်၊ ကလေး မှိန်းလျှင် ဒီရောဂါလား စိုးရိမ်ကြသည်။

ဘာကြောင့် ကြောက်ကြသနည်း။ အသက်အန္တရာယ် စိုးရိမ်ရသော ရောဂါ ဖြစ်သောကြောင့်သာ ဖြစ်သည်။

သွေးလွန်တုပ်ကွေးသည် Flavivirus တစ်မျိုးကြောင့် ဖြစ်သည်။ အရှေ့တောင် အာရှ၊ အိန္ဒိယ နှင့် အာဖရိက အချို့ဒေသ များတွင် ဖြစ်ပွားလေ့ရှိသည်။ ရောဂါပိုးသယ်ဆောင်ထားသော အေးဒီးစ် (Aedes aegypti or Aedes albopictus) ခြင်များ ကိုက်စက်ခြင်းမှ ကူးစက် ဖြစ်ပွားခြင်း ဖြစ်သည်။

အေးဒီးစ် ခြင်တွေဟာ ရေငြိမ်မှာ အဓိက ပေါက်ပွားလို့ ရေအိုးရေခွက်တွေ၊ ကားတာယာ အဟောင်းတွေက အဓိက ပေါက်ပွားရာ နေရာတွေ ဖြစ်တယ်။

သွေးလွန်တုပ်ကွေး ဖြစ်စေတဲ့ Dengue virus ဟာ serotype ခေါ်တဲ့ အမျိုးအစား ၄ မျိုးရှိတယ်။ A, B, C and D ဆိုပြီး ခွဲခြားထားတယ်။

ပထမဆုံး စတင် ရောဂါပိုး ဝင်ရောက်တဲ့အခါ လူရဲ့ ခန္ဓာကိုယ်က အဲဒီပိုးအမျိုးအစားကို ခံနိုင်ရည်ရှိတဲ့ ပဋှိဇီဝ ပစ္စည်းတွေ ထုတ်ပေး လေ့ရှိတယ်။ အဲဒီ ထွက်ရှိလာတဲ့ ပဋိဇီဝပစ္စည်းဟာ တစ်သက်စာ ရောဂါပိုးကို ခံနိုင်ရည် ရှိတယ်။ ဒါဟာ serotype လေးမျိုး ရှိတဲ့ အထဲက ဖြစ်ပွားတဲ့ တစ်မျိုးကိုပဲ ခံနိုင်ရည် ရှိတာ ဖြစ်တယ်။ ဥပမာ A ဖြစ်ရင် နောက်တစ်ခါ A အမျိုးအစားကို သယ်ဆောင်ထားတဲ့ ခြင်ထပ်ကိုက်ရင် A ကြောင့် ဖြစ်တဲ့ တုတ်ကွေး မဖြစ်နိုင်ဘူး။ ဒါပေမယ့် တခြား အမျိုးအစား (ဥပမာ B, C) တွေ ကိုက်ရင်တော့ မကာကွယ်နိုင်တဲ့ အပြင် ပိုဆိုးနိုင်တယ် လို့ လက်ရှိမှာ ယူဆကြတယ်။

ရောဂါပိုး ပထမဆုံး စတင်ဝင်ရောက်တဲ့ အခါ တချို့ ကလေးတွေမှာ ရောဂါ လက္ခဏာ ပြသလို တချို့လည်း ရောဂါ လက္ခဏာ မပြတာလည်း ရှိနိုင်ပါတယ်။ ရောဂါလက္ခဏာ တွေဟာလည်း ရိုးရိုးအအေးမိ လက္ခဏာတွေနဲ့လည်း ဆင်တူ နိုင်ပါတယ်။ ဒါကြောင့် သွေးလွန်တုတ်ကွေး ဖြစ်တဲ့အခါ ဘယ်အကြိမ်မှာ ပိုဆိုးမလဲ ဆိုတာ မှန်းဆဖို့ ခက်ခဲ နိုင်ပါတယ်။

ရောဂါလက္ခဏာ အပျော့စား အနေနဲ့ platelets ခေါ်တဲ့ သွေးခဲစေတဲ့ ပစ္စည်း နည်းသွားတာ (thrombocytopenia) နဲ့ သွေးရည် ပျစ်သွားတာ (haemoconcentration) တို့ ဖြစ်နိုင်ပါတယ်။ "thrombocytopenia" ကို သွေးဖောက် စစ်ဆေးကြည့်နိုင်ပြီး၊ haemoconcentration ကိုတော့ PCV လို့ ခေါ်တဲ့ သွေးနီဥ ပမာဏ (packed cell volume) ကို ဆက်တိုက် စစ်ဆေး ကြည့်ရင် သိနိုင်ပါတယ်။

ရောဂါပိုဆိုးတဲ့ လက္ခဏာ တွေကတော့ သွေးပေါင်ချိန် ကျသွားပြီး circulatory failure လို့ ခေါ်တဲ့ ရှော့ခ် ရ (သွေးလန့်) သွား နိုင်တာ ဖြစ်ပါတယ်။

ဘယ်လို ကုသကြမလဲ။

ဒါက ရှင်းပါတယ်။ ကလေးကို ဒီအချိန်မှာ ဂရုစိုက်ဖို့ လိုပါတယ်။ ဖျားရင် သိရမယ်။ ကလေးမှိန်းရင် သိရမယ်။ အစား မဝင်ရင် သိရမယ်။ ကလေး အန်ရင် သိရမယ်။

ဖျားရင် အနီးဆုံး ဆေးရုံဆေးခန်းကို သွားပြပါ။ ဆရာဝန်က လိုအပ်သလို စစ်ဆေး အကြံပေးပါလိမ့်မယ်။ အဖျားက တစ်ခါတစ်လေ နှစ်ရက် သုံးရက်နဲ့ မကျတတ်ပါဘူး။ စိတ်ပူပြီး အဖျား မကျကျအောင် ဆေးမြီတိုတွေ မသုံးပါနဲ့။ အရေးကြီးတာက အဖျားကျတိုင်း ရောဂါ ပျောက်တာ မဟုတ်ဘူး ဆိုတာ သိထားရမယ်။ အဖျားကျအောင် လုပ်တဲ့ နည်းတွေထဲက အန္တရာယ် အကြီးဆုံးကတော့ မက်ကလောင် ဖောက်တာပဲ။ နှစ်စဉ် မက်ကလောင် ဖောက်တာကနေ ပိုးဝင်ပြီးတော့ အသက် ဆုံးရှုံးသွားတဲ့ ကလေးတွေ မနည်းလှဘူး။

နောက်တစ်ချက်က သွေးလွန်တုပ်ကွေး ဆိုတာ ဖြစ်တာ သေချာရင် ပိုမဆိုးအောင် တားဆီးလို့ ရတာမျိုး မဟုတ်ပဲ လိုအပ်တဲ့ ကုသမှုကို လိုအပ်ချိန်မှာ အမြန်ရဖို့ အရေးကြီးတာ ဖြစ်တယ်။ စပြီး သွေးပေါင်ချိန် ကျချိန်မှာ normal saline ကို သွေးပေါင်ချိန်ကို ထိန်းထားနိုင်ဖို့ သွင်းဖို့ အရေးကြီး သလို၊ ဆိုးလာလို့ သွေးသွင်းဖို့ သွေးရည်ကြည် သွင်းဖို့ လိုလာရင် အချိန်မီ သွင်းပေးနိုင်ဖို့ ပါပဲ။

ဒီနေရာမှာ ကျနော့် အတွေ့အကြုံ အရပြောရရင် ကလေး ဆေးရုံက ကုသမှု အတွက် စိတ်အချရဆုံး နေရာ ဖြစ်ပါတယ်။ ၂၄ နာရီ အတွေ့အကြုံ ရှိတဲ့ အထူးကု ဆရာဝန်တွေ၊ ဘွဲ့လွန် ကျောင်းသားတွေ၊ လက်ထောက် ဆရာဝန်တွေ၊ အလုပ်သင် ဆရာဝန်တွေ၊ အတွေ့အကြုံရှိ ဆရာမတွေ ဒါမျိုးကို ဘယ်မည်သည့် ပုဂ္ဂလိက ဆေးရုံမှာ မှ ရမယ် မထင်ပါဘူး။

အကျဉ်းချုပ် အနေနဲ့ ပြောရရင်

၁။ ကလေးကို ခြင်ကိုက် မခံရအောင် ဂရုစိုက်ပါ။
၂။ ဖျားတဲ့ ကလေးတိုင်းကို ဆေးခန်းပြပါ။ ကိုယ့်သဘောနဲ့ ကိုယ် ဆေးဝယ်တိုက်တာ အန္တရာယ် ရှိပါတယ်။
၃။ မက်ကလောင် ဖောက်တာ လုံးဝ မလုပ်ပါနဲ့။
၎။ ကလေး အန်လျှင် (အမဲရောင် ကော်ဖီမှုန့်လို အဖတ် အဖတ်လေးတွေ ပါရင်)၊ မှိန်းလွန်းအား ကြီးလျှင်၊ ခြေဖျား လက်ဖျားတွေ အေးလျှင်၊ ဝမ်းမည်းမည်း တွေ သွားလျှင် ဆေးခန်း၊ ဆေးရုံကို ချက်ချင်းသွားပါ။
၅။ ကလေး ဆေးရုံ တင်ရလျှင် သွေးလှူမည့်သူ (အမျိုးထဲမှ စိတ်ချရသူ) ရှာထား သင့်ပါတယ်။

ကျနော်ရေးတာ မရှင်းတာ ရှိရင် ကျနော့် email ကို ရေးပြီး မေးလို့ ရပါတယ်။
dr Junior
mmtun2005@gmail.com

Read More...

Collapse...

Gestational Diabetes

ကိုယ်ဝန် ဆောင်ချိန် ဆီးချိုရောဂါ

ကိုယ်ဝန် မဆောင်ခင်နှင့် ကလေး မွေးပြီး နောက်ပိုင်းတွင် ရောဂါကို မတွေ့ရပဲ ကိုယ်ဝန် ဆောင်ချိန်၌သာ ဆီးချိုရောဂါကို စမ်းသပ် တွေ့ရှိရသည့် ဆီးချို အမျိုးအစားကို Gestational Diabetes (GD) ဟု ခေါ်ပါသည်။ ဆီးချို ရောဂါတွင် သွေးထဲ သကြားဓါတ် များခြင်း ကြောင့် ဖြစ်ပေါ်လာသော လက္ခဏာ တချို့သည် ကိုယ်ဝန်ဆောင်စဉ် အမျိုးသမီးများ ခံစားရသော ပုံမှန် လက္ခဏာများနှင့် လွန်စွာ ဆင်တူ သောကြောင့် အတိအကျ စမ်းသပ် စစ်ဆေးမှု မပြုလုပ်ပါက ဆီးချို ရောဂါ ရှိမရှိ သိရန် မလွယ်ကူပေ။ စမ်းသပ် စစ်ဆေးခြင်း မပြုလုပ် မိသဖြင့် ဆီးချို ရှိကြောင်းကို မသိလိုက်ရပဲ ကိုယ်ဝန်ဆောင် သက်တမ်းကို ဖြတ်သန်းခဲ့သော် ကလေးနှင့် မိခင်အတွက် နောက်ဆက်တွဲ ရေရှည် ဆီးချို ပြဿနာများ ဖြစ်လာ နိုင်ပေသည်။ ဆီးချိုနှင့် ပုံမှန် ကိုယ်ဝန် ဆောင်ချိန်တွင် အမျိုးသမီးများ ခံစား ရသည့် လက္ခဏာ တချို့ ဆင်တူ သော်လည်း ဖြစ်ရသည့် အကြောင်းအရင်းမှာ လုံးဝ ခြားနားပြီး ကုသမှု မှာလည်း လုံးဝ မတူ သည်ကို ကိုယ်ဝန်ဆောင် အမျိုးသမီးတိုင်း နားလည် ထားသင့်သည်။ ထို့ကြောင့် ကိုယ်ဝန်ဆောင်ချိန် ဆီးချို ဖြစ်နိုင်ခြေ ရှိသည်ဟု သတ်မှတ် ခံရနိုင်သည့် အမျိုးသမီးတိုင်း ဆီးချို ရှိမရှိကို မဖြစ်မနေ စမ်းသပ် စစ်ဆေးသင့်ပြီး ရောဂါ ရှိကြောင်း စမ်းသပ် တွေ့ရှိပါက သင့်တော်သော ကာကွယ် ကုသမှုများကို ဆောင်ရွက် သင့်ပါသည်။

Diabetes

ဆီးချိုရောဂါသည် ပန်ကရိယမှ ထုတ်လုပ်သော အင်ဆူလင် ဟော်မုန်းကို ဆဲလ်မှ ရရှိမှုမညီမျှခြင်း သို့မဟုတ် ထိရောက်စွာ အသုံး မပြုနိုင်ခြင်း တို့ကြောင့် သွေးထဲ၌ သကြားဓါတ် လွန်ကဲခြင်း ( Hyperglycaemia) ဖြစ်သည်ဟု ယခင် တင်ပြခဲ့သော Diabetes Mellitus နှင့် အင်ဆူလင် ဟော်မုန်း ဆက်နွယ်မှုနှင့် Diabetes Management and Complications နှစ်ခုတွင် ဖေါ်ပြခဲ့ပြီး ဖြစ်ပါသည်။ ဆီးချို ရောဂါ အကြောင်းကို လုံးဝ လေ့လာထားခြင်း မရှိ သေးသည့် စာဖတ်သူများ အနေဖြင့် အရင် Post နှစ်ခုကို ဖတ်ပြီးမှ ယခု တင်ပြမည့် Gestational Diabetes ကို ဆက် ဖတ်သင့်ပါသည်။ ဆီးချို ရောဂါတွင် Type 1 နှင့် Type 2 နှစ်မျိုးရှိရာ ကိုယ်ဝန် ဆောင်ချိန် ၌ ဖြစ်သော ဆီးချိုရောဂါသည် အများအားဖြင့် အ၀လွန်ခြင်းနှင့် တွဲလေ့ရှိသည့် Type 2 မှာ ၉၈% ဖြစ်ပြီး Type 1 မှာ ၂% ဖြစ်ပါသည်။

Risk Factors of Gestational Diabetes ဖြစ်နိုင်ခြေရှိသည့် အချက်များ

ကျန်းမာရေး ဆိုင်ရာ စနစ်တကျ သုတေသနပြု မှတ်တမ်း တင်ထားသည့် နိုင်ငံများ၏ လက်ရှိ စာရင်းဇယားများ အရ ကိုယ်ဝန် ဆောင်ချိန်၌ ဆီးချို ရောဂါ ဖြစ်နိုင်ခြေ ရှိသည်ဟု သတ်မှတ် ထားခြင်း ခံထားရသည့် အမျိုးသမီး အတော် များများတွင် ဆီးချို ရောဂါ လက္ခဏာကို စမ်းသပ် တွေ့ရှိ နေရသည့်နှုန်းမှာ ယခင်ကထက် ပိုမို များပြားလျက် ရှိပါသည်။ ကိုယ်ဝန်ဆောင်ချိန်၌ ဆီးချိုရောဂါ ဖြစ်စေနိုင်သော အခြေအနေ တချို့မှာ ...

(၁) အသက် ၃၅ နှစ်ကျော်မှ ကလေးယူခြင်း၊
(၂) မိသားစုအတွင်း၌ ဆီးချိုရောဂါ ရှိခြင်း၊
(၃) သန္ဓေသား ပုံမှန်ထက် ကြီးထွားသည့် ကလေးကို ယခင်ကိုယ်ဝန်များ၌ မွေးဖူးခြင်း၊
(၄) ကိုယ်ဝန်ဆောင်စဉ် အ၀လွန်ခြင်း (BMI >27 in Asian & BMI >30 in Caucasian and others)

စသည်တို့ ဖြစ်ပါသည်။

ထို့အပြင် သြစတြေးလျနိုင်ငံတွင် နောက်ဆုံး လေ့လာ တွေ့ရှိ ထားချက်အရ ကိုယ်ဝန်ဆောင်အမျိုးသမီး ၁၀-၁၅% မှာ Gestational Diabetes ကို စမ်းသပ် တွေ့ရှိရပြီး အာရှ၊ အိန္ဒိယ၊ ပစိဖိတ်ကျွန်းနှင့် သြစတြေးလျား ဌာနေတိုင်းရင်းသား အမျိုးသမီးများတွင် ဥရောပ လူဖြူမျိုးနွယ် ကော့ကေးရှန် များထက် ရောဂါ ရရှိသည့် ရာခိုင်နှုန်း ပိုများသည်ဟု သိရပါသည်။ ထို့ကြောင့် အထက်ပါ လေ့လာ ထားချက်အရ အာရှနွယ် မြန်မာ အမျိုးသမီးများ သည်လည်း ကိုယ်ဝန် ဆောင်စဉ် ဆီးချို ဖြစ်နိုင်ခြေများသည့် စာရင်းထဲပါနေသဖြင့် ကိုယ်ဝန် ဆောင်စဉ် အထက်ဖေါ်ပြပါ အခြေအနေထဲမှ အနည်းဆုံး တခုနှင့် တိုက်ဆိုင်နေပါက ဆီးချို ရောဂါ ရှိမရှိကို မိသားစု ဆရာဝန်နှင့် တိုင်ပင်၍ မဖြစ်မနေ စစ်ဆေး သင့်ပါသည်။ Type 1 ဖြစ်ပွားနှုန်း နည်းသော်လည်း လုံးဝမဖြစ်နိုင်သည့် အခြေအနေ မဟုတ်သဖြင့် ကိုယ်ဝန်ဆောင်စဉ် ပိန်လွန်းသော အမျိုးသမီးများ အားလည်း Type 1 ဆီးချို ရှိမရှိ စစ်ဆေး သင့်ပါသည်။

Gestation ကိုယ်ဝန်ဆောင်ခြင်း

ကိုယ်ဝန် ဆောင်ခြင်းသည် မမျိုးဥနှင့် ဖိုသုတ်ကောင်တို့ ပေါင်းစပ်ခြင်းဖြင့် Zygote ခေါ်သန္ဓေ သားလောင်းကို ဖြစ်ပေါ်စေပြီး မိခင်၏ သားအိမ်၌ သန္ဓေသား ကြီးထွားစေသည့် ကိုးလကျော် ကာလ ဖြစ်ပါသည်။ ထိုကာလ၌ ခန္ဓာကိုယ်အတွင်းရှိ ဟော်မုန်းအပြောင်းအလဲနှင့် သန္ဓေသားကြီးထွားမှုတို့ကြောင့် ခန္ဓာကိုယ် အင်္ဂါအဖွဲ့စည်း အသီးသီးရှိ အလုပ်လုပ်မှုစနစ် တချို့ကို ပြောင်းလဲစေပြီး ပုံမှန်မဟုတ်သည့် လက္ခဏာ များကို ကိုယ်ဝန်ဆောင် အမျိုးသမီးများ ခံစား ရလေ့ရှိပါသည်။ အစာခြေအင်္ဂါအဖွဲ့အစည်း (GIT) တွင် gonadal ဟော်မုန်း မြင့်တက်ခြင်း ကြောင့် အစာခြေမှု စနစ်ကို ထိခိုက်ပြီး ခေါင်းမူးခြင်း၊ ပျို့အန်ခြင်း၊ စိတ် မတည်မငြိမ် ဖြစ်ခြင်း ကို ဖြစ်စေပါသည်။ ဆီးစွန့် အင်္ဂါ အဖွဲ့အစည်းတွင် သားအိမ်မှ ဆီးအိတ်အား ဖိထားသောကြောင့် လည်းကောင်း၊ ကျောက်ကပ်၏ အရည် စစ်ထုတ်နှုန်း (Glomerular filtration rate) မြင့်မား လာခြင်းကြောင့် လည်းကောင်း ဆီးများများ သွားခြင်းနှင့် မကြာခဏ သွားခြင်းကို ဖြစ်ပေါ်စေပါသည်။ အသက်ရှူ အင်္ဂါ အဖွဲ့အစည်းတွင် အသက်ရှူနှုန်း မြန်လာခြင်းကြောင့် အဆုပ်၏ ပုံမှန် လေ၀င်လေထွက်နိုင်သည့် အကျယ်အ၀န်း (Tidal Volume) များ လာပြီး ချွဲသလိပ်များ အထွက်များ လာသည်။

နှလုံးသွေးကြော အဖွဲ့အစည်းတွင် သွေးအထုတည် များလာခြင်းနှင့် နှလုံးမှ သွေးလွှတ်ကြောသို့ ထုတ်သည့်အား (Cardiac Output) များခြင်း တို့ကြောင့် သွေးဖိအား များလာစေပြီး နှလုံးသို့ ပြန်လာသော သွေးပြန်ကြော၏ သွေးစီးမှု နှေးကွေး လာသောကြောင့် ခန္ဓာကိုယ် အောက်ပိုင်း အထူးသဖြင့် ခြေသားလုံး တ၀ိုက်တွင် သွေးပြန်ကြောများ ထုံးပြီး သွေးပြန်ကြော ပိတ်ဆို့ခြင်းများ ဖြစ်နိုင်ပေသည်။ ကိုယ်ဝန် ဆောင်စဉ် အမျိုးသမီးများ ခံစားရသည့် လက္ခဏာတချို့သည် ဆီးချိုရောဂါတွင်လည်း တွေ့ရပြီး မူးဝေခြင်း ပျို့အန်ခြင်း၊ ဆီး မကြာခဏ သွားခြင်းနှင့် သွေးဖိအား များခြင်း စသည့် လက္ခဏာ များသည် သာမာန် ကိုယ်ဝန်ဆောင်များအတွက် ပုံမှန်ဖြစ်၍ စိုးရိမ် ဖွယ်ရာ မရှိသော်လည်း အကယ်၍ ဆီးချို (Gestational Diabetes) ကြောင့် ဖြစ်ပါက အထူးစိုးရိမ်ရပြီး သွေးထဲရှိ သကြားဓါတ်ကို ပုံမှန် ဖြစ်အောင် ချက်ချင်း ထိန်းညှိပေးရန် လိုအပ်ပါသည်။

Complications of Gestational Diabetes ဖြစ်လာနိုင်မည့် ပြဿနာများ

ကိုယ်ဝန်ဆောင်စဉ် ဆီးချို ရရှိထားပါက ကလေးနှင့် မိခင် နှစ်ဦးစလုံး အတွက် နောက်ဆက်တွဲ ပြဿနာများ ရှိသဖြင့် ပြဿနာကို မကြီးထွား လာစေရန် ကာကွယ် ကုသရပေမည်။ သာမာန်အားဖြင့် ကိုယ်ဝန်ဆောင်စဉ် ဆီးချို ရရှိသော အမျိုးသမီးများသည် တနှစ်မှ ၁၀ နှစ် အတွင်းတွင် Type 2 နာတာရှည် ဆီးချို ရောဂါကို ရရှိ သွားနိုင်ပါသည်။ ရေတို ကာလတွင်လည်း ကိုယ်ဝန်ဆောင်စဉ် သွေးထဲ သကြားဓါတ်ကို ကောင်းစွာ မထိန်းချုပ် နိုင်ပါက မွေးဖွားသည့် အချိန်တွင် ကလေး ခန္ဓာကိုယ် ကြီးမားခြင်း။ ကလေးသေနှုန်းနှင့် ပုံမှန် မဟုတ်ပဲ မွေးဖွားရသည့်နှုန်း တက်လာခြင်း စသည့် အခြေအနေများကို ရင်ဆိုင် ရနိုင်ပါသည်။ ရေရှည် တွင်လည်း မွေးဖွားလာသော ကလေးအား သတိကြီးစွာ မစောင့်ရှောက်ပါက ကလေးဘ၀ တလျှောက်တွင် အ၀လွန်၍ ၁၀ ကျော်သက် အရွယ်တွင် ကလေးမှာ ဆီးချို ရောဂါ ရရှိနိုင်ပါသည်။ မိခင် အတွက်လည်း ကလေးမွေးပြီး နှစ်အနည်းငယ် အတွင်း နာတာရှည် ဆီးချိုရရှိနိုင်ပါသည်။ အကယ်၍ ဆီးချိုကို ကောင်းစွာ ထိန်းချုပ်နိုင်ပြီး ကလေးမွေးပြီး ကာလတွင်လည်း ဘ၀ လူနေမှုပုံစံ ပြောင်းကာ အာဟာရ၊ လေ့ကျင့်ခန်းနှင့် ကိုယ်အလေးချိန်ကို ထိန်းနိုင်ပါက မိခင်တွင် ရောဂါရရှိခြင်းမှ ၅၈% လျှော့သွား နိုင်ပါသည်။

Diet and Exercise အဟာရနှင့် လေ့ကျင့်ခန်း

ကိုယ်ဝန်ဆောင်မိခင်သည် အစာအဟာရ လုံလောက်စွာ စားသုံးရန်လိုပါသည်။ Glycaemic လျှော့နည်းသည့် ကာဗွန် ဟိုက်ဒရိတ်ကို အကန့်အသတ်ဖြင့် မနက်၊ နေ့လည်၊ ညနေစာအပြင် အစာစားသည့် အကြိမ်တိုင်းတွင် အနည်းငယ်စီ ပါဝင်အောင် ထည့်စားရန် လိုပါသည်။ အင်ဆူလင် ထိုးဆေး အသုံးပြုရန် လိုအပ်မှု လျှော့နည်းစေရန် ကာဗွန်ဟိုက်ဒရိတ် စားသုံးသည့် ပမာဏကို ခန္ဓာကိုယ် အတွက် လိုအပ်သည့် စုစုပေါင်း ကယ်လိုရီ၏ ၄၀% အထိသာ ကန့်သတ် စားသုံးသင့်သည်။ မနက်ပိုင်းတွင် အင်ဆူလင် ခံနိုင်ရည်ရှိမှု ပိုများ သောကြောင့် မနက်စာတွင် ကာဗွန်ဟိုက်ဒရိတ်ကို အနည်းငယ်သာ စားသုံးသင့်ပါသည်။ သွေးထဲ သကြားဓါတ် မြင့်တက်လာမှုကို လျှော့နည်း စေရန် ကိုယ်ဝန်ဆောင်ချိန်၌ တနေ့ လျှင် မိနှစ် ၃၀ ခန့် နေ့စဉ် ပုံမှန် သင့်တင့်သော လေ့ကျင့်ခန်း တခုခုကို လုပ်သင့်ပါသည်။

Follow up Programmes နောက်ဆက်တွဲ လုပ်ဆောင်ရန်လိုသည့် အချက်များ

GD ဖြစ်ခဲ့သော အမျိုးသမီးများသည် ကလေးမွေးပြီး ၂-၄ လအတွင်း Glucose Tolerance Test ဟု ခေါ်သော ဆီးချို စစ်ဆေးမှုကို ပြုလုပ် သင့်ပါသည်။ ဆီးချို မတွေ့ရှိပါက ဆက်လက်၍ နှစ်စဉ် သို့မဟုတ် နှစ်နှစ် တကြိမ် အမြဲ စစ်ဆေး သင့်ပါသည်။ GD ရရှိဖူးသည့် အမျိုးသမီးတိုင်း သက်ဆိုင်သည့် ကျန်းမာရေး ပညာရှင်များနှင့် တိုင်ပင် ညှိနှိုင်းကာ ဘ၀လူနေမှု ပုံစံကို ပြောင်း၍ အဟာရ၊ လေ့ကျင့်ခန်း၊ ကိုယ်အလေးချိန် ထိန်းချုပ်ခြင်း နှင့် မိသားစု စီမံကိန်းတို့ကို စနစ်တကျ စီစဉ်ပြီး လိုက်နာ ဆောင်ရွက် သွားရမည်။

Read More...

Collapse...

Guiding Light

'Guiding Light' (HIV ကူးစက်ခံ ကလေးငယ်များ စောင့်ရှောက်ရေး အဖွဲ့) ဆိုတဲ့ အဖွဲ့အစည်း လေးကို 2007 December မှာ စေတနာရှင် လူငယ်(၆)ဦး နဲ့ စတင် ဖွဲ့စည်း ခဲ့ပါတယ်..

မိဘ နှစ်ပါးစလုံး AIDS ရောဂါနဲ့ သေဆုံးသွားပြီး ခိုကိုးရာမဲ့ဖြစ်နေတဲ့ HIV ကူးစက်ခံ ကလေးငယ်များ အတွက် လူမှုရေး၊ ကျန်းမာရေး၊ ပညာရေး များကို အထောက်အကူ ဖြစ်စေရန် ရည်ရွယ်ခဲ့ပါတယ်..လူငယ်လူရွယ်များ အား HIV, AIDS နှင့်ပတ်သက်သော ကျန်းမာရေး အသိ ပညာများ ဟောပြော လျက်ရှိပြီး လူငယ်များအတွက် လမ်းပြ အလင်းရောင်တစ်ခု ဖြစ်စေရန် ရည်ရွယ် ပါတယ်..

မိဘမဲ့ HIV ကူးစက်ခံ ကလေးငယ်များအား ကျန်းမာရေး စောင့်ရှောက်မှု များအပြင် လစဉ်ငွေ ကျပ်တစ်သောင်းနှင့် လိုအပ်လျှင် လိုအပ် သလို ဆေးဝါးများ အာဟာရများ လှူဒါန်းလျက် ရှိပါတယ် ... ကျောင်းနေ HIVကူးစက်ခံ ကလေးငယ်များ အတွက်လည်း ကျောင်းဝတ်စုံ၊ စာအုပ်နှင့် စာရေး ကိရိယာများ လစဉ် လှူဒါန်း လျက်ရှိပါတယ်...

ယခုအခါ အဖွဲ့ဝင်အလှူရှင် (၁၁၁)ဦးထိ ရှိလာပြီ ဖြစ်ပါတယ် ... အဖွဲ့ဝင် အလှူရှင် များထံမှ တစ်လလျှင် အနည်းဆုံး(၁၀၀၀)ကျပ် နှုန်းဖြင့် လစဉ် ကောက်ခံပြီး HIV ကူးစက်ခံ ကလေးငယ်များ အတွက်သာ အထောက်အကူ ဖြစ်စေရန် ရည်ရွယ်ပါတယ် ... ရငွေ/သုံးငွေ စာရင်း ရှင်းတမ်းကို (၆)လ တစ်ကြိမ် ထုတ်ပေးမှာ ဖြစ်ပါတယ် ...

လိုအပ်ချက်များ

(၁) နောက်ထပ် HIV ကလေးငယ် များအား ရှာဖွေ ထောက်ပံ့ အကူအညီ ပေးနိုင်ရန် အတွက် အဖွဲ့ဝင် အလှူရှင်များ တိုးပွား လာစေရန် ...
(၂) အဖွဲ့အကြောင်း သိရှိ နားလည်ပြီး ကလေးငယ်များအား စာနာသောစိတ်ဖြင့် လှူဒါန်းလာစေရန် ...
* တစ်အိမ် တက်ဆင်း အတင်းအလှူငွေလိုက်လံကောက်ခံခြင်း မပြုလုပ်ပါ ...
(၃) အဖွဲ့အစည်း တိုးတက်စေရန် အတွက် အကြံပြု လာသော ဝေဖန် အကြံပြု ချက်များကို ၀မ်းမြောက် ၀မ်းသာလက်ခံရန် ...
(၄) စေတနာရှင် ဆရာဝန်များ၏ အခမဲ့ အကူအညီ၊ အကြံဉာဏ်များ ...
(၅) စေတနာရှင် များ၏ အကူအညီ၊ အကြံဉာဏ်များ ...
(၆) အဖွဲ့၏ Fund ငွေ အနေအထား အရ နောက်ထပ် ကလေးငယ် တစ်ယောက်အား ထောက်ပံ့ ပေးရန် လိုအပ် နေပါတယ် ...

မိမိ ပတ်ဝန်းကျင်တွင် နွမ်းပါး၍ အကူအညီ လိုအပ်နေသော မိဘမဲ့ HIV ကူးစက်ခံ ကလေးငယ်များ တွေ့ခဲ့ရင် Guiding Light အဖွဲ့ကို လက်တို့ လိုက်ပါ ...

စည်းကမ်း
ကလေးများနှင့် မိသားစုဝင်များ၏ ဂုဏ်သိက္ခာ ကို ထိန်းသိမ်း သောအားဖြင့် အဖွဲ့ဝင်များသည် ကလေးများ၏ ကိုယ်ရေး ကိုယ်တာ အကြောင်း၊ နေရပ်လိပ်စာ အတိအကျကို မလိုအပ်ဘဲ ပြောပြခွင့် မရှိပါ ...

မှတ်ချက်
Guiding Light အဖွဲ့တွင် ရာထူး၊ အဆင့်အတန်း၊ လူမျိုးဘာသာ ခွဲခြားထားခြင်းမရှိပါ ... အားလုံး တစ်စိတ်တစ်ဝမ်းတည်းဖြင့် တိုင်ပင် ညှိနှိုင်း၍ ကလေးငယ်များ အကျိုးအတွက် အတူတကွ ပူးပေါင်း လုပ်ကိုင် ဆောင်ရွက် သွားမည် ဖြစ်ပါတယ် ...

ကလေးငယ်များအတွက် လှူဒါန်းလိုလျှင်

မိုးကုတ်မြို့
ကိုနေလင်းအောင် (Norton)	ဈေးသစ်ထင်းရှူးခြံရပ်။
ကိုဇော်ဝင်းသန့်	အမှတ်(ဇ/၂၅၈)၊ ရွှေဘုံသာရပ်။
မခင်သီတာ	အမှတ်(၁၆၈)၊ မြီု့မရပ်။
မမြင့်မြင့်အေး	အမှတ်(တ/၄)၊ ကိစ္စကုတ်ရပ်။
မသဲသဲ	ကိုးလံရပ်။
မငြိမ်းဆုဝေ(ရတနာလှိုင်း)	အမှတ်(ဆ/၂၄)၊ ထင်းရှူးခြံရပ်။
guidinglight.mgk@googlemail.com

Guiding Light (Mogoke)

Read More...

Collapse...

Post Traumatic Stress Disorder - PTSD

PTSD ဆိုသည်မှာ အကြီးအကျယ် ထိတ်လန့်ခြင်း၊ အသက် ဘေးအန္တရာယ် နှင့် ရင်ဆိုင်ရခြင်း သို့မဟုတ် အခြား ပြင်းထန် ဆိုးရွားသည့် အတွေ့ အကြုံများ ၏ နောက်ဆက်တွဲ အဖြစ် ဖြစ်ပေါ် တတ်သော စိတ်ပိုင်း ဆိုင်ရာ ဝေဒနာ တစ်ခု ဖြစ်ပါသည်။ PTSD ဝေဒနာ ခံစား ကြရသူ များသည် စိတ် မချမ်းမြေ့ ဖွယ် အဖြစ် အပျက် သို့မဟုတ် အဖြစ် အပျက် များအား ပုံစံ တစ်မျိုးမျိုးဖြင့် ပြန်လည် ခံစား ကြရပြီး ထို အဖြစ် အပျက် များအား ပြန်လည် သတိရ စေသည့် နေရာများ၊ လူများ သို့မဟုတ် အခြား အရာများအား ရှောင်လွှဲ လိုကြကာ သာမာန် ဘ၀ အတွေ့အကြုံ များ ကိုပင် ထိခိုက် ခံစား လွယ်ကြ ပေသည်။ ယင်းသို့သော အခြေ အနေများ သည် လူသားတို့ ဘေး ဒုက္ခများ စတင် ခံစား ကြရချိန် ကတည်းက တည်ရှိခဲ့ နိုင်သော်လည်း ၁၉၈၀ ပြည့်နှစ် ရောက်မှသာ PTSD အား တရားဝင် ရောဂါ တွေ့ရှိချက် တစ်ခုအဖြစ် အသိအမှတ် ပြုခဲ့သည်။

သို့သော်လည်း ယင်းကို အစောပိုင်း အချိန်များက အခြားအမည် တစ်မျိုးဖြင့် ခေါ်ဝေါ် ခဲ့ကြကာ အမေရိကန် ပြည်တွင်းစစ် ကာလများ အတွင်းက PTSD ခံစား ခဲ့ကြရသည့် တိုက်ပွဲပြန် စစ်မှုထမ်းဟောင်း များ၏ ဝေဒနာကို စစ်သား နှလုံးရောဂါ 'soldier’s heart' ဟု ခေါ်ဝေါ် ခဲ့ကြသည်။ ပထမ ကမ္ဘာစစ် အတွင်းကမူ PTSD ကဲ့သို့သော ဝေဒနာ များအား တိုက်ပွဲပန်းခြင်း “combat fatigue” ဟု ခေါ်ဝေါ် ခဲ့ကြသည်။ ဒုတိယ ကမ္ဘာစစ် အတွင်းက ထိုသို့သော ဝေဒနာ ခံစားရသည့် စစ်သည်များအား ဆိုးရွားသော စိတ်ဖိစီး ဖောက်ပြန်ခြင်း ဝေဒနာ “gross stress reaction” ခံစားရသူများ ဟု ခေါ်ဝေါ် ခဲ့ကြပြီး ဗီယက်နမ်ပြန် စစ်သည်များ၏ ဝေဒနာကိုမူ ဗီယက်နမ်ပြန် ရောဂါ “post-Vietnam syndrome” ဟု ခေါ်ခဲ့ကြသည်။ PTSD အား တိုက်ပွဲပန်းခြင်း “battle fatigue” နှင့် လက်နက်ကြီးဒဏ် မပြတ် ခံရခြင်း ကြောင့် ဖြစ်သည့် စိတ်ချောက်ချားမှု ဝေဒနာ “shell shock” ဟုလည်း ခေါ်သေးသည်။ အစွဲအလမ်းကြောင့် ဖြစ်သည့် PTSD (Complex Post Traumatic Stress Disorder, C-PTSD) ဝေဒနာမှာမူ စိတ် မချမ်းမြေ့ဖွယ် အဖြစ်အပျက်များအား ကာလရှည်ကြာ သို့မဟုတ် အကြိမ်ကြိမ် ကြုံတွေ့ရာမှာ ဖြစ်ပေါ်တတ်ပြီး စိတ်ခံစားမှုများနှင့် လူမှုရေး အခြေအနေများပါ ရောနှော ပါဝင်သည့် ကြာရှည်ဖြစ်ပေါ် တတ်သည့် ပြဿနာ အဖြစ် သတ်မှတ်ကြသည်။

ခန့်မှန်း အားဖြင့် အမေရိကန် နိုင်ငံမှ ပြည်သူများ၏ ၇% မှ ၈% အထိသည် ၎င်းတို့၏ ဘ၀တွင် PTSD ခံစား ခဲ့ကြရ ပုံပေါ်ပြီး တိုက်ပွဲပြန် စစ်မှုထမ်းဟောင်းနှင့် မုဒိမ်းကျင့်ခံ ခဲ့ရသူများ၏ ၁၀% မှ ၃၀% ထိသည် PTSD ခံစား ခဲ့ကြရသည်။ အမေရိကန် နိုင်ငံအတွင်း ယင်း ဝေဒနာ ခံစား ရမှုနှုန်းသည် လူဖြူများနှင့် နှိုင်းစာပါက အာဖရိကန် မျိုးနွယ်ဝင်များ၊ စပိန် စကားပြောသည့် လက်တင် မျိုးနွယ်များနှင့် အမေရိကန် ဒေသခံ တိုင်းရင်းသားများတွင် ပိုမို မြင့်မားကြောင်းလည်း တွေ့ရသည်။ ထိုသို့ ကွာခြားရခြင်းမှာ ဘေးဒုက္ခ မကြုံမီနှင့် တွေ့ကြုံ ပြီးချိန်များ တွင် မသိစိတ်မှ လက်ခံနိုင်မှု နိမ့်ကျခြင်း၊ တစ်ဦးချင်း သို့မဟုတ် လူမျိုးစုလိုက်မှ မိမိကိုယ်ကို ပြစ်တင် တတ်ခြင်း၊ လူမှုရေးအရ ထောက်ပံ့မှု နည်းပါးခြင်း၊ ထိုလူမျိုးစုများအပေါ် လူမျိုးရေးခွဲခြားမှု မြင့်မားခြင်းနှင့် လူမျိုးစုအလိုက် ပရိဒေ၀ ဖိစီးမှုအား ဖော်ပြပုံ မတူညီခြင်း တို့ကြောင့် ဖြစ်နိုင်ပေသည်။ PTSD နှင့်ပတ်သက်၍ အခြား အရေးပါသည့် အချက်များမှာ အမေရိကန်နိုင်ငံ အတွင်း တွင် မည်သည့် အချိန်တွင် မဆို ခန့်မှန်းခြေ လူငါးသန်းခန့်သည် PTSD ခံစား နေကြရသည် ဆိုသည့် အချက်နှင့် အမျိုးသမီး များသည် အမျိုးသား များထက် PTSD ခံစား ရနိုင်ခြေ နှစ်ဆ ပိုမိုသည် ဆိုသည့် အချက်တို့ပင် ဖြစ်ပေသည်။ မိဘတစ်ဦးဦး အသတ် ခံရသည်ကို မြင်ခဲ့သူ သို့မဟုတ် လိင်ပိုင်းဆိုင်ရာ တိုက်ခိုက်ခံရခြင်း သို့မဟုတ် အသုံးချ ခံရခြင်းတို့ ကြုံခဲ့ရသူ ကလေးငယ်များ၏ ၁၀၀% သည် PTSD ခံစား ရနိုင်ပြီး လူအစုလိုက် အကြမ်းဖက်မှုအား ကြုံတွေ့ခဲ့ရသည့် လူငယ်များ၏ သုံးပုံတစ်ပုံသည် PTSD ခံစားရနိုင် ပေသည်။

PTSD ၏ အကျိုးဆက်များ

PTSD အား ကုသခြင်းမရှိပါက ဝေဒနာ ခံစားရသူ၏ လုပ်ဆောင် ဖွယ်ရာနှင့် ဆက်ဆံရေးများ၊ မိသားစုများ ကိုသာမက ၎င်းတို့၏ လူမှု အသိုက်အ၀န်း ကိုပါ အကြီးအကျယ် ထိခိုက် စေနိုင်ပါသည်။ ငယ်ရွယ် သေးချိန်တွင် လိင်ပိုင်ဆိုင်ရာ မတရား ပြုကျင့်ခြင်း ခံခဲ့ရသည့် အမျိုးသမီး များသည် C-PTSD နှင့် ယဉ်ယဉ်လေး ရူးခြင်း (borderline personality disorder) တို့ကို ခံစားရနိုင်ပေသည်။ ကိုယ်ဝန် ဆောင်စဉ် အတွင်း ထိုသို့သော ဝေဒနာ ခံစားခဲ့ရသူ မိခင်မှ မွေးဖွား လာသော ကလေးငယ်သည် ခန္ဓာကိုယ်အတွင်း အနည်းဆုံး ဓာတုဗေဒ ပြောင်းလဲမှုတစ်ခု ဖြစ်ပေါ်နိုင်ကာ နောက်ပိုင်း ဘ၀တွင် PTSD ခံစားရနိုင်ချေ မြင့်မားပေသည်။ ထိုသို့သောဝေဒနာ ခံစားရသူများတွင် ဆေး ဘက်ဆိုင်ရာ ပြဿနာများ ပိုမို ဖြစ်ပေါ်နိုင်ပြီး မျိုးပွားမှု တွင်လည်း အခက်အခဲ ရှိနိုင်ပေသည်။ စိတ်ပိုင်း ဆိုင်ရာ အရလည်း PTSD ဝေဒနာရှင်များသည် အခြား စိတ်ခံစားမှုဆိုင်ရာ ဝေဒနာရှင် များထက် စိတ်ကျန်းမာရေး ကုသမှုများအား လက်ခံရာ တွင် ပိုမို ခက်ခဲကြသည်။ ကလေးငယ်များနှင့် ဆယ်ကျော်သက် များတွင်မူ PTSD သည် ၎င်းတို့၏ လူမှုရေးနှင့် စိတ်ခံစားမှု ဖွံ့ဖြိုးရေးကို အထူး ထိခိုက်စေနိုင်ပြီး သင်ယူနိုင် စွမ်းရည်ကိုလည်း ထိခိုက် နိုင်ပေသည်။

PTSD ဘာကြောင့် ဖြစ်ရသလဲ?

စင်စစ်အားဖြင့် အသက် အန္တရာယ်ကို ခြိမ်းခြောက်နိုင်သော သို့မဟုတ် တစ်ဦး တစ်ယောက်၏ စိတ္တသုခအား အကြီးအကျယ် ထိခိုက် စေသော အဖြစ်အပျက်တိုင်းသည် PTSD ကို ဖြစ်ပေါ် စေနိုင်ပေသည်။ ထိုသို့သော အဖြစ်အပျက် များတွင် ပြင်းထန်သော မတော်တဆမှု သို့မဟုတ် ရုပ်ပိုင်းဆိုင်ရာ ထိခိုက် နာကျင်မှုအား ကြုံတွေ့ခြင်း သို့မဟုတ် မြင်တွေ့ရခြင်း၊ အသက် အန္တရာယ် ဖြစ်လောက်သည် အထိ ရောဂါ ဝေဒနာ ခံစားရခြင်း၊ ပြန်ပေးဆွဲခံရခြင်း သို့မဟုတ် နှိပ်စက်ညှင်းပန်းခံရခြင်း၊ စစ်ပွဲ သို့မဟုတ် သဘာဝ ဘေးအန္တရာယ် သို့မဟုတ် အခြား ဘေးအန္တရာယ် (ဥပမာ-လေယာဉ် ပျက်ကျခြင်း) သို့မဟုတ် အကြမ်းဖက် သမားတို့၏ တိုက်ခိုက်ခြင်း တို့ကို ကြုံတွေ့ခြင်း၊ မုဒိမ်းကျင့် သို့မဟုတ် ရိုက်နှက် လုယူ သို့မဟုတ် ဓါးပြတိုက် သို့မဟုတ် အပြင်းအထန် တိုက်ခိုက် ခံရခြင်း၊ ရုပ်ပိုင်း သို့မဟုတ် လိင်ပိုင်း သို့မဟုတ် စိတ်ပိုင်း ဆိုင်ရာအရ မတရား အသုံးချ ခံရခြင်းနှင့် ပြည်တွင်း ပဋိပက္ခတွင် ပါဝင်ရခြင်း တို့လည်း အကျုံးဝင် ပေသည်။

PTSD ၏ အန္တရာယ်နှင့် ယင်းအား ကာကွယ်နိုင်မှု

PTSD ဖြစ်လောက် သည်အထိ အန္တရာယ် ကျရောက်စေသော အချက်များတွင် စိတ်မချမ်းမြေ့ဖွယ် အဖြစ်အပျက်၏ ဖြစ်ပေါ်ချိန် ကြာမြင့် ခြင်း၊ ယင်း အဖြစ်အပျက်၏ ဖျက်ဆီးနိုင်မှု မြင့်မားခြင်း၊ အဖြစ်အပျက် မတိုင်မီက စိတ်ခံစားမှု အခြေအနေတစ်ခု ရှိခြင်းနှင့် မိသားစုနှင့် မိတ်ဆွေများ ကဲ့သို့သော လူမှုရေးအရ အထောက်အကူပြုမှု နည်းပါးခြင်းတို့ ပါဝင်ပေသည်။ ထို့ပြင် ကလေးငယ်များနှင့် ဆယ်ကျော်သက် များ၊ အမျိုးသမီးများနှင့် သင်ယူနိုင်မှု ချို့ယွင်းနေသူ သို့မဟုတ် အိမ်တွင်း အကြမ်းဖက်ခံရသူများသည် စိတ် မချမ်းမြေ့ဖွယ် အဖြစ်အပျက် နောက်ပိုင်းတွင် PTSD ခံစားရနိုင်မှု ပိုမိုမြင့်မားသည်။

ဘေးဒုက္ခ အဖြစ်အပျက်များတွင် လက်ငင်း ရုပ်ပိုင်းဆိုင်ရာ လုံခြုံမှုနှင့် ထောက်ပံ့ ပို့ဆောင်ရေး ကိစ္စများအတွက် ဘေးအန္တရာယ် အသင့်ဖြစ် ရေး လေ့ကျင့်မှုများ (disaster-preparedness training) သည် ယေဘုယျအားဖြင့် ကောင်းသော အကြံများဖြစ်သကဲ့သို့ပင် PSTD ဝေဒနာအတွက် အရေးပါသော ကာကွယ်မှုကိုလည်း ပေးနိုင်ပေသည်။ သက်သေ သာဓကအနေဖြင့် ပညာရှင်အဆင့် လေ့ကျင့်မှု နှင့် အတွေ့အကြုံ ရရှိထားသူများ (ဥပမာ-ရဲများ၊ မီးသတ်သမားများ၊ စိတ်ကျန်းမာရေးပညာရှင်များ၊ ဆေးဘက်အကူများနှင့် အခြား ဆေးဘက်ပညာရှင်များ) သည် ဘေး အန္တရာယ်များနှင့် ကြုံတွေ့သည့်အခါ ထိုသို့သော လေ့ကျင့်မှုနှင့် အတွေ့အကြုံ မရှိသူများထက် PTSD ခံစားရမှု နည်းပါးကြောင်း တွေ့ရသည်။

အချို့ ဆေးဝါးများသည်လည်း PTSD ဝေဒနာကို ကာကွယ်နိုင်ကြောင်း တွေ့ရသည်။ စိတ်ကျရောဂါ ကုသရန်၊ နှလုံးခုန်နှုန်း လျှော့ချရန် သို့မဟုတ် အခြားသော ကိုယ်ခန္ဓာ ဓါတုပစ္စည်းများ၏ လုပ်ငန်းကို တိုးမြှင့်ရန် အသုံးပြုသည့် အချို့ဆေးဝါးများအား ဘေးအန္တရာယ် ကြုံတွေ့ခဲ့ရ သူများအား ဘေးဒုက္ခ ကျရောက်ပြီးချိန်တွင် တိုက်ကျွေးပါက PTSD ကို ထိရောက်စွာ ကာကွယ် ပေးနိုင်ကြောင်း တွေ့ရ သည်။

PTSD ၏ ရောဂါလက္ခဏာများ

PSTD အား လေ့လာရာတွင် ခွဲခြားရန်လိုအပ်သည့် ရောဂါလက္ခဏာအုပ်စု သုံးခုမှာ-

* ဘေးဒုက္ခအား အကြိမ်ကြိမ် ပြန်လည် ခံစားနေရခြင်း (ဥပမာ-စိတ်ပျက်ဖွယ်အကြောင်းအရာများအား မှတ်မိနေခြင်း၊ ဘေးအန္တရာယ် အဖြစ်အပျက်များအား ပြန်လည် မြင်ယောင်ခြင်း၊ ဘေးအန္တရာယ်နှင့်ပတ်သက်၍ အကြိမ်ကြိမ် အိပ်မက်ဆိုးများ ပြန်မက်ခြင်း)
* ဘေးအန္တရာယ် ကျရောက်ခဲ့သည်ကို ပြန်လည် အမှတ်ရစေသည့် နေရာ၊ လူများနှင့် အတွေ့အကြုံများအား ထိတ်လန့် ရှောင်လွှဲ လိုခြင်းနှင့် စိတ်ခံစားမှုအရ အလိုက်သင့် တုံ့ပြန်နိုင်စွမ်းများ ယေဘုယျအားဖြင့် ထုံထိုင်းသွားခြင်း
* အ်ိပ်စက်မရခြင်း၊ အာရုံစူးစိုက်ရ ခက်ခဲခြင်း၊ စိတ်ကသိကအောက် ဖြစ်လွယ်ခြင်း၊ ဒေါသထွက်လွယ်ခြင်း၊ အာရုံစိုက်မှု အားနည်းခြင်း၊ မှတ်ဉာဏ်ပျောက်ခြင်း သို့မဟုတ် မှတ်သားရန် ခက်ခဲခြင်း၊ ခြောက်လှန့်မှုအား တုံ့ပြန်မှု မြင့်မားခြင်းနှင့် အန္တရာယ်အား လိုသည်ထက် ပို၍ သတိဝီရိယရှိခြင်း စသည့် နိုးကြားမှုလွန်ကဲခြင်း၏ ရုပ်ပိုင်းဆိုင်ရာ နာတာရှည် လက္ခဏာများ ဟူ၍ ဖြစ်ပေသည်။

PTSD ကြောင့် စိတ်ခံစားမှုပိုင်း ထုံထိုင်းသွားခြင်းသည် ယခင်နှစ်ခြိုက်ခဲ့သည့်အရာများအား စိတ်ဝင်စားမှု လျှော့နည်းခြင်း (anhedonia)၊ စိတ်ခံစားမှု ဆိတ်သုဉ်းခြင်း၊ အခြားသူများနှင့် ဝေးရာတွင်နေခြင်း သို့မဟုတ် တိုတောင်းသော ရှေ့အနာဂါတ်ကိုသာ မျှော်တွေးခြင်း (ဥပမာ-လူတစ်ဦးသည် ကြာရှည် အသက်ရှင် နေနိုင်သည်ဟု မယုံကြည်တော့သဖြင့် အနာဂါတ်အကြောင်း မတွေးနိုင်ခြင်း သို့မဟုတ် အနာဂါတ် စီမံကိန်း မချနိုင်ခြင်း) စသဖြင့် လက္ခဏာ ပြပေလိမ့်မည်။ PTSD အဖြစ်သတ်မှတ်ရန် အနည်းဆုံး တစ်လအတွင်း ဘေး ဒုက္ခအား ပြန်လည် ခံစားရခြင်း တစ်ကြိမ်၊ ဒုက္ခအား ပြန်လည် သတိရစေသည် များအား ရှောင်လွှဲခြင်း သို့မဟုတ် ခံစားမှု ထုံထိုင်းခြင်း သုံးကြိမ်နှင့် နိုးကြားမှုလွန်ကဲခြင်း နှစ်ကြိမ် ဖြစ်ပေါ်ခံစားရမည်ဖြစ်ပြီး သိသိသာသာ စိတ်ဓါတ်ကျနေခြင်း သို့မဟုတ် လုပ်ကိုင် ဆောင်ရွက်မှု ပျက်ပြား နေခြင်း လက္ခဏာများ ရှိရပေမည်။ PTSD သည် သုံးလ သို့မဟုတ် ထို့ထက် ပိုကြာပါက ရောဂါ တာရှည်သည်ဟု သတ်မှတ် ရပေမည်။

ရောဂါ လက္ခဏာ တူညီသော အခြား ဝေဒနာတစ်မျိုးမှာ အကြီးအကျယ် စိတ်ဖိစီးမှု ဝေဒနာ (acute stress disorder, ASD) ဖြစ်ပေ သည်။ ယင်း ဝေဒနာနှစ်ခုအကြား အဓိက ကွာခြားချက်မှာ ASD သည် နှစ်ရက်မှ လေးပတ်အထိသာ ကြာတတ်ပြီး ရောဂါ သတ်မှတ်ရာ တွင် PTSD နှင့်နှိုင်းယှဉ်ပါက ရောဂါလက္ခဏာ အနည်းငယ်သာ ပြရန် လိုအပ်ပေသည်။

ကလေးများ တွင်မူ ဘေးဒုက္ခအား ပြန်လည် ခံစားရမှုသည် ဘေးဒုက္ခကြီးအား ပြန်လည် မြင်ယောင်ခြင်းမျိုးမဟုတ်ဘဲ စိတ်ဓါတ်ကျဖွယ် အိပ်မက်များ မြင်မက်ခြင်းကိုသာ ယေဘုယျ အားဖြင့် တွေ့ရသည်။ အရွယ်ရောက်ပြီး သူများတွင်မူ အနည်းဆုံး တစ်လအတွင်းတွင် ပြန်လည် မြင်ယောင်ခြင်း တစ်ကြိမ်၊ ဒုက္ခအား ပြန်လည် သတိရစေသည် များအား ရှောင်လွှဲခြင်း သို့မဟုတ် ခံစားမှု ထုံထိုင်းခြင်း သုံးကြိမ်နှင့် နိုးကြားမှုလွန်ကဲခြင်း နှစ်ကြိမ် ဖြစ်ပေါ် ခံစား ရမည်ဖြစ်ပြီး သိသိသာသာ စိတ်ဓါတ် ကျနေခြင်း သို့မဟုတ် လုပ်ကိုင် ဆောင်ရွက်မှု ပျက်ပြား နေခြင်း လက္ခဏာများ ရှိနေလျှင် PTSD အဖြစ် သတ်မှတ် ရမည် ဖြစ်သည်။ လက္ခဏာ ပြသချိန် တစ်လထက် နည်းပါက ASD စစ်ဆေးမှု ပြုလုပ် နိုင်ပေသည်။

PTSD ကို ဘယ်လိုရင်ဆိုင်ကြမလဲ?

PTSD လူနာများအား ၎င်းတို့၏ ဝေဒနာကို ရင်ဆိုင်ရန် အကြံပြုရာတွင် ဝေဒနာ အကြောင်း ပိုမိုလေ့လာခြင်းနှင့် မိတ်ဆွေများ၊ မိသားစုဝင် များ၊ ပညာရှင်များနှင့် PTSD ဝေဒနာခံစားဖူးပြီး ပျောက်ကင်း သက်သာပြီးသူ များနှင့် စကားပြောခြင်း နည်းလမ်းများ ပါဝင် ပေသည်။ PTSD ဝေဒနာရှင်များ အချင်းချင်း စုဝေး ပေါင်းသင်းခြင်း သည်လည်း အထောက်အကူ ပြုနိုင်ပေသည်။ အခြား နည်းလမ်းများ တွင် သက်တောင့်သက်သာ ဖြစ်စေသော နည်းလမ်းများ (ဥပမာ-အသက်ရှုလေ့ကျင့်ခန်း၊ အကောင်းမြင်ခြင်း)၊ ပညာရှင်များမှ ညွှန်ကြားသည့် အတိုင်း တက်ကြွစွာ ဆောင်ရွက်ခြင်း၊ အပြုသဘော ဆောင်သော ဘ၀နေမှုပုံစံအား တိုးမြှင့်ခြင်း (ဥပမာ-လေ့ကျင့်ခန်း ယူခြင်း၊ ကျန်းမာရေးနှင့်ညီစွာ စားသောက်ခြင်း၊ အလုပ်လုပ်ကိုင်သူ ဖြစ်ပါက ကျန်းမာရေးနှင့် လျှော်ညီသော အလုပ်ချိန်ဇယား ထားရှိခြင်း၊ ပရဟိတ လုပ်ငန်းများ လုပ်ကိုင်ခြင်း) နှင့် ငွေကြေးဥစ္စာ အလွဲသုံးစားပြုခြင်း၊ တစ်ကိုယ်တည်း သင်းကွဲနေခြင်း၊ အလုပ် အလွန်အကျွံ လုပ်ခြင်းနှင့် မိမိကိုယ်ကို ဖျက်ဆီးခြင်း သို့မဟုတ် သတ်သေခြင်း ကဲ့သို့သော အဖျက်သဘော ဆောင်သည့် ဘ၀နေမှု ပုံစံ များအား လျှော့ချ ခြင်းများ ပါဝင်ပါသည်။

(PTSD ဆိုသည်မှာ နာဂစ်အလွန် မြန်မာ ပညာရှင်များအကြား အပြောများ လာသော စိတ်ပိုင်းဆိုင်ရာ ဝေဒနာတစ်ခု ဖြစ်ပါသည်။ မုန်တိုင်းဒဏ် ပြင်းထန်စွာ ခံစားခဲ့ရသည့် ဒေသများမှ ပြည်သူများ အနက် ၂၂ ရာခိုင်နှုန်းခန့်သည် ထိုသို့သော ဝေဒနာများ ခံစား နေကြရသည် ဟုလည်း Post-Nargis Joint Assessment အရ သိရှိရပါသည်။ ထိုကြောင့် မိတ်ဆွေများ လေ့လာနိုင်ရန် ဖော်ပြ လိုက်ရခြင်း ဖြစ်ပါသည်။)

Ref: www.medicinenet.com, “Posttraumatic Stress Disorder” by Roxanne Dryden-Edwards and Melissa Conrad Stöppler

(စတန်လေ)

ကိုစတန်လေ ထံ မှ ကူးယူ ဖေါ်ပြပါသည်။

Read More...

Collapse...